رواية غوى بعصيانه قلبي الجزء الثاني للكاتبة نهال مصطفى كاملة
اقتباس من الجزء الثاني بعنوان: خلق القلب عصيا
تترقب بأعينها الحاقدة والناقمة " تميم " الجالس على طرف المسبح يقرأ كتابًا في مجال الأدب الذي يفضله، صفحة وراء الأخرى تطوي بين سطورها أذهانه وتسارع ضربات قلبه تارة وأخرى تهدأ، فارقت "عبلة" الطاولة التي كانت تجلس بجوارها واقتربت منه حتى وقفت خلفه عاقدة ذراعيها أمام صدرها وقالت بخبث:
-مش كفاياك كذب وتمثيل! ووقف المسرحية البايخة بتاعتك دي؟
كان لصوتها أثر الصاعقة التي تتصدع لها الآذان، قفل الكتاب بكلتا يديه محدثًا صوتًا مسموعًا وقال بجزع:
-أهو بنتعلم منك يا عبلة هانم!
زفرت باختناق ثم هتفت بسخرية: -لا أزاي! دا أنت أستاذ ورئيس قسم!
ثم مالت إلى أذانه هاتفه بنبرة كفحيح الأفعى: -قبل ما دماغك توديك كده ولا كده، أعرف حجم خصمك الأول، وعبلة المحلاوي لحمها مر أوي!
ألتوى ثغره ببسمة ساخرة وتلاقت عيونهم الثائرة في ساحة الحرب الصامتة الدائرة بينهم و رد ب مضض: -الله يكون في عون الكلاب اللي هتاكلها!
انتصبت قامتها بعد ما بد شبح الخوف يطوف بمقلتيها وقالت بتوجس: -ولا تقدر تعمل حاجة! أنت فاكر نفسك مين! اللي كان عايز يعمل كان عمل من زمان، لكن أنت فضلت العجز.
-الهدنة مش نهاية الحرب، دي فترة من الاستعداد والتجهيز عشان نرجع أقوى! فبلاش تستعجلي وتحطي نتيجة وهمية من دماغك، هتتفاجئ بعدين!
-أحنا ممكن نوفر ده كله ونتفق، لأن المفاجئات بتجنني وبتخليني أفقد السيطرة وممكن أنت اللي تزعل بعدين!
عض على كبريائه وحزنه ؛ وتفوه بضجر كظيم: -لابد من ماتش اعتزال لأي لاعب محترف! واللي عمله في شبابه مش هيتكرر، مهما حاول وسعى! وأنت دلوقتي مكانك على الدِكة يا مراة أبويا.
ثم رفع أنظاره إليها: -قتلتي أمي، وحاولتي تقتليني أنا كمان. أيه أنتِ ما بتعرفيش غير القتل!
رفعت حاجبها بإختناق لفشلها السحيق وقالت بتوعد: -المرة دي هخليك تستناه وتتمناه يا تميم.
ثم رفعت أنظارها نحو الشرفة التي تُراقبهم منها شمس بعيونها الفاحصة والقلقة، اهتز الكوب الذي تحمله بين راحتي كفها عندما صوبت أسهم النظرات إليها، فأيقنت أن الحديث انحرف إليها وباتت محور كلامهم، شق سيف الانتقام ثغرها وقالت عبلة بنبرة مهددة: -المرة دي هاخد كل اللي حوليك، هخليك عايش لوحدك لحد ما تتجنن، هتبقى الحياة بالنسبة لك قبر، هيوحشك صوت البني آدمين...
رفع حاجبه مستمتعًا لتلك المعركة الشيقة وسألها: -يا أما؟
صمتت لدقيقة أخذت فيها نفسًا طويلًا وقالت: -أو تاخذ قرشين يكفوك أنت والسنيورة بتاعتك وسفرك برة البلد على حسابي، وتختفي من حياتنا يا تميم! يا أما هخفيك أنا من على وش الأرض!
عصر مسند المقعد المُتحرك بقبضته الحديدية وهو يدفن غضبه بداخله كي لا يحقق مُناها ومقصدها في خروجه عن السيطرة واندفاعه بوجهها، جز على فكيه بمرارة حتى ختمت حديثها بسؤالها الحارق: -يا ترى العروسة بتاعتك عارفة بكذبك! يعني مخدوعة فيك زي كل الناس كده؟
-ينفع تشليها من دماغك خالص، النار اللي بينا مش هسمحلها تحرق شخص ملهوش ذنب.
قهقهت بصوتها الرقيع في ضحكة فاتنة وقالت بنبرة لا يسمعها غيره: -ومش حرام تضحك على البنت كده! عموما ما يرضنيش أنها تكون مخدوعة فيك أكتر من كدا.
تلقى تهديدها بسخرية: -أي هتروحي تقوليلها!
-لالا. أنا هثبت لها وهثبت لعاصي أخوك اللي واقف فوق بيتفرج علينا!
لم تمنحه الفرصة كي يفكر في مدى دهائها للانتقام وما ستفعله بتلك السرعة، ألقت الهاتف من يدها ثم جثت على ركبتها متحججة به وبشاشته المكسورة كي تتمكن من تنفيذ مخططها الشرير، وفجأة طالت أصابعها مركز التحكم بالمقعد المتحرك حتى فقد تميم اتزانه و انكب لوجهه ب الماء على غفلة. تبسمت بمكر قبل ما تصيح مستغيثة ومؤدية دورها على مسرح جريمتها: -وريني بقا، هتستسلم للموت ولا هتفضح نفسك وتطلع على رجليك!
فصول رواية غوى بعصيانه قلبي الجزء الثاني
- رواية غوى بعصيانه قلبي الجزء الثاني للكاتبة نهال مصطفى الفصل الأول
- رواية غوى بعصيانه قلبي الجزء الثاني للكاتبة نهال مصطفى الفصل الثاني
- رواية غوى بعصيانه قلبي الجزء الثاني للكاتبة نهال مصطفى الفصل الثالث
- رواية غوى بعصيانه قلبي الجزء الثاني للكاتبة نهال مصطفى الفصل الرابع
- رواية غوى بعصيانه قلبي الجزء الثاني للكاتبة نهال مصطفى الفصل الخامس
- رواية غوى بعصيانه قلبي الجزء الثاني للكاتبة نهال مصطفى الفصل السادس
- رواية غوى بعصيانه قلبي الجزء الثاني للكاتبة نهال مصطفى الفصل السابع
- رواية غوى بعصيانه قلبي الجزء الثاني للكاتبة نهال مصطفى الفصل الثامن
- رواية غوى بعصيانه قلبي الجزء الثاني للكاتبة نهال مصطفى الفصل التاسع
- رواية غوى بعصيانه قلبي الجزء الثاني للكاتبة نهال مصطفى الفصل العاشر
- رواية غوى بعصيانه قلبي الجزء الثاني للكاتبة نهال مصطفى الفصل الحادي عشر
- رواية غوى بعصيانه قلبي الجزء الثاني للكاتبة نهال مصطفى الفصل الثاني عشر
- رواية غوى بعصيانه قلبي الجزء الثاني للكاتبة نهال مصطفى الفصل الثالث عشر
- رواية غوى بعصيانه قلبي الجزء الثاني للكاتبة نهال مصطفى الفصل الرابع عشر
...باقي الفصول اتباعا كل يوم فصل