نوفيلا لحظات خاصة (أحفاد الجارحي) للكاتبة آية محمد رفعت كاملة
تنويه: هذه النوفيلا هي نوفيلا قائمة بذاتها وفي نفس الوقت هي تمهيد يربط بين الجزء الرابع والجزء الخامس من أحفاد الجارحي
اقتباس طويل
لم تكن الفتيات تمتلكن شجاعة تأهلهن للسيطرة على الأمر، وخاصة بأنهن من تركن القصر وتمردن على أزواجهن، فقد خططت "رحمة" و"نور"جيدًا للبقاء بمنزل منعزل عن الشباب بعد أن وكلهم "ياسين الجارحي" بالوقوف أمام الشباب بأحد الصفقات، فازدادت الامور ربكة بينهم، لذا قرروا بترك القصر والانعزال بذلك المنزل حتى تتم المحاربة بينهم على ألهبة من النيران، وها قد أتت لحظة ملأها الندم لاتخاذ مثل هذا القرار الأحمق، كسر الصمت المطبق بينهن أسفل منضدة الطعام المطولة صوت "مليكة" المرتجف وهي تهمس اليهن:
_تفتكروا ده حرامي!
ردت عليها "أسيل" برعبٍ:
_حرامي هيدخل يسرق بالنهار يا مليكة!!
قالت "شروق" برهبةٍ:
_طب يعني الصوت ده مصدره ايه، مهو الناس اللي برة دي مش جايلنا زيارة يعني!
ابتلعت "رانيا" ريقها الجاف بصعوبة بالغة، وهي تطرح خيارًا اضافيًا من امامهن:
_تفتكروا الشباب يكونوا بينتقموا من اللي عملناه فيهم فبعتوا ناس تخلص مننا؟
أكدت "نسرين" الأمر:
_أنا مع رانيا، اكيد طبعا بعد ما قلينا معاهم واستقوينا بعمي ياسين حبوا يخلصوا مننا خالص.
قالت مروج بندم:
_انا مش عارفة ايه اللي خلاني اسمع كلامكم بس، طب انا لا ليا لا في شغلكم ايه اللي مشاني ورا كلام نور وخلاني اسيب بيتي وابني واجي هنا!
رددت شروق بخوفٍ:
_اخرتها موتة شريفة رحيمة وبنت ناس ومحترمة لينا وللي شار علينا الشورة المهببة دي.
صاحت "اسيل" بغضبٍ سيطر عليها:
_كله من نصايح استاذة رحمة والمؤرخة نور اللي عملنا فيها جيمس بوند دي.
اجابتها "نور" بحدةٍ:
_تصدقوا انا غلطانه اني بعملكم كيان وقيمة قدامهم.. دول لغوا شخصياتكم خالص، وبعد ما خليناكم تثبتوا نفسكم قدامهم تلومونا.. ايه ذنبنا ان رجالتكم طلعوا قتالين قتلة؟
لكزتها رحمة بغضب:
_قطع لسانك عدي مستحيل يكون كده، هو بس واخد بخاطره مني بس متوصلش لدرجة انه يقتلني!!
كزت مليكة على اسنانها بعصبية بالغة:
_ده وقت خناق.. هتفرحوا يعني لما يلاقوا مكانا ويخلصوا علينا!!
تهدلت معالمهم بيأس، فقالت رحمة بصوتٍ اشبه للبكاء:
_طب نعمل ايه دلوقتي، اتصل بعدي يجي يلحقنا هو خبير بالتعامل مع المجرمين وهيعرف يتصرف!
كادت "أسيل" بأن تدك عنقها وهي تصرخ بانفعال:
_بتسالينا نعمل ايه وانتي ووش الندامة دي السبب ده انا هطلع بروحك النهاردة.
فصلت بينهن نور وهي تصيح بتريث:
_بس يا بت منك ليها، احترموا وجودي الله..
والتفت تجاه رحمة لتشير لها بسخرية:
_وانتي ياما من اول وقعة كده عايزة تجري لاحضان سي عدي ما تنشفي كده امال.
اجابتها بنفس النبرة الساخرة:
_انشف!!.. نور يا حبيبتي انتي ليه مش مقدرة اللي احنا فيه يا ماما. في مجرمين برة داخلين علينا باسلحة واحنا لوحدينا من غير راجل!!
رمشت بعينيها بمللٍ:
_وفيها ايه احنا يعني منعرفش ندافع عن نفسنا!
قالت "رانيا":
_نعم هندافع عن نفسنا ازاي يعني واحنا مستخبين زي الفار المبلول، لا احنا نتصل بيهم افضل انا مع حل رحمة.
اشارت لها بتفاؤل:
_بصي على النقطة الايجابية احنا مستخبين بالمطبخ حيث الاسلحة وما يلزم استخدامه من مسحات وحلل ومقشات واهمهم السكاكين..
اشارت لها نسرين بصدمة:
_سكاكين هي الحكاية هتوصل للدرجادي... لا انا على وش ولادة ابوس ايدك روحيني..
ربتت نور على كتفيها وهي تمنحها ابتسامة غريبة:
_خلاص هنديكي مقشة احسن.. المهم تكوني مرتاحة للسلاح اللس هتحاربي بيه عشان تقدري تستهدفي اصابة صح.
ثم اتجهت نظراتها لهن لتبدأ بتوزيع المهام:
_وانتي يا شروق هنديكي الغطيان بتاعت الحلل، عايزكي تمسكي الراس كده بالغطا خبطة شمال وخبطة يمين بحيث يجيله ارتجاج بالمخ فهماني؟
جحظت عينيها في صدمةٍ، وقبل ان تستوعب ما تقول تسللت نور من اسفل المنضدة ثم بدأت رحلتها بالبحث بالمطبخ عما يمكن استخدامه، فناولت شروق اثنين من غطى الاوعية، ولنسرين ورانيا عصا استخراجتها من المقشات اليدوية، بينما قدمت لرحمة خبازة المعجبات الضخمة، ولمليكة منحتها وعاء يحمل خليط من توابل الشطة والفلفل الاسود وهي تؤكد عليها استهداف الاعين، بينما منحت مروج ومليكة شوك حادة وما يتوفر لديهم من سكاكين صغيرة الحجم، واستخدمت هي مفتاحًا خاص بالانابيب ثم وزعت نظؤاتها بينهم وهي تردد باعجاب:
_كده تمام... توكلنا على الله.
اوقفتها رحمة بصدمة:
_هو احنا اللي هنهجم كمان!
اشارت لها بتاكيد:
_طبعا امال نستنى لحد ما يخلصوا علينا!!!
اقتربت منها مليكة ثم قالت بارتباك:
_طب ما نكلم بابا احسن.
صاحت بها بانفعال:
_ونقلق عمي ليه الله الراجل لسه راجع من شهر العسل هو وامك ومعالم باريس عالقة بذهنه نشده لجريمة هو بغنى عنها.. احنا نخرج ونقولهم احنا تبع ياسين الجارحي على طووول وناديهم درس مينسهوش.
ثم اتجهت ناحية الباب وهي تشير لهن.. فاتبعوها للخارج..
في تلك اللحظة انتهى الرجال من البحث عنهم بالاعلى وحينما لم يجدوهم هبطوا لاستكمال اليحث بالاسفل، فتسللت الفتيات بقيادة نور من خلفهم ثم رفعت نور ما تحمله وهي تصرخ قائلة:
_بينا يا بنااااات.
وهبطوا بما يحملوه فوق رؤؤسههم والاخرون بصدمة كبيرة لم يتمكن احدا من الافاقة بما يحدث هنا وخاصة بمن يقفوا على الباب وصدمة ما يحدث لرجالهم قد كممت الافواه..
تأوه احد من الرجال حينما طعنت عينيه بمزيج من الشطة الحارة فصاح بصراخ:
_عيــــــــــــني... الحقوووووووونا.
ضحكت الفتيات بثقة لما تمكنوا من احداثه، فقالت نور بغرور:
_بقوا انتوا سايبن الدنيا كلها وجايين عندنا برجليكم... ده احنا فتيات عاملات قويات.... خد دي.
وقامت بلكمه بالمفتاح الحديدي، فصرخ نجدة برئيسه الذي يقف بالخارج مصدومًا:
_الحقنا يا عدي باااشا.
رددت رحمة بدهشة:
_وده يعرف عدي منين؟
قال احد من الرجال بسرعة لينجو بحاله:_عدي باشا واحمد باشا وعمر باشا وياسين والله نعرفهم كلهم...
قالت رحمة بشك:
_يبقى انتوا استغليتوا اننا بعيد عنهم وجاين تنتقموا مننا فيهم، اكيد علموا عليكم في حاجة.. اتوصوا بالرجالة يا بناااات...
انصاعت لها الفتيات وتحمسن حينما افتكت بهم ضرباتهم او هكذا ظنوا فان شاء الرجال لابرحوهم ضربًا ولكنهم يخشون حتى مجرد مقاومتهم خوفا من رؤسائهم، فقطع تلك الفوضة صوت بات صادما للجميع اتاهم من خلفهم يردد:
_ما شاء الله.. بقيتوا بلطجية كمان!
استدرت الفتيات للخلف فصعقوا حينما وجدوا الشباب من خلفهم، افواههم تكاد تصل للارض، فاقترب احمد من اسيل ثم جذب الشوكة التي تحملها وهو يردد بصدمة:
_دي ايه يا اسيل انتي هاجمه على طبق سلطة!
اضاف حازم ساخرا:
_المقشات لا يعلى عليها بس مش لحرب فيها اسلحة!!!
وردد ياسين بغيظٍ:
_ارمي يا حبيبتي خلة السنان اللي انتي ماسكها دي وتعالي حسابك تقل اوي.
القت مليكة السكين الصغير عن يدها ثم اسرعت هي واسيل لتقفن خلف نور ورحمة التي كاد قلبها بالتوقف رعبًا، اشتعلت نظرات عدى غضبا وصاح بمن جواره:
_ساعدوهم.
انصاع اليه جاسم ورائد فاسرعوا تجاه الرجال وكلا منهما يحاول ايقاف الاخرى، وكلا منهم يخطو ببطء فوقف زعيمهم امام عدي ثم قال:
_انا نفذت اوامرك وجت هنا يا عدي باشا بس زي ما حضرتك شوفت اتبهدلنا انا ورجالتي.
اجابه وهو يحك مقدمة انفه بحرج:
_معلش يا صلاح انا هعوضك انت ورجالتك عن الهبل ده.
اخبره عمر الذي تمكن من السيطرة اخيرا على صدمته:
_استنوني برة انا هعالج الجروح بنفسي..
هز راسه بوقار لهم ثم كاد بان يلحق برجله ولكنه استدار تجاه الفتيات ثم تطلع لعدي قائلا:
_ دول مش عايزين حراسة ما شاء الله يحرسوا مديرية.
اسرعت نور تجاهها فتراجع الرجل للخلف بخوف ولكنه وجدها تخبره بابتسامة واسعة:
_شكرا لشهادتك الغالية دي يابوصلاح خد بالك بقى من نفسك ومتعملهاش تاني وتدخل بيوت ناس من غير استأذان وخاصة لو كانوا ستات يكفيك شرهم وشر طريقك..
هز الرجل رأسه ثم غادر على الفور بينما منحها عمر نظرة نارية ثم قال من بين اصطكاك اسنانه:
_عملت ايه في حياتي عشان ربنا يبتليني بيكي..
وامسك بها من قبعة البيجامة التي ترتديها ثم هبط بجسدها للاسفل وهو يصيح:
_عملالي فيها زعيمة عصابة، بتضربي الرجالة يا نور!!
قالت بخوف:
_هما دول رجالة دول كسر حرب!
فصل عدي بينهما وهو يصيح بشراسة:
_عمر ارجع مكانك.
استمع اليه وعاد ليقف محله، بينما خرج عدي عن زمام رزانته حينما اخشوشنت نبرته:
_ارموا لعب العيال اللي في ايديكم ده واتفضلوا غيروا هدومكم وحالا على العربية مفيش بيات هنا بعد النهاردة وشوفوا بقى مين اللي هيقدر يوقفني عن قراري ده..
_أنا اللي هوقفك.
صوت آخر لطالما اعتدنا بانه الحازم والذي تنتهي عنده الف نقطة وحدث، صوت اعتادناه صارمًا بالدرجة التي يوجد بها كلام... أصبت انه نفسه.... ياسين الجارحي!!!!!!!!!
الأجزاء السابقة من رواية أحفاد الجارحي
- رواية أحفاد الجارحي الجزء الأول للكاتبة آية محمد رفعت كاملة
- رواية أحفاد الجارحي الجزء الثاني بقلم آية محمد رفعت كاملة
- رواية أحفاد الجارحي الجزء الثالث بقلم آية محمد رفعت جميع الفصول
- رواية أحفاد الجارحي الجزء الرابع بقلم آية محمد رفعت جميع الفصول
فصول نوفيلا لحظات خاصة (أحفاد الجارحي)
- نوفيلا لحظات خاصة (أحفاد الجارحي) للكاتبة آية محمد رفعت مقدمة واحد
- نوفيلا لحظات خاصة (أحفاد الجارحي) للكاتبة آية محمد رفعت مقدمة اثنان
- نوفيلا لحظات خاصة (أحفاد الجارحي) للكاتبة آية محمد رفعت مقدمة ثلاثة
- نوفيلا لحظات خاصة (أحفاد الجارحي) للكاتبة آية محمد رفعت مقدمة أربعة
- نوفيلا لحظات خاصة (أحفاد الجارحي) للكاتبة آية محمد رفعت مقدمة خمسة
- نوفيلا لحظات خاصة (أحفاد الجارحي) للكاتبة آية محمد رفعت مقدمة ستة
- نوفيلا لحظات خاصة (أحفاد الجارحي) للكاتبة آية محمد رفعت مقدمة سبعة
- نوفيلا لحظات خاصة (أحفاد الجارحي) للكاتبة آية محمد رفعت مقدمة ثمانية
- نوفيلا لحظات خاصة (أحفاد الجارحي) للكاتبة آية محمد رفعت مقدمة تسعة
- نوفيلا لحظات خاصة (أحفاد الجارحي) للكاتبة آية محمد رفعت مقدمة عشرة والأخيرة
تمت