قصة شباب طفلة الجزء الثاني بقلم إسراء محمود الفصل الأول
فى يوم رجعت ملك الفيلا مع اخوها ساهر وهى دخلت وهو فضل فى الجنينة
ملك: ايه مش هتدخل معايا
ساهر: اسبقينى انتى وانا جاى وراكى
ملك: ماشي
تدخل ملك وتسلم على بباها وتطلع الاوضه
ملك: مساء الخير يااحلى بابا
فريد بابتسامة: مساء الفل ياقلب بابا، ها انبسطى مع ساهر
ملك: اه اوى اوى يا بابا
فريد: طاب يلا اطلعى غيرى هدومك عشان نتعشي سوا،عمتوا هى اللى عامله الاكل النهارده
ملك: ماشي،سلام مؤقت
فريد: سلام
تطلع ملك اوضتها وتفتح الباب
ملك:عااااااااااااااااااااااااا
أسر:ههههههههه
ملك: انت رخم علفكره،اتفضل بقي امشي من هنا
أسر وهو بيقرب عليها: تدفعى كام
ملك وهى بتزقه: ابعد كدا مش هدفع حاجه،امشي بقي عشان هغير
أسر بمرح: وفيها ايه هغمض عينى
ملك:بغضب ايه الظرافه اللى حطت فجأة دى،لاطبعا مينفعش
أسر: الله يرحم اللى كان بياخد هدومى ويلبسها لا وكمان بينام جمبي
ملك: ياعم انت لسه فاكر وبعدين انا كنت لسه صغيره يعنى عادى
أسر: ماشي يا صغيرة انا ماشي بس بشرط
ملك: اللهم طولك يا روح ايه هو ؟!
أسر: مش عارف
ملك: امشي يا اسر بدل ما اضربك
أسر: حااااضر
ملك:استنى
اسر وهو بيجرى عليها: نعم
ملك وهى بتشاور على وش العفريت اللى كان لابسه ليها: خد اللبتاع دا معاك
أسر: ماتخليه هنا
ملك بعصبيه: أسر بقي
أسر بمرح: نعم بقي
ملك: بطل رخامه وخدو معاك
اسر:حاضر
يخرج اسر ويقفل الباب وتغير ملك هدومها وتلبس بيجامه بناتى وتنزل تتعشي مع العيلة
ملك: ازيك يا عمتوو
نيرة: ازيك ياقلب عمتو. قوليلى بقي اخبار النهارده ايه
ملك: كان يوم جميل اوى وقدناه كلو فسح فى كل حته
أسر: ايوا ياعم مفيش حد قدك
ساهر: ملكش دعوه بلوكه حبيبتى ياواد يا اسر
ملك: حبيبي يا سهوره
اسر بمرح ممذوج بخبث: سهوره كدا مره واحده مش محترمه وجودى خالص
الجميع: يضحك
ملك: وانت مالك انت باخويا حبيبي وطلعتلو لسانها
اسر بحزن مصطنع: ماشي ياستى
فريد: بطلوا بقي يلا عشان تاكلوا
اسر،ملك: ماشي
بعدها بشويه
ملك: تسلم ايدك ياعمتو الاكل طعموا زى العسل
نيرة: ربنا يخليكى ليا ياحبيبتى اموووووه
أسر: ياسلام ياسلام ع الدلع ياسلام
نيرة: انت مالك بنت وعمتها ايه التطفل دا
فريد: لا انتو شكلكوا مش هتجيبوها لبر النهارده انا طالع انام
ملك: وانا كمان خدنى معاك يابابا
فريد: انا طالع وتعالى انتى براحتك
تبوس ملك نيرة وساهر وتلاقى اسر طلع الجنينه
نيرة: ايه ياحبيبتى هتنامى
ملك بسرح شويه: ها،اه هطلع احسن هموت وانام،بس هشوف اسر هاخد حاجه منو واطلع انام
ساهر بغيره بداخله: متتاخريش
ملك:حاضر
تطلع ملك وتلاقى اسر واقف قدام البسين جيت من وراه و..
ملك: انت زعلت منى
اسر: وهزعل ليه
ملك: عشان قولتلك انت مالك
اسر: ودي حاجه تزعل
ملك بطفوله: انا بهزر معاك والله وبعدين انت بدات بالهزار وانا هزرت زيك
لف اسر وشو ليها: والله
ملك والدموع فى عنيها بدات تتجمع ورافضه تنزل: والله
اسر: خلاص،انا اصلا مش زعلان
ملك: تصبح على خير
اسر: وانتى من اهلو
تطلع ملك تنام لانها كانت تعبانه
تانى يوم تصحى الصبح وتغير هدومها وبالصدفه شافت اديها اللى كانت ثريه حرقتها فيها قبل كدا
رغم انها حصلت بقالها سنين إلا ان ملك فكراها اكنها حصلت امبارح
-دمعت ملك وعيونها احمرت بشكل ملحوظ
ع السفره
فريد: ايه دا ياملك مالك فى ايه
ملك: مفيش يا بابا
نيرة: مفيش ازاى دى عيونك حمرا خالص
ملك ومقدرتش تسمك دموعها اكتر من كدا: مفيش تلاقى حاجه دخلت فى عنيا
_بعد شويه
ملك: الحمد لله شبعت
ساهر: انتى طبقك زى ماهو
ملك: لا كلت،انا طالعه فوق
فريد: ماشي ياحبيبتى☺
بعدما خلصو فطار يطلع اسر ومعاه عصير لملك
ملك: ادخل
اسربابتسامه: ممكن ادخل
ملك: تعالى يا اسر☺
اسر: جبتلك عصير معايا
ملك بابتسامه: شكرا
آسر: ايه بقي مقولتليش ايه اللى مزعلك، مش احنا متفقين اننا منخبيش حاجه على بعض
ملك وهى بتبص لاديها: مفيش بس افتكرت حاجه ضايقتنى
آسر: حاجه ايه
ملك والدموع فى عنيها بتشاور على الحرق: دى
آسر: مين اللى عملك دى؟!
ملك: ماما ثريه وحكتوا اللى حصل
آسربحنيه: حبيبتى متزعليش وبعدين انسيها بقي دى مجرمه، ومتخافيش ياستى دى مش مقصرة عليكى انتى لسه زى القمر
ملك بابتسامه والدموع فى عنيها: شكرا
آسر: طي يلا اشربي العصير
ملك: بس ااااا
آسر: بس ايه؟
ملك: انا جعانه، هاتلى ساندوتش
آسر:اومال تحت (ويقلدها) الحمد لله انا شبعت،لا انا اكلت اهو هطلع فوق بقي
ملك حدفته بالمخده: هههههه صدق انت رخم بجد امشي بقي انا هنزل لعمتوا تفطرنى
واخدت كوبايه العصير وسابتوا ونزلت
_آسر فى نفسه: يخربيت عسلاتك
تنزل ملك تحت ونيرة تسالها اللى كان مزعلها وتحكلها ملك
نيرة: الحقيرة المتخلفه، معلش ياحبيبتى ربنا يسامحها على كل اللى هى عملتو فيكى وبعدين هى دلوقتى بتتعاقب على اللى عملتوا متخافيش احنا جبنالك حقك
ملك: مش خايفه ياعمتو طول ما انتوا جمبى
تقوم نيرة تحضن ملك
ملك بمرح: ايه ياعمتو هنقضيها احضان انا جعانه
نيرة: بس كدا عنيا
تسكت ملك شويه وبعدين..
ملك: عمتو
نيرة: عيون عمتو
ملك: عايزه اروح النادى شويه
نيرة: بس كدا عيو
(قبل ما تكمل نيرة)
ملك: لوحدى
نيرة تسكت شويه: ليه لوحدك
ملك بنظرة ترجى: عايزه اروح مره لوحدى اشوف هعرف اتصرف فى حته وانا لوحدى ولا لا ارجوكى ياعمتو ارجوكى ارجوكى ارجوكى
نيرة: خلاص ماشي بس مش دلوقتى
ملك: ليه بقي
نيرة: الجو شمس اوى روحى بعد العصر كدا يكون الجو بقا حلو
ملك: ماشي ... ياحبيبتى ياعمتو وقامت بيساها
تسيب ملك نيرة فى الجنينه وتروح ع المطبخ عند سعاد
ملك: سعاااااد سعاااد
سعاد: نعم ياست ملك
ملك: احم احم انا اللى هعمل الاكل النهارده
سعاد:ارتاحى انتى ياست ملك وانا هعملوا
ملك: لا معلش انا عايزه اعملوا، هاتيلى انتى بس الحاجات دى وسبينى مع نفسي فى المطبخ
سعاد: حاضر
ملك بمرح: يلا يلا بسرعه
تجيب سعاد لملك الطلبات اللى عيزاهاو...
سعاد: الحاجه اهى ياست ملك اى خدمه تانيه
ملك: شكرا، لو احتجتك هنادى عليكى روحى بقي شوفى شلبي عايز ايه احسن دا بينادى عليكى بقالوا يومين
سعاد: ههههه ماشى
تخرج سعاد وتبدأ ملك تحضر الاكل وبعد حوالى ساعتين تحضر ملك الاكل
ملك: هييييييية خلصت، يسلام عليكى يابت يالوكا عسل
تخرج ملك من المطبخ و...
نيرة: ايه يابنتى كنتى فين كل دا
ملك: كنت فى المطبخ بجهز الغدا
نيرة: لا بتهزرى،بجد انتى اللى عملتى الغدا
ملك: ايوا والله انا اللى عملته
نيرة بمرح: طب ربنا يستر
ملك: ان شاء الله هيستر
نيرة: هههههه ماشي يالمضه
ملك: هو بابا لسه فى الشغل
نيرة: ايوا
ملك: طيب هتصل بيه عشان يجى يتغدا معايا
نيرة: طيب انا هطلع فوق اخلص شويه حجات لما يجى نادى عليا
ملك: اسر فين
نيرة: برا بيكلم صاحبه
ملك: ماشى
تخرج ملك الجنينه تلاقى اسر واقف مع صاحبه، تطلع تليفونها وتكلم بباها.
فريد: الو يا لوكا
ملك بصوت متغير: بابا بابا تعالى دلوقتى ع الفيلا انت وساهر بسرعه يابابا
فريد بخضه: ليه مالك في ايه
ملك: تعالى بسرعه يابابا انت وساهر بسرعااااا وتقفل الخط
فريد يتخض جدا على ملك ويروح جرى ع العربيه ويكلم ساهر
ساهر: الو يابابا ... طيب طيب انا جاى حالا،يقفل معاه ويقوم بسرعه وهو طالع يخبط فى اياد
اياد: ازيك يا ساهر عامل ايه؟،ايه يابنى بتجرى كدا ليه
ساهر: ملك اتصلت ببابا وصوتها متغير شكل فى حاجه
اياد: طب استنى انا جاى معاك
ساهر وهو يتجه نحو العربيه: يلا
عند ملك فى الفيلا
قعدت تضحك وتتنطط: يسسس يسس
بعيد شويه عند اسر وهيثم صاحبه
هيثم: اوبا،مين دى يا آسر
آسر وهو بيبص ناحيه ملك وقد اصابته الغيرة: دى بنت خالى
هيثم: كدا يبقى عندك بنت خال موزه كدا ومتقوليش
اسر بشر: وانت مالك انت
هيثم: ايه ياعم متتعصبش اوى كدا،بص انا ماشى احسن تضربني ومتنساش المعاد
اسر بحنق: طيب
يمشي هيثم اما ملك فتكون طلعت فوق عشان تاخد دوش
آسر بعد ما هيثم مشي طلع جرى على ملك ليوبخها
لم يطرق اسر بابا الاوضه بل فتحه بلا استأذان
آسر بغيظ: ملاااااااااااااااك
باقي فصول قصة شباب طفلة الجزء الثاني
- قصة شباب طفلة الجزء الثاني بقلم إسراء محمود الفصل الثاني
- قصة شباب طفلة الجزء الثاني بقلم إسراء محمود الفصل الثالث
- قصة شباب طفلة الجزء الثاني بقلم إسراء محمود الفصل الرابع
- قصة شباب طفلة الجزء الثاني بقلم إسراء محمود الفصل الخامس
- قصة شباب طفلة الجزء الثاني بقلم إسراء محمود الفصل السادس
- قصة شباب طفلة الجزء الثاني بقلم إسراء محمود الفصل السابع
- قصة شباب طفلة الجزء الثاني بقلم إسراء محمود الفصل الثامن
- قصة شباب طفلة الجزء الثاني بقلم إسراء محمود الفصل التاسع
- قصة شباب طفلة الجزء الثاني بقلم إسراء محمود الفصل العاشر
- قصة شباب طفلة الجزء الثاني بقلم إسراء محمود الفصل الحادي عشر
- قصة شباب طفلة الجزء الثاني بقلم إسراء محمود الفصل الثاني عشر
- قصة شباب طفلة الجزء الثاني بقلم إسراء محمود الفصل الثالث عشر
- قصة شباب طفلة الجزء الثاني بقلم إسراء محمود الفصل الرابع عشر
- قصة شباب طفلة الجزء الثاني بقلم إسراء محمود الفصل الخامس عشر
- قصة شباب طفلة الجزء الثاني بقلم إسراء محمود الفصل السادس عشر
- قصة شباب طفلة الجزء الثاني بقلم إسراء محمود الفصل السابع عشر
- قصة شباب طفلة الجزء الثاني بقلم إسراء محمود الفصل الثامن عشر
- قصة شباب طفلة الجزء الثاني بقلم إسراء محمود الفصل التاسع عشر
- قصة شباب طفلة الجزء الثاني بقلم إسراء محمود الفصل العشرون
...باقي الفصول اتباعا كل يوم فصل