رواية نصف أنثى للكاتبة رانيا أبو خديجة كاملة

اقتباس من الرواية

عمر: ندى...ندى انتي ساكته ليه كدة هو انا فاجئتك للدرجادي؟!
ندى بعد ان استطاعت التحدث: استاذ عمر لو سمحت اسمعني انا مش عايزة اتجوز خالص وان شاء الله ربنا يوفق حضرتك مع حد احسن مني .
ظل ينظر لها بحزن ممزوج بغضب
ندى : استاذ عمر ياريت متزعلش مني انا والله لو حقيقي هرتبط عمري ما كنت أحلم بحد زي حضرتك بس حقيقي مينفعش .
عمر بأندهاش: ليه يا ندى ....ليه مينفعش ...انتي مرتبطه بحد تاني.
ندى: لا والله مفيش اي حد ولا عمر كان فيه
عمر برجاء: طب ادي نفسك فرصه تفكري فيا والله ماهتلاقي حد يحبك ويبقى عايزك زايي.

نظر لها وجدها تنظر له بحزن شديد وبدأت دموع تتجمع بعينيها فأردف بحب: أول يوم شفتك فيه كنتي جايه مع غاده وكنتي عماله تتكلمي معاها وتهزري وبعديها بأيام لاحظت ان بقيت الجرنال بقى صحابك
نظرت له بزهول فأكمل ببتسامه : ايوا انا مركز معاكي جداا لدرجه متتخيليهاش حسيت من ناحيتك بأنجذاب شديد أول مرة احس كدة اتجاه حد والله حاولت كتير اتجاهل دة بس مأقدرتش كنت كل مااشوفك.....
وهنا لم تستطع ندى تحمل المزيد وسقطت دموعها رغما عنها
عمر بقلق عندما راى دموعها: ندى انتي بتعيطي!..انتي تعبانه ولا ايه؟!
ندى وهي تحاول ان تشيح بوجهها بعيدا عن رؤيا عيناه : لاء مفيش حاجه ولو سمحت سبني امشي بقى
عمر بقلق: قوليلي بس في ايه انا قلت اي ضايقك
ندى بعصبيه مصاحبه لدموع: حضرتك مقولتش اي حاجه ضايقتني ولو سمحت سبني امشي بقى وكفايه كدة

وتركته وهرولت للخارج وهي تبكي بشدة قلقت غادة عند رؤيتها لها هكذا فهرولت خلفها خارج الجرنال وتركوة هو يجلس بضيق مصاحب لقلق وزهول من ردة فعلها .