رواية عروس رغما عنها الجزء الثاني للكاتبة سولييه نصار كاملة

اقتباس من الجزء الثاني

- ما تقوليلي بحبك!
قالها أنس بمشاكسة وهو يقترب من مرام بعد عقد قرانهما، ابتعدت مرام بتوتر وهو تزدرد ريقها وتقول: - بعد الجواز...
- احنا كتبنا الكتاب يا مرام، جواز ايه تاني اللي هنتجوزه يا حبيبتي...
فركت كفيها بتوتر وقالت بنبرة جاهدت لإخراجها ثابتة: - اقصد يعني بعد الفرح.
ضحك أنس وقال: - لا يا حبيبتي انا عايزها دلوقتي. أنا استحملت رخامتك دي كتير!
- رخامتي!

قالتها بإستنكار ليهز رأسه بشجاعة وقال: - اه رخامتك يا مرام، فدلوقتي لاما تقولي بحبك أو...
صمت بخبث وهو يقترب بنية تقبيلها، نهضت هي وقالت: - قولتلك بعد الجواز، ودلوقتي يالا روح الوقت أتأخر وانا عايزة انام...
نهض أنس واقترب منها وعينيه السوداء تلمع بتصميم وقال: - وانا مش همشي الا لما تقولي أنا بحبك يا أنس...
اخذت تبتعد عنه وقلبها يقفز داخل صدرها ولكنها ما زالت محافظة على جمود وجهها بمهارة ولكن قناعها مهدد بالسقوط فقالت بسرعة وانفعال: - قولت يا أستاذ انس امش، اه...

صرخت بذهول عندما بدأ يدغدغها...
- انس...
قالتها وهي ترمش بصدمة ولكنه لم يكتفي بل جذبها إليه حتى جلست على ساقيه وجلس هو على الأريكة ثم بدأ يدغدغها لتضحك بصوت مرتفع وهي لا تستطيع أن تبتعد عنه...
- لا يا أنس، لا أنا بغير.
قالتها محاولة التملص منه وهي تطلق ضحكاتها بصوت مرتفع...
- قولي بحبك يا أنس.
قالها. هو يضحك ومستمر فيما يفعله...

في الخارج كانت ليلي تقف أمام الباب بذهول وتقول: - ايه الضحك اللي يجيب بوليس الآداب ده؟ ! هما جايبين رقاصة جوا ولا ايه
قرصتها مهرا وقالت: - ملكيش دعوة خلينا نروح نخلص اللي ورانا...
شهقت ليلي وهي تضع كفها على فمها وقد تبينت صوت الضحكات وقالت: - يا لهووي ده صوت مرام، اختي بقت رقاصة!