رواية الوقح والراقية جزء 1 للكاتبة ياسمين علاء الدين الفصل السادس
شذي كانت تبكي في احضان تهاني
شذي: ده قليل الذوق يا داده اوي. كسفني خالص
اما هو مش معاه فلوس وافق ليه نشتري
تهاني: مين ده اللي مش معه فلوس. ده الحاج جبل وفيصل ما شاء الله عليهم معاهم فلوس كتير. بس هو عشان مش متعود يشتري الحاجات دي مش فاهم بس في السعر
شذي: انا برضو مش عايزه اشوفه تاني. خلينا نمشي من هنا يا داده.
تهاني بحزن وقله حيره: انا عارفه يا بنتي انك مش متعوده على العيشه هنا وفي المستوي ده. بس هنعمل ايه.
شذي: انا بكره ان شاء الله هنزل اقدم في الشغل اللي قولتلك عليه. واول انا اقبض نمشي من هنا
تهاني: ربنا يفرجها يا بنتي. اول ما يجلنا فلوس نشوف شقه في مكان كويس ونقعد فيه. اصبري بس اليومين دول
شذي: حاضر يا داده
ربتت على ظهرها بحنان وهي تدعي الله ان يصلح حالها ويهديها.
كانت تبكي لوزه وهي تحكي لابيها عن فعلت فيصل وانه احرج شذي: اكيد مش هتكلمني تاني. انا مليش صحاب واما صدقت يكون ليا اصحاب.
جبل: اهدي بس يا لوزه وكفايه عياط بقي. انا هروح لست تهاني احاسبها على الحاجه اللي عملتها وبالمره كمان اكلم شذي وافهمها
لوزه: ماشي. وقوله اني زعلانه منه بس
ابتسم جبل: هتزعلي من اخوكي. يهون عليكي
لوزه: اه. عشان زعل شذي صاحبتي
جبل: طيب اقفلي بقي وانا هكلمه.
بعد وقت كان يقف خارج المحل ويتحدث مع شخص
ليجد فيصل يدخل عليه وجهه غاضب
جبل: يا ساتر يارب.
فيصل نظر لابيه ودخل يجلس في المحل. ليدخل خلفه
جبل: عرفت انك ضربت واحد
فيصل: يا ستاهل ابن ال.
جبل وهو ينظر لابنه: احكي يا اول صبري. احكي
فيصل: واحكي عن ايه يا با. انا قايم
جبل: اقعد مكانه واتكلم ياض. هتحايل عليك يعني
فيصل: اتخنقت يابا عشان شذي. كان الواد بيعاكسها
جبل بمكر: وانت قابلتها فين.
فيصل: ما انت عارف انها كانت معايا ومع بندق ولوزه
جبل: وبعدها زعقت وهي زعلت وسابت المحل ومشيت. وانت رجعت اختك وخطيبها
فيصل: اه يا ابا. بس وانا ماشي لاقيتها ووصلتها معايا
جبل: لاقيتها وله دورت عليها
سكت فيصل
جبل: انطق ياض. هسحب الكلام منك بالعافيه
فيصل: مش هتفرق يابا
جبل: لا هتفرق يا فيصل. وهتفرق كتير
نفخ فيصل
جبل: البت عاجباك
ليرفع راسه إلى ابيه.
اكمل جبل: اخطبهالك. انت جدع وراجل وتقدر تفتح بيت واتنين.
فيصل: لا يابا. مينفعش. دي لا من توبنا ولا شبهنا. ولا هينفع ترتبط بواحد زي
جبل: ومالها يعني اي حد يستمنها مراته. انت مش بتشوف وتسمع كلام الناس عنها. ده لسه الحاج سعيد بتاع القهوه بيقولي عايز يتجوزها على مراته
فيصل: ده قد ابوها
جبل: بس عجبته ومخفش وقالي اروح اخطبهاله بما اننا اصحاب يعني
فيصل وقف بغضب ؛ ده الراجل اتجنن وله ايه. هيتجوزها ازي. وهو متجوز اتنين قبل كده.
جبل: اهدا كده بس. متنفعلش. هي البت يعني هترضي بيه. دي بت شبعانه وبنت اصول
فيصل وهو يصك ع اسنانه: وعشان كده بقولك يابا مش هتنفعني.
خرج من المكان بغضب وهي يسب ويلعن في الحاج سعيد.
جبل: اما اشوف يا ابن جبل اخرت العند ايه. بس شكلك وقعت
ليقف وهو يعدل عبائته التي يرتديها فوق الجلباب الصعيدي ليذهب ويقابل الست تهاني
وقف بالاسفل
ليتحدث مع الصبي الصغير الذي يعمل لديه: اطلع ياض قول للست تهاني. ان الحاج جبل تحت وعايز يطلعلها
الولد: حاضر يا معلم
جبل: الله يا خربيت ا. خد ياض الحاجات دي معاك
حمل الولد اكياس الفاكهه ليصعد إلى شقه تهاني
فتحت له: نعم.
الولد: المعلم جبل تحت وعايز يتكلم معاكي. بيقولك ينفع يطلع
تهاني: اه طبعا يشرف وينور
الولد: طيب خدي بقي يا حاجه الحاجات دول
اخذتهم منه تهاني لينزل والولد ويخبره انها بانتظاره
صعد الدرجات ليجدها امامه وهي تبتسم: اتفضل يا حاج. نورت والله
جبل وهو داخل: دستور
دخل وجلس على الاريكه.
تهاني: نورت يا حاج
جبل: بنورك يا ست تهاني.
اخبرت شذي ان الحاج جبل بالخارج وخرجت ومعاها كاس من العصير لتقدمها له.
جبل: اولا يا ست تهاني انا حبيت اشكرك. الحاجه اللي عملتيها للوزه عاجبتها اوي. وكانت فرحانه بيها. تسلم ايدك
تهاني: ربنا يكرمك يا حاج. دي لوزه ماشاء الله قمر من غير حاجه
جبل: تسلمي. ثانيا بقي. حساب الحاجه كام
تهاني: من غير حساب يا حاج. فيصل رفض ياخد حق القماش مني
جبل: حق المصناعيه يا ست تهاني
تهاني: لا ياحاج دي هديه مني للوزه والله لولا الظروف كنت هديتها باكتر من كده.
جبل: يا ست تهاني ده شغل.
تهاني: والله يا حاج ما هاخد حاجه. انت عايز تزعلني منك وله ايه. دي هديه للوزه وهي زي بنتي برضو
جبل: طبعا يا ست تهاني. هي برضو حبيتك. انتي متعرفيش من يوم موت امها وهي مبتخرجش ولا بتتعامل مع حد. كانت فرحانه اما رجعت من عندكم
تهاني: هي بنت برضو ياحاج ومحتاجه حد يفهمها حاجات ويعلمها ويتكلم معاها ويصاحبها
جبل: والله يا ست تهاني انا يشهد ربنا ما قصرت معها في حاجه وبعمل اللي اقدر عليه.
تهاني: . انا مش بقول انك اصرت. انا بقول ان في حاجات محتاجه واحده ست هي تفهمها ومحتاجه اخت. بس متقلقش عليها انا معاها وشذي ومش هنسبيها
جبل: تكرمي يا اصيله يا بنت الاصول. فين شذي هي زعلانه مني وله ايه
تهاني: لا ياحاج واحنا نقدر
وقفت ودقت عليها الباب: تعالي يا شذي الحاج جبل عايز يسلم عليكي
خرجت هي له غصبا وهي ترسم ابتسامه كاذبه
شذي: اهلا وسهلا. اذيك يا عمو.
جبل: الحمد لله يا زينه البنات. تعالي اقعدي مالك كده وشك زعلان ليه
شذي: مفيش
جبل: لا فيه. الواد فيصل زعلك صح. دي لوزه بتعيط وزعلت منه وقالتلي انك مش بتردي عليها في التليفون وزعلانه منها هي كمان
شذي: لا. هزعل منها ليه. هي معملتش حاجه. الموبيل فصل شحن بس. هشحنه واكلمها
جبل: انا قولتلها انتم اخوات ومش ممكن تزعلو من بعض
حركت راسها بنعم
جبل: اما بقي فيصل فهو طابعه حامي وحمق حبتين. بس قلبه ابيض.
شذي: ده قلبه ابيض. ده كله اما بشوفه بلاقيه بيزعق في الناس ويتخانق معاهم حتى في المحل. اتخانق مع الناس وفضحني
جبل: يا بنتي هو اما بيدفع حاجه بيحب يعرف رايحه فين. تاجر بقي
شذي: اصلا انا مش عايزه اتعامل معاه تاني. ده صوتو على طول عالي.
جبل: يابنتي طبيعه شغلنا كده
شذي بعتاب: طيب ما انت اهو بتتكلم براحه. ومش بتزعقلي هو بيزعقلي وانهارده قالي هبوظ وشك. يرضيك.
جبل يريد ان يضحك ولكنه متماسك: لا ميرضنيش. انا لسه مزعقله وهزعقله تاني وله تزعقلي يا ست البنات.
شذي: طيب عشان خطرك مش هزعل. بس قوله ميكلمنيش تاني
جبل: ليه بس كده. ده فيصل طيب.
شذي: طيب بعيد عني.
جبل ابتسم: سيبك من فيصل دلوقتي. في موضوع تاني عايزك فيه
شذي: خير يا حاج
جبل: في عريس شافك وعايز يتجوزك
شذي نظرت لتهاني التي تتابع الحديث بصمت
شذي: مين ده.
جبل: ده المعلم سعيد صاحب القهوه اللي على الشارع بره. هو قصدني اكلمك
تهاني تدخلت: لا طبعا يا حاج. يرضيك يعني تجوزها للراجل ده. ده كببر ومتجوز
شذي شهقت: ها. متجوز. وعايز ايه مني الراجل ده. بدل ما هو متجوز
ابتسم جبل: انا كنت عايز اسمع رائيك موافقه
شذي: لا طبعا
جبل: كنت واثق انك هترفضي بس قولت اعمل اللي عليا. واوصل الرساله
ودلوقتي يا ست تهاني اقوم انا.
تهاني: انا خلصت بقيت حاجات للوزه. تاخدهم معاك.
جبل: بكره ان شاء الله معزومين عندي على الغدا وهبعتلك الواد الصغير ياخدهم منك
نظرت شذي إلى تهاني وهي تحرك راسها بلا
جبل: هزعل منك لو مجتيش يا شذي. وانتي يا ست تهاني. واعرفي انك بقيتي في حمايتي اي حد يزعلكم وله يتعرض ليكم باي كلمه قوليلي بس وانا اللي هقفله
تهاني: تسلم يا حاج. ده العشم برضو
جبل: احنا عشره عمر يا ست تهاني وله نسيتي
ابتسمت له: لا طبعا. هنسي ازاي.
ليبتسم الاخر. وشذي تقف في المنتصف تنظر لهم وهي ترفع حاجبيها
ليخرج من جيبه ظرف ابيض ويتركه على المقعد الذي كان يجلس عليه بدون ان يلاحظه احد ويخرج من البيت
اغلقت تهاني الباب بعد ان تاكدت انه نزل
لتجد شذي امامها وهي تتحدث بمشاكسه: خدتي بالك يا توتو من عمو جبل
تهاني ووجهها احمر: خدت بالي من ايه. عادي
شذي: والله يا توتي، ايه بقي العادي في الموضوع.
تهاني ابتسمت وابتعدت عندها فهي لم يسبق لها ان انشغلت باحد او تزوجت من قبل. كانت حياتها في بيت عائله شذي مربيه لها وام ايضا. عمرها الان44عام ولكنها لا يوجد في حياتها رجل
شذي: شكل كده في فرح قريب
تهاني: اه. فرح لوزه
شذي: لا وعمو جبل برضو.
ليحمر وجهها وتحمل الصينيه التي بها الكاس
لتجد الظرف امامها. فتحت لتجد به مبلغ من المال
شذي: ايه الفلوس دي يا داده.
تهاني: ده الحاج هو اللي سابهم. تقريبا كده تمن الحاج اللي عملتها للوزه
شذي: والله عمو جبل ده محترم وجنتل مان. غير خالص ابنه الوقح ده. داده انا مش عايزه اروح واشوفه
تهاني: مينفعش يا بنتي ده الحاج عازمنا
شذي: طيب خليكي معايا ومتسبنيش واما اقولك يلا نمشي. نمشي على طول
تهاني: حاضر
شذي بمشاكسه: اوعي تنشغلي عني بحد تاني يا توتي
تهربت تهاني من الحديث عنه واتجهت إلى المطبخ بخجل.