رواية الوقح والراقية جزء 1 للكاتبة ياسمين علاء الدين الفصل السابع
في اليوم التالي
كانت لوزه سعيده ان شذي ستاتي وتقضي معاها اليوم هي وتهاني
اعدت اشهي انواع الطعام وجلست في انتظارهم.
تهاني وشذي كانو يستعدون للذهاب واضطرت شذي ان تاجل الذهاب إلى وظيفه ليوم اخر
شذي بحزن وهي تقف امام المرآه: انا مش عايزه اروح بجد. مش عايز اشوفه. بس لوزه صعبت عليا اما رديت عليها كانت بتعيط وانا مش بحب ازعلها عشان هي طيبه
(كانت تتحدث مع نفسها في المرآه)
لتدخل تهاني وهي ترتدي عبائه سوداء
شذي: توتي انتي مش لابسه ليه تونك وبنطلون
تهاني: البيت هنا قريب مش بعيد. وبعدين كده احسن.
شذي: لا مش احسن. انتي عندك هدوم حلوه اوي. تعالي معايا
تهاني: بس استني يا شذي. انتي مصممه ليه
شذي: عشان انتي جميله اوي ولازم تظهري جمالك ده
ضحكت تهاني: يا بنتي انا كبرت. الكلام ده تقوليه ليكي او لوزه. مش ليا
شذي: كبرتي ايه. ده انتي قمر. بس اسمعب كلامي
اختارت لها فستان طويل واسع وعليه حجاب بنفس درجه اللون
بعد ان ارتدتهم اخذتها لتضع لها القليل من الكحل لتزين عينها.
تهاني: بس كده. انتي عارفه مش بحب احط الحاجات دي
شذي وهي تضع لها ملمع الشفاه: بس خلاص. انتي زعلانه كده ليه. خلصنا
ليسمعو جرس الباب
تهاني: اكيد ده الولد اللي جاي يوصلنا
شذي: طيب لفي الطرحه وهروح افتح
تهاني: ماشي
ذهبت شذي لتفتح الباب لتنصدم عندما وجدت امامها فيصل
لتتجمد في مكانها وهي تنظر له بغضب
ليقترب منها بوقاحه ابتعدت للخلف: في ايه
فيصل: جاي اخدهم يا ابله
لتصك على اسنانها بغيظ: ابله مين. اسمي شذي.
فيصل: عارف.
نظر إلى ملابسها لينفخ: انتي مش هتلبسي الطرحه
شذي: وانت مالك
فيصل: ليا يا ابله. البسي الطرحه ولبسك يطول. متلبسيش ضيق كده تاني. احنا هنا في منطقه شعبيه.
شذي: انا لبسي كويس وعاجبني. اللي مش عاجبه ميبصش.
لينظر لها بغضب لماذا هي التي يسمح لها ان تتحدث معه بهذه الطريقه
شذي: اصلا انا مش بكلمك
فيصل: احسن برضو
لتخرج تهاني: قط وفار. على طول بتتخانقو
فيصل: يلا يا خالتي. لوزه مستنياكم.
تهاني: يلا يا فيصل. يلا يا شذي
خرجو الثلاثه من البيت ليسير فيصل بجانبهم وهو ينظر حوله إلى الناس
لا احد رفع راسه لينظر لها
شذي: داده مش مفروض نشتري حاجه
تهاني: اه هنشتري علبه شوكولاته وله فاكهه احسن
شذي: لا شوكولاته حلوه
تهاني: استني يا فيصل. هنشوف حاجه من هنا
فيصل: حاجه ايه يا خالتي. قولي وانا اشترليلك
تهاني: بس استني. ده حاجه من هنا
دخلت المحل لتلحق بها شذي سريعا قبل ان يتكلم معاها.
اختارت تهاني علبه شوكولاته كبيره
لينظر لها فيصل: كده برضو يا خالتي. هتزعليني منك
تهاني: مينفعش با بني ندخل البيت بايدنا فاضيه كده
فيصل: حسن متخدش فلوس منها. الحساب عندي
حسن وهو ينظر إلى شذي: لا مش عايز فلوس خلاص. كفايه انكم نورتو المحل
فيصل: طب عينك عشان متزعلش مني. دي تخصني. امين
حسن وهو ينظر له بغيظ
ليرمي اه فيصل النقود: قدامي يلا ياما
خرجو من المحل وشذي لم تفهم ما قاله. ولكن تهاني ضحكت وفهمت ماذا يقصد.
وصلو إلى بيت لوزه لتستقبلهم بفرحه
لوزه: نورتم الببت والله. تعالي يا خالتي. تعالي يا شذي
جلسو معا وكانت شذي تتحدث مع لوزه ودخلو الثلاثه إلى غرفتها
شذي: ركزي معايا بقي وانا هعلمك حاجات بسيطه كده في الاول تتعلمي بيها الميكاب وبعدين وحده وحده هتتعلمي احسن
لوزه بحماس: ماشي
جلست شذي تعلمها كيف تضع اللمسات الاولي وما هي الطريقه لتحافظ على بشرتها.
لوزه مركزه معاها
لتسمع صوت جبل من الخارج ينادي عليها.
لوزه: احنا هنا
دخل جبل بابتسامه: وانا اقول البيت منور. ليه
لتبتسم تهاني: منور باصحابه يا حاج
جبل: وبيكم يا ست تهاني. اذيك يا شذي يا بنتي
شذي: الحمد لله يا عمو
جبل وهي ينظر إلى لوزه التي كانت تضحك من قبلها
لوزه: بص يا بابا. خالتي تهاني جابتي الفستان ده معاها وجابتلي حاجات تانيه كتير
نظر لها بفرحه: جميل عليكي. تسلم ايديك يا ست تهاني تعبتي نفسك
تهاني: تسلم ياحاج.
جبل: مش يلا بقي يا لوزه عشان تحطي الغدا وله هتجوعيهم
لوزه: لا يا بابا ثواني.
جبل: طيب بندق جاه معايا بره. وحجز القاعه عشان هنكتب الكتاب الاسبوع الجاي ان شاء الله
احمر وجهها.
تهاني: مبروك يا حاج. عقبال فيصل.
جبل: الله يبارك فيكي. عقبالك يا شذي
شذي: ربنا يخليك
احتضنت لوزه وتهاني ايضا باركو لها
ليخرج جبل. وهو يبتسم ويدخل غرفه الضيوف
كان فيصل يتحدث مع بندق في امور الفرح.
خرجت لوزه ومعاها تهاني وشذي تساعدها في توضيب السفره
كانت شذي تقف وهي تنظر لهم.
لتجد شئ شكله غريب في شوربه
شذي: هو ايه ده
لوزه: دي كوارع
شذي: يعني ايه
ضحكت تهاني. لوزه: دي
تهاني: لا متقوليش ايه دي. عشان تاكلها. اصلها اول مره
شذي: لا بجد عايزه اعرف ايه دي. حد يقولي يعني ايه كوارع
كان فيصل يدخل المطبخ ليسمعها تسال
فيصل: دي رجل الدبيحه
شذي: يعني ايه دبيحه
تهاني من الخلف تشير له الا يتكلم
فيصل: يعني الحيوان.
لتشهق شذي: لا مش ممكن. اكل البتاع دي. مش هاكل
تهاني: ليه كده بس يا فيصل
لوزه: بتقولها ليه. كنت سبيها تدوقها الاول. دي اول مره تاكلها
فيصل: لو قولتلها الكرشه دي جايه من ايه. هيحصل لها ايه.
ضحكت لوزه
لتنظر له شذي: لا قولي عشان اعرف هي في حاجه اكتر من الرجل
فيصل وهو ينظر لها: يوووه. بصي بقي. احنا مش بنسيب حاجه غير اما نكولها
لتنظر له بتقزز
لوزه: بس بقي يا فيصل.
شذي: انا مش هاكول
فيصل: الاكل قدامك جاهز وزي الفل وقرفانه منه. اما تتجوزي وجوزك يقولك اعملي انتي الاكل هتعملي ايه
شذي: انا اصلا مش هتجوز واحد بياكل رجل جاموسه
فيصل: اما نشوف.
نظر إلى لوزه التي تضحك عليهم وتهاني ايضا: هاتي الامل انا هحطه عشان محدش يخرج
لوزه: ليه. ده بندق مش حد غريب
فيصل: هتخرجي كده قدامه بشعرك. اما يكتب عليك خليه يشوف شعرك. اخلصي يا بت
لوزه وهي تحدث نفسها: لو عرف انه شافني امبارح بجلابيه قصيره وشعري هيعمل فيا ايه
فيصل: يا زفته اخلصي
لوزه: حاضر.
اعطته الصحون و تهاني اخذت منها لتساعدها
فيصل: هاتي يا خالتي. وارتاحي انتي
تهاني: انا مش تعبانه بساعدها يا بني.
ليجد شذي تمسك بالطبق باطراف اصابعها
لينظر لها: هاتي يا مدلعه. هتوقعي الاكل
شذي: متقوليش كده. اسمي شذي
فيصل: هاتي يا ختي. وادخلي جوه متطلعيش
لتنفخ وتدخل إلى المطبخ مع لوزه.
كانت تجلس على المقعد وهو يخرجون الطعام
فيصل دخل: خلاص. كلو انتم بقي.
لينظر إلى شذي التي تجلس بعيد
فيصل ليغيظها: واكلي البت دي كوارع وكرشه
لتصرخ بتقزز: مستحيل
ضحك وهو يخرج: بعد كده هاجبلك رجل واخوفك بيها.
شذي وهي تنظر إلى تهاني: انتم هتاكلو البتاع دي بجد
اشارت لها تهاني على الطبق: طيب دوقيها الاول
شذي: مستحيل والله ما هقدر
لوزه: خلاص متزعليش نفسك. بصي كلي فراخ ولحمه ومحشي ورق عنب
شذي وهي تنظر للاطباق: اوعي يكون فيها كوارع
لتضحك لوزه: لا متخفيش
جلسو ياكلون معا وهما يضحكون
وبالداخل. يجلس الرجال ياكلون معا.
انتهي الغدا على خير بدون اي مصائب. الا انا ملابس شذي وقع عليها شوربه
لتاخذها لوزه وتعطيها جلابيه من جلاليبها
ارتدتها شذي. لتخرج بها وهي تشدها
كانت بنصف كم. ومجسمه على جسمها ولانها اسمن من لوزه من الاسفل كانت عليها ضيقهشئ
جبل: روح يا بني قولها فين الشاي بعد الاكل التقيله دي
بندق: قولها تسلم ايديها. ده انا كلت اكل.
فيصل: يكش يطمر فيك ياض
بندق: ياعم طامر. روح بس هاتلنا الشاي نحبس.
خرج فيصل من الغرفه واغلق الباب ليجد امامه تلك الكارث
نظر لها: يا خربيت اهلك. ايه ده.
نظرت للخلف لتجده: بتكلم مين.
فيصل: ها. لا. امشي من وشي
قلبت شفتيها: انت بتزعقلي حتى وانا عندكم. انا هقول لعمو
ليفتح باب غرفه الصالون التي يجلس بها والده مع بندق امسك يدها سريعا وادخلها إلى الغرفه واغلق الباب
شذي: عيب كده. اوعي سيب ايدي
نظر اليها: عيب على مين عليا وله عليكي
شذي: وانا عملت ايه يا عني
فيصل: عملتي مصيبه. فين هدومك
شذي ؛ وقع عليها شوربه واتوسخت. وبعدين انت مالك
همت لتخرج ليقف امام الباب: مش هتخرجي من هنا وانتي كده.
شذي: في ايه. ابعد كده عايزه اخرج لداده ولوزه
فيصل: محدش هيشوفك بالزفت ده. غيري والبسي حاجه واسعه
شذي باستغراب: اصلا وانت مالك. سبني اخرج
فيصل: مش هتخرجي ولو عملتي ايه
شذي: هصوت واخلي عمو يدخل يشوفك
فيصل: اعمليها عشان اقطع رقابتك. عايزه يدخل يشوفك وانتي لابسه الزفت ده ضيق عليكي. روحي افتحي الدولاب وهاتي حاجه تاني
شذي: عيب اصلا.
فيصل اقترب منها. كانت تريد ان تهرب منه وتفتح الباب ولكنه اذكي منها ليمسك يدها فهو شعر بالغيره ان يرأها احد. بهذه الملابس حتى لو كانت امراه
اخذ واحده سوداء: البسي دي
شذي: انا مش بلبس كده
نفخ وهو يصك على اسنانه لتنظر لعينه وجدت الشر بهم
شذي: حاضر. اطلع بره
فيصل: هقف قدام الباب واقسم بالله لو لاقيتك خارجه بالبتاع ده بره. لهتشوفي هعمل ايه
شذي: اووف. وانت مالك اصلا. ومال لبسي.
فيصل: ضيق ياختي. مش شايفه اتعميتي
شذي: وقح ورخم.
فيصل بتهديد: بتقولي حاجه
لتحرك راسها سريعا: لا. مش قولت. اخرج بقي
خرج وهو مبتسم ويضع يده على شعره ليتنهد
خرجت وهي ترتدي العباءه السودا.
لينفخ وهو ينظر لها تبدو جميله ايضا في هذه العبائه.
شذي: ارتاحت كده
فيصل: لا برضو. بس احسن من الزفت التاني.
تركته ودخلت إلى المطبخ وهي مستغربه من افعاله الغريبه. يتصرف بطريقه مريبه. لم يتدخل احد في حياتها هكذا من قبل. لماذا هو يفعل
لوزه: اتاخرتي ليه يا شذي. وفين الجلابيه التانيه
شذي نظرت لها وسكتت
تهاني: مالك يا شذي. انتي كويسه
شذي: دماغي وجعني. تعالي نرجع البيت
لوزه بزعل: لا مش هتروحي. لسه بدري. وبعدين لسه متفقناش هنعمل ايه في الفرح. انا عايزاكي انتي تختاري فستان الفرح
شذي: لا مش هينفع.
لوزه: ليه يا شذي. انا بحب زوقك في اللبس وكمان معنديش اخوات بنات وله اصحاب تنزل معايا
شذي: انا ممكن اقولك على محل كويس. وروحي انتي
لوزه: لا مش هروح من غيرك.
شذي: مش هينفع
لوزه بصوت باكي: لو مجتيش معايا مش هشتري فستان
لتسمع صوت فيصل الذي يتحجج باي شئ ليخرج لها ويراها.
فيصل: في ايه يا نكد. مش هتشتري فستان ليه
لوزه: شذي مش عايزه تيجي معايا
شذي: معلش يا لوزه. اصل انا هنزل شغل ومش هفضي
فيصل بتسرع: شغل ايه ده. لا مش هتشتغلي
شذي: طيب وانت مالك.
فيصل نظر لها بغموض
تهاني تدخلت ؛ طيب اما تفضي روحي معاها. انتي مش هتشغلي كده من اول يوم
لوزه: محدش هيقولك حاجه. متخفيش هروح انا وانتي بس
فيصل: ومن امتي بتخرجي من غير راجل
لوزه: خلاص هاخد بابا.
فيصل بتريقه: بابا. هاتي يا بت مايه ساقعه
اعطته ما يريد وخرج وهو يستشيط غضبا
لوزه: لو خايفه من فيصل. مش هناخده معانا. ماشي
شذي: يا ريت عشان اخر مره كسفني
تهاني: تاني يا شذي. ما انا فهمتك
شذي: لا يا داده. انتي مش شوفتي عمل ايه. ده صوته لوحده فظيع.
لوزه: اه. صوته عالي اوي
لتنظر لها تهاني وتضحك عليهم فلوزه تقلد. شذي في كل شئ.
في الداخل كان يجلس وهو شارد التفكير بها
يريد ان يقطع رقابتها وفي نفس الوقت يحب مشاكستها له
يعلم جيدا انها لا تصلح له. ولكنه لا يريد ان يبتعد عنها.
جبل نظر له وهو يلاحظ دخوله وخروجه كثيرا. وسرحانه
بندق: هقوم انا يا با. عايز حاجه مني
جبل: خليك يا بني لسه بدري
بندق: بدري من عمرك. هروح اشوف الصاله كده واشوف اعمل ايه. فيصل هتيجي معايا
ليجده في عالم اخر. ليدفعه في كتفه
فيصل: ايه
بندق: هتيجي معايا
فيصل: لا.
بندق: طيب انا ماشي. سلام
فيصل: استني. اشوف في حد بره
خرج لم يجد احد ليخرج بندق وهي يريد ان يري لوزه
بندق: ما تنادي للوزه اسلم عليها.
فيصل: اما تكتب الكتاب.
بندق: عيل رخم
ليشعر بلكمه في كتفه: ياخربيت فقرك. ايدك تقيله يا جدع
فيصل: تستاهل يا حيوان.
جبل دخل لهم لبجدو يشربون الشاي ويتحدثون عن الفرح.
جبل: محتاجين حاجه يا بنات
شذي: شكرا يا عمو
لوزه: شكرا يا بابا
لينظر إلى تهاني ويبتسم
نظرت للارض بخجل
جبل: طيب انا جوه لو عايزين حاجه نادوني
دخل غرفته. وفيصل كان يجلس بالخارج.
بعد وقت
ودعت شذي وتهاني لوزه والحاج جبل ليعودو إلى شقتهم
يشعر انه يريد ان يحبسها هما في بيته لايريد ان تخرج من هنا ويراها احد غيره
ليلوم نفسه على افكاره: فوق لنفسك يا فيصل. مش هتنفعك.
اوصلهم إلى البيت. بصمت وهي كانت مستغربه فلاول مره يصمت هكذا
تهاني ايضا كانت تلتزم الصمت فهي تشعر ان فيصل معجب بشذي
وقف امام بيتهم
تهاني: شكرا يا فيصل يابني. تعبتك معانا
فيصل: تعبك راحه. اتفضلي.
دخلت تهاني اولا و شذي نظرت له لتصعد هي الاخري
كان يريد ان يقول لها شئ ولكن ما هو.
ليلتفت وينصدم من الذي يقف امامه.