رواية أحببت بصيرته للكاتبة مريم نصار الفصل الثالث والأربعون والأخير

رواية أحببت بصيرته للكاتبة مريم نصار الفصل الثالث والأربعون والأخير

فيلا بدر الدين. ف نص الليل.
سليم: نايم. وفتون ف حضنه.
فتون: صحيت فاجأه من الوجع. وخبط ف ضهرها. واتألمت. وحاولت تقوم لكن حاسه ان روحها بتتسحب منها. وبدأت تنهج. وبتهمس بتعب. سي، سليم. ااه. سليم قوم انا تعبانه. وهزته من كتفه بتعب. سليم.
سليم: فتح عينيه. واتعدل بسرعه. فتون مالك ياحبيبتى.
فتون: بتنهج وبدأت تعرق. واتكلمت بتعب مش عارفه. عندى مغص شديد وخبط ف ضهري. وكملت بتعب اكبر. سليم مش قادره. وعيطت.

سليم: قلبه دق بخوف كبير وقام بسرعه. ومتوتر. إء. اهدي يافتون. ا. انا هروح اصحى ماما بسرعه. وجه يتحرك
فتون: صرخت سلييييييم ااااااه...
سليم: رجع بسرعه بخوف. وقعد وراها ومسك كتافها. اهدى انا جمبك متخافيش.
فتون: بتنهج بسرعه ودموعها نازله. مش قادره. حاسه اني هموووت اااااه.
سليم: خاف عليها واول مره ايديه تترعش كدا. ونده بصوت عالى جدا عزززييييزه. عزييييزززه.
فتون: مسكت المخده وبتعض فيها تكتم الوجع.

سليم: بلخبطه. فتون انا هخرج بره ثوانى بس. استحملى شويه. ماشي.
فتون: مغمضه عينيها وهزت راسها ماشي.
سليم: قام بسرعه. وفتح الباب ونده من ع السلم. عزيييزززه انتى ياعزييززه.
فريده: خرجت بقلق من اوضتها الل تحت بسرعه خير ياسليم يبنى.
سليم: بتوتر. ماما فتون تعبانه اوي. بسرعه اطلعى انا مش عارف اتصرف. تعالى.
فريده: طلعت بسرعه ياستير يارب. الطف يارب.

فاطمه: سمعتهم. وخرجت بسرعه بنتى انا قولتلها امبارح دىه مغص ولاده مصدقتنيش. ضنايا اسم الله عليها. وطالعه ورا فريده.
سليم: جري ع فتون. وقعد جنبها وحط راسها ع صدره. فتون حاولى تهدى. بصي انا ف ثانيه هلبس وننزل المستشفى.
فتون: بتعيط. ومسكت ف تيشرته بترجي. متسبنيش انا تعبانه اوى ياسليم. انا خايفه.
سليم: ضمها لقلبه بخوف كبير. هشش اوعي تخافى انا جمبك ومش هسيبك. ومسد ع ضهرها ومن جواه مرعوب عليها.

بعد كده فريده وفاطمه دخلو عندها. وعرفو انها ولاده. وساعدوها تلبس. وفاطمه بتعيط. وفريده خايفه. لكن بطمنهم.
سليم: لبس بسرعه. وشال فتون وقلبه موجوع عليها. ونزل بحظر. وركبها ف العربيه جمبه. ولف يركب. وزعق. طااااهر. انت ياطااااهر.
طاهر: قام من النوم بسرعه وخرج بقلق. خير ياسليم باشا.
سليم: ف ثوانى تحصلنى ع المستشفى ومعاك ماما فاطمه وفريده. بسرعه.
طاهر: هز راسه بتوتر تحت امرك ياسليم باشا.

سليم: ساق العربيه. وماسك أيدها. اهدى يا روحي. إن شاء الله هتكونى كويسه وزى الفل.
فتون: بتتنفس بسرعه. يارب. يارب ياسليم. وغمضت عينيها وضغطت ع ايد سليم بقوه. ااااااااه. لااااا اله الا اللللله مش قادره بسرعه ياسلييييييم.
سليم: صك ع اسنانه وبيكابر دموعه. وداس بنزين وساق بسرعه كبيره.
وبعد شويه. وصل المستشفى. ونزل بسرعه وساعدها تنزل. وهي كاتمه صريخها غصب عنها. ودموعها نازله زى المطر.

سليم: دخل بيها المستشفى. وقابل الدكتوره. وبسرعه جهزو الغرفه. وسليم شال فتون. وساعدها تنام ع السرير.
فتون: مسكت ايد سليم. وبتنهج اوعا تسبنى وتخرج. اوعا تعمل زى خالد وساب حنين لوحدها. انا مش عايزه غيرك معايا ارجوك ياسليم.
سليم: بسرعه. قعد جنبها ع طرف السرير. ومسح دموعها ووشها. هشش بس انا مش عايزك تفكرى كتير. ومين قالك انى هسيبك. انا معاكي وهفضل جمبك.

فتون: كلبشت ف جاكيت سليم. وصرخت بصوت عالى. اااااااه مش قااااادره ياسلييييييم.
سليم: رفع راسها وضمها لقلبه بوجع كبير. وعيونه مليانه دموع. وغمض عينيه. ومخنوق جداااا علشانها.
بعد فتره الدكتوره دخلت. وحاولت تقنع سليم انه يخرج. ولكن سليم صمم أنه هيفضل مع مراته.
الدكتوره: بدأت عملية الولاده.
سليم: شاف فتون واخد اسكرين لكل صرخة الم وكل دمعه.

وقد ايه الام بتتحمل اكبر وجع وألم عشان تجيب طفل ينور حياتها. وفاق ع صوت حياه جديده نورت عيلة بدر الدين.
فتون: سمعت صوت حياة. ورجعت راسها لورا وغمضت عينيها بتعب شديد. وبتنهج بسرعه وابتسمت بدموع.
سليم: مسح وشها بايديه. وباس جبينها بخوف كبير. وحط جبينه ع جبينها. وهمس فتون حبيبتي انتى كويسه؟
فتون: بلعت ريقها بتعب. اممم الحمد لله.
سليم انا جبتلك حياة بنتنا. عايزه اشوفها ارجوك.

سليم: رفع راسه. حاضر ياحبيبتى.
الممرضه: اتفضل حضرتك البيبى بنوته زى القمر.
سليم: اتعدل. وبص ع حياة. وقلبه بيدق بسرعه. ورفع ايدو برجفه. وشالها بخوف وهمس بدموع. حياة بنتى.
فتون: دموعها نازله بفرحة سليم بحياة.
سليم: باس جبينها بحب كبير وإحساس جديد اتولد جواه.
فتون: هاتها ياسليم. عايزه اشوفها.
سليم: قرب منها وبيضحك بدموع وخايف وقال. فتون حياة جميله اوى. بس صغيره جدا.

فتون: رفعت ايديها برعشه وشالتها وقلبها دق بفطرة الامومه. وعيطت وضمتها لقلبها وهمست حياة بنتى ونور عيني.
وبعد شويه.
فتون: خرجت لغرفه عاديه. وسليم إذن ل بنته.
ونزل صلى الفجر. وشكر ربنا كتير ف السجود. ودعى ل فتون وحياة يفضلو ديما ف حياته. وبعد الصلاه طلع وقاعد ع طرف السرير جمب فتون ومهتم بيها.
فريده: شالت حفيدتها وعيطت بفرحه. وكانت مبسوطه جدااا عشان سليم.

فاطمه: كانت بتبكى عشان تونا. ولما اطمنت عليها شالت حفيدتها بين ايديها. وقالت بسم الله ماشاء الله. فتون الخالق الناطق.
فريده: لأ ياحاجه فاطمه بصي كويس. ده كأنك شايله سليم وهو صغير بالظبط.
فاطمه: انا نظرى ضعيف اه. بس عمرى ما انسي لحظة ماشيلت فتون بين ايديا. وحياه نسخه من امها.
سليم: وفتون بصو لبعض وضحكو.
فريده: بجديه. لأ ياحاجه فاطمه حياة نسخه من سليم ابنى. ولما نروح هوريكى صورو وهو صغير.

فاطمه: ضحكت والله مامزعلاكي. هو يعنى سليم وحش. وضحكو
فتون: همست ع فكره حياة شبهك اوى.
سليم: همس ف ودنها بحب تؤ حياة شبهك جدا. ولو غير كدا هعاقبك وحالا.
فتون: مسكت بطنها سليم مش قادره اضحك.
سليم: باس ايدها. سلامتك ياقلب سليم. بس بردو حياة شبهك ومش عايز مناقشه لأن الموضوع منتهى.
فتون: ابتسمت بحب. ربنا يخليك لينا ولا يحرمنا منك ولا من دلالك ليا.
سليم: ولا يحرمنى من نور وجودك في حياتي. انتى وحياة قلبى.

الدكتوره: دخلت اطمنت ع فتون وحياه. وقالت إنها هتخرج ع العصر إن شاء الله.
سليم: تمام. يلا يابطه انتى وفريده. طاهر هيوصلكم ع البيت. وانا هنا هفضل مع فتون.
فريده: ماينفعش يبنى لازز...
سليم: مفيش حاجه اسمها لازم. دلوقتي انتو صاحين من الساعه 1 بليل. وحاليا الساعه 7 الصبح. وبطه تعبانه. ياريت تروحو تنامو وتاخدو راحتكو. وانا هفضل مع فتون وكلامى منتهى تمام.

فريده: اتنهدت امرنا لله. يلا ياحاجه فاطمه. اصل دماغه ناشفه وانا عارفاه. وقامت.
فاطمه: قامت وسلمت ع فتون وقلبهاا مش هاين عليها انها تسيبها. خلى بالك منها يسليم يبنى.
سليم: بتوصينى ع روحي يابطه. متقلقيش ياحبيبتى.
فاطمه: ربنا يطمن قلبك يارب. يلا يافريده يختى.
وطاهر اخدهم. يوصلهم البيت.
سليم: بيمسد ع شعرها. حبيبتي احسن دلوقتي؟
فتون: ابتسمت. الحمد لله تمام. بجد شكرا ياسليم.
سليم: بعدم فهم شكرا؟ شكرا ع ايه؟

فتون: انك ماسبتنيش لوحدى. انت متعرفش وجودك جمبى قوانى قد ايه؟
سليم: ابتسم. بتشكرينى ع واجبي؟ اومال بقى انا اقول ايه ع الوجع الل انتى مريتى بيه قدام عينيا. انا اول مره قلبى يتخلع من مكانه ياتونا...
فتون: باندفاع. بعد الشر ع قلبك ياحبيبى.
سليم: بتنهيده. اوعي ف يوم تشكرينى ع حاجه اعملها ليكى. انا الل عايز اشكرك كل ثانيه انتى موجوده فيها ف حياتى. وقدمتيلى اجمل هديه حياة قلبى.
حياة: صحيت وعيطت.

فتون: بلهفه وقلق. سليم هاتها بسرعه. هي بتعيط كدا ليه؟
سليم: بتوتر. وقام بسرعه بص عليها. فتون ا. انا خايف اشيلها. البنت حجمها صغير اوى.
فتون: حرام عليك ياسليم حياة جعانه. وحجمها طبيعى. حاول شيلها بس بشويش الله يخليك.
سليم: نفخ بحيره. احم. وحاول يشيلها.
فتون: ع مهلك وسمي الله.
سليم: حاضر. بسم الله الرحمن الرحيم. تعالى ياقلبى بس باااس متعيطيش انا بابي حبيبك. وشالها بتوتر اتفضلى ياحبيبتي.

فتون: شالتها بحب. بسم الله.
سليم: ثوانى احط مخده ورا ضهرك. ايوه كدا احسن مش كدا؟
فتون: ايوه ياحبيبى متشكره. البنت جعانه اوى.
سليم: بخوف. طيب حاولى تخليها متعيطش. ارجوكي يافتون.
فتون: ضحكت بصمت. وفرحت لما شافت خوف سليم ع حياة.
وقالت حنين هتفرح اوي. كان نفسي تكون موجوده معايا.
سليم: الوقت كان متأخر. بنتى عندها عزة نفس زى امها. مش عايزه تقلق حد. مش كدا يابنوتى الحلوه.
حياة: سكتت.

فتون: ههههههه بص حياة سكتت ازاى اممم واضح كدا العلاقه هتبقى قويه جدا بينك وبينها.
سليم: طبعا ودى عايزه كلام. كفايه انها منك.
بعد شويه.
حياة: نامت بعمق. وفتون تعبانه وعايزه تنام
سليم: نام جمب فتون ع السرير ومسد ع شعرها لحد ما نامت. ومن التعب سليم نام جمبها.
فيلا بدر الدين. الساعه 1 بعد الضهر
فريده: مطلعه البومات وأوراق قديمه وبتتفرج ع صور سليم. وبتكلم شريف ف الفون.

وقالت ايوه ياشريف يبنى والله زي ما قولتلك جالها الطلق ف نص الليل. واخوك سليم مستناش اننا نلبس وخدها وجري بيها ع المستشفى. واحنا حصلناهم. ومكانش فينا دماغ نتصل ع حد متزعلش ياحبيبى.
شريف: لا مفيش زعل الحمد عدت ع خير.
فريده: الحمد لله.
شريف: وطنط فاطمه فرحانه طبعا.
فريده: فرحانه جدا. بس هي قلقانه ع فتون من الضهر وقالت هروح اشوفها. وراحت مع طاهر. وانا هنا لوحدى.
شريف: لوحدك ازاى وعزيزه مش معاكي؟

فريده: لأ عزيزه نايمه أصلها فضلت صاحيه لحد الضهر وعملت الاكل وقولتلها نامي شويه.
شريف: تمام انا جمب الفيلا ف الشارع الل وراكى ع طول رايح ل سليم المستشفى تحبى اعدى اخدك معايه.
فريده: بتفكير. والله فكره عشان اخوك مايزعلش منى. خلاص تعالى.
شريف: تمام: 10 دقايق واكون عندك مع السلامه.

فريده: مع السلامه يبنى. وقفلت. وشالت الصور. والأوراق. وقالت الاوراق دي ملهاش لازمه والكتابه اتمحت من عليها. وحطتها ف الباسكت وولعت فيها. وقامت دخلت الحمام.
بعد ساعه واكتر ف المستشفى.
خالد: راح هو وحنين. وعاتب سليم انه متصلش عليه.
وسليم قاله إن الوقت كان متأخر. ومعرفش يفكر ف اي حاجه.
حنين: شايله سيف. وباركت ل فتون وقاعدين مبسوطين.
وفاطمه شايله حياة بين ايديها بحب كبير.
سليم: خبط ودخل. يلا بينا ياتونا.

فتون: يلا ياحبيبى.
سليم: هاتى يابطه حياة. خالد بره هيشيلها. وانتى امشي جمب حنين. وانا هساعد فتون.
سليم: ساعد فتون. وخرجو من المستشفى.
وركبت جمبه بحظر. وفاطمه ركبت ف الخلف وخالد عطالها حياه.
خالد: راح ركب العربيه وجمبه حنين وشايله سيف. ورايحين مع سليم.
سليم: . اتحرك بالعربيه. ومسك كف أيدها وباسه. مستريحه كدا يقلبى.
فتون: ايوه ياحبيبى. وبصت ع حياة وابتسمت بسعاده كبيره.
بعد شويه
سليم: سايق وسرحان.

فتون: لاحظت سكوت سليم. وقالت سليم انت سرحان ف ايه؟ انت كويس؟
سليم: انتبه ايوه ياروحي بس كنت بفكر. إن شريف عرف ومجاش ولا اتصل.
فتون: يمكن عندو شغل مهم اكيد. غير كدا كان أول واحد هيكون موجود.
سليم: بقلق. مش عارف بس نجوان لما اتصلت قالت إن شريف قالها انه جاى ع المستشفى. والكلام ده من ساعه ونص واكتر.
فتون: حبيبى متفكرش كتير. والغايب حجته معاه.
سليم: مسح وشه بايديه ونفخ بديق. مش عارف قلبى مشغول وقلقان.

فتون: مسكت ايدو. حبيبى. صدقنى شريف اتغير. ولو سمحت انسى بقى.
وبجد بتمنى منك انه يرجع يعيش مع ماما فريده. ودي كمان نفس أمنية ماما فريده ارجوك ياسليم.
سليم: بقلق مبهم. بعدين ياحبيبتي بعدين نتكلم. انتى تعبانه ولازم ترتاحي.
فتون: اتنهدت بزعل. وقالت ربنا يريح قلبك من ناحية شريف. وترجع تثق فيه من تانى.
سليم: داخل الفيلا. وهز راسه آمين. وبص واستغرب ايه ده؟ محروس والجارد مش موجود ليه؟

فتون: مش عارفه بس غريبه فعلاً ياترى ف ايه؟
سليم: دلوقتي هنعرف. ووقف قدام باب الفيلا. ثوانى متنزليش. انا هساعدك. ونزل وفتح الباب هاتى يابطه حياة. وانتى انزلى ع مهلك. وشال حياة. وفتح الباب ل فتون وساعدها.
فتون: ماشيه جمبه بحظر. ومبسوطه من شكل سليم وهو شايل حياة بين ايديه.
خالد: وصل ونزل شايل سيف. وحنين ساعدت بطه. وداخلين ورا سليم
سليم: وقف مكانه وقال ايه ده؟ عربية شريف؟
فتون: ايوه فيها ايه؟

سليم: قلبه دق بخوف. وقال جواه فريده،! ودخل الفيلا بسرعه...
شريف: قاعد ف الليفنج. اهدى ياماما. الحمد لله انها جت ع قد كدا.
فريده: بتعيط. اهدا ازاى يبنى بعد الل حصل ده.
الكل دخل الفيلا. ووقفو مكانهم بدهشه وعدم فهم.
فتون: شافت سليم واقف بقلق. واخدت منه حياة.
سليم: جري بخوف. ماما ف ايه؟ مالك وايه الل مبهدلك بالشكل ده.
فريده: بتعيط. اسكت ياسليم يبنى. انا كنت هموت.
الكل: اندهش. وقربو منهم وقعدو مصدومين.

سليم: قلبه بيدق بخوف ومبصش ع شريف ومنتبه مع فريده.
فريده: حكتلهم ع مكالمتها مع شريف لحد ما ولعت الورق ف الباسكت.
وكملت وقالت وانا خارجه من الحمام شوفت النار والعه ف كل مكان ف الاوضه.
اترعبت وقفلت باب الحمام ع نفسي. ولا عارفه اصرخ ولا استنجد بحد لان محدش هيسمعنى عزيزه نايمه. وكل الل عليا اعيط ومش عارفه اعمل ايه. والدخان دخل الحمام واتخنقت. واغمى عليا. لكن فوقت لقيت نفسي هنا ع الكنبه.

وكملت بعياط. شريف اخوك انقذ حياتى ياسليم. ولولاه كان زمانى ميته مكانى. ولولا إنه قالى هعدى عليكى اخدك معايا كان زمانى انتهيت.
كلهم اتصدمو حرفياً وقبلهم وقع ف رجليهم.
خالد: بزهول. شريف ايه الل حصل.؟
شريف: كمل بتعب. انا دخلت الفيلا وندهت عليها. لكن اتأخرت ومنزلتش.

قولت اطلع استعجلها. وطلعت لقيت ف دخان كتير خارج من تحت باب اوضتها. وجريت عليها وفتحت الباب النار قابلتنى ف وشي. وندهت ع محروس والجارد. وانا مستنتش ودخلت ادور عليها. وفتحت باب الحمام ولقيتها مغمى عليها. وشليتها ونزلت ع هنا. ومحروس والجارد فوق طفو الحريق وبيشيلو كل حاجه. وغمض عينيه بتعب.
سليم: غمض عينيه واتنهد باريحيه وحمد ربنا بقلبه.

فتون: بدموع الحمد لله ياماما ربنا سترها وبعتلك شريف ف الوقت المناسب.
فريده: بتعيط. الحمد لله يافتون. بس ابنى شريف اتأذى بسببى.
شريف: بيتألم اتأذيت ايه بس؟ وفداكى كل حاجه المهم إنك بخير.
سليم: رفع عينيه وشاف وش شريف فيه آثار حرق بسيط وكمان ايديه والبدله محروقه من عند كتفه وبينزف. وفتح عينيه بدهشه. وقام بسرعه قعد جمبه. شريف انت بتنزف.
شريف: ابتسم ع لهفة سليم عليه. وقال مفيش حاجه متقلقش.

سليم: مش عايز اسمع حاجه ممكن تسكت شويه.
وقام بسرعه قرب من فريده انتى كويسه؟ فيكى حاجه يعنى اتجرحتى او اى حاجه؟
فريده: بتعيط لأ يبنى انا كويسه بس شريف اخوك...
سليم: متقلقيش. قومي معايه. اطلعى استريحى ف اوضة شريف.
وانتى يافتون تعالى اطلعى استريحى انتى وحياة.
فاطمه: خليك ياسليم يبنى انا هاخد فريده واطلع معاها.
فتون: بتفهم. حبيبى متقلقش عليا انا هطلع وحنين هتساعدنى. يلا ياحنين.

سليم: هز راسه ليها. وشكرها بعينيه انها فهمته.
سليم: قرب من شريف قوم تعالى معايا.
شريف: بعدم فهم. اجي معاك فين.؟
خالد: اسمع الكلام يسطى انا سليم يقولى تعالى نهايه امشي ع طول معاه وانا مغمض.
سليم: يلا ياشريف مفيش وقت.
شريف: قام بتعب. واتألم من دراعه لانه اتحرق.
سليم: حس بخنقه كبيره. واخد شريف وخالد وراحو ع المستشفى.
الدكتور: دخل لشريف يكشف عليه ويعمله اللازم ومعاه خالد. وسليم خرج.

سليم: قاعد ف الطرقه. ودماغه مشغوله. وطلع الفون واتصل ع فتون. وردت. الو.
سليم: ايوه ياحبيبتى عامله ايه؟
فتون: انا الحمد لله ياحبيبى.
سليم: وفريده احسن دلوقتي؟
فتون: ماما فريده اخدت العلاج ونامت لكن هتكون كويسه اكتر بعد ما سليم ابنها ياخد اهم خطوه...
سليم: غمض عينيه و اتنهد مش عارف يافتون. مش عارف افكر ومحتار جوايا 100 فكره وفكره. انا بجد محتاجلك.

فتون: وفتون بين ايديك وجمبك طول العمر. لكن ممكن اعرف ايه الل محيرك كدا؟
سليم: شريف. شريف يافتون. فكرة إن حد يجيله قلب انه يقتل انسان دى صعبه جدا. شريف ربى جوايا خوف عليكم من أفعاله. انا شايف انه اتغير. لكن فكرة انى اخسر حد فيكو بسبب اخويا دى مخوفانى جدا. مش عارف اخد قرار.
فتون: انا معاك ومقدره خوفك. لكن ياسليم كل حاجه ف الدنيا دى ليها وقت وبتتنهى.

الشر بينتهي. وبعدين الناس ياما بترتكب معاصي وذنوب وترجع تتوب.
وربنا الل خلقنى وخلقك بيغفر. لانه عارف إن الإنسان ده اتغير.
وبعدين ياحبيبى كل حاجه مكتوبه لينا هنشوفها سواء بسبب شريف أو غيرو.
لازم تكون ع يقين إن كل حاجه بتحصل وهتحصل هي بارداة رب العالمين. محدش هيقدر يحارب نصيبه أو قدره.

طيب انا هقولك حاجه بسيطه جدا. دلوقتي لو شريف لسه جواه شر من ناحيتك. كان أبسط حاجه هيعملها انه مكنش هيفكر ينقذ حياة ماما فريده لاقدر الله.
وكمان محدش كان هيشك فيه خالص. عزيزه نايمه. والباب مقفول ع ماما. وهي الل حرقت الورق.
كان ممكن يعمل انه مش واخد باله. كان ممكن يمثل أنه حاول ينقذها لكن فشل.
بس الل حصل عكس كدا تماما. شريف دخل ف وسط النار واتعرض للحرق وانقذ والدته. ايوه والدته.

وده تصرف نابع من قلبه. شريف اتغير ياسليم. شريف اتغير كليا صدقنى. ولازم ياخد منك فرصه تانيه.
انا مش هقولك ترد جميل شريف لمامتك ازاى؟ لكن انا واثقه انك هتاخد خطوه صح. وواثقه جدا ف قرارك.
سليم: اخد نفس عميق واتنهد. عندك حق. لازم ياخد فرصه تانيه. وكل حاجه مكتوبه هنشوفها. وابتسم بحب حياة عامله ايه؟
فتون: ههههه حياة قلبك نايمه. تعرف انا الاول قولت ياخبر يعنى يوم ما حياة تيجي ع الدنيا الاوضه تولع ههههه.

بس بعدها فكرت وقولت. حياة جت وعايزه تلم شمل العيله كلها مع بعض...
سليم: ضحك بصمت. عندك حق. شكلها عنيده زي امها ليها طريقة سحر خاص جدا.
فتون: ههههه وليه متقولش انها طالعه ل باباها عنيد اكتر ونرفوز اوى.
سليم: ههههه انا نرفوز. انتى شكلك عايزه تتعاقبى.
فتون: بشماته هاهاها. الحمد لله مفيش عقاب ههههه ياعينى عليك ياسيمو ههههه.

سليم: كشر عينيه. بقى بتشمتى فيا ياتونا. ماااشي انا عايزك ع كدا ع طول. وأما نشوف اخرتها يابنت بطه. ومترجعيش تعيطى تمام؟
فتون: بلعت ريقها بتوتر. احم بهزر يارمضان انت مبتهزرش.
احم وكملت بتلعثم. ا. المهم شريف عامل دلوقتى؟
سليم: ههههههه ايوه لف وارجع تانى. بس انا هكون رؤف بيكى لانك مش قد التحدى اوكي.
فتون: رفعت حاجبها. ع فكره بقى انا الل قادره ع التحدي والمواجهه. ومقولتليش بقى شريف عامل ايه دلوقتي؟

سليم: اممم تمام الدكتور بيعقم الجروح. وقال كويس اننا جبناه بسرعه عشان الحروق متعملش اثر. وبعدها هيعمل تجميل بسيط.
فتون: الحمدلله انها عدت ع خير. ع فكره ياسليم نجوان عرفت.
سليم: ليه بس يافتون. هي حامل يابنتى ومين قالها.
فتون: ياحبيبى هي اتصلت ع ماما فريده. وهي قالتلها.
سليم: اممم طيب. ورفع عينيه. بقولك ايه ياروحي انا هقفل علشان شريف خارج اوكي خلى بالك من نفسك وارتاحي.

فتون: حاضر ياحبيبي ترجع بالسلامه إن شاء الله. ومعاك اخبار حلوه.
سليم: فهم قصدها وابتسم. حاضر ياحبيبتى. مع السلامه. وقفلو. وراح يقابل شريف. وساعده. ايه ياشريف عامل ايه دلوقتي؟
شريف: ابتسم انا كويس متقلقش. المهم ياجماعه محدش يقول ل نجوا...
نجوان: من وراه شرييييف. وجريت عليه.
شريف: لف ليها وفتح عينيه بدهشه. نجوان؟ ع مهلك يامجنونه. واخدها ف حضنه.

نجوان: بعياط شريف حبيبى. ماما فريده قالتلي ع كل حاجه. شريف انت اتأذيت قولى حصلك ايه؟
سليم: غمز ل خالد. واتحركو بعيد.
شريف: ابتسم وطلعها من حضنه. ومسح دموعها انا كويس صدقينى. وبعدين ده جرح بسيط والدكتور كتبلى ع علاج.
وكويس ان محصلش مضاعفات. اهدى بقى وبطلى عياط. وانتى ايه الل جابك بس وعرفتى ازاى اننا هنا.؟
نجوان: بدموع. من ماما فريده قولتلك. وبعدين انا كنت هموت من الخوف عليك. تقولى ايه الل جابك؟

شريف: ضحك قلبى مقصدش والله. انا اقصد انك حامل وتعبانه. يلا تعالى نخرج من هنا. جو المستشفى بقى يخنقنى.
نجوان: ماشيه وبتساعده. يعنى انت بجد كويس ياشيرى.
شريف: ههههه جايه هنا وتقولى ياشيرى. يابت انتى مجنونه وجننتينى معاكى.
نجوان: وبعدين بقى. انت لا عاجبك شيفو ولا شيري. اومال اقولك ايه؟
شريف: ياقلبى قولى ال انتى عايزاه بس اختارى الوقت الصح.
نجوان: عوجت بوقها. وقت صح؟ دا انت متشلفط ياشريف.

شريف: هههههههههههه الله يخربيت كدا انتى يابت مجنونه.
سليم وخالد. ماشيين قدام شريف ونجوان وضحكو ع ضحك شريف.
بعد شويه ف الفيلا.
سليم وصل ومعاه شريف ونجوان وخالد...
ونجوان طلعت ل فتون.
فريده نزلت بسرعه واطمنت ع شريف.
سليم: مسح وشه بايديه. وقام وقف قدام شريف. وقال أنا مش عارف اشكرك ازاي؟
ولا عارف اتكلم. جوايا احساس مش عارف اوصفه. كونك موجود وانقذت ماما دى ف حد ذاتها كبيره جدا بالنسبالى.

انت أنقذت حياتى قبل منها ياشريف.
انت مش عارف فريده بالنسبالى ايه؟
انا احيانا بتخيل لو انت متصلتش عليها. وكمان اقترحت انك تعدى تاخدها. كان ايه الل ممكن يحصل؟
بجد تخيل وإحساس بشع ياشريف.
واتنهد بتعب. انا مديونلك بحياتى بجد شكرا لانك عرضت نفسك للخطر وانقذتها.
شريف: ابتسم. ايه ياعم سليم.؟ هي امك لوحدك ولا ايه؟ وبعدين انت بتشكرنى ع ايه؟

دى امي فاهم. وصدقنى لو كان جرالي حاجه وانا بنقذها مكنتش هزعل. وحقيقى مش تمثيل منى. المهم هي تكون بخير. وعايزك تعرف انى ديما هحاول اثبتلك انى اتغيرت. انا بجد كرهت شريف القديم ونسيته تماما. وبتمنى كمان انك كمان تن، ومكملش.
سليم: بيسمعه وقاطعه بأنه حضن شريف. وقال أنا كمان نسيته. وعارف انها امك زى ما هي امي. لكن مايمنعش انى اشكرك ياكبيرنا.

شريف: ضحك بدموع. ورغم الالم رفع ايدو وحضن سليم بحب كبير. ولما سمع كلمة ياكبيرنا. قال يعنى خلاص ثقتك فيا رجعت من تانى؟
خالد واقف مبسوط وفريده بتعيط بفرحه.
سليم: طلع من حضنه. ثقتنا فيك زي الاول واكتر ياكبيرنا.
شريف: ضحك بسعاده كبيره وفرح جدا.
فريده: قربت منهم. الف حمد وشكر ليك يارب اخيرا استجاب ل دعايا. ربنا يخليكو ليا ياولادى يارب.

خالد: وبعدين بقى ف الست دى.؟ متراعي مشاعري يافيرى ولادك ولادك خلاص عرفنا.
فريده: ههههه وانت ابنى وغصب عنك كمان. ده انت فاكهة العيله ياخالد ياحبيبى. العيال دى اصلا نكد.
خالد: بيعدل ياقة القميص بكبرياء. عشان تعرفى بس انى متواضع وبتعامل مع عيال نكد. ومصاحب الاشكال دى؟ دول يقطعو الخميره من البيت.
شريف: ههههههههههه
سليم: قرب منه. انت قولت ايه حالا يابن الشرقاوى.؟
خالد: صفر وبص بعيد وهرش ف خدو.

سليم: هز راسه امممم انا هعرفك مين الاشكال دى. يا فاشل. وهجم عليه بهزار.
خالد: جري ف الفيلا. وسليم بيجرى وراه.
شريف: بيضحك وحاوط فريده من كتفها وبيضحكو من قلبهم بسعاده.
خالد: جري وخرج من الفيلا. وبيثتغيث. خلاااص ياسليم. مش قادره اجري الله يخربيتك.
سليم: بيجري. انا لازم اربيك. مش انت ع طول تقول إنك ماشوفتش ربع التربيه. انا بقى هربيك يابن الشرقاوى.
خالد: بيجرى بسرعه. ولا. ولا خلاص والله ماقادر.

سليم: بيجرى وراه. وحياة ابوك لازم أعلم عليك. انا اصلا مستحلفلك من زمان.
فتون ونجوان وحنين. فوق. وسمعو صوت خالد. وطلعو كلهم بسرعه. وضحكو من قلبهم.
نجوان: هار اسوح. خالد قطع النفس ههههه
حنين: هيييه حبيبى ياخالد. شوفتى يافتون سليم بيجرى وراه ازاى.
فتون: بفخر. طبعا يابنتى. واكيد خالد ضايق سليم حبيبى. يستاهل.
حنين: بغيظ نعم يختى انتى كمان.؟
فتون: اله وانا مالى يابت.

نجوان: الحقو. الحقو يلهوى ههههههههه سليم مسك خالد ونطو ف البيسين هههههه.
كلهم ضحكو.
خالد: ف الميا. ولا ياسليم مش قادر اتنفس يالا هههههه.
سليم: اعترف إنك واطي وفاشل...
خالد: ياعم دا انا بقولك انى متربتش. سبنى بقى. ولا اقولك ماتجيب حضن وغمز.
سليم: صك ع اسنانه بنفاذ صبر اعمل فيك اييه؟
خالد: بدلع حبنى. ولو مش عاجبك طلقنى.
سليم: هههههههه. يلا اطلع تعالى. واقف قدام مراتك كتكوت مبلول كدا.

خالد: لأ انت جدع وهتجبلى غيار من عندك.
سليم: طلع وماشي، بطلنا نشحت حد حاجه. اتكل يالا.
خالد: سولي. سووولي متسبنيش لوحدى هغرق ياسولي.
بعد اسبوع.
سليم: واقف قدام المرايا بيلبس.
فتون: قربت منه بشويش وماشيه ع أطراف صوابعها. وحطت أيديها ع عينيه من الخلف عشان تفجأه.
سليم: ابتسم. وحط ايدو ع ايديها. وقال بمكر معقول فريده انتى جايه لابنك حبيبك،؟
فتون: بغيظ شالت ايديها. وخبطته ف كتفه. اه فريده يسي سليم.

سليم: ااه ايدك طولت يابت. ولف ليها وحاوطها من وسطها. وبص عليها. ايه القمر ده. يخربيت كدا الفستان هينطق عليكى.
فتون: بزعل. ولا قمر ولا شمس خلاص.
سليم: ياحبيبتى بهزر معاكى. انا عارف إن الايد الناعمه دى ايد فتنة قلبى. قلبك ابيض بقى.
فتون: بقمصه. اممم اتفضل انا كنت جايه اقدملك الهديه دى.
سليم: اخد العلبه. امم وهمس ف ودنها بخبث وايه المناسبه يقلب سليم.

فتون: اتوترت. احم ا. انهرد عقيقة حياة. وانا قولت اجبلك هديه. احم. يارب تعجبك.
سليم: باسها من خدها. طبعا تعجبنى وجدا كمان.
فتون: ابتسمت بحرج. طيب افتحها.
سليم: حاضر ياقلبى. وفتحها وكانت ساعه فخمه وقال اووو ايه الجمال ده. بجد تحفه.
فتون: بفرحه بجد عجبتك ياحبيبى.؟
سليم: طبعا. وياريت بقى انتى تلبسهالى اتفضلى.
فتون: بسعاده اخدت الساعه ولبستها ليه. وعجبتها جدا ف ايدو.
وقالت بجد جميله اوي وهي ف ايدك ياسليم.

سليم: كفايه انها منك ياتونا. وجه الدور عليا اقدملك هدية حياة...
فتون: ابتسمت حبيبى وجودك انت وحياة اعظم هديه بجد.
سليم: ابتسم. وطلع ورقه من جيبه اتفضلى دى هديتى ل حياة. وانتى هديتك إن شاء الله بعد سنتين اوكي.
فتون: كشرت عينيها بعدم فهم. سنتين؟ وفتحت الورقه. وقالت قطعة أرض ومساحتها كبيره جدا وب اسمى انا؟
سليم: اممممم.
فتون: سليم انا مش فاهمه حاجه. ايه الأرض دى؟ وب اسمى ليه؟

سليم: بعد سنتين إن شاء الله هتفهمى.
فتون: اووف هو حد ضامن عمره ماتقول بقى.
سليم: اول انا قولت إن شاء الله.
ثانياً ربنا يبارك ف عمرك.
ثالثاً وده الاهم انتى طالعه زى القمر وخطفتى قلبى وهتجنن عليكى.
و رابعاً الضيوف تحت والحفله ابتدت...
فتون: هههههه خامساً والأهم...
سليم: عارف. شريف هيرجع يعيش معانا وف الجناح الل تحت هو ومراته.
سادساً بقى عايز بوسه قبل ما ننزل.
فتون: ههههه سابعآ خايفه اقول لأ.

سليم: غمز عشان تبقى تقولى لأ.
وقرب منها وباسها بحب كبير. وحط جبينه ع جبينها بحبك اوى يافتون.
فتون: غمضت عينيها و قلبها بيدق. وانا بعشقك ياسليم.
عدت سنتين كمان.
ف جنينة فيلا بدر الدين.
فريده: خدى ياحاجه فاطمه. شربى حياة العصير ده. وبالعافيه عشان مزعلش منها.
فاطمه: بصت لحياة وقالت بهزار. لا طبعاً حياة متقدرش ع زعل تيته صح ياتوتا.
حياة: ضحكت وبتسقف...

فاطمه: يلا اشربى العصير. شاطره. مغلبانى زي امك وهي صغيره. كانت مطلعه عينى ف الاكل.
فريده: ههههه اهي طلعت كلها فتون شكل وطبع كمان. وزياده عليهم تصميم رأيها وعنيده زى ابوها.
فاطمه: ااه وإلا عنيده دى. انتى بتقولى فيها. فاكره يوم عيد ميلادها الاسبوع الل فات. لازم سليم يفضل شايلها. ولو نزلها ثانيه تعيط وتزن.
فريده: يعيش ويشيل هو الل مدلعها. بس بصراحه تستاهل الدلع وتتاكل اكل روح تيته دى ياناس.

نجوان: من وراهم. سقفت فريده بخ ههههه قلب ماما انتى.
فريده: خضيتي فريده كدا يانجوان؟ اهي عيطت اهى أخص عليكى بس بس ياقلب تيته.
نجوان: هي بت نجمها خفيف. انا عايزه قلبها جامد كدا.
فريده: شايله فريده الصغيره. بس ياروحي. لأ انا احفادى لازم يبقو بنات رقيقه كدا.
نجوان: عوجت بوقها. ياماما متعمليش زى شريف. ومحرمنى اشيلها ف وجوده هفرقع منه.

فريده: ههههه شريف. ده روحه فيها. فاكره يوم ولادتك. كان بيعيط اول ما شالها بين ايديه.
وقال بنتى فريده. وانا قولت لأ متظلمش البنت. قالى هظلمها لو مسامتهاش ع اسمك. ربنا يريح قلبه ويجبر بخاطره.
نجوان: اللهم امين يارب. واتنهدت بحب. شريف؟ والله ياماما شريف بيعاملنى كأنى بنته قبل مراته ربنا مايحرمناش منه ابدا.

شريف: من وراها. امين يارب ولا يحرمنى منكم. وباس ع راس نجوان. وفريده. اذيك يا امى. اذيك ياحاجه فاطمه. وشال فريده بنته.
فاطمه: بخير ياضنايا نحمد الله.
فريده: حمدالله ع سلامتك ياحبيبى.
شريف: الله يسلمك ياحبيبتي.
نجوان: ابتسمت حمدالله ع سلامتك.
شريف: بغمزه الله يسلمك ياحبيبتي. وباس بنته. وقال. فيرى حبيبة قلب بابا عامله ايه؟ اوعى تكون نجوان مضيقاكى.
نجوان: ههههه تشكيل عصابى انت وهي خطر عليا.

شريف: ضحك اتفضلى ياماما. وعطالها فريده. وقال تعالى يانجوان. ف ملف مهم جداً ف المكتب. وانا قولتلك امبارح دورى عليه وحطيه ف الشنطه. انتى بقيتى مهمله جدا ع فكره. وشدها من أيدها.
نجوان: ماشيه معاه. وكشرت عينيها بعدم فهم. ايه؟ ملف؟ انت مقولتليش ع اى ملف.
شريف: اخدها المكتب. وقفل الباب. وشدها عليه وحاوطها من وسطها.
نجوان: شهقت بحرج. شريف انت بتعمل ايه؟
شريف: بمكر. اممم بقى انا بشكل خطر عليكى؟

نجوان: بلعت ريقها بتوتر. احم ياعم انا بهزر.
شريف: ياعم. وماله بس اعرفى بقى انى خطر عليكى فعلا. ومش هتخرجى من المكتب غير باعتذار مؤقت.
نجوان: فتحت عينيها بدهشه. هنا؟
شريف: رفع حاجبه. هو الاعتذار عايز مكان معين؟ تحبى نطلع فوق؟
نجوان: لااا، انت اكيد شارب حاجه؟ هعتذر وهنا؟
شريف: باسها ف خدها انا قولت اعتذار مؤقت مقولتش اعتذار رسمي.
نجوان: غمضت عينيها بحرج. طيب انا هعتذرلك بس مش دلوقتي.
شريف: تؤ حالا.

نجوان: قلبها بيدق. وغمضت عينيها وقربت من شريف وباسته.
شريف: حط جبينه ع جبينها. نجوان جننتينى انا بحبك اكتر من نفسي.
نجوان: اتنهدت بحب. وانا بموت فيك ياشريف.
ف مكان تانى.
سليم: اتصل ع فتون. حبيبتي انتى خلصتى شغلك؟
فتون: ايوه ياحبيبى. انت فين؟
سليم: شاور ليها. انا قدام المدرسه وشايفك تعالى.
فتون: شاورت ايوه شوفتك. ثوانى جايه.
سليم: فتح ليها الباب.
فتون: ركبت وباسته من خدو. وحشتنى.

سليم: وانتى كمان ياروحي وحشتيني. واتحرك بالعربيه.
فتون: حياة دلوقتى اكيد بتعيط ومعذبه ماما.
سليم: لأ متقلقيش. فريده وبطه معندهمش حاجه غير حياة.
وكمان نجوان معاهم وفريده الصغيره. يعنى متشغليش بالك.
فتون: بصت ع الطريق ايه دا؟ انت رايح فين. ده مش طريق البيت.
سليم: عارف. انا خطفتك ههههه.
فتون: ههههه بجد وانا موافقه بس اخطفنى انا وحياة ماينفعش انا لوحدي.
سليم: ف الخطفه الكبيره بقى ههههه.

وبعد شويه. ركن ع جمب. ثوانى. وطلع شريط ستان.
فتون: كشرت عينيها. ف ايه انت وقفت هنا ليه؟
سليم: تعالى بس انزلى.
فتون: نزلت. واستغربت انت ربطت عينيا ليه ف ايه بجد ياسليم؟
سليم: تعالى امشي معايه وبعدين هو انا مش قولتلك خاطفك. انتى رهينه متعبه ع فكره و بتتكلمى كتير. المفروض تخافى منى.
فتون: هههههههه. اخاف منك انت؟ تؤ انت خاطف قمر ومز وعجبنى. وانا موافقه ع الخطفه دى وياريت تخطفنى كل يوم.

سليم: ههههه مز. اه بركاتك يانجوان. جننتك البت دى. بس اقفى هنا. ووشك هنا ايوه بس وفك الشريط اوعى تفتحي.
فتون: اخدت نفس عميق. وقالت أنا مستعده اكيد ف مفاجأه.
سليم: رفع وشها لفوق شويه. فتحى ياتونا.
فتون: فتحت. وشافت مدرسه كبيره جدا وجديده. وبتقرأ اليافطه.
( مدرسة حياه لذوي الاحتياجات الخاصه)
وبصت ل سليم. وكشرت عينيها بعدم فهم وهزت راسها. ايه دا ياحبيبى انا مش فاهمه حاجه؟

سليم: ابتسم. فاكره بعد جوازنا وانتى حامل سألتك نفسك ف ايه؟ وقولتى نفسي تكون معايا ع طول.
وسألتك وايه كمان؟ قولتى نفسي اعمل مدرسه كبيره جدا للمكفوفين ولذوى الاحتياجات الخاصه وتكون مجانيه لل أهلهم مش قادرين يساعدوهم ف مصاريف التعليم.؟
و فاكره لما قولتلك انى هقدملك هديتك بعد سنتين. انا اهو حققتلك اول امنيه والمدرسه دى هديتى ليكى. لانى بعد تجربة الحادثه نفسي كل طفل يشوف النور واى طفل يكون طبيعى.

ودي نقطة البدايه. لانى عندى ليكى خبر تانى اجمل واجمل بكتر.
انا من سنه ونص بدرس مشروع ف دماغى. وعرضت المشروع ده ودراسة الجدوى ع رجال الأعمال المحترمين ووافقوا ع المشروع.
وهو اننا هنساعد كل طفل من ذوى الاحتياجات الخاصه. مش كفيف وبس. لأ اى طفل من ذوى الاحتياجات الخاصه. احنا هنقدم ليه اكبر مساعده.

وانا كلفت فريق طبى سنويا يكشف ع كل طفل كفيف وطفل ذوي الاحتياجات ف المدراس الحكوميه من اول سنه يكون موجود فيها.
واى طفل محتاج لعمليات أو علاج انا وشريف وخالد ومُهاب ورجال الأعمال الل معايا هنتكفل بجميع التكاليف.
فتون: حطت ايديها ع بوقها وبتعيط بفرحه كبيره جدا. واترمت ف حضن سليم. وعيطت بصوت عالى.
سليييم بجد انا مش عارفه اقولك ايه. انت. انت اجمل راجل ف الدنيا دى كلها.

ا. انا مش عارفه اقولك ايه؟ بجد بجد دى أعظم هديه ف الكون كله. انا ربنا بيحبنى انى كتبنى من نصيبك. بجد انا حاسه اني هيغمى عليا من الفرحه. انت فرحتنى اوووى ياسليم. بجد حاسه انى هموت من الفرحه.

سليم: طلعها من حضنه. هشش اهدى. واتنفسي بهدوء. وابتسم ومسح دموعها. انتى كل حاجه تعيطى يافتون. طيب دا انا قولت ياواد ياسليم اول ما فتون تعرف الخبر ده هتخبطك حتة بوسه. وتخطفك ع اليخت وتعملك احلى عشا رومانسي ونحتفل لحد الصبح.
فتون: ضحكت بدموع وقالت انت تستاهل احلا بوسه بجد ع الخبر ده. وكملت بحرج كبير احم بس احنا ف الشارع. وعيب هاا؟

سليم: وانا استحاله ابوسك ف الشارع احنا نروح حالا. عشان أنا عايز رد فعل يليق بسليم بدر الدين. وغمز.
فتون: ههههههه انت حقيقي بجد تستاهل كل حاجه حلوه. وعايزه اقولك بجد قلبى بيرقص من الفرحه. بجد بجد شكرا ياسليم انت متعرفش انت عملت فيا ايه دلوقتي.
سليم: بمكر. غمز انا جيت جمبك انتى هتتلككي.
فتون: شهقت. ا. انت انا مش عارفه من بعد ما فتحت عينيك اتغيرت لل...
سليم: بتحذير. لل، ايه؟ ها سمعينى كدا؟

فتون: وشها بقى احمر جدا. احم اتغيرت للاحسن طبعا. وضغطت ع شفايفها بحرج كبير.
سليم: ههههههههه. قمر بجد ياروحي. المهم الحمد لله إن المفجأه عجبتك.
فتون: اوووى ياسليم. بجد ربنا يوفقك ويحققلك كل أمنياتك.
سليم: امنيتى الوحيده انتى وحياة. مش عايز اكتر من كده.
فتون: بحرج احم. ممكن اعزمك انهردا ع العشا ف اليخت.
سليم: بخبث اممم وايه المقابل يافتون يابنت مهران؟ ايه المقابل.؟

فتون: صكت ع أسنانها بغيظ مكبت. طيب انا غلطانه. اتعشي مع امك بقى. يلا خلينا نروح.
سليم: بدهشه امك؟ ماااشي يابنت مهران ماااشي. قدامى ع العربيه.
فتون: بتمثل العياط خلاص ياسليم مقصدش.
سليم: عشان امك دي هتتعاقبى اول ما نروح. وكمان هتتعاقبى ع العشا ف اليخت. قدامى.
فتون: بغيظ. اعمل فيييك ايييه؟
سليم: بخبث. صدر الأمر ولا رجعه فيه ياموزتى. يلا.

فتون: من جواها مبسوطه جدا. وضحكت غصب عنها. وركبت جمبه. وطول الوقت يتكلمو ويهزرو مع بعض.
فيلا الشرقاوي. ع الغدا
خالد: شرح ل حنين كل حاجه عن المشروع والمدرسه
حنين: بفرحه واااو بجد دا اجمل خبر سمعته في حياتي. والمشروع ده عظيم بجد.
خالد: فعلا انتى متعرفيش سليم شغال عليه ازاى. وكان عندو شغف كبير جدا.
حنين: بتاكل. اممم اكيد عشان التجربه الل مر بيها. طيب المدرسه دى هتشتغل امتى احنا ف اخر الترم.

خالد: سليم سجل أوراقها وكل حاجه. والافتتاح ف إجازة اخر السنه. وهتبتدى دراسه عادى جدا من اول السنه الجديده. وانتى وفتون هتشتغلو فيها مع باقى المدرسين.
حنين: بتفهم اكيد طبعا. احنا لازم نتعاون معاكم. احم قولى اخبار والدك ايه؟

خالد: بعدم إهتمام. عادى زى ما انتى عارفه عايش مع مراته ف الفيلا بتاعتها. وشغال ف شركته القديمه. والل عرفته من شذى انه اتجنن اول ما عرف. إن ربنا كرمنى وكبرت ف السوق وأسست شركه لوحدى. واننا جينا نعيش ف الفيلا هنا.
حنين: بزعل. كنت اتمنى اننا نعيش كلنا مع بعض.
خالد: ببرود بس انا ماتمناش.
حنين: بدهشه ليه ياحبيبى بتقول كدا.؟

خالد: لأسباب كتير. أولهم ابويا عمرو ما هيتغير وهيشوفك البنت الفقيره ومش متقبلنى ف حياته.
وثانيا مراته مكبره دماغها من كل حاجه. خالد قعد خالد مشي ولا يفرق معاها.
ثالثا انا استحاله اخليكى تعيشي معاهم ف وجود شادى لانه ماشاء الله مايشرفش وصايع ومتدلع ع أعلى مستوى وأمه عارفه ده وكمان ابوه وانا ياما نصحته بس هو مش عايز يتعدل. وكمان...
حنين: بس بس كفايه. هو ف اكتر من كده.؟

خالد: انسى بقى كفايه عليا وجودك انتى وسيف باشا. ولا انا بقى مش مالى حياتك.
حنين: مسكت ايدو انت مش مالى عليا حياتى؟ صدقنى الدقيقه ف بعادك سنه. انت مالى عليا حياتى ودنيتى كلها. كفايه حبك ليا ول سيف. ربنا يخليك لينا ياحبيبى.
خالد: باس ع أيدها. ويخليكى ليا ياحنينى.
تعالى بقى نشوف الاستاذ سيف. وحشنى جدا. انا جايبله شوية لعب هتعجبه جدااا.
حنين: قامت يلا بينا. انا بحب اوى اشوف طريقة لهفته عليك.

فيلا بدر الدين.
سليم: واخد فتون ف حضنه. وبيلاعب خصلات شعرها.
فتون: مبتسمه بسعاده. سليم.
سليم: عيونه.
فتون: انا مبسوطه اوى.
سليم: بمكر عشان عاقبتك.
فتون: كشرت عينيها بغيظ. لأ طبعا. انا مبسوطه جدا عشان مفاجأة انهردا.
بجد بجد مفاجاه مكنتش احلم بيها. انت عارف كام أم هتدعيلك.
عارف كام طفل ممكن يشوف النور بسببك. وإن ربنا جعلك سبب ف حياه جديده لكل طفل هتساعده. انا بجد بجد محدش فرحان قدى انهردا.

سليم: ضمها لقلبه بحب كبير. حبيبتي كل ده توفيق من ربنا.
وانه بعتك سبب عشان تغيرى حياتى للأفضل. وسبحان الله ع قد ما انا كنت زعلان من الحادثه.
إلا انى اكتر واحد مبسوط بيها. لان الحادثه دى وصلتني ليكى. وعرفت قيمة كل لحظه اتحرمت منها انى اشوف النور.
وحسيت قد ايه المكفوفين مهما كانت حياتهم إلا أنهم بيعانو من المجتمع والتنمر.

وميعرفوش إن ربنا عوضهم بالبصيره وقوة السمع وسرعة البديهه. وعندهم ذكاء عالى جدا. بس صعب طبعا اننا نصلح مجتمع بحاله بس انا هحاول اقدم الافضل. وزى ما انتى قولتى قبل كده. رُب ضارةِ نافعه.
فتون: بتنهيده. فعلا رب ضارة نافعه.
سليم: بمكر انتى هتاخدينى ف الكلام وهتنسي العزومه ولا ايه بقى؟
فتون: بحرج. احم لأ مش ناسيه. ا. انا هاقوم اخد شاور. والبس ونخرج ع اليخت عشان عندى ليك مفاجأه.

سليم: تمام وانا مستعد. بس انتى الل هتسوقى.
فتون: بخوف. لأ ياسليم الله يخليك انا مش حابه اتعلم السواقه. خلينى كدا احسن.
سليم: لأ طبعا انتى اتعلمتى السواقه. وبتسوقى حلو جدا. يبقى ليه الخوف.
فتون: بلعت ريقها بتوتر. لأ معلش ارجوك.
سليم: اممم تمام انتى حره. بس لما حياة تكبر وادخل معاها ف سباق سيارات متجيش تعيطى وتقولى ياريتنى سمعت كلامك.
فتون: رفعت راسها بكبرياء. فتون بدر الدين متعيطش.

وساعتها آمان هيعلمنى السواقه وهيقولى انطلقى انتى قادره ع التحدى وهكسبكم.
سليم: بدهشه وعدم فهم. آمان؟ وصك ع اسنانه بغيظ وغيره. ومسكها من شعرها بهزار يطلع مين آمان ده يابنت مهران؟
فتون: ههههه آمان ياسيمو. وحطت أيدو ع بطنها وقالت بحب. آمان سليم بدر الدين.
بعد سنتين واكتر. ف فيلا بدر الدين.
حفله بمناسبة عيد ميلاد آمان.
ومعزوم فيها المعارف وأهل الحاره بس.
خالد: شايل جنى بنته ومهتم بيها جدا.

حنين: خالد سيب جنى تلعب مع فريده وسيف.
خالد: بغيظ جنى لسه بتتعلم المشي ياحنين. وسبيها شويه معايه هي اشتكتلك.
حنين: لا مش هتشتكى بس انت كدا خنقتها دي طفله سيبها تلعب مع الاولاد. يلا بقى فريده واقفه وعايزاها.
خالد: باس جنى. عايزه تلعبى ياروحي.
جنى: ضحكت وهزت راسها.
خالد: نزلها امسكى يافريده بس خلى بالك منها ومتخليهاش تجرى عشان بتقع. وانت ياسيف خلى بالك من اختك.
فريده: اوكي ياعمو. تعالى ياجنى.

سيف: حاضر يابابا. تعالى هاتى ايدك ياجنى.
حنين: ههههه ياحرام صعبان عليا اوى.
خالد: يابت هبوسك قدامهم يابت. جتك القرف وانتى تخنتى واحلويتي كدا.
حنين: شهقت بصوت مهموس انا تخنت ياخالد؟
خالد: ماسمهاش تخنت ياجاهله. اسمها بقيتى بطه. صاروخ روسي. حاجه كدا لوز اللوز.
حنين: بغيظ. متتكلمش معايا تانى فاهم؟

خالد: ههههههه واهون عليك يسطى ده انتى ف احشائى ياموزتى. تعالى اجيلك طبق بطاطس بالكاتشب تصبيره ع ماسليم يحن علينا وينزل. وشدها من أيدها واتحركو وبيضحك عليها.
نجوان: بلهفه. شريف فين بدر؟
شريف: ههههه انتى قلبك بقى رهيف اوى يانوجا. بدر مع ماما فريده.
نجوان: نفخت باريحيه. اووف الحمد لله. حرام عليك ياشريف. انا آكلته ونام. ويدوبك روحت البس الفستان. ورجعت ملقتهوش ف سريره. وحطت أيدها ع قلبها واتنهدت تانى.

شريف: ابتسم. اهدى اولا انا اسف مقصدش. انا دخلت اشوفك وكنتى ف الحمام. ورحت اطمن ع بدر وكان صاحي. شلته واخدته معايا وانا نازل. اطمنى البيت امان.
نجوان: هزت راسها حصل خير. وكملت بخبث المهم قولى ايه الحلاوه الل انت فيها دي. انا متجوزاك اكبر من كدا. معقوله سري باتع اوي كدا عشان تصغر كل شويه.
شريف: هههههههه. طبعا طول ما انا عايش مبسوط معاكى هصغر. وانتى رجعتى للجامعه من تانى وغمز. ههههه.

نجوان: ههههه ربنا يستر ومنصغرش اكتر من كده.
يلا ياقلبى انا هروح اطمن ع فريده وبدر.
شريف: اتفضلى ياحبيبتي. وانا هروح اقعد مع حماتى شويه.
فريده: قاعده وجمبها فاطمه ووالدة نجوان. والمعارف.
وخالد واقف مع اهل الحاره. والضيوف. وكلهم انتبهوا. وبصو ع السلم. وكان نازل.
سليم: لابس بدله تحفه وشايل آمان.
وفتون لابسه فستان زهرى جميل جدا وماسكه حياة وايدها ف دراع سليم. ونازلين ع السلم والضحكه الصافيه ع وشهم.

وسلمو ع كل الموجودين.
وكلهم اتجمعو وطفو الشمع. ل آمان. وحياة سقفت وباست آمان.
وبعد الإحتفال.
سيف: جه حياة تعالى العبي معانا انا وفريده وجنى.
سليم: مط شفايفه ورفع حاجبه. جرا ايه ياعم خالد مش خير ولا ايه ما تلم ابنك؟
خالد: ببرود حياة قلب عمو خالد هتروح تلعب مع سيف صح؟
حياة: صح ياعمو. يلا ياسيف باى يابابي. وجريت مع سيف.
سليم: بدهشه باي يابابى؟ شوفتى بنتك؟

فتون: ههههه والله انا ماليش دعوه. كل ما أتدخل بينكم. هي تعملى فيها فيلسوفه وتقنعك وانت تكون ضدى. ورأيها الل بيمشي ف الآخر.
سليم: بغيره. بنتك حلقتلى يامدام. باي يابابى وخدت الواد وجريت.
فتون: كتمت الضحكه. سليم ياحبيبى بنتك عندها 4 سنين ونص يعنى لسه صغيره.
وكمان بيلعبو قدام عنينا اهم. وبعدين بنتك بتضرب ع طول متقلقش.

خالد: اله جرا ايه ياعم سليم مانهدا كدا شويه دول عيال ياشبح. تموتو ف النكد والكأبه عيل فصيل.
حنين: هههههههه.
المييوزك اشتغل
خالد: اتحرك خطوطين جمبهم تعالى يانونا نرقص انا وانتى الواد ده بقى خنيق. ورقص مع حنين
سليم: ضحك ع خالد عمرك ماهتتربى يبنى هههههه. وفتح ايدو ل فتون تسمحي بالرقصه دي يامدام سليم بدر الدين.
فتون: ابتسمت ومسكت ايدو. وقالت طبعا. وبصت ف عينيه بحب كبير وسألته مبسوط ياسليم؟

سليم: ههههه مبسوط دى صفر ع الشمال. انتى اجمل هديه بجد. ربنا عوضنى بيكى. وكفايه انك جبيتلى اجمل حياة وآمان لحياتى. انتى بقى مبسوطه؟
فتون: ههههه بردو هقولك كلمة مبسوطه دى ااقل من الصفر. انا عشت سنين صعبه اوى.
وكان عندي يقين إن ربنا هيكرمنى. وفعلا كرمنى. وكرمه كبير جدا جدا. وسبحان الله فعلا ربنا ادهشنى بعطاءه.
ورزقنى حبك ورزقنى حنيتك عليا وحبك ليا ول حياة وآمان ده مالى قلبى براحه كبيره وسعاده اكبر.

ربنا يديمك نعمه ف حياتى ياملاكي. وبالمناسبه دي انا عزماك انهردا ع العشا ف اليخت.
سليم: ابتسم بمكر. واضح إنك حبيتى اليخت اوى.
فتون: ضحكت. انا حبيت اليخت من اول يوم شوفته فيه. كفايه منظر النيل بجد تحفه. لكن انا عشقتك انت اكتر من اى حاجه تانيه.
سليم: وانا عشقتك اكتر من روحي. وكل لحظه اشوفك فيها كأنى بشوفك لأول مره. قلبى بيدق.
فتون: عارف يسليم. اجمل حاجه حصلتلى ف حياتى انك حبيتنى بقلبك قبل عينيك.

سليم: واجمل حاجه حصلتلى. انك حبيتى سليم وهو عاجز. حبيتى بصيرته قبل عينيه.
سليم: بص ف عينيها بحب وقال
السيفُ في الغمدِ لا تُخشى مضاربهُ
وسيفُ عينيكِ في الحالينِ بتَّارُ
لا السيف يفعل بي ما أنت فاعله
و لا لقاء عدوي مثل لقياك
لو بات سهم من الأعداء في كبدي
مانال مني ما نالته عيناك
فتون: ردت عليه بحب وكملت وقالت
ونشكو بالعيونِ إذا التقينا
فأفهمهُ ويعلمُ ما أردتُ
أقولُ بمقلتي أني مُتّ شوقًا!

فيوحي طرفهُ أني قد علمتُ
خالد: قرب منهم انا عايز من ده.
سليم: صك ع اسنانه بغيظ. عايز ايه يافاشل ورامي ودنك معايا ليييييه؟
خالد: عايز اقول شعر ل حنون اشمعنا انت. قولى حاجه اقولها ليها.
شريف: وانا كمان.
فتون: اتخضت وكتمت الضحكه.
سليم: غمض عينيه بنفاذ صبر. وقال وانت كمان عايز ايه ياكبيرنا.؟
شريف: عايز اقول شعر ل نجوان.
فتون: شافت ملامح غضب سليم وكاتمه الضحكه.

سليم: هز راسه حااااضرر عايزين شعر تمام. كل واحد فيكو يجيب ورقه وقلم.
ف ثوانى كان كل واحد مطلع من جيبه ورقه وقلم.
فتون: فتحت عينيها بدهشه. هههههههه.
سليم: كشر عينيه امممم. تعالى انت وهو. انتو اخواتى وانا لازم اعمل معاكو واجب عينيا ليكو. بس تعالو ف الجنينه عشان تبقى رومانسيه بجد. وطلع الجنينه.
خالد: تعالى يانونا هقولك شعر.
حنين: بسعاده بجد ياحبيبى الله بجد نفسي من زمان تقولى شعر.

خالد: تعالى ف الجنينه عشان محدش يسمعنا.
شريف: تعالى يانجوان انا محضرلك حتة شعر لازم تسمعيه.
نجوان: بسعاده اوبااا بقى شيفو احبك وانت رايق قول يلا.
شريف: لأ تعالى ف الجنينه عشان محدش يسمعنا.
سليم: بيكتب لكل واحد شعر ف ورقه.
وقرب خالد. وحطها ف جيبه من غير ما حنين تاخد بالها. وعمل كدا مع شريف.
فتون: واقفه ف الجنينه.
سليم: قرب منها وحاوطها من وسطها وواقف يتفرج عليهم.
فتون: حبيبى كتبتلهم شعر رومانسي.

سليم: طبعا ياروحي دول اخواتى ويهمنى سعادتهم.
فتون: طيب اسمع بقى خالد شكله هيقول الشعر.
سليم: بمكر. طبعا دا انا كل أذانِ صاغيه.
خالد: بتوتر احم ثوانى ياحبيبتى كاتبه ف الورقه عشان ماانسهوش ايوه ده كلام بيطلع من القلب. اسمعى ياستى. احم
حنين: واقفه مغمضه عينيها. انا ع أتم الاستعداد ياحبيبى. ها قول سمعنى.
خالد: اسمعى يقلبى
‏‎ورميتُ سهم الحبِّ أقصدُ قلبها
فأصاب سهمي عينها فاعورَّتِ
فكررتُها من لوعتى.

ورميتُ سهم الحبِّ أقصدُ قلبها
فأصاب سهمي أُذنها فاصنجت
شريف: فأردت تخفيفَ المُصاب بكِلْمةٍ
‏ناديتُها: أنْ أقبلِي، فتكعبلت فتكسرت!
ف جبصتُها
فأصاب سهمي رأسها فتهشمت.
حنين: صكت ع أسنانها انا عوره يابن الشرقاوى، ودينى ما انا سيباك انهارده. وجريت وراه ف الجنينه.
نجوان: بغضب كبير. كسرتنى وهشمتنى وحطتنى ف الجبس يابن بدر الدين. دا انا هبيتك ف المستشفى انهارده وجريت وراه.
سليم: وفتون هههههههه.

فتون: ههههههههه اااه بطنى الحق حنين هتاكل خالد.
سليم: ههههههههه احسن اوبس نجوان وقعت ده شريف هيتجبس انهردا.
فتون: هههههههههههه حرام عليك ياسليم.
سليم: يستاهلو. عشان ميرموش ودانهم وانا بغازل ف فاتنة قلبى. وقربها منه اكتر. سيبك منهم وركزى مع الملاك الحارس. احنا كنا بنقول ايه قبل المتطفلين دول يقاطعونا
فتون: . اممم مش فاكره ممكن تقول تانى.
سليم: باس جبينها بحب وقال.
عيناك وطن ولا أنوي الرحيل عن وطني.

فتون: حاوطت رقبته بايديها. وقالت
أبصروا بقلوبهم لاستبصروا
وعمى البصائر من عمى الأبصار
مرت حياتي دون أمنيّة
وتقلبات ملالا على ملل
حتى لقيتكِ ذات أمسية
فعرفت فيكِ مطالع الأمل.
سليم: بحبك.
فتون: بحبك.
آحببتُ بصِيرتهُ.