نوفيلا عشقك جنون للكاتبة لولو الصياد الفصل السابع
قامت دارين مسرعه باخد شاور وارتدت ملابسها ونزلت مسرعه وسمعت اجمل يتحدث الى الظابط
اجمل: ازاى ده انا مراتى مستحيل تعمل كده
الظابط: يا فندم انا بنفذ الاوامر ومعايا امر ضبط واحضار بمدام دارين ومطلبوب القبض عليها.
دارين: بصدمه: مطلوب القبض عليا ليه.
الظابط: انتى مدام دارين.
دارين: ايوه بس ممكن افهم ليه مطلوب القبض عليا.
الظابط: جريمه قتل الاستاذ إبراهيم المحامى بتاع والدك اتفضلى معايا.
نظرت دارين باتجاه اجمل نظره خوف وكانها تريد منه الحمايه شعر اجمل بها واقترب منها وامسك كلتا يديها.
اجمل: متخافيش انا جاى معاكى ومش هسيبك مهما حصل.
دارين: بدموع: انا خايفه ومعملتش حاجه والله يا اجمل
اجمل: انا عارف متقلقيش انا هكون جانبك وكله هيخلص بسرعه صدقينى يا حبيبتى.
عندما سمعت منه تلك الكلمه شعرت ببعض الراحه والامان.
اجمل موجه كلامه لظابط الشرطه: ممكن حضرتك تركب معايا ونروح بعربيتى.
الظابط: مفكر: مفيش مانع.
ليلى: اجمل ممكن اجى معاك بليز.
نظر لها الظابط وكان يدعى شادى وكان لو مره يلاحظ جمال ليلى وانبهر بها وشعر كأنها خطفت قلبه وكانت دموعها المتحجره في عينيها تجعلها اكثر جاذبية.
اجمل: لا يا ليلى خليكى انتى هتا ولو حصل حاجة هكلمك.
ليلى: اوك.
اجمل: موجه كلامه الى شادى: اتفضل يا فندم: لم ياخد باله شادى في بادى الامر الا بعد المره الثانية.
شادى: هااااا اه اتفضلوا.
لاحظت ليلى نظرات شادى لها وشعرت باحراج كبير ولكنها طردت الفكرة من رأسها.
رمبت دارين في الخلف وشادى واجمل في الامام وكانت تفكر لماذا كل هذا يحدث لها ولماذا تم اتهامها هى بالذات بقتل الأستاذ إبراهيم وليس احد غيرها.
وصل اجمل ودارين وشادى الى القسم.
دخلت دارين مكتب الظابط يوسف وكان معها اجمل وشادى.
عرف اجمل نفسه الى الظابط وبعد الترحيب اتضح انهم كانوا أصدقاء دراسه.
احمل: دارين مراتى مستحيل تعمل كده وليه هى بذات اللى اتهمتوها.
يوسف: بص يا أجمل، احنا لقينا الاستاذ ابراهيم مقتول في بيته واوراقه كلها مبعثره على الارض بس اللى لفت نظرنا ان في سلسه جنب الجثه مكتوب عليها دارين: واخرج من الدرج السلسه.
دارين: دى بتاعتى كانت ضايعه منى.
يوسف: وجدنها جنب الجثه وبعد البحث عرفنا ان زوجتك كانت عند الاستاذ ابراهيم يوم الحادث.
نظر آجمل الى دارين.
اجمل: انتى روحتى امتى للاستاذ ابراهيم ده قالى انه مسافر وكمان روحتى امتى.
دارين: اصل انا كلمته وطلبت منه ميسافرش لانى عاوزه ضرورى وروحت له من وراكم خرجت وانتم نايمين من غير ما حد يحس.
أجمل: بغضب مكبوت: وبعدين ايه اللى حصل.
دارين: روحت له واتكلمنا عن ميراثى وقلتله انى عاوزه فلوسى وعاوزه استقل بنفسى واسافر، بس هو رفص وقالى انك جوزى ووصى عليا ومقدرش اتصرف سبته وخرجت وانا مضايقه ورجعت وانتم نايمين.
يوسف: علشان شكيت فيكى لان البواب شافك وانتى طالعه: وبعدها اكتشفوا انه مقتول.
دارين: بس انا مقتلتوش والله ابدا وبكت بشده.
يوسف: اسف يا اجمل بس مراتك هتبات هنا انهارده وتتعرض بكره على النيابة.
اجمل: بس.
يوسف: متقلقش انا هخليها هنا عندى في مكتبى بس لازم محامى قوى القضية مش سهله.
اجمل: ماشي متشكر يا يوسف.
يوسف: ولا يهمك هسيبكم مع بعض دقايق عن اذنكم.
دارين: ببكاء اجمل بليز متسبنيش انا مرعوبه والله ما عملت حاجه.
اجمل اخدها في حضنه متقلقيش انا جنبك وكله هيعدى وخليكى قويه ومتخافيش ابدا طول ما انا جنبك انا همشى وهرجعلك تانى اوك.
ابتعد اجمل عنها وفتح الباب وخرج وظلت دارين تبكى بشده الى ان جلست على الارض
دارين: يااااااااااااااااارب.
كانت كل شىء مظلم امام اجمل اتصل بالمحامى وارسله الى القسم وحاول ترتيب اموره ولكن لماذ لا يشعر بالارتياح نهائيا هناك شىء غامض وكأن احدهم يحاول توريط دارين في جريمه القتل تلك.
وصل اجمل الى الفيلا لتغير ملابسه.
ليلى: خير يا اجمل وفين دارين مش شيفاها.
اجمل: وهو يجلس على اقرب كرسى بتعب: دارين محجوزه هناك وبكره الصبح هتتعرض على النيابه.
ليلى: وهى عامله ايه زمانها مرعوبه يا حبيبتي.
اجمل: انا موجوع اووى عليها يا ليلى ومش عارف اعمل ايه حاسس انى ايدى متربطه ومراتى بتروح منى
ليلى: اهدى يا حبيبى ربنا بس بيختبرك وان شاء الله خير.
اجمل: يارب تعدى الازمه دى على خير ودارين تطلع منها.
لاحظ اجمل عدم ظهور نادين نهائياً منذ امس.
أجمل: فين نادين.
ليلى: في اوضتهامش بتخرج ابدا ومش عارفه مالها اللى بيقرب منها بتبقى عاوزه تموته.
اجمل: بشك: انا طالع لها.
طلع اجمل السلم مسرعا وذهب الى غرفه نادين وفتح الباب وجدها تجلس على الارض وتبكى بشده.
اجمل: اقترب منها ببطئ: نادين.
نادين: عاوز منى ايه اخرج بره انا بكرهك.
اجمل: طيب مش تسالى عن دارين دى متهمه في قتل ابراهيم المحامى.
نادين: هو مات بجد يعنى مبقاش عايش.
اجمل: وانتى ليه بتسالى انتى تعرفى حاجه.
نادين: بتوتر: لالالا معرفش هعرف ايه.
اجمل: وهو يمسكها من يدها ويشدها لتقف امامه.
اجمل: امال مالك متوتره ليه انتى تعرفى حاجه.
نادين: لا معرفش انت عاوز منى ايه.
اجمل. بغضب: لا تعرفى مين اللى قتله انتى اللى قتلتيه.
نادين: لا لالا والله ما انا اللى قتلته والله ما اتا.
اجمل: امال مين اللى قتله.
نادين: اللى قتله.