قصص و روايات - نوفيلا :

نوفيلا اغتصاب طفلة والفاعل معلوم بقلم هدى السيد الفصل السادس

نوفيلا اغتصاب طفلة والفاعل معلوم بقلم هدى السيد

نوفيلا اغتصاب طفلة والفاعل معلوم بقلم هدى السيد الفصل السادس

تاني يوم الصبح رغد قاعده هي وخالد وريماس عملت الفطار وقعدوا يفطروا

خالد:هاتروحي للدكتور النهارده يا حببتي
رغد:اه. ..كريم مصمم
ريماس:عين العقل يا بنتي. .لازم تعيشي حياتك كفايه الي راح منها
رغد:ربنا يسهل يا ماما

كريم في شغله بيكلم الدكتور وياخد منه معاد ويروح عند رغد عشان يخدها

ريماس:اذيك يا حبيبي عامل ايه
كريم:الحمدلله ياخالتي. .يلا يا رغد
رغد باستسلام:ماشي
ريماس:استنى يا حبيبي اتغدى الأول
كريم:لاء يا حببتي احنا مستعجلين
ريماس: ربنا معاكوا ياابني

رغد وكريم وصلوا عند الدكتور وكريم بيتكلم مع السكرتيره

كريم:لو سمحتي احنا عندنا معاد
السكرتيره:بإسم مين
كريم:رغد
السكرتيره:حضرتك الدكتور كريم. ..دكتور محسن مستني حضرتك.. اتفضل

محسن:اذيك يا دكتوره رغد.. اتفضلي ...اذيك يا كريم
كريم:الحمدلله ..اذيك انت يا محسن
محسن:الحمدلله. ..ممكن تسبنا شويه يا دكتور
كريم:اه طبعاً. ...انا هستنا بره يا حببتي

رغد هزت راسها بمعنى ماشى

محسن:ها يا دكتوره تحبي نبدأ منين
رغد:معرفش
محسن:طب تحبي تحكي انتي ولا اسئل انا
رغد:انا مش عايزه أتكلم اصلا
محسن:بصي اعتبريني صديق مش دكتور
رغد:انا جايه هنا عشان أهلي مش عايزاهم يفضلوا قلقنين عليا
محسن:بس المفروض تيجي هنا عشانك انتي مش عشان حد
رغد:عشاني...هه...انا ماعرفتش أدافع عن نفسي سبته يعمل فيا كده
انا أضعف من اني أعيش في الدنيا دي
محسن:انتي ملكيش زمب في الي حصل انتي كنتي طفله وهو أكبر وأقوى منك وكمان هو اخد عقابه.

رغد:هه ..عقابه.. 15سنه دول عقاب ده لو سنه صغير هيطلع شاب ويعيش حياته عادي
محسن:عقابه عند ربنا تفتكري ربنا هيسيبه
رغد:انا عاوزه امشي
محسن:اوك كفايه كده النهارده. .تحبي تيجي أمته
رغد:انا مش هاجي هنا تاني
محسن:ماشي لما تحبي تتكلمي انا موجود

محسن وصل رغد بره كريم شافهم راح عندهم

كريم:انتي كويسه

رغد حركت دمغها بمعنى اه ومحسن عمله حركه بمعنى هنتكلم ..كريم اخد رغد وعزمها على الغداء وهي كانت معترضه بس كريم صمم...في المطعم

كريم:تحبي اطلبلك ايه
رغد بتوهان:أي حاجه

كريم ندا للندل وطلب الأكل وبعد ما مشى

رغد:كريم
كريم:نعم يا حببتي
رغد:انا عايزه أطلق
كريم بصدمه:انتي بتقولي ايه يا رغد
رغد:انا أسفه مش هقدر أكمل معاك انا معنديش حاجه اديهالك
كريم:انتي كل حاجه رغد انا مش ممكن اسيبك
رغد:انت كده بتعزبني وتعزب نفسك. .لو بتحبني زي ما بتقول يبقى تطلقني
كريم:لو بحبك. ...يعني لو بعدت عنك هترتاحي
رغد من غير تفكير:اه...هرتاح

قطع كلامهم الندل جايب الأكل ...

كريم:طب كلي يا رغد وبعدين نتكلم في الموضوع ده
رغد بعصبيه:مش عايزه أكل سبني في حالي بقى انت مش عارف انا حسه بأيه
أرجوك أبعد عني ...وسبته ومشت

كريم دفع الحساب وخرج وراها

كريم:استني هنا انتي راحه فين
رغد:ماشيه وياريت ماتجيش ورايا

كريم واقف مكانه مصدوم من أسلوب رغد هو اه كان عارف انه هيتعب معاها بس متخيلش انها تطلب الطلاق ..كريم راح لمحسن عشان يعرف منه الي حصل ومحسن قاله انه يديها فرصه تعرف تعتمد على نفسها... رغد روحت وعرفت بباها وممتها انها طلبت الطلاق من كريم.

خالد:طلاق ايه بس يا رغد
رغد:انا مش هقدر ابقى زوجه وافتح بيت خليه يعيش حياته مش عايزه اظلمه معايا
ريماس:استهدي بالله بس يا بنتي انتي عاملتي ايه عند الدكتور
رغد:انا مش هروح للدكتور تاني ومحدش يضغط عليا ولو مش عايزني أعيش معاكوا انا ممكن امشي
خالد:سبيها برحتها يا ريماس. .وانتي يا رغد مافيش حاجه اسمها أعيش لوحدي
احنا مقدرين الي انتي فيه بس ماتخليهوش يغير اخلاقك
رغد:انا أسفه يا بابا بس حقيقي انا اعصابي تعبانه.. عايزه الم الي فاضل مني عشان اعرف أعيش.

الكل عرف أن رغد عايزه تطلق وكريم قالهم محدش يدخل في الموضوع.

عدى أسبوع ورغد ماشفتش كريم كل يوم بتروح شغلها وترجع تقعد مع أبوها وامها وشمس ومالك بيروحوا عندها كل يوم في يوم وهي في الشغل أسر رحلها

أسر:اذيك يا رغد عامله ايه
رغد:أسر في حاجه
أسر:مالك يا بنتي اتخضيتي كده ليه
رغد:أصل اول مره تجيلي الشغل
اسر:عايز اتكلم معاكي لوحدنا. ..خلي صحبتك تقف مكانك وتعالي
رغد:مش هينفع ندى ماجتش النهارده وانا هنا لوحدي
اسر:وندى ماجتش ليه بقي
رغد:مافيش أصل جايلها عريس ف...
اسر:عريس. .عريس ايه ومين العريس ده وهي موفقه
رغد:ايه كل الاسئله دي عريس عادي هي لسه هتشوفه
اسر:طب انا هستناكي في الكافيه الي بره خلصي وتعالي
رغد:ماشي يا أسر

رغد خلصت الشغل وراحت لأسر

رغد:ها يا أسر في ايه
اسر:بصي يا رغد انا كنت جاي اتكلم معاكي في موضوعك انتي وكريم
بس هاجل الكلام في شويه ودلوقتي اسمعيني كويس. ...

رغد:انا معرفش اعمل كده يا أسر
أسر باستعطاف:عشان خاطري يا رغد مش انا اخوكي حبيبك مش عايزه تساعديني
رغد باحراج:مش قصدي والله يا أسر بس انا مليش في الكلام ده
أسر بصي هتيها انتي بس وانا هعمل كل حاجه
رغد:ماشي يا أسر بس والله لو زعلت مني
أسر:ماتخفيش مش هتزعل ولو زعلت هقولها اني ضغط عليكي
بكره أن شاء الله نتقابل في المكان الي قولتلك عليه 

الفصل التالي
جميع الفصول
روايات الكاتب
روايات مشابهة