قصص و روايات - نوفيلا :

نوفيلا اغتصاب طفلة والفاعل معلوم بقلم هدى السيد الفصل الخامس

نوفيلا اغتصاب طفلة والفاعل معلوم بقلم هدى السيد

نوفيلا اغتصاب طفلة والفاعل معلوم بقلم هدى السيد الفصل الخامس

كريم اخد خالتوا ودخلها الاوضه الي بينام فيها لما بيبقى نبطشي في المستشفى
وراح عند أسر يقعد معاه أسر اول ماشافه جاي عليه قام وقف واخده في حضنه وكريم ماصدق واترما في حضن أخوه ومقدرش يسيطر على نفسه وفضل يعيط.

أسر بحزن على أخوه:بس يا كريم بس يا حبيبي أن شاء الله هتبقى كويسه
كريم بعياط:رغد...هتروح مني. ...يا أسر
أسر:ليه بتقول كده يا حبيبي أن شاء الله هتبقى كويسه
كريم انا تعبان قوى يا أسر
اسر:مالك يا كريم احكيلي ده انا اخوك ياض

كريم قال لأسر الي حصل لرغد وأسر مش مصدق الي بيسمعوا هو مكانش يعرف لا هو ولااخواته

أسر بصدمه:انتوا اذاي ماتعرفونيش حاجه ذي دي رغد دي اختي زيها زي شمس فاهم يا كريم فاهم
كريم بحزن:مكانش لازم حد يعرف بس مش لاقي حد أتكلم معاه انا تعبت والله العظيم تعبت انا خايف تضيع مني انا بحبها وعمري ماحبيت غيرها
اسر:أهدى يا كريم احنا اخوات ومحدش هيعرف حاجه رغد اختي مش بس بنت خالتي
ولا مرات اخويا اجمد انت بس عشان الي جاي أصعب.

كريم:عارف وعارف كمان أنها ممكن ماتكملش معايا
اسر:الي جاي عايز منك صبر هي لو ماتقبلتكش فده هيبقى غصب عنها انت دكتور
وعارف انها حالياً بتعيش الي حصلها تاني
كريم:انا خايف عليها قوي انا هقبل بأي حاجه غير أنها تروح مني

أسر مش عارف يقول ايه يواسي أخوه إزاي هو نفسه عايز الي يواسيه
النهار طلع وكريم راح يشوف خالد ويطمن عليه

كريم:حمدله على السلامه يا عمي
خالدبتعب:الله يسلمك. ...رغد عامله ايه
كريم:هتبقى كويسه بس انت قوم عشان هي محتجالك
خالد بعايط:انا عاوز اشوفها عايز اشوف بنتي
كريم وهو بيقرب منه:أهدى يا عمي عشان ماتتعبش
خالد:انا عايز أخرج من هنا يا كريم
كريم:حاضر يا عمي بس خلينا نعمل شوية تحاليل واشعه وب...
خالد:انا مش عايز اعمل حاجه انا عايز اروح لبنتي
كريم:رغد قدمها ساعتين وتفوق خليني اطمن عليك وبعد كده اوعدك اني
هاخدك عندها

خالد استسلم لكريم وعملوا الأشعة والتحاليل واخد خالد على الكرسي
وراحو عند رغد في الاوضه دخلوا كانت ريماس قاعده جمب رغد وماسكه اديها ومستنياها تفوق اول ماشافت خالد قامت راحت عنده ونزلت لمستواه وفضلت تعيط
وهو حط ايدو على دمغها

خالد:هشششش. . ...انا كويس. ...ورغد كمان هتبقى كويسه
ريماس:ماتسبنيش يا خالد انا ماقدرش أعيش من غيرك
خالد بحنان:ولا انا اقدر أعيش من غيركوا

كريم سابهم وقعد جمب رغد الي كانت بدأت تفوق
كريم في نفسه:اه يا رغد...آه يا حب عمري. ...جه اليوم الي كنت خايف منه
انا عارف انك ممكن ماتتقبليش وضعا لكن اوعدك عمري ما هتخلى عنك أبدا وهفضل أحبك طول عمري

رغد فتحت عنها لقت كريم بيبصلها وبيبتسم
كريم:حمدله على السلامه يا حببتي
رغد بصتلوا ومتكلمتش وبباها ومامتها راحوا عندها والفرحه مش سيعاهم الكل فرحان أن رغد فاقت أسر لما عرف دخل يطمن عليها ومالك وعاصم ورحاب كانوا لسه واصلين وكل واحد بكلمه
ريماس:الحمدلله يا رب اشكرك واحمد فضلك يارب حمدله عالسلامه يا قلب أمك
خالد:انا اسف يا حببتي اسف
رحاب:الحمدلله انك قومتي بالسلامه يا حببتي.

عاصم:اجمدي كده يا رغد
أسر:ايه يا مرات اخويا انتي عايزه تعرفي غلاوتك عندنا ولا ايه
مالك قرب منها:رغوده حبيبت قلبي قومي كده امال انا هناكف في مين

كل ده ورغد مش بتنطق بتبصلهم وبس مش عايزه تتكلم مع حد عايزه تبعد عن الناس كلها
كريم جمب رغد الي ساكته ومنكمشه في نفسها
كريم:ساكته ليه يا حببتي
رغد:...
خالد:مالك يا رغد مش بتتكلمي ليه
رغد:...
الكل بعد ما كان فرحان بدء يقلق كريم كلم الدكتور النفسي وشرحلوا الحاله
الدكتور جه وطلب انه يقعد يتكلم معاها لوحدهم.

كريم:زي ماقولتلك لما صحت اول مره كانت في حالت هستيريا ودلوقتي ساكته ومش بتتكلم خالص
محسن:الي حكتهولي مش سهل حد يعيشوا والطريقه الي عرفت بيها غلط كان لازم
تعرضوها على طبيب
كريم:أرجوك يا محسن اعمل أي حاجه خليها ترجع زي الأول
محسن:اوعدك أن هعمل الي اقدر عليه.

محسن دخل عند رغد عشان يتكلم معاها وكريم فضل معاه
محسن:اذيك يا مدام رغد
رغد:...
محسن:انتي لازم تبقي أقوى من كده الي حصل زمان مش هيحصل تاني
رغد:...
محسن:طب انتي عارفه ده مين وبيشاور على كريم
رغد بتبص لكريم وتعيط وكريم يقعد جمبها ويمسك اديها

كريم:ماتخفيش يا حببتي محدش هيقدر ياذيكي
رغد بصوت ضعيف:انا عاوزه اروح
كريم بفرحه:حاضر يا حببتي هنروح حالا
رغد:عند بابا

كريم فهم أن رغد مش عايزه ترجع معاه البيت وده شيئ وجعه بس المهم انها اتكلمت بعد كده كل شيئ يهون رغد خرجت من المستشفى على بيت بباها.

كريم اتفق مع الدكتور انهم هيرحولوا في أقرب وقت...

 

رغد خرجت من المستشفى وراحت البيت عند خالد ومش عارفين يتكلموا معاها في الي حصل ولا يتجهلوا الموضوع كريم قالهم أن محدش يتكلم معاها وانهم يقنعوها تروح للدكتور...بالليل في اوضة رغد بعد ما الكل مشى ريماس وخداها في حضنها.

ريماس:ما توجعيش قلبي عليكي يا حببتي. ...إنسي وعيشي انا وابوكي عشنا عمرنا كله نحاول منخلكيش تفتكري عشان تعرفي تعيشي
رغد بضعف:وهو انا كده كنت عايشه. ..انا عمري ماعرفت اخد حقي ديما خايفه من الي حوليا. ..انا بقالي شهرين متجوزه وجوزي مالمسنيش انا مش قادره أتقبل العلاقه دي ماكنتش اعرف ليه بس واضح ان عقلي كان عارف كل حاجه ومحتفظ بيها.

ريماس والدموع نازله من عنيها:يا بنتي ده قدر ربنا وبعدين كريم بيحبك
رغد بانفعال:كريم مابيحبنيش كريم اتجوز بنت خالتوا عشان يستر عليها

كريم كان داخل الاوضه وسمع كلام رغد

كريم:لاء بحبك يا رغد وعمري ما حبيت غيرك م...
رغد:لو سمحت يا كريم مالوش لازمه تيجي على نفسك انا خلاص عرفت كل حاجه ...ماتقلقوش عليا انا هبقى كويسه
كريم:بس انا الي مش كويس انا عايز مراتي وحببتي الي عشت عمري كله اتمناها
رغد:أرجوك كفايه انا ماقدرش أكون معاك انا بالعافية هقبل الي حصل عشان اقدر أعيش

ريماس خرجت وسابتهم لواحدهم وكريم قعد جمب رغد

كريم:وانا ماقدرش أعيش من غيرك
رغد:وانا معنديش حاجه أديهالك
كريم:انامش عايز من الدنيا غيرك
رغد:دلوقتي ...لكن بعد كده عايز تخلف مش كنت بتقول عايز دستة عيال
روح اتجوز واحده تقدر تجبهم ليك انا قدامي المشوار طويل
كريم:لو العيال دول مش منك انا مش عايز انا عاوزهم منك شبهك. .

انتي كل حاجه في حياتي انتي النفس الي بتنفسه انتي عمري وروحي وقلبي في حد يقدر يعيش بعد ما كل ده يروح منه
رغدوالدموع في عنيها:كريم أرجوك
كريم:ارجوكي انتي. ...احنا هنروح للدكتور بكره وهنعمل الي هيقول عليه وانا معاكي مش هسيبك حتى لو انتي عايزه كده

رغد ماعرفتش تقول ايه قدام مشاعر كريم بس قالت في نفسها أنها مش ممكن تظلمه معاها. ..عند خالد قاعد في الاوضه بعد ما ريماس ادتوا الدوا

خالد:هي عامله ايه دلوقتي
ريماس: مش كويسه بس كريم معاها يمكن يهديها شويه
خالد: طول عمره بيعرف يتعامل معاها
ريماس:كريم عاقل وهيقدر حالتها

الباب خبط ريماس راحت تفتح الباب

ريماس:ندى تعالي يا حببتي انتي عرفتي منين
ندى:عرفت ايه يا طنط ...اناروحت عند رغد ملقتش حد
والبواب قال انهم ماجوش من امبارح
ريماس بحزن:رغد تعبانه شويه وقاعده هنا
ندى بقلق:تعبانه مالها ...هي فين
ريماس:في اوضتها يا بنتي ادخللها

ندى دخلت لرغد وراحت اخدتها في حضنها

ندى:مالك يا حببتي ايه الي حصل يا كريم
كريم:ماتقلقيش يا ندى. ..انا بره لو عوزتي حاجه يا رغد.

كريم خرج ورغد حكت لندى الي عرفتوا وندى مش مصدقه أن صحبتها عاشت كل ده

ندى والدموع نازله من عنيها:كل ده عشتيه يا حببتي. ..منه لله...وهو فين دلوقتي
رغد بحزن:بيقولوا اخد 15 سنه. ..ها...يعني زمانه طلع. ...لو لسه عايش
اناطول عمرى بقول ليه بابا مش بيودينا البلد حتى عمي لما كان بيجي يزورنا عمروا ما قال لبابا أبقوا تعالوا كنت بستغرب بس بابا كان بيقول انه مش فاضي
وان عمي مسافر لما بيجي بيزورنا.

ندى:إنسي يا رغد عشان تعرفي تعيشي
رغد:كنت بقول ليه كريم مستحمل كل ده معقول عشان بيحبني بس طلع عشان
عارف اني مريضه
ندى:لاء يا رغد كريم بيحبك وكلنا عارفين كده
رغد:كريم طيب وجدع لما لقى بنت خالتوا في مشكله واقف معاها
ندى:انت هابله يا بنتي معقول هيضحي بحياته عشان يقف مع بنت خالتوا.

رغد بحزن:فعلاً هو ضحى بحياته مع واحده ماتنفعش تكون زوجه
ندى باحراج:انا أسفه يا رغد والله ماقصد
رغد:ولا يهمك هي دي الحقيقه
ندى:ماتبقيش حساسه كده انتي عارف اني مدب ومابفكرش في الكلام الي بقوله
رغد:انا مش زعلانه منك يا ندى انا عارفه انك ماتقصديش بس هي دي الحقيقه
ندى:يابنتي كريم بيحبك ولو زي ما بتقولي كده كان أسر الي اتجوزك حتى هو الكبير
رغد:مكانش يعرف كريم سمع ماما وهي بتحكي لخالتي.

ندى فضلت تقنع رغد أن كريم بيحبها وأنه معملش كده عشان يستر عليها
كريم خرج لقى أسر قاعد بره

أسر:هي عامله ايه دلوقتي

كريم:الحمدلله. ... جيبت الحاجه
اسر:اه أمك جابتلها شوية هدوم وجبتلك انت كمان
كريم:لاء انا هروح
اسر:ليه يابني ماتخليك معاها
كريم:هي مش عايزاني معاها يا أسر والا ماكنتش جات هنا
اسر:وانت يعني هتسمع كلامها وتسبها
كريم:مش حكاية اسبها انا بس سيبها براحتها عشان يوم ماهخدها
مش هخليها تبعد عني تاني
أسر بمناغشه:أيوه بقى شكلك هتعيد امجادك يا روميوا.

كريم:فايق انت
أسر:ومافوقش ليه وانا شايف اخويا متمرمت ورا حبه
كريم بابتسامه:اه...طول عمرها مجرياني وراها
اسر:انا داخل اشوفها عشان امشي
كريم:ندى معاها جوه
أسر بارتباك:ندى ... هنا
كريم بابتسامه:اه يا اخويا ندى هنا
أسر:طب انا داخل اشوف مرات اخويا اصلها وحشاني قوي
كريم:انت هتقولي مانا عارف أنها وحشاك ادخل ادخل.

أسر دخل عند رغد وكريم دخل معاه

أسر:عامله ايه دلوقتي يا رغد
رغد:الحمدلله يا أسر
أسر بارتباك:اذيك يا دكتوره ندى
ندي:الحمدلله. .اذيك انت ياباش مهندس
اسر:الحمد لله ..انا همشي يا رغد عاوزه حاجه
رغد:شكراً يا أسر بس والنبي وصل ندى وانت مروح
ندى بارتباك:لاء...انا...همشي لوحدي
كريم:خليه يوصلك يا ندى الوقت متأخر

بعد ما أسر وندى مشوا

كريم:انا همشي وبكره أن شاءالله هاجي نروح للدكتور
رغد:كريم انا مش عاوزه اروح لدكاتره
كريم: لاء هنروح انا عايز مراتي معايا
رغد:انت كده بتضغط عليا
كريم:عندك استعداد تروحي معايا دلوقتي

رغد بصت لكريم ومعرفتش ترد عليه

كريم:وانا عايزك معايا يبقى نسمع الكلام. ...و..انا اسف عشان مديت أيدي عليكي
رغد بعايط:انت ايه الي خلاك تستحمل كل ده. ...ومتقولش عشان بحبك
كريم:بس هي دي الحقيقه انا فعلاً بحبك ولو انتي مش حسه ده
يبقى مابتحسيش يا حببتي
رغد:بجد يا كريم انا بحلك من أي وعد انت...
كريم:انتي مابتزهقيش...انا همشي وهجيلك بكره

كريم روح البيت بس ماعرفش يقعد فيه راح يقعد مع اخواته

اسر:والله زمان
كريم:والله ماكنت أتخيل أن بعد شهرين جواز ارجع انام معاكوا تاني
مالك:انا ماصدقت الاوضه توسع شويه. ..يارب مش كنت طلعت بنت
يا بختك يا شمس مبرتعه في الاوضه لوحدك
شمس فتحت الباب فجأة:مين بينادي انا سامعه اسمي
مالك:بسم الله الرحمن الرحيم. ..مش تخبطي يا بت
وبعدين ايه الي جابك مش مكفيكي اوضتك
شمس:انا جايه اقعد مع ابيه كريم انت مالك انت
كريم:حببتي يا شموس وحشاني يا بت.

شمس:هو انت هتقعد معانا هنا يا أبيه
كريم:حاجه زي كده
شمس: ليه انت غضبان
أسر بضحك:هههههه اها رغد قالتلوا والله مانت بايت فيها
مالك:هههههههههههه
كريم:بس ياض بتضحك على ايه. .اسر خف شويه والله امشي
أسر:يا عم اقعد انت لاقي حته تروحها
مالك بحقد:لاء لاء يا أسر ده عنده شقه إنما ايه يجري فيها الخيل
بس تقول ايه يسيب هو كل ده ويجي يقعد هنا ..
انت مش ناوي تتجوز يا أسر عشان اخد راحتي شويه
اسر:يا عم الي بيتجوز بيرجع تاني. .شكل أمك دعياها
رحاب:داعيه ايه يا ولا.

اسر:ست الكل بتدعلنا يا حببتي
رحاب:اه بحسب. ...رغد عامله ايه يا حبيبي
كريم:الحمد لله يا ماما
رحاب:هتروح للدكتور بكره
كريم:أن شاء الله
رحاب:ربنا معاكوا يا ابني أصبر يا كريم
كريم بابتسامه حزينه؛:صابر ياماما صابر
شمس:هي رغد عندها ايه يا أبيه
مالك:وانتي مالك يا بارده روحي بقى اوضتك عاوز انام يا ناس عندي كليه الصبح.

شمس:شوفتي يا مامتي مش لو كان عندي اخت كان زماني قاعده معاها. ..
ماما ماتجبيلي اخت
أسر ومالك:نعم اخت مين
مالك:مش كفايه انتي جيلنا على كبر
رحاب:كبر مين يا معفن ده انا الي بيشوفني بيقول عليا اختكوا
كريم باس إيد من أمه:طبعاً يا ست الكل هما بس مش عايزينك تتعبي
أسر:حبيب أمك انت
رحاب:طبعاً حبيبي

عند ندى بعد أسرما وصلها دخلت اوضتها والابتسامة على وشها
قعدت على السرير واخدت الدبدوب في حضنها

ندى:اه يا أسر. ..اعمل ايه ياربي عشان يعرف اني بحبه.. بحبه ياناس بحبه

تاني يوم كريم راح شغلوا وبليل راح اخد رغد وراحوا للدكتور والدكتور
قال لكريم يستناهم بره وبعد شويه رغد خرجت منهاره...

الفصل التالي
جميع الفصول
روايات الكاتب
روايات مشابهة