نوفيلا أول نظرة للكاتبة ابتسام محمود الصيري الفصل السابع
قطع ياسمين صوت خبط الباب و دخلت تالين
قالت بدلع: اهلا حبيبي وحشتني و باست ادم
ادم تنحنح حرجا: اتفضلي يا تالين
ياسمين بصدمه: طيب بعد اذنك
ادم بجديه: خلاص ما تنسيش بكرة الساعة ستة الصبح هاعدي عليكي
ياسمين بضيق: خلاص ماشي بعد اذنك
تالين: و بعدين يعني معاك ولا بتكلمني ولا بشوفك زي الاول فينك.
ادم يبص لورق قدامه: معلش يا تالين الشغل و الله غصب عني
تالين تحط ايدها ع الورق اللى بيبص عليه و تقول بوقاحه و هي تغمز ليه: طب انت وحشتني
ادم بإيجاز: و انتي كمان
تالين: و انتي؟ من امتى دا و انتي؟ انا بقولك وحشتني
ادم بضيق: و احنا في المكتب
تالين بتريقه: و انت من امتى بيفرق معاك المكان؟
ادم بحده: ما تهمدي شويه احنا في الشر، قاطعته ب بوسه ع شفايفه
ادم بحده بعدها لكن كانت بتقرب عليه: احنا في الشركة يا مجنونة ابعدي لحد يدخل علينا
تالين بالامبالا: فيها ايه يعني واحد و حبيبته و عشان اريحك ادي الباب قفلته بالمفتاح و قفلت الستاير.
ياسمين كانت شيفاهم من ازاز المكتب قلبها اتقبض و اضيقت كلمت نفسها: و انا مالي و ترجع تاني تبص على المكتب لقت الستاير مقفوله اتغظت و قالت ل منال: مدام منال هي مين دي اللى دخلت ل ادم
منال: دي تالين خطيبته
ياسمين بصدمه: هو خاطب؟
منال بضحك: هو خاطب بس، اعتبريه متجوز
ياسمين سكتت بضيق و فضلت تاكل في ضوافيرها.
تالين خرجت من عند ادم و هي عند الباب بتبوس ايديها و بتبعتها لادم في الهوا: يالا باي يا قلبي.
ادم اضايق من جيت تالين اللى هديت كل حاجه في ثانيه، كان نفسه يطلع يكلم ياسمين، لكن خاف من رد فعلها استنى لما تهدى عشان يفهمها كل حاجه.
في وقت المرواح
كلهم مشير حتى ياسمين ما استنتش ادم زي كل يوم و روحت على طول.
ادم طلع من مكتبه عشان يوصلها ملقهاش، اتضايق انها مشيت من غير ما تقوله و روح هو كمان بحزن.
في فيلا السدلاني
وقت العشا كلهم ع السفره
ادم و باباه و امه و اخته اللي بقت شقية زي الاول و بتهزر على طول.
ديالا بمشاكسه اتفضل يا ادم الملح
ادم مد ايده اخده منها: ربنا يخليكي ليا
ديالا بضحكه شريره: ولا يحرمني منك. كل كل.
حط ادم ملح كتير على الفراخ عشان هو بيحب الملح فبياكل اكتشف انه سكر ضم حواجبه ع بعض من طعم السكر: ماشي يا ديالا ربنا يكرمك بجوز اهبل زيك
وقام مسك الثلج كله اللي علي السفره وهي طلعت تجري، جرى وراها مسكها وحط الثلج في قفاها
ديالافضلت تتنطط: اه ساقعه ساقعه
ادم بقرف: احسن. سديتي نفسي. ( وهو تقريبا كان شبع).
ديالا تبص ع طبقه اللى تقريبا خلص: لا والنبي لسه باقي حتة في دراعي تعالى كلها
ادم بتحزير: والله هجيلك تاني
ديالا بخوف: وعلي ايه الطيب احسن انا كنت بقولك بالف هنا
ادم ماشي وطالع علي السلم
هيدي بغيظ: والله عيال عيال
توفيق يحط ايده ع كتفها: ما مامتهم مين؟
(هيدى وديالا ضحكو بصوت عالي).
ادم رجع من عالسلم بسرعه و بصلهم: بتضحكوا علي ايه ضحكوني معاكم بس اوعو تكونوا بتنمو عليا
ديالا بضحك: النم حرام علي فكره
توفيق حدف عليه فاضيه عليه وقال: روح نام بقى
(ادم جرى و دخل اوضته وفضل يفكر في ياسمين و يكلم نفسه: ممكن تكون عرفت انها خطيبتي؟ بس انا بحبها هي اعمل ايه عشان تسامحني اني خبيت عليها).
(ياسمين طول الليل بتفكر في العلاقه اللي بين ادم وتالين وزعلانه ومش عارفه تنام خالص لحد الساعه خمسه الفجر.
بعد سراع طويل ادم اتصل بيها وقال: انا ربع ساعه واكون عندك
ياسمين بحده: خير فيه حاجه
ادم بهدوء: اه فيه و غير ان احنا عندنا شغل
ياسمين بجديه: حاضر هكون جهزت وقفلت السكه علي طول
قامت بضيق و كان نفسها تخنقه و فضلت تشتم عليه لحد ما جهزت ونزلت
ادم اول ما شافها صفرو قال: ايه الشياكه دى كلها
ياسمين ركبت العربيه و تقول بقرف: ميرسي.
ادم بمشاكسه: هو انا بقولك تعالي كلي
ياسمين بضيق وحده: يعني اقول ايه يعني
ادم يمسح وشه بعصبيه و يقول بهدوء: في ايه يا ياسمين
ياسمين بنرفزه: لا ابدا مافيش بس المفروض من الاول ان انا سكرتيرة ترجمه وانت ابن صاحب الشغل، يعني مدير الشركه كلها عايزني اعاملك ازاي.
ادم بضيق خبط الدريكسيون و دور العربيه و مشي بسرعه و اتأكد انها عرفت موضوع خطبته، فضل السكون عشان الامر ميدهورش اكتر
(طول الطريق الصمت كان مسيطر عليهم و كل واحد جواه كلام كتير.
ادم قاطع الصمت و قال: وصلنا اتفضلي نزلي
ياسمين بصت ع الشركه و ابتسمت بحزن: ايه ده؟ دي شركة غانم
ادم ابتسم: اخيرا نطقتي وكمان ابتسمتي؟
ياسمين: اصل انا كنت هشتغل هنا، وبعد ما وافقو، قالولي لا عشان صاحب الشركه شغل بنت اخوه، كان نفسي اشوف بنت اخوه ده، وفعلا جيت قبل كده ملقتش السكرتيره، و كان نفسي اقابل المدير بس قولت هقوله ايه رحت مشيت
ادم بهزار: اديكي اشتغلتي في اكبر شركه وكمان هخليكي تشوفي السكرتيره، بس لو حلوه انا هاخدها معايا وخليكي انتي هنا.
ياسمين بتريقه: فعلا تعملها و سبحان الله ما يبانش عليك انك متجوز قصدي خاطب
ادم حس من كلام ياسمين انها بتلمح عالعلاقة اللي بينه و بين تالين
ادم بهدوء: لو سمحتي يا ياسمين هافهمك بعدين، احنا عندنا شغل دلوقتي مش هاعرف اتكلم معاكي براحتنا
ياسمين بقرف: ولا دلوقتى ولا بعدين وفر كلامك للقطه بتاعتك، مشيت من قدامه و.
اول ما دخلت عند مكتب السكرتيرة لقت اميرة قاعده عالمكتب، وقفت مكانها و متحركتش من الذهول
ادم اول ما شاف السكرتيرة مال على ياسمين وقال بهزار: تعرفي فعلا عنده حق انه مش يسيبها
ياسمين عينها دمعت و حولت تمسك نفسها
اميرة كل ده بصة في اللاب بتعمل شغل مهم
ادم قرب ل مكتب اميرة: صباح الخير
اميرة بعمليه: صباح النور اتفضل ثواني
قالت كلامها وهي بصه للورق.
ادم بص ل ياسمين: اقعدي
ياسمين ما بتردش
ادم هزها: اقعدي يا ياسمين
ياسمين من الصدمه مش مستوعبه اي حاجه بتحصل جنبها
ادم: فيه ايه؟ انا ما صدقت فتحتي شوية! قفلتي تاني ليه؟
ياسمين رمشت بعينها و قعدت من غير ولا حرف
جه واحد دخلهم لغانم صاحب الشركة
ادم بابتسامه: صباح الخير.
غانم بابتسامه: صباح النور. معلش وقفتوا بره شوية كان عندي عميل
ادم: ولا يهمك مفيش مشاكل
ادم بيتكلم في الشغل و ياسمين لسه متنحه من الصدمه
غانم بتركيز: مش انتي ياسمين
ياسمين مش بترد
ادم رد و قال: اه هي ياسمين
و بص ليها: ياسمين ردي على مستر غانم
ياسمين بتركيز: نعم بتقول حاجة؟
ادم بهزار: بقول حمد الله عالسلامة خلاص وصلنا مستر غانم كان بيكلمك
ياسمين بجديه: ايوه يا افندم
غانم: انا كنت بقول انتي ياسمين اللي كنتي هاتشتغلي هنا
ياسمين بحده: اه، و حضرتك سبحان الله كنت موافق جدا
غانم: فعلا و الله انا زعلت جدا و خسرتك لما بعتتي اميرة تتعذر بدالك
ياسمين بدهشه: نعم؟ تعتذر مكاني! ليه هو انا كنت محتاجة...
قاطعها دخول اميرة و قالت بعمليه: معلش يا افندم فيه، (عينيها جت في عين ياسمين و تنحوا الاتنين)
كملت ياسمين كلامها مع غانم: ايه يا افندم هو انا كنت محتاجة حد يعتذر بالنيابة عني. ما هو لازم يكون فيه ناس واطية ولاد مسكت لسانها و بصت على اميرة بحده
ادم باحراج: اهدي يا ياسمين، فيه ايه؟!
ياسمين بحزن: لا مفيش، بس فهمت الدنيا دي ماشية ازاي.
غانم باستغراب: في ايه! مش انتوا اصحاب برضه؟ دا كلام اميرة ليا
ياسمين بابتسامه صفره: طيب كويس اوي انها فاكرة ان احنا اصحاب
ادم بيحاول يفهم وبيرتب الكلام اللي ياسمين قالته عن بنت اخو المدير، و كلام المدير ان ياسمين بعتت صاحبتها
و اخيرا فهم اللعبة اللي كانت اميرة عملاها
ياسمين قامت اخدت شنطتها و طلعت تجري و هي بتعيط.
ادم قام و قال بعتذار: بعد اذنك معلش هانتقابل تاني
غانم بعدم فهم: هو فيه ايه فهمني طيب
ادم بضيق بص لاميرة: خلي الواط. و سكت و قال: خليها تقولك
نزل يجري يلحق ياسمين: ياسمين. ياسمين استني بس
ياسمين وقفت و خبت وشها: معلش يا ادم عايزة اكون مع نفسي شوية
ادم بتصميم: مش هاينفع اسيبك
ياسمين و هي بتعيط: معلش سيبني دلوقتي.
ادم: طيب تعالي اقعدتك في مكان و اقعد بعيد عنك خالص
ادم اتأكد من حبه لياسمين و كان خايف عليها اوي و نفسه ياخدها في حضنه و يطبطب عليها
ياسمين بحده: لا والله يعني يهمك زعلي اوي، يعني انت بجد خايف عليا؟ لو سمحت مش عايزة اتكلم، سيبني عشان مش عايزة اخسر حتى شغلي
ادم بهدوء: طب تعالي اهوه كافيه
مشيت معاه و قعدت لوحدها على صخرة قدام البحر.
(فلاش باك على كل اللي حصل من اميرة و هي في الكلية لما المعيد جه و قال لياسمين انه معجب بيها و فاجأة معاملته اتغيرت معاها)
ياسمين: ايه يا بنات الامتحان دا صعب اوي
ايمي: و مين سمعك
دوللي: حتى انا ما عرفتش احل حاجة
فضلوا يضحكوا
ايمي: هي اميرة فين؟ كل يوم بتغطس و تروح فين؟
دوللي: انا سمتعها بتتكلم في الفون و بتقول رايحة كافيه،.
ياسمين: بجد طيب تعالوا نروح نشوف البت دي بتعمل ايه من ورانا، احيه لتكون بتحب
كلهم ضحكوا
راحوا الكافيه و اول ما طلعوا لقوا اميرة مع المعيد و ماسكين ايد بعض
ايمي باستغراب: ايه ده! مش دا المعيد
دوللي بضيق: يخربيتها، دي اخدت منك الراجل
ياسمين بزهول: هو فيه ايه بالظبط!
دوللى: فيه ان احنا بنتقرطس.
ياسمين زعلت لكن قالت عكس اللى جواها: يا بنات احنا مش هانخسر صاحبتنا عشان واحد تعالوا نروح و نفهم منها في البيت
دوللي بتصميم: و النبي ما هامشي، انا بايتة هنا، لحد ما افهم فيه ايه بالظبط
مشيت ناحيتهم، ياسمين حولت توقفها لكن صممت و راحت ليهم لحد الترابيزة اللي كانوا قاعدين عليها و بتقول: ايه ده اميرة؟ وحشاني
اميرة اتخضت و قالت باحراج: ازيك يا دوللي.
دوللي: انا الحمد لله و الحمد لله اوي، و انت حضرتك احمد المعيد صح؟
المعيد: اه انا
دوللي: طب لو سمحت الدور هايجي عليا امتى؟
المعيد بعدم فهم: دور ايه؟
دوللي بتريقه: مش انت برضه بتكلم كل واحدة فينا شوية
المعيد بنرفزه: نعم انتي بتقولي ايه؟
دوللي: امال تسمي ايه انك تيجي تقول لياسمين انا معجب بيكي، و النهاردة ماسك ايد اميرة؟ انا بس عايزة اعرف دوري
المعيد بحده: بس بس! ايه اللي انتي بتقوليه ده؟ انا فعلا قلت لياسمين اني معجب بيها، بس هي بعتت مع اميرة انها مخطوبة و مش عايزاني اكلمها تاني، و بعد كدة انا و اميرة اتشدينا لبعض
دولليباحراج: انا اسفة جدا شكل الواطينة مش من عندك دي طلعت من عندنا احنا اصل...
دخلت ايمي: خلاص يا دوللي يالا نمشي كفاية كدة
دوللي: ثانيه بس اصل هو لازم يعرف ان ياسمين مش مخطوبة و ما بعتتش حد ليه
المعيد بص لاميرة اللى كانت نفسها الارض تنشق و تبلعها من الكسوف و قال: انتي كنتي بتكذبي عليا! قام بعصبيه سابهم و مشى.
هو نازل قابل ياسمين لقاها قاعدة عالسلم بتعيط على اللي سمعته من المعيد و زعلانة من صاحبتها
المعيد بأسف: انا اسف جدا على اللي حصل.
ياسمين تمسح دموعها: لا ابدا مفيش حاجة، و احنا اللي اسفين
المعيد: انا لسه عند كلامي لو موافقة هاتقدم على طول
ياسمين: سوري ما ينفعش صاحبتي بتحبك و انا بحب صاحبتي، بعد اذنك.
طلعت لقت دوللي بتبهدل اميرة
ياسمين بهدوء: دوللي كفاية اوي كدة، اميرة صاحبتنا لو هي غلطت غلطها الوحيد انها خبت انها بتحبه، و انا الموضوع بالنسبالي عادي.
اميرة: بجد يا ياسمين مش زعلانة مني؟
ياسمين: انتي هبلة اني اختي
انتهى الفلاش باك
ياسمين بتنهار اكتر و بتزل البحر بهدومها
ادم قام يجري عليها
ياسمين: لو سمحت جيت ليه؟
ادم: ايه اللي انتي بتقوليه ده هو انا ازاي اسيب روحي تغرق و اقعد اتفرج عليها، انتي حياتي لو رحتي تبقى الدنيا بالنسبالي ملهاش لازمة، انا بحبك و ما اقدرش استغنى عنك.
ياسمين دموعها زاديت و طلعت من غير ولا كلمه
ادم بهدوء: تحبي اوديكي البيت بتاعكو
ياسمين: لا انا هاروح على اصحابي مش هاينفع ادخل على ماما كدة
ادم: طيب هاوصلك
ياسمين هزت راسها بالموافقه
اول ما وصلت و دخلت فضلت تعيط في حضن ايمي
دوللي بقلق: فيه ايه يا بنتي! ردي عليا مالك؟ وليه مبلولة كدة
ايمي بخوف عليها: حبيبتي تعالي غيري هدومك هتاخدي برد.
ياسمين قامت دخلت الاوضه غيرت هدومها و طلعت الصاله
اميرة فتحت الباب و دخلت.