نوفيلا أول نظرة للكاتبة ابتسام محمود الصيري الفصل الثامن
ياسمين ببرود: مين النصابة الكبيرة وصلت، مرة تخطفى العميد و تقولي اصلي معجبة بيه و دلوقتي شغلي تاخديه مني، يا ترى عملتي ايه تاني، فيه ايه ردي
اميرة بتوتر: افهميني يا ياسمين
ياسمين بحده: هو انتي فاكرة انك هاتضحكي عليا تاني لا خلاص فوقي انتي من هنا و رايح مالكيش دعوة بيا انتي فاهمة، و لو شفتك في اي مكان هاهينك
دوللي و ايمي باستغراب: هو فيه ايه؟
ياسمين حكتلهم عاللي حصل و الكل استغرب
اميرة مش عارفة ترد خالص
ياسمين نزلت لقت ادم كان طالع: انت رايح فين؟
ادم: قلقت عليكي عشان شفت اميرة طلعة
ياسمين: طب يالا
نزلوا ركبوا العربية
ادم بيحاول يتكلم.
ياسمين قاطعته: لو سمحت انا تعبانة و مش هاقدر اتكلم ولا اروح لماما، ماما لو شافتني كده مش هاترضى تمشيني من البيت، و انا مبقاش قدامي غير الشغل هو اللي بقيلي، يالا نشوف الشغل اللي كنا جايين عشانه و نرجع القاهرة
ادم: اللي انتي عايزاه
خلصوا الشغل و هما مسافرين في العربية اشتغلت اغنية غريبة الناس، فاياسمين عيطت.
ادم لاحظ، غير الاغنية و مشوا ساكتين لحد ما وصل ياسمين البيت و طلع على صاحبه لقى تالين قاعدة معاه و بتهزر
ادم قعد يضحك: هو يوم الخيانة النهارده ولا ايه. و بيقول لنفسه احسن اهي اي حاجة عشان اسيبها انا مش بحبها ولا عمري حبتها
تالين بلامبالا: مين ادم؟ ايه المفاجأة الحلوة دي؟
ادم بحده: هي فعلا حلوة؟ حلوة اني اشوفك مع صاحبي و قاعدين بتهزروا كمان في بيته؟ و ايه اللي انتي لابساه ده؟ انتي مش محترمة على فكرة
صاحبه جه يتكلم ادم قاطعه: انت يا ريت تسكت خالص عشان ما اخسركش انت كمان، ما هو العيب عالانسة اللي وافقت تيجي بيت واحد غريب عنها،
و كمان قاعدة بتهزر؟ انتي من هنا و رايح مش عايز اشوف وشك انتي فاهمة؟
تالين ببرود: ماله ده فيه ايه؟ ايه الافورة اللي انت فيها دي!
ادم: افورة بجد! طيب انا افور اوي كمان، ملكيش دعوة بيا تاني
ادم سابها و مشي و كان بيغني و فرحان جدا انه عرف يخلص من تالين بسهوله
هيدي: طيب سلم حتى
ادم بضحك: اهلا اهلا اهلا يا اعز الحبايب اهلا
هيدي: حبيبي فايق يبقى تعالى اقعد جنبي احبك و انت كدة
قعدوا يضحكوا مع بعض.
ياسمين في البيت مش عارفة تعمل ايه في صاحبتها اللي خانتها و لا في حبها لادم اللي طلع خاطب و قعدت تفكر لحد ما نامت
صحت على صوت التليفون بيرن
ياسمين بنوم: مين اللي بتصل؟ و بصت في الساعه قامت بخضه: الساعة 8 يا لهوي الشغل.
ردي الفون: الو يا ادم معلش راحت عليا نومة انا هنزل على طول هاركب تاكسي و اجي.
ادم: براحتك خالص انا تحت، بس مش براحتك اوي زي البنات اللي بتبات قدام المراية، قدامك خمس دقايق، شوفتي اهوه هاسيبك براحتك
ياسمين: اوك نص ساعة زي ما انت قلت بالظبط و مش هتأخر و بتضحك
نزلت ع السلم لقت واحد واقف اخر السلم ماسك بوكيه ورد كبير جدا لدرجة وشه مش باين
تروح يمين عشان تشوفه يروح يمين تروح شمال يروح شمال.
ياسمين بتأفف: و بعدين بقى بعد اذنك عايزه اعدي
ادم: بحبك
ياسمين بتبص على وشه بعد ما نزل البوكيه و تقول: نعم بتقول ايه؟
ادم بحب: بحبك. بحبك. بحبك
ياسمين تسيطر ع مشاعرها: اهدى طب شوية هي كذبة جديدة؟ و خطيبتك دي تبقى ايه؟
ادم: انا مش عايز اتكلم كتير عنها، بس اللي عايز اعرفهولك اني خلاص سيبتها و بحبك انتي من اول نظره.
احمر وشها من الكسوف و تنحنحت: مش هنروح الشركه ولا ايه
فتح ليه باب العربية و طول السكة مشغل اغاني رومانسية
وصلوا الشركة و دخل مكتبه و هو في المكتب داس على زرار: انسة ياسمين
ياسمين: افندم
ادم: تعالي عايزك
ياسمين: حاضر.
ياسمين نفسها تعترف بحبها لادم و تقول لنفسها: و خطيبته، ما هو سابها خلاص طب و اللي كان بينهم، و انا مالي ما هو ما كانش يعرفني، انا اللي اعرفه اني بحبه من اول نظرة.
دخلت ياسمين مكتب ادم بعد صراع كبير مع نفسها
ادم: اتفضلي يا ياسمين بصي انا بحبك و مقدرش استغنى عنك و عايز اتجوزك، ايه رأيك؟
ياسمين ابتسمت: و انا كمان بح...
دخلت تالين: اه قول كده يا باشمهندس، انك لفيت على حد جديد، مش الكلام الفارغ اللي انت قولته امبارح، انا تسيبني عشان ديه؟
ادم بحده: لو سمحتي الزمي حدودك انتي عارفة كويس انتي عملتي ايه ولا هتستهبلي
ياسمين باحراج: بعد اذنك
تالين: يالا غوري في ستين داهية، استغلت ادم راح وراه ياسمين، مسكت تلفون ادم وحفظت بسرعه رقم ياسمين.
ادم بصوت عالى: ياسمين بقولك خليكي مكانك و لو فيه حد هايمشي او هايغور يبقى انتي يا تالين.
بص ع تالين اللى سابت الفون بسرعه من غير ما ياخد باله
تالين تمثل الرقه و الدلع: انا تقولي كدة
ادم بعصبيه: بقولك امشي بره
تالين راحت عند الباب و قفلت الباب بالمفتاح و رمته من الشباك و مسكت ياسمين و فضلت تتخانق معاها و قطعتلها هدومها
ياسمين: ايه يا مجنونة انتي.
ادم: انتي مجنونة؟ ايه ده؟ و بيشدها عن ياسمين
ياسمين بتحاول تستر نفسها
تالين قربت من اد قطعت ليه القميص
الموظفين اتلموا قدام الباب و توفيق جه عالصوت
توفيق: هو فيه ايه هنا
موظف: مش عارفين يا افندم
ادم طلب الامن و الامن طلعوا يجروا
توفيق بيسأل الامن: هو فيه ايه؟!
الامن: بشمهندس ادم اتصل بينا و قال نطلع نكسر الباب.
تالين فضلت تصوت و مش راضيه تسكت خالص
ياسمين فضلت تمسك في هدومه ودموعها نزلت
الامن كسروا الباب وياسمين اتكسفت وجريت تستخبي من الناس وارا ادم
توفيق شاف المنظر اتخض و قفل الباب بسرعه
وقال بحده: هو فيه ايه! ايه اللي قطع هدومكوا؟
ادم اخد جاكت البدلة بتاع باباه و حطه على ياسمين, اسأل بنت شريكك المحترمة خليها ترد عليك.
توفيق: فيه ايه يا تالين.
تالين ببرود: فيه ايه؟ انا بهدومي، اسأل الهانم فيه ايه؟
دخل ابو تالين: فيه يا تالين
تالين بنرفزه: هو كله بيسألني انا فيه ايه!
و قعدت تعيط
ياسمين صوتت و عياطها زاد: أنا هاعمل فيكي محضر
ادم: اهدى يا ياسمين
توفيق: انا هاجبلكوا من النهاية المكتب فيه كاميرات مراقبة.
تالين اتصدمت و قامت تمشي أبوها شدها: انتي رايحة فين!؟ استني لما نشوف مين اللي غلطان، و لو اني واثق انك غلطانة من قبل ما اشوف اي حاجة
توفيق شغل اللاب و شافوا كل حاجة شافوها و هي بتقطع هدوم ياسمين و ادم
أبو تالين: انا عارف اني معرفتش اربيكي، حسابك معايا بعدين، بص ل ياسين احنا اسفين يا انسة
ياسمين ساكتة و مش بترد على حد
ابو تالين اخد بنته وخرج.
ادم اتصل على ديالا: بعد اذنك عايز هدوم من بتاعتك و تعالي عالشركة حالا
ياسمين قامت: انا عايزه امشي لو سمحت كفايه اوي بهدله لحد كده
ادم: تمشي ازاي وانتي كده استني انا اتصلت ب ديالا وجايه حالا
(ياسمين قعدت و فضلت تعيط)
توفيق: احنا اسفين يا ياسمين متزعليش. و اخدها في حضنه طبطب عليها وقال لادم: اطلع بره انت دلوقتي.
ادم بص علي نفسه وقال: انا نسيت اقول ل ديالا تجيبلي حاجه البسها
طلع اتصل ب ديالا: ديالا انتى نزلتي
ديالا: لا لسه
ادم: طيب هاتي معاكي اي قميص او تيشيرت و يا ريت بسرعه
ديالا: حاضر بس في ايه؟ اوعي هتكون هتوديني دريم بارك
ادم: مش وقت هزار يلا بسرعه.
فضل توفيق يهدى يا سمين لحد ما ديالا وصلت دخلت و دخل وراها ادم
ديالا: هو في ايه! وايه اللي عمل في هدومكم كده! هو دخل الشركه غول ولا سلعوه
ادم: اسكتي اسكتي منك لله، ومن اللي يتصل بيكي تاني
توفيق: هو ده وقته انتا وهي، اتفضل البس واطلع بره عشان ياسمين تغير
ديالا راحت قعدت جمب ياسمين: هو في ايه ياسمسم؟
ياسمين: ما فيش يا ديالا وبتمسح دموعها.
لبس ادم وخرج هو وتوفيق وديالا وحكى ادم لديالا كل حاجه وياسمين غيرت هدومها دخلت ديالا لياسمين
ديالا: خلاص غيرتي؟
ياسمين: اها
ندت ديالا علي ادم وتوفيق
ياسمين اتنهدت: ماشي يا توفيق بيه بعد اذنك
توفيق: استني هاوصلك
ادم: خليك انت وانا هاوصلها
توفيق: لا خليك في شغلك ياريت، انا هاوصلها.
نزلو من الشركة وركبت ياسمين العربيه وتحرك توفيق
توفيق: بصي يا ياسمين انتي من اول يوم شفتك فيه واعتبرتك زى ديالا، وعجبني طموحك واصرارك علي الشغل ونجاحك وذكائك وكفائتك في كل حاجه، بصي انا هتكلم معاكي زي ديالا اللي كان نفسي تبقى نصك, كل اللى هقوله ان ادم اتغير كتير عشانك وكفايه انه التزم في الشغل، ادم بيحبك وحاولي تديله فرصه تانيه، ممكن نكمل الكلام فوق؟
ياسمين: اكيد طبعا اتفضل.
ديالا روحت علي البيت بتاعهم وقالت ل هيدى كل حاجه
هيدى: والله انا من الاول مش طيقاها البت الملزقه ديي، كانت تقرف مش عارفه كان عجبه فيها ايه دي.
قامت و قالت: انا هروح ل ياسمين
(راحت هيدى عند ياسمين)
طلعت فوق لقت الباب مفتوح
هيدى اول ما دخلت اخدت ياسمين في حضنها
ياسمين بدموع: انا هسجنها مش هسيبها.
توفيق: طيب هتستفادي ايه، باباها شريك معايا يعني هاتأذى انا في شغلي و كل حاجة
هيدى: ياسمين بصي يا قلبي انا عارفة انك محترمة و مش زي السافلة دي و كفاية ان ادم اختارك انتي يتجوزك
توفيق عمل لمون: اتفضلي كباية اللمون ديه و انا هارجع الشغل
هيدي: خلاص انا هبات معاها روح انت
فضلت تهديها و تتكلم معاها كتير.
ادم حاول يكلم ياسمين علي الفون، لكن رافضت ترد عليه نهائي.