قصص و روايات - نوفيلا :

نوفيلا أول نظرة للكاتبة ابتسام محمود الصيري الفصل الرابع

نوفيلا أول نظرة للكاتبة ابتسام محمود الصيري الفصل الرابع

نوفيلا أول نظرة للكاتبة ابتسام محمود الصيري الفصل الرابع

جريت ياسمين على الشارع ‎
مش عارفه تروح فين بصت في الساعه لقتها تلاته ونصف وهي ماشيه زنقت عليها عربيه نزل ادم واصحابه)
‎ادم بيعاكس: يالهوى هو القمر ساب السما وقرر ينزل هنا
‎، . : ياسمين دموعها زادت
‎ادم: لالالالالا مقدرش على كده.

اصحابه بيقربو منها وبيمسكو ايداها ياسمين تصوت وتقول بدموع و عصبيه: كلكم كلاب عايزين منى ايه ارحمونى بقى مش عايزه اسمع ولا اشوف وش راجل امشو بقى وعينيها جت في عين ادم)
‎ادم نظرتها هزت جسمه و قال بهدوء: خلاص يا انسه خلاص احنا اسفين جدا اتفضلى
‎صاحبه: هو ايه اللى اسفين مش هتمشي من هنا
‎ادم بحده: بس خلاص اتفضلي يا انسه ومحدش هيقرب منك
ياسمين جريت بعيد عنهم.

‎ادم بيقول ل صاحبه: أنا متأكد إني شفت البنت دي قبل كدة بس مش فاكر فين.

‎(فضلت مشيت وهي منهاره اكتر من الاول ومش عارفه تعمل ايه والجرسون مات ولا حصله ايه قررت انها تروح عند الشركه وتفضل قاعده هناك لحد الصبح، وصلت عند الشركه الساعه اربعة ونص لقت عربيه جايه بسرعه ووقفت قدام الشركه)
‎بتبص بخوف
‎عم ابرهيم نزل بسرعه فتح باب العربيه اللى ورا وتوفيق نزل.

‎توفيق صاحب شركة السدلاني: بسرعه يا عم ابرهيم عشان متأخرش على الطياره بيبص علي السلم، مش انتى الموظفه الجديده
‎ياسمين تمسح دموعها و تقول بتوتر: اه يا فندم
‎توفيق باستغراب: طيب بتعملي ايه هنا ومالك بتعيطي كده ليه؟
‎ياسمين: بعدين يا فندم عشان شكلك مستعجل
‎(توفيق كان مسافر وكان في ورق في المكتب مهم كان لازم ياخده)
‎توفيق بجديه: قولى فيه ايه مش مهم اى حاجه دلوقتي
‎ياسمين: يافندم.

‎توفيق يقاطعها: مش هينفع امشي وانتي في الحاله ديه فريحيني وقولي فيه ايه
‎(حكت ياسمين اللى حصل ل توفيق)
توفيق طبطب عليها: متخفيش طول ما انا جمبك. ياعم حسين روح وصلها للبيت القديم بتاعي وخليها ترتاح ويا ياسمين انتي في اجازه اسبوع)
‎ياسمين: يافندم مش هينفع انى اخد اجازه ده انا لسه جايه امبارح
‎توفيق: مش عايز اسمع كلام كتير اتفضلي يالا وانا هركب تاكسي خلي بالك منها يا عم حسين.

‎عم حسين: حاضر يا باشا في عينى
‎(اشترى عم حسين اكل وحاجات للبيت اللى هتقعد في ياسمين وياسمين طول الطريق بتعيط وعم حسين يهدى فيها لحد ما وصلو الشقه وفتح الباب ودخلوا انا هسيبك دلوقتي ولو عايزه اي حاجه اتصلي على الرقم ده)
‎ياسمين بأبتسامه: خلاص ماشي يا عم حسين.

قعدت بتفكر في كل حاجه حصلت وتقول: طيب يا ترى مات طيب لو مات هعمل ايه فضلت سكته و مش عارفه تتصرف افتكرت ادم وسرحت مع كل كلمه قالها ونست كل حاجه وابتسمت وبعد كده فاقت وقالت ايه الهبل ده هو انا في ايه ولا ايه، اول ما طلع الصبح اتصلت ب مامتها )
‎ياسمين: الو
‎رانيا ترد بلهفه: الو يا قلب ماما عامله ايه
‎ياسمين: الحمد الله، عمو سامي عامل ايه
‎رانيا: الحمد الله.

‎ياسمين بإيجاز: ماشي ياقلبي ورايا حاجات هتصل بيكي تاني باااي
‎رانيا قلبها اطمن عليها: ماشى يا قلبي خلى بالك من نفسك باااي
ياسمين مرضتش تقول حاجه لمامتها عشان متقلقهاش اولا و ثانيا لانها هتصمم انها ترجعها اسكندريه.

‎ادم في البيت يقول بعصبيه: انتي رايحه فين كده على الصبح بدري وايه اللى انتى لابساه ده؟
‎ديالا ببرود: وانت مالك ومن امتى انت بتسأل وسع كده
‎ادم بحده: لما الاقي تصرفاتك غريبه ولابسه عريان اووى كده هاسأل
‎ديالا بعصبيه: يووووه انت عايز ايه بقى بالظبط
‎ادم: عايز اعرف انتي رايحه فين وتصرفاتك غريبه ليه اليومين دول
‎ديالا ببرود: رايحه النادي.

‎ادم يرفع راسه يمسك اعصابه و يقول و هو بيجز ع سنانه: هو حد بيروح النادي كده بت انتي هبله ولا بتستهبلي
‎ديالا بضيق: اووف بقى يا هيدى تعالي شوفي ابنك ده وخليه يمشي من طريقى ومالهوش دعوه بيا
‎هيدى: في ايه انت وهي
‎ادم بعصبيه: اسألى بنتك وشوفى هي لابسه كده ليه
‎هيدى: وانت من امتى بتبص هي لابسه ايه.

‎ادم بعصبيه: لو سمحتي يا هيدي مش تضيقيني انتي كمان مش شايفه صدرها كله بره ازاي هتروح فين كده؟
‎ديالا بنرفزه: ولا رايحه ولا جايه انا هدخل اناام عايز حاجه تانى
‎ادم: احسن بردو ياله غوري
‎هيدى بضيق: في ايه يا ادم ايه الاسلوب ده؟
‎ديالا بصت ل ادم بغيظ ودخلت الاوضه
‎ادم: يعنى انتي مش شايفه اسلوب بنتك ولا صدرها اللى كله بره ده
‎هيدى: خلاص اهى دخلت اوضتها بس بقى وطي صوتك شويه.

‎ادم: انا اسف يا هيدى بس فعلا اسلوب ديالا مش عجبنى الايام دي
‎هيدى بتريقه: لا اسم الله عليك انت
‎ ادم: بصي انا بخرج وبسهر بس عمري ماعملت اى حاجه غلط
‎هيدى بحده: وعلاقتك بتالين مش غلط
‎ادم سكت معرفش يرد يقول ايه
‎هيدى تربع ايدها: مرديتش عليا يعني. ما ترد
. ‎ادم بتبرير: تالين خطيبتى وانا هت
‎هيدى قاطعته: كويس انك عارف انها خطيبتك وبس.

‎ادم بتهرب: طيب انتي عايزه حاجه دلوقتى ياهيدى
‎هيدى بجديه: لا يا ادم مش عايزه حاجه بس اهم شئ تعترف قدام نفسك اللى انت بتعمله ده غلط والبنت دى مش محترمه
‎ادم قاطعها: هيدى كفايه اووي كده
‎هدخل انام انا كمان ودخل الاوضه
‎بليل اصحاب ادم اتصلوا بيه و قالو تعالى نخرج
‎ادم بزهق: ماليش مذاك وعايز انام
‎اصحابه: بس تعالى دي سهره جامده جدي.

‎ادم بضحك: ايه الاغراء ده، اكيد جاي مسافة السكه
‎(ادم وصل ل اصحابه ودخلو كازينو كانت اغنيه هاتى بوسه يابت شغاله).

‎ادم: نفسى يرسوا لبر للاغنيه دى مره يقولواتعملت للمزه و شويه يقوله للأطفال الصغيره اللي باباها بيدلعها. تبا لجيل اصبح بيهشتك ويدلع اطفاله الصغار باغنية هاتى بوسه يابت فين زمان لما كان بابا بيهشتكنى باغنيه عارف الواد اللى اسمه عادل جه الدكتور وعمله ايه؟ قام مديله حقنه كبيرة وكل اصحابه ضحكوا عليه! ابو شكلكم اصحاب بضتحكو وخلاص طيب تعالو طبطبو عليا
‎اصحابه ضحكو.

‎ادم: بس السؤال هنا؟ مش عارف بقى الفن اللى باظ ولا احنا اللى كنا بنتهشتك غلط!

‎(فضلو يغنو ويهزرو )
‎ادم بينام على نفسه
‎صاحبه قرب منه وقال بصوت عااااالى يا اااااااااااااادم
‎ادم اتخض: في ايه يخرب بيتك يا بعيد انا تعبان جدا حرام عليكم انا قلتلكم يا بعده من الاول اني عايز انااام قام يالا سلام
‎(ركب ادم العربيه وكان وماشى وعينه بتقفل وعمال يفوق في نفسه لقى نفسه عند البيت القديم بتاعهم).

‎ادم لنفسه: لالالالا رايح فين كده حلو اووى كويس انى وصلت هنا ومعملتش حادث انا اطلع انام وبعد كده ابقى اشوف هاعمل ايه.

‎طلع ادم وكان قدام باب الشقه وسامع صوت ميزك هاديه في الشقه مستغرب صوت الميزك يرجع عند الاسانسير يبص على رقم الدور وبعد كده يبص علي رقم الشقه ومحتار يقول لنفسه طيب ما هي دى الشقه والنعمه وامال في ايه فضل ساكت ممكن يكون عفريته بس رومانسيه (سكت ثوانى) وقال ايه ده صح بابا مسافر ايوه بقى انا كده فهمت المعلم شاقط واحده ويقول انه مسافر اااااه والنبى لاانا داخل عليكم فتح الباب واستغرب.

الفصل التالي
جميع الفصول
روايات الكاتب
روايات مشابهة