نوفيلا أول نظرة للكاتبة ابتسام محمود الصيري الفصل الثالث
تالين تمسكه: رايح فين كده بتجري
ادم بإيجاز: لا مافيش بس رايح للشباب
تالين بدلع مبالغ فيه: طيب تعالى اقولك كلمه وسيبك منهم
ادم تنحنح: سورى مش هينفع ثوانى بس باس ايداها وكمل جري واول ما خرج ملقاش البنات وزعل جدا وراح بعد كده عند اصحابه على البحر
ادم بتأفف: ازيكم ياشباب هي القعده ناشفه ليه كده هما فين البنات
واحد صاحبه: اهو في البحر و تالين معاهم.
بعد خمس دقايق سمعو صوت صويت، فجأه كل اللى على الشاطى بص على البحر لقو بنات بتغرق تالين و واحده صحبتها
صاحب ادم: الحق يا ادم مش دى تالين وصحبتها
ادم بلامباله: اه سيبك منها دى بتستهبل.
صاحب ادم: بتستهبل ايه بص بس في كمان شاب دخل ليهم وبيغرق ده كمان بيستهبل بص ادم بسرعه (ادم بطل سباحه) قام قلع التيشرت ونزل يجرى واول مادخل ليهم مسكو البنات فيه وسابو الشاب اللى كان بيغرقو ونزلو ادم تحت المايه وهيغرقو كل مايطلع راسه بينزلو تانى ويطلع راسه يقلهم انا كده هغرك ادم حس مافيش فايده انهم يسبو يطلع راسه قرر انه يفضل غاطس ويشد البنات وهو تحت عشان يطلع هو كمان يتنفس اول ماطلعو شال ادم تالين و واحد شال التانيه وقاعدهم على الشيزلونج وتالين نامت في حضن ادم وبتعيط ادم فضل يطبطب عليها.
بعد فتره وصلو البنات عند ياسمين وتغدو مع بعض وقاعدو يحكو اللى حصل ل رانيا ام ياسمين
رانيا بضحك: مهما تكبرى عقلك ده زى ماهو طول عمرك مشكله
ياسمين بضحك: تربيتك يا قلبى اموووه
البنات راوحو و ياسمين قعدت مع مامتها في صمت و ع وشها القلق و التوتر
رانيا تقطع صوت الصمت: ايه يا سمسم مش قلتى لقيتى شغل وهتنزلى النهارده
ياسمين تحمحم بتوتر و ترجع خصله من شعرها وره ودنها: اه.
رانيا بمكر: طيب منزلتيش الشغل ليه ورحتى عند اصحابك
ياسمين تبلع رقها و تضم حاجبها ع بعض بحزن: اقولك ومش تفرحى فيا
رانيا بزعل: انتى هبله، انتى بنتى يعنى حته منى، افرح ليكى مش فيكى
ياسمين بضيق: اصل اتصلو بيا امبارح وقالولى خلاص بنت اخو صاحب الشركه اشتغلت في المكان ده
رانيا بفرحه: طيب قولى الحمد الله اكيد ربنا شيلك الاحسن
ياسمين بحب و تدخل حصن امها: طول مانتى بتدعيلى انا مطمنه.
رانيا ضمتها وباستها وفضلت تدعى ليها ياسمين حست بدقات قلب مامتها غير منتظمه بصتلها و لقتها متوتره و باين عليها عايزه تقول حاجه
ياسمين بمشاكسه: هو انتى يا ماما عايزه تقولى حاجه
رانيا تبل شفيفها بتوتر: لا
ياسمين اتعدلت و بصتلها اووي: قولى ياماما قولى يعنى انا مش عرفاكى قولى اوعى تكونى بتحبى من ورايه يا لوزه
رانيا بصوت متقطع: اصل، بصى يا ياسمين بصراحه كده( تحرك ايدها بكسوف ) انا انا.
ياسمين بضحك: انتى ايه يا لوزه قولى بسرعه بلاش التهتهة دى
رانيا تحاول تتجرأ و تقول بسرعه: اصل جارنه عمو سامى عاااااايز
ياسمين تقاطعها و تقول: عايز يتجوزك لولولولولولولولولولى اخيرا هفرح بيكى يا لوزه
رانيا بصدمه: بنت انتى عرفتى ازاى
ياسمين تغمزلها: هو الحب بيستجبه يالوزه يا قمرتى
رانيا بفرحه واضحه: بجد يا ياسمين يعنى مش زعلانه
ياسمين بحب: ايه يا مامتى اللى بتقوليه ده ازعل من قلبى وبتركبها الهواء.
رانيا بضحك: بس يابنت اسكتى
ياسمين: ده انتى لوزا يا لوزا بس بقولك ايه انا عايزه فرح وهيصه وزيطه هو انا ليا كام ماما
رانيا بأحراج: طبعا ماينفعش
ياسمين بأصرار: ماليش فيه عايزه فرح
بعد اسبوع مامت ياسمين اتجوزت سامى (و يعمل لواء في الشرطه) عملو حفله صغيره حاضر فيها اصحاب ياسمين واخوات امها.
وياسمين راحت عند اصحبها باتت عندهم عشان متبتش في الشقه لواحدها ومامتها مع جوزها في الشقه اللى قاصدهم على طول يعنى الباب في الباب ياسمين فضلت مع اصحابها شهر وبعد كده راحت بيت ابوها ومامتها جمبها بس على طول مع بعض وقت النوم بتروح
رانيا بزعل: وبعدين معاكى مش ناويه تباتى معايا.
ياسمين: معلش يا ست الكل خلينى براحتى انا كده مرتاحه وانتى عارفه كويس انى بحب عمو سامى بس انا عايزه ابات في البيت بتاعنا ومش كفايه انا هنا طول النهار والليل عايزه ايه تانى يا طمعمع.
(وبعد كام يوم ياسمين قراءة خبر عن واظيفه في مصر في شركة السدلانى قرارة انها تروح وتشتغل هناك بس معرفتش حد خالص من اصحابها لحد ما يكمل الموضوع
ياسمين ل مامتها: عايزه اقولك على حاجه بس بالله عليكى ياماما لتوفقى عشان خاطرى وحياة اغلى حاجه عندك
رانيا تسيب اللى في ايدها و تركز معاها: في ايه يا سمسم
يا سمين: عايزه اشتغل وكمان في القاهره
رانيا بصدمه: ايه اللى انتى بتقوليه ده انتى اتجننتى لا طبعا.
ياسمين: و البنى يا ماما انا حلفتك
رانيا بنرفزه: بس بقى ما فيش كلام في الموضوع ده وعيزاكى تنسى الهبل ده خالص
ياسمين بضيق قامت راحت على الشقه بتاعت ابوها ودخلت الاوضه تعيط، وفضلت يومين ما بترحش عند مامتها
سامى: هي ياسمين ماله بقالها كام يوم مش بشوفها على الاكل ولا في اى وقت
رانيا: اصل الهانم عايزه تشتغل
سامى: طيب وفيها ايه
رانيا: وكمان في القاهره
سامى بهدوء: طيب انا هكلم معاها.
سامى راح لياسمين وبيخبط على باب الشقه
ياسمين بزهق: ايوه مين
سامى: انا عمو
قامت بسرعه فتحت: ازيك يا عمو
سامى: الجميل ماله بهتان كده ليه ولا بياكل ولابيشرب معانا من اول امبارح
ياسمن بحزن: اكيد ماما قالت لى حضرتك
سامى بدبلوماسيه: اه قالت وعايز اسمع منك انتى
ياسمين تقعد: بص يا عمو انا نفسى اشتغل في اللى اتعلمت فيه وشركة السدلانى كويسه جدا وانا نفسى اشتغل فيها.
سامى بأبتسامه: بصى يا سمسم زى ما وقفتى معايا ورضيتى انى اتجوز مامتك انا كمان هساعدك وهخليها توافق انك تسافرى
ياسمين بفرحه و تمد ايدها: كده يبقى وعد
سامى يضحك و يمد ايده: وعد
ياسمين بفرحه: وعد وايمان وحنان وامال وهيام اوعى تنسى بقى تقتعها
سامى: بس بس انا امشى انا مش قدك انا اروح لحبيبتى واتكلم معاها.
(سامى راح ل رانيا واتكلم معاها وحاول يقنع فيها لحد ما وافقت نده بصوت عالى على ياسمين تعالى يا ست الزعلانه يالا استاذنى امك وبوسى ايديها ويالا عشان ناكل)
ياسمين جت تجرى: على فاكره انا كنت جايه لواحدى ضحكت و بصت على السفره ايه ده كله، كنتو هتاكلو لواحدكم كل ده كويس بقى انك وافقتى عشان انا خلاص كنت هموت من الجوع و قربت من مامتها باست ايد وراسها.
رانيا بأبتسامه: ماشى يالمضه قال يعنى ماكنتش بروح لعندك كل شويه واقولك كولى
سامى: خلاص بقى قلبك ابيض ده انا متجوزك مجصوص عشانه
ياسمين ترفع ايدها و تمثل انها بتعزف: تاراراراراااااااا ياعينى على الرومانسيه اوعدنا يارب
رانيا بكسوف خبطته في رجله
(تانى يوم الصبح بادري راحت ياسمين القاهره على العنوان وهي داخله المقابله كان ادم جوا بيختار معاهم ).
ادم بزهق: خلاص بقى انا همشى كفياكم كده اووى الا ما في واحد تفتح النفس سلام، ماشى من باب وياسمين دخلت من باب تانى
ياسمين برقه: صباح الخير
المدير: صباح النور اتفضلى
ياسمين عرفت نفسها
المديرعجبتها ثقتها في نفسها و طريقة كلامها: طيب حضرتك معانا ان شاء الله من النهارده
نده على الفراش يا عم سيد خد الانسه و وديها المكتب وخلى مدام منال تعرفها كل حاجه عن الشغل
عم سيد بوش بشوش: حاضر يافندم.
ياسمين قامت بأبتسامه: بعد اذن حضرتك
المير: اتفضلى
عم سيد وصل ياسمين المكتب و قال بصوته العجوز: صباح الخير يا مدام منال الانسه ياسمين الموظفه الجديده
مدام منال بجديه: صباح النور ماشى يا عم سيد امشى انت و بصت ل ياسمين: اهلا بيكى يا انسه ياسمين
ياسمين: اهلا بحضرتك
منال: تعالى اقعدى هنا ده مكتبك انا منال ودى سالى ودى...
قطعتها بنت: بس بس بس هو مافيش حد هنا غيرك انتى اللى شغاله لكك من سا عة ما جت مدت ايديها لياسمين: انا بقى هدير
ياسمين بضحك: اهلا بيكى شكلنا هنبقى اصحاب
قعدت ياسمين و في قلبها فرحه فضلت تبص للمكان بحب، قربت ليها منال وعرفتها كل حاجه عن الشغل و بعد فتره خلص وقت الشغل و راحت ياسمين بانسيون رخيص شويه عشان المصاريف اللى معاها ع القد و هي مش بتحب تتقل ع حد: مساء الخير
موظف البانسيون: مساء الخير.
ياسمين: لو سمحت عايزه غرفه
مواظف: سرير واحد بس
ياسمين بصت حوليها و قالت باستغراب: انت شايف حد معايا
الموظف: بتأكد
(طلعت ياسمين الاوضه و رمت نفسها ع السريرو تقول بفرحه: اخيرا اشتغلت و بعد ثواني اتصلت ع مامتها: الو يا مامتى
رانيا بحزن: الو يا قلب مامتك عامله ايه وحشتينى اووى ياسمسم
ياسمين: الحمد لله كويسه متقلقيش عليا، وانتى كمان وحشينى وعمو سامى وحشنى عاملين ايه بقى من غيرى.
رانيا بزعل: البيت مش ليه اى طعم ربنا يقويكى يابنتى ويسعدك
ياسمين: ربنا يخليكى ليا يا قلبى يالا عايزه حاجه
رانيا: لا خلى بالك من نفسك لا اله الا الله
ياسمين: محمد رسول الله.
(ادم مع امه باباه واخته في الفيلا بيتغده في جو هزار وضحك.
بليل الساعه 10 باب الاوضه بتاع ياسمين بيخبط
ياسمين ترفع حاجبها: مين
الجرسون: انا الجرسون يا فندم العشا
ياسمين تسيب اللاب وتمسك بطنها: اه صحيح انا جعانه جدا فتحت الباب ميرسى ليك انا كنت جعانه اوووى
الجرسون: ادخل الاكل يا فندم
ياسمين: اوك اتفضل(لحظة ياسمين انه بيبص ليها نظرات غريبه)
ماشى الجرسون وياسمين قاعدة تاكل وكلمة اصحابها وقالتلهم انها اشتغلة: الويا دوللى وحشاااااانى.
دوللى: ياسو حياتى بجد زعلانه منك فينك يابنتى والفون مقفول ليه
ياسمين: انا في القاهر اشتغلت في شركة السدلانى
دوللى بفرحه: مبرووووووك اخيرا بجد انا فرحانه اووى خدى ايمى معاكى
ايمى بحب: مبروووك يا قلبى كده من غير ماتقولى ياندله
ياسمين: معلش والله جت على فجاه فين اميره وحشانى
ايمى: اهى معاكى
اميره ببرود: ازيك عامله ايه، بس انا زعلانه منك.
ياسمين: معلش والله غصب عنى ماما ماكنتش موافقه وكل حاجه جت بسرعه بعد كده
دوللى: بس يا بنا ت وشدت الفون حبى المهم تكونى بخير
ياسمين: اه الحمد الله كويسه، اى نعم انا في بنسيون زباله بس مش اقولك تهيأتى عملته قصر
دوللى بضحك: ماشى يا ام تهيأت روحى نامى واحلمى ب امير القصر
ياسمين: ياااااااااا سلام امير كمان انتى لو شفتى منظر الاوضه هتفى عليا.
دوللى: يالا ياسمسم من غير ما اتف روحى كملى تهيأت و والنبى لو الامير ده ليه اخ تبقى اندهى عليا وانا هسمعك على طول ونحلم مع بعض انا اختك برضه
ياسمين بضحك: يا سلام بس كده عونيه.
قفالت ياسمين وظبطت الفون على الساعه اثنين ونصف عشان تصحى تكمل شغل اللى كان ناقص معاها ونامت وصحيت. وهي بتعمل الشغل كانت عايزه تفوق طلبت نسكافيه وقامت اخدت شور بسرعه عشان تفوق وهي طالعه من الحمام لبسه البورنس لقت الباب الاوضه بيتفتح قالت بخضه: ايه ده انت ازاى تدخل كده من غير ما تخبط؟!
(ادم كان في الكزينو بيرقص هو واصحابه وكانو مهيسين من غير مايشرب اى حاجه ).
ام ياسمين صاحية تصوت
سامى قام بخضه: في ايه؟!
رانيا بنغزه في قلبها: مش عارفه قلبى مقبوض
سامى يطبطب عليها: خير انشاء الله اشربى المايه دى ونامى ارتاحى.
عند ياسمين في البنسيون
ياسمين بخوف: انت انا بكلمك انت ازاى تدخل كده
الجرسون مش بيرد وبيقرب عليها
فضلت تمسك في البورنس جامد وترجع بضهرها لحد ما دخلت الحمام وهو وراها حاول يمسكها وهي بتزقه جامد لحد ما اتخبط في الحوض و وقع ع راسه وفقد الوعى طلعت يا سمين بخوف و جسمها بيرتعش لبست واخدت حاجتها كلها وجرت على الشارع.