قصص و روايات - نوفيلا :

نوفيلا أنتي ملكي للكاتبة لولو الصياد الفصل السابع

نوفيلا أنتي ملكي للكاتبة لولو الصياد الفصل السابع

نوفيلا أنتي ملكي للكاتبة لولو الصياد الفصل السابع

استيقظت رحمه من النوم وكانت تشعر بالم شديد في انحاء جسدها من النوم على الكنبه فالنوم عليها غير مريح بالمره وتذكرت ما حدث بالامس من معامله فارس لها وشعرت بغضه في حلقها والم في قلبها ونظرت على السرير وكان فارس ما زال نائم قامت رحمه من مكانها ودخلت الى الحمام وبعد وقت قصيﻻ خرجت واتجهت الى الدولاب واخذت بنطالون ابيض: وبلوزه باللون الاحمر ودخلت مره ثانيه الى الحمام وارتدت ملابسها بداخله وخرجت وكان فارس استيقظ من نومه.

رحمه: صباح الخير.
لم يرد عليها فارس وانما نظر لها نظره كلها غضب واستحقار...
شعرت رحمه بالم شديد وقامت بتسريح شعرها ديل حصان وكانت تتجه الى الباب للنزول للفطار مع نازلى عندما سمعت صوت فارس...
فارس، أنتي راحه فين.
رحمه: التفت له: هنزل افكر مع نازلى تحت...
فارس: ازاي يعنى أنتي ناسيه اننا عرسان ولا ايه ولو نزلتى نازلى هتشك في حاجه
رحمه، طيب خلاص مش هنزل.

فارس: اوعى تكونى فاكره انى عاوز افكر معاكى واتملى بجمالك لا يا ماما فوقى انا بعمل كده بس علشان نازلى متزعلش وبس انما أنتي ولا تهمينى في أي حاجه أنتي زيك زي أي كرسى موجود هنا في البيت
رحمه: ماشى شكرا حاجه تانيه.
فارس: يعنى ايه مش هامك كلامى
رحمه: ارجوك يا فارس كفايه بئه اهانات انا مش هستحمل كتير.

فارس قام من مكانه وتوجه لها ومسك شعرها جامد، بتقولى ايه مش هتستحملى أنتي هنا يا حلوه علشان تتهانى وتتزلى وبس وهتستحملى غصب عنك مش بمزاجك
رحمه: خلاص خلاص سيب شعرى ارجوك بتوجعنى وكانت دموعها تنزل من عيونهﻻ
فارس: هو ده المطلوب انك تتوجعى عارفه بحس براحه كبيره جدا لما اشوفك بتعيطى كده
وترك شعرها لأنه سمع صوت طرق على الباب الغرفه
فتح فارس الباب وكانت احدى الخادمات اتيه بالفطار.

الخادمه: نازلى هانم بتقول لحضرتك افطروا وهي مستنياكم تحت في الصالون
فارس: طيب قوليها هنفكر وننزل على طول
الخادمه: حاضر يا فندم أي خدمه تانيه
فارس: لا شكرا اتفضلى أنتي
قفل فارس الباب وقعد يفطر: ورحمه ما زالت مكانهت تبكى
فارس: ايه مش هتتنيلى تفطرى
رحمه: مش جعانه
فارس: احسن برده بدل ما تسدى نفسى.
وكمل فطاره ودخل الحمام اخد شاور وغير هدومه وخرج.

فارس قومى اغسلى وشك علشان ننزل وحطى أي مكياج علشان نازلى متحسش بحاجه وتتصرفى عادى
قامت رحمه من مكانها ونفذت كلام فارس ونزلوا تحت لنازلى
نازلى: اهلا بالعرايس احلى عرايس في الكون
رحمه: وهي تمثل السعادة: ربما يخليكى يا نونو أنتي الاخلى
فارس: طبعا يا نونو في في زي رحمه وحط ايده على كتفها وشدها وقعدوا جنب بعض على الكنبه في الصالون.

نازلى: انا فرحانه اووى انى اطمنت عليك يا فارس وعاوزه بعد تسع شهور الاقى حفيدى هنا مالى عليا البيت
فارس: ان شاء الله يا نونو
لاحظت نازلى نظرات الحزن في عيون رحمه
نازلى: مالك يا رحمه شكلك فيكى حاجه
نظر فارس لرحمه نظره تحذير
رحمه: لا خالص يا نونو بس كنت بتمنى بابا يكون موجود ويشوف السعادة اللي انا فيها
نازلى: الله يرحمه يا حبيبتي وان شاء الله فارس يعوضك عن كل حاجه
رحمه: اه طبعا ما فارس فعلا بيعمل كده.

نظر لها فارس نظره غضب شديده
نازلى: ايه يا فارس هتقضوا شهر العسل فين
رحمه: بسرعه: مفيش داعي احنا هنا كويسين وعلشان منسبيكيش لوحدك
نازلى: لا طبعا ازاي انتم عرسان وكده هزعل
فارس: لا متقلقيش هنروح مكان مميز جدا ورحمه مش هتنسى ابدا الايام اللي هتقضيها هناك وكان ينظر لرحمه وعلى شفتيه نظره شيطانيه.

رحمه بتفكير يا ترى يا فارس هتودينى فين وهتعمل معايا ايه يارب انا هنا مرتاحه علشان نازلى موجوده معايا انما كده هبقى معاه لوحدى ومش هعرف اتحامى في حد انا خايفه منك أوي يا فارس، انقضى اليوم بدون أي احداث وكانت رحمه حهزت شنط السفر وكل تفكيرها مشغول فارس هيوديها فين وفارس كان مشغول بتخليص بعض الاعمال لانه مسافر، وهيغيب كام يوم وكان بيشتغل على الاب توب بتاعه، جتء الصباح وفطر كل من فارس ورحمه مع نازلى وانتهى الفطار وودعوا نازلى.

نازلى: مع السلامه يا حبايبى وخلى بالك منها يا فارس
فارس بابتسامه ماكره: متقلقيش يا نازلى رحمه في عنيا
رحمه: مع السلامه يا نونو وخلى بالك من نفسك
نازلى: حاضر حبيبتي هتوحشونى مع السلامه
وخرج رحمه وفارس من المنزل وركبوا سياره فارس ولا يوجد أي كلام بينهم: رحمه مشغول بالها بما سوف يفعله فلرس معها: وفارس مبسوط لان الايام الجايه هتتحفر في نظره رحمه وعمرها ما هتنساها...

طوال الطريق لا يوجد كلام بينهم ولاحظت رحمه انهم يتجهون الى مكان معزول ولا يوجد به أي منازل سوى بعض الأشجار، وبعض الاكواخ البعيده يفصل كل كوخ عن الاخر مسافة كبيره اكيد لا فارس مستحيل يقعدها هنا
رحمه بخوف: فارس هو احنا هنا ليه
فارس: هنقضى شهر العسل يا عروسه وعمرك ما هتنسيه
رحمه: شهر عسل ايه المكان هنا شكله مفيش في ناس انت اكيد بتهزر.

فارس، ههههههه انا عمرى ما كنت جد زي دلوقتى هنوصل دلوقتى وهوديكى مكان تحلفى بيه طول عمرك
رحمه: ربنا يستر انا خايفه: بصوت همس
فارس: بتقولى حاجه
رحمه: لالا مبقولش حاجه ابدا
وصل فارس ورحمه الى مكان الصى سوف يقضون فيه شهر عسل: اوقف فارس السياره
فارس: انزلى وصلنا
رحمه: برعب وصلنا فين وايه المكان ده
فارس: ده اسمه كوخ او بيت صغير كده زي عندكم في مصر يعتبر بدائى الى حد ما.

نزلت رحمه من السياره ونظرت حولها ولايوجد أي احد حولهم وكان الكوخ بيدوا عليه الاهمال بطريقه كبيره ويوجد حنفيه خارج الكوخ ونظرت لها بستغراب لاحظ فارس ذلك
فارس: ببرود الحنفيه دى علشان الميه أصلهمش موجود ميه جوه ولازم نجيب الميه من بره ودى أهم مميزاته
رحمه لم ترد وكانت تشعر بحاله من الصدمه الشديده
فارس: هاتى شنطتك انا مش شغال عندك.

توجهت رحمه الى السياره واحضرت حقيبتها وذهبت خلف فارس، فتح فارس باب الكوخ ولكن كانت الصدمه من الداخل كان الكوخ ملىء بالغبار والتراب وخيوط العنكبوت وكانت راحته مقززه، وكان لم يدخله أي اشخاص من قبل والاثاث الموجود بداخله ملىء بالاتربه وغير نظيف
رحمه: بقرف: ازتى هنقعد هنا المكان هنا مقرف ده عاوز اباده
فارس: ما هي ده مهمتك يا حلوه عاوز المكان ده بيلمع انهرده
رحمه بعدم فهم، ازاي يعنى.

فارس: باستفزاز: يعنى زي الشاطره كده تنضفى المكان وتلمعيه عاوزه بيبرق وحاجات التنضيف في العربيه في الشنطه والميه طبعا عارفه هتجييها منين وبعد ما تخلصى هتلاقى شنط فيها معلبات وحاجات للاكل تجهزى غدا
رحمه: انت اكيد اتجننت مستحيل
فارس: احسنلك تنفذى الكلام ومن سكات
رحمه: وانا مش هعمل حاجه يا فارس واللى عاوزه اعمله انا زهقت...
فارس...

الفصل التالي
جميع الفصول
روايات الكاتب
روايات مشابهة