رواية يونس وبنت السلطان ج1 للكاتبة سعاد محمد سلامة الفصل السادس
قال صبحى يلا تعالى معايا يا رشيده
رد صفوان بدفاع رشيده مش هي الى ضربت نار على العمده أحنا كنا قريبين وبعدين فين السلاح احنا مفيش معانا أى سلاح بأى تهمه أو عقل هتاخد رشيده
رد صبحى أنا عبد المأمور وانت كمان سمعت يونس بيه جال أيه متخافش
ردت رشيده
علي صفوان روح أنت طمن أمى ومتخفش عليا أنا معملتش حاجه أخاف منها وسيبك من أتهام عواد الهلالى ليا أكيد الحقيقه هتظهر وربنا هيوقف معايا.
ليمتثل صفوان لحديثها بصعوبه ويعود هو الى الدار لأخبار والداتهم ولكنه لن يتركها
سارت رشيده جوار صبحى يتشتت عقلها لما هذا الشعور هي تكره نسل الهلاليه كله لما ساعدت يونس لما لم تتركه ينازع ويموت أمامها لما أنحنت ووضعت حرامها على صدره تكتم به أندفاع الدماء من جسده
أهتدى عقلها لجواب ربما ردا لفعلته السابقه معها حين حملها وذهب بها الى الوحده
لتصبح واحده بواحده ولا فضل لاحد منهم الأن على الأخر الأن.
بالوحده.
خرج احد الأطباء يقول انا تقريبا وقفت نزيف الرصاصه بس أحنا محتاجين دكتور جراح يطلع الرصاصه وكمان عاوزين دم للمصاب الوحده صغيره
رد غالب أتصل على دكتور من مستشفى البندر ويوسف ويونس نفس فصيلة الدم يوسف هيتبرع له بالدم
رد الطبيب وهو ينظر الى يوسف قائلا أتفضل معايا علشان تتبرع بالدم
ليذهب معه يوسف
ليبقى عواد وغالب معا يقفان أمام الغرفه
بعد قليل.
دخلت نرجس بتلهف تقول ولدى فين أنا عرفت من واحد من الغفر بعد ما شوفت صبحي داخل المندره ومعاه بنت السلطان ولما سألت جالى أن يونس أتصاب بالنار
جولى حصله أيه
وضع غالب يديه على كتفيها قائلا بتطمين أطمنى هيبجى كويس الرصاصه مش في مكان خطير
ردت نرجس بلهفه دا واد عمرى يا غالب جولى الحقيقه
رد غالب صدقينى يونس جوى وهيجوم منها
قالت نرجس طب هو فين عاوزه أشوفه.
رد غالب هو في اوضة العمليات الى هنا في الوحده والدكتور وقف النزيف وبعتوا لدكتور من البندر هيجى دلوجتى
لتقف تدعو له.
بالدوار
أدخل صبحى رشيده الى المندره قائلا أجعدى أهنه على ما أشوف أيه الى حصل ليونس بيه
شعرت رشيده بالعطش كأنها بحر شديد رغم بروده الجو لتنظر الى صبحى قائله أنا عطشانه جوى
رد صبحى هروح أجيبلك ميه وبلاش تتحركى من مكانك وتأذينى.
ردت رشيده متخافش مش ههرب أنا معملتش حاجه أهرب منها لو انا الى ضربته بالرصاص كنت هقول ومش هيهمني حد
خرج صبحى ليعود بعد قليل يحمل صنيه صغيره عليها دورق ماء وجواره كوب صغير
لتأخذ رشيده الدورق وتصب في الكوب وتشرب منه حتى أنهته
لتضع الكوب والدورق على الصنيه قائله شكرا يا عم صبحى عقبال ما تشرب من مية زمزم
رد صبحى بتمنى يارب صحبه يا بنت السلطان ويفك أسرك وتظهر الحقيقه
أبتسمت رشيده.
لكن أنتهت البسمه حين دخلت ساره بهوجاء من تقول
حقيره وقذره وقاتله
لتقترب من رشيده وتقوم بصفعها على وجنتها
لكن تعجب صبحى من رد فعل رشيده فهى سرعان ما ردت الصفعه أقوي قائله مش رشيده بنت السلطان الى يد تمد عليها الأ وقطعتها أحمدى ربنا أنى مقطعتش يدك
وضعت ساره يدها مكان صفعة رشيده القويه لها تقول بتتطاولى على أسيادك يا حقيره هتشوفى هعمل فيكى أيه لتجذب يد رشيده بقوه.
لكن رشيده لم تتحرك أنشا واحدا من مكانها قائله أنا ماليش أسياد أنا حره وعمرى ما قبلت أكون جاريه لراجل حقير عنيه بتلف كل ما يشوف ست معديه قدامه فوجى يا بنت الهلاليه وقبل ما تتشرفى بأصلك شوفى قصاد أصلك ده دفعتى أد أيه من كرامتك ولسه هتدفعى كمان
السياده مش بنت مين ومرت مين انتى عارفه أن راجحى طلب يدى جدام النجع كله وأنا رفضته السياده أنى مقبلش أكون جاريه قصاد لقب مرات العمده السابق.
لكن ليه نارك قايده منى دلوجتى حتى لو حاولت أجتل يونس أيه يزعجك في كده
ردت رشيده بتعسف تقول يونس واد عمى وانتى كدابه وكل الى بتجوليه كذب بس أنا مش هسيبك يا بنت السلطان
قالت ساره هذا وغادرت الغرفه تشعر بحسره وغيره كبيره من رشيده التي شرفت نفسها عليها ورفضت ما قدم لها أن تصبح ملكه لكن رفضت مقابل حريتها
بينما ضحكت رشيده ساخره.
وصبحى الذي قال لرشيده ليه كده يا بنتى مكنش لازم تتحديها وتجولى لها أكده أنا بنصحك بعدى عن سكة الست ساره بت الست نفيسه وأدى جاسيه ومش بتهاب وممكن تحرض الى يأذيكى
ضحكت رشيده أيه يا عم صبحى ناسى أنى مخاويه ولا أيه
رد صبحى عندك حق بصراحه انا مصدق أنك مخاويه
ضحكت رشيده قائله شكلك طيب يا عم صبحى عكس الى كنت بتعمله أيام المحروق راجحى.
رد صبحى أنا عبد لقمة عيشى وزى ما بيتقالى أعمل بعمل حتى لو غصب عنى أو حاجه مش راضى عنها بس يونس بيه مش زى راجحى بيه يونس بيه متعلم وعنده أخلاق ومش بيحب الظلم وكمان عايز النجع يتنور كيفك تمام بس الناس مش هتتغير بين يوم وليله وأنتى عالدوام بتهاجميه شوفتيه مره واحده أتوقفلك كيف ما كان المرحوم راجحى بيعمل زمان.
تبسمت رشيده قائله يونس ميفرقش عن راجحى الاتنين ولاد الهلاليه بس هي الطريقه الى بتختلف وبكره كل شىء يبان على حقيقته
بمنزل رشيده
لم تعد نواره قادره على الوقوف لتجلس أرضا
تقول وسيبت أختك لصبحى وخدها فين
رد صفوان وهو يجلس خدها الدوار معاه
نزلت دموع نواره تقول بخضه الدوار مش هتطلع منه عايشه دول ما هيصدقوا فرصه وجاتلهم عشان يثبتوا للخلق أنها بتتجنى عليهم.
يا مرارى أصلى كنت ناقصه يا ما جولت لها تبعد عن طريق الهلاليه
خرجت على بكاء وصوت نواره
الجده التي أتت مفزوعه تنظر الى نوارت تقول في أيه نواره ليه بتبكى وفين رشيده جرالها حاجه مش زينه ليختل توازنها هي الأخرى لتسندها سريعا يسر التي أستيقظت من النوم مفزوعه هي الأخرى
رد صفوان مفيش حاجه يا سيتى أطمنوا رشيده هتبقى بخير وهتطلع براءه
لتقول يسر بفزع براءه من أيه
رد صفوان يسرد لهم ما حدث قبل قليل.
ليكمل قائلا أكيد يونس عارف أن مش رشيده الى ضربت عليه نار
ردت نواره مش هيقول الحقيقه دى فرصه للهلاليه وجت لحد عندهم ياما جولت لها بلاش تتحديهم بس صوتها من راسها أكيد الهلاليه مش هيرتاحوا غير ما يحبسوها على الاقل
رد صفوان البلد فيها قانون ومتنسيش انى بدرس قانون وعارف فيه وده أشتباه مش أتهام وبكره الصبح نروح الدوار نشوف أيه الى حصل
ردت الجده ومين الى هيستنى للصبح عاد أنى هروحلها دلوجتى.
رد صفوان بلاش ياسيتى وخلونا للصبح يمكن يكون ربنا ظهر الحق.
لتجلس حلميه بقلة حيله جوار نواره قائله ربنا يظهر الحق وتعود رشيده من تانى باكر يا ولدى.
بالوحده
خرج الطبيب المختص من غرفة العمليات
لتتقدم أليه سريعا نرجس تقول بلهفه
ولدى كيفه يا دكتور.
رد الدكتور أطمنى يا حاجه أنا طلعت الرصاصه ومكانها مش خطير وكمان مكنتش متمكنه من جسمه لأنها وقفت بين ضلوع القفص الصدرى وكمان الى تعامل معاه من الأول وكتم نزيف الدم ساعد في أن ما يقفدش دم كتير يتعرض بعدها المصاب لمضاعفات
علي بكره الصبح هيفوق المريض أطمنى
لتتنهد نرجس براحه قليلا وكذالك عواد وغالب
بينما أخذ يوسف الواقف معهم يفكر فيما سمعه من يونس حين دخل ليتبرع له بالدماء في هزيانه بأسم تلك
رشيده.
كان يهمس أسمها كأغنيه من بين شفتيه تتكرر ماذا تكون بالنسبه له أيعقل أن يقع ولد عمه في عشق تلك التي دخلت الى الصوان وخرج خلفها هو يعرف رشيده جيدا هي كانت زميلته بالدراسه ولكن لا يعرف حكايتها وكرهها لعائلة الهلالى التي تجاهر به في العلن.
بالدوار
دخل أحد الضباط
ليكون في أستقباله صبحى
ليقول الضابط فين البنت الى أتحفظت عليها
رد صبحى هي جوه بالمندره يا حضرة الظابط
ليقول الضابط أنا معايا أمر بالقبض عليها.
أدخل هاتها هنا
رد صبحى بس يونس بيه قالى أتحفظ عليها
رد الضابط هي المتهمه الاولى قدمنا أحنا لاقينا سلاح مرمى قريب من مكان أصابة يونس الهلالى
وكمان دا أمر ولازم يتنفذ هتدخل تجيبها ولا أدخل أنا
رد صبحى لاه هدخل أجيبهالك
بعد ثوانى
وقفت رشيده أمام الضابط
ليقوم بسؤالها أنتى الى كنتى في مكان ضرب النار على يونس بيه
ردت رشيده أيوا.
نظر الضابط لها متعجبا يقول شكلك صغير بس للأسف واضح أنك جريئه ياريت تتفضلى معايا على المركز علشان أخد أقوالك في التهمه المتوجه ليكى
لتذهب رشيده برفقة الضابط
رأت المنظر من أعلى نفيسه لتدعى قائله يارب تاخدى أعدام ونرتاح منك عمر قلبى ما أطمنلك من أيام المحروق راجحى.
فى الصباح الباكر
بمنزل ناجى الغريب
وقف ناجى
مع ذالك المجرم الذي سرد له ما حدث وعن رؤيته للشرطه تأخذ رشيده من الدوار
ليقول ناجى.
برافو عليك كانت ضربة معلم بصحيح دلوقتي هنرتاح من بنت السلطان ولسانها الزالف وكمان مش بعيد يرحل ولد الهلالى وتهتز الهلاليه لتانى مره بتنجح في مهمه بديهالك يا عطوانى بعد قتلك للغبى فنجرى ويبان القتل أنه غرق
رد المجرم في خدمتك يا باشا أنا من صبيانك
رد ناجى أختفى انت اليومين دول مش عايزك تظهر قدام حد وان أحتاجت لك هبعتلك مرسال
ليقول المجرم أوامرك يا باشا.
خرج المجرم ليقف ناجى متبسما يهمس لنفسه يقول واضح أن المكتوب الجديد على الهلاليه يرحلوا في عز شبابهم.
كانت أذن همت سمعتهم لتعلم أن رشيده في سجن المركز لتكون هذه فرصه لها عليها أستغلالها
وتتشمت أيضا وتتشفى في نرجس فولدها قد يكون الأحق لراحجى ويموت مثله.
بعد ظهر اليوم التالي
بدار رشيده
جلست نواره ويسر وحلميه يبكون بعد أن علموا ان رشيده أخذتها الشرطه وهي بالمركز
ليدخل عليهن صفوان ومعه حسين.
لتقول يسر أيه قابلتوا رشيده
رد حسين لاه قالوا لنا محدش يجابلها الا المحامي بتاعها وعدينا على الاستاذ مندى وقومناه وهو هيتابع معاهم وهيجابلها ويجى يجولنا كيفها
ردت نواره بحزن ياما جولت لها بلاش تتحدى الهلاليه
رد صفوان مالوش لازمه الكلام دا يا أماى دلوجتى أدعى لها ربنا يفك أسرها
بالوحده الصحيه عصرا
بدأ يونس في الفوقان تمهيديا الى أن أستفاق كليا
كان أول من سأل عنه صبحى عاوز صبحى عندى دلوجتى.
رد الطبيب حمدلله على سلامتك العيله كلها هنا من أمبارح محدش روح دلوقتى هيدخلولك واطلب منهم مقابله الى انت عاوزه وكمان يا ريت بلاش أجهاد
تبسم يونس
بعد قليل خرج الطبيب
ليقول لهم المريض فاق بس يا ريت بلاش الأزعاج وكمان بلاش تجهدوه في الحديث وياريت الدخول يكون واحد واحد وبلاش زحام في الاوضه جوه
ابتسم الجميع برحابه
ليقوموا بالدخول اليه
كان أول من دخلت هي نرجس التى.
رأت يونس ممدد على الفراش عارى الصدر يلفه شاش أبيض
لتنزل دموعها غصبا لتميل تقبل رأس يونس الذي أبتسم بوهن أنا كويس يا أماى ملهاس لازمه دموعك دى أنا بخير
مسحت دموعها تقول تانك بخير يا ولدى وما تتعاد تانى بنت السلطان هي الى ضربت عليك النار
تنهد يونس على ذكر أسمها قائلا لاه يا أماى بنت السلطان هي الى أنقذتنى
أبتسمت نرجس هصدجك بس علشان عارفه أنك مش بتكدب.
بره أعمامك وكمان ساره ونفيسه مرت عمك الكل عاوز يشوفك وأنا مش عاوزه أسيبك بس الدكتور قال واحد واحد يدخل
أبتسم يونس يقول صبحى انا عاوزه يجيلى
ردت نرجس هبعت له خبر يجى لك
هطلع أنا علشان البجيه يدخلوا يطمنوا عليك
دخل غالب خلف نرجس ليميل يقبل رأس يونس قائلا حمدلله على رجوعك بينا يا ولدى تنذكر وماوتعاود جولى مين الى ضرب عليك نار لو جولت رشيده أنا كفاله أمحيها هي وعيلتها من وش الأرض.
رد يونس لا مش هي يا عمى الى ضرب عليا نار كان من بعيد ورشيده كانت قريبه منى مش هي أنا متأكد
ليتعجب و
يتنهد غالب قائلا لو مش هي يبجى مين شد حيلك يا ولدى وهنعرف مين الى عمل أكده وعجابك هيكون وخيم
أراد يونس ان يسأله على رشيده لكن تلجم لسانه
بعد قليل دخلت أليه ساره
لتنظر له بلهفه وشوق قائله حمد لله على سلامتك يا يونس
رد يونس بأختصار متشكر مكنش له لازمه تعبك
ردت ساره واه أنت غالى عندى.
رد يونس عارف أنك بتعزينى كيف أخوك وانتى كمان كيف أختى متشكر
نظرت ساره بحسره كيف يقول أنهم كالأخوه عمرها لم تعتبره أخ بل كان حبها السري التي أخفته وتحملت عذاب راجحى والان يقول هذا لا هي الاحق به ولابد أن يشعر بعذاب قلبها بعشقه.
بمنزل أحد المجرمات
وقفت همت تقول لها أسمها رشيده السلطان هي دلوجتى في سجن المركز عايزكى تدخلى لها جوه الحبس
ردت المجرمه وتحبى أجتلهالك وميطلعش عليها صبح.
ردت همت لاه جتلها مش هيشفى غليلى منيها أنا عايزها تعيش بس تخاف تتكلم للعار يمسها
ردت المجرمه جصدك أيه
ردت همت هي لاستها بنت بنوت عايزها لو طلعت من السجن توطى راسها بين الناس وهي خايفه لتنكشف
قالت المجرمه بفهم جصدك
ردت همت أيوا عايزاكى تهتكى عرضها
ردت المجرمه بس دى محتاجه وجت كبير وأكيد هدفع كتير للى هيسهلوا دخولى لجوه المركز.
أخرجت همت رزمه كبيره من المال وأعطاتها لها قائله خدى ولم عملتى الى جولتلك عليه ليكى ضعف المبلغ ده ولازم يتم الامر ده النهارده جبل بكره
أبتسمت المجرمه تقول أجرى الفاتحه على شرفها دى أخر ليله مش هتبات بشرفها.
لتبتسم همت بخبث قائله دا يبجى يوم المنى.
كرب وحزن كبير بمنزل رشيده
نواره تشعر بسوء تخاف على أبنتها الحبيسه كلمه من يونس قد تخرجها من القضيه وكلمه أخرى قد تدخلها السجن لأعوام.
هكذا قال لهم المحامى بعد أن قام بزيارتها في المركز وقالت له أنها أنكرت ضربها ليونس بالنار وأنها لم تذكر أسم أخيها بأى كلمه أثناء التحقيق
وقال لهم أنه تم الامر بحبسها أربع أيام على ذمة التحقيق.
مساء
بالمركز
دخلت هاتان المجرمتان واحده رأسها تنزف تتهم الأخرى بالأعتداء عليها وضربها لتقوم بعمل محضر ضرب لها لتبقى أحداهن وتدخل الى الحجز والاخرى تحول الى المشفى لكشف حكيم.
سار أحد العساكر بتلك المجرمه الى داخل الحجز ليقول لها خلصى الى جايه علشانه مش عايز دوشه كتير الظابط بايت هنا في المركز ودا ظابط شديد ومالوش في اللوع
ردت المجرمه وهي تضع مبلغ من المال في جيبه أطمن هخلص من غير صوت
دخلت تلك المجرمه الى داخل الحجز ليغلق العسكرى خلفها باب الحجز
وجدت بداخل الحجر واحده تجلس تلم ساقيها بيديها تضع رأسها بالمنتصف بين ساقيها لم ترفع حتى رأسها لترى من دخل عليها.
أبتسمت المجرمه لتقول سالخير يا بطه حزينه ومكفيه على وشك كده ليه شكلك أول مره تدخلى الحجز
لم ترد رشيده عليها ولم ترفع رأسها أيضا.
بالوحده الصحيه غادر الجميع وتركوا يوسف فقط ليبيت مع يونس
نام يوسف على سرير أخر بظهره يقول هلكان من أمبارح منمتش غير انى أتبرعتلك بدمى أكيد دمى عسل وشربات بيسرى في عروقك دلوقتى
ضحك يونس بوهن
ليقول يوسف بزمتك بعد ما خدت من دمى مش حاسس أنك بقيت كويس ودمك راق.
ابتسم يونس قائلا ليه مروحتش معاهم أنا تعبان ومش حمل منهادتك ليا
رد يوسف بمزح دا بدل ما تقولى شكرا يا ولد عمى على دمك الشربات الى بيجري في دمى دلوقتي
خساره فيك
لينهض يوسف من على الفراش قائلا
بتذكر
أه قولى أيه حكاية رشيده معاك
تعجب يونس قائلا مالها رشيده وانت تعرفها منين
رد يوسف انت كنت بتهزى بأسمها قبل ما تدخل للعمليه أنا سمعتك وهما كانوا بياخدوا منى الدم بس أيه حكايتك معاها أوعى تكون طبيت فيها.
تعجب يونس قائلا طبيت فيها نقى ألفاظك شويه وبعدين تعرف رشيده منين مقولتليش
رد يوسف رشيده دى كانت زميلتى في المدرسه من أولى أبتدائى لتالته ثانوى.
وغريبه جدا عندها جرأه وقوة شخصيه دى مره شتمت مدير المدرسه علشان موقف مع زميل لينا مكنش دفع مصاريف الكتب وهو أهانه قدام زمايله قامت هي شتماه وأنضربت في طابور المدرسه وعملوا أستدعاء ولى أمر لها وجه أبوها مغلطهاش بس المدير خاف من أبوها لما قاله أنه هيعرض المشكله قدام الناس بعد صلاة الجمعه والمدير خاف من الجرسه
أبتسم يونس قائلا يعنى الجرأه في العيله من الأول وأكيد رشيده ورثاها عن أبوها.
رد يوسف بس قولى أيه حكاية رشيده معاك
تبسم يونس قائلا بمراوغه طيب هي رشيده كانت شاطره في المدرسه.
علم يوسف أنه يراوغه ليرد كانت شاطره وكان نفسها تدخل كلية الزراعه وكانت بتقول أنها هتزرع في الأراضى الصحراويه الى حوالين النجع وهتخضرها بس دا كله أنتهى بعد ما أتقتل أبوها بعد ما خلصنا الثانويه ومدخلتش جامعه وبعدها أنا سافرت للجامعه بالقاهره بس كنت بسمع عنها كتير لما بكون هنا في البلد وعن عدائها للهلاليه الى معرفش سببه
تنهد يونس مبتسما
ليقول يوسف أيه سر البسمه دى وبعدين قولى ليه بتسأل عن رشيده.
رد يونس ولا حاجه أنا عايز أنام يظهر الادويه فيها منوم
تصبح على خير
ليرد يوسف حائرا وانت من أهله
نام يوسف لكن يونس لم ينام ظل يفكر برشيده ويتنهد بعشق وشوق ليراها يفكر كيف لصاحبة الغرض النبيل أن تصبح قاتله كما تدعى أمامه.
بحجز المركز
أقتربت تلك المجرمه من رشيده لتقوم بزغدها بجانبها قائله بكلمك مش بتردى عليا ليه
لم ترد رشيده ومازالت مكفيه على وجهها.
لتقوم المجرمه بزغدها بقوه اكبر وتتحدث أليها بغلظه تجر شر أيه مش عاجبك صوتى ولا عايزه تشوفى وشى ليه يا ملكة الجمال
ردت رشيده بصوت غليظ للغايه وهي مازالت تكفى وجهها بين ساقيها قائله لو عايزه تشتري حياتك بعدى عنى الليله
لم تهابها المجرمه
لتقوم برفع رأس رشيده من بين ساقيها
لترى رشيده تغمض عيناها
لتضحك تلك المجرمه بشرر قائله هو أنتى عاميه ولا أيه واضح أن مهمتى سهله يلا أستعنا عالشقى
أقتربت المرأه من رشيده.
ولكن قبل ان تمسها فتحت رشيده عينيها بأتساع قائله بصوت مخيف وغليظ جولت لك أشترى حياتك وبعدى عنى بس يظهر أنه عاوزه تشوفى وشى التانى
أرتجف قلب المرأه لتعود الى الخلف وهي تنظر الى عين رشيده الحمراء التي أختفى بياضها وسوادها لتخيف تلك المرأه
لتنزل رشيده ساقيها وتقف على الأرض وتقترب من المجرمه
وتتحدث بصوت غليظ قائله عاوزه أيه يا وليه أنتى متعرفيش أنا مين أنا جنى ساكن في جسم بنى أدمه وأجدر أسخطك مسخ.
كيف تتجرئى وتمسينى
كانت رشيده تتحدث وهي تقترب من المجرمه والمجرمه تعود للخلف الى أن سقطت على الارض
لتنحنى رشيده تتحدث بصوتها العادى قائله متخافيش منى دا جنى مخاوينى أصلى بيقولوا عليا مخاويه
نظرت المجرمه الى رشيده وجدت عيناها مازالت حمراء رغم صوتها العادى
مدت رشيده يدها للمجرمه لتزحف المجرمه الى الخلف خائفه
الى أن وصلت الى باب الزنزانه
لتصرخ بعزمها وبقوه
تقول أنجدونى.
علي صوت صراخ المجرمه أتى الضابط ومعه ذالك العسكرى
ليجد رشيده تجلس على تلك الاريكه تكفى وجهها بين ساقيها هادئه
ليدخل الى داخل الزنزانه بعد ان فتحها العسكرى الملازم له.
لتقول المجرمه أنجدنى يا باشا أبوس يدك لتنحنى تقبل يد الضابط قائله أنا خايفه منها دى راكبها جنى وادينى زنزانه تانيه وأبعدنى عنها يا باشا.
رد الضابط بطلى تخاريف يا وليه الحجز هنا مفيش فيه الا زنزانتين واحده للحريم وواحده للرجاله هوديك مع الرجاله أنكتمى ومسمعش حسك جنى ايه وتخاريف ايه أستحملى كلها كم ساعه ويطلع النهار وتغورى تتعرضى عالنيابه
قال الضابط هذا وتركها وغادر وخلفه العسكرى المتعجب من خوف تلك المجرمه
ليغلق عليهن الزنزانه مره أخرى
لتجلس تلك المجرمه بعيدا عن رشيده لتسمع صوت رشيده قائله مين الى باعتك يا وليه جولى لاسخطك مسخ دلوجتى.
ردت المجرمه محدش باعتنى ولاتاذينى ولا أذيكى يا ست البنته
رفعت رشيده رأسها تقول وماله هصدجك يا حرمه حقيره.
فى الصباح الباكر
بالوحده الصحيه
أستيقظ يونس على صوت يقول بتهته وتعلثم
يونس بيه أصحى رشيده
أستيقظ يونس ليرى أمامه عبد المحسن
ليبتسم له قائلا جاى تطمن على أنا مليح
رد عبدالمحسن لاه أنا جاى أجولك أنى كنت عند نواره أم رشيده وهي بتبكى بجالهم ليلتين حابسين رشيده في المركز.
أنتفض يونس من على الفراش يشعر بألم في صدره
قائلا هي رشيده مش مع صبحى في الدوار كيف ما أمرته
رد عبد المحسن بتهته لاه يا بيه دى بايته في المركز من أول أمبارح
نزل يونس من على الفراش متألما من جرحه يقول أنا بعت لصبحى بس معرفش ليه مجاش
بس انا الى هتابع الامر بنفسى وهروح دلوجتى أشوف أيه الى حصل
أستيقظ يوسف حين تحدث يونس مع عبد المحسن
لينظر ليونس ويتعجب الى أنتفاضته وقيامه ونزوله من على الفراش.
بعد أن سمع ماقاله عبد المحسن
ليراه يتجه يرتدى تلك الملابس التي بعثتها والدته بالأمس ليونس بالوحده
ليقترب من يونس قائلا انت قومت من السرير ليه بتلبس هدومك ليه
رد يونس لازم اخرج دلوجتى ساعدنى ألبس هدومى
نظر له يوسف قائلا خروجك من الوحده خطر عليك أنت كنت مضروب بالرصاص في صدرك مش خبطه أو تعويره بسيطه
رد يونس بتعصب بلاش تساعدنى انا هلبس لوحدي
أقترب يوسف يساعده في اللبس قائلا وهتخرج
بدون اذن الدكتور.
رد يونس الذي انهى لبسه قائلا بعدين مش وقت الدكتور أنت معاك عربيه يلا تعالى معايا
لينظر يونس لعبد المحسن قائلا أطمن رشيده هتبات الليله في بيتها
أبتسم عبد المحسن له يقول بتهته وتعلثم هروح أبشر نواره أخليها تكف بكى
بعد وقت
بالمركز
دخل يونس الى غرفة الضابط مباشرة
ليقف الضابط مرحبا به يقول أنا كنت هاجى الوحده علشان أخد أقوالك في الحادثه.
ليقول يونس أنا بطلب منك طلب شخصى قبل ما أقول أقوالى ممكن أقرى محضر التحقيقات
رد الضابط لو أنه ممنوع بس انا هعطيك محضر التحقيقات تقراه وبعدها هاخد أقوالك انا عندى ثقة فيك من الى سمعته عنه من أهل النجع
أتفضل أرتاح واقف ليه
ليجلس يونس على أحد المقاعد وهو يشعر بألم بصدره لكن يقاومه
أعطى الضابط له محضر التحقيقات ليقرئه
بعد قليل
أعطى يونس ملف التحقيقات للضابط.
قائلا أنا ليا طلب تانى عارف أنى بضغط عليك بس صدقني دا في مصلحة التحقيقات
رد الضابط تحت أمرك
رد يونس عايز أقابل المتهمه لمده صغيره وبعدها مش هطلب منك أى طلب وبعدها هعطيك أقوالى
فكر الضابط قليلا ليقول تمام
لينادى على أحد العساكر ويطلب منه ان ياتى برشيده من الحجز
ليقول يونس بشكر متشكر ويا ريت تسيبنا لوحدنا خمس دقايق مش أكتر
وقف الضابط قائلا أنا هخرج همر على الحجز وأرجعلك تانى
ليبتسم يونس قائلا شكرا لتفهمك.
خرج الضابط ليظل يونس وحده بالغرفه
بعد ثوانى
ادخل العسكرى رشيده الى الغرفه وتركها وغادر
لترى أمامها يونس يجلس على أحد المقاعد
لاتعرف سبب لتلك الفرحه بصدرها حين رأته لكنها نفضت ذالك عنها سريعا قائله كنت بتقولةعليا بسبع أرواح يظهر أنك زيي
ليلة أول أمبارح كنت بتنازع جدامى ودلوجتى جدامى جاعد زين
ضحك متألما من حرجه قائلا لسه دمى على حرامك.
نظرت الى حرامها قائلا ما انا بايته بيه في المركز ومروحتش لو روحت كنت غسلته ونضفته أو ولعت فيه أصلى بكره دم الهلاليه
ابتسم يونس قائلا وعلشان كده كنتى بتكتمى نزف دمى بحرامك ما علينا أنا مش جاى علشان أكده
أنا جاى علشان شىء تانى
ردت رشيده وأيه الشىء التانى الى خلاك تجى
رد يونس قائلا مصلحة أخوكى أسمه صفوان صح
ردت رشيده وأيه هي مصلحة صفوان
رد يونس صفوان أمل حياته يبجى وكيل نيابه صح
صمتت رشيده.
ليكمل يونس حديثه قائلا بس أزاى هيبجى وكيل نيابه وهو حاول يجتلنى
ردت رشيده بتعجب أنت كذاب أخوى محاولش يجتلك أنتى بتدعى عليه أنا هعترف أنى أنا الى حاولت أجتلك
رد يونس بهدوء بس أنا هجول في التحقيق أنك بدارى على أخوكى أن هو الى حاول يجتلنى لو موافجتيش على طلبى
ردت رشيده وأيه هو طلبك ده
رد يونس ببساطه، تتجوزينى يا بنت السلطان أو يا ذات الخال.