رواية وعد للكاتبة أماني فهمي الفصل الرابع عشر
عند طلال
كان يجلس يفكر لماذا دفعت وعد ذلك المبلغ المهول ومن اين اتت بيه
طلال: جيبتي منين 150 مليون يا وعد ربنا يستر
يوسف: مالك يا عم زرعتها مشمش طلعت مانجه
طلال: اخرس يالا
يوسف: لا بجد مالك
طلال: وعد جابت منين 150 مليون
يوسف: بتفكر في ايه
طلال: تفتكر لما سافرت عملت حاجة
يوسف: بطل هبل انت عارف اختك ديه متربيه فى حضنك.
طلال: نصدق انك حمار انا مقصدش اللي جيه ي دماغك انا بفكر يمكن خدت قرض او عملت شغل من تحت الترابيزة
يوسف: مش بقولك اهبل وانت تفتكر ان وعد هتعمل كده تبقى جموسة بقرنين
طلال: انا جموسة بقرنين يا حمار من غير بردعة
يوسف: مش هرد عليك دلوقتي تعالى ناكل بعد كده نكمل
طلال: تصدق عندك حق مينفعش نتخانق على بطن فاضية
ذهبو الى المطبخ وعملو الاكل وطلبو مغادرة الخدم وجلسو ياكلو بستمتاع
يوسف: هى فين وعد.
طلال: ادام مراد معاها متخفش
يوسف: طيب الحمد لله كده فى مصيبة جاية قريب
طلال بضحك: والنعمة انت بتقول كلام حكم
سمر وهى تدخل: اكلونى معاكم يا بقر
يوسف بضحك: سلطانة سمورة نورتي
طلال: حالا يا سمري هجيب اكل
وجلسو ياكلو ويضحكو وبعد ذلك ذهب كل واحد لغرفتة.
عند بدر
جلس بدر يفكر هل ما عمله مع وعد صحيح ام خطأ
شعر بعد مده باحد يضع ايده عليه ووجده فراس
فراس: مالك بدر
بدر: مفيش قبطان
فراس: انا اللى مربيك وعارف دماغك وشكلك عملت حاجة او بتفكر فى حاجة
بدر: تفتكر ممكن تكون وعد مظلومة ومش هى ورا محاولة قتلي
فراس بعقل: هسالك سؤال بس تجاوب عليه
بدر: اممممم
فراس: من يوم مبتديت شغل ليك فى شغل وعد
بدر: مش فاهم
فراس: يعني انت ليك شغلك وهى ليها شغلها فى حاجة هى أدخلت فيها.
بدر: تقصد ايه
فراس: فكر ووصل للنتيجة الصح واوعي تاذي واحدة ست لا وكمان يتيمة يعني الحمل حملين
غادر فراس وترك بدر لافكاره.
عند وعد
كانت تجلس على الكرسي وتفرد رجليها على التربيزة وتضع اديها على عيونها وكان ينظر لها ياسر و زوجته بحزن
بعد قليل انفتح الباب ودخل شاب ايه من الجمال بسمارة وعيونه الجذابة
الشاب: سلامة عليكو
مها: وعليكم السلام
ياسر بحزن: اذيك يا حاتم
حاتم: مالك يا ابويا فيك ايه والكلام اللى سمعته ده صح فعلا بنت عمتي سلمي هنا
مها بحزن: ايوة يا حاتم قعده هناك اهيه
حاتم بستغراب: هى ديه.
ياسر: ونبي يا بني حاول تخليها تاكل ديه من الصبح محطتش حاجة فى بطنها
حاتم: تمام انا هتصرف
توجه حاتم وجلس امام وعد فترة دون أن يتحدث
وعد بتنهيدة: هتفضل قاعد كده كتير مش هنخلص بقي
حاتم: يعني صاحيه متشيلي ايدك خليني اشوف وشك
وعد بسخرية: ليه جيبلي عريس
حاتم بضحك: يمكن أعجبك وبقي عريسك
وعد وهى تفتح عيونها الضحك و رنانة: وانت بقي تقدر على مهر البرنسيسة وعد البحيري.
حاتم باعجاب: سبحان من ابدع و صور هو فى جمال كده هو انتى بجد بنت عمتي كشكل اه بس العيون مختلفة
وعد بثقة: وياترا بقي مين أجمل انا ولا هي
حاتم: انتم الاتنين واحد بس انتى أجمل
وعد بشر: والعن
حاتم بستغراب: يعني ايه
وعد بشر: يعني امي كانت طيبة و غلبانة انا بقي إبليس يتعلم مني وسال عن البرنسيسة وعد البحيري برنسيسة الاقتصاد فى مصر و العالم.
صوت انوثي: طبعا معروفه اللى نقلت مجموعة السيوفي من مكان لمكان مين ميعرفهاش
حاتم بابتسامة: تعالى يا قلبي اعرفك ديه وعد و ديه نور
وعد: هاي
نور: هو انتى اللى ضربتي محمود و رفعتي السلاح على عمي صفوان
حاتم تعجب: ضربت محمود و عمي صفوان ونعمة الجدعنة
وعد: هو البيت ده مفهوش اكل انا جعانه اوي
نور: حالا والأكل يبقي جاهز ومشيت
وعد: مالك يا عم الشبح هتفضل كده كتير.
حاتم بابتسامة: حاتم ياسر 29 سنة رائد فى الشرطة اعزب ومليش غير اخت واحدة وطبعا ابويا وامي و بس توقفي تتجوزيني
وعد: شكلها هربت منك ولسه معرفتش توصلها
مها: يالا يا ولاد الاكل جاهز
توجه الجميع الى السفرة ووجدت وعد أصناف اكل كتير فجلست بجوار حاتم وشرعت فى تناول الطعام ولكن صوت خبط على الباب قطع صفو الجلسه فاسرعت نور بفتح الباب ووجدت جدتها على الباب ودخلو.
قام الجميع وتركو الاكل ولكن فضلت وعد تاكل ولم تهتم بأحد فجلست الجده امام وعد فى الكرسي المواجه لها
الجده: انتى بنت سلمي
وعد: لا رد
الجده: اكيد انتى اصلك شبها اوي نفس لون شعرها وجمالها انا ستك يا بنتي ام امك
حاتم: وعد ستك بتكلمك
وعد ببرود: بس انا مليش جده اصل ابويا الله يرحمه امه ماتت من زمان فمعرفش غيرها
الجده بدموع: انا يا بنتي صفية ام سلمي امك.
وعد: ااااااااه قولتيلي تقصدي انك الست الضعيفة اللى رضيت تجوز اخو جوزها علشان العيلة الوسخة ولا تقصدي الست المغلوبة على أمرها اللي رضيت تخلي واحد متجوز يخطب بنتها ويعملها معمله الكلاب باسم انه راجل وابن عمها وهو اولي بيها ومش مهم انها تبقي زوجه تانية ولا تقصدي الست الهبلة اللى سلمت فلوس جوزها لاخوه ولا تقصدي الست الضعيفة اللى معرفتش تحافظ على بنتها ورمتها ولا تقصدي الست اللى وقفت تسمع تخطيط الكل لقتل بنتها وسكتت ولا تقصدي الست اللى ربت ولا جوزها وهى عارفة قد ايه هما بيكرهو وبيكرهو ولادها عارفة انا بستحقر العيلة ديه كلها اصلكم من برا هالهالا ومن جوا يعلم الله.
ياسر بدموع: والله يا وعد احنا غصب عننا
وعد بغضب: غصب انت فاكر انك اخ لااااا عاوز تعرف اذاي بيكون الاخ تيجي تشوف طلال و يوسف ولاد اهل ابويا بصراحة و نعمه الاخوات و الرجالة رجالة عرفين يعني ايه رجالة رجالة تحمي و تحب مش تكره وتغدر رجالة تجمع مش تفرق رجالة سند و دهر مش يكسروك و يذلوك رجاله امانك و عزوتك مش رعبك
بكي ياسر و الجده بشدة على كلام وعد الجارح
حاتم بغضب: انتى بتقولى ايه اسكتي.
وعد بغضب: اسكت انا سكت كتير اوي انت متعرفش حاجة انت عايش مع ابوك و امك و الكل بيعملك ألف حساب لكن انا اتولد يتيمة اتربيت مع ناس عملوني ذي بنتهم واحسن وانا من يوم معرفت الحقيقة الوسخة بتاعتكم وانا بكرهكم ونفسي اولع فيكم بجاز وسخ
قطع كلامهم صوت خبط على الباب ودخول مراد وخلفة حرس كتير وأسرع لها واخذها فى حضنه
مراد: انتى كويسة يا عمري حد عملك حاجة
وعد: انا كويسة متقلقش.
مراد بغضب: فين ولاد الكلب اللى جبوكي هنا
وعد بشر: كل حاجة جاهزة
مراد: ايوه
شاور مراد لإحدى الحرس وأحضر شنطة وأعطاها لوعد
وعد: في أوضة فاضية محتاجة البس
حاتم: نور طلعي وعد للوضة بتاعتي
نور: حاضر
اخذت نور وعد إلى الأعلى وخلفها إحدى الحرس ودخلتها الغرفة ونزلت و وقف الحارس امام باب الغرفة.
دخلت وعد وجلست على السرير وتنهدت وقامت وفتحت باب تانى وجدته الحمام فدخلت وأخذت دش وخرجت فتحت الشنطة ووجدت فستان باللون الجملي وجذمة بنفس اللون ولبست ونزلت وخلفها الحارس
الجدة بدموع: سامحيني يا بنتي
وعد: مش انا اللى تطلبي منها السماح المفروض بنتك بس بسبب ضعفك ضيعتيها هى ديه امانه جوزك المرحوم ليكي ولا هى ديه الرجولة يا ياسر
ياسر بكسره: عندك حق وانا من النهاردة هحميكي.
وعد بضحكة رنانة: تحميني انت متخيل انى ممكن اسمح لحد فيكو يقرب مني انا ممكن امحيكم كلكم من علي وش الدنيا برمشة عين
حاتم بسخرية: ليه كنتى زعيمة مافيا
وعد ببرود: لا كنت البرنسيسة وعد البحيري اللى كلمتي سيف على رقبه الكل
مراد: يالا نلحق نمشي
صفوان بحده: على فين العروسة مش هتخرج من هنا اللى على بيت جوزها والشغل وفلوسها جوزها اللى هيدرها
وعد: جوزها اللى هو مين
صفوان: ابني محمود طبعا.
وعد: اااااااااااااه محمود اللى انا علمت عليه وضربته وخليته ذي الخروف تحت رجلي مش الأول تتأكد انى بنت بنوت مش حاجة تانية
محمود بغضب: دانا اقتلك ودفنك من غير عزا
مراد بغضب: ليه فرخة
صفوان: وانت مين
مراد: دراعها اليمين والموت عندي اسهل من شرب السجاير
محمود: وانتى يا عروسة رايك ايه
الجد حامد: ملهاش راي يوم الخميس الجاي الفرح
أخرجت وعد السلاح ورفعته فى وش صفوان وفى لحظة كان الجميع تحت يد الحرس ورفعين السلاح.
وعد بقوة: انا كنت هسيبكم ومشي بس الظاهر انت بتستعجل موتك و جيه وقت الحساب فاكر زمان لما قتلت سلمي بدم بارد والايام بتعيد تاني بس المرة ديه لعبت مع وحده بايعة المسئلة كمان انت فاكر اني معايا فلوس تبقي غلطان انا بشتغل فى الشركة بمرتبي يعني انا هقعد والبغل ابنك هيصرف عليا
محمود بذهول: يعني انتى معندكيش فلوس
وعد: لا معايا حوالى 10 آلاف بس وعربية و هدوم
محمود بغل: وانا هعمل بيكي ايه.
وعد: شوف بقي انا عاوزة حق اهلي منك صفوان وانت حامد ايه رايك صفوان اقتلك ولا أقتل ولادك ونفس الكلام ليك حامد
صفوان برعب: لاااااا انا عاوز اعيش
وعد: وانت حامد حياتك ولا حيات عيالك
حامد: لا حياتي طبعا
محمود بغضب: يعني انا اموت عادي تعرف انك راجل ظالم من صغرنا واحنا بنكرهك علمتنا الجبروت و الظلم وانت اكتر واحد ظالم.
منصور بغضب: حتى انت حامد موت امنا بحسرتها وجيه حتي الحاجة صفية مرحمتهاش وكنت السبب فى موت اختي ودلوقتي وقت الحساب
محمود: صح جيه وقت الحساب وانتي وعد ليكي الحرية تكلمينا ولا تسبينا براحتك
منصور بغل: حق امي هنخده دلوقتي
رفع محمود و منصور السلاح فى وجه ابوهم و قامو بإطلاق الرصاص عليهم وأسرع صفوان وحامد بإطلاق الرصاص عليهم وماتو فى لحظتها
وعد: انتقام ربنا اكبر من انتقام البشر
ياسر: وانتى يا وعد هتسبينا.
وعد: انا مليش أهل غير اهل ابويا وانتم مجرد ذكري همسحها من دماغي للأبد يالا مراد
اخذ مراد وعد و مشيو و خلفهم الحرس ولكن توقفت وعد ونظرت لياسر
وعد: يا ريت بلاش تقسي علي بنتك يوم مهتتعب هى اللى هتبقي السند والأمان ليك وانتى نور انتى وحاتم انا عنوانى معروف وقت متحتجوني هتلقوني فى ظهركم
حاتم: والباقي
وعد: سيب الزمن يداوي الجروح
غادرت وعد وركبت السيارة و خلفها الباقي ونطلقو عائدين الى القاهرة مرة تانية.
فى صباح اليوم التالي
اتصلي بدر على طلال علشان يعرف أخبار المشروع ولكن أخبره طلال بأنه لا يملك السيولة المطلوبة وأغلق معه
ضحك بدر بشدة على إنهاء وعد البحيري من كل جهه وتصل على شخص يحدد معاه معاد على إتمام الصفقة.
مر يومين ومازالت وعد مختفية وفى مساء اليوم الثالث توجه بدر الى إحدى المطاعم فى انتظار الشركاء الجداد لانضاء الصفقة
مر حوالى نصف ساعة و كان بدر يجلس ووجد آخر شخص ممكن يتوقعة يجلس أمامه
بدر بذهول: وعد
وعد: بدر الجارحي
بدر: انتى بتعملي ايه هنا
وعد: جاية اقولك ان الروس مش هيجو اصلهم مضو معايا انا الصفقة
بدر بعصبية: اذاي مستحيل يحصل ده.
وعد: المثل بيقول العين بالعين والسن بالسن والبادي اظلم يا بدر اه وفى حاجة كمان فاكر المبلغ 150 مليون اللى معاك دول مزورين اصل انا ليه فى كل شبر راجل وكل خطوه جميلة واخر خبر قصر الراوي ملكي من زمااااااااااااااااان اوي وكمان اهل امي اللى عرفتهم مكاني خلصو على بعض واللى فاضل بيتمنولي الرضا أرضي وبيتمنو لحظة سماح
بدر: انتى ايه شيطان.
وعد: لا مش بحب الظلم وانت اللى غلطت الأول وياريت تسأل كنان مين هو سامح ابو شقرا وانت هتعرف رجالة مين اللى ضربو عليك الرصاص ولو عندك ذرة عقل هتعرف انى كنت هموت و انا بنقذك فوق بدر قبل متخرب الدنيا سلام
غادرت وعد وجلس بدر وهو يغلي من الغضب ولكن وجد العملاء يدخلون ويتحدثون معه و يعتذرون على التأخير وتمت الصفقة وغادرو
بدر لنفسه: انتى ايه وعد لغز محدش يفهمه بس لازم افهم اذاي وليه.
غادر بدر المطعم وتوجه الى منزله وجلس على رأسه الطير
بريهان: مالك حبيبي مضيت العقد
بدر: اه بيري مضيت
بريهان: مالك بدر من يوم رجوعك من لبنان وانت فيك حاجة احكي حبيبي
بدر: فعلا انا محتاج احكي
حكي بدر كل شي منذو سفرية لبنان حتي الآن وكان فراس و نورسين يقفون يسمعون ولكن ما خالف توقعتهم هو نزول صفعة على وجه بدر من بريهان.
بريهان بغضب: انت من أمتي كنت غبي كده وكمان ظالم و مفتري ترمي بنت لناس قتلو امها و ابوها بدم بارد لا وكمان تنصب عليها بس بصراحة البت جامده لبستك احلى خذوق فى الدم بصراحة بت بمليون راجل لأول مرة اتمني ان تكون هي بنتي مش انت
تركت بريهان بدر وصعدت الى غرفتها وشاور فراس لنورسين بالصعود وترك بدر يعيد حساباته
ولكن وقف الكل أثر دخول الشرطة الى الفيلا وطلبو تفتيش الفيلا لوصول معلومات بوجود فلوس مزورة.