رواية وعد للكاتبة أماني فهمي الفصل التاسع
فى مخزن قديم
وصلت وعد مع الحرس لذلك المخزن ودخلت وجدت شريف على الارض مغمي عليه فجلست على الكرسي بكل غرور
وعد: صحوه
مراد: امرك
رمي إحدى الحرس جردل مايه عليه فنتفط شريف من برودة المياة
وعد: اخس اخس عليكم ليه تصحوه كده مفيش عقل خالص
شريف برعب: وووووووعد
وعد ببراءة: عمو شريف بجد بعتذر عن غباء رجالتي جبوك هنا من غير ترحيب ينفع كده
شريف برعب: ونبي سبيني امشي واسف على اللي حصل
انهالت وعد عليه بالضرب المبرح.
وعد بغضب: اسف هو انت كسرت كوباية من النيش لا يا روح امك انت قتلت طلال السيوفي عارف يعنى ايه طلال السيوفي ده جذمته برقبتك انت وعلتك مراااااااااد
مراد بسرعة: امرك
وعد بهدوء مخيف: خلى الرجالة تغدية ويحلي كمان مفهوم عوزة صوت مضغه للاكل عالي مفهوم
مراد: مفهوم
توجه 5 رجال اقوية وشداد الى شريف أقامه بضربة بعنف وحده تركتهم وعد وخرجت الى الخارج وخلفها مراد وذهبت إلى السيارة.
وعد بحده: ولا اكل ولا شرب وحتى عنيه متغفلش مفهوم
مراد: مفهوم بس يعني
وعد بزهق: مرااااد اخلص عاوز ايه
مراد: ده كده هيموت
وعد بذهول مصطنع: يموت ليه هو انا جايباه دريم بارك يتمرجع
وبجديه: فوق مراد لو طلال كان اتحرك شوية كانت الرصاصة فى القلب فوق طلال و يوسف وابويا وعمتو خط احمر انا اموت فداهم فهمت مراد
مراد: فهمت وعد فهمت عارفة انا كنت بشتغل مع ماكسيوس مكنش بشرك ولا جبروتك.
وعد بضحك: اهلا وسهلا بيك امام النسخة المصرية
مراد بضحك: اهلا بيكي ياختي يالا نروح
وعد: اطلع على المستشفي اشوف أيدي ديه
مراد: عارفة بالرغم انى لسه عارفك من فترة صغيرة بس بصراحة بت مليار راجل
وعد: الحمد لله عجبتك يا مراد بيه فى حاجة يالا بقي على المستشفي
أغمضت وعد عيونها براحة بأنها أخذت حق شقيقها وبعد مده صحيت على ايد مراد يعلمها بوصولهم الى المستشفي.
نزلت وعد وتوجهت الى الدكتور الذي ابدل الرباط ومسح الدم وعقمه من جديد وبعد انتهائه غادرت الغرفة وتوجهت إلى غرفة طلال
مشي محمد وسمر و يوسف بعد إصرار وعد عليهم وبعد أن اطمأنت انهم وصلو القصر خلعت الجاكت والحذاء ونامت بجوار طلال الذي ضمها لحضنه ووضع قبله على رأسها بحنان.
فى الصباح
- جلس الشخص الذي قابل وعد فى المستشفي يتفقد الأخبار ليعلم ماذا فعلت تلك الفتاة ولكن لم يجد شي
- جهز يوسف ملابس لوعد و لطلال واخذهم ونزل
- جهزت سمر بعض الطعام للأولاد
تجمع الثلاثة وتوجهو الى المستشفي
وصلو ودخلو وجدو وعد تنام بين احضان طلال بهدوء
توجهت سمر لهم وصحت وعد بهدوء ولكن فى لحظة كانت وعد تشهر سلاحها في وجه سمر التي خافت وعادت الى الخلف بسرعة.
طلال بسرعة: وعد وعد أهدى ديه سمر مالك يا عمري
ارتمت وعد على صدره بلهفة والذي استقبلها بسعة صدر وضمها وفضل يهديها
محمد بحنان: انتى كويسة يا قلبي
وعد: اه كويسة اسفة سمورة كنت بحلم حلم وحش
سمر بتنهيدة: حصل خير يا بنتى
يوسف بحنان: يالا قومي غيري هدومك وخدي دش
وعد: حاضر فين مراد
سمر: برا ليه
وعد: مفيش هخرج اكلمه وهرجع.
خرجت وعد لمراد وطلبت منه ان يترك شريف ويامره بترك البلد بعد بيع جميع املاكه حفاظا على حياته وحياه أبنائه وإذا فكر فى يوم الرجوع الى مصر او اذيتها سوف تقتل جميع عائلته
مراد بستغراب: ليه وعد
وعد بتنهيده: مش عاوزة أيدي تتوسخ بالدم عوزة اكون الجلاد مش القاتل
مراد: كل يوم بتثبتي انك بمليار راجل
وعد: شكرا مراد
مراد بغيظ: يا بت احترميني
وعد ببرود: حاضر مرادي.
عادت وعد الى الغرفة وأخذت ملابسها ودخلت الحمام أخذت دش ولبست فستان باللون الازرق مع جاكت لبني هادي وخرجت
سمر: تعالى يا قلبي افطري
وعد بغيظ: هو حد قالك تجبلي لبس من عند سمر يا حيوان
يوسف بضحكة: اللي جيه تحت أيدي بقي
سمر بدموع مصطنعة: عاااااا انا عاوزة هدومي البت ديه بتسرق منهم
محمد بضحك: معلش سمر اختك الصغيرة هتعملي ايه
طلال بضحك: المفروض تضربي يوسف سمر لانه هو اللى جاب او تحرميه من الاكل.
يوسف بسرعة: لا اضربيني بس سيبي الاكل
وعد بغيظ: يا حيوان بعد كده هات هدومي بلاش هدوم العواجيز دول
سمر بشر: يعني انا عجوزة يا جذمة
وعد وهى تأكل: يعني ده منظر هدوم
سمر بغيظ: يا بقرة ده أشهر مصممي الأزياء عملنها
وعد: مالها يا ختي الوكالة ولا العتبة فيها احسن البس
يوسف بارف: بيئة
طلال بحنان: معلش يا عمري استحملي
وعد وهى تقبله: حاضر طيلو
محمد: المهم انا هروح الشركة وبعد كده هرجع هنا تاني.
وعد بجدية: انتم هتروحو الشركة وبعدها على البيت لان طلال هيخرج النهاردة ويكمل باقي العلاج فى البيت وانتى سمر هتفضلي مع طلال
سمر: وانتى راحة فين
وعد: اروح الجامعة انتي عارفة ان الدراسة بتدات فلازم اروح يوم ولا حاجة
يوسف: وانا كمان هسقط على الجامعة وبعد كده هاجي الشركة
سمر: ماشي وانا هتصل على الخدم يجهزو الاكل
وعد: اهم حاجة الاكل
سمر بعصبية: برا يا بقرة
خرجت وعد تجري وبعدها خرج محمد و يوسف.
فى المخزن
دخلت وعد المخزن بقوة وجبروت وجلست على الكرسي
وعد: انا هسيبك تمشي بس هتسيب مصر كلها ولا فكرت مجرد تفكير انك ترجع مصر او حتى تفكر تاذي حد من عيلتي وعزة وجلاله الله هندمك على ولادك وعيلتك كلهم وهقتلهم بأيدي وقدام عنيك قولت ايه
شريف برعب: تحت امرك بس سبيني امشي وانا هاخد عيالى وهختفي
وعد بثقة: تمام وشركاتك ومصانعك هشتريهم بالمبلغ اللى عاوزة.
شريف: تحت امرك بس ده مش خوف واحدة على حبيبها ده خوف واحدة على أخوها
وعد بلامبالاة: حاجة متخصكش معاك أسبوع وبعدها هتقري الفاتحة على عيالك سلام
مشيت وعد وخلفها الحرس
وعد: مراد تخلي حد من الحرس معاه لغايه ميخرج من مصر وتبعت حد يفضل يتابعه مفهوم
مراد: تمام بلاش تقلقي
غادرت وعد إلى الجامعة.
فى الشركة
محمد: انا عارف ان وعد عملت مصيبة ايه هي
ادم: معرفش حاجة هى ماشي معاها مراد وانا لا
محمد: والله العظيم انا عارف ان انتم مع بعض فى المصايب ربنا يستر
ادم: ربنا يستر اكيد
محمد: عرفت ان شريف العزازي خسر كل فلوسه
ادم بصوت واطي: عارف يا خويا من قبلك
محمد: بتقول حاجة ادم
ادم: لا بقول قريت الصبح الخبر
محمد: يا ترا هيعمل ايه فى الشركات والمصانع
ادم: بلاش تقلق اكيد وعد عندها الحل.
محمد بابتسامة: عندك حق وعد دماغها سم ذي ابوها انا طلبت منه زمان نخلي النسب متساوية بس هو رفض وقالي مليش فى الإدارة شيل انت
ادم: الله يرحمه كفاية بنته بالدنيا كلها
محمد: هااااا مش عاوز تقول حاجة
ادم: عمي محمد انت عارف اني مش هقولك حاجة فنسي بقي
محمد: واطي ذي عيالي
ادم بضحكة: ههههههههههههه تربيتك يا غالى
محمد بعصبية: برا يا حيوان والله معرفت اربي
خرج ادم من المكتب وهو يضحك.
- اشترت وعد شركات و مصانع العزازي بالمبلغ الذي تريده
- سفر شريف العزازي خارج البلاد وقرر عدم الرجوع لمصر خوفا من وعد وغضبها
- زادت قوه وصلابه شركات السيوفي فى السوق المصري والأجنبي
- استمر اسم شركات الجارحي فى السوق المصري و التركي وقرر بدر فتح فرع فى لبنان
- اصبح اسم البرنسيسة وعد البحيري يهز ويزلزل قلوب اعتل الرجال
- استمرار اللعب بين الجميع فى المناقصات والصفقات.