رواية وبقيت أسيرة لمغرور للكاتبة ميادة مصطفى الفصل الرابع عشر
صهيب بغل: لو اعرف مين ابن الكلب دا وقسما بالله ما هرحمه ابدا
ثم قام صهيب بغضب ذهب من الشركة إلى الفيلا وعند وصول صهيب إلى الفيلا
صهيب بعصبية: السلام عليكم ازيك يا امي ملك لسه نايمة
اعتماد باستغراب: ايوا يا حبيبي نايمة وانت رجعت بسرعة يعني حصل حاجة
صهيب: لا يا امي تعبت فمقدرتش اقعد في الشركة
اعتماد: طيب يا قلبي مش هتتغدو
صهيب بخنقة اتنهد: ايوا هنتغدا يا امي بس اطلع اطمن علي ملك وانزل انا وهيا بسرعة.
اعتماد: ماشي يا حبيبي في انتظاركم
ذهب صهيب إلى غرفة ملك وجلس بجانبها يتأملها ثم بطرف صوابعة بداءه يمشي علي خدودها ويتنهد وثم قال بهمس: اااه يا تري الدنيا عايزه ايه مننا ليه مصممة تفرقنا حسيت بي ملك ثم فتحت عينيها بنعاس ثم ابتسمت ايه دا انت رجعت بسرعة يا حبيبي ولا انا اللي نمت كتير.
صهيب بابتسامة وجع: لا انا اللي رجعت بسرعة
ملك بخضة: انت فيك حاجة طيب
صهيب بتنهيده عاليه جداااا: تعبان جدااا
ملك بخضة اكتر وهيا تمسك وشه وجسمة: فيك ايه ايه اللي تعباك قولي يالا انا هقوم البس ونروح للدكتور ثم جاءت لتنهض من السرير مسك صهيب ايديها استني انا مش تعبان جسديأ انا تعبان نفسيأ.
ملك بخوف عليه: في حاجة حصلت انت كنت كويس اوي قبل ما تمشي ايه اللي حصلك فضفصلي قولي ايه حصل يونس عمل حاجة ضيقتك.
صهيب: مبقتش عارف مين بيعمل كدا وليه
ملك بعدم فهم: بيعمل ايه
اخرج صهيب لملك الظرف خدي شوفي دول وانتي تعرفي فتحت ملك الظرف ونظرت إلى الصور بصدمة نزلت دموع ملك مثل الشلالات لن تتوقف.
ملك بدموع: اي دا مين جاب الصور دي ازاي وصلو ليك اصلا
صهيب بوجع: مش عارف مين اللي عمل كدا بقولك انا موجوع اوووي
ملك ببكاء شديد مسكت ايد صهيب وبتبوسها: سامحني ارجوك مكنتش اعرف ان دي هتبقي النتيجة يا ريتني قبلتك من زمان مكنش دا حصلي ابدااا بندم علي كل حاجة كانت قبل ما اعرفك لو الزمان رجع بيه مكنتش ممكن اعيد اللي حصل دا تاني ابدااااا.
صهيب شال ايده من ايديها ومسك هو ايديها وباسها بحب: انا خلاص سامحتك علي اللي فات بس مش عارف ايه اللي جاي وايه مستخبي تاني لينا ورغم اني حاسس ان رجولتي بتنهار بعض ماشوفت الصور دي بس مش هعقب عليها لاني انا عارف اللي حصل.
ملك بدموع: انا اسفة اني حطيتك في موقف زي دا
صهيب: انا اللي عايز اعرفه مين اللي جاب صور زي دي وازاي حد صورها مش معقول كان في حد غيرك انتي واحمد في المكان اللي كنتو في معا بعض.
ملك: لا طبعا مكنش في احنا كنا في شقتنا اللي هنتجوز فيها وكنت رايحة اتفرج عليها وحصل اللي حصل.
صهيب باستغراب: طيب ازاي الصور دي اتصورت معقول يكون احمد كان بيصوركم وانتو مع بعض والصور وقعت في ايد حد.
ملك: مش عارفة بجد هتجننن ازاي دا حصل ازاي
صهيب: طيب انتي متاكدة ان الصور دي هيا نفس اليوم
ملك: هيا نفس اليوم بكل تفاصيله
صهيب مسك الصور ونظر اليها بغيرة ووجع وحزن: بس حضنكم لبعض بيقول انكم كنتو بتعشقو بعض.
ملك بحزن: ارجوك انسي اللي فات وان كنت بحب احمد قيراط فانا بعشق صهيب 24 قيراط الحب اللي كان لاحمد ميجيش ذرة قصاد حبي ليك يا صهيب انا لو احمد عايش وخيروني بينك وبينه هختارك انت الف مرة انت بقيت النفس اللي بتنفس بيه بقيت نور عيني اللي بينو كل حياتي بقيت روحي وحياتي بقيت كل حاجة ليا نفس تحس باللي جوايا ليك هتعرف ان محدش يملي عيني غيرك يا صهيب.
صهيب بحب: مش عارف اقول ايه غير اني بموووت فيكي يا نن عيني بس غصب عني الغيرة قتلاني مش قادر اتخيل انك كنتي في حضن حد غيري بشكل دا ثم اتنهد مش قادر اتخيل انك كنتي بتقولي لحد بحبك وانتي في حضنه وكنتي في حضنة بالاشتياق دا هموت من الغيرة عليكي نفسي اخرجة من الصورة اشفي غليلي في بس ارجع واقول دا انسان مات خلاص.
ملك برجاء: انسي بقي يا صهيب انت وعدتني اننا هنفتح صفحة جديدة ليه بتقلب في الدفاتر القديمة ليه بتوجع نفسك وتوجعني عليك لية.
صهيب بيحاول يبقي قوي ويبتسم مسك وش ملك بحب: صدقيني دي فترة وهتعدي وحياتنا هتبقي طبيعية يا ويلة اللي هعرفه انه بيعمل كدا.
ملك: ربنا يسترها ويبعد عننا كل شر
صهيب: يارب يالا بقي قومي غيري هدومك عشان امي مستنيا علي الغداء
ملك: ماليش نفس انزل انت كل معاها لقمة عشان متزعلش
صهيب: تؤ رجلي علي رجلك لازم ننزل معا بعض يالا
ملك: حاضر هقوم اغير هدومي بسرعة
في الحارة
سعيد: بس بقي يا بت يا سميرة ودخلت لقيت اعتماد هانم بجلالة قدرها واقفه وبتقولي ازيك يا سعيد وازاي سميرة.
سميرة باهتمام: يالههوي وبعدين وانت عملت ايه لما شوفتها
سعيد: انا اتسمرت مكاني بس كان لازم اقف ثابت
سميرة: اما حاجة غرببة يعني ملك اتجوزت ابن خالتها يا سبحان الله وصله لبعض ازاي دول ولا ملك عرفت ازاي خالتها اصلا.
سعيد: لا يا ولية ملك اتصدمت لما عرفت مكنتش تعرف اصلا انها خالتها عرفت من كلامنا مع بعض وجوزها صهيب بية مبقاش فاهم حاجة خالص.
سميرة: صحيح مسير
الحي يتلاقي يا ولاد
سعيد: بس البت ملك عايشة عيشة ملوكي بنت المحظوظة
سميرة: هيا غلبانة وتستاهل كل خير وربنا عوضها عن كل التعب اللي شافته
سعيد: المهم جوزها شكلة هيثبتني روحتله الشركة قالولي مشي اتصلت بي بيقولي تعبت ومشيت وتعالالي بكرة.
سميرة: خلاص يا رجل بكرة بكرة ثم رن هاتف سعيد والمتصل يونس
سعيد: اهلا اهلا يا باشا اخبارك ايه
يونس: بخير انا عايز اجيلك بيتك قولي عنوانك فين
سعيد باستغراب: خير يا باشا في حاجة
يونس: لما اجي اقولك
سعيد: ماشي يا باشا انا في شارع، ...
يونس: تمام ساعة وهكون عندك
سعيد: تنور يا باشا قفل سعيد مع يونس وهو مستغرب جدااا من زيارة يونس لها.
في الفيلا علي سفرة الغداء
اعتدال: مالكم يا ولاد شكلكم مش عجبني
ملك بابتسامة: لا ابدااا يا ماما مفيش
صهيب: مفيش يا امي حاجة المهم انا بفكر نسافر انا وملك اي مكان نغير في جو متيجي معانا يا امي تغير جو.
اعتماد: لا يا قلبي روحو انتو واعملو شهر عسل جديد وانبسطو
صهيب: تمام يا امي حضري نفسك بكرة يا ملك عشان نسافر
ملك: بسرعة كدا طيب وشغلك انت
صهيب: مش مشكلة هتصرف المهم نغير جو عن اللي احنا في دا
اعتماد: حاول تروح بي ملك لدكتور قلب لازم تكشف وتاخد علاج بدل ما يبقي غلط عليها.
صهيب حضن ملك: اكيد طبعا دي اهم حاجة هوديها لاحسن دكاترة بره مصر
ملك بحب: ربنا يخليكم ليا يارب
عند هنا وحسين
هنا: مش هروح يعني مش هروح انا هروح عند ماما بس
حسين: امي زي امك بظبط يا هنا زي ماتروحي لي دي روحي لي دي
هنا بعصبية: لا امك عمرها مل هتبقي زي امي
حسين: مش هعلق علي الكلمة دي بس انتي لو بتحبيني صح وعاملة ليا حساب كنتي تسمعي كلامي ومتعمليش حاجة تزعلني لكن للاسف انا مش فارق معاكي نهائي.
هنا بتنهيدة: انت ليه بتقارن دا بدا وانت عارف انا مقدرش ازعل منك ابداا هروح اقعد شوية مع ماما وبعدها اطلع علي امك ماشي.
حسين: مفروض تقو ليلها يا ماما انتي كمان مش تقوليلي اروح عند امك
هنا بتستغفر بخنقة: استغفر الله العظيم يا رب اللهم طولك يا روح
حسين: يالا يا هنا يالا
في الحارة بعد ساعة
يجلس سعيد و يونس علي القهوة
سعيد: مكنش يصح يا باشا كنت جيت في الشقة لكن حضرتك صممت علي القهوة ليه
يونس: هنا احسن
سعيد: اللي يريحك يا باشا المهم امرني
يونس: الامر لله اسمعني يا سعيد
سعيد: سمعك يا باشا اقول
يونس: انت اخد الفلوس من صهيب.
سعيد: لا لسة رايح بكرة اخدهم من عنية
يونس: تمام اوووي انا بقي مش عايزك تاخدهمظ
سعيد باستغراب: نعم ايه اللي بتقولو دا
يونس: اسمع كلامي للاخر بس انا مش عايزك تاخد منه 200 الف جنية وانا هديك نص مليون جنية بس بشرط.
سعيد بفرحة: امرني يا باشا تحت امرك
يونس: توديني للمعلم عبده الجزار اللي انت حكيتلي عليه و انت متقبلش بلجوازه دي وتقول لصهيب انا هرفع عليك قضية بانك خطفت بنتي اللي مربيها واتجوزتها غصب.
سعيد: ازاي مهيا مش قاصر وغير كدا هيجبوها شاهده وهيا هتقول اتجوزته بارادي
يونس: ملكش دعوة انت بتفاصيل دي انا ليه صرفة بس المهم انت وافق وخلي ايدك في ايدينا وتعالي نروخ للمعلم عبدة.
سعيد: ماشي يا باشا بس انا ايه اللي يضمنلي حقي وانك هتديلي الفلوس
اخرج يونس دفتر شيكات وقلم من جيب الجاكت: اهو يا سيدي شيك ب 200 الف اللي كان هيدهملك صهيب.
سعيد مسك الشيك بسعادة مجنونة: انت كدا مية مية يا باشا انا تحت امرك في كل حاجة.
في الفيلا
يجلس صهيب وملك في احضان بعض وتقول ملك بدموع: كان نفسي اجيب منك اولاد يا صهيب
صهيب بيمسح دموعها: باذن الله هنجيب احلي اولاد بس لما تتعالجي انا مش مستعد اخسرك ولا اعرض حياتك للخطر عشان اي حاجة احنا هنعمل اللي علينا وبعض كدا كلة بامر الله.
ملك: طيب ما احمل واخليها علي ربنا واللي مكتوبلي هشوفة منا حملت وعادي محصلش حاجة.
صهيب بغضب: اوعي تعملي كدا مفيش حمل غير لما نشوف مسالة القلب دي وطلامة الحمل في خطر علي حياتك انا مش عايز ولاد انا عايزك انتي وبس.
ملك: طيب منا بعض الراحة اللي الدكتور قالي عليها دي ممكن احمل
صهيب: لا طبعا الدكتور قالي ان بعد الفترة دي تاخدي برشام مانع حمل عشان ميحصلش حمل وقالي ان العلاقة اصلا مابنا لازم تكون مش دايما عشان غلط علي قلبك المحهود الزيادة وانا مستعد ابقي فحضنك زي دلوقتي كدا وبس مش عايز حاجة تاني غير راحتك.
ملك بحب وشوق: طيب وراحتك انت
صهيب: مش مهم استحالة رحتي تبقي علي حساب تعبك
نامت ملك علي صدر صهيب بارتياح وهيا تحمد الله علي عوضه لها
في الحارة
سميرة: ايه يا بنتي اخبار الحمل ايه معاكي
هنا: والله يا ماما تعبانه جدااا بس يالا ربنا يقومني بسلامة
سميرة: يارب يا بنتي ويكرم بنت خالك بلحمل يارب
هنا: بقالي فتره مكلمتهاش
سميرة: ابوكي قالي انها كانت حامل وسقطت امبارح
هنا: يا عيني يا ملك اكيد نفسيتها زي الزفت.
سميرة: ربنا
يعوضها خير يارب
اسكتي مش طلعة متجوزة ابن خالتها
هنا: هيا ملك ليها خالها غنية كدا
سميرة: اه اتجوزت زمان واحد غني اووووي غصب عن ابوها وامها واختها امينة مكنتش لسه اتجوزت خالك كانت مخطوبة ليه بس وفجاءة لقينها اختفت وفضلو يدورو عليها يجي سنتين ثلاثة وبعد كدا مرات خالك اتجوزت خالك وخلفه ملك دي بعض 7 سنين جواز ومن ساعتها محدش يعرف عن اعتماد دي حاجة خااالص لحد.
هنا: هما كانو ساكنين معانا هنا في الحارة
سميرة: ايوا اهل امينة مرات خالك كلهم جيرانه وعايشين مع بعض في الحارة من زمن الزمن.
هنا: يا سبحان الله الايام بتلف تاني ونفس اللي ملك عملتو صح
سميرة: اه بس ملك مهربتش عشان بتحب حد هربت من الغلب اللي كانت في
هنا بحزن: عندك حق والله والحمدلله ربنا عوضها لما خرجت من الحارة الفقر دي
في محل عبده
عبده: طيب انا ايه اللي مطلوب مني يا باشا
يونس: المطلوب فضيحة حلوة كدا علي مقاس صهيب باشت تليق بي يعني
عبده نظر لسعيد وابتسم: لو كان علي الفضايح احنا قد الفضايح ونعملها.
سعيد بابتسامة: ايه رايك نظهر الكارت المخفي
يونس بعدم فهم: كارت ايه دا
عبده: هتفهم بعدين يا باشا بس المهم نصيبي كام
يونس: نصيبك قد سعيد نص مليون جنية
عبده: حلو اوووي اوووي
تاني يوم كان يستعد صهيب وملك إلى السفر
جاءت رسالة إلى ملك: لو عايزة تعرفي انا مين انا واقف في الجنية انزلي
وهتعرفي انا مين ودي فرصة مش هتتكرر.