رواية نيشان للكاتبة روز الفياض الفصل العشرون
مريم: امم؟
قيس: كافي.
مريم: شنو??
قيس: تعذيب.
مريم: اوكي. ??
فتح عيني باصبعه وخرت وغمضت حيل: قيسااان هاي شبيك??عيني.
قيس: قيساااان عفيه معناها رضيتي وطاح الحطب مدام كلتي قيساان.
فتحت عيني كتله: ورانه دوام.
قيس: صار 3 اسابيع متحمل علمودج وهسه تردين تنامين؟
مريم: ??
قيس: مريوم.
مريم: امم؟
قيس: احبج.
مريم: ?? كول والله؟
قيس: ههههه والله. مريوم؟
مريم: امم؟
قيس: باوعيلي.
مريم: ????مصختها.
قيس: ??.
مريم: قيسان؟
قيس: عمر قيسان.
مريم: اني هم احبك.
ماادري شلون طلعت مني هالكلمه شلون اتجرأت وكلتها شلون ماخجلت؟
وخر شعري وباس كصتي كلي: انتي اختي الزغيرونه.
مريم: شنووو??؟
قيس: ههه وحبيبتي وزوجتي وبت عمي وبنتي وصديقتي ودكتورتي مال الاسنان.
مريم: اي وبعدين ماانام يعني نعست حيل وورانه دوام؟
قيس: وبعدين بفهمج خومتردين ابقى طول عمري اشرح وافهم واعلم واربي بيج.
مريم: شفهم؟ ??
قيس: لج??
مريم: عزا.
قيس: ماادري شلون صرتي دكتوره اريد نيشان.
مريم: ??
ثاني يوم من رحت للعياده جنت ادندن ويه نفسي اغنية ( الدنيا ربيع ).
ميس: تره متأخره اليوم وين تأخرتي؟
مجاوبتها كملت المقطع ورحت لغرفتي لكيت المريضه كاعده تنتظرني بديت اشتغل وادندن.
اجت ميس وراي: يمه فديت إلى يحب.
مريم: هههه.
ميس: احجي شصار اعترفوا اتصارحتوا؟
ضحكت حيل كتلها: شبيج ميس عندي شغل متشوفين البنيه.
ميس: اي يابه اشتغلي براحتج اني هم عندي شغل وعفته واجيت حتى افهم سر الاغنيه والابتسامه الشاكه الحلك اليوم.
مريم: يعني تردين ابجي؟
ميس: لج احجي بزعتيني اعترفتوا اتصارحتوا حبج وحبيتيه وحبتكم العافيه؟
مريم: ??خرب يومج البنيه كاعده هسه عبالها دنحجي عن صاحبي.
ميس: لاحبي تره دنحجي عن زوجها إلى هو بالاصل ابن عمها تحبه ويحبها من سنين الطواعين وتوهم متزوجين بس ميعرفون يتصرفون صارلهم20 يوم...
مريم: ميييييس??.
خلصت شغل ورحت لميس انتظرتها تخلص وسولفتلها إلى صار.
ميس: ????.
وره 6شهور وبعد معاناة طويله وروحات وجيات للمحكمه وواسطات قيس وابرار انفصلوا وطبعا هي الها حق حضانة البنات بس هو اله حق يشوفهم كل اسبوع.
بعدها اخذني حتى اتعرف عالعصابه إلى خطفوني ورادوا يخطفون ميس لبست عبايه ونقاب حتى محد يعرفني جنت خايفه.
قيس: لتخافين ماكو شي رسمي يعني اني مضبط الوضع ويه جماعتي ندخل تكعدين تسمعين اصواتهم اذا عرفتي احد منهم خلص انتهى الموضوع ونرجع للبيت.
وصار هيج ودخلت على اساس وحده غريبه مو زوجته ولااعرفه معرفه شخصيه وكعدني قيس بغرفه بيها حاجز كلي ميشوفوج ومتشوفيهم بس الصوت وجابوهم واحد واحد يسألوهم اسئله وهم يجاوبون قيس كاعد كبالي بس هو يكدر يشوفني لان اني صايره وره الحاجز.
اتعرفت على صوت واحد منهم واحد من إلى حاولوا يتدنولي لوما اجه الثالث ونهرهم.
بس سمعت صوته عرفته صوته مميز لعبت نفسي من اتذكرت لمس خدي لوما ستر ربي ودعاء امي جان الله يعلم بحالي.
اشرت لقيس هذا بجيت على كيف ظلت دموع تنزل مثل المطر.
كام قيس وطلعنه كلي: يالله خلصنه ماكو شي بعد.
بس صعدنه بالسياره بجيت حيل.
قيس: ليش؟ ليش؟ خلص انتهى الموضوع ليش تبجين سالفه قديمه وانتهت وطوينه الصفحه.
مريم: لعبت نفسي من سمعت صوته اتذكرتهم همه جانوا اثنين إلى رادوا يتدنولي لوما واحد ثالث منعهم.
رجعت حجيتله القصه بالتفصيل هو اتصل بصديقه الضابط مال التحقيق إلى جان ديحقق وياهم وكله: هذا واحد منهم اريد تطلعلي منه اسماء الباقين.
وره كم يوم كلي: خلص مو كتلج اجيبهم واخذلج حقج والي خوفوج بيومها ومدوا ايدهم ولمسوج حتى اصابعهم إلى مدوها عليج اتكسرت. وشهادة ميس عززت القضيه زادت المحكوميه مالتهم...
مريم: اليوم عيد ميلادي ميوس مجهزه شغلات بسيطه كيكه وشموع ومكسرات وحلويات.
ميس: ييي ذكرتيني تره هديتج بسيارة بابا من نخلص انطيجياها اموااح اموااح??.
مريم: شكرا حبي الله لايحرمني منج.
ميس: زين قيس منتبه اليوم عيد ميلادج ياترى لو ميدري؟
مريم: ياترى ياهل ترى ميتذكر اكيد ممنتبه.
خلصنه وطلعنه للسياره حتى نطلع الهديه شميت ريحة شاميه.
مريم: اريد شاميه.
ميس: ياشاميه وين شفتيها اني هم اريد.
مريم: مشفتها بس ريحتها بخشمي.
ميس: زين انتي عندج ريحتها اني لاصوت ولاصوره ولارائحه.
اخذنه الهديه ورجعنه للعياده كعدت انتظر قيس بس نعست وميس ذبحتني.
ميس: مريوم خلي قيس يجيبلنه شاميه عفيه عفيه عفيه.
مريم: تره اني المشتهيتها مو انتي.
ميس: اني هم.
مريم: فرضا حامل واتنسا انتي شنو عذرج؟
ميس: هم اتنسا وياج.
مريم: ههههه.
خابرت قيس عالشاميه.
ميس: مريوم مريوم مريوم.
مريم: نعم؟ شبيج شكلتي؟
ميس: لج اخاف صدوك تتنسين؟
مريم: ??.
ميس: كومي خل نروح نسوي تحليل بسرعه قبل لايجي قيس.
رحنه للعياده إلى بصفنه عدهم مختبر سويت تحليل دم والنتيجه حامل.
ميس: ??فدوه لعمره حبيبي خالته.
مريم: ?? منو؟
ميس: ابنج غير ابن اختي.
مريم: الحمدلله مو اختي من امي وابوي جان يطلع خبل عليج.
ميس: خبله واخبل شحال لو عندي عقل??.
اجه قيس وناسي الشاميه.