قصص و روايات - قصص رائعة :

رواية نيشان للكاتبة روز الفياض الفصل السابع والعشرون

رواية نيشان للكاتبة روز الفياض الفصل السابع والعشرون

رواية نيشان للكاتبة روز الفياض الفصل السابع والعشرون

قيس: هههههه لا عايشه بالدراما التركيه عالاصول.
مريم: شنو بطلت متحب المسلسلات التركيه خلينه يمعود نعيش الجو؟
قيس: لا عاد كله الا الجو لازم نعيشه كومي خل نفوت جوه ندفه بفراشنه??.
مريم: ليش خلينه هيج متونسين.
قيس: كومي لج ??
مريم: كافي قيساان ليروح احد يشوفنه عيب.
قيس: معناها كومي.
مريم: يالله امري لله كومني.
بالليل من ردنه انام كلي: مريوم دافكر بشغله.
مريم: كول حبيبي شتفكر؟
قيس: راح ابيع السياره.

مريم: ليش عمري؟ ليش تبيعها محتاج فلوس؟
قيس: لا لا بس كلت نستفاد من فلوسها.
مريم: شنو نستفاد من فلوسها؟ محتاج فلوس كولي تره اني وانت واحد إلى عندي كله الك.
باس خدي كلي: ادري. مو محتاج بس اكول مدام اني هسه الله العالم شكد راح اطول هناك والسياره باقيه هيج محد يستخدمها ابيعها وانطيج فلوسها كملي فلوس العياده.

سكتت فاجأني بعدين كتله: حبيبي سيارتك شلون تبيعها العياده مطايره اول وتالي راح تكون عندي عياده ان شاءالله بس شويه الموضوع محتاج صبر ممستعجلين عليها بعدين امي مجمعتلي مبلغ واني هم عندي مبلغ زين لتفكر بعد وكت.
قيس: اعرف بس ليش تنتظرين مدام الفلوس ممكن تتوفر هيج احسنلج وعود رجعيلي الفلوس بعدين بس هسه ثبتي نفسج احسن مايجي غيرج يشتري الحصه وتضيع عليج.
مريم: لا حبيبي لا متبيعها شلون ينطيك كلبك تبيعها؟

قيس: شنو بايع ابني لو سيارتي؟
مريم: يمه اسم الله على على ابني لتكول هيج.
قيس: ههههههه وضعج هذا بس بالحمل لو يستمر حتى بعد الولاده??.
مريم: ياوضع؟ قيسان شبيك.
قيس: يالله حبي نرجع لموضوعنه اني راح اوصي الولد يبيعوها ويساعدوج بموضوع العياده والعقد وهالسوالف ان شاءالله.
مريم: قيسان كتلك متبيعها حبيبي اذا انت تكدر اني مااكدر شلون ابيع سيارتك علمود شغلي حتى حرام لاحبي خليها.

قيس: كافي انتهى النقاش هسه نحجي بموضوع اهم.
مريم: شنو شكو بعد؟
قيس: اني وانتي.
مريم: شبينه؟
قيس: كل شي مابينه??
الصبح حجه ويه غيث وليث بموضوع السياره واتفقوا.
قررت مااروح للدوام لحدما يروح مينطيني كلبي اعوفه واروح.
الساعه ب10 ونص تقريبا كال: اني رايح اجيب البنات اليوم مبقى شي عكب باجر اروح وماشبعت منهم.
مريم: روح حبيبي الله وياك.

راح جابهم ورجع بيوم كعدت ويه مرت عمي لفينه دولمه هو يحبها وساعدتها بالتنظيف بالي اكدر عليه اشر الملابس اغسل اماعين ارتب امسح الغبار من الاثاث.
اجه قيس والبنات اتغدينه وخلصنه كال: شرايج نطلع نغير جو شويه اني وانتي والبنات.
مريم: تعبانه حبي مابيه امشي والله ظهري يأذيني من وكفة الدوام.

سكت حسيته ضاج فكرت يجوز عباله لان البنات ويانه مااريد اطلع فكتله: لو اكولك اروح اروح شعندي ظاله وحدي اروح وياكم خل نغير جو ونتونس.
كمت لبست وجهزت نفسي ورحنه للمول افترينه وهو راد يدخل يشتري بلوز عجبه فدخل واني والبنات رحنه لمحل مال اطفال اشتريت كم قطعه لعلاوي وللبنات ورجعنه لقيس لكيناه بعده ممخلص بقينه واكفين لحدما حسيت ظهري انتهى ردت ابجي دزيت عليه ياسمين بنته الجبيره يالله اجه.

قيس: ها اتأخرت عليكم؟
مريم: آآآخ قيس ظهري متت والله مااكدر اتحرك بعد.
قيس: ظهرج يأذيج؟
مريم: يموتني??.
راح جابلي كرسي كعدت لحدما ارتاحيت وبعدين مقبل نتمشى الا نرجع للبيت وهو اصلا اني مااكدر امشي كوه بس علموده جبرت نفسي.
رجعنه للبيت دخلني كبل للغرفه نمت عالجربايه يالله حسيت شويه براحه.
قيس: شلونج هسه؟
مريم: الحمدلله احسن.
قيس: هذا كل تعب الدوام الصبح بالمستشفى والعصر بالعياده طبعا يصير بيج هيج.

مريم: قيساان احضني.
دخلت بيبي: ها يمه سلامات؟
قيس: ظهرها يأذيها.
بيبي: اي بروده وتعب ومشي ومتلبس ملابس ثخينه تدفيها طبعا تتأذه.
مريم: بيبي لابسه الكنتور كله شلبس بعد؟
بيبي: يمه انتي حامل يعني حساسه واقل ضربة هوا تصير بعضامج اتدفي زين ولبسي جواريب ثخينه وهسه عمتج مسويه لبلبي اكلي شويه حتى تدفين.
مريم: لبلبي??
قيس: اي والله الجو مال لبلبي.

ظليت بالغرفه متمدده وقيس طلع شويه يم صديقه والبنات يمي بالغرفه يلعبون.
ياسمين: خاله مريم اني احبج.
مريم: حبيبتي ياسمينه واني هم احبج عمري تعالي انطيني بوسه.
ياسمين: هذا اخوي ابطنج؟
مريم: اي حبيبتي اخوج هذا باجر من يجي للدنيا ويشوفج شكد حلوه راح يحبج وانتي هم تحبيه.
ياسمين: بس ماما تكول مو اخونه.
مريم: اسم الله الرحمن لاحبي اخوكم ابوه هو ابوكم معناه اخوكم.

ياسمين: بس ماما تكول منعرف منو ابوه معناها مو اخونه.
حسيت انغثيت ونار شبت بصدري شنو هالحقاره العدها من هسه دتحرضهم على اخوهم وهم اطفال وتحجي هيج كدامهم متفكر شلون اذا حجوا هيج كدام الناس شنو راح يكولون عني وعن قيس مااحقرها من مخلوقه.
ضجت حيل وانقهرت: حبيبتي بابا قيس ابوه مثلكم مو بكيف ماما.

ظليت ابجي من كدما انقهرت بس بعدين مسحت دموعي قبل لايجي قيس ويشوفني امي نزلت ونزلتلي وياها عشا ومرت عمي هم جابتلي عشا للغرفه بس اني انسدت نفسي مااكدر اكل اي شي.

الفصل التالي
جميع الفصول
روايات الكاتب
روايات مشابهة