قصص و روايات - قصص رائعة :

رواية ملاكي الحارس للكاتبة لولو الصياد الفصل الثاني

رواية ملاكي الحارس للكاتبة لولو الصياد الفصل الثاني

رواية ملاكي الحارس للكاتبة لولو الصياد الفصل الثاني

كانت امل تشعر بسعاده غارمه من طلب اكمل لها للعشاء وظلت تحدث نفسها هو ممكن يكون حبنى زى ما انا حبيته لالا يا امل انتى مجنونه مش بالسرعه دى وخصوصا انه شكله رزين اوى هو ممكن يكون بيرد العزومه عادى مش مهم المهم انى هشوفه تانى واتكلم معاه بجد انا فرحانه اووى اول مره احس بالفرحه كده: فاقت امل من شرودها في التفكير في اكمل على صوت هاتفها: وكانت صديقه عمرها سماح...

امل: اهلا ي ا سوسو وحشانى موووت بجد مش مصدقه انك كلمتينى وحشانى جدا...
سماح: براحه يا بنتى ايه قطر وانتى كمان وحشانى اووى اخبارك ايه...
امل: انا كويسه الحمد لله بس مش ناقصنى غيرك هتيحى امتى بئه
سماح: هو ده اللى عاوزه اقوله ليكى انا هنزل مصر الشهر الجاى ان شاء الله
امل: بجد انا فرحانه اووى يا سو هتنزلى لوحدك.

سماح: ايوه انتى عارفه بابا وماما وايمن اخويا مش حابين ينزلوامصر بس انا هنزلك ياقمر وكمان هقعد معاكى شهرين كاملين وبعدين ارجع امريكا تاني
امل: طيب لما تيجى هظبطك فسح واكل وسهر وكلام وحشانى اووى
سماح: بس تعالى هنا شكلك مبسوط اووى انهارده ليه مش بعاده يعنى
امل بتنهيده: اصلى شكلى حبيت يا سوسو وهموت من الفرحه
سماح: ومين ده اللى امه داعيه عليه بئه
امل: واطيه بزمتك ده كلام واحدة عايشه في أمريكا.

سماح: هههههههههههه معاكى بس يا جميل ههههههههه المهم احكى ليا
حكت لها امل ما حدث وطلب اكمل للعشاء وفرحتها بطلبه
سماح: بجد ربنا يجعله من نصيبك يا امل بس متتسرعيش يا حبيبتي فكرى كويس قبل اى حاجه
امل: يووه مش بحب أفكر بعقلى زيك انا بحب الاحساس والشعور وبحب افكر بقلبى يا ستى انا مش زيك
سماح: هههههههه ماشى يا عم الحساسه اسيبك انا بئه تنامى لانى عارفه ان الوقت متاخر عندك.

أمل: ماشى يا حبيبتي هتوحشينى تصبحى على خير
سماح: وانتى من اهله يا روحى سلام...
اغلقت امل الهاتف وعلى وجهها ابتسامة وظلت تفمر بأكمل الى ان غلبها النوم...

جاء الصباح المشرق وهو صباح يتميز بالصفاء والنقاء وتدخل الخادمه وتفتح ستائر غرفه بطلت قصتنا امل وتنعكس اشعه الشمس على وجهها الصافى وشعرها الناعم الذى يغطى وجهها: فتحت امل عينيها وكانت تشعر بسعاده رائعه لانها سوف تقابل اكمل مره ثانيه وكانت تقوم من سريرها بنشاط واخدت شاور ونزلت لتناول الفطور مع والدها ولكنها علمت انه ذهب الى العمل منذ الصباح الباكر: انتهت امل من الفطار وطلعت غرفتها لتقوم بتحضير ملابسها وكل شىء لسهره المساء مع اكمل: عدى اليوم بطريقه عاديه جدا الى انا قامت لتحضير نفسها وكانت ترتدى فستان باللون الزهرى رائع الجمال مجسم عليها بطريقة رائعة وحمالات على الاكتاف وطويل وارتدت عقد ألماس رائع الجمال واقراط نفس شكل العقد ووضعت مكياج رائع يتناسب مع ملابسها وتركت شعرها للعنان و اخدت حقيبه من نفس لون الفستان تضع فيها القليل من اغراضها كانت تشبه الاميرات ونزلت السلم لتجلس مع والدها الى ان ياتى اكمل...

الاب: ايه الجمال ده يا حبيبتي...

امل: بس يا بابا بتكسفنى بئه
الاب: هههههههه ماشى يا حبيبتي
امل: هو أكمل اتاخر ولا انا بتهيئلى
الاب بتوتر: لا لسه بدرى: امل عاوزك تاخدى بالك من نفسك
امل: باستغراب: ليه يا بابا في حاجه...
الاب: لالايا حبيبتي كل تمام بس عارفه قلب الاب
امل: ربنا يخليك ليا
سمعت امل صوت جرس الباب يدق وعلمت انه اكمل وكانت تشعر بسعادة بالغه يشوبها بعض التوتر...

فتحت احدى الخادمات الباب ودخل اكمل الصالون ونظر لامل وانبهر بيها لانها كانت رائعه الجمال...
مروان: اهلا أكمل بيه اتفضل...
أكمل: لالا احنا يدوب نمشى دلوقتى علشان العشا ولا ايه يا امل...
امل: براحتك اللى انت عاوزه...
الأب: طيب اتفضلوا انتم
اكمل: عن اذنك يله بينا...
خرج امل واكمل الى السياره: وكان هناك صمت الى تن قطعه اكمل...
اكمل: ايه القمر ده بجد جميله اووى خايف الناس تحسدك انهارده.

امل: بكسوف: شكرا يا اكمل بيه ربنا يخليك
أكمل: اكمل بيه: لا بئه بصى انا بقولك امل وانتى كمان قوليلى اكمل...
أمل: حاضر...
أكمل: وقد لاحظ كسوفها: شكلك عسل اووى وانتى مكسوفه كده
امل وشها احمر اكتر واتكسفت ولم ترد
وصلوا المطعم ولاحظت امل انى في عربيه ماشيه وراهم من ساعه ما خرجوا من الفيلا وكانت تنظر اليها...
لاحظ اكمل ذلك: متقلقيش دول حراسه بتاعتى
امل: باستغراب: حراسه ليه...

اكمل: عادى يعنى انتى عارفه زروف الشغل وكده وخصوصا انى رجل اعمال وكده فلازم يكون في حمايه يله بينا ندخل المطعم...
دخلت امل واكمل المطعم وجلسوا على الطاوله الخاصه بيهم
اكمل: تطلبى ايه بئه...
أمل: اطلب انت على زوقك وانا هاكل.
أكمل: ماشى وطلب أكمل الطعام...
اكمل: تعرفى ان عنيكى جذابه اووى اى حد يبص ليها يخس انه مشدود ليكى اووى
امل: شكرا ليك: وكانت مكسوفه اووى
اكمل: كنت عاوز اطلب منك طلب...
امل: اتفضل...

اكمل: امل عاوز اطلب منك طلب...
امل لنفسها يا ترى عاوز ايه اكيد هيقولى بحبك ياااه بالسرعه دى ايوه بئه...
امل: اتفضل اطلب...
أكمل: كنت عاوز رقم موبايلك علشان ابقى اطمن عليكى من وقت للتانى كاصدقاء
امل لنفسها اصدقاء يا دى النيله طلع نقبكى على شونه وانا اللى كنت فاكره انه هيقولى بحبك فوقى يا امل: فاقت على صوت اكمل
اكمل: أمل: امل: ايه رحتى فين.

امل: معلش سرحت اه طبعا موافقه وبدلوا الأرقام: امل لنفسها ماهى بتبتدى باصدقاء وبعدين تقلب جواز
واكملوا العشاء في جو هادى وكانت امل سعيده للغايه لجلسوها مع اكمل وكلامها معاه كانت تشعر بتحلقيها في السماء. إلى ان قطع سعادتها صوت بنت...
البنت: اكمل حبيبي وحشتنى وقربت منه وطبعت قبله على خده
امل كانت تتابع الموقف بصدمه واضح انه مرتبط وكانت تشعر بغيره قاتله بس عادى انا مالى ما يولع...

اكمل: اهلا شيرى اخبارك ايه
شيرى: تمام انت عامل ايه وحشنى والله مشفتكش من كتير ونظرت لامل مش تعرفنا
اكمل: انسه امل مروان صديقه ووالدها شريكى...
امل: أهلا بيكى...
اكمل: شيرى بنت خالتى
شيرى: بس...
اكمل: ايه تانى
شيرى: خطيبتك يا بيبى...
امل: الف مبروك وشعرت انها لو جلست اكثر من ذلك هتموت: مبروك عن اذنكم وخدت شنطتها وخرجت من المطعم...

اخدت امل حقيبتها وخرجت واوقفت اول تاكسى واعطته عنوان المنزل وكانت تفكر هو ليه مقاليش انه خاطب طيب ليه عزمنى على العشا طالما خاطب جايز يكون بيتسلى باى بنت يشوفها انا اللى غلطت انى وافقت اتعشا معاه وكانت دموعها تنزل دون ان تدرى...
في المطعم...
أكمل: انتى اتجننتى رسمى خطيبتى ايه انتى كنتى خطيبتى واظن الموضوع ده انتهى من 3 سنوات
شيرى: انت ليا انا بس وانت ازاى تقعد مع بنت غيرى.

أكمل: واضح فعلا انك تعبانه ومحتاجه دكتور نفسى...
شيرى: ده جزاء انى بحبك يا اكمل
اكمل: بلا اكمل بلا زفت وسابها ومشى ركب عربيته ووراه عربيه الحراسة وكان يسوق بسرعه رهيبه حتى يصل الى منزل امل قبل وصولها...
كانت امل تشعر بالغضب والاستفزاز لكدب أكمل عليها...

وصل السائق امام المنزل وقامت امل بحسابه على أجره الطريق وكانت تهم بدخول الفيلا عندما وجدت نور سياره قادمه باتجاها وبسرعه رهيبه توقفت امل وهى تشعر بالخوف سرعه السياره ولا تعلم من بها توقفت امل وهى تشعر برهبه كبيره توقفت السياره ووجدت انها سياره وكان يقترب منها وبداخله غضب كبير عندما راته امل لفتت وجهها ومشيت بسرعه لدخول الفيلا: ولكنها سمعت صوت أكمل ينادى عليها
اكمل: امل: امل...

لم تنظر له امل وظلت تسير الى الداخل ولم تلتفت له...
تقدم اكمل بسرعه ومسك يديها وادارها اليه بقوه لدرجه انها اتصدمت بصدره بقوه...
اكمل بعصبيه كبيرة: انتى ازاى تمشى من غير ما اكون معاكى وازاى انادى عليكى مترديش ردى عليا
امل: اولا ابعد ايديك عنى وزقته جامد وشدت ايديها: ثانيا: انا امشى وقت ما حب انت ملكش حكم عليا ثالثا انت واحد كداب خاطب وبتتفسح مع بنات تانيه فعلا مفيش دم نهائي.

اكمل: وهو يحاول تصنع الهدوء: اولا انتى ماشيه مع راجل مش طرطور: ثانيا: هي مش خطيبتى دى كانت خطيبتى وسبنا بعض من 3 سنين
امل. وقد شعرت براحه مفرطه لانه ليس خاطب ولكن حاولت تبين غير ذلك: وانا مالى خاطب ولا لأ حاجه تخصك
اكمل: وهو يبتسم والله واضح فعلا
أمل: قصدك ايه...
اكمل: ولا حاجه يا ستى: يله ادخلى وهكلمك لما اروح اطمن عليكى
امل: مفيش داعى انا خلاص قررت منبقاش صحاب.

اكمل: بصى يا امل انا كمان مش حابب موضوع صحاب ده خالص ايه رايك نكون حبايب...
امل. وهى مصدومه رفعت الفستان وطلعت تجرى على الفيلا واكمل بيضحك جدا: مجنونه والله...

الفصل التالي
جميع الفصول
روايات الكاتب
روايات مشابهة