رواية ملاكي الحارس للكاتبة لولو الصياد الفصل الأول
قامت امل بالإشراف على الغداء وتحضير كل شىء فهذه هي العادة تقوم بتجهيز والاشراف على كل حفلات والدها وذلك لتميزها بالذوق العالى والتميز في كل شى انتهت امل من تحضير كل شىء وذهبت الى غرفتها لتجهيز نفسها الى ان يصل الضيف وارتدت امل فستان يمتلئ بالوود وكان بحملات على الاكتاف ووضعت مكياج رائع وطبعا كالعاده اطلقت شعرها للعنان لانها تعشق الحريه: نزلت امل وطرقت على والدها حجره مكتبه...
الاب: ادخل
امل: بابا كل شىء جاهز هو الضيف هيوصل امتى
الاب: على وصول يا حبيبتي هخلص الشغل ده واخرج حالا اقعد معاكى نتظره
امل: ماشى يا بابا...
خرجت امل وكانت جالسه في الصالون تقلب في احدى المجالات الخاصه بالازياء عندما سمعت صوت جرس الباب.
امل: اكيد الضيف وصل: ذهبت امل لفتح الباب وكادت ان تسبقها احد الخادمات جعلتها أمل تذهب وفتحت هي الباب وكان امامها شاب ملامحه تدل على رجوله جباره طويل وعريض المنكبين وذو جسد رياضى ويتميز بعيون عسليه فاتحه تميل الى الاخضر وقمحاوى البشره حليق الذقن ويرتدى بدله سوداء تدل على ذوق راقى وكانها مصممه عند احد دور الأزياء العالميةوكانت مفصله له خصيصا...
الشخص: يا ترى هتفضلى تبصى ليا كتير ومش هدخل ولا ايه
شعرت امل باحراج كبير جدا ووشها كان الوان...
امل: انا اسفه جدا انا بعتذر اتفضل انا امل وبابا مستنى حضرتك جوا: دخل الضيف خلف امل وكان يبدوا سنه ما بين الثلاثين او الواحد وثلاثين...
اتفضل ودخلوا الصالون ثوانى وهنادى بابا لحضرتك حالا...
تركته امل وذهبت لتنادى والدها...
امل: بابا الضيف وصل...
الاب ويبدو عليه التوتر: طيب يله بينا نروح له...
ذهبت امل ووالدها الى الصالون
الاب: اهلا بيك اكمل بيه نورت الفيلا
اكمل: اهلا بحضرتك منور باللى فيه وكان ينظر لامل...
لاحظ الاب ذلك: اعرفك: امل بنتى: امل ده اكمل بيه رجل اعمال مشهور واحتمال نكون شركاء في الشركه
اكمل. تشرفت بيكى انسه امل
امل: بكسوف: انا الاكتر اكمل بيه نورت البيت
اكمل: لا بلاش بيه دى خالص خليها أكمل بس
امل: زى ما تحب اتفضل: بابا دقايق والغدا يكون جاهز
الاب: اتفضلى يا حبيبتى
خرجت اكمل وتركت الاب واكمل في الصالون...
اكمل موجه كلامه لوالد امل: مكنتش اعرف ان عندك بنت حلوه كده.
الاب: ربنا يخليك: وسكت شويه: حضرتك فكرت في العرض
اكمل: طبعا فكرت بس في حاجه تانيه حابب نتفق عليها...
الاب: ايه هي...
امل في المطبخ تشرف على تحضير الطعام وكانت تشعر بسعاده بالغه لقد جذبها اكمل من اول نظره نعم ياله. من شاب رائع وهذا طبع امل يا ساده فهى فتاه عاطفيه للغايه من أول نظره شعرت بالحب تجاه اكمل ولكن هل يكون حبها له سبب للسعاده ام سبب للالم...
في الصالون...
الاب: ايه اللى حضرتك عاوز تتفق عليه اظن انت عارف انى على وشك الافلاس وكمان انا وافقت على: كل شروطك وانك تكون شريك ليا وبنسبه اكبر منى بس تنقذ الشركه اللى تعبت فيها وكمان علشان بنتى متتعذبش بعدى
اكمل وهو يضع قدم فوق الاخر ويتكلم بهدوء شديد: هو ده اللى انا عاوزه...
الاب: انا مش فاهم حضرتك ممكن توضح كلامك...
اكمل: بنتك امل...
الاب: أمل بنتى: مالها: وايه دخلها في الشغل...
اكمل: انا مستعد انفذ لك كل حاجه وانقذ الشركه بس ليا شرط
الاب: شرط ايه...
اكمل: تجوزنى بنتك امل
الاب بصدمه: امل ازاى: وليه: انت اول مره تشوفها
اكمل: من ناحيه ليه فدى حاجه تخصنى: وشوفتها انهاردة دى مش اول مره انا قبل ما اشارك حد لازم اعرف عنه كل حاجه وعن عيلته وانا عرفت عنها كل حاجه واعجبتني جدا اخلاقها وشكلها واظن ان جه معاد جوازى ومش هلاقى احسن منها وهى بصراحه عجبانى جدا وخصوصا بعد ما شفتها انهارده.
الاب: بس امل مش هتوافق انها تكون مقابل صفقه...
اكمل: ومين قال انها هتعرف اصلا الشغل انا هتعرف عليها عادى جدا ومحدش هيعرف الموضوع ده غيرنا بس
الاب: بس امل بنتى الوحيده وانا مش حابب...
قطع كلام الاب اكمل: بنتك هتعيش احسن عيشه واحسن من اى حد في الدنيا كلهاوطلبتها اوامر وكمان انت هتنقذ شركتك ونصيبى هيتكتب باسم امل علشان متفكرش انى عاوز اخد الشركه منك.
الاب: بس تعتقد أمل هتوافق تتجوزك.
اكمل: وهو يبتسم: اظن دى بتاعتى انا...
الاب: انا موافق بس اهم حاجه موافقة امل وكمان انا مش هضغط عليها ابدا
اكمل: اوك وانا موافق...
سمعوا صوت طرق على الباب وكانت امل...
امل: اتفضلوا الاكل جاهز...
الاب: اتفضل يا اكمل بيه...
ذهبوا الى السفره وكان كل شىء منظم بطريقه رائعه والأكل رائع ومن وقت الى الثانى كانت امل ترفع نظرها الى اكمل وتنظر لها وعندما تلتقى عيونهم تبتسم وتنظر الى الطبق أمامها الى ان قطع الصمت صوت اكمل
اكمل: هو حضرتك بتستغلى
امل: بصراحه لا انا بحب البيت اكتر مش بحب الشغل خالص
اكمل: كويس جدا ليكى هوايات
امل: اه بحب الديكور والازياء وكده
اكمل: رائع علشان كده كل حاجه هنا مميزه...
وظل الحديث بين أكمل وامل والاب يتابع ذلك بصمت ويلاحظ اعجاب امل لاكمل...
قطع شرود الاب صوت أكمل
اكمل: تسمحلى يا مروان بيه اعزم الانسه امل على العشا بكره
امل: تنظر له بفرحه يشوبها الصدمه مفيش داعى
اكمل: ازاى ده لازم ارد ليكى كرم الضيافه ده ولا ايه يا مروان بيه
مروان: وانا معنديش مانع
تكمل موجه حديثه لامل: خلاص ميعادنا بكره الساعه 7
امل: اوك هستناك...
وانتهى الغداء وبعد تناول القهوه استاذن أكمل للذهاب وترك امل وهى تشعر بسعاده بالغه بل تكاد تكير من الفرحه: وتنتظر موعد العشاء بفارغ الصبر...