رواية معشوقتي المجنونة ج2 للكاتبة ابتسام محمود الصيري الفصل العشرون
مهيمن ماسك الفون و اتصل ب واحد صاحبه ظابط مدني و قاله ع موضوع توتا كله
سيد: بص يا مهيمن البنت لازم تسلمها عشان باباها رفع قضيه اسقاط نسب، و لازم تتحول لملجأ
مهيمن: و تتحول ليه ما انا هربيها عندي
سيد بهدوء: يا مهيمن البنت لازم تتثبت في ملجأ هو القانون كده
مهيمن: انت عارف انا بلتزم بالقانون بس دي طفله ازاي تتسلم ل ملجأ و تتبهدل، بلاش ان احنا هنزعل بس حالة البنت النفسيه هتدمر.
سيد: انا مفيش في إيدي حاجه اعملها، يا مهيمن لازم البنت تتسلم و ممكن ساعتها تعمل تبني ليها
مهيمن بعصبيه: بقولك نفسيتها تقولي لازم، خلاص يا سيد مع اني مبحبش الواسطه بس همشيها واسطه، و وريني لازم دي
سيد: مهيمن مش عايزك تزعل مني بس ده شغلي و مقدرش اعمل حاجه مخالفه و القانون اللي بيقولي عليه لازم اعمله
مهيمن: تمام انا هعرف اتصرف سلام.
عند دانيه
كانت بتحلم ب فادي مع بنت و في اوضة نومها صحيت مخضوضه لقت فادي نايم جنبها و حاضن المخده
دانيه تهزه جامد: اصحى يا بيه هتعملي فيها نايم
فادي يرفع وشه بنوم يلاقيها مكشره: خير يا دانيه
دانيه بعصبيه تمسك مسدسه: و الخير هايجي منين؟
فادي قام بسرعه: صلى ع النبى كده السلاح ينشن
دانيه: امال انا هلعب
فادي: اهدي بس، وقولي فيه ايه؟
دانيه: فيه انك بتخوني يا فادي
فادي باستغراب: والله ماتحركت من جنبك.
دانيه: ده انا شوفتك ب عيني دول
فادي يتنح: شفتيني امتى؟
دانيه تحط ايدها في وسطها: ناو
فادي بهزار: مش بقولك نونوي بقولك امتى؟
دانيه: حالا، و انا نايمه حلمت بيك بتخوني
فادي يقرب منها: استحاله يكون حلم، ده كابوس اخد منها المسدس رمى وراه و قرب منها اووي
دانيه بصوت ضعيف: و بتخوني ليه في الحلم
فادي بصوت هادي: اضغاث احلام يا قلبي شوشه عايز يفرح فينا تعالي بقى لما نغيظه
و تاهو مع بعض.
عند ابراهيم
ابراهيم: سوزي خدي حميدو و روحي حمي العرايس دخلتهم قربت يقصد التماثيل
سوزي: هخليهملك يبرقو و تغمز ل حميدو يالا يا وحش
عمرو فرح جدا ان خلاص مهمته قربت تخلص عشان يفضى ل رنا: يالا يا قطه.
عند مهيمن عسكري يخبط ع الباب
مهيمن: ادخل
العسكري: الجواب ده لسيادتك
مهيمن اخد الجواب فتحه و العسكري طلع
مطلوب حضورك لقسم محرم بيه
مهيمن اتأكد بسب توتا راح للوا
مهيمن: سيادة اللوا محتاجك تساعدني في موضوع شخصي
اللوا: انت ابني يا مهيمن قول فيه ايه
مهيمن: حضرتك تعرف طبعا موضوع توتا، حسام رفع قضيه و سقط ابوته عنها و عايزين توتا تتسلم في ملجأ
اللوا: بس انت راجل قيادي مش عادي ازاي يصممو يخدوها منك، ثواني.
و عمل تليفون
اللوا قال للي بيكلمه موضوع توتا
: صعب تتنسب ليه بس هو يجيلي و اكتبها ع اسمه بس بالتبني
اللوا تمام و قفل و بص ل مهيمن هتروح العنوان ده و هو هيخلصلك كل حاجه، بس هيبقى بالتبني
مهيمن: ازاي
اللوا. هتبقى ع اسمك بس في الاخر هيكون مكتوب بالتبني
مهيمن: بس البنت لو شافتها
اللوا: مهيمن ماينفعش تبقى ع اسمك بس لازم يكون مكتوب بالتبني عشان النسب و الميراث و انت ابعد عنها الشهاده خالص.
مهيمن بتفهم: تمام و قام يخلص ورق توتا.
عند نايا
اخدت توتا و راحت معمل تحاليل، وحللت
الدكتوره: المخدر نسبته بسيطة فجسمك غالبا كده اخدتيه مره واحده
نايا بغيظ: طيب في اي خطر؟
الدكتوره: لا جسمك لسه ماخدش عليه
نايا قامت: شكرا ل حضرتك و نزلت
راحت ل فريده.
عند عمرو و سوزي
عمرو: اشمعنى احنا بس اللي هنا
سوزي: البوص مابيدخلش حد هنا غير اللي واثق فيه
عمرو كان عايز يعرف التماثيل هتتسلم امتى يغمزلها بوقاحه: بما ان احنا لوحدنا تعالي اقولك كلمتين
سوزي بعدته عنها: طول ما احنا في الشغل انسى ركز في اللي انت بتعمله
عمرو: دول كلمتين بس
سوزي بجديه: حميدو اشتغل و انت ساكت
عمرو بغمزه: بكره تندم يا چميل.
عند فريده
فريده تفتح ل نايا و تميل ع توتا: صاحبتي وحشاني
توتا: و انتي يا صابحتي
فريده شالت توتا و قامت تسلم ع نايا: نون عامله ايه
نايا: زفت
فريده: ليه بس كده ادخلي طيب
سوسن: ازيك يا نايا
نايا: الحمدلله يا طنطي، دانيه هنا
سوسن: لا، هقوم اعملكم حاجه تشربوها
فريده: نايا انا هاخد منك صاحبتي تقعد معايا
نايا: يا بنتي حبك للعيال هيجنك، بكره تجيبي نونه و تزهقي منهم.
فريده: انا بعشق حاجه اسمها اطفال مستحيل ازهق منهم سبهالي و خليكي جدعه
نايا: ولا انا ولا مهيمن نقدر نستغنى عنها دي البسبوسه بتاعتنا
فريده: كلها تسع شهور و اسبوع و هيكون معايا سنيوريتا ولا الحوجه، و نزلت توتا دخلتها تلعب
و بصت ل نايا قولي بقى مالك
نايا حكت اللي عملته ديرو
فريده بصدمه: اللي تعمل كده مش غلبانه ولا فيها ريحة البراءه
نايا: مش عارفه اعمل ايه
فريده: ماقولتيش ل مهيمن ليه.
نايا: كنت هقوله بس افتكر اني هتكلم ع موضوع كهربة توتا فسكتني حولت افهمه نزل و سابني
فريده بغيظ: نايا، مهيمن لازم يعرف
نايا: انا هقعد معاه بعد فرحك ولازم يقول كل حاجه ولازم اعرف حكايتها ايه.
عند عمرو بعد عن سوزي و كلم مهيمن
مهيمن كان بيخلص ورق توتا و كان متضايق جدا بسب انه مكتوب في الشهاده بالتبني
مهيمن: ايوه يا عمرو
عمرو: انا عرفت مكان الاثار
مهيمن: و انا هعمل ايه بالمكان يا عمرو لازم اقبض عليه متلبس و هو بيسلم و بعد كده كل المصانع اللي بإسمه هتتصادر و ساعتها هيلبس كمان قضية هروين
عمرو بضيق: تمام يا كابتن
مهيمن بحده: يا ريت تعرف انك في مهمه مش بتتفسح
عمرو بضيق: هو انا عملت ايه.
مهيمن بحده: لما حضرتك تنزل تروح شركة فوزي يبقى بتتفسح
عمرو: بس انا اتأكدت محدش ورايا و كمان متأكد انه واثقين اني عبيط
مهيمن: الزم مكانك يا عمرو و مش عايز وجع دماغ.
عند رنا
اتصلت ع كرم و قابلته في كافيه المستشفى
كرم: ازيك يا رنا
رنا: الحمدلله
كرم طلب لمون ليه و ليها
رنا: سوري اني معطله حضرتك
كرم: مافيش عطله
رنا بكسوف: عمرو جالي الشركه و عايز يتجوزني بس انا رفضت
كرم: و ياترى السبب ايه
رنا بزعل: مش هينسى اللى حصل و انا عارفه اني غلطت
كرم: رنا كلنا بنغلط، بصي انا لو اديتك ورقه مكتوب فيها حياتك تمسحي منها ايه
رنا: همسح مدحت منها خالص.
كرم: و لو اديتك ورقه تاني تكتبي خط سير حياتك، هتكتبي فيها ايه
رنا: هكتب اللي بعمله كله دلوقتي
كرم بإبتسامه: دلوقتي هو الحاضر و الواقع انتي النهارده يا رنا مش امبارح امبارح راح و انتهى خلاص انسي فكري في النهارده و بكره
رنا: بس انا فعلا مش هقدر ارتبط ب عمرو
كرم بص في عينها: طيب و لمعة الحب اللي في عنيكي دي معناها ايه
رنا تنزل عينها و بإحراج: بس مش هينفع.
كرم: رنا انا عايزك تكتبي دايما كل حاجه تفرحك اكتبي مستقبل رنا بتاعة النهارده عيشي ل رنا الجديده و حبيها عشان هي فعلا انسانه رقيقه
رنا ابتسمت: ميرسي ل حضرتك، كلامك فعلا بيريحني و هحاول احب رنا
كرم: يا ريت عشان لو معرفتيش تحبيها مش هتعرفي تحبي حد تاني خالص
رنا كل مره بتروح بعد الكلام مع كرم بتقوى و بتكتسب ثقه في نفسها.
عند نضال
اول ما دخل البيت لقى ويزو بتحسب ارقام في الكراسه
نضال: بتعملي ايه يا وزتي اوعي تكوني هاتحاولي تاكلي ورق
ويزو: لا لسه عندنا خير بس قولي انت بتقبض كام
نضال: خير يا ويزو ناويه تموتيني
ويزو: لا لسه شويه
نضال يخط ايده تحت دقنه: هو ايه موضوع لا لسه معاكي؟
ويزو: قولي بس
نضال: فهميني بتعملي ايه و ايه كل الارقام دي
ويزو: تخيل نجيب ساويرس في الثانيه بيدخل ليه الافات.
نضال: الافات؟ بلاش تحسبيها خلينا مستورين و رمى نفسه ع السرير الملايه اتنعكشت
ويزو تحط ايدها ع قلبها و تغمض عينها: تعبي بهدلته في فانتا ثانيه يا مفتري
نضال: حتى ترويق السرير دخلتي فيه الأكل و الشرب؟ خليها بيبسي ثانية
ويزو: بيبسي ثانية هاه؟
و نطت عليه
وزتي هنتفاهم بالعقل
ويزو: عقل مين؟ تعبي طول النهار يا مفتري
نضال يأثر عليها: ويزو جبتلك فطير بالسكر واللبن
ويزو تقوم من عليه: هي فين هتهالي.
نضال قام يجري: خمس دقايق و تكون عندك و نزل.
فضلت الايام زي ما هي لحد يوم فرح فريده
يوم فرح فريده الكل كان مشغول معاها في تحضير كل حاجه
فريده: انا مش مصدقه اخر ساعه ليا في العزوبيه احمدك يا رب
نايا بضحك: بكره تقعدي قعدتنا دي و تولولي
دانيه: بس يا نايا خلينا نفرح فيها
فريده: بقى كده
دانيه: يا بنتي اقصد افرح بيكي
فريده: لعلمك هتموتو بحسرتكم لما تلاقوني اسعد مخلوق ع الكوكب كله
نايا بضحك: هو احنا نكره تكوني مبسوطه بس اوعي تزعلي انتي و تاخدي ع صدرك.
فريده طلعت لسانها: حبيبي مش اي حد ده شااادي
دانيه: كلهم بيقلبو الراجل المصري الاصيل يا قطه بعد الجواز
فريده بثقه: العيب فيكم مش في الرجاله
الميكب ارتست: انتي كده جاهزه
نايا زغرطت و راحت حضنتها: ربنا يسعدك يا فوفا احنا بنهزر معاكي
دانيه حضنتهم و دمعت: احنا بنحبك طبعا و نتمنى تكوتي اسعد مخلوقه ربنا يفرح قلبك كل ثانيه
فريده بحب: بس بقى متخلونيش اعيط
الباب خبط
نايا راحت فتحت: مبروك يا شادي.
شادى و ف وشه كل سعادة الدنيا: عروستي جاهزه
فريده جريت عليه حضنته
شادى حضنها جامد: مبروك عليه انتي
فريده: اخيرا هنتجوز و هتبقي مراتي رسمي خلاص، هروح بيتك ونبقى لوحدنا
شادى: يا بت مش بتتكسفي نهائي
فريده: انت بتهزر ال اتكسف ال
شادى مسك ايدها و بهزار: بموت في شخصيتك القويه
و نزلو القاعه مالقوش حد خالص
فريده بصدمه: فين الناس فين ماما هو فرحي باظ يا جدعان
شادى بضحك: ما انا قلتلك الفرح ده مفاجأه.
نايا: هو فين المعازيم و فين مهيمن
شادى: ما انا قولتلكم مفاجأه
فريده: اوعى تضحك عليا و تاخدني ع الفيلا ع طول انا عايزه اشهيص بردو
شادى ضحك جامد: فتحلها باب العربيه اركبي و هتعرفي كل حاجه
فريده: اركب و اما اشوف اخرتها معاك ايه
ركبو كلهم في عربيه واحده و راحو فندق ع البحر اول ما راحو ع البحر كان فيه لانش كبيييير جدا و مرسى كلها بلالين وصور فريده و شادي و العاب ناريه.
فريده بصتله و حضنته: انت عرفت منين ان كان حلمي فرحي يبقى ع لانش
شادى بحب: لازم اعرف كل حاجه عن وردتي
شالها و طلعها ع الانش و مهيمن نزل اخد نايا و فادي نزل اخد دانيه
دانيه بنكد: اطلع ازاي انا دلوقتي
فادى بهدوء: هساعدك
دانيه: بس بس انا هطلع ل وحدي
فادي بضحك: بكرشك ده
دانيه: هو انا اللي كنت طلعته، ما كله من ابنك
فادى بحب: بس تصدقى محليكي و مخليكي قمر.
دانيه بنكد: ليه هو انا كنت وحشه و لا كنت مستنيه ابنك سي الحسن و الجمال يحليني
فادي يكتم غيظه: بااااس اطلعي و انتي ساكته ما بتصدقي تتفتحي.
عند شادي
كتبو الكتاب
فريده اول ما بصمت دموعها فضلت تنزل شادى قام مسحلها دموعها هي وقفت حضنته و اشتغلت اغنيه سلو و رقصو عليها نايا و دانيه كانو مبسوطين جدا بيها
نايا: تعالي نروح نجيب رجالتنا نرقص معاهم
و كل واحد رقص مع مراته
اخر الرقصه السلو شادى قلع جاكت البدله
فريده بقت تبصله و مستغربه و بتقول: ايه فيه ايه
شادى حط الجاكت ع راسها و راسه و باسها اول بوسه رومانسيه جمعتهم مع بعض.
شادى بشوق يبعد عنها: لو مكنتش عملت كده كان هيحصلي حاجة
فريده بعشق: لو معملتش كده تاني هيحصلي انا حاجه
شادى بهزار: بنت عيب لما نروح و شال الجاكت من ع راسهم
فريده حطت ايدها ع وشها: يا كسوفي
فضلو يرقصو كلهم مع بعض ماعده مهيمن فضلو متابعهم من بعيد و كان معاه توتا
فريده و شادي نزلو من ع اللانش بعد ساعة و ركبو لانش صغير
نايا ودانيه كانو واقفين جنب بعض و بيهزرو
بنت: فادي عايزك
دانيه راحتله.
واحد وقف جنب مهيمن فضل يتكلم معاه دقيقه
مهيمن بيلف يشوف نايا مش لقاها فضل يدور عليها ب عينه في اللانش كله مش لاقيها اتحرك يدور عليها، سأل دانيه
دانيه: هي لسه كانت معايا هنا
الكل اتحرك يدور عليها
عند فريده وصلت ع الشاطئ و ركبت عربيه
فريده: احنا رايحين فين؟! ده مش طريق الفيلا
شادي: عاملك مفاجأه
فريده: كده حياتي كلها معاك هتبقى مفاجآت
شادي: اهم شئ تعجبك
تحط راسها ع صدره: تعجبني بس هقولك ع سيكريت.
انا سعيده عشان انت حاضري و مستقبلي، و الماضي اللى كنت بعيشه في احلامي، و دلوقتي انا هعيش معاك برغم انى مش مصدقه ان احنا خلاص اتجوزنا، كل اللى انا فيه بسبب حبك و عشقك ليا، انا يا حبيبي في حالة ذوبان و انصهار، جبال ثلوجي تنهار من العشق اللى وصلت ليه معاك
شادي ضمها جامد: ربنا يقدرني و اقدر اسعدك دايما يا اجمل ورده فتحت ليا حياتي و طلع شريط من جيبه و غمضلها عينها
فريده: خلاص حفظتك مهما اقول مش هتشيله.
عند مهيمن
فضل يبص من حوالين اللانش مش لقاها نط من اللانش و فضل يدور عليها قريب من اللانش
فادي اتصل ب حد يجيبلهم لانش صغير
توتا بقت تعيط جامد و دانيه اعصابها باظت و بقت قلقانه.
عند فريده
شادي وقف العربيه و نزل و فتحلها الباب و حط سداده في ودنها و شالها
فريده: كده ولا هسمع ولا هشوف والله حرام هتوحشني اووي
شادي ضمها اووي.
عند مهيمن
وصل اللانش طلع فيه و فادي نزل ركب معاه و فضلو يدورو ع نايا.
عند فريده
فريده: احنا في طياره صح
شادي بإبتسامه: صح
فريده: هنروح فين بقى؟
شادي: هي دي المفاجأه
فريده: اوعى تقول جزر المالديف
شادي شال الشريط من عينها و شال السداده و هز راسه
فريده كانت فرحانه اووي و حضنته.