رواية معشوقتي المجنونة ج2 للكاتبة ابتسام محمود الصيري الفصل الحادي والعشرون
عند مهيمن
كان ماشي زي المجنون دموعه بقت تنزل زي السيول قلبه وجعه ع حب عمره كل اللي حصله في حياته مش زي وجع قلبه عليها دي هي اول ما قلبه دقلها و هي اول من تحدته و جننته
فادي كان صدمته ان يشوف مهيمن بالوضع ده اكتر من اختفاء نايا بقى يبصله مش قادر يتكلم او حتى يهديه
عدى من جنب جزيره و ضرب الكشاف ع الجزيرة شافها قاعده ع الصخر لسه هينط
فادي مسكه: كابتن رايح فين الموج عالي.
مهيمن زقه و نط مهيمن كان بيعافر مع الموج و السحب (التيار)
و عام بسرعه و من قلقه عليها عام اسرع من اللانش نفسه
مهيمن وصل ل نايا لقاها قاعده منكمشه في نفسها حضنها دموعه زادت، صرخ باعلي صوته: يارب، مش هقدر استحمل كفايه وجع انا تعبت
فادي جسمه ارتعش حس الكلام طالع من قلبه مش من احباله الصوتيه
نايا تحضنه جامد و بيتنفض من السقعه و الخوف
فادي يوقف اللانش و يحاول يسيطر عليهم: نايا انتي كويسه.
نايا استسلمت في حضن امانها و اغمى عليها
فادي بهدوء: كابتن نايا اغمى عليها
مهيمن ركز و بص عليها لقاها بترتعش جامد و مغمى عليها، فادي طلع ع اللانش و مهيمن شالها و اداها ل فادي اخدها منه نايمها ع ارضية اللانش
مهيمن طلع قلع القميص شالها و نايمها ع رجله وخدها في حضنه
فادي اتحرك باللانش و اتصل ع دانيه طمنها.
الناس كلهم اطمنو و كل واحد مشى ع بيته و دانيه اتحايلت ع مامتها تقعد معاها بدل ما تقعد لوحدها و وافقت اخدتهم و ركبت تاكسي و كان معاها توتا.
عند مهيمن
وصل الفندق شال نايا
فادي كان راكن عربيته قريب فتحها و مهيمن ركب ورا مع نايا.
عند ديرفي بيت مهيمن
بتتفرج ع التلفزيون و كانت مبسوطه اووي و بتاكل فشار.
في المستشفى
الدكتور كشف عليها و فوقها قامت تبص حوليها و كانت خايفة اول ما مهيمن لمسها بصتله اووي و بضعف مسكت ايده: انا سقعانه
مهيمن قلع القميص المبلول بتاعه اخدها في حضنه يدفيها
فادي قرب منهم: مهيمن، نايا كده هتبردي انا معايا هدوم فريده اللي كانت بيها في الكوافير
نايا مردتش كان حضن مهيمن مدفيها و كان وحشها اووووي
مهيمن بص ل فادي: هات الهدوم
فادي نزل.
مهيمن شال نايا و دخلها التويلت قعدها ع الكرسي و هو قعد ع الارض بركبه و نص و هداها: نايا طول ما انا جنبك عايز اشوفك نايا القويه، العنيده، المشاكسه
نايا تمسح دموعها: انا ببقى نايا بيك
مهيمن ضمها: طول ما فيا نفس هفضل جنبك
الباب خبط قام اخد من فادي الهدوم و لسه بيقلعها
نايا بكسوف: لا انا هغير
مهيمن ميل عليها: قلبي انا جوزك
نايا: بس انا عايزه اغير لوحدي
مهيمن قام طلع
نايا غيرت هدومها و افتكرت اللي حصلها.
فلاش بااك
نايا كانت واقفه ع حرف المركب و سانده عليه عدى شاب من وراها شالها بسرعه و رماها
ناياملحقتش تتكلم من سرعة الموقف حاولت تعوم لكن السحب كان بيسحبها بعيد عن اللانش فضلت تعوم لحد ما لقت الصخره في البحر طلعت قعدت عليها اول حاجه جت ع بالها مهيمن هيحصله ايه لو مش لقاها فضلت تعيط و تدعي ربنا لو حصلها حاجه ربنا ينزل السكينه و الرضى في قلبه كان خوفها ع مهيمن اكتر من خوفها من الضلمه و انها لوحدها
باااك.
نايا تمسح دموعها و تحاول تفتكر اي ملامح للي وقعها مقدرتش عشان هي ماشفتهوش
مهيمن خبط
نايا مسحت دموعها و تكلم نفسها: اوعي يا نايا تقولي ان حد زقك هيفتكر ان هو السبب اتمالكت اعصبها و فتح الباب
مهيمن مسك ايد نايا: عامله ايه دلوقتي
نايا هزت راسها ب انها كويسه.
في مطار جزر المالديف
فريده نازله فرحانه لقت زفه كبيره شادي سلم ع واحد صاحبه كان متفق معاه يحضر زفه كبير تستقبل وردة حياته.
عند مهيمن
اطمن ع نايا و نزلو ركبو عربية فادي
مهيمن: هنعدي عندك الاول ناخد توتا
فادي: حضرتك و نايا تعبانين خلوها معانا النهارده حتى تشغل دانيه بنكدها عني
مهيمن ضحك و قال: تاعبينك دايما يا فادي معلش
فادي بذوق: تعبك شرف ليا يا كابتن
مهيمن حط ايده ع كتفه: حبيبي
راحو الفندق اللي كان معمول فيها الفرح.
في المدليف
فريده: انا و انت و انت و انا لوحدنااااااااااا
شادي بضحك: يا مجنونة اهدي
فريده: انت لسه شفت حاجه و بتقرب عليه
شادي بضحك: فافا اهدى يخرب عقلك هنصلي الاول
فريده تقف: تمام تمام و دخلت تتوضا
شادي فرش سجادة الصلاه ليه و ليها
فريده تقف ورا شادي و تحضنه: خليك فاكر احنا عرايس و هنصلي بس ركعتين شكر لله مش، صلاة تروايح
شادي بضحك و ينزل ايدها: خلينا طيب نصلي
فريده بمشاكسه: يعني ب اصغر سور.
شادي بضحك: فيه ايه يا فافا؟
فريده بأفأفه: يادي النيله انت لسه بتسأل فيه ايه، اخلص عايزه اتجوز
شادي بصلها و يتمالك اعصابه يرجع وشه ل قدام و قال بسرعه قبل ما تتكلم الله اكبر.
عند مهيمن
وصلو البيت و اول ما فتح ديرو برقت بذهول و الطبق اللي في ايدها وقع
مهيمن: شفتي عفريت
ديرو تركز و تقول بدلع: ما انت عارف يا هيمو بخاف و راحت حضنته كده تسيبني لوحدي كل ده
نايا زقتها
ديرو بدلع: اي
نايا بنرفزه: والله انا شايفه حربايه قدامي، ده الخوف هو اللي يخاف منك.
مهيمن استغرب نايا اللي كانت مش قادره حتى تتحرك، اول ما ديرو لمسته فاقت و رجعت نايا القطه اللي بتعرف تخربش و بسبب تمسكها بيه برغم اللي بيعمله كله، لكن متمسكه بيه و ده اللي بيخليه يعشقها اكتر
مهيمن بحده: ديرو ع اوضتك
ديرو تعيط: اه يا مظلومه و تدخل اوضتها تقعد ع السرير و ملامحها كلها شر و توعد لما اشوف الحيوان اللى بعته و تقول بضيق انا تزعقلي عشانها والله يا نايا ل هدمرك بإيدي المره الجايه.
عند فريده
تخلص الصلاه
فريده تقلع طرحتها و ترميها: مكسوفه مكسوفه منك و تقلع فستانها، مش قادره مش قادره اقولك
شادي بقى متنح
فريده قربت ليه و تكمل غنا: اني بحبك
شادي يحضنها و يبص في عينها و يتوهو مع بعض.
عند فادي
اول ما دخل لقى دانيه نايمه ع الفوتيه و توتا ع رجلها و حماته نايمه ع الكنبه
اول ما قفل الباب حسو بيه و صحيو
دانيه حطت توتا ع الكنبه و جريت ع فادي: نايا عامله ايه
فادي بهدوء: الحمدلله كويسه
دانيه: انت بتضحك عليا قولي صاحبتي حصلها ايه
فادي بصلها و فضل ساكت
دانيه تكمل: كل اللي بيحصلها من تحت راس مهيمن كلكم رجاله عينكم زايغه و خاينين منكم لله
فادي ولا اي اندهاش بيسمع و هو في صمت.
دانيه: انت مابتردش عليا ليه عايز تنقطني
فادي ببرود: وحشني صوتك الكروان ها يا عيوني و ايه كمان اشجيني بنكدك
دانيه تشاور ع نفسها: انا نكديه
صوت يجي من وراها: لا انا اللي نكديه
فادي و دانيه دورو وشهم لقوها توتا
فادي: والله البت دي بتقول كلام حكم و يضرب كف ع كف و يضحك بغيظ
دانيه بصتلها: انا!
توتا ب لماضه: انا مث عارفه ده ثؤال ولا تأكيد ع نفثك
دانيه بصتلها بحده: مين دي اللي نكديه؟
توتا: لا اله الا الله، اكيد انتي يا طنطي، ده من ثاعة عمو ما دخل و انتي مفثلتيث
دانيه بصت ل فادي
فادي رفع ايده باستسلام و شاور ع توتا اول ما دانيه لفت تبصلها فادي بعت بوسه في الهوا ل توتا و قال: و لله قولتي كلام ع لساني كنت نفسي اسربه بس اخاف ع نفسي
دانيه بصتله و لسه هتتخانق معاه توتا نزلت من ع الكنبه و رحتلها و قالت: انجزي بقى عايزين ننام دي التلاجه بتفثل
دانيه: كده انا هتجلط عديني.
فادي بتريقه: بعد الشر عليكي يا عيوني، و يقول بهزار بس استغفري ربنا محصلتش ل كده
دانيه باستغراب: عديني يا فادي
فادي يضم حواجبه ع بعض: تاني بتقوليها ينفع كده استغفري ربك ماتوصلش للدين
دانيه فهمت قصده: والله و تضحك ضحكه صفرا لذيذ و زقته من قدامها متحركش
دانيه: ده انا لو بزق دولاب كان اتحرك و بصويت عديني
توتا بغيظ منهم: ثكلك بتحب وجع الدماغ ما توثعلها الثكه يا ثطا.
فادي سخسخ ع نفسه من الضحك و راح شالها و حدفها في الهوا و فضل يلعب معاها شويه و راح صحى سوسن اللي طبعا كانت صاحيه و سامعه كل حاجه بس مرضتش تدخل
فادي: ماما ادخلي نامي جوه و خدي اللمضه دي معاكي
سوسن تبص ل توتا و تضحك: تعالي يا لمضه
توتا بزعل: هو انا هبات هنا
سوسن: هتنامي مع تيتا حبيبتك
توتا: هروح ل ماما و بابا امتى
فادي: اول ما نصحى ع طول اوك
توتا بضيق: اووك و دخلت نامت مع سوسن.
عند مهيمن
مهيمن: مش هتقولي ايه اللي حصل
نايا بهدوء و تهرب: توتا فين؟
مهيمن بإيجاز: مع دانيه، ها يا قلبي قوليلي
نايا بجمود و تحاول تثبت عينها و تقول بجديه: انا دخت و وقعت الحمدلله حصل خير
مهيمن بعدم تصديق: و انتي فاكره اني هصدق انك دختي، حصل ايه يا نايا؟
نايا تحضنه: يا حبيبي قولتلك دخت.
مهيمن هو متأكد انها مش بتقول الحقيقه بس مرضيش يتعبها اكتر: تمام، شالها دخلها اوضتها حطها ع السرير و قال: نايا عندي ليكي خبر حلو كنت عاملهولك مفاجأه
نايا بصتله باستفهام
مهيمن: طلع ورقه من جيبه و ادهالها
نايا بصت عليه و فرحت اوووي: توتا بقت بنتي رسمي
مهيمن بحب: ربنا يقدرني وارسم ابتسامتك دايما ميل ع راسها باسها و رايح ينام ع الكنبه زي ما متعود
نايا نغزته نغزه في قلبه، مسكت ايده: مهيمن خدني في حضنك.
مهيمن استغرب طلبها عشان هي دايما تقوله ولا هنام جنبك ولا هتلمسني طول ما ع زمتك حد غيري، قام اخدها في حضنه ونامت لحد الصبح.
يوم جديد
عند عمرو
ابراهيم: جهزو نفسكم هنتفق مع عميل ع معاد فرح العروسه
عمرو حس انه معاد تسليم البضاعه يقوم بهبل: اجوم احضر البدله عشان احضر الفرح
سوزي فضلت تضحك
ابراهيم بضحك: والله ما انا مزعلك
عمرو ينزل الجنينه و يبعت مسدج ل مهيمن
مهيمن يمسك الفون يقرا المسدج و يقوم نايا ترفع راسها
مهيمن بحب يبوسها ع راسها: نايا عندي شغل مهم لازم انزل
نايا بتفهم: ربنا يقويك حياتي
مهيمن لبس و نزل و فضل متابع عمرو.
عمرو اول ما وصل الكافيه بعت ل مهيمن مسدج بالمكان في ربع ساعه المكان اتحاصر و كان واقف ع مبنى عالي قناص و مهيمن ماسك منظار و متابع اللي بيحصل.
عند شادي
يصحي فريده و يحط مناخيره ع مناخيرها تصحى فريده و تتمايل ع السرير بدلع و تمسك وشه تبوسه
شادي يشيل فريده يحطها في البانيو: خليكي في المايه جسمك يهدا شويه
فريده شدته وفضلو مع بعض.
عند نايا
تقوم ع صوت ديرو بتعيط
ديرو تتكلم في الفون و بدموع: اعمل ايه انا مش عارفه اتصرف انا خايفه مهيمن يطلقني بسبب مراته انا مش عارفه عملتلها ايه بتكرهني من غير سبب، دلوقتي انا حامل اعمل ايه؟ ابني ازاي يعيش من غير اب
نايا اتصدمت حطت ايدها ع قلبها النار بقت تاكل فيه حست قلبها بيسيح من كتر النار، قفلت ايدها جامد، دماغها بقت تلف روحها بتتسحب منها، نفسها بيروح.
ديرو بهستريه: انا هموت ابني بإيدي احسن ما يعيش من غير اب رمت الفون و فضلت تضرب بطنها جامد
نايا ركزت بسرعه فتحت الباب طلعت مسكتها: انتي بتعملي ايه حرام عليكي
ديرو بهستيريه: اوعي سيبيني مش هعيش ابني من غير اب وسعي اموته
نايا تمسكها: حرام عليكي حرام
ديرو تبصلها: انتي ليه مش عايزاني اموته اشمعنى ده ما انتي عايزاني اتطلق و تحرمي ابني من باباه.
نايا تقعد ع الكرسي و تبصلها: اللي جواكي حته من مهيمن انا مقدرش حته منه تموت او يبعد عن حضنه
ديرو بخبث: افهم من كده انتي اللي هتبعدي
نايا تمسك دموعها و هزت راسها ب اه
ديرو بخبث: بس اوعي تقولي ل مهيمن سبب بعدك ل ساعتها هو اللي هيسقطني.
نايا قامت: متقلقيش انا هبعد خالص و دخلت اوضتها بخطوات مكسوره اخدت هدوم مهيمن اللي كان اخر حاجه لبسها حطتها في شنطتها و نزلت سرحانه فضلت تمشي في الشارع و كل ذكريتها مع مهيمن بتعدي قدام عينها شريط
فلاش باك
اول ما دخلت المركز و هي عامله نفسها نضال و اد ايه هو مكنش طليقها و لما شافته اول مره في الكافيه و اول مره طلب ايدها و لبسها دبلت مامتها
وصلت ل مكان فاضي صرخت بكل صوتها.
ليه يا مهيمن ليه توجع قلبي كل ده عملت فيك ايه؟!
عند فريده
نزلو فطرو في وسط المايه فريده كانت فرحانه بمنظر المايه الشفاف و انها في حضن شادي
فريده: الماية حلوه اووي
شادي يرجع شعرها: انتي احلى يا وردة حياتي
فريده: ها قولي بقى اجمل حاجه هنا عجبتك
شادي: ضحكتك اللى بتطلع من قلبك بتنور اي طريق ضلمة، و عنيك لما تضحك السما بتزيد نجوم، يا ام ضحكة فيها خط وردي.
يالي صوت ضحكتك مزيكا يعزفها اوتار قلبك، بحبك بكل تفاصيلك، بحبك علشآن ضحكتك بترد فيآ آلروح، بحبك لآنك حته مني لانك جنتي ع الارض، اضحکي آصل بحب آشوف ضحکتك، انتي وردتي اللي فتحت عشاني انتي سندي، ربنآ يديمك نعمه في حياتي.
فريده تقوم تروح ورا ضهره تحضنه و هو قاعد ع الكرسي: ربنا يخليك انت ليا، ياللي الشمس بتغيب من لمعت عيونك بحبك دي كلمه انتهت صلاحيتها، احنا بنا عهد جديد بخطوط وردي باسته ع خده قام و وشه بقا قدام وشها شالها و فضلو يحبو في بعض.
عند عمرو في كافيه
جرسون كان بيتخانق مع بنت
عمرو بص عليهم
البنت: فين مديرك انت
الجرسون: يا انسه اهدي هنحلها
البنت: هو ايه اللي اهدا يعني يخبطني و مش عاجبه و يفضل يبجح
المدير يتدخل: فيه ايه؟
البنت: الحيوان ده خبطني مره قلت مش قصده راجع تاني يخبطني قولت غصب عنه و لما يخبطني تالت يبقى ده اسمه هبل و قلة اداب
الجرسون اللي خبطها شدها من كتفها: مين ده اللي حيوان و قليل الادب
المدير بحده: انت ازاي تمد...
عمرو اول ما الجرسون لمسها اتحرك من مكانه و قاطع المدير و هو بيضرب الجرسون بالراس و ضربه تحت الحزام كل الكافيه التفت ليهم و المدير و الجرسون التاني خافو و بعدو
رنا بصريخ: عمرو سيبه
ابراهيم وقف و بص ل سوزي، سوزي راحتله
رنا تمسك عمرو: خلاص يا عمرو
عمرو ركز ل نفسه و شاف سوزي ساب الجرسون
عمرو يبص ل رنا: عمرو مين يا هانم انا حميدو، و يغمزلها عشان تفهم لكن البعيده مابتفهمش.
عند مهيمن
في عماره قدام الكافيه و بعصبيه: غبي غبي
و اتكلم في الاسلكي اعملو دوشه في الكافيه و اقرب واحد يأمن البنت اللي اتخانق عشانها عمرو
و بص ل القناص اضرب ع قلب عمرو
القناص حدد عمرو و نشن عليه وقع في الحال.