رواية معشوقتي المجنونة ج2 للكاتبة ابتسام محمود الصيري الفصل السادس والعشرون
مهيمن قرر ينعزل عن العالم كله قلبه مابقاش قادر يستحمل اي شئ، راح مكانه المفضل فيلته اللي بتشهد ع كل الآمه و أحزانه، اول ما وصل طلب من الامن يمشي كل الحرس اللي في الفيلا و دخل بعربيته نزل بخطوات بطيئة قعد وسط الزرع ع ركبته بص للسما صرخ بأعلى صوته فيتو سمع مهيمن فضل يهوهو و يجري شمال و يمين لكن كان مربوط مقدرش يوصل ل صديقه الصدوق ?يتو فضل يهوهو جامد و يشد نفسه من الحزام.
مهيمن اوجاعه كلها بتمر قدام عينه مابقاش قادر يستحمل اي وجع و قال بحزن و بكاء: انا مش معترض ع قضائك يا رب انا بس بتألم، مش قادر استحمل يا رب، يااااارب انا موجوع، خفف عني يا رب، قام قلع قميصه و رمى نفسه في البسين نزل اخر البسين اتخبط في راسه و فقد الوعي، الدولفين راحله
مهيمن بيطلع مع المايه بشويش الدولفين نزل طلع مهيمن حتى فيتو فك نفسه و طلع جرى ع مهيمن و نطله في الميه.
فضل يشد فيه مع الدولفين، الدولفين نطره جنب البسين فيتو طلع عند مهيمن و وقف فوقيه فضل يمشي عليه و يهوهو ملقاش استجابه من مهيمن لان عقله رافض اي الحياه، فيتولحس في وشه مافقش نزل سحب مفرش ترابيزه و حطه ع صدر مهيمن عشان ميبردش و قعد فوقيه.
عند عمرو
رنا بقت كويسه و الدكتور بتاع المستشفى طمنهم عليها
كلهم دخلو عمرو كان واقف بعيد بس عينه عليها بحب
فوزي بمشاكسه: رنا عمرو طلب ايدك للجواز، رأيك ايه
رنا اتكسفت و خدودها احمرت بصت في الارض و فضلت تحرك ايدها ع بعض: اللي تشوفه يا بابي
رنيا بحب تطبطب عليها: مبروك يا بنتي
نضال: ع ما اظن قعدتنا ملهاش اي لازمه يالا نمشي
رنا كانت مبسوطه و حالتها النفسيه بقت كويسه ( يسلام ع احساس الحب الصادق).
عمرو نزل وصلهم لحد العربيه وركب رنا وفضل واقف قدام العربيه
فوزي: تعالى نوصلك في سكتنا
عمرو: هركب تاكسي اتفضلو انتو و اكيد هزوركم بليل، و بص ع رنا خلي بالك ع نفسك
رنا ابتسمت و هزت راسها ب ماشي
فوزي ركب عربيته و نضال قعد جنبه و رنيا و رنا قعدو ورا
عمرو بعد شويه عن العربيه و فوزي اتحرك
عمرو فضل باصص ع رنا لحد ما اختفت.
عند نايا
قعدت قدام الشط كانت في انتظر مكالمه منه لكن عدت الساعات و هي زهقت من الانتظاردموعها نزلت و تكلم نفسها: هو لو بيحبني كان سأل عليا كان اتصل تاني بيا، للدرجه دي مابقتش افرق معاك يا مهيمن للدرجه دي مهانش عليك تتصل تتطمن ع جرح ايدي، عيطت كتير انا فعلا هبله اذا كان مهمهوش جرح قلبي.
عند فادي
دانيه حضرت العشا و راحت تصحي فادي
دانيه تمسك خيط و تمشي ع وش فادي
فادي يلف نفسه
دانيه بمناغشه: حبيبي الكسلان
فادي فتح عينه رفع راسه باسها و حط راسه تاني ع المخده
دانيه: يالا عشان تاكل و نلحق.
عند نضال
اول ما دخل
ويزو: كنت فين كل ده
نضال بهزار: اسكتي مش انا كنت في مهمه
ويزو: ايوه اتأخرت ليه يعني
نضال: ما انا قولتلك كنت في مهمه
ويزو: و تتأخر ليه في المهمه
نضال: لمؤاخذه هبقى المره الجايه هقولهم استوب الجيم خلص او نوقف الجيم و نكمل بكره
ويزو: انت بتتريق عليا
نضال: ابدا يا وزتي انا بقولك اللي هيحصل المره الجايه
ويزو تقعد و تحط ايدها في وسطها: ها قتلت كام واحد
نضال بثقه: طحنتهم.
ويزو: اوعى يكون حد لمسك
نضال بهزار: حد يقدر ده كفايه اقولهم انك مراتي
ويزو: تعالى ناكل
نضال: لا ماليش نفس عايز انام
ويزو: و انا كمان مش هاكل نفسي اتسدت
نضال يروح ينام و ويزو تدخل المطبخ.
عند مهيمن
مهيمن يفوق فيتو يقوم يهوهو، مهيمن يركز و يقوم يقعد يمسك دماغه و يقف يدور ع تلفونه و يلاقي عدي يوم عليه محسش بالدنيا، لقه اللوا اتصل عليه كذا مره
اتصل بسرعه ع اللوا
اللوا يرد: مهيمن فينك من امبارح
مهيمن يضم حاجبه ع بعض: مش عارف حصل ايه امبارح و فضلت نايم كل ده ازاي، فيه اي جديد
اللوا بإيجاز: انا عرفت ان عزمي هيدخل صفقه فشينك و امرت بدخولها
مهيمن: تمام انا هقوم اخد دش، و هروح مشوار و هجيلك.
اللوا: لو عايز تاخد اجازه النهارده مافيش مشاكل
مهيمن: تمام لو فيه اي حاجه اتصل عليا و قفل و قام اخد دش و نزل اتصل ع نايا فونها مقفول
اتصل ع كرم: كرم فين نايا؟!
كرم: سيبها ترتاح يا مهيمن نايا تعبانه
مهيمن بحده: انا بقولك هي فين؟
كرم: مهيمن نايا اعصابها تعبانه ممكن تجرحك بكلامها
مهيمن يحز ع سنانه و يقول بعصبيه: يا كرم، نايا فين.
كرم: مع انها مش عايزه تشوف حد حاليا بس هقولك و انتو حرين مع بعض، موجوده في شاليه في استانلي
مهيمن قفل الفون و ركب عربيته و اتصل بالحرس يروحو الفيلا و راح ع استانلي.
عند نضال
كان نايم سمع حد بياكل، بص ل ويزو: مش انتي قولتي نفسك مسدوده
ويزو و هي بتاكل: ايوه ما انت لو كنت اكلت معايا كنت هعمل اكل و كده بس لما قولت لا عملت سندوتشات بس عقبال ما تصحى و ناكل
نضال بص ع الطبق اللي في ايدها كل ده و لسه هتاكلي، وزتي انا كنت غلطان لما قولتلك خسي كلي برحتك و اتخني كمان و كمان
ويزو بضحك: يا حبيبي اهم شئ النفسيه سيبك انت.
عند فادي
اخد دانيه و نزلو يتفسحو.
عند نايا
مهيمن وصلها لقاها واقفه قدام البحر حاضنه نفسها ملامحها حزينه سرحانه خالص
مهيمن يقرب منها يحضنها من ضهرها نايا تلف راسها تبصله و تبعد عنه
مهيمن بضيق: للدرجه دي مش طايقه المسك
نايا بصتله: جيت ليه
مهيمن: جيت ل قلبي اطمن عليه، ليه اخترتي البعد
نايا بوجع: اطمن لسه عايشه، اطعن فيا براحتك لكن خلاص مش هقدر اقرب تاني
مهيمن قرر يتكلم: نايا كل اللي حصل غصب عني.
نايا بصريخ و دموع: انك تتجوز غصب عنك.
مهيمن: يا نايا افهمي
نايا تقاطعه و بدموع: عايزني افهم ايه، بس بقى كفايه كذب، كفايه لعب بمشاعري عملت فيك ايه انا عشان تجرحني، كل ده عشان حبيتك حاولت استحمل اشوف واحدة غيري بتلمسك و تكون في حضنك، خلاص مش هقدر استحمل اكتر من كده، مش هقدر اكون في حضنك و اشم ريحة واحده غيري، انت شفت مني ايه وحش، اه سوري نسيت انا المجنونة اللي دايما منكده عليك عيشتك و فضلت تضربه ابعد بقى عني و سبني في حالي.
مهيمن مسكها من راسها و قربها حضنها سيطر ع حركتها و قال بحب: انتي المجنونة اللي خطفتي عقلي قبل قلبي، انتي الوحيده اللي دخلتي جوه حضني انا عمري ما فكرت في غيرك
نايا بصوت مبحوح و تزقه: بس بقى كفايه، انا مقدرش اشوف حد بيشاركني فيك، انا كنت كمان بغير من توتة بس لما حسيت انها بنتنا و اتكتبت ع اسمنا شلت الغيره دي، و انا لما قررت اقعد معاكم قعدت عشان اطفشها، بس دلوقتي صعب اطفشها
مهيمن باستغراب: صعب ليه؟!
نايا بدموع: ازاي عايزني احرم طفل من باباه، ازاي عايزني اسيب ابنك يتربى بعيد عن حضنك ازاي اخلي مراتك تفضل تحكي ل ابنك ان انا السبب انك تسيبهم
مهيمن يرفع حاجبه باستغراب و عدم فهم: ابن مين اللي بتتكلمي عنه ده
نايا بقهر و دموع: ابنك يا مهيمن من، مراتك، و تعيط اكتر ابنك اللي فضلت احلم يكون مني انا
مهيمن بهدوء: نايا بشويش كده فهميني تقصدي ايه
نايا بعصبيه: اقصد ابنك اللي في بطنها
مهيمن انصدم: انتي بتقولي ايه.
نايا بغيظ: هو ايه اللي بقول ايه؟
مهيمن بعدم تصديق: هي ديرو حامل؟
نايا بتريقه: هي مقالتش ليك
مهيمن بحده: انتي عرفتي منين الكلام ده
نايا ببرود: ممكن عايزه تثق في حبك ليها الاول
مهيمن دماغه لفت و كلم نفسه: يا بنت الكلب بتقرطسيني و بص ل نايا و قال بحزم: نايا انا لازم امشي و هرجعلك ع طول
نايا تزقه بعصبيه: امشي يا مهيمن روحلها تبقى تديني ميت جزمه لو عبرتك بعد كده.
مهيمن بحده: والنبي بلاش ام دماغك الناشفه دي اللي بتوديكي في داهيه
نايا بغيظ ضربته: طيب امشي بقى ما انت خلاص شبعت مني و انا اللي غلطانه
مهيمن: شبعت منك! انا عمري ما هقدر اشبع من شقاوتك ولا حلاوتك ولا عنادك ولا تحدياتك مسك دقنها و بص في عينها و قرب باس عينها و خدها و شفايفها و بصلها بحب، ساعه و هكون عندك مش هتأخر
نايا مسكت ايده شدته عليها و حضنته و قالت بصوت فيه دموع: متتأخرش عليا.
مهيمن بعدها: حاضر و لسه بيتحرك
شدته تاني و باسته ع خده
مهيمن حضنها جامد و سابها بسرعه و مشي شويه بص وراه لقاها بتعيط هو اللي رجع اخدها في حضنه جااامد و سابها و مشي و مرضيش يبص وراه تاني ركب العربيه
اتصل ع ديرو و بحده: انتي فين؟
ديرو بدلع: في البيت يا حبيبي
مهيمن: تمام و قفل الفون، و اتصل ع اللوا: سيادة اللوا فيه حاجه غلط وقف الشحنه بتاعة عزمي او فتشها كويس قبل ما تدخل
اللوا بتوتر: فيه حاجه حصلت.
مهيمن: هفهم و هفهمك كل حاجه و قفل و ساق بسرعه
اللوا قفل و اتحرك و اخد معاه فريق
في الميناو امر بتفتيش كل حاجه تخص فوزي و فعلا لقى الشحنه كلها سلاح حرزها
حاول يكلم فادي فونه مقفول اتصل ع نضال مابيردش اتصل ع عمرو
عمرو: باشتنا
اللوا بجديه: اتحرك ع المركز حضر نفسك في مهمه
عمرو كان مرتب نفسه يتقدم ل رنا النهارده و قال بضيق: تمام سيادتك بلاها خطوبه و اتصل ع فوزي اعتذر منه و قاله عندي مهمه.
فوزي: ربنا معاك يابني اول ما ترجع طمني عليك
عمرو: ان شاء الله، كان نفسه يسمع صوت رنا بس احرج يقول ل فوزي و قال سلملي ع مدام رنيا و رنا
فوزي: ان شاء الله يوصل
عمرو قفل و راح المركز.
عند فريده
في اوضة نومها
شادي ينام جنبها و ياخدها في حضنه: فافا تعالي نروح نطمن ع البيبي
فريده بتعب: حبيبي اطمن هو كويس جدا
شادي: حبيبتي مافيهاش حاجه لما نطمن
فريده تحضنه: حبيبي هيعمل عليا دكتور، و يباشر شغله عليا و بضحك هو صحيح لو كل واحد حب يعمل شغلته في بيته تفتكر هيحصل ايه
شادي بضحك: تعالي لما اقولك هيحصل ايه.
عند بيت مهيمن
يفتح الباب ويقول بحده: انتي حامل
ديرو تحط ايدها ع بطنها و تضحك ضحكة رخيصه
مهيمن يمسك ايدها جامد: ردي عليا
ديرو تضحك اكتر و تقول بمياصه: ايدي يا هيمو
مهيمن بنرفزه: اقسم بالله لو طلعتي حامل، و فجأه واحد دخل الشقه و ضرب مهيمن ع راسه بحاجه حاده وقع ع الارض شاله و نزلو بيه.
اللي بيراقب ديرو بلغ اللوا ان مهيمن كان فيه ناس شايلينه
اللوا امر بمتابعة العربيه.
عند ديرو
تمسك فون مهيمن بإيد مرتعشه اللي وقع منه و تتصل ع اخر رقم و بدموع: نايا الحقيني في ناس دخلو عليا الشقه ضربو مهيمن فقد الوعي اخدوه و نزلو
نايا بصدمه: انتي بتقولي ايه يا وش النصايب انتي
ديرو بدموع: يا نايا مش وقت الكلام ده الحقي مهيمن سمعت واحد بيقول هاتوه ورايا ع .
نايا بقلق ع مهيمن: خلاص هروح و قفلت حاولت تكلم فادي فونه مقفول تكلم نضال مش بيرد.
دخلت بسرعه الشاليه اخدت السلاح و وقفت تاكسي وقالتله ع المكان
اللي بيراقب العربية اللي اخدت مهيمن اتصل و قال للوا ع مكانه
اللوا بعتله قوه و كان معاهم عمرو و مقدم.
عند مهيمن
كان بيفوق بيحاول يجمع الرؤيه ناس كتير واقفه بس مش قادر يحدد ملاح بيقفل عينه و يفتحها عشان يقدر يشوف كويس.
نايا وصلت المكان و دخلت بحذر
حرس يميل ع واحد: اهي وصلت
مهيمن اخيرا جمع الرؤيه لقه اتنين ماسكين نايا
مهيمن بنار في جسمه و بصوت عالي زي الرعد: انتي ايه اللي جابك هنا
نايا بصتله و لسه هتتكلم
بنت تطلع تقف ع حاجه عاليه لبسه شرط اسود جلد و شميز ضيق جدا اسود و حطه ميك اب غامقه جدا حتى الروج اسود و عينها متحدده بالاسود ملامحها شرسه تقول بدلع: انا يا ميهو، مهنتش عليا تكون لوحدك.
نايا بصتلها الصوت هو لكن الشكل متغير تماما طريقة بصتها بصة ثعلب مكار و تقول بصدمه: ديرو
ديرو بضحكت شر: ديرو مين يا حلوه و بصت ل مهيمن متستغربش اني كشفتك، اصل غبائك اللي كشفك يا سيادة المقدم المبجل، انا يا عم الذكي بنت بنوت مكنتش احسبك بالغباء ده، للدرجه سايبني زي منا بس واقعة الشاطر بفوره غلطه صغيره منك كشفتك
فلاش باك
الدكتوره: انتي متجوزه
ديرو بثقه: اها
الدكتوره باستغراب: مستحيل.
ديرو ذكيه جدا جابت ورقه للدكتوره و شاورتلها تكتب كل حاجه ع الورق
الدكتور مسكت القلم و كتبت انتي لسه بنت بنوت.
ديرو اخدت الورقه و راحت الفيلا اول ما دخلت ورت ل مامتها و باباها الورقه و كتبت ع ورقه هات جهاز يفتش هدومي عشان شاكه ان مهيمن حاطت حاجه في هدومي و بالفعل جابو جهاز و من غير ولا كلمه الجهاز كشف ان كل قطعه لبساها حتى في شعرها محطوت في توكه لبساها مايك صغير قد حبة العدس ديرو طلعت قلعت هدومها بالكامل و فكت التوكه و قالت بصوت عادي جنب الميك ماما انا تعبانه هنام شويه و نزلت سابت الاوضه.
عزمي: ده انا هولع فيه و فيه عيلته كلها انا يلعب بيا و انا اقول هو اتحايل عليا ليه عشان يتجوزك مع ان المفروض انا اللي باعتك ليه عشان انتي اللي تراقبيه
ديرو: اهدى يا وحش مهيمن اكيد كان يعرف ان انا بعمل عليه تمثيليه عشان يتجوزني و اراقب حركاته ف انتهزها فرصه الغبي و قال يبقى تحت عيني حد منهم و بالمره اراقبهم و اديهم الثقه و ساعة الشحنه اللي بجد يقبض عليك بس طلع متخلف و سابني زي منا، انا بقى هقتله.
عزمي بهدوء: ولا هنقتله ولا هنعمل اي حاجه هنكمل اللي ابتديناه
ديرو: ازاي و هو كشفنا و عارف ان انا معاكم
البرنس يقعد بارتياح: انا هاسمعه اللي احنا عايزينه يسمعه عادي جدا عشان ميشكش في حاجه، اما الكلام عن الشحنه اللي بجد هتقلعي كل حاجه و نتكلم و ساعتها احنا اللي هنتحكم يسمع ايه و ميسمعش ايه
مرات عزمي: دماغك تتاقل بالدهب
بااااك
ديرو تبص ل نايا: عرفتي انا مين.
نايا فهمت كل حاجه و عرفت ليه كان بيحضرلها هدومها و عرفت ليه مكانش بيوافق يسب توتا معاها، تبص ل مهيمن بأسف
ديرو تبص ل نايا بشر: و احب اعرفك انا اللي هقبض روحك ناو و بترفع مسدسها و بتنشن ع نايا مهيمن قام بسرعه و وقف قدامها و اخد الرصاصه في قلبه
نايا برقت و مسكته وقع قدامها ميلت عليه و من الصدمه تنحت.
مهيمن رفع ايده ضربها جامد ع وشها يفوقها ل نفسها و يقول بحروف متقطعه و هو بيجيب دم من بقه: نايا فوقي و كوني قويه زي ما عودتيني، انا واثق انك هتقدري تسيطري ع الموقف مش عايزك تضعفي اكيد في فرقه هتجيلك و بصلها اووي لحد ما عينه قفلت، نايا فضلت دقيقه متتحركش مش قادره تستوعب اللى حصل.
عزمي يقول بعصبيه: طول عمرك متسرعه بتقتليه ليه ازاي هعدي الشحنه دلوقتي
ديرو بثقه: متقلقش و بصت ل نايا يا حرام قلب قلبك مات تؤ تؤ تؤ والله زعلت عليه كان نفسي اخلص منك انتي الاول و احرق قلبه بس مش اشكال هو راح انت قلبك اتحرق و اهو نعدي الشحنه و نخلص منك انتي كمان
نايا ترفع راسها و تبصلها بحده و تقفل عينها جامد و تبص ل مهيمن و تنزل راسه ع الارض و تقف زي النمر الجريح و تبص ع المكان كويس.
ديرو تنزل و تقرب من نايا و تحط ايدها ع خد نايا تمسح دموعها بشماته
نايا بقوه تمسك ايدها و تلوحها ورا ضهرها و ترفع رجلها تطلع مسدس و قالت بصوت قوي: احب اعرفك انا بقى ع نفسي لقبي المدفع يعني احب اطمنك محدش هيلاقي في جسمك قطعه سليمه و بصت ع ام ديرو لقتها خايفه ع بنتها و عزمي متوتر.
نايا حست موقفها قوي و محدش هيقدر يقربلها طول ما ديرو معاها و بصوت عالي: لو عايزين الكائن اللزج ده اتصلو ع الشرطه و خليها تلحقها من ايدي
عزمي بخوف ع ديرو: هعمل اللي انتي عايزاه، بس اوعي تعمليلها حاجه
مامت ديرو بصت ع بودي جارد و غمزتله نايا اخدت بالها و لفت قتلت بسرعه نشنت ع اللى غمزتله و قالت بحزم: لو خايفه ع بنتك اوعي تتصرفي بتهور تاني
مامتها هزت راسها ب ماشي.
و في ثانيه فنبلة غاز اترمت في المكان ديرو زقت نايا جامد و طلعت تجري
نايا كتمت نفسها و لقت ضرب نار جامد و سمعت صوت عمرو الكل يسلم نفسه
نايا اطمنت ميلت ع مهيمن و بعدته عن ضرب النار و لقت عسكري: طلع مهيمن بره
العسكري حاول يشيله لحد ما لقى عسكري تاني شالوه و طلعوه بره.
اللوا كان بره اول ما شاف مهيمن جري عليه و قال بحزن: مهيمن لا مستحيل تموت، قوم يا مهيمن قوم يا بطل، انت ابني اللي مخلفتهوش انت كنت كل حاجه ليا
اسعاف اخدت مهيمن من اللوا و اتحركو بيه.
عند نايا
طلعت من نفس المكان اللي ديرو طلعت منه لقتها بتلم ورق
ديرو شافت نايا سابت كل حاجه و جريت ناحيت اسانسير و فضلت تدوس بسرعه عشان يقفل
نايا جريت بسرعه و حطت رجلها و دخلت
ديرو بخوف: انتي لو قربتي ليا هموتك
نايا ابتسمت ابتسامة حزن و تقرب منها: و انتي كده مش موتيني
ديرو طلعت مسدس: ابعدي عني احسنلك
نايا مسكت ايد ديرو وقعت من ايدها المسدس.
الاسانسير وقف ديرو طلعت تجري في طرقه طويله، نايا فضلت تمشي بقوه و ثبات
ديرو وصلت للاخر ملقتش حته تروحها
نايا قربت ليها ضربتها بالبوكس
ديرو وشها طار و لفت بسرعه ضربتها
و فضلو يتخانقو نايا وقعت ديرو في الارض و فضلت تخبط راسها ع الارض
ديرو جمعت قوتها و لفت بيها و طلعت مطوه من هدومها و فضلت تقربها ع رقبت نايا.
ونايا تحاول تبعد ايدها لكن مقدرتش لحد ما المطوه وصلت رقبت نايا و بتدخل في جلدها، رصاصه اضربت في ضهر ديرو وقعت ل ورا
نايا قامت راحتله لقت عمرو زقها جامد وضرب رصاصه دخلت قلب ديرو وقعتها في الحال لكن ديرو كانت ضربت رصاصه و في نفس الوقت و دخلت كتف عمرو و وقع.
نايا بهستيريه: لاء، مش كلكم تموتو بسببي و صوتت
عمرو قام: نايا دي في كتفي
نايا بدموع و حزن: مهيمن مات يا عمرو
عمرو بصدمه: انتي بتقولي ايه؟
نايا تنهار: ضربته قدام عيني، اخد الرصاصه بدالي، انا اللي موته يا عمرو، انا عمري ما هسامح نفسي
عمرو: اهدى يا نايا و سيطر عليها و نزلو
كان اتقبض ع الكل
اللوا قرب من نايا: اهدي يا بنتي
نايا بصويت: هو مهيمن فين، ودتوه فين، انا عايزه اشوفه.
اللوا مسكها: تعالي يا نايا اركبي العربيه
نايا بدموع: لا انا عايزه مهيمن مش همشي من غيره
اللوا: تعالى هنروح عنده
نايا ركبت عربية اللوا و فضلت تعيط و ذكرياتها مع مهيمن فضلت تمشي قدام عينها افتكرت كل لحظه مجنونة معاه
عيطت اكتر
اللوا حط ايده ع ضهرها طبطب عليها
لحد ما وصلو المستشفى الشرطه راحو من ناحية التلاجات
دكتور شافه: سيادة اللوا ازي حضرتك
اللوا بحزن: تعرف مهيمن فين؟
الدكتور باستغراب: انتو جايين هنا ليه كابتن مهيمن دخل العمليات
نايا تبصله و بفرحه: احلف
الدكتور باستغراب: انتي فرحانه فيه
نايا بهزار: لا فرحانه بيك و طلعت تجري عند اوضة العمليات نادت ممرضه: لو سمحتى مهيمن في انهي اوضه
الممرضه شاورتلها
نايا راحت جنب اوضة العمليات و فضلت تقرأ قرأن بعد خمس دقايق عمرو كان طلع الرصاصه وراحلهم و اللوا بعت دكتور اوضة العمليات يطمنهم.
الدكتور دخل عرف حالة مهيمن و طلع ليهم و قال بعمليه: كابتن مهيمن محظوظ كتير، واحد في المليون قلبهم بيبقى رايح ناحية اليمين بسبب الطول الزياده و ده اللي انقذه
نايا: طيب هو عامل ايه
الدكتور بعمليه: الرصاصه دخلت في القفص الصدري و الدكاتره شغلين بمجهود عالي معاه و ان شاء الله خير
نايا قعدت ع جنب وفضلت تقرأ قرأن
فادي و نضال عرفو راحو المستشفى حتى كرم عرف و راحلهم و الكل كان بيطمنها عليه.
فضلت 3 ساعات في قلق و توترلحد ما طلع و دخل العنايه المركزه
الدكتور اللي عمله العمليه: هي الحاله مستقره، الكابتن ساعدنا كتير حارب الموت بقوه و الحمدلله بفضل من ربنا اولا و من قوته قدرنا نعمله العمليه بنجاح
نايا تمسح دموعها: لوسمحت هيفوق امتى
الدكتور: ممكن بعد ساعتين بس هيفضل في العنايه لحد 48 ساعه
نايا: ممكن ادخله
الدكتور: ممنوع
نايا: بالله عليك مش هتعبه ولا هتكلم خالص.
اللوا: بعد اذنك خليها تدخله دي مراته
الدكتور: انتي نايا
نايا هزت راسها ب اه
الدكتور: مهيمن كان بيتحدا الموت عشانك، كان بيقول اسمك و قال كلام كتير و كان بيقول سامحيني
نايا عيطت: بليز عايزه اكون جنبه
الدكتور وافق بس دخلها اوضة التعقيم و لبسها هدوم متعقمه و دخلها ليه
اول ما دخلت لقت مهيمن في وسط اجهزه كتير قعدت ع كرسي فضلت تبصله
كانت ملامح وشه بتتغير و قال بصوت واطي نايا.
نايا قربت وشها ليه و مسكت ايده: روحي انا جنبك اطمن عليا، حبيبي انا اسفه اني بعدت عنك، انا اسفه اني صدقت حاجه عليك، سامحني يا روحي
مهيمن كان حاسس بنفسها لكن هو في عالم تاني.
يوم جديد
عند فريده
شادي بجديه: بصى بقا مهما تقولي هنروح يعني هنروح
فريده: يا حبيبي قلقان ليه بس
شادي يحضنها: مش قلقان، بس اي واحده حامل لازم تتابع مع دكتور
سوسن: اسمعي كلام شادي، لازم المتابعه
فريده تحضن شادي: فك التكشيره دي خلاص هروح
شادي ابتسم: كده افكها
فريده مسكت خده: حبيبي انت
و دخلت الاوضه حست بمغظ جامد حولت تلبس و هي طلعه وقعت اغم عليها
شادي جرى عليها شالها و نزل بيها المستشفى.
سوسن اتخضت و قلقت عليها.
في المستشفى
الدكتور كشف عليها و اخد منها دم و عمل اشاعات
شادي راح للدكتور
الدكتور بصله ب اسف: شادي انا واثق انك قوي و.
شادي قاطعه: قول فيه ايه انا كده قلقت اكتر
الدكتور: بصراحه شاكك فيه حاجه
شادي فونه رن لقه الدكتور بتاع المالديف و يرد بقلق: الو
قاله كلام بمصطلح طبي
شادي قلبه دق بسرعه و عينه دمعت و نزل الفون من ع ودنه و بعين لمعه بالدموع و بص للدكتورو قال بحزن: طلع حقيقه مش شك.