رواية معشوقتي المجنونة ج2 للكاتبة ابتسام محمود الصيري الفصل السابع والعشرون
شادي يقعد بتوهان كل احلمهم بتروح قدام عينهم
الدكتور: لازم يا شادي العمليه تتعمل في اسرع وقت
شادي بتوهان: لازم تعرف
الدكتور بعمليه: فريده عندها كانسر و لازم تشيل الرحم قبل ماينتشرش في جسمها كله
شادي مابقاش عارف يتكلم
الدكتور: شادي انت دكتور ممتاز و اتعلمت في امريكا يعني عندك خبره قويه لازم تنقذها
شادي قام بضعف و طلع ل سوسن، لقاها دخلت ل فريده مسح وشه و دخل و بابتسامه مصطنعه: وردة حياتي عامله ايه.
فريده بتعب: الحمدلله و مسكت ايده و بصتله، حبيبي مالك ايدك ساقعه و عينك عماله تروح و تيجي
شادي يتصنع القوه: مافيش بس كنت قلقان عليكي
سوسن: الدكتور قالك ايه
شادي بصلها مبقاش عارف يقولها ايه و هز راسه بحزن: الحمدلله
سوسن بتوتر: حبيبي فيه ايه
شادي تماسك اعصابه: مافيش يالا عشان ننزل و قرب ل فريده ساعدها و نزلو ركبو العربيه.
فادي عرف ب اللي حصل ل مهيمن راح هو و دانيه و اتصل ع شادي يطمنهم اكتر ع حالته
شادي رد و كان مش مركز و سرحان في حالة فريده اللي قاعده جنبه و في حضنه: الو
فادي: شادي معلش هتعبك كابتن مهيمن اخد رصاصه في صدره
شادي بتركيز: طيب حد طلع الرصاصه
فادي: اه و هو في العنايه، بس عايزك تطمنى اكتر عليه
شادي: مستشفى ايه؟
فادي: الشرطه
شادي: ربع ساعه و هكون عندك و قفل معاه.
فريده شالت راسها من صدره و بصتله: في ايه يا حبيبي؟
شادي بزعل: مهيمن اتصاب هنروح نطمن عليه
فريده بزعل: لا حول ولا قوه الا بالله، طبعا يا حبيبي لازم نروح، يا حبيبتي يا نايا زمانها منهاره.
عند مهيمن
نايا بدموع: قوم يا مهيمن، انا واثقه انك قوي مش هتستسلم للموت بسهوله، اكيد مش هتسبني، مهيمن قوم يالا انا ضعيفه جدا من غيرك، خلاص صدقتك اني ضعيفه، قوم يا حبيبي عشان تكون حماية مجنونتك
مهيمن حاول يفتح عينه بتعب بصلها و ابتسم و ضم ايدها
نايا مسحت دموعها و بصتله اووي: وحشتني
مهيمن قال بهمس: ب ح بك يا مج نو ن تي
نايا بفرحه: حبيبي حمدلله ع سلمتك
مهيمن بتعب: احضنيني.
نايا بصت ع صدره اللي كله اجهزه و شاش: اخاف اتعبك
مهيمن بحب و وصوت متقطع من التعب: بع دك عن ي هو ال تعب
نايا قامت حضنته مهيمن رفع ايده و ضمها جامد و قال بهمس ف ودنها: اوعي تبعدي عني لحظه
نايا تمسح دموعها: انا اللى مش هسمحلك تبعد عني مهما حصل
مهيمن بتعب: نايا جوازي من ديرو كان مهمه...
نايا تقاطعه: حبيبي انا فهمت كل حاجه متتعبش نفسك.
مهيمن: لازم تسمعيني، كنتي دايما تسألي ليه بتخاف عليها و تزعقلي انا و تيجي عليا، انا كنت خايف عليكي منها، كنت بثبتلها اني واثق انها طيبه و بوريها اني اخدتلها حقها عشان متقربش ليكي، قلبي انا كان كل خوفي عليكي انتي و بس
نايا باسته ع صدره: انا اسفه يا حبيبي
مهيمن: انا اللي اسف يا قلب قلبي وجعتك و تعبتك، حط ايده ع شعرها، بس انتي زودتي حبك في قلبي انتي احتلتيني يا نايا انا ملكك انتي بس.
نايا بصتله: يا قلب قلبي انت روحي و عمري منحرمش منك ابدا يا اماني و حمايتي يا سبب فرحتي يا اول حب يدقله قلبي
مهيمن باس راسها: انتى قاعده ليه بعيد تعالي جنبي
نايا: حبيبي مافيش مكان
مهيمن تعالي نامي ع دراعي
نايا: يا حبيبي انت تعبان
مهيمن: و لو قولتلك انا هبقى كويس
نايا طلعت ع السرير و كانت نايمه ع شبر و مهيمن مسكها بأيده فضل يبصلها و قرب من شفايفها
نايا تجاوبت معاه و نسو انهم في عنايه مركزه.
شادي قابل الدكتور اللي عمل العمليه و عرفه ب نفسه و دخلو لي مهيمن، اول ما دخلو بصو في الارض و طلعو
فريده باستغراب: حبيبي طلعت ليه؟ هو عامل ايه
شادي بصلها و غمزلها: اصل صاحبتك اللي زعلانه عليها طول السكه منهاره فعلا جوه و ضحك
فريده فهمته و ضحكت: احنا منضيعش وقت
دانيه بدون فهم: البنت منهاره و انتو بتضحكو عليها
شادي بضحك: سيبيها متشغليش بالك بيها.
عند مهيمن
نايا بإحراج و وشها يحمر كله: يالهوي، يقولو علينا ايه
مهيمن يبتسم ابتسامه كامله و يبان نغزاته: ميهمنيش يقولو ايه انتى مراتي حبيبتي، و ثم خدي هنا انتى اهو بتتكسفي و وشك بيحمر امال مالك بتتبلطجي عليا ع طول ليه
نايا بكسوف: بس بقى متهزرش اطلع ازاي دلوقتي
مهيمن رن الجرس: و تطلعي ليه لما هما ممكن يدخلو تاني
الممرضه قالت للدكتور ان مهيمن رن الجرس راحله و دخل معاه شادي.
نايا بإحراج لسه هتطلع مهيمن مسك ايدها: اوعي تسيبيني
نايا اتكسفت اكتر من حركته قدام الدكتور و شادي
شادي كشف ع مهيمن: حمدلله ع سلامتك يا كابتن ماشاء الله نبض قلبك كويس جدا و الجرح و الخياطه كويسين
مهيمن: الله يسلمك، ممكن اخرج امتى
شادي بعمليه: ممكن تتحول بعد ما تكمل 48 ساعه اوضه عاديه
مهيمن: اقصد اطلع من هنا خالص
شادي: ما اظنش قبل 15 يوم ع الاقل
مهيمن: سيبك من كلام الدكاتره، انا بتعب من المستشفى.
شادي: انا هتابع حالتك مع الدكتور و اول ما هلاقيك كويس هخليه يكتبلك خروج
مهيمن: تمام
الدكتور و شادي طلعو
مهيمن بص ل نايا: فين ماما
نايا: حبيبي انا قلت محدش يقولها غير لما تفوق
مهيمن ابتسم و باس ايدها: احسن حاجه عملتيها، كلميها عايز اشوفها هي و مريم
نايا هزت راسها: ماشي يا حبيبي هطلع اكلمها
شادي طلع طمنهم
نايا طلعت لقت دانيه و فريده حضنتهم
و بصت ل كرم: كلم طنط و مريم
كرم: هروح اجيبهم لو عوزتي اي حاجه كلميني.
نايا: منحرمش منك يا كرم
اللوا و نضال و فادي و عمرو دخلو اطمنو ع مهيمن و طلعو ع طول
نايا دخلت ل مهيمن قعدت معاه
الممرضه دخلت تعمل حاجات ل مهيمن و كانت بتعملها بسهوكه، نايا اتنرفزت من قربها ليه اووي قامت اخدت من ايدها القطن و الشاش: عنك يا سكر انا هعمله جرح راسه
الممرضه: يا انسه ماينفعش ده شغلي
نايا ترفع شفتها اللي فوق و ترفع حاجب: انسه! و بالنسبه للكابتن ده مش مالي عينك.
الممرضه بصدمه: هو انتي مراته، و بصت ل مهيمن اصل مش باين عليه انه متجوز
نايا بغيظ: و الله، طااه اهدى بقى ع نفسك اديكي عرفتي انه متجوز
مهيمن كان بيبصلها و متنح
الممرضه بغيظ طلعت
نايا مسكت راس مهيمن و فضلت تعمله الجرح جامد
مهيمن يغمض عينه من الوجع: يا مجنونة البنت عملتلك ايه
نايا عملت اجمد: كل المحن و السهوكه دي و عملتلي ايه، و انت زي القمر كده في جميع حالاتك
مهيمن ضحك: نايا راسي هتطلع في ايدك.
نايا بنرفزه: تحب اجيبلك المسهوكه تعملك بحنيه يا حونين
مهيمن بضحك: شكلها مش قد كده، لو فيه اجمد منها تمام
نايا ضربته ع كتفه: ماشي يا مهيمن انا همشي و دخل اللي يريحك يا رخم
مهيمن مسك ايدها: بموت فيكي و انتي متعصبه يا قرده يا مجنونة.
عند عمرو روح
و اتصل ب فوزي انه هيقابلهم تاني يوم.
عند بيت حنان
كرم بهدوء: ازيك يا ست الكل
حنان: بخير يا حبيبي اتفضل
كرم دخل: ماما مهيمن تعبان شويه في المستشفى
حنان بخضه: ماله يا كرم
كرم: والله كويس
مريم طلعت من الاوضه و بدموع: كرم ابيه ماله ده مش بيقعد في المستشفى ثانيه لو فعلا كويس
كرم: مهما اقول مش هتصدقى انه كويس تعالى اطمني عليه بنفسك
مريم و حنان دخلو غيرو و نزلو مع كرم.
عند شادي
راح ع فيلته
سوسن: حبيبي بعد اذنك روحني صدقني مش هقدر اقعد بعيد عن شقتي
شادي بحزن: طيب تعالي اقعدى معانا يوم حتى ع الاقل
سوسن: ماشي يا شادي
فريده فرحت و حضنتها
كان فيه بنت بتشتغل في الفيلا و بنت بتعمل الاكل اول ما دخلو استقبلوهم و فريده و سوسن حبوهم
فريده: عمري هطلع اخد شور
شادي: اووك
فريده طلعت
شادي قعد جنب سوسن و بالم و حزن: ماما، انا لازم اقولك ع حالة فافا
سوسن بقلق: مالها يا حبيبي.
شادي بعين لامعه بالدموع: فريده عندها ورم خبيث ولازم الرحم يتشال في اسرع وقت
سوسن بخضه: يالهوووي يا بنتي، شادي اعملها العمليه بسرعه بنتي اهم عندي من اي حاجه، مش هتبقى ضحيه للمرض زي ابوها
شادي بحزن و يمسك دموعه: و انا كمان فريده اهم عندي من نفسي، ماما اتمنى انك تكوني جنبها ومتمشيش
سوسن بدموع: امشي و اسيب ضنايا، فريده دي بنت قلبي
شادي يمسح دموع سوسن و يطبطب عليها: ماما مش عايز فريده تحس ب حاجه.
سوسن بحزن: اطمن يا بني، بس لازم تعرف
شادي بوجع في قلبه: هحاول اقولها
فريده تنزل ع السلم: بتنمو ع مين قفشتكم
شادي ياخد نفس و يسيطر ع صوتك يحمحم و يقول: بقنع ماما تقعد معانا
فريده بشقاوه: مامتي دخول بيت شادي مش زي خروجه، انسي انك تطلعي من هنا
سوسن: خلاص استسلمت و هقعد معاكم يا شقيه
فريده بفرحه و تتنطط: هييييه و مره واحده جالها مغص ميلت مسكت بطنها
شادي قام بسرعه سندها و قعدها و راح جابلها برشام يهدي المغص.
فريده تبص ع البرشام: حبيبي انا اعرف انه غلط اخد اي نوع دوا و انا حامل
شادي بكذب: النوع ده عادي بيهدي المغص
فريده اخدت البرشام و اخدت منه المايه
شادي شالها: بعد اذنك يا ماما البيت بيتك و طلع ب فريده اوضتهم
فريده بحب مسكت رقبته: مش ملاحظ انى مغيرتش
شادي يضم حاجبه: مغيرتيش ليه
فريده بمشاكسه: هو انت كنت عايزني ادخل الاوضه اول مره من غيرك
شادي باسها و قال: اه يا شقيه.
فريده ضحكت و حضنته اول ما دخلت بس نزلني هنا
شادي نزلها
فريده راحت ل دولابها و فتحته: تعالى اختار معايا حاجه البسها
شادي حضنها من ضهرها و فضل يبص معاها و هي بتقلب في اللانجري
شادي بص ع واحد: ده كويس
فريده تمسكه بقرف: ده
شادي هز راسه ب اه
فريده بمشاكسه سابته تاني في الدولاب و مسكت واحد غيره: حاضر هلبسه و ضحكت
شادي ضحك ع شقاوتها.
عند مهيمن
مامته وصلت دخلت اطمنت عليه
مهيمن اول ما شافها مسك ايدها و باسها و مريم ميلت عليه باسته
قعدو معاه عشر دقايق و الدكتور طلعهم.
عند فادي
دانيه بزعل ع مهيمن و نايا: البت نايا دي مش مكتوبلها تفرح ابدا
فادي: نايا قربها من مهيمن بيسعدها و ان شاء الله الايام مابينهم بعد كده هتبقى احسن
دانيه: يا رب يا فادي
فادي: بس ايه رأيك في الفسحه
دانيه بضحك: كنت هتولدني يا مجنون حد يركب واحده حامل ملاهي
فادي بضحك: بمرجحك انتي و ابنك
دانيه بضحك: اخيرا ابنك بطل خبط في بطني و نام.
فادي: الراجل عمال يقول عايز اتفسح بالذوق، لحد ما زهق منك و بقى يرفص و اول ما تفسح اتبسط و نام
دانيه: تبقى تفسحه ع طول عشان يهدى عليا
فادي ميل ع بطنها: اعمل اللي انت عايزه ياض
دانيه تحط ايدها في وسطها: بقى كده والله ل اجيب بنوته و نبقى عليكم
فادي بضحك: كفايه علينا بلوه واحدة
دانيه: بتقول ايه!
فادي يمثل الخوف: بقول عجوه جميله زيك
دانيه زقته: ماشى يا سقيل و دخلت اوضتها
فادي دخل وراها.
دانيه تمثل الزعل: ع فكره زعلانه منك
فادي زقها ع الحيطه: لا اوعي تزعلي و باسها
دانيه: بردو زعلانه
فادي قرب ليها اوووي.
عند فريده
كانت نايمه حست بنفس شادي قريب من وشها فتحت عينها، لقت شادي بيبصلها و عينه كلها دموع
فريده باستغراب و خضه: مالك يا حبيبي
شادي قام من ع السرير مسح دموعه
فريده راحت وراه: حبيبي مالك
شادي بصلها و حضنها و قال: انا لو يوم حصل فيا حاجه و هتمنعنا نكون اب و ام هتعملي ايه
فريده بدون فهم: يعني تقصد ايه.
شادي قعد و قعد فريده جنبه و بصلها: يعني انا لو عندي مشكله و لازم اعمل عملية و هتمنعنا من الخلفه و لو معملتهاش انا هدمر و هموت و في كلتا الحالتين انا ميت و مش هتمتع ب ابني حتى لو جه
فريده بنرفزه و دموع: شادي انت بتقول ايه، انا اهم حد عندي انت ميهمنيش حد غيرك انت اساسي في حياتي، انا طبعا هختارك انت
شادي يمسح دموعها و يحاول يقولها الحقيقه: و لو قولتلك انتي كمان لازم تشيلي الرحم قال كلماته بصعوبه.
فريده بصتله و باستغراب: رحم ايه اللي اشيله
شادي مسك ايدها: حبيبتي، لازم تعملي عمليه و تشيلي الرحم بكره
فريده ب احساس امومه غالب عليها: انت بتقول ايه انت عايز تقتل ابني لا طبعا مستحيل و تمسك بطنها، انا عمري ما اقتل ابني لو التمن حياتي
شادي بحب: و انا لا يمكن استغنى عن الاصل عشان صوره
فريده تقوم و تقول بحده: شادي الكلام منتهي في الموضوع ده.
شادي يقوم: اسف يا حبيبتي عشان هو فعلا منتهي و مش هضحي بيكي ل اي سبب انتي بتكمليني، انا من غيرك هدمر يعنى ولا انا ولا انتي هنعيش للصوره نجيبه ليه و نعذبه في الدنيا من غيرنا
فريده بصراخ: شادي انا مستحيل استغنى عن ابني و مش هحرم نفسي اني اكون ام حتى لو يوم واحد
شادي بهدوء: ما انتى كنتى هتحرمي نفسك لما انا قولتلك مش هخلف.
فريده: بس ده في بطني حسيت بيه و حس بيا مستحيل اعمل اللي انت بتقول عليه و ب انهيار مستحيل يا شادي و تقع يغم عليها
شادي شالها و صحى سوسن و نزل ع المستشفى
سوسن بدموع: هتعمل العمليه خلاص
شادي كل دمعه تنزل من عينه يمسحها: لازم يا ماما
سوسن: يعني مافيش خطر ع حياتها
شادي: ان شاء الله لأ
وصل المستشفى و بلغ يحضرو اوضة العمليات
الدكتور: شادي انت كويس في الجراحه اللي زي كده ادخل اعملها.
شادي بخوف ع وردة حياته و الم و خوف عليها لما تعرف: مستحيل اقدر اجرحها، مش هقدر، انا واثق فيك
الدكتور: لازم تقوى يا شادي فريده محتجالك، محتاجه لدكتور شادي الخبير في الجراحه اللي هينقذها، اللي لازم يكون واثق في خبرته، انسى اللي هتعملها العمليه دي حبيبتك ومراتك افتكر بس ان اللي قدامك حالة حالتها خطر لازم تنقذها.
شادي قام غير هدومه و دخل اوضة التعقيم، دخل اوضة العمليات بيحاول يركز انها حاله و محتاجه مساعدته ولازم ينقذها، ويبص يلاقي فريده نايمه متبنجه يميل عليها يبوسها ع راسها ويقولها: اسف ياوردتي عشان بحبك لازم اضحي بابننا انتي حياتك عندي اهم من العيال سامحيني لما تفوقي يا حبيبتي
الدكتور: شادي الحاله جاهزه انت جاهز؟ خلي شادي الطبيب هو اللي يتصرف
شادي واقف ودموعه علي وشه.
و يبص للدكتور بقوه: انا جاهز يادكتور استعنا بالله، عمل العمليه متناسي ان المريضة تكون حبيبته ويغلب الطابع المهني عليه، يمسك المشرط ب ايد مرتعشه فضل يفتح و يحس بدوخه كل ما دمها يطلع اتماسك لحد ما فتح بطنها حاول يشيل الورم، لكن لقى الرحم كله مدمر فتح الرحم شاف ابنه كان حاتت لحمه صغيره مسكه ب ايده طلعه ع قطن دموعه نزلت
الدكتور حاول يديلو قوه: كمل يا شادي.
شادي بص للممرضه مسحت دموعه و كمل شال الرحم و شال اي ورم في المكان اتأكد ان مافيش اي حاجه تاني ساب المشرط و مسك الخيط عشان يخيط مقدرش يمسك نفسه وقع اغم عليه
الدكتور: حد يشيله بسرعه يفوقه و مسك الخيط و خيط فريده
سوسن بره كانت قلقانه اتصلت ع دانيه تكون معاها
دانيه اول ما وصلت حضنت مامتها: اهدي يا ماما و فهميني اختي مالها؟
سوسن قالت ل دانيه.
دانيه اتأثرت و فضلت تعيط فادي فضل يطبطب عليهم: يا جماعه اهدو ماينفعش كده فريده ماينفعش تشوفكم كده، و غير كده يا دانيه عيالك هما عيالها
دانيه تمسح دموعها: اختى صعبانه عليا، فريده بتحب الاطفال اووي
فادي: ربنا كريم يا دانيه ما بيعملش حاجه وحشه
سوسن بوجع: و نعمه بالله
فريده طلعت ع اوضة افاقه ل حد ما اثر البنج ابتدا يروح، يخرج معاها شادي وحالة التعب باينه عليه
تجري سوسن تلاقي عينه حمرا من اثر الدموع.
سوسن بدموع: بنتى عامله ايه
شادي بصوت ضعيف: الحمدلله
دانيه تشوف حالته و عرفت اد ايه بيعشق اختها، تقرب منه و تصبره: معلش ياشادي ده قضاء ربنا وابتلاءه ربنا يصبركوا يارب
شادي هز راسه و قعد جنب فريده و مسك ايدها
كلهم بصو ل فريده اللي هتبدأ تفوق وتخرف من البنج تفتح عينيها تلاقي نفسها في المستشفى، فضلت تبص حواليها مش حاسه بجسمها
شادي مسك ايدها باسها
سوسن: حمدلله ع سلامتك يا حبيبتي.
فريده فضلت تبصلهم و تبص ع الاوضه حاولت تحرك نفسها، مقدرتش حست انها مشلوله و بصتله بخوف: هو حصل ايه؟ و انا هنا ليه
دانيه بحب: حبيبتي انتى كويسه الحمدلله
فريده تبص ل شادي: شادي حصل ايه؟
شادي يبلع رقيه بصعوبه ويبعد عينه عن عينها
فريده ترفع ايدها بصعوبه و تمسك دقنه: قتلت ابني يا شادي، وتحط ايديها علي بطنها و تتأكد
شادي دموعه نزلت حاول يحضنها: انا انقذت حبيبتي.
فريده: انا مش حبيبتك، انا بكرهك قتلت ابني ليه، ليه تحرمنى من اكون ام حتى لو ل لحظه ليه تحرمنى اشوفه المسه اسمع صوته، يعني خلاص مش هكون ام تاني يعني ابني راح ومش هشوفه ولا هشوف غيره، دموعها تنزل بغزاره انت ازاي تعمل كده (و تنهار و تصوت ) ازاي تحرمني منه كنت تسبني اعيش واحس بنبضه في بطني المسه احضنه، وان شالله اموت من بعدها انت ازاي اسي كده، ازاي هان عليك تقتل ابنك بايدك، انت مش بنادم انت مجرم، مجرم قتلتني قبل ما تقتل ابنك، انا عمري ما هسامحك ابدا، ابدا.
شادي بحده يمسكها: انتي اللى ليه انانيه و عايزه تحرميني منك، انا ميهمنيش غيرك، تقدري تقوليلي لو كان حصلك حاجه بسبب اللي في بطنك انا كنت هحبه، انا كنت هقدر اكلمه كنت هقدر احضنه، انتى عندى بالدنيا كلها
فريده بعصبيه: انا اللى انانيه انا اللى سحبت منك حاجه غصب عنك، امشى من جنبى انا مش عايزه اشوفك انت مجرم
شادي بدموع: عشان خايف عليكي ابقى مجرم
فريده صوتت: اطلع بره مش عايزه اشوفك.
فادي مسك شادي و طلعه: شادي سيبها تهدى، هي بتحبك و قدر دلوقتى احساس الامومه غالب عليها
شادي سند ع الحيطه و كان متضايق جدا ع عصبيتها و زعلها منه.
عند فريده
فريده: كلكم اتفقتو معاه عليا، كده يا ماما تسبيه يموت ابنى
سوسن انهارت من العياط: يا بنتى شادي بيحبك و خايف عليكى ليه عملتى فيه كده
فريده بصويت: انتو كلكو اتفقتو ع قتل ابنى انا مش مسمحاكم ابدا
دانيه تحضنها: فريده احنا بنحبك انتى، اهدى بالله عليكي
فريده بحده: اطلعو بره انا مش عايزه حد معايا.
دانيه: حاضر يا فريده كل اللى انتى عايزاه هنعمله بس متتعصبيش، راحت ل مامتها، ماما فريده تعبانه تعالي نطلع و نسيبها ترتاح شويه.