قصص و روايات - قصص رومانسية :

رواية معشوقتي المجنونة ج2 للكاتبة ابتسام محمود الصيري الفصل السابع عشر

رواية معشوقتي المجنونة ج2 للكاتبة ابتسام محمود الصيري الفصل السابع عشر

رواية معشوقتي المجنونة ج2 للكاتبة ابتسام محمود الصيري الفصل السابع عشر

مهيمن قفل كل ازاز العربيه بسرعه
واحد فيهم قرب من العربيه: انزل
مهيمن بقى يبص حواليه عربيه قدامه و جنبه من جهة الشمال فيه عربيه و من اليمين ملاحه مابقاش عارف يتحرك ازاي
قال الراجل بصوت عالي: انزل
مهيمن بلع ريقه و مرضيش ينزل و قلقه زاد ع نايا دور العربيه بسرعه و رجع بيها ورا فضلو يضربو عليه رصاص.

عند عزمي
تضحك بفرحه: اخيرا هخلص منه
عزمي بعدم فهم: من مين
قالتها بتلذذ: مه يمن
عزمي بعصبيه: انتي غبيه انا محتاجه ازاي تعملي كده
: هو مش معانا اصلا لازم يموت ده واحد خاين
عزمي: يبقى نلاعبه و نعرف احنا نحركه و نخلص مصلحتنا بعدين نبقى نموته مش لازم يموت بالساهل يا غبيه و اتصل ع رجالته مهيمن حصله حاجه؟
واحد كان في العربيه: فلت مننا عربيته ضد الرصاص.

عزمي اخد نفسه: و انت من امتى بتاخد اوامر من حد غيري تعلالي حالا
الراجل بخوف: اسف يا برنس.

عند مهيمن
بقى يسوق بسرعه جدا و بيحاول يتصل ع نايا و قلبه كان بيدق بسرعه رهيبه.

عند ابراهيم
ابراهيم: استعدي يا سوزي عندنا شحنه
سوزي بضيق من اللي عمله فيها عمرو: حاضر خمس دقايق و اكون جاهزه
ابراهيم باستغراب: مالك؟
سوزي بنرفزه: الاهبل اللي ربنا حدفه علينا اقوله تعالى نلعب لعب كبار يبهدلني المتخلف و يفضل يضربني
ابراهيم يضحك: ماعندكيش وقت تضيعيه، واحده واحده عليه ده شكله خام خالص
سوزي بنرفزه: و انا مش هسيبه غير لما ادردحو
ابراهيم يضحك و ينزل، بص ع حارس: ابعتلي حميدو.

حارس اتحرك يدور ع عمرو و وصل ل عمرو
الحارس: البوس عايزك
عمرو قام و فضل يظبط في هدومه و حط ايده ع شعره ينيم فيه لحد ما وصل ل ابراهيم
عمرو: اوامرك يا باشتنا
ابراهيم بصله: حميدو حضر نفسك هننزل مشوار
عمرو بإبتسامه: معاك يا بوس وش
ابراهيم: تعالى ورايا
عمرو يتحرك بحركات هبله
سوزي تقف قدامه و ترفع ايدها تحطها ع شعره ترجعه ل ورا: مش هتصالحني
عمرو يرجعه تاني ل قدام و يمثل الامبالاه: اصالحك ليه!
سوزي: انت ضربتني.

عمرو يمثل الغباء: انتي جولتي لعبني لعب كبار و انا مش جصرت معاكي
سوري بغمزه و تقلد لهجته: جولتلك لعب كبار مش لعب رجاله
عمرو يمثل الغباء: دهون لعب الكبار
سوزي بجرأه و وقاحه: طيب نلعب عريس و عروسه
عمرو يحاول يخفي توتره: بجولك ايه ملكيشي دعوه بيا واصل انتي بتزعلي
سوزي بدلع: شكلك فهمتني غلط
و ركبو عربيه هامر
عمرو يغير الموضوع: يا بووووي كل دي عربيه
ابراهيم اداله مسدس: امسك ده.

عمرو عمل نفسه خايف: هو ده بحج و حجيجي
سوزي بصتله وقربت منه: هتعرف تستخدمه ولا لسه بيبي
عمرو: بيبي! شكل لعب الصبح مظبطكيش
سوزي بقرف: واكسه عليك و ع لعبك، هستنى لعب النهارده عشان احكم
عمرو يغمزلها: هو انتي كنتي عايزه العب من دهون
سوزي بلهجه عمرو: ايوه من دهون
عمرو يغمزلها: مش تجولي كده من بدري ده انا و لقى دبدوب ع تابلوه العربيه لونه احمر ميل عليه اخده و ادهولها
سوزي مسكته باستغراب.

عمرو بغمزه وقحه: يوم هيبقى لون الدبدوب دهووون
سوزي بضحكة: لما نشوف كلامك هيتنفذ ولا
عمرو يمثل الزعل: لو مش عچبك كلامي رچعيلي دبدوبي
سوزي عملت الدبدوب ع وشه: لا عچبني يا ولد العم مالك نرفوز ليه.

مهيمن وصل المستشفى دور ع نايا
نايا شافته نادت عليه: مهيمن
مهيمن بصلها و جرى عليها: نايا انتي؟ كويسه امال فيه؟ ايه و انتي هنا ليه؟!
نايا بزعل: رنا قطعت شراينها
مهيمن اطمن على نايا: طيب ليه حصل ايه؟
نايا بدموع: معرفش انا خايفه اووي عليها و مامتها عندها انهيار عصبي
مهيمن: انتي وقفتي النزيف قبل ما تجبيها
نايا: الحمد لله ربنا قواني و قدرت اتصرف و وقفته.

مهين اخدها في حضنه يهدى قلبه عليها و مسح ع شعرها: اطمني هتبقى كويسه
نايا دخلت جوه حضنه و دموعها و شهقتها زادت
مهيمن حط ايده ع عينها مسح دموعها: دموعك غاليه عليا اووي
نايا رفعت راسها من ع صدره و بصتله: و وجع قلبي يا مهيمن! بالنسبه ليك ايه؟
مهيمن ضمها جامد و كلم نفسه قلبي بينزف ع وجع قلبك سامحيني يا اغلى عليه من نفسي
نايا: مهيمن انت في مهمه
مهيمن فضل السكوت: .
نايا بسؤال: ليه؟ ليه يا مهيمن الغموض ده كله.

مهيمن دور وشه نايا لفت و مسكت وشه ب إيدها ثبتته ليها: انت في مهمه؟
مهيمن: نايا مش وقته الكلام ده
نايا: لا وقته و هترد عليا انا تعبت قلبى بقى بيدمر
مهيمن ياخد نفس عميق: هقولك يا نايا كل حاجه بس نطمن ع رنا، و مسك الفون هتصل ب نضال
نايا تمسح دموعها: بلاش نضال ده لسه عريس
مهيمن: لازم اهلها يعرفو و كمان انا مش هعرف اوصل ل باشمهندس فوزي
نضال رد: كابتن عامل ايه عاش من سمع صوتك.

مهيمن: تمام الحمدلله ايه الدوشه دي
نضال: اصل بجيب السوق كله ل ويزو
مهيمن باستغراب: سوق ايه!
نضال: ماتشغلش بالك، طمني عليك
مهيمن: تمام، بس رنا اخت مراتك تعبانه و في المستشفي
نضال بقلق: مالها؟
مهيمن بإنجاز: هتفضل تحقق في الفون اخلص تعالى مستشفى . ،
نضال: هكون عندك ع طول.

عند عمرو
دخلو مصنع من بره مهجور و من جوه الاوض الداخليه فيها معدات كبس و باين انه بيتقسم فيه الهروين
عمرو كان بيبص ب نص عين و مركز في عيونهم يشوفهم بيختبروه ولا فعلا صدقو انه عبيط
عمرو: يا بوووي كل ده سكر
سوزي بضحك: بس مش زي اي سكر و ميلت عليه
عمرو بصوت واطي: هو البوس وضعه ايه منك
سوزي تحط ايدها ع كتفه: انا سكرتيرته
عمرو: يعنى اخد رحتى
سوزي: ع الاخر
عمرو يمثل الفرحه: حلوووو اووي.

عند نضال
يدخل البيت
ويزو تقوم: انت فين ده كله؟ جعااانه يا مفتري، حرام عليك فين الاكل
نضال بتوتر: ويزو، اختك تعبانه في المستشفى
ويزو بصويت: رنا مالها يا نضال
نضال: اهدى بقولك تعبانه غيري هدومك و يالا نروحلها
ويزو وقعت ع الارض و مابقتش قادره تاخد نفسها و بدموع: رنا مالها متضحكش عليا انت عارف
نضال ميل عليها: ويزو اهدى والله معرفش تعالي نروحلهم و ان شاء الله هتكون كويسه.

نضال حاول يقوم ويزو و كانت تقيله جدا و هي جسمها سايب مش قادره تساعده في الوقت ده هو زعل عليها انه مش قادر يقومها ولا حتى قادر يساعدها ب اي حاجه اتملك نفسه و حاول يقومها و ساعدها تغير هدومها و سندها و راحو المستشفى.

اول ما دخلت ويزو بقت تحس بدوخه تاني سندت ع نضال
ويزو بتعب: انا دايخه اوووي
نضال قعدها و بهزار: وزتي مالك كل ده يا مفجوعه عشان ماكلتيش
ويزو ضحكت: احيه تفتكر
نضال باس ايدها و قعدها: هندهلك دكتور
دخل للممرضات: لو سمحتي مراتي دايخه بره
الممرضه: اتفضل وريني هي فين و ندخلها طوارئ
طلع نضال و معاه ممرضه و اخد ويزو فضل مسندها لحد اوضة الكشف.

عند نايا
نايا: انا قلقانه عليها اووي يا مهيمن البنت بقالها ساعه جوه
مهيمن اخدها في حضنه: اطمنى يا قلبي انتى قولتي كذا جرح يعني هتاخد وقت عقبال ما يوصلو كل الشرايين تاني ببعض و يخيطو
نايا بخوف: يارب قومها بالسلامه دي بنت طيبه جدا مش عايزاها تموت كافره كفايه اللي شافته في حياتها، ربنا يقويها ع اللى هيا فيه
مهيمن: يارب يا قلبي هروح اطمن ع مدام رانيا
نايا تقوم بتعب: هروح معاك.

عند ويزو
الدكتور: المدام عندها انيميا شديده لازم تتغذى كويس
نضال بصدمه و هزار: نعم! خير! مين دي! امال انا عندي السل؟
الدكتور: مش بالجسم، الانيميا ظهرت عشان المدام حامل
نضال بص للدكتور و ويزو بفرحه: بجد يا دكتور
الدكتور: يا ريت تاكل كل حاجه فيها حديد و هكتبلها ع شوية حاجات تساعدها شويه.

عند نايا
اول ما دخلو اوضة رانيا لقوها قامت: طنط قومتي ليه ارتاحي
رانيا بوجع: ارتاح ازاي و بنتي بتموت
مهيمن: مدام رانيا رنا ان شاء الله هتبقى كويسها ادعيلها
رنيا بدموع: يارب اقف جنبها و قومها ليا بالسلامه
نايا: حضرتك لازم ترتاحي طيب
رانيا: راحتي جنب بنتي
مهيمن مسك ايد رانيا و سندها لحد باب العمليات
نضال راح ل ويزو ساعدها و ظبطلها هدومها: مبروك يا ام جعلص.

ويزو بفرحه تضربه في كتفه: جعلص جعلص بس يوصل بالسلامه، انا فرحانه اوووي
نضال بسعاده: و انا هطير من الفرحه
طلعو اخدو الروشته من الدكتور و راحو ل رنا
لقيو نايا و مهيمن و مامتها واقفين قدام باب العمليات
رنا طلعت و كانت نايمه ع تروللي و الكل ماشي جنبها
مهيمن راح للدكتور: هي عامله ايه دلوقتي
الدكتور: الحمدلله اللي وقف النزيف انقذها من الموت، و ده ساعدنا احنا كمان كتير.

مهيمن كان فرحان جدا ب نايا و ب ذكأها و انها بقت تقدر تدرك اي موقف و تتصرف فيه و قال بجديه: يعني هي حالتها كويسه
الدكتور: الحمدلله كويسه بس ممكن يبقى فيه مشكله واحده
مهيمن بتسأل: مشكلة ايه؟
الدكتور بعمليه: الكف ممكن مايتحركش تاني عشان كانت مقطعه اوتار ايدها و كل شئ بيد الله
مهيمن بحزن عليها: و نعمه بالله المهم تكون بخير، شكرا يا دكتور
مهيمن راح الاوضه و قعد جنب نايا: هستنى بره لو فيه اي حاجه اتصلي بيا.

نايا: ماشي
مهيمن طلع و نضال وراه
رنا ابتدت تفوق و فضلت تبص حواليها: اااه انا فين؟ امممم
رانيا قامت طبطبت عليها: انتي معانا يا رنا حمدلله ع سلامتك يا حبيبتي يا حته مني و فضلت تعيط
نايا طبطبت ع رانيا: اهدى يا طنط رنا زي الحديد اهي
ويزو: اخس عليكي يا رنا كده عايزه تسبينا و جعلص اللي في بطني مش يبقى ليه خاله
كلهم بصه ل ويزو: مبروووك
رنا فضلت تعيط
نايا: صلي ع النبي يا رنا و قولي ل ام جعلص مبروووك.

رنا دموعها بتزل ندمانه لانها تخيلت انها تقدر تمسح الماضي بكل الامه وعذابه وتبدا تفتح صفحه جديده كلها امل وتفاءل لكن نسيت ان الماضي المؤسف هيتطارديها في الحاضر وهيعيش معاها العمر كله.

نايا مسحتلها دموعها و طبطبت عليها: رنا احمدى ربنا انك لسه عايشه و استغفري كتير.

رنا ادرقت الكارثه اللى عملتها اتضايقة و زعلت من نفسها ازاي تكفر ب ربنا و تموت نفسها اللي هيا أمانة عندها و مش ليها حق فيها.

نايا: رنا السكوت غلط عليكي لازم تتكلمي تقولي اللي جواكي
رنا
رنا: -
نايا: طيب ليا عندك خبر حلو رنا بصتلها
نايا: مدحت مات
رنا دموعها نزلت اكتر
نايا قامت حضنتها: انا بقولك عشان تتبسطي مش تضايقي و انتي اخدتي حقك منه بايدك لازم تفرحي ان ربنا خلصك منه و اخدي بتارك، رنا فضلت العياط من انها تتكلم
ويزو: و انا كمان هعيط والعياط وحش ع الحامل انتى حره هيبقى ذنبي في دموعك
رنا: -.

ويزو: عشان خاطري فرفشي انسي كل حاجه افتكري رنا المؤمنه اللي بقت تحفظ القرآن و هتبقى خالتو
رنا مسحت دموعها: مبروك يا ويزو ادعولي والنبي.

عند مهيمن فونه رن
مهيمن فتح الفون
البرنس: عايزك حالا
مهيمن: تمام و قفل الفون، خبط ع باب اوضة رنا
رانيا: ادخل
مهيمن دخل و بص ل نايا: نايا عندي شغل لازم امشي
نايا بصتله: طيب ثواني عايزاك (و بصت ليهم بعد اذنكم خمس دقايق و طلعت بره الاوضه راحت ل مهيمن) انت نسيت وعدك ليا
مهيمن: لا طبعا بس انا فعلا عندي شغل ضروري
نايا: هستنا انك تقولي كل حاجه
مهيمن باس ايدهاو هز راسه: نايا لو حصلي اي حاجه.

نايا لسه هتتكلم، مهيمن حط ايده ع شفايفها و كمل كلامه روحي مكتبي في اخر درج هتلاقى ورقه فيها كل الاجابات ع اسألتك
نايا بضيق: مهيمن ليه بتقول كده
مهيمن باس راسها و نزل
نايا مسكت ايده: طمن قلبي حرام عليك ليه بتعمل فيا كده
مهيمن و عينه كلها دموع: سامحيني يا اغلي عليا من نفسي و سابها و مشي
نايا وقفت مصدمه و حست ان الموضوع كبير اووي
نضال راحلها: نايا مالك؟
نايا: نضال هو مهيمن حاليا في اي مهمة.

نضال: هو ع طول في مهمات
نايا: اقصد جوازه مهمه؟
نضال: الله اعلم بس عمرو هو اللي نزل مهمة
نايا: طيب هنزل انا و سلملي عليهم
نضال: تحبي اوصلك
نايا: لا خليك معاهم
ونزلت.

عند مهيمن
قابل عزمي
عزمي: مستعد للصفقه؟
مهيمن: و من امتى بكون مش مستعد؟
عزمي: الشحنه بعد اسبوعين
مهيمن: تمام في اي اوامر تاني
عزمي شاور ب أيده يمشي
مهيمن قام و حس انه فيه لخبطه كتير بتحصل و لسه بيطلع من باب القصر
ديرو بدلع: هيمو
مهيمن بصلها
ديرو تعالى اوريك حاجه
مهيمن بتهرب: انا مستعجل عندي شغل
ديرو مسكت ايده: دي ربع ساعه بس و شدته ع السلالم
مهيمن بهدوء: ديرو بقولك عندي شغل.

ديرو بدلع: مش هسيبك تعالى بقى و دخلته اوضتها و قفلت الباب
مهيمن يتصنع الجمود: فيه ايه مالك مش ع بعضك ليه؟
ديرو زقته ع السرير لكن مهيمن متحركش من مكانه و كان في جيبه جهاز بيحس ب اي كاميرة مراقبه هز في جيبه، اتأكد ان فيه حاجه غلط و هي عايزه توصل ل حاجه معينه
مهيمن بحده: عايزه ايه؟
ديرو بدلع و تقرب منه: ما قولتلك عايزه اوريك حاجه
مهيمن: وريني و يا ريت بسرعه
ديرو: لا مش هينفع كده اقعد الاول.

مهيمن قعد بضيق: اخلصي
ديرو قعدت ع رجله باسته ع شفايفه و في كل حته في وشه
مهيمن اتنرفز جدا بعدها بشويش: حبيبتي عندي ظروف لازم انزل
ديرو: الظروف عند البنات بس
مهيمن بعصبيه: انتي هبله ولا شكلك كده
ديرو: ولا ده ولا ده انا محتاجه جوزي حبيبي
مهيمن بهدوء: المفروض الكلام ده في بيتنا مش هنا
ديرو بدلع و تحط ايدها ع رقبته: في اي مكان انت جوزي
مهيمن ينزل ايدها: طيب ممكن تقدري اني عندي شغل.

ديرو: يولع الشغل يا ميهو و هيحصل و دلوقتي
مهيمن كان متنرفز جدا من قربها ليه و عارف مهما يعمل هيتصور اتمالك نفسه: ديرو لو سمحتي مش بحب اعمل اي حاجه بره البيت و قام بعدها عنه
ديرو بضحك: ليه مابتعرفش تبقى راجل غير في البيت
مهيمن قفل ايده جامد و حاول يسيطر ع نفسه: تقصدي ايه؟
ديرو نامت ع السرير بأغراء: الراجل راجل في اي مكان.

مهيمن اتعصب جدا انها بتهين رجولته بصلها بحده: و عشان انا واثق من رجولتي مش همد ايدي ع ست و سابها و نزل
ديرو بضحك: لا وحش.

عند كرم
في المستشفى شاب في اول الثلاثين متجوز من سنه واقف متعصب و في حاله من الجنون بيرمى كل حاجه ع المكتب لدرجة شال المكتب كله و حدفه و يقول بعصبيه: انا بقولك سيبني اموتها و هجيلك بنفسي
كرم بهدوء: طيب ممكن تهدى و نتكلم يا حسن
حسن بعصبيه: بقولك خليني اموتها بتخوني و اتهمتني بالجنون عشان تخلص مني
كرم: قتلك ليها مش حل
حسن بعصبيه و مسك كرم من هدومه: متعصبنيش.

كرم يحاول يخلص نفسه من ايده: اسمعني بس، هتستفاد ايه لما تتشنق
حسن بصوت عالي و يشد شعره: انا عايز اتشنق بس اقتلها، اشفي ناري منها بنت الكلب الخاينه
كرم: انت معاك ابنك لازم تقعد تربيه و نثبت انها هي الخاينه
حسن اتعصب خالص: انت هتطلعني ولا لأ
كرم بحده: لأ و لو ماقعدتش هربطك
حسن اتعصب اكتر و جرى فتح الباب الممرضين مسكوه ضربهم جامد و فلت من ايدهم.

مريم كانت ماشيه في نفس الطرقه ماسكها و طلع سكينه من رجله و حطها ع رقبتها
كرم مابقاش عارف يعمل ايه و كأن كل اللي اتعلمه نساه اول ما شاف مريم تحت ايده قال بهدوء و عكس اللى جواه: سيبها هي ملهاش ذنب في حاجه
حسن: بقولك مشيني من هنا
كرم: طيب سيبها سيبهاااا
مريم بصت ل كرم تطمنه
كرم اتصل ع مهيمن مردش عليه
اتصل ع نايا مردتش.

عند نايا راحت المركز دخلت مكتب مهيمن و فتحت اخر درج طلعت الورقه وبتقرأها
اليوم اللي رمتي فيه نفسك من الشباك
فضلت اجري ورا التاكسي
و لما وقفت، وقفت عشان كذا متوسيكل حاوطوني
ونزلو ناس و رفعو السلاح ع راسي
فلاش باك...

قلع الجاكت و لفه في الهوا طير كل السلاح اللي في ايدهم ومسك راجل دخل عليه مهيمن كسرله رجله و مسكوه اتنين و لسه راجل تاني كان هيضربه بالمسدس واحد تاني مسك ايد الراجل اللي ماسك المسدس و 3 شباب نزلو من عربيه و كانو ماسكين صورة ل نايا و مريم و امه
مهيمن وقف بصلهم: انتو عايزين ايه؟
واحد منهم: تعالى معانا و انت تعرف.

مهيمن يروح معاهم ويدخل قصر مليان بالتحف و حراس كتير جدا يدخل الرسيبشن و يقعد فضل سرحان ويكلم نفسه: انهم يجبوني هنا يبقى عايزين حاجه، لو كانو عايزين يقتلوني كانو قتلوني
يدخل حارس: اتفضل ع المكتب قام معاه و اول ما دخل شاف راجل كبير في السن قاعد ع الكرسى و ساند ايده ع المكتب: اهلا مهيمن بيه
مهيمن يركز في وشه ويقعد براحه: اهلا بسيادتك يا برنس مش ده لقبك بردو.

برنس صقف: احب اللى يكون مذاكر كويس و فاهم مش حافظ
مهيمن بتركيز: طلباتك
برنس بعنجهه و رفع حاجبه: لا كده هزعل ما بقولك بحب اللى فاهم مش اللى حافظ
مهيمن بجديه: بس الفهم لوحده مش كفايه لازم نحفظ احيانا
برنس: ماشى وانا هحفظك
مهيمن حط رجل ع رجل و شاور بأيده انه يكمل كلام
برنس: انا عزمى البرنس الشبراجي
مهيمن كلم نفسه انا هعيد نفس اللي حصل تاني وارفض انا لازم اوافق ع اي حاجه.

مهيمن بجديه: غنى عن التعريف هات المفيد هتدفع كام قصاد اللى هعمله
عزمي صقف: برافو هو ده المفيد، حاجه قصاد حاجه انت عايز كام
مهيمن بصله و هز دماغه: نص مليون جنيه
عزمى بضيق: ع بركة الله
مهيمن بتأكيد: ده كل شهر بعيدا عن كل صفقة سلاح تدخل مصر اكيد هيبقى حساب تانى وقت دخول البضاعه
عزمى وقف: اكيد بتهرج.

مهيمن بجديه و ثقه: معلوماتى هتبقى خطيره جدا و مافيش عيل من عندك يقدر يجبيلك فتفوته منها ده غير اني هعدي اي بضاعه تخص حضرتك من غير اي شوشره
عزمى يجذ ع سنانه: ماشى يا مهيمن و اي غدر مش محتاج اقولك هعمل ايه في اي حد من طرفك
مهيمن بضيق: و انا خلاص اكتفيت من الحكومه عملولي ايه ولا هيعملولي ايه انا جايلك و في كامل قوايا العقليه بعد ما فهمت تهديدك ليا
عزمى يرجع ضهره ع الكرسي: ماشى يا مهيمن المقابله انتهت.

مهيمن قام بكل هيبه و اتحرك خطوات بيفتح باب المكتب تدخل بنت رقيقه و عينها لبنى زي السما الصافيه
البنت بخضه: سوري معرفش ان فيه حد معاك يا بابى
مهيمن بجديه: اتفضلى انا ماشي
البنت ب بصة اعجاب: هو انا جيت همشي حضرتك
مهيمن بجديه: لا ابدا انا فعلا كنت همشي
عزمي بعصبيه: انا كام مره افهمك تخبطى الاول
البنت نقلت عينها ع باباها: سوري و طلعت
ومهيمن مشي
البرنس طلب مهيمن يجيله مره تانية
قبل ما يدخل للبرنس.

ديرو ندهت عليه ديرو: بس بس
مهيمن بص وراه
ديرو برقه: هاي انا ديرو و انت
مهيمن بصلها باستغراب: مهيمن بعد اذنك
ديرو مسكت ايده: انت ظابط صح
مهيمن: خير يعني
ديرو بخوف: بابا بيضربني و بيعذبني جامد انا بقيت اخاف من كل حاجه بليز خدني من هنا
مهيمن ضيق عينه: اخدك ازاي؟
ديرو: تتجوزني مثلا
مهيمن بصلها كتير
ديرو عيطت: سوري ماكنتش اقصد اضايقك و لسه هتمشي
مهيمن مسكها من ايدها: انا متجوز
ديرو بدموع: سوري و بصت في الارض.

مهيمن: انا موافق
ديرو حضنته: عمري ما هنسى انك خلصتني منه.
انا كنت اعرف انها...
باااك
مهيمن دخل المكتب نايا نزلت الورقه
مهيمن كان عصبي جدا من اللي عملته ديرو قال بعصبيه: ممكن افهم بتعملي ايه في مكتبي
نايا بتوتر: نفسي اعرف
مهيمن شد الورقه من ايدها: و عرفتي يا نايا
نايا: لا
مهيمن قطع الورقة: و مش هتعرفي مادام انتي بتتحديني و بتكسري كلامي
نايا بضعف: والله مقصدش بس نفسي اعرف.

مهيمن: نايا لو سمحتي سيبيني دلوقتي انا ع اخري
نايا دموعها زادت: يعني انت بتخون بلدك و كمان متجوز واحده مش عشان عمليه متجوزه عشان تخلصها من ابوها صوتها عالي انا ذنبي ايه عملتلك ايه؟
مهيمن بعصبيه غمض عينه جامد و جز ع سنانه و قفل ايده جامد: نايا لو سمحتي نتكلم بعدين
نايا سابته و نزلت
مهيمن قعد ع الكرسي جواه صراع كبير نفسه يبعد عن العالم كله
فونه رن بص عليه لقاه كرم مرضيش يرد.

عند كرم
كرم كان زي المجنون: بقولك سيبها هي مالهاش علاقه ب اي تقرير
الراجل: طلعني من هنا و انا اسيبها
كرم: طيب سيبها و هعملك كل اللي انت عايزه
حسن طلع ع سطح العماره
كرم اتصل تاني ع نايا ردت عليه
نايا بحزن: ايوه يا كرم
كرم بعصبيه: نايا خلي مهيمن يجي بسرعه المستشفى
نايا بقلق: فيه ايه؟
كرم: واحد مريض نفسي ماسك مريم و مش عارفين ناخدها منه
نايا: اهدى انا هقوله و هنجيلك.

نايا طلعت تاني المركز جري لسه هتفتح الباب العسكري منعها زقته و فتحت باب مكتب مهيمن، مهيمن قفل مسجل قدامه بسرعه و بصلها لقى وشها مخطوف و قال بقلق: قلبي مالك
نايا: تعالى معايا لازم نروح المستشفى عند كرم
مهيمن بقلق: فيه حاجه؟
نايا بتوتر: تعالى و هفهمك في الطريق
مهيمن قفل المسجل و شاله و اخد حاجته و نزلو
في العربيه بصلها: نايا مريم حصلها حاجه
نايا: بص هي كويسه
مهيمن صوت نفسه عالي: مالها يا نايا انطقي.

نايا: واحد مريض نفسي ماسكها و مش عايز يسيبها
مهيمن دور العربيه و ماشي زي المجنون و نايا بقت تتخبط في العربيه من كتر السرعه و انه بيدخل شمال و يمين بسرعه و بيعدي بين العربيات بسرعه جدا لحد ما وصلو
نايا و مهيمن نزلو جري سألو عليهم و عرفو انهم ع السطح
طلعو بسرعه مهيمن درس بسرعه السطح
و وقف نايا: نايا انتي هتدخلي خليه يركز معاكي و تابعي عيني وانا هلف من وراه
نايا: مهيمن ادخل انت اشغله و انا هعدي من وراه.

مهيمن بصلها: نايا خليني انا
نايا: مهيمن ثق فيا و متقلقش عليا هقدر انقذها
مهيمن حضنها و دخل السطح
نايا فرحت ان مهيمن بقى يثق فيها دخلت
مهيمن دخل و بص ل مريم
مريم طمنت مهيمن انها كويسه بعينها
مهيمن: بقولك يا نجم ما تسيبها و نتكلم مع بعض
حسن: عايز انزل من هنا
مهيمن: تمام (و بعد الناس كلها و وسع ل الطريق و بصله ) الطريق فاضي اهو سيبها و انزل
حسن: هنزل بيها لحد تحت
مهيمن بص ل نايا تهاجم.

نايا جريت مسكت ايده وقعت السلاح من ايده
مريم جريت في حضن اخوها
مهيمن حضنها و بعدها بسرعه و لسه بيروح ع نايا
حسن اخد السكينه من ع الارض بسرعه وزق نايا ع الحيطه نايا توزنها خانها مسكته و وقعت هي و هو من ع السطح.

الفصل التالي
جميع الفصول
روايات الكاتب
روايات مشابهة