رواية معشوقتي المجنونة ج2 للكاتبة ابتسام محمود الصيري الفصل الثامن عشر
مهيمن بص حواليه بسرعه لقى خرطوم مطافي كسر الازاز مسكه و نط
نايا و حسن كانو بيقعوا في سوا بعض نايا مسكت ايده و نزلو دورين مسكت في حديده طالعه من السور مهيمن وصل ليها
مهيمن: امسكي كويس و اخد من ايدها حسن و مشي ع الحيطه دخله من شباك كان مفتوح رجع ل نايا مسكها بايده الشمال من وسطها و هي سابت الحديده و حضنته فضلو يبصو في عين بعض كتير بحب
نايا بتركز: احنا متعلقين في الهوا.
مهيمن ركز و مشى ع الحيطه و دخل من نفس الشباك
الامن و الممرضين كانو مسكو حسن
مريم و كرم كانو بيبصو عليهم من ع السطح اول ما اطمنو عليهم نزلو يجرو ع تحت
مهيمن: اسف اني عرضتك ل الخطر
نايا: طول ما انت جنبي بحس بأمان مهما كان الخطر اللي حواليا
مهيمن حضنها: وحشتيني يا نايا
نايا حضنته جامد وفضلت تعيط
مهيمن دموعه خانته و نزلت نايا حست بيه اتوجعت اووي رفعت وشها: مهيمن انت بتعيط
مهيمن نزل وشه في حضنها.
نايا مسحت دموعه و برعشه في قلبها: بالله عليك لا، انا اتعودت انك قوي دايما انا باخد منك القوه
مهيمن بوجع في قلبه: انا مش عارف لو كان حصلك حاجه كنت عملت ايه، نايا حياتي بقى ليها معنى يوم ماعرفتك، قلبي بيدق عشانك، عقلي مش قادر يركز في حاجه غيرك، انا من غيرك ولا حاجه، بالله عليكي اوعي تسيبيني مهما حصل
نايا حضنته: انا اللي من غيرك ولا حاجه انا بقيت نايا بيك اطمن يا حياتي هفضل جنبك مهما حصل.
كرم و مريم دخلو الاوضه: كرم: انتو هنا بتحبو في بعض و احنا نتفلق و نولع
مهيمن مسح دموعه بسرعه و ساب نايا وحضن مريم
مريم حضنته
كرم بص ل نايا شافها موجوعه كتير عينها بقت مكسوره راحلها مسح دموعها و حضنها
ممرضه دخلت: دكتور كرم
كرم بصلها
الممرضه: حسن مهيبر جامد
كرم ساب نايا: انا هرحله و بص ل نايا اختي حبيبتي بقت سوبر هيرو
نايا ابتسمت: عشان تعرف بس اني مش هايفه بس.
كرم: والله لسه زي ما انتي مجنونة و مش هتعقلي خالص
مهيمن راحلهم: بس اجمل مجنونة في العالم كله
مريم: حمدلله ع سلامتك يا نايا
نايا: تسلمي يا قلبي
كرم بص ل مريم: و فرشتي كمان كانت هيرو
كلهم ضحكو و مهيمن فعلا كان فرحان ب اخته لانها فعلا اتغيرت وبقت قويه: روح انت بقى شوف مريضك اللي بهدلنا كلنا، و حاول تكون انت كمان هيرو و تسيطر عليه
كرم بضحك: دعواتكم
و راح للمريض.
مهيمن اخد نايا و مريم وصل مريم بيتهم قعد مع مامته شويه و نزل راحو اخدو توتا من عند فافا
نايا: هروح اطمن ع رنا و نروح
مهيمن: زي ما تحبي يا قلبي.
عند رنا
نايا وصلت ليها
نايا: السلام عليكم
ويزو و رنيا: و عليكم السلام
الدكتور يدخل: عايزين نقل دم فصيله (. )
رانيا: بنك الدم مافيهوش الفصيله دي؟
الدكتور: للاسف مفيش
مهيمن: انا نفس الفصيله
نايا بصتله و غارت ان دم معشوقها هيمشي في جسم بنت طلع مع الدكتور نايا طلعت وراه مسكته
مهيمن بصلها و بصوت واطي: نايا البنت ممكن تموت
نايا بضيق تزقه: روح يا مهيمن و انا اولع روح
مهيمن قعد ع كرسي: ان شالله انا.
نايا تحط ايدها ع شفايفه: بعد الشر عليك يا حياتي
توتا تشمر ايدها: اروح انا يا بابا
مهيمن: لا خليكي انتي يا لمضه
الممرضه: اتفضل يا استاذ
مهيمن بصلها و بص ل نايا مستنى تسمحله
نايا اخدت منه توتا: خلاص روح
مهيمن بص للمرضه: اتفضلي حضرتك و هاجي وراكي
الممرضه طلعت
مهيمن بص ل نايا: لو متضايقه خلاص
نايا بتفهم: لا خلاص روح
توتا بمشاكسه: ما قالتلك روح، انت بتتلكك
مهيمن ضحك
توتا: ثكلك خايف من الحقنه يا بابتي.
مهيمن باسها: الحقنه دي انتي اللي تخافي منها يا لمضه
توتا: طيب روح يالا روح و تبص ل نايا والله ثكله خايف
نايا ومهيمن ضحكو
مهيمن قام: انا رايح اهو
و راح سحبو منه دم.
عند عمرو
كلم مهيمن: اخلص يا كبير قولي اعمل ايه مع المنحرفه دي
مهيمن بضحك: بص هتروح صيدليه هتشتري برشام (، )و اهم شئ قبل ما تفقد الوعي توهمها ب انه هيحصل حاجات كتير لما تنام هتصحى هتفتكر كل اللي قولتهلها
عمرو بضحك: حلو اووي كده
و راح ل سوزي عمل نفسه تعبان و نزل صيدليه اشترى البرشام و رجعلهم.
مهيمن و نايا روحو و ديرو كانت موجوده
وفضل الحال زي ما هو
بعد اسبوع
الساعه سته الصبح
نضال يصحي ويزو: ويزو قومي اصحي
ويزو بنوم: اممم
نضال: لا اصحي كده و فوقي
ويزو بنوم: عايز ايه مني
نضال بتصميم: قومي بس ثانيه فتحي عينك و بصي عليا
ويزو قامت بنرفزه: اديني صحيت عايز ايه
نضال يشاور ع نفسه: بصيلي بقى
ويزو بغيظ: يا خراشي ع العسل اللي هيلزق في بعضه دلوقتي
نضال بإصرار: ماتغلطيش عشان مغلطش بصيلي كده و ركزي معايا.
ويزو بصتله: ماشاء الله هدومك مكويه و متشيك
نضال: متشيك! اشك بصيلي كويس
ويزو بقلة صبر و بصويت: اخلص عايز ايه مني
نضال يمثل الخوف: طيب هسهلها عليكي عايزك تبصي عليا و تشوفي فيه اي اختلاف؟
ويزو بنرفزه: لا انا كده هتنرفز
نضال: طيب سيبك من كلي و بصي ع رجلي
ويزو بصت و لاحظت الاختلاف الفظيع و قالت بهزار: شايفه فردتين شراب اصحاب فين المشكله
نضال يضرب كف ع كف: كان نفسي بقى يكونو اخوات و توأم يا ويزو.
ويزو بضحك: احمد ربنا انهم لون بعض و اتوكل ع الشغل عشان انام و نامت
نضال قرب منها تاني و صحاها: ويزو
ويزو: اللهم يطولك يا روح فيه ايه تاني بدلت زرار القميص كمان
نضال يمثل الخوف: لا بس عايز فردة الشراب ده
ويزو ببرود: هتلاقيها في الغساله
نضال شاور ع رجله التانيه: طيب و دي
ويزو: نفس الكلام
نضال ؛ طيب انا همشي ازاي بفرده و فرده
ويزو بهزار: بص يا حبيبي الشرع محرم الاخوات يمشو مع بعض ف اتقي الله و سبني انام.
نضال رمى عليها المخده: نامي، نامي يا شيخه ده نومك نعمه اقول ايه يارب.
عند رنا نزلت الشغل
قررت تتكلم تطلع اللي جواها بس تختار مين تتكلم معاها؟
عند مهيمن
مهيمن كان قاعد ع الكنبه و نايا ع الشمال و ديرو ع اليمين و توتا بتلعب ع الارض قدامهم، مهيمن كان مميل و بيعمل حاجه ع الفون ديرو كل ما تحط ايدها ع شعر مهيمن نايا تبعدلها ايدها جامد ديرو تحط التانيه برده تبعدها و فضلو يتخانقو و مهيمن مميل لحد ما خلص ساب الفون ع الترابيزه و بصلهم
مهيمن بهدوء: خلصتو
ديرو استغربت ازاي حس بيهم مع انهم مش كانو عاملين صوت.
نايا كانت متأكده انه حاسس بيهم رفعت صوبعها و قالتله كده تمام اووي.
عند رنا قررت تكلم نايا و تشاركها في اوجعها و اتصلت بيها
نايا اخدت الفون و بعدت عنه و رديت: حبيبتي عامله ايه
رنا بصوت حزين مكسور: محتاجه اتكلم معاكي
نايا: انا تحت امرك اجيلك
رنا: لا مش عايزه اروح البيت
نايا فكرت انها تاخدها بيت مامتها و تخلي كرم يكلمها: ايه رأيك تجيلي بيت مامتي
رنا: اووكي العنوان ايه
نايا: .
عند عمرو
سوزي تدخل اوضة عمرو: حميدو جاهز
عمرو: انتي اللي جاهزه
سوزي: جاهزه جدا
عمرو: افتكري اني جولتلك بلاش
سوزي تقرب منه و تقلد لهجته: ماتجلجش
عمرو ادلها عصير اخدته منه و قال بوقاحه: احب اطمنك انك هتمووووتي وفضل يكلمها كتير كتير كتير كلام استغفر الله، لحد ما راحت في النوم قام بسرعه بهدلها الميك اب و نعكش شعرها و قطع هدمها و سابها و نزل الجنينه.
عند بيت مامت نايا
نايا توصل بيت مامتها
هاله: اخس عليكي يا وحشه كده مهيمن و توتا ينسوكي ماميتك
نايا باستها: معلش حقك عليه بس انتي عارفه طلبات مهيمن و توتا و الشغل كله عليا
هاله: عارفه يا قلب امك ربنا يعينك يارب
نايا: فين الواد كرم
هاله: اكيد بيكلم مريم، ربنا يصبر البنت عليه الواد بياكل دماغها يا حبة عين امها و هي بتفضل طول الوقت بتسمع و بس
نايا بهزار: يا ماميتو اطلعي منها ع قلبها زي العسل.
هاله ضربتها ع كتفها: والله و وحشتني لماضتك يا لمضه
نايا حضنتها: و انتي وحشاني اوووي والله بصي هدخل اقطع خلوة ابنك ل سبب عام
فيه بنت دلوقتي هتجيلي اسمها رنا تبقي دخليها الريسيبشن عقبال ما اتكلم مع كرم شويه
هاله: ماشي يا قلب امك
دخلت نايا ل كرم
كرم: يا قرده وحشتيني
نايا: و انت وحشتني والله، عايزاك في حاجه
كرم: طول عمرك بتاعة مصلحتك و
نايا تكمل: و واطيه
كرم بضحك: بس اجدع اخت.
نايا بجديه: ركز معايا فيه بنت اتعرضت ل حاجة صعبه و اللي كانت بتحبه ضحك عليها و بعدها البنت دي اتعرضت ل انهيار عصبي و بعد كده انتحرت و الحمدلله ربنا كتبلها عمر جديد دلوقتي البنت دي هتتكلم معايا، اتكلم معاها ازاي
كرم: اولا مهما تكون كانت غلطانه اوعي تهاجميها كلميها دايما انها تقدر تبقى احسن اديها ثقه في نفسها اديها امل في بكره حسسيها انها قويه و تقدر تعمل ل نفسها حياه افضل من اللي فاتت.
نايا: بصراحه حاسه مش هقدر
كرم: لازم تحاولي ما دام وثقت فيكي خليكي قد الثقه
نايا: طيب ليه ماينفعش اقولها انك غلطتي
كرم: هي عارفه و واثقه انها غلطت و مش محتاجه حد يقولها انها غلطانه هي محتاج حد يديها طاقه ايجابيه مش يفضل ينتقدها
نايا: انا هحاول اتكلم معاها و هعرض عليها تتكلم معاك ايه رأيك
كرم: انا عيني عشانك
الباب خبط دي اكيد هي و طلعت فتحتلها
رنا بإحراج: معلش لو سببتلك ازعاج.
نايا: ازعاج ايه بس انتي نورتي اتفضلي
دخلتها و قعدو
رنا اول كلمه قالتها: نايا هو انا وحشه
نايا: لا طبعا ليه بتقولي كده
رنا بدموع: انا قبل كده كسرت كلام اهلي و مشيت مع شاب و بهدلني اووي يا نايا
نايا مسكت ايدها: احنا بشر مش ملايكه ولازم نغلط المهم نتعلم من غلطنا.
رنا بوجع: المشكله بعد ما عملت عهد ع نفسي اني مش هكلم اي شاب تاني و هقفل قلبي لقيت عمرو دخل حياتي مع اني كنت بصده، مره واحده لقيته اختفى قلت اسأل عليه ممكن يكون حصله حاجه بسببي وقت ما خبطت الزفت، اتصلت عليه دموعها نزلت اكتر
كرم خبط ع باب الصالون نايا مسحت دموع رنا و قالت ادخل
كرم: عملتلكم لمون من صنع ايدي هيعجبكم اووي.
نايا: قلبي يا ناس تسلم يا حبيبي و بصت ل رنا دي رنا صحبتي و ده كرم اخويا رخيم جدا اقصد بلسم و طبيب نفسي
رنا بصتله: اهلا بحضرتك
كرم: اهلا بيكي، معلش هقعد معاكم امي كرشتني من الاوضه بتاعتي بتروقها، سوري بقى هتقل عليكم
رنا: لا ابدا
نايا كلمت رنا في ودنها: ايه رأيك لو ناخد رأيه
رنا تمسك دموعها: يا ريت انا محبطه خالص و مش عايزه اعيش في الدنيا دي حتى ع الاقل هو دكتور نفسي و ممكن يحس باللي جوايا و يفهمني.
نايا علت صوتها: كرم عايزين ناخد رأيك في حاجه ده بعد اذنك
كرم بجديه: اتفضلو
رنا حكت من الاول لحد ما وصلت ل مكالمة عمرو وجعني اووي بكلامه حسيت اني رخيصه اووي حسيت انه يقصد اني بنت ليل و بمثل عليه العفه عشان اوقعه و فضلت تعيط
نايا اتصدمت: يعني كلام عمرو اللي خلاكي تنتحري
رنا هزت راسها: اه و مخليني كرهت حياتي كلها.
كرم: بس انا شايف انسانه فعلا محترمه ندمانه كانت واثقه في شاب طلع واطي مش عيب انك اختارتي غلط بس المره الجايه لازم تختاري صح
رنا: ازاي بعد اللي حصل يكون فيه مره تانيه.
كرم: انتي انسانه جميله و مشاعرك بتحرك انسانه طاهره من اي خبث، الحياه عايزه نفكر بعقلنا و ع قد ما ناخد منها نديها انتي انسانه جميله جدا و وجودك في الدنيا عمله نادره ادي العملة النادرة للي يستاهلها بجد اتعاملي بحذر مع اي حد ولازم الثقه قبل اي شئ و الحمدلله ربنا عملك ابتلاء في حياتك و قدرتي تطلعي منه المهم بعد كده لازم نفكر في بكره، بكره لازم تكوني احسن و تثبتي لنفسك و لكل العالم و الرسول صل الله عليه و سلم قال تفائلو بالخير تجدوه.
رنا بحماس: صدق رسول الله صل الله عليه و سلم، ميرسي ل كلامك يا دكتور كرم ان شاء الله مش هفكر تاني في امبارح هفكر في بكره وبس
كرم: ان شاء الله و انا تحت امرك في اي وقت
رنا: اكيد هيكون لينا كلام تاني مع بعض
رنا نزلت بروح جديده عندها امل و تفاؤل في بكره
نايا بصت ل كرم: حبيبي يا اخويا منحرمش منك
كرم: ولا منك يا قرده.
نايا نزلت و كلها غل من عمرو نزلت من بيت مامتها و راحت بيت مهيمن و دخلت ع اوضتها ع طول و اتصلت ع عمرو
عمرو: نايا اخيرا سمعت صوتك شكلك عايزاني في مصيبه
نايا بغيظ: اه مصيبه و مصيبه سودا ع دماغك، انت فين؟
عمرو: في ايه يا نايا
نايا: اخلص انت فين يا كازا نوفا عصرك
عمر بضحك: هي فيها كازا نوفا
نايا بحده: عمرو
عمرو: نايا انا في مهمة
نايا: ينفع اتكلم معاك دلوقتي
عمرو: اتفضلي.
نايا بنرفزه: ممكن اعرف ايه قلة الذوق اللى عملتها مع رنا
عمرو اتكهرب اول ما سمع اسمها لكن مثل البرود: و انا مالي و مالها
نايا بصوت عالي: ما تبطل ام غرورك و تناكتك دي و كلمني عدل ليه جرحتها يا عمرو هي عملتلك ايه ل ده كله
عمرو بعصبيه: عملتلي يا نايا سكت ثواني. انا كنت هحبها.
نايا: والله هتحبها!، الحب يا عمرو مش زي ما انت متخيل الحب بيدخل القلب ع طول مش محتاج استإذان من حضرتك يا حضرة الظابط، البنت طيبه و انضحك عليها و اخدت جزائها و استغفرت ربها اللي بيغفر انت يا بني ادم مش هتغفر
عمرو بغرور: نايا المبادئ ما بتتجزأش ما ينفعش بنت عاشت مع واحد في الحرام تعمل نفسها عفيفه دلوقتي، و انا اروح اطلب ايدها و اتجوزها كمان.
نايا بعصبيه: و مين انت يا بني ادم عشان تقول ايه اللى ينفع و ايه اللى ما ينفعش اذا كان ربنا نفسه قال انه بيغفر الذنوب جميعا
عمرو بعصبيه: بس مقالش ان نتجوزها دي واحده رخيصه
نايا وصلت ل قمة عصبيتها: تصدق الكلام معاك خساره، و صحيح الطيبون للطيبات و الخبثوين للخبيثات
مهيمن سمع صوت نايا عالي دخل الاوضه
عمرو بحده: تقصدي اني خبيث زيها اوك بس مش لدرجة اتجوز واحده زي دي شمال.
نايا ببرود و ضحكه صفرا: و مين قالك انها شمال دي محترمه جدا بس الظروف اللي عملت فيها كده، و انت الخبيث و هي الطيبه عشان كده ماينفعش واحد زيك يتجوزها، و انا اللي هقف في طريقك من النهارده اياك تقرب منها تاني يا كازانوفا عصرك و اوانك و لسه بتقفل مهيمن اخد الفون
مهيمن: اعمل حسابك ان دلوقتي دمي ماشي في دمها
عمرو: وانا ماليش اي علاقه بيها.
مهيمن بحده: واحد زيك كان زير ستات و كل يوم كان مع واحده ليه مستني تتجوز واحده ع الابيض، رنا مظلومه و ماينفعش انت كمان تظلمها ده لو انت حبيتها بجد، اما لو كانت نزوه بالنسبه ليك زي غيرها يبقى ربنا هو اللى رحمها منك عشان ماتتجرحش تاني كفايه عليها مره اتخدعت
عمرو بغرور: دي ممثله عظيمه قدرت تضحك علينا كلنا
مهيمن: و قطع شراينها تمثيل؟
عمرو قلبه دق بسرعه يكاد ان يجرج من مكانه و قال بتوتر: هي قطعت شراينها؟
مهيمن: اه قطعتها عشان واحد زيك مغرور مش بيهمه حد غير نفسه اكيد دبحها ب كلامه و حسسها انها ارخص خلق الله
عمرو بوجع: والله انا اتجرحت منها، انا فعلا حبيتها بس حبيت رنا الملتزمه الجد الرقيقه القطه و في نفس الوقت بتعرف تخربش ما كنتش متخيل انها غير كده
مهيمن بهدوء: رنا هي رنا يا عمرو انقذ البنت من الضياع اللي هي فيه حتى عشان ربنا يغفرلك أرفك بتاع زمان، إوعى تسلم نفسك لصوت الشر اللي جواك.
قوة الإنسان في عفوه واخلاقة وسيطرته على شره، الذين ينفقون في السراء والضراء والكاظمين الغيظ والعافين عن الناس والله يحب المحسنين سامح يا عمرو
عمروبحزن: هي عامله ايه دلوقتي
مهيمن: الحمدلله احسن بس حالتها النفسيه مدمره خالص
عمرو قعد و حس بوجع جوه قلبه
مهيمن قفل الفون
مهيمن يبص ل نايا: رنا كلمتك عنه؟
نايا بزعل: مش عارفه ليه واحد زيه ظهر في حياتها؟ البنت جواها جبل حزن.
مهيمن: سبيلي الموضوع هتصرف، اهم شئ خلي بالك من نفسك و من توتا
نايا: ما تقلقش علينا.
فريده كانت واقفه في البلكونه و متضايقه جدا و كان الجو ساقعه اتصلت ع شادي
شادي: حبيبي ايه اللي مسهرك
فريده: وحشتني بقالي يومين مشفتكش
شادي: انتي كمان وحشااااني يا حبيبي
فريده: لو وحشتك كنت جيت
شادي: والله عندي كذا عمليه انتي عارفه يا حبيبي متأخرش عليكي
فريده: و الجو هنا تلج كان نفسي تكون معايا
شادي: و عندي رصاااص امتى بقى تكوني في حضني و ندفي بعض
فريدة بشوق: كلها اسبوعين، شادي نفسي في حواوشي.
شادي: و انا كمان و قام اخد مفاتيحه و نزل: فافا انتى فعلا تشبهينى كل حاجه فيكى فيا، انتي روحى ونور عنيا، انتى حاجه جايه صدفه
انتى حاجه نادره جدا، انتى حاله ماتتوصفش، اه صحيح شكلك بشر، بس روحك نبع صافى، نعمه جت وسط القدر تروى اى حلق جافى، شمس في ساعة شروق او نجمه نزلت من السما.
لو شافك السكران يفوق، يا ارق حتى من الندا، في عنيكى طيبه ما شوفتهاش، و? حتى في الطفل الرضيع، بلسم بيشفى من الجروح، ورده في موسم ربيع، كل حاجه عايزة اقولها صعب تتحول كلام
نور بيمحى اى خوف
بدر في ليلة تمام، مهما يتقال في القصايد
مش هتوصف حاجه فيكى
ده انتى بركان حب فايض
واى قول قليل عليكى
فريده: لا حرام عليك كل ده و مش جنبي.
شادي وقف تحت بيتها و كان لابس هدوم العمليات و نزل من العربيه بصلها: ازاي اتأخر عليكي و شاورلها تنزل
فريده من فرحتها قالت ل مامتها و نزلت بالترنج
فريدة حضنته: وحشتني اخيرا شوفتك
شادي: معلش يا وردة حياتي
فريده بمشاكسه: سماح المرادي.
شادي فتحلها باب العربيه: اتفضلي يا برنسيسه فريده ركبت و قفل الباب و راح مكانه قعد و اتحرك بالعربيه راحو مطعم قريب جدا من البيت و نزل اشترى ليها حواوشي و فضلو ياكلو عدت طفله صغيره
فريده: ياخلاثي ع العثل
شادي: مافيش اعسل منك يا فافا
فريده: نفسي في بانبينو يكون بتاعي
شادي: بتاعك لوحدك
فريده: طبعا تكون شريكي فيه
شادي: كلها عشر شهور و يشرف ولي العهد.
فريده: كان معايا بنوته لذيذه خالص النهارده اسمها توتا لعبنا كتير اووي مع بعض
شادي باس ايدها: عقبال ما تلعبي مع عيالك يا فافتي
فضلو يحبو في بعض شويه و روحها البيت و راح المستشفى.
عند عمرو
قعد يفكر في كلام نايا و مهيمن كتير و كلم نفسه: العفو عند المقدره و افتكر جملة مهيمن لما قاله
قوة الإنسان في عفوه واخلاقة وسيطرته على شره
افكار كتير جت ع باله لحد ما اخد قرار.