رواية معشوقتي المجنونة ج2 للكاتبة ابتسام محمود الصيري الفصل الرابع عشر
عمرو نط بسرعه من عليها و ضرب اللي فتح الباب ب الرجل في بطنه و نزل ضربه ب الراس رنا فضلت تصوت صويت هستيري
لوح له دراعه فرقعه
رنا دورت العربيه و مع التوتر رجعت ورا بسرعه و كانت هتخبطهم عمرو نط بسرعه لكن اللي كان بيتخانق معاه نزل تحت العربيه
رنا حركت الفتيس عشان العربيه تمشي قدام.
عمرو جري بسرعه اتشعلق في العربيه و هي كانت ماشيه بسرعه و مش ماشيه مظبوط خالص ع الطريق، دخل من شباك العربيه و بعدها بصعوبه من ع الكرسي و وقف العربية قبل ما تقع في الملاحه
رنا كانت لسه بتصوت
عمرو مسك ايدها: اهدي اهدي ما ينفعش كده
عمرو بص قدامه و ضرب الدركسيون ب ايده بقى متوتر، طلع الفون اتصل ع نايا
نايا طبعا ما كنتش نامت طول الليل اول ما الفون رن ردت عليه بصوت تعبان: ايوه يا عمرو.
عمرو: نايا انا في طريق الدولي و معايا رنا تعالى بسرعه
نايا بعدم فهم: مين اللي بيصوت جنبك؟
عمرو: دي رنا، بسرعه يا نايا مش عارف اهديها خالص
نايا بصدمه: فيه ايه! و ايه اللي جابها معاك؟ عمرو انت نيلت ايه
عمرو: اخلصي يا نايا تعالي، انا نفسي مش فاهم فيه ايه
رنا كانت بتصوت و بتقاوم عمرو جامد عشان تنزل و فضلت تعضه
نايا بعصبيه: عيب عليك يا جدع دي اخت مرات نضال.
عمرو: لا ما انا مش واطى زي ما انتى متخيله، الحقيني يا حماره و بطلي هبد في الكلام و تعالي بسرعه
نايا بنرفز: احترم نفسك، اديني بتنيل البس و جايه
نايا طلعت من الاوضة شافت مهيمن لسه بيغير
مهيمن بصلها: رايحه فين بدري كده؟
نايا خافت تقول ل عمرو يبهدلها قالت بتوتر: ل ل لواحده صحبتي عندها مشكله ولازم انزل
مهيمن بصلها اووي: بنكدب تاني يا نايا انتي مش بتحرمي نهائي.
نايا بسرعه جدا: لا والله مش بكدب اخت ويزو عندها مشكله و و ااا
مهيمن: اخلصي يا نايا و ايه
نايا: اصل عمرو اتصل عليا و رنا كانت بتصوت و مش عارفه فيه ايه والله
مهيمن بصلها: انا مش عارف اخرة المقرف ده ايه هما فين اوعي تكون في شقته
نايا: لا هما في الطريق الدولي
مهيمن لبس بسرعه: اتفضلي هروح معاكي و دخل اوضة توتا و شالها
نايا: ما تسيبها نايمه
مهيمن: و اما تصحى تتخض انك مش موجوده؟
نايا: ما الزفته بتاعتك قاعده.
مهيمن: يالا يا نايا قدامي لما اشوف اخرتها معاكي ايه و مع الاستاذ عمرو
نايا مشيت قدامه بخوف و نازله
ودو توتا عند مامة نايا و راحو ل عمرو
^
عند عمرو
مهيمن نزل بسرعه و نايا وراه
رنا كان اغمى عليها
مهيمن بعصبيه و مسك عمرو من هدومه: هي دي رجولتك تاخد واحد محترمه في العربيه في مكان فاضي و ادالو بوكس
عمرو بيحاول يبعد ايد مهيمن: يا كابتن افهم
مهيمن شده من العربيه وقع في الارض جامد.
نايا وقفت في النص بخوف: مهيمن اهدى خلينا نشوف البنت مالها الاول و بصت في عينه جامد، عشان خاطري
مهيمن بتوعد: اقسم بالله لو البنت قالت انك لمست منها شعره ل هصفيك بنفسي و نرتاح من وساختك
عمرو حاطت ايده ع عينه مكان البوكس: رنا خبطت واحد ورا
مهيمن باستغراب: هو ايه اللي حصل فهمني.
عمرو بقلق: انا كنت واقف في الطريق ده و كاوتش عربيتها فرقع كنت واقف و هي طلبت مني اوصلها و اول ما ركبت قالتلي امشي بسرعه لقيت واحد فتح باب العربيه و كان هيضربها نزلت اتخانقت معاه لقتها هي اخدت العربيه و مشيت بيها و العربيه بدل ما تطلع ل قدام رجعت ورا بسرعه و خبطت الراجل اتصلت ب إسعاف جت اخدته.
مهيمن مسكه من قميصه: و انا بقى عيل و هصدق الهبل ده و ان وقفتك و فرقعة كوتشها كان صدفه ده انا هنفخك اقسم بالله بص ل نايا اتفضلي ع العربيه و انت تعالى ورايا.
عند مريم
نازله من المحاضره واحد زميلها نادها: انسه مريم
مريم وقفت بصت وراها و بكل رقه: نعم
احمد: انا احمد زميلك كنت حابب اقعد اتكلم مع حضرتك
مريم برقه: اتفضل اتكلم هنا
كرم كان رايح ياخدها شافها مرضيش يدخل و استناها بعيد شويه
احمد: انا معجب بيكي
مريم بتوتر: ميرسي لحضرتك بس انا مخطوبه بعد اذنك و مشيت لقت كرم
مريم بفرحه: كنت حاسه انك هتتصرف و تجيلي تاخدني.
كرم بحب: طبعا مقدرش اتأخر ع فراشتي، ماله الاخ اللي متنح هناك ده
مريم بهزار: ده سومه العاشق معجب ولهان
كرم بضحك: و قولتيله ايه
مريم بحب: قلبي مشغول بمعشوقي
كرم برومانسيه: انتي اللي معشوقتي مسك ايدها و ركبو العربيه وصلها.
عند مهيمن راحو مستشفى
و رنا الدكتور كان بيكشف عليها و نايا كانت معاها و عمرو و مهيمن بره الاوضه
الدكتور خلص كشف و طلع
مهيمن: مالها يا دكتور
الدكتور: عندها صدمه عصبيه اديتها مهدئ هتنام شويه
عمرو: ممكن ادخل اطمن عليها
الدكتور بعمليه: اتفضل بس ياريت محدش يعمل ازعاج او يضايقها
مهيمن مسك ايد عمرو و بص للدكتور: ماشي يا دكتور شكرا
الدكتور: ده شغلي بعد اذنكم و لو احتاجتو اي حاجه اتصلو ع رقم 111 داخلي.
مهيمن: تمام
الدكتور مشي
مهيمن بص ل عمرو: انت تبقالها ايه عشان تدخل عليها و هي نايمه
عمرو بقلق عليها: انا هطمن عليها
مهيمن بحده: نايا معاها، اتفضل قدامي نروح المستشفى العام نشوف الراجل حصله ايه و حكايته ايه.
عمرو حس ب احساس غريب اول مره يحس بخوف و قلق ع حد اول مره قلبه يدق كده و يكون نفسه يكون هو اللي حصله كده و هي تبقى كويسه كان نفسه يشوفها يطمن عليها بنفسه ازاي براءه زيها تترعب كده ازاي واحده بالرقه دي اتحولت و بقت قويه للدرجة كانت بتقاومه و هو حاول بكل قوته يمسكها
نزلو ركبو العربيه و عمرو سرحان خالص
^
عند شادي اخد فريده و نزلو
فريده: طيب قولي ليه مغمض عيني كده! و هنروح فين؟
شادي: دي مفاجأه.
فريده بدلع: مفاجأه ع فوفتك اووك، طيب قول ل فريده صاحبتك
شادي: مفاجأه ل وردة حياتي و ل عصفورتي الحره و ل صاحبتي اللمضه و اختي الشقيه و بنتي المدللة
فريده: كده اتقفلت و الحمدلله، طيب هتسبني في الضلمه لوحدي كده خدني في حضنك عشان احس بالنور و الامان بخاف من الضلمه
شادي اخدها في حضنه وفرح اووي ان مكان امانها حضنه و بقى يسوق بإيد واحده.
في المستشفى العام
في اوضة الشاب لقو بوليس كتير
مهيمن بجديه: السلام عليكم، انا المقدم مهيمن من القوات الخاصه، ممكن اعرف وجودكم كلكم هنا ليه
ظابط: اهلا ب سيادتك كابتن مهيمن طبعا حضرتك غني عن التعريف
مهيمن بجديه: اهلا بيك
الظابط: ده متهم و هربان و باين عليه عربيه خبطته
مهيمن بص ل عمرو
عمرو لوح بقه انه مش فاهم حاجه
مهيمن بجدية: هو متهم في ايه؟
الظابط: ده كان ضاحك ع بنت و كان عايش معاها في الحرام.
هنا عمرو قلبه دق جامد و اتصدم
كمل الظابط كلامه: و عذبها جامد و شغلها شحاته
عمرو بصدمه: تعرف اسمها
الظابط: ع ما افتكر رنا
عمرو داخ و كان هيرجع مسك نفسه و بعد عن الاوضه
مهيمن لاحظ تغير عمرو: ياريت تتحفظو عليه كويس، بعد اذنك
الظابط: طبعا فيه حراسه كبيره عليه، اتفضل و فرصه سعيده اني قابلت حضرتك
مهيمن ابتسم: انا اسعد (راح ل عمرو و ميل عليه ) عمرو مالك؟
عمرو كان قاعد و حاطت راسه بين ايده رفع راسه بشويش و الدموع في عينه: مش مصدق او كان نفسي تكون محترمه فعلا و دمعه نزلت من عينه
مهيمن: اهدى يا عمرو هو ضحك عليها دي ضحيه
عمرو بصوت عالي: و هي كان فين دماغها، كان فين اخلاقها اللي بتمثل عليا بيها دلوقتي
مهيمن طبطب عليه: اهدى احنا في مكان عام و مش وقت الكلام ده هبقى اقعد معاك و نتكلم
عمرو كان مصدوم جدا و مش قادر يفكر ولا يتكلم.
مهيمن: تعالى اوصلك، و اروح ل نايا
عمرو قام وفضل يفكر للدرجه دي تقدر تمثل و تخدعني للدرجه دي هي رخيصه اووي فعلا كلهم صنف واحد انا اللي غلطان انى اتعاملت معاها ب ادميه
مهيمن: عمرو وصلنا، يا عمرو
عمرو انتبه ل مهيمن: اممم
مهيمن: اتفضل اطلع بيتك وصلنا
عمرو نزل مهزوز رجله مش شيلاه تايه اول ما حط رجله ع الارض رجع
مهيمن بقلق: عمرو انت كويس
عمرو شاورله انه كويس و مسك دماغه.
مهيمن بجديه: معادك النهارده تروح فيلا ابراهيم تاجر الاثار و افتكر الشغل ملهوش علاقه بحياتك الشخصيه و اي غلطه هتكلف حياتك و حياتنا معاك
عمرو بحزن: متقلش يا كابتن انا فاهم كده كويس و طلع.
عند شادي
وصلو نزل و نزلها شالها
فريده: كده هاخد ع الدلع
شادي: طول ما فيا صحه ادلعي براحتك
فريده حضنته جامد و هو وقف مره واحده
فريده: شكلنا وصلنا
شادي: اه اتوقعي احنا فين؟
فريده بقت تحس ب قلبها: ريحة المكان حلوه اووي سامعه صوت مايه ماشيه ع حاجه نزلني كده بس اوعي اقع
شادي نزلها: عمري ما اسامح نفسي لو وقعتي و انا ع وش الدنيا
فريده حضنته بفرحه: حبيبي منحرمش منك ابدا و يباركلي فيك.
شادي حضنها: و يباركلي في عمرك، ها اين نحن؟
فريده بحب: في عشنا اللي هيجمعنا و اول مكان بابه هيتقفل علينا لوحدنا
شادي زاد في ضمتها: بحبك اووي يا فافاتي
فريده: و انا بعشق امك اللى مش شفتها
شادى شال الشريطه من ع عينها
فريده محركتش عينها من عليه: وحشتني كده تحرمني منك كل ده
شادى: معلش عشان المفاجأه
فريده عينها ماتحركتش من ع شادى: انت اجمل مفاجأه حصلت في حياتي اي حاجه بعدك يبقى اسمها شكليات انت فرحتي اللي بجد.
شادى حط ايده ع وشها و حركها بشويش: مش عارف كان حصلي ايه من غيرك انا عشت عمري احب شخصيتك في خيالي بحمد ربنا انه بعتك ليا
فريده حست باحساس غريب جواها شوق لهفه نفسها يكونو كيان واحد غمضت عينها و سابت نفسها بضعف.
شادى حس بيها شال ايده من ع وشها و مش عارف المفروض يسيب نفسه هو كمان ولا يفوقها عشان هي مش من حقه دلوقتي و اي حاجه هتحصل هتغضب ربنا كفايه انه مش بيقدر يبعد نفسه من حضنها ماينفعش يرتكب ذنب اكبر من كده اتصرف بسرعه قعدها ع فوتيه و قال: شكل ذوق الفيلا مش عاجبك و شغاله تجاملي فيا
فريده تفوق ع صوته بإحراج و بصت شمال و يمين: حلوه يالا نمشي من هنا
شادى: مش هتشوفي باقي الفيلا.
فريده بمشاكسه: يا عم انا واثقه في ذوقك يالا بينا نهرب من المكان الخِطر ده
شادى مقدرش يمسك نفسه و فضل يضحك بصوت عالي لدرجة نام ع الكنبه من كتر الضحك
فريده بهزار: هتقوم ولا عايز اول خبر في جريدة بكره فتاه في سن العشرين تتحرش ب شاب في اوائل الثلاثين و شوف بقى المسخره اللى هتحصل
شادى: بس حرام عليكي فصلتيني امشي اطلعي بره
فريده: أني طااالعه اهو متزقش ايه ديييه.
شادي يضحك قفل الفيلا و طلع وراها: ها تحبي تروحي فين؟
فريده بضحك: اي مكان عام
شادي بضحك: اووك و حرك العربية.
في كافيه
نضال: وزتي جواز و اتجوزنا يالا بقى نبدأ الرجيم
ويزو بزعل: يعني خلاص كده
نضال: ايه الدراما دي كلها، اوفر اووي
ويزو: اوفر صح طيب هاتلي محشي مشكل و بطة و رز خلطه و فراخ مشوية و...
نضال: بس ايه ده كله ارحميني بقولك هنبدأ رجيم مش هندخل ع جفاف
ويزو: الله بغذي نفسي عشان اكون داخله بقلب ع الرجيم
نضال: الاكل اللي هتكليه هيديكي سعرات حراريه شهر ل قدام
ويزو: خلاص بقى ابدأ الشهر الجاي.
نضال: يا وزتي لازم يكون فيه اراده
ويزو بضحك: اخ انا شكلي اكلت الاراده
نضال: مافيش فايده كلي يا ويزو.
في مطعم شيك جدا
فريده تمسك ايد شادي بحب و صوابعهم حاضنه بعض: متوقع حياتنا المستقبليه ازاي؟
شادي بعين بتلمع و مليانه حب: كفايه هكون معاكي
فريده: لا يعني بتحلم بإيه هنمشي حياتنا ازاي؟
شادي: اهم شئ يكون عندي بنوته زي القمر زيك في شقاوتك في جديتك وقت الجد، ها و انتي؟
فريده بشوق: انا عشت عمري كله بحلم اتجوز و بس، لكن لما شفتك، نفسي في بانبينو راجل جدع شهم اخلاق ذوق حنين زيك بالظبط نفسي اشيل ابننا و اسمع منه كلمة ماما يااا ده انا ممكن اتشل فيها
شادي: بعد الشر عليكي يا احلى ورده فتحت حياتي بعبيرها اللي بيخطف العقل
فريده: بحبك
شادي: انا بعشقك بقى
فريده دخلت جوه حضنه جسمه كله اترعش من حضنها المفأجئ.
مهيمن راح المستشفى
اللي فيها رنا و طلعلهم
رنا كانت فاقت و بدموع: انا نفسي اموت
نايا بهزار: ليه بس كده اقعدي و صلي ع النبي
مهيمن خبط ع الباب
نايا بتلقائيه: مين
مهيمن: مهيمن
نايا: ادخل
دخل خبطها ع دماغها: قاعده في بيتكم تقولي مين و ادخل و بص ل رنا حمدلله ع سلامتك يا استاذه
رنا بدموع: معلش تعبتكم معايا و فضلت تبص حواليها
نايا: تعب ايه بس المهم سلامتك، هتصل ب مامتك اطمنها عليكي.
رنا الخوف في عينها: بليز لا انا هبقى كويسه متقلقيهاش بس ممكن تروحوني؟
مهيمن بهدوء: ماتقلقيش اللي خايفه منه انتي خبطتيه و هو في المستشفى و عليه حراسه كبيره اطمني و انا هجبلك حراسه لو تحبي حالا
رنا بتوتر: لا مش ليه لازمه انا عايزه اروح
مهيمن يقوم: هروح اطمن عليكي من الدكتور و زي ما يقول هنعمل، و طلع من الاوضه
نايا بمشاكسه: بتدوري ع مين بعينك في الاوضه
رنا بتوتر: كان فيه ظابط معايا قبل ما يحصل اللى حصل.
نايا: هو كويس ماتقلقيش كان هنا من ساعتين تلاقيه غطس و هيئب دلوقتي.
الدكتور بعمليه: مش هخبي عليك محتاجه دكتور نفسي عندها صدمه عصبيه جامده و ياريت مايكنش فيه ضغوط عليها الايام دي و ماتتعرضش ل اي مشكله حتى لو بسيطه
مهيمن: ان شاء الله، ممكن تمشي؟
الدكتور: اه ممكن بس لازم الدكتور النفسي
مهيمن: شكرا ل حضرتك و سابه و راح ل نايا ممكن تمشي اجهزي و انا هستناكم بره اوصلك مكان ما تحبي
رنا: ميرسي ل حضرتك
مهيمن: انا زي اخوكي مفيش داعي للشكر
طلع و نايا طلعت وراه.
مهيمن: عايزك تقنعيها تروح ل دكتور نفسي
نايا: ممكن اخدها عند كرم
مهيمن: تمام، بس اوعي تقوليلها وش كده انها عايزه دكتور نفسي
نايا: عيب عليك ده انا نايا
مهيمن بصلها بحب: ما هو ده اللي مصبرني عليكي يا ناية قلبي
رنا طلعت و نزلو كلهم
نايا: رنا اديني رقمك عشان ابقى اطمن عليكي
رنا قالت رقمها
نايا بهزار: هصدعك كل خمس دقايق
رنا بحزن: ياريت نبقى اصحاب
نايا: لا احنا بقينا خلاص.
مهيمن وصلها و وصل نايا عند مامتها اخدت توتا ونزلت و اتحرك و وصلها عند بيته
مسك ايدها و باسها، نايا سحبتها بسرعه
مهيمن: لسه القمر مش هيحن
نايا بوجع: روح شغلك يا مهيمن نزلت اخدت توتا و طلعت مهيمن ركن العربيه و طلع وراها
نايا بصتله: ايه مش هتروح شغلك
مهيمن: لا لو فيه حاجه هيتصلو بيا و ميل ع توتا وشالها
نايا كانت بتستغرب ليه مش بيحب توتا تمشي ع الارض و دايما بيشيلها طلعو الشقه
اول ما دخلو.
توتا: ماما انا جعانه
نايا باستها: ثانيه و الاكل يكون جاهز
مهيمن قعد ع الكنبه و اعملي حسابي
نايا قدام ديرو بتبقى الكائن الطيف مع مهيمن: عونيه و دخلت المطبخ
ديرو طلعت قعدت جنب مهيمن و نامت في حضنه وتقول بدلع: سوري يا هيمو
مهيمن لسه هيتكلم
نايا شافتها طلعتلها: و انتي يا ماما ع رجلك نقش الحنه قومي اخلصي حضري معايا الاكل
ديرو بدلع: تؤ تؤ، ماليش في كده
نايا ترفع حواجبها و شفتها اللي فوق: و ده من ايه يا سكر.
ديرو بصتلها بقرف
نايا: عارفه انتي عامله كده زي، و شدتها، تعالي بس هقولك انتي ايه
ايه؟
ديرو بقرف: مش عايزه اعرف
نايا بضحك: لا ما انا هقولك، انتي حصان طرواده نفسه
ديرو باستغراب: و ايه حصان طرواده ده!
نايا بكل فرحى: انا بلقبك ب الحصان يعني حاجه واااو
مهيمن يكتم ضحكته عشان عارف حصان طرواده ده نوع فيروس لما بيدخل اي جهاز كمبيوتر بيدمره
نايا تزقها: يالا بقى زي الشاطره قدامي يا طرواده.
ديرو بقرف: اوعي ايدك متعودتش ادخل مطبخ
نايا شدتها من ايدها: تعالي لما اعودك
ديرو: اي سيبي ايدي
نايا بصتلها جامد: لا كده مش هينفع معايا اخشني شويه و دخلتها المطبخ
مهيمن حط ايده ع وشه
توتا بطفولية: هي ماما مالها بطنط ديرو
مهيمن بهزار و شالها من الارض و فضل يزغزغها: زي ما احنا بنلعب مع بعض كده هما بيلعبو، بس لعب من النوع الشرس شويه
توتا كانت بتضحك
في المطبخ: خرطي كل البصل ده.
ديرو بقرف: انتي يا لوكل وسعي عني القرف ده
نايا شهقت: حد يقول ع النعمه قرف امال لما بيكون في الاكل بيكون حلو ليه؟ و رفعت السكينه في وشها اخلصي ل اشقك نصين
ديرو بخوف: يا مهيم.
نايا تقاطعها: اخ ل صي
ديرو مسكت السكينه بخوف من نايا و قشرت كل البصل و فضلت دموعها تنزل
نايا ادتها المبشره: ابشري
ديرو بنرفزه و دموع من البصل: و ابشر ليه مادام فيه فوود بروسيسور عيني وجعتني.
نايا: الاكل لما يتعمل ب حاجه كهربا قيمته الغذائيه بتروح عايزاني ءأكل جوزي و بنتي حاجه من غير قيمة غذائية اخلصي و بالنسبة لعينك خليها تنضف و تشوف كويس
ديرو مسكت المبشره و فضلت تبشر ايدها اتعورت: اي ايدي هي اللي بتتبشر
نايا: بردو هتبشري اخلصي
و فضلو ع هذا الحال لحد ما خلصو
و حطو الاكل ديرو قعدت لزقت في مهيمن نايا اتغاظت جدا مسكت طبق الشوربه اللي مولع و مدت ايدها ل ديرو: تشربي شربه و كبتها عليها.
ديرو بصوتها كله صوتت
نايا ببرود: اووه سوري
مهيمن شالها بسرعه دخلها في البانيو و فتح عليها الماية و طلع ل نايا انتي بتستعبطي
نايا بصتله اووي و هزت راسها ب برود ب اه بصلها بغيظ و سابها دخل ل ديرو طلعها: غيري هدومك هدور ع كريم حروق.
نايا قامت بغيظ و بصت ل توتا: كملي اكلك هدخل اطمن ع طنط
توتا: ماثي
دخلت الاوضه مهيمن دخل وراها و معاه الكريم
نايا بقرف: يا حونين و قربت من ديرو سوري يا ديرو ماكنتش اقصد وسع انت يا مهيمن لازم انا اللى احطلها الكريم دي غلطتي
ديرو بعصبيه: اطلعي بره يا لوكل
نايا ببرود: والله ابدا ما يحصل انا لازم اصلح غلطتي و اخدت من مهيمن الكريم و حطته جامد ع رجلها
ديرو صوتت: طلع الوكل دي بره.
مهيمن شد نايا بره و طلع معاها: لو حصل اللي عملتيه ده تاني مره هتزعلي مني دي واحده رقيقه مش زيك قويه و كان قاصد يسمع ديرو
نايا قلبها وجعها بس اتكلمت ببرود: دي واحده محن و طبعا كل الرجاله يموتو في المحن و سابته و دخلت اوضتها و تكلم نفسها انا كا انثى النايا المفروض اسكت، اتهز اعيط، و ربنا ابدا اقسم بالله هدشملك يا ديرو
مهيمن حس ان نايا زعلانه اتضايق جدا لكن ما باليد حيله.
عمرو حضر نفسه حلق دقنه و ساب شنبه و مسك الجلابيه الصعيدي فضل يكرمش فيها و قطع فيها حتت و حرق حتت و لبسها و تحتها سروال بص ل نفسه في المراية و قال شكلي لسه ابن ناس اخد الكريم اللي لسه مشتريه نوعه فازلين و حط كميه كبيره ع شعره طلعه ل قدام اخد حاجه سوده و عمل شامه كبير ع قرته و بص ع نفسه و قال ايوه كده معفن معفن لا لسه ناقص حاجه مسك ازازة برفيوم ريحتها تقرف و فضل يرش ع هدومه كتم مناخيره اف ايه ده انا مش طايقني ده انا قرفت مني و نزل راح فيلا ابراهيم السباعي.
توتا تقوم تدخل ل نايا: ماما مالك
نايا بحب: مافيش حياتي روحى العبي في اوضتك
توتا بطفوله: بابا قالى ادخل اقعد معاكي
مهيمن كان واقف قدام الباب بيسمعهم كلم نفسه: يا جزمه انا قولتلك تقولي انا اللي بعتك؟
نايا تمثل العياط
توتا قامت وقفت ع السرير و حضنت راسها: مث تعيطي هعيط انا كمان و بقت تعيط
مهيمن انضايق و دخلهم لسه بيقرب منها قامت وقفت و بعدت عنه.
مهيمن اتضايق: ممكن اعرف زعلانه اووي كده ليه مع ان المفروض هي اللي تزعل
نايا ببرود: روح اقعد جنبها ل تزعل اكتر
مهيمن: يا قلبي افهمي دي واحده مش قدك ولا انتي قدها
نايا بعصبيه: خلاص فهمت انا الشريره و هي ملاكك الوديع اتفضل روحلها
مهيمن بهدوء: بس انتي قلبي
نايا بنرفزه و صوت عالي: ما تبطل ضحك ع نفسك انت انسان منافق و مستف، توتا خافت من الصوت العالي و بقت تعيط نايا سكتت و راحتلها.
مهيمن بص ل نايا وراح شال توتا و اخدها في حضنه جامد: اهدى يا توتا مافيش حاجه و بص ل نايا حسابك معايا بعدين وقام راح اوضة توتا يهديها.
قدام الفيلا حرس كتير
عمرو يكلم نفسه: كل ده حرس ده لو فيلا مدير امن المركز مش هيبقى عليه كل حراسه دي و اتحرك ناحيتهم اول ما قرب الكلاب فضلت تهوهو عمرو عمل نفسه خايف وقال بلهجه صعيدي: ايه يا خال الكلاب دي كلتها
حرس: انت مين؟ و عايز ايه؟
عمرو: انا ابو الرجوله انا كنت معدي لقيت الهيلمان ده كله قلت اكبر دماغي من الناس اللي كنت رايح اشتِغل عندِيهم و جولت اچي اشوفلي شغلانه عنديكم.
الحرس: امشي من هنا مافيش شغل
عمرو: يا چدع عيب متزجش خليك رچوله و ماتبجاش طماع عايز تغرف العز ده كلته لوحدك اغرفلي حبه ع چنب و متخافش مش هاخد مكانك بس خليك رچوله معايا و شغلني ايتها حاچه اهنيه
الحرس يزقه: بقولك امشي و بطل دوشه مافيش شغل ليك
عمرو: شكلك مش رچوله بجولك متخليش دماغك شبه اللي انت ماسكه في يدك و دخلني اجلب رزجي
الحرس بضيق: تصدق انك قليل الادب
عمرو: فعلا بيجولو اني ناقص ربايه عديني بجى.
الحرس ضرب عمرو في نفس المكان اللي ضربه مهيمن فيه الصبح
عمرو يمثل العياط: كده ينفع بردك ماعندك التانيه
و طلع يجري جوه الفيلا
طقم الحرس كله دخلو يجرو وراه و الكلاب حاوطته من كل ناحيه.