رواية معشوقتي المجنونة ج2 للكاتبة ابتسام محمود الصيري الفصل الخامس عشر
نط عمرو بلياقه عاليه و جرى بسرعه جدا و اي ضربة كان بيتفاداها لحد ما وصل عند البسين
عمرو: الحجني يا باشتنا رچالتك عايزين يخلصو عليا
ابراهيم طلع من البسين بص للحرس: انتو رجاله انتو اطلعو بره و بص ل عمرو انت مين؟
عمرو يظبط هدومه و ب إبتسامه: انا و العياذ بالله من جولت انا
ابراهيم بعصبيه: انت جاي تهزر هنا
عمرو يمثل بخوف: ابو الرچوله يا باشا
ابراهيم بصله
عمرو يشاور ع نفسه: اسمي ابو الرچوله.
ابراهيم بحده: انت ازاي تتجرأ و تدخل بيتي
فيه بنت كانت سانده راسها ع حرف البسين طلعت نشفت نفسها
عمرو: انا لجيت هيلمان بره جولت مچاتش عليا و لازم اشتغل مع جنابك ايتها حاجه
ابراهيم: انت عبيط ماخفتش من كل الحرس و داخل عشان تشتغل كده عادي
عمرو: لجمت العيش يا باشا
ابراهيم: انت عايز ايه بالظبط يلا؟
عمرو: بص يا باشا ارميني في ايتها شغلانه و انا هعچبك واصل، ان شالله ابجى الحارس الشخصي ل چنابك.
البنت حطت ايدها ع عين عمرو المتعوره: و يا ترى دي ايه يا اللي عايز و تقلد كلامه تبجى الحارس الشخصي لجنابه
عمرو يمثل الجديه: دي وحمه يا مودام
البنت بضحك: و حطت ايدها جامد ع عينه
عمرو يمثل الوجع: أي
البنت بضحك: شكل الوحمة بتوجع
عمرو يمثل القوه: الكدب ع الله خيبه انا دخلت خناجه اولت اولت امبارح و دخل عليه عشر رچاله فضلت فيهم طراااخ طراااخ لحد ما چبتهم كله ع الارض.
البنت ضحكت جامد: كل اللي في عينك ده و انت اللي نزلت فيهم طراااخ طرااخ
عمرو: ما واحد ابن لذينه غفلني
البنت بصت ل ابراهيم: والله لذيذ سيبه معانا، حتى يضحكنى و قامت نزلت البسين
ابراهيم: وريني بطاقتك
عمرو: ما جولتلك اسمي ابو الرچوله المجدع الشديد اووي
ابراهيم بنرفزه: و ده اسم برده
عمرو: لا صفه اصل احنا عيله جويه
ابراهيم قام: لا ماهو واضح، هات بطاقتك يلا
عمرو حط ايده في جيبه و فضل باصص ل ابراهيم.
ابراهيم: هي مش معاك
عمرو بثقه طلع كيسه سوده و طلع منها البطاقه: اهي، هو حد يمشي اليومين دول من غير بطاجه، الحكومة مش راحمه يا باشا
ابراهيم بصله اوووي و اخد البطاقه يكشف عنها بعد شوية عنه و كلم واحد و قاله: اسمه حميدو حميدو تربة
البنت سندت راسها ع البسين و فضلت تبصله جامد عمرو حرك حواجبة ليها
اللي بيكلم ابراهيم: هبقى اكلمك اقولك كل تفاصيله
ابراهيم: براحتك خالص و قفل.
وراحله انت هتشرف معانا هنا لحد الصبح و بعد كده نتكلم
عمرو: معاك لسنه جدام بس شوفلنا اي وكل همووت من الجوع
ابراهيم شاور ع فرد امن: خده اوضة الضيوف و خلي الخدم يحضرو ليه اكل
عمرو: تسلم يا يا بشتنا هي دي الرچولة و المچدعه ع حق.
يوم جديد
مهيمن يطلع من اوضة توتا شكله متضايق جدا نايا كانت في المطبخ عدى من جنبها و محدش كلم التاني طلعت الاكل ع السفره و دخلت اوضتها
دانيه اتصلت عليها
نايا بزهق و صوت مخنوق: الو
دانيه: ازيك يا نايا
نايا: تمام
دانيه بصوت طفولي: مالك يا صابحتي
نايا بضيق: تعبانه اووي يا دانيه خلاص مش قادره استحمل اي حاجه
دانيه: مالك يا نايا انتي بقيتي تخبي عليا.
نايا بدموع: والله ابدا بس ماحبتش اضايقك و انتي حامل وتعبانه لوحدك
دانيه: نايا انتي قلقتيني عليكي، تعالي اقعدي معايه يا اما قوليلي انتي فين و انا اجيلك
نايا: حبيبتي انتي حامل و تعبانه انا هبقى كويسه
دانيه: والله لو مش جيتيلي انا اللي هجيلك
نايا: خلاص يا دانيه هجيلك كمان شوية
دانيه: و انا هستناكي مش هفطر غير لما تيجي
نايا: يابنتي افطري و انا هجيلك والله
دانيه بتصميم: والله مش هحط حاجه في بقي غير لما تيجي.
نايا: ماشي يا دانيه هجيلك.
بره في الصاله
ديرو بدلع: هيمو سوري ع اللي حصل في الفرح انا واخده ع كده ماكنتش اعرف انك هتضايق
مهيمن بلامبالاه و بيشرب القهوه: و اديكي عرفتي ابقى اشوفك بترقصي مع اي راجل تاني او وقفه
ديرو: لا خلاص مش هتحصل تاني
مهيمن: تمام
ديرو بدلع: ممكن اروح ل بابا انا زهقانه اووي
مهيمن بصلها و فضل يفكر في حاجه: تمام روحي
ديرو باسته ع خده: ميرسي.
نايا طلعت من الاوضه و شافتها قلبها وجعها و كأن حاجه كهربتها دخلت من غير ولا كلمه اوضة توتا شالتها وهي نايمه و طلعت و وقفت و ادت ضهرها ل مهيمن و من غير ما تبص عليه: انا رايحه ل دانيه
مهيمن فضل يبصلها من غير ما يتكلم ثواني
وقال بصوت مخنوق: ثواني اوصلك
نايا بجمود: شكرا بعرف الطريق ل وحدي
شاورلها انها تروح.
جواه كان بركان لكن مافيش اي مشاعر واضحه عليه رفع راسه و غمض عينه جامد حط ايده ع عينه و مسح عينه بعصبيه
نايا بصتله: يعني ماردتش
مهيمن دور وشه و بصوت حزين: اتفضلي روحي
نايا حست بصوته فيه بحه غريبه و عينه بتلمع زي ما يكون فيها دموع كان نفسها تروح تاخده في حضنها و تقوله مالك لكن جمدت قلبها و نزلت
ديرو طلعت: انا جاهزه يالا عشان توصلني
مهيمن قام وقف في الشباك: ورايا حاجات انزلي روحي بعربيك.
ديرو اضايقت جدا: انت لسه زعلان مني
مهيمن بهدوء و عكس البركان اللي جواه: هعمل حاجات قبل ما انزل لو مستعجله انزلي
ديرو قعدت: لا مش مستعجله
مهيمن كان نفسه يكون لوحده يطلع كل الطاقه السلبيه اللي جواه لكن وجود ديرو زودها اكتر مسك اللاب فضل يعمل اي حاجة ظهرتله صور نايا و هي عامله نفسها نضال فضل باصص فيها كتير اتضايق اكتر قفل اللاب جامد و وقف: يالا
ديرو: يالا.
عند دانيه
الباب خبط قامت فتحت: فافا بحسبك نايا و حضنتها وحشاني يا نيله كده مش بتسألي ع اختك الحامل
فريده: والله وحشاني معلش بقى مشغوله في الفيلا و تقول بسهوكه و مع شادي
دانيه: ادخلي يا مسهوكه يا بتاعة شادي
فريده بفرحه: دي ضحكته بترج قلبي وبتهز الوريد يا دندونه مكنتش متخيله اني احب كده
دانيه: بنت انتي هي مراره واحده اهمدي كده و بطلي نفخ و سهوكه
الباب يخبط
دانيه: دي اكيد نايا و تفتح.
نايا: دانيتي عامله ايه
دانيه: بخير يا قلب دانيتك، مين دي نفسي اعرف
نايا: هدخلها تكمل نوم و هقولك ع كل حاجه و اول ما دخلت لقت فريده و بفرحه: ايه ضاااه فافا هنا هدخل توتا و اجيلكم
اول ما طلعت
فريده: وحشتني ايام زمان تعالي بسرعه نلحق النم من اوله
نايا بضحك: هي قعدة الصحاب حلوه اه بس جهنم ولعه وحشتوني يا اندااال، عامله ايه مع شادي
فريده تسرح و بسهوكه: شادي...
دانيه: بااااس انا مش ناقصه نفخ اديني نكد يا نايا عايزه حاجه توجع قلبي مش طالبه محن منك خالص
فريده: والله فقر و تموتي في النكد
نايا سكتت و عينها دمعت
فريده: لا، حتى انتي، طيب هي و حامل و مكفره الراجل معاها انتي خير مالك
نايا بدموع: ماتشغلوش بالكم
دانيه: الاول مين البنت دي
نايا قالتلها كل حاجه عن توتا
دانيه: و مين بقى البنت اللي المحروس جوزك كان شايلها في الفرح
نايا: دي بقى سبب نكدي نفسي امسكها اقتلها.
فريده: هي مين دي اوعي تكون نفس البنت بتاعة الكافيه
نايا بضيق: هي
دانيه: هي تبقاله ايه
نايا: مراته
فريده تنحت: ازاي ده بيحبك جدا
دانيه: والله انا قلت كلهم خاينين محدش صدقني
فريده: بقولك ايه يا ست روتانا نكد مش طالبه و بصت ع نايا طيب انتي سألتيه اتجوز ليه
نايا تمسح دموعها: مش راضي يقول
فريده تفكر: نايا ممكن متجوزها عشان حاجه في الشغل.
نايا: ايه ده تصدقي ماجاش في بالي حاجه زي كده بس لأ لما بيكون فيه حاجه بيقضو يوم معاهم مش بيتجوزوهم و اذا كده ولا كده بتوجع يا فريده
فريده: نايا مهيمن بيحبك و اكيد في سبب يعمل كده استحملي عشان حبك
دانيه: انتي بتقولي ايه يعني تيجي ع كرامتها و تذل نفسها عشان المحروس يتجوز و يتبسط
فريده: نايا ماتسمعيش كلامها، اكيد فيه سبب عشان يتجوز و هو بيحبك و جدا و ميقدرش يستغنى عنك.
نايا بدموع: المشكله اني تعبت بيخاف عليها بطريقه رهيبه تتخيلي ادخل عليه الاقيه بيظبط ليها هدومها اللى هتلبسها
دانيه: شوفي الواطي
فريده: نايا جوزك فيه سبب و ممكن عايز يكسب ثقتها فيه
دانيه: بت يا نايا ابعدي و اديله بالجزمه هو اللي هيجري وراكي
نايا بدموع: انا قلبي مابقاش مستحمل انا خلاص بنهار من جوايا
دانيه: اطلبي الطلاق
فريده: دانيه احنا ع فكره ضيوف عندك ادخلي هاتلنا حاجه ناكلها ولا نشربها.
دانيه: انا حامل و انتم مش غرب
فريده قامت و مسكت ايد دانيه شدتها: احنا هنعمل الفطار و انتي اياكي تيجي ورانا يا خرابة المراكب السايره
دانيه ببراءه: انا؟ ده انا حتى بقول حكم
فريده: ياريت تطلعي الحكم دي من دماغك خالص و دخلت مع نايا المطبخ
فريده: والله والله والله اي راجل فالدنيا زي الطفل بالظبط، كلمة تجيبه وكلمة توديه بالهدوء والحنية
دانيه تدخل: لو مجاش يبقي بالخناق عادي
فريده: امشي اطلعي بره.
دانيه بضحك: خلاص مش هتكلم
فريده: احتوي الطفل اللي جواه بالرفق واللين والمودة والمحبة
دانيه: لو منفعش يبقي زي ابنك بردو بالشبشب واديله واحرميه من الدلع
فريده بصتلها: والله و بصت ل نايا ماتنيمهوش زعلان منك والله هيشلهالك طول عمره
دانيه: هو اينعم المفروض يتفلق بس بردو انتي الكبيرة بس لو ساق فيها ومرضيش يصالحك صدري الوش الخشب اسبوع
فريده مرضتش تبصلها و كملت كلامها: حاولي ترضيه عشان هو فعلا بيحبك.
دانيه: أينعم هو خاين بس معلش عشان خاطري انا
فريده مسكت دانيه من هدومها: انتي جوزك مستحملك ازاي يا شيخه بطلي فقر و نكد شويه حرام عليكي انتي حامل في بومه؟
نايا فضلت تضحك: والله فادي كتر خيره معاكي
دانيه: طب بس انتو الاتنين ده انا مشبعه فادي دلع و.
فريده اقاطعها: لو بالشكل ده يبقى ابوس ايدك اقعدي صامته في البيت هتطفشي الراجل و احنا ماصدقنا نلاقي راجل خدمني و خدم امك و خدم نايا و خدم البشريه كلها و ظلم نفسه بجوازك
نايا فضلت تضحك: بالله عليكي فادي ده غالي عليا اهمدي و بطلي هبد ع دماغه
دانيه: والله محدش مقدر قيمتي بكره هتتمنو تقعدو معايا و انا اللي هتبرى منكم
فريده و نايا فضلو يضحكو
فريده: ابوس ايدك من دلوقتي اتبري مننا.
دانيه بهزار: طيب اطلعو بره بيتي يا كلاب السكك مش عايزه اعرفكم تاني
نايا بضحك: و النبي ل تحلفي و نفذي
دانيه فضلت ترمي عليهم لمون
فريده و نايا طلعو يجرو
نايا: استنو بس عايزة اجيبله هدية اصالحه بيها بس مش عارفه اجيب ايه!
فريده: شوفي هو بيحب اي وهاتيهوله
دانيه بضحك: جيبيله نسوان
نايا بغيظ: ساكتيها احسن اتهور عليها
دانيه بضحك: افتكري اني حامل
فريده: يالا يا نايا نروح نقعد في اي كافيه بعيد عن فقرها.
نايا قامت: خليكي بقى لوحدك
دانيه قامت قفلت الباب: اهون عليكم خليكم معايا
فريده: عارفه لو فقرتي هاكلك
دانيه: مش هفتح بقى.
عند مهيمن
فضل في مكتبه ساعه و رافض اي حد يدخله و مركز اووي في شغل معاه خلص
فونه رن مسك فونه لقاه شادي رد عليه: السلام عليكم
شادي: و عليكم السلام كابتن حضرتك قولتلي اي جديد عن مدام جهاد ابلغك
مهيمن: حصل حاجه
شادي: اه هي فاقت النهارده و فيه شاب و واحده عايزين يدخلولها رفضت ادخل اي حد غير لما حضرتك توصل
مهيمن تمام انا جايلك و قفل معاه.
عند نضال
بص ع السفره لقى سلاطه: هو فين الفطار
ويزو بزعل: انا بدأت الرجيم النهارده
نضال: طيب كوويس زعلانه ليه
ويزو: جعااااانه
نضال: طيب اعملي رجيم فاكهه و كلي موز، طول اليوم و براحتك
ويزو: تمام بما اني هقلب قرد فين السوداني
نضال: هو موز بس
ويزو: حرام عليك يا مفتري ده القرد بياكل موز و سوداني انا هاكل موز و بس، نضال روح شغلك و انا هتصرف.
عند مهيمن يروح المستشفى
شادى: الشاب معرفتش اقعده مشي اما الست اهي
مهيمن راحلها: السلام عليكم
الست: و عليكم
مهيمن: كنتي عايزه حاجه من مدام جهاد؟
: انت تبقى جوزها؟
مهيمن بتفكير: لا بس اعرفها
: انا كنت جايه اطمن عليها ممكن ادخلها
مهيمن حط ايده في جيبه: اتفضلي
دخلت و مهيمن واقف بره الباب يسمعهم
: حمدالله ياختي ع السلامه
جهاد: انتي مجنونة ايه اللي جابك هنا
: بقولك ايه انا محتاجه فلوس اخلصي اكتبيلي شيك.
جهاد: انا مش معايا فلوس و اطلعي بره
: ما انا لو طلعت من هنا هروح ل جوزك ع طول و اقوله ع المحروسه توتا اللي دايره تغرفي من وراها
جهاد بنرفزه: اسكتي يا وليه، و روحي ل شريف يديكي و غوري من هنا
مهيمن يدخل: ازاي تغور قبل ما نعرف سر المحروسه و قعد ع كرسي زي الحصان و شاورلها ب إيده تكمل
الست فضلت تبص ل جهاد و مهيمن
مهيمن: كده ممكن اقوم ارقدك جنبها اخلصي انطقي.
تقول بخوف: بص يا خويا هالا هالا ع الجد و الجد هالاهالا عليه
: لما جوزها طلقها عشان بتاخد حبوب منع الحمل و بقى مايديهاش فلوس قالتلي دوري ع واحده حامل تكون شمال و ناخد ابنها
مهيمن بص ل جهاد: و كنتي مش عايزه تجيبي عيال ليه
جهاد ببرود: و ابوظ جسمي ليه و اوجع دماغي
مهيمن: اه تمام و بص ل مديحه.
مديحه: لقينا واحده و قالت ل جوزها انها حامل في ولد هو فرح جدا و بعد ما البنت ولدت صحيت ل ضميرها هي و اللي معاها و اتجوزها و مرضوش يدونا الواد لقيت واحده جابت بنت و ماتت ورهي بتولد جوزها كان شكله فقير و تايه كده كلمته و اديته فلوس و اخدت البنت
جهاد: والله انا كنت هرجعها بعد ما يشوفها بس هو قالي عايزه فلوس ترجعي تعيشي تاني معايا و معرفتش اتصرف غير اني اقول اه و ادبست في البنت.
مهيمن وقف: انتو ازاي كده، انا دلوقتي فهمت ليه مافيش في قلبك انتي و لا جوزك رحمه ولا حنيه من ناحية البنت، ياااه هو فيه كده
جهاد بخوف: والله انا كنت هرجعها.
مهيمن اديني عنوان ابوها
جهاد: مش معايا بس معايا عنوان المستشفى اللي اتولدت فيها
اخد العنوان و اسم باباها و بلغ البوليس عليهم سلمهم و نزل جهاد فضلت تحت حراسه لحد ما صحتها تتحسن و مديحه اتقبض عليها
مهيمن راح المستشفى لقى نهال مرات محمد صاحبه قالها ع كل البيانات و قالتله هدور و اقولك كل حاجه عن البنت و ابوها.
عند ابراهيم فونه رن
: صعيدي ملهوش اي شغله ثابته
ابراهيم: امان
الراجل: جدا
ابراهيم قفل الفون و نده ع البنت: سوزي تعالي
سوزي قعدت ع رجله
ابراهيم حط ايده ع ضهرها: صعيدي و شكله دغوف ممكن نستغله احلى استغلال و يمضي هو ع دخول البضاعه
سوزي بضحك: ع بركة الله
يالا نروحله.
عند نضال
اول ما دخل البيت شم روايح اكل مشمر و محمر
نضال دخل عند السفره: ايه ده كله يا وزتي
ويزو: الغدا
نضال: انتي عازمه حد
ويزو: لا
نضال: راح فين الرجيم بتاع الصبح
ويزو: هو انا ماقولتلكش
نضال حط ايد ع ايد: لا مقولتيش
ويزو: دلوقتي بقى الفري
نضال يكتم غيظه: ده ع اساس احنا بقينا بعد اسبوع
ويزو غمزته: اعتبره كده، و اخلص تعالى كل إلا و ديني انيمك من غير اكل
نضال: و ع ايه الطيب احسن.
عند عمرو
ابراهيم دخل الاوضه اللي فيها عمرو بص ل سوزي: قومي حضريله بدله
سوزي: عيوني و مسكت ايد عمرو و بصتله جامد
عمرو: ايه بتشبهي عليا اوعي يكون سرقتك قبل كده
سوزي بضحك: لا بس شكلك يجي منه و غمزتله
عمرو: انا اعجبك في ايتها حاچه
سوزي زقته ع الحمام و بتقلعه الجلابيه: بجد ايتها ايتها حاجه؟
عمرو من ساعة ما حس رنا كدبت عليه بقى قرفان من كل الستات ويمثل الانبساط: ايتها حاجه.
سوزي بغمزه وقحه: خد شاور بس و نشوف بعدها بتنفع ولا بق و فتحت عليه الماية و طلعت.
عمرو بقرف منها و يقول في سره: ايه الفجر ده و فضل يبص في كل الحمام يشوف اي كاميرا او جهاز تصنط وفعلا لقى عمل نفسه مذهول من الحمام و مساحته و جماله: ابوووووي ياما تعالي شوفي الأمله اللي ابنك فيها ده الحمام كله قد شجتنا و فضل يمسك قطع الديكور و يبص فيها و حاجات حطها في جيب الجلابيه بيعمل نفسه بيسرقها و دخل استحمى و فضل يغني بالصعيدي لحد ما خلص عمل نفسه بيدور ع الفوطه مع انه شايفها مسكها و قال بصوت: و دي بيتنشفو فيها ولا ديكوور يالا اتنشف فيها و انا مالي اتنشف و لبس الهدوم اللي ادتهالو سوزي طلع فرد امن اخده و وداه اوضة.
عند ديرو بعد ما وصلها مهيمن نزلت مشوارو
حاست ب الم في بطنها و البريود اتأخرت عليها كلمت مامتعا واتس: ماما انا تعبانه و خايفه اكون حامل
مامتها: و خايفه ليه؟ مبروك يا حبيبتي
ديرو: هروح اكشف قبل ما مهيمن يجي ادعيلي اكون مش حامل، ولا اقولك دي هتبقى الضربه بجد ل اللوكل لو حامل
مامتها: اكيد حامل شكلك دبلان خالص
ديرو نزلت و راحت ل دكتورة نسا
و بعد الكشف و الفحوصات.