رواية معشوقتي المجنونة ج2 للكاتبة ابتسام محمود الصيري الفصل الثالث والعشرون
نايا تغمض عينها و دموعها تنزل تحاول تسيطر ع صوتها و تستجمع قوتها و تقول: مهيمن امشي انا خلاص استكفيت وجع منك
مهيمن بصدمه: نايا ليه كل ده نايا افتحي نتكلم مع بعض
نايا بحده: مابقاش فيه بنا كلام
مهيمن يخبط الباب جامد: انتي بتقولي ايه، افتحي ل اكسر ام الباب ده
نايا: -
هاله تمسك مهيمن: اهدى يابني و سيبها لحد ما ترتاح و اتكلم معاها بعد كده
مهيمن يخبط جامد ع الباب: نايا رجعتي ل عنادك تاني.
توتا تقوم مخضوضه و تصوت
هاله: يابني اخذي الشيطان و شوف توتا بتعيط
مهيمن بقى مستغرب نايا، نفسه يتكلم معاها يفهم بتعمل ليه كده، لكن متدهوش اي فرصه
راح ل توتا اللي مافصلتش صويت حضنها و فضل يطبطب عليها لحد ما نامت
دخلها سرير هاله و لسه هينزل
هاله: يابني اقعد ارتاح بلاش تنزل كده.
مهيمن رفع ايده و نزل زي الاسد الجريح اللى خسر مملكته بعد صراع كبير، و طبعا اي اسد بيكون عنده جرح كل الصقور تتلم عليه و تنهش فيه من غير رحمه.
هاله راحت ل نايا خبطت عليها و قالت بصوت حزين ع حال بنتها و الم في قلبها: نايا افتحي، انا امك يا نايا ليه بتوجعي قلبي عليكي، افتحي يا بنتي طمنيني عليكي
نايا تقوم بكسرة قلب و دمع تفتح تترمى في حضن امها اللى مش بيخله من الحنان و العطف و يقعدو ع الارض نايا ل اول مره تعيط بحرقه قدام مامتها من قهرتها ع حبيب عمرها و كسرة قلبها مقدرتش تخبي المره دي اوجعها و حزنها.
هاله حضنتها بحنان و فضلت تطبطب ع ظهرها و عيطت بحزن و الم ع حال بنتها
نايا بصوت مبحوح و دموع: انا عملت ايه عشان يعمل فيا كده ليه جرحني ليه رجعني ليه، ليه اتمسك بيا مادام اتجوز و هيخلف من غيري، هي ليه الدنيا بتعمل فينا كده قربتنا لبعض و احنا منعرفش بعض و لما بنحب بعض بتفرقنا (و صوت شهقتها عالى) قلبي وجعني اووي يا امي
هاله بدموع: اهدى يا نايا انتي عاقله فكري و شوفي نفسك هتقدري تكملي من غيره.
نايا عياط بحرقه: لا انا مقدرش ابعد عنه ثانيه، انا مش عارفه هعمل ايه من غيره بس خلاص يا امي الموضوع انتهى انا انانيه في حبي، مهيمن يبقى ليا انا لوحدي يا اما خلاص مقدرش اعيش و معاه واحده غيري تلمسه مقدرش اشوفه مهتم ب اي حد غيري، انا كده ابقى وحشه
هاله بهدوء تحاول ان تهديها: انتي انسانه جميله يا نايا و بتتعاملي مع كل الناس بوش واحد اكيد ربنا شايلك حاجه كويسه او عمل كده ل حكمة و خير.
نايا بوجع: ااااااه قلبي يا امي فيه نار مش قادره استحمل فكرت انه لمس غيري و هيجيب منها بيبي، المفروض انا اللى كنت اشيل ابنه، انا و بس.
هاله ادركت الكارثه كلها و فهمت سبب وجع بنتها حولت تهديها، لكن الكلام مع واحده وصلت للعشق صعب تتقبل فكرت جوزها يكون مع غيرها، طبطبت ع ظهرها و قالت بصوت حنون: نايا ربنا محلل للرجاله الجواز و حتى الرسول عليه اقضل صلاه و سلام اتجوز كتير و طبعا هي متقصدش تشبه الرسول ب شباب اليوم لكن تقصد حتى اطهر خلق الله اتجوز اكتر من بنت
نايا بوجع: لكن متجوز ع السيده خديجه و هي عايشه لانه كان بيحبها.
هاله بتبرير: او ممكن عشان منزلش عليه وحي بكده، و جوزك اكيد فيه سبب لجوزه
نايا تطلع الكلام بصوت مرتعش: حتى لو فيه يجيب عيال منها ليه، و ليه يلمسها
هاله يكاد قلبها ينفجر من شدت الحزن و الم ع بنتها و تقول و المرار في حلقها: نايا عشان خاطري اهدى، تحبي اكلم كرم
نايا تمسك في حضن امها: لا سبيني في حضنك اطفي ناري
هاله بحنان: طيب قومي ع السرير عشان ماتبرديش و ساعدتها لحد السرير و ضمتها في حضنها جامد.
عند فادي
دانيه بغيظ: ما لسه شويه
فادي قرر مايسكتش ل دانيه تاني مش هيسمحلها توقعه في الغلط ابدا كفايه ان ربنا ستر و مش لمس الجرسونه المره اللي فاتت و يقول بحده: بقولك ايه ولا اتأخرت ولا لسه شويه، مش عايز لك كتير و روحي حضري اكل يا سلام ع الراجل لما يكون واثق فيه نفسه
دانيه بغيظ: انت لسه ليك عين تتكلم يا خ.
فادي يقاطعها بحده: و ربي في سماه يا دانيه لو مابطلتيش الكلمه دي ل اتجوز تلاته غيرك و اجبهملك الشقه
دانيه: لا والله
فادي بجديه: تمام اووي شكلك مابتصدقيش انا هخليكي تشوفي بعينك و ع فكره مش فادي اللي يخون او يعمل حاجه تغضب ربنا، انا طول عمري بعرف ربنا و بخاف منه، ولا لما اتجوزتك خلاص هفجر، ولا شكلك مش واثقه في قدراتك ك ست
دانيه تجيب ورا: فادي انت بتقول ايه لا انا وثقه طبعا في نفسي و واثقه فيك.
فادي بحده: و ثقي كمان انك لو مش عجباني هتجوز غيرك ع طول مش هخاف منك ده شرع ربنا و الشرع ميزعلش يا حلوه
دانيه بخوف: طبعا يا فادي حقك لو انا قصرت معاك و انا بحبك و مقدرش استغنى عنك ابدا يا حبيبي
فادي يقعد و يحط رجل ع رجل و يغمزلها: هو ده الكلام روحي حضري العشا و هاتيه ع الاوضه
دانيه تمسك اعصابها عشان خايفه جدا من تهديده: بس كده، عيوني كمان لو تحب.
فادي يقوم يحط ايده ع وسطها و يشيلها: يبقى كفايه عليا و بلاش اكل فتح باب اوضة النوم و دخلو و قفل الباب.
عند مهيمن
راح بيته مش لقى ديرو، نزل راح مكتبه شغل المسجل
هندخل بضاعه سليمه الاسبوع الجاي و المره الجايه هنضرب ضربتنا
شغل التسجيل الحالي سمع صوت وش قفله
و مسك راسه من الصداع و رجع ضهره ع الكرسي و يفكر في نايا.
عند رنا
بتفوق: لا محدش يقتله لاءاااااااا
مريم تمسكها و حاولت تهديها ب اي كلام: رنا اهدى، و يارت تسمعيني
رنا فضلت تصوت: قتلو عمرو ليه
مريم بكذب: رنا عمرو كويس
رنا تسكت و تبصلها بحركات جنونيه و بدون وعي: انتي تعرفي عمرو
مريم بتوتر: اه
رنا بعين مش ثابته: هو عايش صح
مريم بعمليه مسكت ايدها: ممكن تبصيلي
رنا بصتلها و بقها مفتوح
مريم: ممكن تسمعيني هنتكلم شويه مع بعض انا معنديش اصحاب خالص
رنا بحزن: و انا.
مريم بأبتسامه: طيب انتي زعلانه ليه، احنا هنبقى اصحاب
رنا هزت راسها ب اه.
مريم سابتها و قعدت قدامها: انا مريم 20 سنه في اولى جامعه حصلي كتير في الدنيا و اتهديت لكن الحب قواني و خلاني اقدر اواجه الدنيا، الحب اداني ثقه في نفسي الحب يا رنا اجمل شئ في الكون، الحب مشاعر دافئه محدش يقدر يفهمها ولا يحسها غير اللى داق طعم الحب، مش لازم حب يكون بين راجل و ست الحب ممكن يكون بين اصحاب مخلصين بين الاسره ممكن كمان يكون بني ادم و حيوان أليف ده لو بتحبي الحيوانات طبعا عشان انا عندي فوبيا من القطط و تضحك ضحكه رقيقه.
رنا كانت بتسمعها و كل مدى كلام مريم يشدها و يهديها لحد ما ابتسمت: انا حبيته هو مش غلط
مريم برقه: الغلط هو الاختيار الغلط الحب عمره ماكان غلط و لا حرام طول ما انتي عاقله و ناضجه و تقدري تفرقي بين الصح و الغلط و هو يكون انسان نضيف و بيحبك بجد و طلبك من اهلك يبقى مش حرام
رنا بصتلها و ابتسمت: انا حبيتك انتي كمان، انتي عسوله اووي
مريم برقه: و انا كمان حبيتك، ها يا رنا نفسك تقوليلي حاجه.
رنا: هو ممكن شاب يحب بجد واحده غلطت
مريم: اه ينفع عشان هو ليه من يوم ما عرفك كنتي ازاي اما قبل كده دي علاقه بينك و بين ربنا، بصلاتك و استغفارك ل ربنا كبير و هو غفور رحيم يا رنا ادعي ربنا كتير كلمي ربنا في صلاتك هترتاحي اكتر ما تتكلمي مع اي بشر
رنا دموعها نزلت: انا عايزه اصلي
مريم ساعدتها
رنا ابتدت صلاه فضلت تدعي ربنا كتير
^
في نفس الوقت
عمرو بيصلي و بيدعي ربنا يطمنه ع رنا.
روحهم اتقابلت بين ايد ربنا، هما الاتنين خلصو صلاه كل واحد حالته النفسيه اتغيرت ل سكينه و راحه عكس شعورهم قبل ما يصلو.
عند عمرو
ابتسم و فضل يقرأ قرأن ع السرير.
عند رنا
مسحت دموعها و بصت ل مريم اللي شبه البسكوته و حنيتها و رقتها ع وشها: انتي بتحبي
مريم هزت راسها ب اه
رنا قامت: ممكن تقولي يعني ايه حب
مريم اتكسفت و خدودها احمرت ع حمرانها: الحب يعني تحسي ب حبيبك، شعور متبادل، خوف الطرفين ع بعض، الاهتمام، هما دول اساس الحب.
رنا سرحت مع نفسها و اتأكدت حبها ل مدحت كان مجرد انه اول واحد تسمع منه كلام حلو و شاب وسيم، و فعلا قلبها دق ل عمرو، و هو اول من يدق ليه قلبها كانت فرحانه اووي ضحكتها ملت وشها و بصت ل مريم، هو فين عمرو؟
مريم بتوتر: هكلم ابيه الصبح يطمنا عليه
رنا هزت راسها ب ماشي و بصت حواليها: انا فين؟
مريم: انتي كنتي تعبانه شويه امبارح و ابيه مهيمن جابك هنا و دي مستشفى
رنا بصتلها: انتي اخت مهيمن جوز نايا
مريم: اها.
رنا: ربنا يحفظكم كلكم يا رب و نامت ع السرير
مريم: رنا انا هروح المكتب لو احتاجتي اي حاجه دوسي ع الزرار ده
رنا هزت راسها ب ماشي و اخدت المخده في حضنها و نامت.
عند مكتب كرم
مريم تخبط بشويش و تدخل
كرم ساب الفون و بصلها: وشك فرحان
مريم بفرحه: انا مبسوطه، قدرت اخليها تضحك، بس البنت دي صعبانه عليا اوي
كرم رفع حاجبه: فاقت
مريم: اها
كرم بسؤال: ما رنتيش عليا ليه؟
مريم بثقه: عايزه انجح ب مجهودي
كرم ابتسم: انا واثق انك هتنجحي امال بعتك ليه
مريم برقه: ميرسي يا كرم ع ثقتك فيا
كرم بأبتسامه: لو موثقتش في فراشتي هثقك في مين، ها تحبي تروحي دلوقتي ولا الصبح.
مريم: خليني الصبح عشان رنا
كرم يمثل الزعل: عشانها بس
مريم خدودها تحمر: و عشانك
كرم: تسلميلي يا اجمل فراشة
مريم فضلت تحكيله ع اللي حصل مع رنا بالتفصيل
كرم فضل يشجعها بكلام كتيرو اعترض انها ادتها امل ان عمرو يكون عايش علىشان ممكن يكون مات و اقال: كان ممكن تقولي ربنا يطمنا عليه، مكنش ينفع تقولى خالص انه كويس
مريم: ان شاء الله يكون عايش هي مسكتتش و هديت غير لما قولت كده يارب يكون بخير
كرم: يا رب.
يوم جديد
عند نايا
تقوم من حضن مامتها لقتها حزينه بصت ع توتا اللي قاعده جنبها حطه ايدها ع خدها: مالكم؟
هاله: نايا لازم تكوني قويه حتى عشان توتا
توتا بمشاكسه: مالنا؟! قومي شوفي نفثك في المرايه.
نايا فعلا بصت للمرايه لقت واحده غريبه عنها ضعيفه مكسوره وشها حزين حطت ايدها ع وشها حاولت متزعلش اللي جنبها هي شعلة نشاط البيت و الطاقه الايجابيه ماينفعش تهمد و تهد كل اللي حواليها كلمت نفسها انا هبقى قويه و اقوى من الاول مسحت وشها و ابتسمت برغم اوجاعها
و بصت لتوتا طب و كده؟
توتا تحط ايدها ع شفايف نايا و توسع الابتسامه: كده مث بطال
نايا مسكتها و بصت ل مامتها: صباح الصباح ع صوت صباح يا ماميتو.
هاله: ربنا يسعد صباحك يا حبيبتي
نايا بصت للسما: اللهم امين و فضلت تشقلب في توتا و فضلو يضحكو
هاله بحب و فرحه: يالا قومو اتشطفو عقبال ما اعمل الفطار
نايا شالت توتا و طلعت تجري ع التويليت و قفتها ع كرسي و ادتها فرشه اسنان جديده لكن بتاعة كبار
توتا بصدمه: كل دي فرثه
نايا بضحك و تضربها ع راسها: معلش ماكنتش اعرف اني هجيب بق نونه
توتا بأفأفه: ده انا بق اسد و عملت صوت الاسد
نايا تمثل الخوف: يامي يامي.
توتا ضحكت و فرحت انها خوفتها
هاله: يالا الفطار
نايا شاورتلها تنجز: انجزي انه هتضربنا
توتا و نايا فضلو يغسلو سنانهم بسرعه و نايا شالتها و طلعت تجري ع السفره: احنا جينا يا مامتو
هاله طلعت و معاها الفطار و بأبتسامه: و انا جيت.
نايا بصتلهم و لقت ضحكته اترسمت ع شفايفها من جديد حست انها المسئوله ع ضحكة كل فرد في حياتها و هي بتبقى مبسوطه ب كده افتكرت مهيمن و سرحت معقول هقدر ابعد معقول مش هشوفه انا لازم ابقى حتى جنبه اشوفه ع طول، كفايه عليا
قامت: ماميتو انا هروح الشغل
هاله بستغراب: شغل ايه؟
نايا بضحكة: مركز القوات الخاصه
هاله: تاني يا نايا، مش هتسيبي الراجل غير ما يتجنن.
نايا بضحكة ثقه: هو اتجنن خلاص و بصت ل توتا نسمع كلام انه عشان اجيبلك حاجات حلوه كتير و مافيش مانع تجريها وراكي شويه
هاله ضحكت: ماشي يا نايا يبقى انتي و هي عليا
نايا تحضن توتا: اقلب القدرة ع فمها تطلع البنت
توتا تكمل: ل امها يا ماميتي
نايا باستها: قلبي ماميتك بقا و باست مامتها في الهوا و دخلت تلبس.
عند فادي
فادي صحي لقه دانيه محضره فطار، فطرو مع بعض بصلها و فضل يضحك
دانيه بغيظ: بتضحك ع ايه
فادي مسك ايدها قعدها ع رجله: انتي مبوزه ليه
دانيه بغيظ: ما انا لو اتكلمت هتنفخني
فادي ضحك جامد
دانيه قامت خبطته ع صدره مسك ايدها باسها و بص في عينها: دانيتي انا بحبك و عمري ما افكر اخونك بلاش تقولي انت خاين و الكلام ده عشان بيضايقني.
دانيه بدموع: فادي انا بحبك اووي مش بقدر اتخيل انك تبعد عني ثانيه، ببقى عايزاك جنبي ع طول
فادي يحضنها: هاخد اجازه يومين بحالهم اول ما اخلص شغل و هشهيصك
دانيه بزعل و نكد: يومين بحالهم و جاي ع نفسك ليه و سابته و دخلت الاوضه
فادي فضل يضحك: خدي يا نكديه
(دخلها ) شكلهم مش عاجبينك خلاص يا دانيه بلاش خالص
دانيه تبصله: و انا اللي قلت هتخليهم شهر
فادي: يا يومين يا بلاش
دانيه بقمصه: يومين يومين احسن من مافيش.
فادي باسها: هروح الشغل و مش هتأخر عليكي يا عيوني
دانيه: ربنا يقويك و يحفظك يا حبيبي
فادي غمزلها: ايوه بقى هي دي الدعوات اللي ع الصبح و نزل ع شغله.
عند مهيمن
قاعد مع اللوا يخلص شغل و دماغه هتتفرتك من الصداع و التفكير في سبب تغير نايا
و اذ فجأةً يلاقي نايا داخله
نايا بإبتسامة شقاوه: يا صباح الفل
مهيمن يوقف باستغراب: نايا
نايا تدخل بلامبالاه و تبصله: انت شايف مين وتقعد
اللوا: هنبدأ من اولها
مهيمن: هي ايه اللي نزلها تاني؟
نايا تحط رجل ع رجل: كيفي كده
اللوا: ع شغلك يا نايا
نايا طلعت راحت مكتبها.
مهيمن كان متغاظ جدا و استأذن من اللوا و طلع راحلها دخل و قفل الباب وراه
نايا بحده: خير
مهيمن: انتي اللي خير مالك
نايا تبص ل نفسها: انا كده نايا اما اللي كانت معاك فيه من فتره دي واحد هبله
مهيمن: بس الهبله دي اللي كبرت حبك في قلبي
نايا تقف و بحده: خلاص الهبله ماتت انسى حبك ليها، او ممكن تحب الكائن الحلزون اللزج والله لذيذه هتنفعك
مهيمن بحده: انتي بتقولي ايه، نايا انا من غيرك اموت.
نايا ببرود: محدش بيموت من الحب يا مهيمن، و تشاور ع نفسها انا اهو قدامك عايشه اخدت خوازيق الدنيا و الحمد لله فقت من الهبل و رجعت ل نفسي
مهيمن يقربلها نايا تبعد بخطوة و يقول: انتي نبض قلبي و بنت عقلي ام روحي ده انتى النفس بالنسبه ليا، حضنك اماني قبل ما اكون انا امانك، نايا ماتحكميش عليا بالاعدام انا مقدرش ابعد عنك ارحمي قلبي
نايا تمسك دموعها: لا يا مهيمن انت تقدر تعيش من غيري و ببساطه جدا.
مهيمن يمسكها: لو انتي هتقدري انا مش هقدر
نايا تدور وشها: لو سمحت عندي شغل
مهيمن كتم ضيقه و بصوت رخيم: نايا...
نايا غمضت عينها جامد مسكت دموعها و لفت بصتله و طلعت صوت من غير ما تحرك شفايفها: امم.
مهيمن: عايز اتكلم معاكي بعد الشغل
نايا ببرود: مافيش ما بنا كلام
مهيمن فضل السكوت احسن ما يندم ع اي كلام هيقوله و قال بنرفزه: تمام و طلع من المكتب هو زي الاسد الجريح اللى خسرت مملكته.
عند فافا و شادي
نزلو اشترو بتيناچ
فريده قعدت تلبس معرفتش تقوم: قومني يا شادي
شادي ميل عليها مسك ايدها لسه هتقف و قعو هما الاتنين نامو في الارض و فضلو يضحكو سندت عليه و قامت و فضلت تمشي بسرعه
شادي قام و فضل يجري وراها مسك ايدها و فضلو يمشو مع بعض بالبتيناچ حضنها و شالها
فريده حطت ايدها ع رقبته: نفسي اقول للعالم كله انا حبيت احن راجل في العالم
شادي نزلها و مسكها من وسطها: انتي اللي اجمل و احن بنوته.
فريده حطت راسها ع صدره و حست بألم في اخر بطنها مسكتها
شادي اخد باله: فافا مالك؟
فريده: مغص في بطني هيروح دلوقتي و جت ع نفسها و قالت تعالى نركب عجل بس هقعد قدامك
شادي قلع البتيناچ و سندها قلعها و ركب عجله و اخدها قدامه
و فضلو يضحكو لحد ما فريده عرقت جامد و جسمها بقى يرتعش شادي وقف العجله و مسكها فافا مالك
فريده بتحاول تفتح عينها و تقفل تفتحها و تقفل لحد ما اغم عليها.
شادي نزل شالها حس انها سخنه ركب تاكسي و راح ع الفندق حطها ع السرير و قلع جاكته و دخل ملى البانيو مايه فاتره طلع وقلعها هدومها و حطها في البانيو برد جسمها و قلع التيشرت و طلعها غيرلها كانت فريده فاقت بس مش قادره تتكلم حطها ع السرير و طلع تيشرت لبسه و اخدها في حضنه
فريده بصوت همس: ماتقلقش عليا انا كويسه
شادي حرك ايده ع شعرها: شكلك اخدتي برد
فريده حطت راسها في حضنه و نامت.
عند رنا
قامت من نومها ضربت الجرس دخلتلها الممرضه
رنا: هي مريم فين؟
الممرضه: ثواني هبلغها انك عايزاها
رنا: بليز عايزه جورنال
الممرضه: حاضر
الممرضه خرجت من عندها راحت مكتب كرم خبطت
كرم اذن ليها بالدخول
الممرضه دخلت: رنا صحيت و عايزه دكتوره مريم
كرم: روحي انتي هصحيها
طلعت الممرضه و قفلت الباب جابت جورنال و ادته ل رنا.
عند كرم
كرم قام راح ناحية مريم اللي نامت ع الكرسي ميل عليها: مريوم
مريم فتحت عينها و رفعت راسها من ع الترابيزه
كرم بحب: صباح الخير يا قمر
مريم برقه: صباح الخير
كرم: رنا عايزاكي
مريم بصت في الساعه: هكلم ابيه و اروحلها
كرم: ماشي يا فراشتي
مريم كلمت مهيمن
مهيمن كان متعصب مسك الفون شاف اسمها سيطر ع اعصابه و رد عليها
مريم: ازيك يا ابيه
معيمن بإيجاز: تمام
مريم: ابيه هو انت تعرف ظابط اسمه عمرو
مهيمن: ماله.
مريم: اصل البنت اللي جبتها بتسأل عليه و بتقول اسمه و هي نايمه
مهيمن مرضيش يجرح رنا و يصدمها هو حاس باللي هي فيه قال بهدوء: مريم حولي تقوللها اي حاجه تهديها
مريم: ابيه اصل لو مات فعلا ماينفعش اديها امل ممكن تنهار يوم ماتعرف
مهيمن: مريم طمنيها و خلاص
مربم: هو عايش يعني
مهيمن بحده: تحبي اقولك مات و اسيبك
مريم: يا ابيه فهمني اقولها ايه
مهيمن بعصبيه: سلام يا مريم عندي شغل و قفل
كرم بصلها.
مريم: انا مش فاهمه ابيه خالص
كرم مسك ايدها: قوليلي قالك ايه
مريم: قالي اقولها اي حاجه تهديها، افرض مات اصدمها بعد كده، انا المفروض مكنتش اقولها انه عايش، انت كلامك كان صح
كرم بصلها و ابتسم: عمرو اكيد عايش، بس ماينفعش يقول ل اسباب خاصه اكيد في حاجه تخص شغلهم
مريم ابتسمت: انت كلامك صح،
كرم ضحك بصوت عالى: هو اي حاجه بقولها كلامي بيبقى صح.
مريم تضحك: انت كنت صح في الاول انى اتسرعت وقولت حاجه مش متأكده منها و دلوقتي صح عشان هو لو مات كان ابيه قال مات ع طول، هروح ل رنا اطمنها
مريم لسه هتطلع لقت ممرضه بتجري في الطرقه و بتقول بصويت: الحقنا يا دكتور كرم
كرم فتح الباب ع الاخر و بصلها: في ايه
الممرضه مش قادره تاخد نفسها و تقول بصوت متقطع: رنا مبهدله الدنيا كسرت كل الاوضه
كرم و مريم طلعو يجرو ع اوضتها.