رواية معشوقتي المجنونة ج2 للكاتبة ابتسام محمود الصيري الفصل الرابع والعشرون
كرم وصل ل رنا لقى الممرضين مسكينها جامد اتعصب جدا و مسك الجورنال و قرأ مقتل ظابط في مهمه سريه: ايه اللي نيلتوه ده؟ مين اداها الجورنال؟ سيبوها
الممرضه: يا دكتور دي مهيبره خالص و بتكسر و تضرب كأنها وحش
مريم اتصدمت من شكل رنا اللي كانت رقيقه خافت من عصبيتها من ملامح شكلها الشرس رجعت ورا
كرم قرب لي رنا و قال بهدوء: رنا عمرو عايش اهدي
رنا بصويت و انهيار: سيبوني اموووت انتو بتضحكو عليا، سيبووني.
كرم بهدوء مسكها و بص لكل اللي في الاوضه طلعهم كلهم و بص ل مريم تقفل الباب وقال: صدقيني يا رنا عمرو عايش و بص ل مريم تكلمها
مريم بصوت فيه خوف: ايوه يا رنا هو عايش
كرم: رنا انا هسيبك، بس اوعديني انك مش هتإذي نفسك و اوعدك هخليكي تكلميه
رنا بصت بعين مش ثابته: انا هكلمه؟
كرم هز راسه ب اه و سابها و بص ل مريم و قال بصوت واطي خليكى جنبها
مريم قربت ليها حضنتها رنا فضلت تعيط.
كرم قام اتصل ع مهيمن و قال بحده: مهيمن لو سمحت حالة رنا صعبه جدا لازم تكلم عمرو يطمنها بس
مهيمن بعصبيه: كرم انا في شغلي مبعرفش عواطف حتى لو اقرب حد عندي
كرم بترجي: يا مهيمن البنت ممكن تموت هيجلها انهيار و لو دخلت في كومه مش هتطلع منها، انا مش طالب حاجه غير انها تسمع صوته
مهيمن يحاول يسيطر ع اعصابه: -.
رنا انهارت و فضلت تصوت: انتو بتضحكو عليا، وسعو سيبوني انا هاروحله، مش عايزه اعيييييش في الدنيا القاسيه اللي كلها وحوش، قتلوه ليه! عمل ايه؟
مريم دموعها نزلت و فضلت مسكاها
كرم بضيق: شكرا يا مهيمن بيه ع مساعدتك
مهيمن بوجع و حزن: كرم انا بعمل شغلي، و المفروض انت تقوم بشغلك وتهديها
كرم بضيق: للاسف العلاج في ايدك انت مش في ايدي انا، سلام يا مهيمن
مهيمن بعطف: كرم، يكلمها بس
كرم ابتسم بفرح: بس والله هي هتطمن.
مهيمن: تمام انا هروحله دلوقتي و هتصل عليك
كرم: هستنى مكالمتك قفل و راح ل رنا مسكها و بعد مريم و قالها: رنا ممكن تهدي عمرو هيكلمك
رنا انهارت و فضلت تتكلم كلام كتييير مش مفهوم كله بصريخ.
عند مهيمن
دخل اوضة في المركز في مكان سري فتح باب الاوضه و دخل
عمرو بصله: كابتن فيه ايه؟
مهيمن: رنا عايزه تكلمك، هتكلمها تطمنها و بعدها اياك تطلب اي طلب مني عشان هرفض تمام يا عمرو
عمرو هز راسه ب الموافقه
مهيمن اتصل ع كرم
كرم فتح كانت رنا بتصوت جامد، عمرو سمعها قلبه اتهز غمض عينه
مهيمن قلبه وجعه و حس ان لو عمرو سمعها كده هينهار قال بحده: كرم هديها و بعد كده اكلمك
كرم: مهيمن اديني عمرو هو اللي هيهديها.
مهيمن سكت ومش عارف يتصرف ازاي
كرم: انجز يا مهيمن
مهيمن بص ل عمرو: كلمها
كرم فتح الاسبيكر
عمرو مش قادر يطلع صوته
كرم بهدوء: اسمعي يا رنا عمرو بيتكلم
رنا بحركات جنونيه و ترمي الفون: انتو كدابين، كلكم كدابين، ابعدو عني
مهيمن طلع من الاوضه عشان ياخد حريته.
عمرو دموعه نزلت و بصوت ضعيف: رنا سامحيني، سامحيني يالي ملكتي قلبي، حبيبتي انا اسف لو جرحتك في يوم، عايزك تتأكدي انك جوه قلبي من اول يوم، حبيبتي اطمني عليا انا كويس
رنا كانت بتسمعه بنظرات تايه دموع نازله: عمرو؟ أكيد أنت مش عمرو
عمرو يمسح دموعه: لا يا حبيبتي انا عمرو فاكرة أول مرة اتقابلنا فيها؟ فاكرة لما كنت بتصل بيكي فاكرة لما نيمت عجلات عربيتك كلها عالأض عشان أوصلك.
رنا سمعت صوته اتأكدت انه هو و استسلمت قفلت عنها
مريم صوتت و جريت عليها
كرم شالها حطها ع السرير
عمرو بهستيريه: رنا، رنا، رنا ردي عليا، رناااااا رمى الفون وطلع جري فتح الباب
مهيمن حط ايده ع الباب
عمرو خبط الحيطه ب إيده: وسع يا كابتن
مهيمن ب صوت واطي لكن بحده: ادخل جوه
عمرو مسك مهيمن من هدومه: بقولك وسع
مهيمن طلع المسدس من ورا ضهره و حطه ع راس عمرو: ادخل ل اسقطك مكانك
عمرو: كابتن حس بيا هتشل.
مهيمن بعنف يزقه: ادخل جوه، النهارده معاد الصفقه هتنزل معانا و بعدها روح زي ما انت عايز
عمرو ماشي بخطوات يأس و الم و حزن في قلبه و قعد ع السرير و حط ايده ع راسه و صوت رنا في ودانه.
عند كرم بص ل مريم لقاها بتعيط قربلها: مريم بتعيطي ليه
مريم بدموع: صعبانه عليا اووي
كرم مسك ايدها و طبطب عليها: هتبقى كويسه متقلقيش، و ابتسم احنا هنفضل نعيط كل ما نشوف حاله كده عين فراشتي هتدبل و انا اللي هزعل
مريم تمسح دموعها و تبتسم: لا كله الا زعلك
كرم سابها ادى ل رنا حقنه و اخد مريم و طلع بره الاوضه
كرم: يالا عشان اوصلك
مريم: بليز خليني قاعده
كرم: مش هينفع يالا لازم تنامي و هي مش هتفوق دلوقتي.
عند فريده
شادي صحى بص جنبه ملقاش فريده قام سمعها بترجع في التويلت
شادي دخلها لقاها قاعده ع الارض، قعد جنبها مسكها: فافا مالك
فريده بالم و تعب: مغص في بطني
شادي شالها طلعها ع السرير و بيبص في الساعه لقى لسه باقي 3 ساعات ع الطياره غيرلها و حضر الشنط و راح ل دكتور يعرفو كشف عليها و طلب تحاليل عقبال ما عملها كان لازم يروحو المطار دخل للدكتور
شادي: اندرو لسه بدري ع النتيجه.
دكتور اندرو: ظهرت نتيجه واحده و الباقي ع بكره
شادي: المفروض كنا نسافر لو كده الغي السفر
اندرو: لا مافيش داعي تلغي السفر هبلغك النتيجه في التلفون، بس اهم شئ تخلي بالك منها عشان حامل
شادي فرح جدا: ده في عيني، و طلع ل فريده اللي تعبانه خالص و ماسكه بطنها و قال بفرحه: فافا انتي حامل
فريده بفرحه ابتسمت: بجد، امال مالي عامله تعبانه ليه
شادي ضحك: تعالي خدي رايحه فين، من هنا و رايح عايزك تدلعي خالص، و شالها.
فريده ضحكت و حضنته: مش اووي كده
شادي بحب: مش هخليكي تلمسي الارض ولا تتحركي ابدا
فريده حضنته جامد و راحو المطار.
عند كرم
وصل رنا و روح بيتهم اول ما دخل لقى توتا
وقالت بفرحه: كرم و قامت جريت عليه
كرم ميل عليها و فضل يحدفها في الهوا و شالها كويس: عامله ايه يا لمضه
توتا: حلوه اووي
كرم بص ل مامته: مالك يا ماما
هاله: هات توتا و ادخل شوف اختك اللي من ساعة ما رجعت من الشغل ماطلعتش
كرم بالا مبالاه: تلاقيها نايمه دي خم نوم
هاله بحزن: اختك زعلانه من جوزها و امبارح كانت منهاره
كرم قلق: هدخل اشوفها نزل توتا و راح خبط عليها.
نايا مسحت دموعها و قالت بصوت مبحوح: ادخلي يا ماما
كرم دخل: ينفع كرم
نايا قامت من مكانها تجري عليه حضنته
كرم دخل بيها الاوضه و قفل الباب فضل يطبطب عليها عشر دقايق لحد ما هديت
قعدها ع الكرسي و قعد قدامها مسح دموعها و مسك ايدها بحنان: حصل ايه
نايا بوجع: مهيمن اتجوز عليا
كرم بصدمه: انتي متأكده من اللي انتي بتقوليه، نايا ممكن يكون الموضوع شغل مهيمن بيحبك.
نايا بانهيار و صراخ: مش دي المشكله، دي كمان حامل منه، يعني لمسها
كرم بهدوء: نايا اهدي ممكن يكون فيه اسباب.
نايا بنار في قلبها: اسباب! اسباب ايه اللي تخليه يلمس غيري و عادي كده يديها حته منه تبقى جوا بطنها، و بصويت يا كرم ده لو بيحبني مكنش لمسها و لو عشان شغل و عمل كده مكنش شيلها حته منه، كان يقدر يمنعها يكون عندها بيبي منه، عشان شغله يجرحني، ليه يوجعني ليه يخلي فقلبي نار ملهاش اخر انا مش قادره استحمل اكمل معاه و مش قادره ابعد و مش قادره اكمل لعبتي عشان دي حامل فاهم يعني ايه عيل يتربى بعيد ع حضن باباه حاسس بيا انا وجعي لما اشوف حته من مهيمن بيتعذب بعيد عن عنه، و الظاهر كده دي جوازه فراغة عين مش شغل، كرم انا بموت.
كرم كان بيسمعها و مرضيش يقاطعها سابها تقول كل حرف جواها سابها تطلع كل الطاقه السلبيه و قال بهدوء شديد: نايا ممكن اللي اقوله يتسمع كويس متقاطعنيش ركزي و افهمي بلاش تسرع و هجوم عليه
نايا بصتله و عينها و وشها كلها دموع
كرم قام اخد منديل و رحالها مسح وشها كله باس راسها و قعد جنبها و اخدها في حضنه: نايا مهيمن قالك ايه لما عرف انك عرفتي بحملها
نايا بشهقات: مقولتلهوش اني عرفت و ممكن يكون عرف لوحده.
كرم بهدوء: امال قولتي ايه عشان تبعدي، اصل اكيد مهيمن سأل عليكي
نايا: قولتله عايزه اطلق و ملهوش دعوه بيا
كرم بعدها عنها و بصلها: و ده كلام ناس عاقله و ضربها بهزار ع وشها يا مجنونة
نايا كانت هتقوم مسك ايدها
كرم. هتتقمصي مني يا قرده اقعدي بتكلم معاكي
نايا بجديه: كرم انا مجنونة و محدش ليه دعوه بيا تمام
كرم بهزار: طيب يا مجنونة اقعدي احسن اقوملك و اديكي علقه من بتوع زمان
نايا بنرفزه: و هو انا هسكتلك.
كرم بهزار ضربها بالقفا و طلع جرى
نايا جريت وراه: و ربنا ماهسيبك
كرم فضل يجري في الاوضه و يطلع ع السرير و ينزل لحد ما كعبلته و قالت: تحب ادهالك 111 ولا تاخدها واحده الدكاتره يحتارو يخيطوها
كرم بضحك: لا التعويره في الوش مفيهاش معلش قلبك ابيض
نايا: رخم
كرم: جدا عشان بحبك
نايا قعدت: والنبي بطل هزار، فيا اللي مكفيني.
كرم قعد جنبها و يمثل الجديه: نتكلم جد بقى، الله، ع طول كده واخده كل حاجه بهزار، مافيش اي نوع من شيل المسؤليه
نايا بصتله بغيظ: انت دكتور انت اهبل
كرم يقعد ب ارتياح: يسلام و انتي بتمدحي فيا
نايا بغيظ: يا اهبل
كرم بأبتسامه: قولي كمان
نايا رميت عليه مخده و ضحكت
كرم بهزار و صوت عالي: ايوه بقى هي دي اختي حبيبتي و نط عليها
نايا ضحكت: يا بارد ضحكتي و انا متضايقه
كرم بجديه: هتتكلمي معاه و تصارحيه بكل حاجه في قلبك.
نايا بزعل: لا و لا اكلمه ولا يكلمني انا خاصمته اصلا
كرم بضحك: اصلا
نايا تبصله و ترفع شفتها اللي فوق و بتريقه: اصلا، و بصت في الساعه يالهوووي اتأخرت
كرم: ع ايه يا مجنونة
نايا بهزار: ملكش فيه
كرم: ماشي تبقي تيجي تعيطى تاني.
عند مريم
مكنتش عارفه تنام من التفكير في رنا كلمت كرم و راحت تاني ليها.
عند مهيمن
يحضر الفريق و يكون معاه عمرو و نضال و فادي و عساكر كتير عشان يقتحمو مكان تسليم الاثار.
و فريق تاني بقيادة محمد و فريق كبير حاصرو المخزن اللي فيه مخدرات
في المركز
فادي دخل اوضة اللبس هو و نضال و عمرو
فادي كان بيلبس و قال بهزار: عم كازنوفا نسيت اقولك الله يرحمك
نضال بضحك: ده بسبع ترواح ميقدرش يموت هيسيب الحريم لمين
فادي بضحك: و النبي انا لو بت كنت خفت ع نفسي منك
نضال يلبس واقي و يقلد صوت بنت: انت يا عسل انت.
فادي بضحك: ايوه يا قمر سامحني يا رب و تف عليه اقسم بالله لو انت بنت كنت كرهت صنف الحريم كله بالفرق اللي في سنتك ده
نضال يزقه: دي علامة جمال
فادي: دي علامات تحول الدنيا انك تكون بنت و زقه
نضال ضربه و ب صوت بنت: انا مش بكلمك انت من اساسو بكلم الحلوه ده و خبط عمرو
عمرو كان سامعهم بس بيكتم غيظه دموعه ممكن تنفجر في اي لحظه مرضيش يرد عليه
نضال مسك قميصه و ربطه ع راسه: ايه مشبهش يا حلو انت.
عمرو كان مميل يربط البياده اول ما بص عليه قرف من شكله: عبو شكلك و زقه
فادي فصل ضحك: تخيل لو صحيت مره و لقيت ده مراتك، و بتصحيك تصبح عليك
عمرو بصلهم بقرف: ده انا كنت ساعاتها اتمنيت اموت و طلع من الاوضه
نضال يمثل الزعل: حتى انت يا ابو قلب شبه الاتوبيس
فادي ضحك جامد و لبس قميصه: هتعنسي يا فقر يا وش البومه.
نضال قاعد و ربط قميصه جامد ع راسه: ياااالهووووي يا خسارة شبابك اللي هيروح في الارض يا لوز مقشر محدش غارف قمته
مهيمن كان واقف ع الباب و سمعه دخله مسكه من قفاه
نضال بخوف: اهدى بس هفهمك
مهيمن مسك ايده: تعالى بس معايا وداه عند مرايه و شاور ع شكله دي خلقه تبقى لوز و كمان في مقشر اتفو ع دي خلقه لو كانت بنت.
نضال يقلب شفته اللي فوق خالص و يبين سنانه و يبص في المرايه و يخاف من نفسه: باركه ان امي مجبتش بنات، يطلع يجري و يفك قميصه من ع راسه يلبسه و يروح يستلم السلاح بتاعه
مهيمن بخوف ع الفريق كله: عايز وحوش في ارض المعركه اوعى حد يسيب مكانه مهما يحصل كل واحد يلزم مكانه تمام يا وحوش
نايا تطلع من ورا الشباب و ترفع ايدها: تمام يا كابشين.
مهيمن يبصلها جامد و يجز ع سنانه و يضرب كف ع كف: حد يقولها حاجه، بلاش انا اتكلم
نضال بهزار: جرا ايه يا عم الفادئي داخل و فاتح صدرك يعني
نايا ضربته ع كتفه: خليك في حالك يا سكر
فادي سمع سكر و فصل ضحك
مهيمن وقف ربع ايده و فضل باصص عليها
فادي بضحك: ياريتك كنتى بدرتي ربعايه كنتي شفتي السكر كله
نضال عوج بقه و حط ايد ع ايد ع بطنه و بصوت بناتي: خير يا خويه ليك شوق في حاجه و يخبط عمرو
عمرو بجديه: انزل من ع دماغي.
مهيمن بحده: ها تحبو اجيبلكم كنتاكي و نقعد نلك حتى ناخد راحتنا
نايا بهزار: و ياريت تكتر الشطه
مهيمن بحده: الكل ع العربيات
يروح ل نايا و انتي امشي
نايا وقفت قدامه و بحده و قوه: مش همشي
مهيمن بحده: متقفيش قدامي عشان مكسرش دماغك دي
نايا تربع ايدها و تعوج رسها: هروح برده
مهيمن: متعندنيش عشان مزعلكيش.
نايا بضحكة سخريه: هو انا لسه هزعل و خبطته ع صدره و كانت قصده تحط ايدها ع قلبه تحس بيه و تطمن انه لابس الواقي: يالا يا كابشن هنتأخر حست بدقات قلبه هتفجر صدره و الواقي
مهيمن بحده: خدي هنا
نايا ببرود: نعم
مهيمن لسه هيحط ايده ع جسمها يطمن انها لابسه الواقي
نايا بعدت بسرعه
مهيمن بصلها: وريني الواقي
نايا فكت زرار القميص و رتهوله
مهيمن لبسها خوذه و قال بقلت حيله: اتفضلي
نايا زقت ايده: متزقش.
كلهم ركبو العربيه و مهيمن قال دعاء
الكل ردد وراه و الكل التزم الصمت
عمرو بيفكر في رنا و كل امله المهمه تخلص عشان يروحلها
نايا كانت بتبص ع مهيمن من تحت ل تحت و نفسها تعرف ليه عمل فيها كده و قررت بعد المهمه تواجهه.
فادي مشغول ب دانيه و ابنه اللي لسه في بطنها خايف ينزل الدنيا يتيم
نضال بيفكر ساب اكل كفايه ل ويزو ولا هتجوع و هتاكل الجيران.
عند ابراهيم
ابراهيم: اخيرا الفرح هيتعمل
سوزي سرحانه
ابراهيم هزها: سوزي بكلمك
سوزي تركز: ها
ابراهيم: بقول اخير هنعمل الفرح و نخلص من كل العرايس
سوزي بضيق: اللي قهرني نفسي اعرف ازاي خمنا
ابراهيم: اهو اخد جزاته
سوزي: ده لو ماكنش مات كنا بقينا في الحديد ابن الوارمه عرف عنا كل حاجه
ابراهيم: يارتني كنت اخدته قطعت لحمه عشان يبقى عبره ل اي حد يفكر يضحك عليا تاني
سوزي: بس يا بوس فيه حاجه غريبه
ابراهيم: ايه.
سوزي: هو الظابط مقبضش عليك ليه بتهمة قتل حميدو
ابراهيم: ممكن فاكر الجرسون اللي اتخانق معاه هو اللى قتله
سوزي: هو مين في الرجاله اللي قتله
ابراهيم: تلاقي اي حد منهم اول ما اديت اشاره بقتله
سوزي: طيب يالا يا بوس عشان نحضر الفرح من اوله ابراهيم قام و استعدو ينزلو يبيعو اثار بلدهم اللي كنوز الدنيا متعوضهاش.
عند فريده
وصلت مطار القاهره وراحت ع بيت مامتها
شادي كان شايلها و شكلها مرهق خالص و تعبانه
سوسن بخضه: هي مالها
شادي: هي اكيد تعبت من السفر والحمل
سوسن: هو انتو لحقتو في اسبوعين
فريده ابتسمت و بصت ل شادي بتعب: شايف عملت فيا ايه
شادي قرب من ودنها: احنا هنستهبل هو انا عملت حاجه
فريده ابتسمت بتعب و بصت ل مامتها: مامتي هتفضلي متنحه كتير قربي هاتي بوسه.
سوسن فرحت بس تخبي فرحتها: هو ده اللى اتفقنا عليه يا فريده، كليتك دلوقتي هتعملي فيها ايه؟
شادي بهدوء: دي ارادة ربنا، و انا هذكرلها و هتنجح ان شاء الله
سوسن: انتو عرفتو ازاي انها حامل، هو حد بيعرف من اسبوعين
شادي بعمليه: طبعا فيه بس احنا عرفنا عشان فافا تعبت ف عملنا تحاليل
سوسن تحضنها و تقول بحب: ربنا يسعدكم و يكملك ع خير يا قلبي، ادخلو ريحو هقوم احضر العشا
شادي قرب ل فريده و لسه هيشيلها.
فريدها تحط ايدها ع شعره: حبيبي هقدر امشي
شادي: انا قلت ايه
فريده بحب: حبيبي اسمع انت الكلام
شادي: ماشي يا قلبي.
في المادليف
الدكتور وصلتله باقي تحاليل فريده اول ما شافها اتصدم و كلم نفسه: لا حول ولا قوه الا بالله، اقولهم ازاي دلوقتي و فضل يفكر هيقول ل شادي ازاي نتيجة التحليل.
عند مهيمن
حاصر المكان كله قبل ما يوصلو ب ساعه
اول ما وصلو
مهيمن قام و مسك مكرفون: المكان كله محاصر كله يسلم نفسه
ضرب نار متبادل و كان عددهم كبير
مهيمن كان بيديهم اوامر
سوزي في العربيه تقول ل ابراهيم: ابن الوارمه مامتش اهو هناك
ابراهيم: ده انا هسففه التراب بإيدي.
عند محمد
كان فيه ضرب نار كتير لحد ما محمد اتصاب و وقع و كانت ضربة موت.
عند مهيمن
فضلو يتبادلو ضرب نار لحد ما ضيقو عليهم الدايره نايا و هي بتجري واحد خبطها ب حديده في دراعها
مهيمن اخد باله و بسرعه ضربه طلقه في راسه و قرب منها انتي كويسه
نايا ترفع مسدسها ع راس مهيمن و تنشن ع واحد ورا مهيمن و تقول بحده: انقذت حياتي و انقذت حياتك واحده قصاد واحده و سابته
مهيمن كان واقف مش هيتجن ده كان هيتشل لولا صوت ضرب الرصاص مكنش فاق من كلامها.
عند نضال
سلاحه وقع و قال بولوله: احيه هعمل ايه انا دلوقتي احيه
واحد وقف وراه و ضرب كذا طلقه ميل و حط ايده ع راسه و قال انا مت و بسرعه و را بعض انا مت انا مت انا مت، حسس ع جسمه مادام سامع صوت الرصاص ابقى عايش و بص بطرف عينه و دور نفسه بسرعه عمل مروحه في الارض طير الراجل و قام لوح رقبته فرقعها و اخد سلاحه ضربه بيه و نفخ فيه و طلع يجري يكمل
فادي مع كل طلقه كان بيسمعها كان بيتشاهد.
عمرو كل امله ربنا يغفر كل ذنوبه و يصبر رنا لو مات
مهيمن عينه كانت ع نايا
لحد ما قربو و الكل رمى سلاحه و قبضو عليهم متلبسين
مهيمن اطمن ع رجالته و قال: الحاجه كلها ع البوكس و فضل يدور ب عينه ع ابراهيم ملقهوش اتضايق جدا و عرف انه هرب و قال بعصبيه: و رحمة ابويا ما هسيبك و بص للعاساكر: ع البوكس
العاساكر اتحركو
مهيمن قرب ل نايا لقى ايدها بتنزل دم قطع قميصها و بص ع الجرح دي مش رصاصه دي ضربت سكينه.
نايا بلامباله: ماتشغلش بالك
مهيمن مرضيش يدخل في اي حوار معاها لان الوقت مش مناسب، و وقفلها النزيف.
عند عمرو
اول ما وصلو المركز نزل ركب تاكسي و راح ل رنا
مهيمن بص حواليه هو فين عمرو
فادي ركب تاكسي
مهيمن بعصبيه: غبي و هيفضل طول عمره غبي.
عند رنا
عمرو وصل دخلها لقى معاها مريم
اول ما دخل رنا بصت ع الباب و تنحت
مريم اخدت بالها بصت وراها لقت شاب بيبص ل رنا بشوق
مريم برقه: حضرتك مين لقتهم باصين لبعض و مش بيتكلمو، فهمت انه عمرو قامت مسكت الباب من ايده و فتحته خالص و طلعت
عمرو دخل قرب منها: انا اسف
رنا دموعها فضلت تنزل مكانتش عارفه تقول حرف
عمرو بحب: رنا حبيبتي انا كويس اهو و قدامك بلاش تقلقيني عليكي
رنا: -.
عمرو بحب: بكره هتقدملك و هتبقي خطيبتي
رنا مبتتكلمش دموعها مسيطره عليها: -
عمرو بحزن: انتي مش عايزاني
رنا فضلت تعيط
عمرو بحزن في قلبه قام: اسف اني ضايقتك و لسه هيمشي
رنا بدموع: عمرو متسبنيش
عمرو رجعلها قعد ع الكرسي اللي جنبها: رنا انا عمري مهتخلى عنك لحظه انا بحبك رنا انتي احتليتي قلبي و سيطرتي ع عقلي
رنا ابتسمت: اوعدك مش هتندم يوم انك حبتني.
و مره واحده النور قطع رنا مسكت ايد عمرو جامد و لقت حد من الناحيه التانيه حد بيشالها و لسه هتتكلم اللى شالها شممها مخدر نامت عمرو لسه بيقوم اتخبط ع دماغه و شاله.