رواية معشوقتي المجنونة ج2 للكاتبة ابتسام محمود الصيري الفصل الثالث عشر
مهيمن فضل باصص ع باب اوضة ديرو اللي اتهبد
نايا بصتله و حطت ايدها ع خدها: خير يا كابتن سرحان ليه! فيه حاجه؟
مهيمن كان لسه باصص ع الباب: ايه؟
نايا زعلت و قامت وقفت: لا ولا حاجه شكلك زعلان قوم روحلها و بتمشي
مهيمن قام وقف قدامها: اروح ل مين؟
نايا زقته: روح للكائن الحلزوني السلطع ملطع اللزج بتاعتك
مهيمن ابتسم و مسك ايدها
نايا سحبت ايدها بسرعه و راحت ناحية الاوضه بتاعتها.
مهيمن ناداها: نايا بصتله و شاور ع قلبه و عليها و باسها في الهوا
مهيمن يكلم نفسه: يارب الصبر و دخل ينيم توتا
و يحكيلها حكاية لحد ما راحت في النوم فضل باصص ع وشها البريئ و باسها ع راسها و طلع البلكونه.
تاني يوم نايا اخدت توتا ونزلت النادي قابلت دكتوره نهال مرات المقدم محمد صاحب مهيمن
نايا بابتسامة: اهلا دكتوره نهال
نهال بأبتسامة: اهلا بيكي يا دكتوره نايا عامله ايه دلوقتي
نايا: الحمدلله و ميلت سلمت ع ابنها عنده ست سنين: ميزو عامل ايه
حازم: اسمي حازم و كان باصص ع توتا
نايا بمشاكسه: لسه برده لمض و مش بتحب حد يدلعك يا ميزو
حازم بجديه: لا مش بحب
نايا: ع فكره انا اللي بكلمك مش توتا.
حازم بفرحه: هي اسمها توتا و بص ل مامته ماما توتا مراتي اهي
نهال بضحك: مين القمر دي يا نايا
نايا بصت ل حازم: ماتاخد توتا و العب معاها
توتا: لا مش هلعب معاه ده رزل
نايا: ليه بس عملك ايه
توتا: بيبصلى كده هو و تلقد بصته
حازم بطفوله: انا هتجوزك ولازم تسمعي كلامي اتفضلي يالا عشان امرجحك
توتا: انا مث هتجوزك و طلعت لسانها ليه و طلعت تجري.
نهال بضحك: معلش يا نايا اصل حازم بيعشق اسم توتا و دايما بيقول مراتى هيبقى اسمها توتا لدرجة مره كنت بولد حاله سمه بنتها توتا
نايا ضحكت: حازم ده عسل هو بس يكبر و انا اللى حوزها ليه بنفسي
نهال: مين البنت العسل دي
نايا حكت كل حاجه ل نهال
نهال بتأثر: قلبي وجعني عليها اووي ربنا يحفظها، كويس ان ربنا خلصها منهم دول مش اهل خالص دول عايزين يتعالجو.
نايا: فعلا والله تحسي انهم متخلفين ع رأي مهيمن دول معندهمش اي مشاعر ناحيتها
نايا بصت ع توتا و حازم: توتا مش عارفه مالها و مال حازم
نهال بضحك: هي شكلها شقيه
توتا فضلت تضرب حازم و تستخبى منه و هو بيجري وراها
نايا بضحك: ده شكله ميزو هو اللى مجرم.
في المركز
مهيمن: عندنا عمليه ل تجار اثار كبار سرقو كذا مقبره، عمرو هتدخل وسطهم كأنك عامل و هيكون معك GPS دايما يحدد مكانك و اي جديد عند التسليم هتبلغ
عمرو بجديه: تمام يا كابتن، امته هروح
مهيمن: هقولك وقتها
عمرو نزل اشترا جلاليب صعيدي عشان يجهز للمهمه في اي وقت و رنا جت ع باله عدى عليها في الشركة.
رنا نازلة من الشركة و لسه هتركب العربيه
عمرو قرب منها: الحقي يا انسه العجله اللي ورا نايمه
رنا بصتله ثواني دورت وشها لقت العجله نايمه فعلا
عمرو ب هزار: الحقي اللي قدام كمان اوووه و الفردتين اليمين كمان
رنا بصتله اووي: اكيد العربيه مش جلها اغماء فجأة و بصتله اووي و حطت ايدها اليمين في وسطتها
عمرو بصلها و بهزار: لا مش انا اوعي تفكري ان انا
رنا بنرفزه: و انت ايه عرفك اني كنت هقول انت.
عمرو: برده مش انا اللي كلمتك في الفون ولا انا اللي قابلتك امبارح ولا انا برده اللى نيمت العجل
رنا بنرفزه: هو انت اللي نيمتهم
عمرو بصلها: حد قالك اني داده هنيمهم
رنا نزلت من العربيه و بنرفزه: امشي من قدامي احسنلك
عمرو: يعني ينفع اسيبك كده في الشارع
رنا: اه ينفع و امشي من قدامي
عمرو بتصميم: لا ما انا لازم اساعدك و اوصلك
رنا بعصبيه: لو سمحت عيب كده اتفضل امشي
صاحبة رنا: رنا فيه حاجه؟
رنا: عجل العربيه كله نام.
صاحبتها: كله مره واحده
رنا بصت ع عمرو: تخيلي مره واحده
عمرو بجديه: انا ممكن اوصلك
رنا: ميرسي ليك اتفضل انت امشي
صاحبة رنا بصت ع عمرو بإعجاب: حضرتك تعرفها
عمرو: اه انا ابن عمها و يغمز ل رنا
صاحبة رنا: اهلا وسهلا بحضرتك طيب خليه يوصلنا يا رنا انا عندي مشوار مهم جدا
عمرو: انتي تؤمري اتفضلو
رنا بصتله بغيظ: طيب روحي انتي انا افتكرت اني نسيت حاجه فوق.
عمرو: مش اشكال اللي نستيه، بتقولك مستعجله و انا مش هفضل رايح جي
داليا: يالا بقى يا رنا مستعجله
رنا بلامبالاه: روحو انتو و انا هروح مع بابي و سابتهم
داليا مسكت في ايد عمرو: طيب يالا احنا سيبها براحتها
عمرو بضيق: اه يالا.
فضلت الايام ماشيه زي ما هي نايا تعاند ديرو و تعمل فيها مقالب و ديرو تغيظ نايا و تضرب اسافين من تحت لتحت
و مهيمن مشغول بمعرفة حقيقة توتا
و عمرو كل يوم يغلس ع رنا في الفون و كان بيرتب ازاي يدخل وسط مافيا الاثار.
يوم فرح نضال
ويزو الميك اب ارتست عندها و خلتها قمر مع انها قمر بس جمالها زاد
نضال طلع الاوضة اللي فيها ويزو عشان ياخدها اول ما فتح الباب كانت مدياه ضهرها و هو كان ماسك بوكيه ورد ابيض في بنفسجي و فضل ماشي بشويش لحد ما قرب اووي و نده عليها
نضال بفرحه: وزتي
ويزو بصت وراها بسرعه ابتسمت و قامت نضال قرب عليها اكتر و مسك ايدها باسها و اداها الورد.
ويزو كانت فرحانه جدا و من كتر الفرحه دموعها هتنزل و عشان تمسك دموعها قلبت الموقف هزار: مش كنت جبتلي سندوتش احسن
نضال قام: يا بت المفجوعه ارحمي نفسك مش هعرف احضنك كده
ويزو خبطته: تحب اقولك المفجوعه دي تبقي مين
نضال بتشويح: اه قولي
ويزو بكسوف: تبقى مراتك
نضال حضنها جامد: بحبك حتى لو كنتي ايه
ويزو دموعها نزلت: و انا بموت فيك.
نضال بعدها عنه بشويش مسح دموعها و قال بهزار: بس بقى بطلي عياط اجرة المزين اللي دفعتها هتروح في الارض
رنا بقرف منهم: يخربيت رومانسيتكم وسعولي هرجع.
عند بيت مهيمن
نايا نادت مهيمن: مهيمن تعالى عايزاك
مهيمن دخل اوضة نايا: واااو ايه القمر ده
نايا بكسوف: ميرسي اتفضل البدله دي عشان تلبسها
مهيمن باس ايدها: ذوقك حلو اووى و بيقرب منها
نايا بعدت: اركح مكانك ياض
مهيمن عض شفته اللي تحت و قلع التيشرت
نايا رجعت ورا بخوف و استغراب
ديرو نادت عليه بدلع: هيمو
مهيمن بيلبس التيشرت تاني
نايا قربت ليه مسكته و رفعت حاجبها بضيق
مهيمن: هطلع اشوفها.
نايا بطريقه رجالي: بتلبس التيشرت ليه؟
مهيمن بهزار: يعني هطلع كده عيب هتقول عليكى ايه
نايا بصوت تخين: تقول اللي تقوله و انا نفسي تقول، هتطلع كده يا مافيش طلوع
مهيمن يغمزلها بوقاحه: و ع ايه اقلع كمان الشرط لو تحبي
نايا بقرف تزقه: لا حلو كده
مهيمنو بصوت وطى: انا هيتلعب بيا كوره لحد ما اتهرى
نايا: بتقول حاجه؟
مهيمن: ابدا يا قلبى و طلع لقى ديرو في وشه خير.
ديرو حطت راسها ع صدره و ايدها بتحركها ع خده و تقول بدلع: انا نفسي اروح معاك
مهيمن بتهرب: بس انتي ما تعرفيش حد ولا حد يعرفك هناك
ديرو بدلع: و ايه يعني، انا هروح معاك بليز
مهيمن بقلة حيله: تمام البسي
ديرو شالت راسها و باسته و مسكت ايده: تعالى عشان احضرلك هدومك
مهيمن بضحكة صفره: ما انا لبست هو فيه لبس اكتر من كده، روحي البسي بسرعه ديرو ضحكت و دخلت اوضتها.
باب اوضة نايا اتفتح و طلعت كانت لابسه فستان كانت زي القمر منوره من كل حته و خصوصا الفستان اسود و فيه استراس كأنه الماظ و حاطه تاج ع راسها
مهيمن مسح عينه: انتى كده بجد
نايا هزت راسها ب اه
بصلها جامد و ابتسم مسك ايدها و دخل اوضتها تانى و قال برومانسيه: القمر ده ازاي هينزل كده هيفتكروكي العروسه
نايا ابتسمت: انا عروستك انت
مهيمن: ايه رأيك منروحش
نايا برقه: نضال و ويزو يزعلو.
مهيمن: مايفرقش زعل حد عندى المهم انتى متزعليش
نايا: مش هزعل بس انا عايزه اروح
مهيمن: تمام هنروح عشانك بس
نايا بتهرب: هروح اشوف توتا وصلت لفين في الفستان اللى مصممه تلبسه لوحدها طلعت من الاوضه و راحت اوضة توتا لقتها لبست و بتحط ميك اب و بهدلت وشها
و قالت بخضه: بتعملي ايه يا شقيه ينفع كده بهدلتي نفسك و اخدت منديل مسحتلها وشها و حطتلها روج بس و لبستها تاج زي بتاعها.
وقالت بفرحه بيها: يالا نفرج بابا ع الملكة الجميله
توتا: انا ثندريلا
نايا بضحك: المهم عندى تحافظى ع جزمتك يا احلى سندريلا و راحو ل مهيمن
مهيمن صفر: انتو الاتنين فساتينكم شبه بعض والله اميرتين
توتا: ثفتينى و انا ثندريلا؟
مهيمن: سندريله مين انتى احلى بنوته واحلى كمان من سندريلا نفسها
نايا ظبطت ل مهيمن الكرافته و طلعو كلهم لقو ديروفي وشهم
نايت رفعت صوبعها: هو الكائن ده هيجي معانا
ديرو ببرود: اه عندك مانع.
نايا بغيظ: و هيبقى عندي ليه وبصت ل مهيمن بحده
مهيمن بص ل نايا و بصوت واطى: هتتعوض يوم لوحدنا
نايا بصتله ثانيه و اخدت توتا و نزلت قدامه رجعت بصتله و قالت: اطلع قدامي يا ديك البرابر
نزلو و ركبو العربيه.
فادي و دانيه داخلين الفرح
دانيه كانت لابسه جيبه ستان رصاصي و بلوزه سواريه بنك و طرحه ستان رصاصي ساده
دانيه بنرفزه: عينك رايحه و جايه ع مين؟
فادي: بشوف الشباب
دانيه: الشباب عليا انا برده
فادي ببرود: طلبت نكد معاكي يا عيوني
دانيه: دلوقتي بقيت نكديه مش كفايه اللي ابنك عامله فيا.
فادي يحاول يمتص نكدها: ربنا يقويكي يا عيوني ينزل بس و انا هعلمه الادب اتفضلي اقعدي يا ورده مكانها في البستان اكيد نايا جايه دلوقتي
دانية: و انت رايح فين؟
فادي: هروح ابارك ل نضال
نايا و مهيمن و ديرو وصلو القاعه
و ماسك ايدهم هما الاتنين بس ماسك ايد نايا بحب اما ايد ديرو عادى جدا و نايا كانت ماسكه ايد توتا.
ديرو رجعت راسها شويه لورا بصت ع ايدهم اللي حاضنه بعض كان باين عليهم عشاق اتغاظت اووي وقفت مره واحده و عملت نفسها هتقع مهيمن ساب ايد نايا و سندها
ديرو عملت نفسها رجلها وجعاها: اه رجلي يا هيمو فيها شد عضل و بتوجعني اووى
مهيمن ميل ع رجلها و فضل يدلكها: حاولي تمشي كده
نايا كانت بتبصلهم بغيظ و قهر: يا حنين
ديرو بدلع: مش قادره بتوجعني لسه.
مهيمن وقف شالها و نايا كنت هتموت من الغيظ اخدت توتا و مشيت قدامهم بعصبيه و دخلت القاعه و مهيمن دخل ب ديرو و كل العين عليه ومستغربين مين اللى شايلها ده
حطها ع اول كرسي و بص ع نايا اللى كانت بتطلع نار من كتر الغيظ
نايا راحت سلمت ع دانيه
دانيه: مين اللي شايلها جوزك؟
نايا بحرقه و غيظ: مراته
دانيه تنحت: مراته و انتي عادي كده
نايا بزهق: والنبي سيبيني في حالي خلي توته معاكي
دانيه باستغراب اكبر: و مين دى كمان؟
نايا: دانيه دماغي وجعاني لوحدها هبقى اجيلك و نتكلم و بصت ل توتا خليكي مع طنط و اسمعي كلامها
توتا: حاضر
مهيمن بص ل ديرو: خليكي هنا هروح اقعد مع اللوا و سابها و راح ل نايا
مهيمن حط ايده ع كتفها: جسمك مولع ليه
نايا بنرفزه: من النار اللى فيا حاسب ل تحرقك
مهيمن: احنا بنغير
نايا بغيظ: لا ابدا بس الجو نار
ع الاستديج نضال و فادى و عمرو و ناس كتير بيرقصو
نايا سابت مهيمن و راحتلهم اخدت ويزو وفضلو يرقصو و يضحكو.
صوت من الدي جي: الاغنيه دي هديه من نضال ل عروسته سيبي روحك
نضال ساب اصحابه و راح ل ويزو مسك ايدها حضنها و رقصو سلو كل اللى كانو ع الاستيدج نزلو و وقفوا تحت
نايا كانت واقفه تبص عليهم اووي و عينها دمعت مهيمن استأذن من اللوا و راحلها
مهيمن ميل عليها: مال القمر
نايا برقه: اول مره اعرف ان نضال رومانسي كده شكلهم حلو اووي
مهيمن: ربنا يهنيهم، ع فكره انا كمان رومانسي تحبي تجربي.
نايا بدلع عشان تغيظ ديرو: ما توريني طيب
مهيمن مسك ايدها و رقصو سلو عينهم كانت في عين بعض من غير ماحد فيهم يحرك شفايفه، عينهم كانت كفايه تقول كل كلام العشاق لانها افضل عضو في الجسم كله و اهمها لانها هي مرء الذي تكشف ل كل حبيب ما في قلبه، عينهم فضلت متعلقه ببعض.
عمرو ساب اصحابه و راح وقف جنب رنا اللي واقفه لوحدها حط ايده في جيبه و كان باصص قدامه: ياترى الاسود اللي لبساه ع طول ده حزن ولا موضه
رنا كانت لابسه عبايه سودا واسعه و طرحه سودا زي العاده
رنا بصتله باستغراب: ليه مايكونش التزام
عمرو: الالتزام حلو جدا بس انتي صغيره حاسس انك دافنه نفسك جواه
رنا بنرفزه: ممكن اعرف انت مالك و مالي
عمرو بصلها: عايز نكون اصدقاء.
رنا بعصبيه: و الصداقه يا كابتن عمرو برده عادي بين شاب و بنت
عمرو بصلها: مادام ب ادب عادي
رنا بقرف: واضح ان ناقصك حاجات كتير عن دينك لازم تعرفها عن اذنك
عمرو يكلم نفسه: حلو النوع ده و جديد كمان
نايا لمحت عمرو و اول ماخلصت رقص مع مهيمن هربت منه بأحراج و راحت خبطت عمرو ع كتفه: ما ترحم نفسك يا عم المكروباص طول ما انت ماشي تحمل
عمرو بضحك: مكروباص فاضي و حياتك
نايا: البنت شكلها محترم مش من النوع اللي تعرفه.
عمرو: كل بنت ليها داخله و انا وراها لحد مااعرف دخلتها
نايا بضحك: شكلك هتتقلب ع وشك من كتر الحموله و مشيت سابته
ديرو كانت متضايقه جدا قامت راحت ل عمرو اللي واقف لوحده
ديرو: هاي
عمرو بصلها من اول راسها لحد رجلها اللى طبعا هي لبسه ولا مش لبسه و قال بغمزه: هاااي
ديرو مدت ايدها: ممكن ترقص معايا
عمرو ماكنش يعرف هي تبع مين عشان لما مهيمن دخل بيها عمرو كان بيرقص: طبعا ممكن و مسكها من وسطها بوقاحه و رقص معاها.
نايا تنحت ل عمرو
مهيمن: مالك؟
نايا بتوتر: اححم مافيش
وتكلم نفسها: يخرب عقلك يا عمرو مالقتش غير ده يارب عدي اليوم ع خير
ديرو بدلع: انت امور اووي
عمرو بضحك: احنا بنعاكس بقى
ديرو بدلع: بحب اقول رأيي بصراحه في اي حاجه
عمرو بغمزه: و انتي صاروخ
ديرو بضحكه منحله: ما انا عارفه
عمرو يمشى ايده ع ضهرها: يعجبني ثقتك العالية في نفسك
عند نايا بتحاول تبعد مهيمن
مهيمن: مالك يا نايا
نايا بتوتر: ابدا مفيش بس تعالى كده نشم هوا.
مهيمن حس انها مش عايزه يشوف حاجه ورا ضهره و بص اول ماشاف ديرو في حضن عمرو قام بسرعه
نايا: يارب عدي اليوم ع خير و راحت وراه
مهيمن راحلهم و بص ل عمرو بحده و زقه وسحب ديرو
عمرو بص ل نايا بعدم فهم: هو ماله و مال المزه
مهيمن فضل ساحب ديرو وطلع بيها بره القاعه
نايا تضربه: مالقتش غير ده يا بلاعه
عمرو بسؤال: مين المزه دي؟
نايا بغيظ: مراته يا موكوس
عمرو بإحراج و استغراب: اوووبا، امال انتي مين؟ و هو متجوز ده ازاي!
نايا بصوت ضعيف: مراته بردو
عمرو: شكلي عكيت الدنيا و هتنفخ ع حق
ويزو بتتكلم في الميكروفون: بصو بقى يا جدعان النهارده هعمل امتحان صغير ل نضال اتأكد بنفسي انه ظابط صح صح ولا فشنك
نضال حط ايده ع دقنه: و ده اللي هو ايه؟
ويزو: تشيلني
كل الفرح ضحك وفضلو يقولو شيلها شيلها
نضال بهزار: لا انا ظابط فشنك فعلا اتأكدي من كده
ويزو بصت للوا: سامع بيقول فشنك امال مشيلينه مصر كلها ازاي يا فندم
اللوا بهزار: اعتبريه اترفد.
نضال: بعتني ع طول كده
ويزو: شلني و ارجعك بعد ثانيه اكيد انا مش هكون اتقل من حجم مصر
نضال: ما انا لو شلتلك هروح ارقد في المستشفى ل 3 سنين قدام
كل الفرح شيلها شيلها
ويزو: اهون عليك تحرمني من امنية حياتي
نضال: لا حول ولا قوه الا بالله انا مش طالع من المصباح السحري
ويزو: هتشيلني
نضال: هحط و مش هقوم تاني
نايا بهزار: شكلك مش قد الجواز
نضال: انتي بتسخنيني.
ويزو بهزار: الحمدلله ان لسه في اولها و دورت نفسها تنزل من ع الاستيدج لقت نفسها طايره في الهوا
الكل وقف سقف
نضال شالها وفضل يلف بيها و نزلها بعد لفتين و بص في عينها: ده انا لو هيجيلي انزلاق غضروفي مقدرش اقولك لا ولا احرمك من امنيتك
ويزو: منحرمش منك يا سبعي
نضال بهزار مسك ضهره: بعد الحركه دي انسي اني اكون سبع
ويزو ضربت ايدها ع صدرها: ولا ضبع
نضال: ولا نعامة.
بره القاعه
مهيمن بهدوء: شكل اهلك معلموكيش ازاي تحترمي جوزك
ديرو ببرود: هو انا عملت ايه غلط
مهيمن يحاول يحتفظ ب هدوءه: لما تعملي غلط تعتذري اما لو هتبجحي انسفك شكلك ماتعرفنيش كويس
ديرو بضحكت ببرود: عرفني يا هيمو.
نايا: هو مهيمن لسه بره
عمرو: روحيلهم ليكون خلص عليها
طلعت بتدور عليهم اول ما شافتهم راحتلهم مهيمن كان ماسك ديرو من شعرها جامد
نايا مسكت ايده: اهدى يا مهيمن هتكسر رقبتها
مهيمن بصلها و بص ل ديرو و زقها: مادام اهلك مربوكيش انا هعرف اربيكي و بص ل نايا اتفضلي هاتي توتا و تعالي ع العربيه
نايا هزت راسها وديرو زقت ايد نايا من عليها.
نايا مرضتش تتتكلم بسبب عصبية مهيمن و دخلت القاعه اخدت توتا من دانيه و مشيت ع طول.
اول ما وصلو ديرو دخلت اوضتها و نايا دخلت توتا اوضتها و غيرتلها و نيمتها و طلعت قعدت جمب مهيمن
نايا بهدوء وقلق: مش هتنام
مهيمن بابتسامه: تؤ
نايا مستغربة ردة فعله انه بيبتسم: طيب قوم غير
مهيمن قام و مسك ايدها و دخل اوضتها: وحشاني اووي
نايا بتوتر: غريبه فايق اووي يعني
مهيمن ابتسم: حد يشوفك و مايفوقش و قرب من رقبتها بعدت بسرعه بخوف
مهيمن بضيق: و بعدين معاكي يا نايا.
نايا بصتله بوجع: اوعى تفتكر اني مهما اضحك اني بكون فرحانه، انا موجوعه اووي شفت احساسك و ديرو في حضن غيرك نفس احساسي لكن احساسي انا اكتر منك ب ميت مره، النار بتمسك جسمي كله و انا مش قادره حتى امنعك، عمرك ما هتلمسني و الكائن اللزج ده بيلمسك
مهيمن: ما انتي من ساعة ما دخلتي البيت مش بتخليني انام في اوضتها او ادخل الاوضه حتى.
نايا بقهر: حتى لو بتلمس ايدك مش هتلمسني يا مهيمن انا انانيه جدا في حبك عايزاك ليا انا و بس، حبيبي ما يلمسش غيري و عارفه الجواز ده مش حرام و الراجل من حقه مثنى و ثلاث و رباع لكن لو قصرت أو عصيت أوامرك أو ماقومتش بواجباتي الزوجيه أو حتى لو قصرت في حاجه صغيره متروحش تتجوز فراغة عين عشان هي رقيقه و دلوعه و من غير هدوم طول اليوم و الكلام اللي انت بتقوله ع طول، و انت ازاي كده عادى ده انا قولت هتبهدلها بس ليه اما لو كنت انا كان زمانك معلقني.
مهيمن بصلها بوش خالي من اي تعبير: تفتكري انا بحبها زي ما بحبك، ردك ع السؤال ده هو اللى هيعرفك ليه انا برد كده
نايا: و اللي حصل النهارده يبقى اسمه ايه يا كابتن
مهيمن: و حصل ايه
نايا: ما انت اضيفت و قومت بعدتها عنه و مشتنا كلنا من الفرح يعنى العقاب كان علينا كلنا مع انى معملتش حاجه بس لو انا لوحدى غلطت انا اللى بشيل الليله كلها لوحدى.
مهيمن: انى ابعدها و انى اكون دلوقتى عادى دي حاجه و دي حاجه تانيه خالص انا راجل شرقي و مراتي في حضن راجل المفروض رجولتي تخليني أرفض ان اي راجل يلمس مراتي حتى لو مش بحبها
نايا بغيظ: و لو كنت انا اللي في حضن راجل غي.
مهيمن قاطعها: اياكي تكملي يا نايا ده انا ممكن اموتك
نايا: والله طيب ميرسي ع حبك اللى هيخليك تموتني، تصبح ع خير يا سيادة المقدم.
الفرح خلص و كله روح.
في بيت فادي
دانيه واقفه قدام المراية و تحط ميك اب خفيف و تحط برفيوم
فادي يدخل: لا مش مصدق نفسي انتي بتتزوقي و تلبسي اخيرا
دانيه بصتله: ده ع اساس اني كنت معفنه
فادي يقرب: لا مقصدش، اقصد اخيرا هلمسك
دانيه: تصدق اني غلطانه اني بفكر ارضيك وانت مش بتفكر غير في نفسك انا اللي غلطانه في عز تعبي و حملي بفكر فيك اوعى كده خليني انام
فادي قعد مكانه: اه يا فقر يا وش البومة، الليله اضربت انت يعني لازم تفتح بقك.
عند نضال
نضال: ياااه لا مش مصدق ان احنا بقينا لوحدنا
ويزو: ايه اللى هيفرق يعني
نضال: لا هيفرق كتير بقولك لوحدنا و النهارده الخميس و ليلة دخلتنا
ويزو بصتله بقرف و قامت
نضال شدها من ايدها: انتى رايحه فين؟
ويزو: هاكل جعانه اووي
نضال: لا انتى هتفضلي مكانك و انا اللي هعمل كل حاجه النهارده
ويزو: احلف
نضال: وكتاب الله
ويزو قعدت بارتياح: طيب ياريت مع الاكل عصير و مخلل يفتح نفسي.
نضال: طلباتك اوامر حضر الاكل و وداهولها اكلت لحد ما شبعت
نضال: تاعليلي يا بطه
ويزو: تعالى شيلني
نضال بهزار: اللى فهمك ان الجواز شيل و و فرهده بس ضحك عليكي ضهرى يا مفترية اخلصي قومي
ويزو بدلع: و انا مالي شيلني
نضال قرب منها
ويزو اتخضت: فيه ايه
نضال بمكر: هقلعك الفستان يا عبيطه عشان هو اللي متقلك
ويزو: ايوه صح عندك حق العيب في الفستان.
نضال قلعها الفستان و شاله: اديني شيلتك اهو مخلتش في نفسك حاجه و دخل الفستان لحد الاوضة و رمه ع السرير
ويزو: انت بتشتغلني انت شلت الفستان بس
نضال: تعاليلي يا بطه
ويزو: وانا مالي هيه
نضال يقرب: ما تاعليلي يا بطه
ويزو تقرب: و انا مالي هيه
و لسه بيقول تاني ويزو قعدت ع رجله قال بصوت عالي: تاعليلي يامااااا
ويزو فضلت تضحك
و اندمج الخليط الكوميدى مع الرومانسيه هششششش مش عايزين دوشه ??.
يوم جديد
عمرو نزل من بدري و وقف بعيد شويه عن بيت رنا استناها و اول ما عدت ضرب ع الكوتش رصاص مطاط
العجل بتاعها فرقع وقفت
عمرو يرحلها: يا سبحان الله العجل فرقع لا حول ولا قوة الا بالله
رنا نزلت ربعت ايدها بصتله ب قرف و ركبت العربيه
عمرو: ركبتي تاني ليه العجل كله ع الارض
رنا بصتله بغيظ: شكرا ع المعلومة الشيقه دي انا مش عارفه لو ماكنتش قولتلي كنت عملت ايه من غيرك.
عمرو: شوفتي القدر بعتني ليكي ازاي عشان اوصلك
رنا بغيظ: لو سمحت لم مساميرك اللي في الارض و امشي عشان القدر مبيحصلش غير لما حضرتك تشرف
عمرو: اوعي تكوني مفكره انا اللي.
رنا قاطعتة: لا ابدا، انا متأكده بس اتفضل امشي
عمرو: متأكده قصدك امشي امشي
رنا: اه امشي
عمرو: متأكده
رنا: اه متاكده امشي
عمرو: هتبقي لوحدك
رنا: ماتشغلش بالك امشي
عمرو: انتي حره و رفع ايده شاورلها سلام و راح عربيته.
فجأه عربيه جايه من ورا بسرعه رنا بصت في المراية نزلت جري من عربيتها و فتحت باب عربية عمرو: ايه يا جدع انت بتصدق ع طول هتمشي و تسيبني
عمرو ببرود يقلع نضارته: خير يا انسه فيه حاجه
رنا بخوف: ما انت لو متحركتش دلوقتي هيبقى فيه حاجة امشي بسرعه
عمرو يقلدها: هو انا اعرفك؟ انتي تعرفيني؟
رنا بدموع و قلب يكاد ينفجر من سرعة دقاته: ارجوك امشي بسرعه و فجأه باب العربيه اللي من نحياتها يتفتح.
رنا غمضت عينها و صوتت بعلو صوتها
ديرو فضلت صاحيه ع السرير و سرحانة.
نايا طلعت من اوضتها و دخلت اوضة ديرو و مسكت الشبشب في ايدها و رمته عليها جه ع صوابع ديرو
ديرو بخضه و وجع: اااي، هو فيه ايه!؟
نايا: هو فين؟
ديرو بخوف: هو مين؟
نايا: الصرصار عشان اموتلك امه
ديرو: امشي اطلعي بره
نايا تشاور بصباعها: مستحيل اطلع غير لما اطلع روحه و يحرم يدخل هنا تاني (و وقفت تنحت و صوتت ) يالهوووي
ديرو بخضه: فيه ايه!
نايا اخدت الشبشب التاني وضربت ديرو ع ضهرها.
ديرو بصويت و تقوم تجري: بت انتي غوري بره يا لوكل
نايا بضحك: الحق عليا بموتلك الصرصار اللي ع ضهرك ا و حدفت الشبشب ع دماغها
ديرو حطت ايدها ع وشها و بصت ل نايا بصه شرسه و قالت بعصبيه ) غوريييي من وشي
نايا تمثل الخوف: لا استنى كده شكلي خفت يا ننوسة عين مامي و بابي، يالا تيكير بقى يا دراديرو (و مدت شفايفها ل قدام و طلعت من الاوضه)
ديرو طلعت فتحت الفريزير و فضلت تحط تلج ع ايدها و راسها بنرفزه و غيظ.
مهيمن وصل المركز ملقاش اي حاجه اتصل ع عمرو: ايه يا عمرو باشا فين الطوارئ اللى حضرتك نزلتني في نص الليل عشانها
عمرو بتوتر: معلش يا كابتن ممكن اكون سمعت غلط
مهيمن فهم ان الموضوع لعبه من نايا و يقول بهدوء لكن بتحذير: ممم غلط طب ياريت ماتسمعش غلط بعد كده احسنلك تمام
عمرو بتوتر: تمام سيادتك
مهيمن قفل في وشه و اتصل ع نايا
نايا تمثل النوم: الووو
مهيمن بضيق: بت اتعدلى كده و كلميني.
نايا بهزار: اتعدل بس، ده انا ممكن اقلب نفسي زي الهنود الحمر عشانك
مهيمن بحده: شكلك ناويه ع موتك
نايا بدلع: حياتي اهون عليك انا بموت فيك كفايه
مهيمن يحاول ميتأثرش بكلامها بس ازاي و هي الوحيده اللى بتقدر تهد الجبل كله مش تهزه بس و يقول بهدوء: ممكن اعرف استفدتي ايه؟
نايا بنصر: سبحان الله مع انك انت اللي علمتنا و انا تلميذتك!، اقولك حياتي ليه شوفت انا احسن منك و هرد ع سؤالك، كان فيه درس كنت بتعلمهولنا انك لو حصل و بقيت في جميع الحالات خسران خسران تبقى اخسر و انت اسد يعني لو الخساره حتما حتحصل يبقى متفرحش عدوك بهزيمتك
مهيمن ياخد نفس: و انا يا تلميذه يا نجيبه علمتك كده عشان تنفذيه فيا انا
نايا بضحك: بزمتك مش انفع
مهيمن بهدوء: نامي يا قلب قلبي احسن اجيلك.
نايا بضحك: احب اقولك افتكر ان ايدك تقيله و انا كيوتة
مهيمن: نعم!، ده اللى هو ازاي؟
نايا بضحك: مشيها بس اليومين دول
مهيمن: نايا يا كيوتة بحذرك تقربي ل ديرو
نايا: اموت و اعرف ايه سرها و ليه خايف عليها
مهيمن بهدوء شديد: هتعرفي كل حاجه في وقتها
نايا بهزار: تماموووز و ع العموم انت المفروض تخاف عليا انا منها
مهيمن بخضه و قلق: عملتلك ايه يا نايا،
فون نايا بيرن ع الواتينج نزلت الفون تشوف مين بيتصل لقته عمرو ضحكت.
مهيمن بعصبيه و قلق: نايا حصل ايه ردي عليا نااايا
نايا: فيه ايه يا حياتي محصلش حاجه انا كنت بهزر
مهيمن يرفع راسه و يحط ايده يلم شعره ل ورا: طيب عشان خاطري ماتحتكيش بيها
نايا بضحك: عيب عليك انا نايا يعني العقل الحكمة الهدوء
مهيمن قفل في وشها: اه يا مجنونة، ما انا كنت تمام ليه عملت في نفسي كده طلع المكتب و نام ع الكنبه.
تضحك و ترد ع عمرو: ايوه مين معايا
عمرو بعصبيه: بتلبسيني مع مهيمن
نايا باستغراب: انت مين؟ الرقم غلط يا عمرو
عمرو: لما اشوف وشك يا نايا
نايا بضحك تقفل في وشه: كده الواحد ينام مرتاح.
تاني يوم
فادي بحنان قام الصبح و قرب من دانيه و يمسد ع شعرها: عيوني هروح الشغل تحبي اعملك حاجه قبل ما انزل
دانيه تفتح عينها و بنوم: اه يا ريت تجيبلي اشرب
فادي قام جابلها تشرب و قومها و سندها و شربها: عايزه حاجه تاني عيوني
دانيه بدلع: اه هاتلي الكتاب ده
فادي جابهولها و باسها ع راسها: سلام يا قمر
دانيه تقعد عدل و بصوت تخين: خد هنا هو ايه اللي سلام اعملي فطار.
فادي بصلها اووي: لا انتي فهمتي السؤال غلط انا كنت اقصد عايزه حاجه تكون في السريع
دانيه تعمل نفسها تعبانه: يعني اموت من الجوع انا و ابنك
فادي بقلة حيله و يضم ايده ع بعض يحركهم بغيظ: لا ازاي اعملك فطار طبعا ( و قرب منها ) عيوني ليكي يا قمر انتي بس حني عليا.
في بيت مهيمن نايا طلعت لقت ديرو واقفه بتعمل فطار و مدياها ضهرها تروح بسرعه تحط علبه كبيره ورا رجلها
و تتف عليها من وراها و بابتسامة قرف: يا صباح الخ، ير
ديرو بصتلها بقرف و مردتش عليها و لسه بتتحرك اتكعبلت في العلبه و وقعت
نايا فضلت تضحك جامد
ديرو بصتلها و قالت بعصبيه: اتوقع اي حاجه من واحده لوكل زيك.
نايا تعدل هدومها و بفخر: احبك وانتي عرفاني و بتمدحي فيا ( و نزلت لمستوى ديرو اللي لسه واقعه ع الارض بصتلها و رفعت صوبعها قدام عين ديرو) احذري من اللوكل البيئه الطحن عشان هفرمتك مش هخليكي تتهني يوم واحد طول ما انا هنا ( و مسكت شعرها رمته ع وشها و قالت ) كده احلى مش حاسه خالص البراءه اللى ع وشك
توتا صحيت و طلعت من الاوضه: ماما صباح النور
نايا قامت راحتلها شالتها: صباح الهنا و الااشطة والكريمه حياتي.
ديرو تقوم و تبص ل نايا بقرف و تقول برقه ل توتا: مافيش صباح الخير ليا
نايا بصتلها: صباحك مهبب ع دماغك
توتا بصتلها: ماما نو كده غلط (و بصت ل ديرو صباح النور يا طنط)
نايا اتغاظت
ديرو اخدتها من ايد نايا حضنتها: اسمي ماما انا مراااات بابا ابقى ماما ت (قالتها و هي تقصد تغيظ نايا)
نايا بغيظ: الهي تتماهمهي يا عقربه انتي هتكوشي ع العيله كلها مش كفايه ابوها.
ديرو بدلع: لا طبعا انا كفايه عليا هيمو، بس بنته كمان ماتضرش
نايا بغيظ: الهي تتشلي و اخلص من محنك ده
ديرو بدلع و ضحك: شكلك انتي اللي هتتشلي من غيظك
نايا قربت تضربها و لسه بتمسك ايدها ديرو صوتت
توتا اتخضت و صوتت
ديرو عيطت: شايفه مامتك عايزه تضربني ازاي
توتا طبطبت عليها: معلث هي مث تقثد ما تزعليث منها
نايا بنرفزه: خدي هنا يا توتة مالكيش دعوه ب الكائن الرخو ده
توتا بطفوله: ماما دي بتعيط لازم تثالحيها.
نايا بنرفزه: الهي عقربه تصالحها و تبوسها في شفايفها اللي واخده وضع البوس ع طول ده
و بصوت عالي لتوتا: خدي هنا
توتا بطفوله: لا انتي كده نوتي و هقول ل بابا مث يجيبلك حاجات حلوه.
نايا بغيظ اكتر: لا و ع ايه (و قامت عند ديرو ب ابتسامه صفرا) سوري يا اخت سلطع ملطع (و بصتلها بقرف و اخدت توتا و دخلت المطبخ قعدتها ع الرخامة و لسه بتقرب للبوتجاز اتكهربت كتمت صوتها و بصتلها: هو ايه اللى كهرب البوتجاز يا بت يا توتة تفتكري في ايد خفيه عملت العملة ده
توتا بطفوله: مث عارفه
ديرو ضحكت و قعدت بارتياح شغلت التلفزيون.
نايا ببرود: تمام تمام كده الحرب تكون نزيهه يا بريئه هانم، مع انه مش داخل عليا البراءه دي خالص
ديرو بدلع: خالص
نايا تمد شفايفها و تقلد طريقة كلامها: مالص و حضرت الفطار و فطرت هي و توتا.
عند نضال
نضال يتصل ع ويزو: عامله ايه دلوقتي يا مهجتيتي
ويزو بحب: انا مش مصدقه نفسي خلاص فرحنا قرب
نضال: ولا انا بس بحاول اقنع نفسي يا مهجة الفؤاد اخيراً انا و انتي هنبقي حاجه واحده لا اقصد حاجات في بعض ما تجيبي بوسه
ويزو بضحك: لا يا خويا احنا من عيله محافظه
نضال: وياترى بقى محافظة ايه
ويزو بضحك: محافظة القاهره
نضال: ده انتي جمهوريه بحالها ربنا يستر عليا.
عند جهاد
بتتصل ع جوزها و تقول بعصبيه: الو يا حسام ممكن اعرف مابعتش الفلوس في حسابي ليه؟
حسام بقرف: اوعي يا بت السايس تكوني نسيتي اصلك و افتكرتي نفسك برنسيسه، لما تحبي تتكلمي مع اسيادك تتكلمي كويس
جهاد بحده: اه انا بنت السايس اللي كنت هتمووت عليها ع ما اظن محدش ضربك ع ايدك يوم ما جيت و اتجوزتيني
حسام بقهر: كنت عبيط بقى اعمل ايه
جهاد بحده: بقولك يا عنيه و من غير لك كتير الفلوس تتحط في حسابي.
حسام بحده: انتي انسانة مريضه و كل همك الفلوس فين بنتك يا محترمة اللي حتى كنت ممكن ابعتلك فلوس عشانها
جهاد بكذب: بنتي معايا
حسام: ده ع اساس اني كنت اعمى مثلا ماشوفتكيش مشيتي و سبتيها؟
جهاد: انا رجعت اخدتها
حسام بتريقه: اه ما انا عارف قلبك الحنين، هبقى اعدي عليكي اشوفها و ارميلك قرشين و قفل الفون
جهاد بعصبيه: اه يا زباله يا ابن الكلب
شريف: قالك ايه
جهاد: انا بعد كل اللي عملته الزباله مش راضي يبعتلي فلوس.
شريف بنرفزه: ما انا قولتلك بلاش تسيبي البنت انتي اللي صممتي انك تعملي مشكله و تسيبيها
جهاد: انت عارف كويس اني ماليش دماغ للعيال هي ناقصه قرفها عايزه اكل، اشرب، ادخل الحمام
شريف بعصبيه: بقولك ايه انا مش عايز وجع دماغ روحي شوفي البت فين و هاتيها تقعد زي اي جزمه في البيت خليه يبعتلنا قرشين نتحرك بيهم.
جهاد بقلت حيله: هروح اشوفها و امري لله، بس افرض عمل زي المره اللي فاتت و قالي عايزه فلوس ترجعي بيتي، ده انا بتخنق لما بشوفه
شريف بعصبيه: اعملك ايه دلوقتي قولتلك هاتي واد كان زمانه دلوقتي معيشنا ملوك بسبب ولي العهد
جهاد: يعني هو كان بإيدي
شريف عشيق جهاد عيل سرسجي بمعني الكلمه اللى بيعيش ع فلوس الحريم كل اللى عليه ياكل و يشرب و يصرف ع مذاجه.
في المركز جوه المكتب المشترك
نضال دخل المكتب
عمرو: عامل ايه دلوقتي
نضال: كويس انت عامل ايه
عمرو: تمام
فادي دخل مبسوط: سلامتك يا وحش كنت هجيلك بس معلش الظروف
نضال بهزار: لا انا زعلان
فادي: ما قولتلك معلش الظروف
نضال: اه هتفضل تقول الظروف و الجوابات
فادي بفرحه: كله يقولي مبروك
نضال و عمرو: مبروك
عمرو: ع ايه بقى
فادي: هبقى اب
عمرو: يتربى في عزك
نضال: سبحان الله عيل هيربي عيل.
فادي بصله: كل ده عشان مازورتكش اهدى شويه عليا
نضال: انزل هاتلي علبة شكولاتة من ام 500 جنيه عشان اصفي النيه معاك و مزعلش ع قلة تقديرك ليا
فادي بهزار: ده انت اخرك شكولاته ام عشره جنيه
عمرو استغل الفرصه مسك فون نضال و فضل يقلب فيه جاب رقم رنا و حفظه.
عند عزمي
: هو معانا متقلقش دخل الشحنه الحقيقيه خلينا نخلص
عزمي: لازم اختبره مره كمان انتي عارفه لو وقعنا هنخسر كل حاجه
: احنا اختبرناه كذا مره و مافيش ولا مره بلغ ولا حسيت منه انه هيبلغ او عنده ميول انه يخسر حد من اهله
عزمي: نعدي شحنه سليمة كمان مرة و بعد كده نعمل صفقة العمر
: اوك اعمل اللي يريحك يا يا برنس.
عند المركز
جهاد بخوف: اطلع معايا
شريف: اطلعي انتي هستناكي هنا
جهاد: طيب هقوله ايه
شريف: هو ايه اللي هتقولي ايه! قولي عايزه بنتي و خلي صوتك عالي
جهاد: طيب و طلعت
عند مكتب مهيمن
جهاد للعسكري: عايزه اقابل المقدم مهيمن
العسكري: اقوله مين
جهاد: مدام جهاد مامي توتا
العسكري: ثواني هبلغه و دخل قاله
مهيمن بتركيز و يكلم نفسه: هي لسه فاكره ليها بنت و يبص للعسكري دخلها
طلع العسكري و دخلها.
جهاد دخلت قعدت ع الكرسي و حطت رجل ع رجل: صباح الخير
مهيمن بجديه: صباح الخير
جهاد بتتكلم من غير اي مشاعر او لهفه ع بنتها: عايزه بنتي
مهيمن: بنتك! كويس انك جيتي اصل كنت هتصل بيكي
جهاد: خير في حاجه
مهيمن: بنتك دي بنتك بنتك؟
جهاد بتوتر: ايوه طبعا
مهيمن يبصلها اووي: و مالك مخضوضه كده ليه؟
جهاد بصوت عالي تخفي بيه توترها: جرى ايه انت بتكلمني كده ازاي؟
مهيمن بهدوء: صوتك يوطى شويه، خلي صوتك شبه اخلاقك يا اما تطلعي بره احسن ما ارميكي في الحجز لحد ما يبانلك صاحب
جهاد قامت: شكلك ماتعرفش انا مرات مين
مهيمن وقف قدامها و يتني كم قميصه: لما جوزك يعرف انها مش بنته يا ترى هيفضل متمسك بيكي
جهاد: ايه اللى انت بتقوله ده! و جبت الكلام ده منين؟ و انت مين عشان تكلمني كده؟
مهيمن حط ايده ع ايد الكرسي اللي قاعده عليه و بصلها اووي: انا عملك الاسود، انا اللي نخورت وراكي و عرفت كل حاجه
جهاد بقلق: انت تقصد ايه؟
مهيمن قام: اللي اقصده بقى، و اتفضلي من غير مطرود عشان مش فاضيلك بس قريب اووي هفضالك
جهاد تحاول تخفي قلقها: انا هعرفك انت بتتكلم مع مين
و طلعت
مهيمن قعد و كلم نفسه: بس افضالك و اروقلك ما انا برده قلت امها و تكون بالبرود ده ازاي؟
شكي طلع في محله الست دي وراها سر كبير و لازم اعرفه
جهاد اول ما نزلت بخوف و قلق ل شريف: شريف انا مش مطمنه للظابط اللي فوق ده
شريف يرفع حواجبه و شفته اللي فوق: ماله يعني؟
جهاد بقلق: يالا نمشي من هنا و بعدين نتكلم و ركبو العربيه
شريف: حصل ايه؟
جهاد: بقوله عايزه بنتي يقولي هي بنتك فعلا و بيقولي انا دورت و عرفت كل حاجه تفتكر عرف ايه
شريف يرفع شفته اللي فوق: ورقك كله سليم هيعرف ايه يعني.
جهاد: قلبي مواغوش مش مطمنه خالص
شريف: هجيبلك رقم الست اللي كانت ماسكه القضيه و كلميها و خدي منها البت
جهاد: كده احسن اكلم ست حتى لو اتكلمت كلمه معايا اجيبها تحت رجلي
شريف اتصل ب عسكري و قاله يدور ع رقم النقيب نايا و يبعتهوله.
عند كرم
كان مستني مريم تحت البيت اول ما نزلت نزل سلم عليها و بص في عينها: وحشتيني
مريم برقه: و انت وحشتني
كرم: متخيله اليوم هيكون ازاي في اول يوم دراسة يا دكتوره
مريم بقلق: انا خايفه اووي
كرم ضحك بصوت: هتبقي دكتوره نفسيه و خطيبك دكتور نفسى و خايفه لا والله عيب
مريم بابتسامة توتر: و جدا
كرم بحب: مش عايزك تخافي ابدا، هبقى جنبك ع طول في اي لحظه تحتاجيني فيها اهم شيء تركزي
مريم برقه: حاضر.
ركبو العربيه و اتحرك.
عند مهيمن
يتكلم في الفون مع ظابط جمارك: نور عامل ايه
نور: بخير، مش مصدق نفسي انك بتكلمني تاني، تاني مين اقصد تالت
مهيمن بضحك: انت عارف ماليش غيرك في الجمارك حبيبي
نور: أؤمر
مهيمن: عايزك تدخل بضاعة معدات و مواتير بتاعة حمايا انت عارف وجع دماغ الجمارك عندكم
نور: بس كده اوامرك اسم صاحب البضاعه و رقم الكونتينر
مهيمن: نفس الاسم بتاع كل مرة
نور: اعتبرها عنده.
عند كرم
نزل فتح الباب ل مريم و جبلها الجدول و عرفها مكان القاعه بتاعتها
مريم برقه: ميرسي يا حبيبي بتعبك معايا
كرم بهزار: والله ازعل انتي فراشتي تعبك حاجه بتبسطني، و غير كده حد يطول يفضل جنب القمر كل الوقت ده
مريم مسكت ايده و برقه: منحرمش منك
كرم اتك ع ايدها: ولا منك يا احلى فراشة في العالم كله.
في المركز
مهيمن ماشي في الطرقه و عمرو عدى من جنبه عمل نفسه مش شايفه و بص الناحية التانيه
مهيمن: و انا كده ماشوفتكش
عمرو: و الله اول و اخر مره اسمع من حد حاجه
مهيمن: تمام و مشى و سابه
^
بعد يوم طويل في الشغل
عمرو روح البيت اتصل ع رنا: الو
رنا بجديه: السلام عليكم
عمرو: و عليكم السلام، صوتك رقيق اووي
رنا باستغراب: مين معايا
عمرو: لا كده ازعل لسه مش عارفه صوتي.
رنا بنرفزه: لو ماقولتش حضرتك مين و عايز ايه هقفل
عمرو: و يهون عليكي وشي
رنا بنرفزه: حضرتك ظريف و بتستظرف
عمرو بهزار: يااااه كل ده انا، طيب ما تستظرفي معايا
رنا بضيق: انت بني ادم مش محترم
و قفلت الفون
عمرو فضل يضحك و كلم نفسه: ورانا ايه يا رنا ادينا بنتسلى
^^
عند فادي
اول ما دخل بيته لقى سوسن و فريده
سوسن: مبروك يا حبيبي
فادي: الله يبارك فيكي يا ماما
فريده: مبرووووكي يا فادي
فادي: عقبالك.
فريده بفرحه: كلها شهر و اتجوز و شهر كمان و احمل في بانبينو عسل زي باباه
فادي: بس يارب مانرجعش نعيط بعد الجواز و الحمل
فريده: مين اللي يعيط ده انا ممكن اصوت لو متجوزتش
فادي: ربنا يسعدكم يارب و قرب ع دانيه باس راسها: عامله ايه دلوقتي
دانيه بتعب: من الصبح شغاله ترجيع
فادي: الف سلامه يشرف بس الاخ و انا اربيه ع اللي بيعمله فيكي ده كله.
فريده بصوت عالي: تربي مين! ابن اختي يعمل اللي هو عايزه كله و محدش ليه دعوه بيه خاف ع نفسك، ده انا خالتو وروني حد يكلمه بس
فادي: لا انا كده اخاف و اجيب ورا
فريده: يبقى عملت الصح
دانيه فضلت تضحك
سوسن بهزار: انتي شكلك بتحجزي الواد من دلوقتي
فريده بضحك: احبك و انتي فهماني يا مامتي امال البت اللي هجيبها تبور مثلا ده في وسط كل ميت بنت ولد، لازم احجز عريس بنتي من دلوقتي.
فادي: اه قولي كده، اطمني هي بس تولده و خوديه ربيه انتي بقى براحتك
فريده: اشطا احلى كلام
دانيه: هو حد قالكم اني بوزع عيال هش يا ماما انتي و هو.
عند جهاد
جهاد تبص للفون: يوووه بقى الست دي مش هتبطل زن و اتصال
شريف: ردي عليها شوفيها عايزه ايه
جهاد ترد ع الفون بعصبيه: ايوه عايزه ايه تاني
: عايزه فلوس يا حبيبتيي يعني هعوز منك ايه
جهاد: انا اديتك كل اللي انتي عايزاه و مش هديكي تاني
: لا هتديني و لو مبعتيش فلوس هروح للمحروس جوز...
جهاد قاطعتها: بقولك ايه يا ست انتي لو اتصلتي بيا تاني هحبسك.
: لو اتحبست مش هتحبس لوحدي يا حبيبتييي و الفلوس لو مجتليش ع بليل هفضحك و قفلت في وشها
جهاد بغيظ: يا رمه يا زباله و بصت ل شريف هعمل ايه دلوقتي
شريف: سيبك منها ورقك مظبوط
جهاد: انت كل حاجه ورقك مظبوط انا خايفه ده حسام لو عرف ممكن يموتني
شريف: اتصلي ع الست النقيب و هاتي البت و نشوف هنعمل بعد كده ايه.
عند نايا
بتاكل لب و تحدف ع ديرو
ديرو بصتلها بقرف: لوكل
نايا بصتلها ببرود: حاسة اني شفت الكائن ده قبل كده ممكن فطر ع صخره او دوده تحت طوبه او برص بيمشي ع الحيط
ديرو بصتلها بغيظ
فون نايا رن اخدته و رديت و قبل ما تقول حرف
تقرل جهاد بصوت عالي: انا عايزه بنتي
نايا وشها جاب الوان: بنتك مين؟
جهاد بردح: هتعملي فيها عبيطه، بقولك ايه انا ممكن ابهدلك اخلصي انزلي قابليني و اديني البنت.
نايا قامت و سابت توتا مع ديرو و دخلت الاوضه بتاعتها و تقول بحده: تبهدلي مين ياللي مافيش في قلبك ذرة حب ولا حنان! اتكلمي عدل لو عايزه اكمل معاكي كلام
جهاد تمثل العياط: لو سمحتي انا عايزه بنتي حرام عليكم انتو مافيش في قلبكم رحمه ازاي تاخدو بنت من امها
نايا بحده: و مين قال ان انا اخدتها منك انتي اللي سبتيها.
جهاد: انا سبتها ل ابوها كنت فاكره انه هياخدها و دلوقتي المشكلة بيني و بين ابوها اتحلت الحمد لله رجعتله و اكتشفت ان بنتي معاكي، عايزه بنتي قلبي بيتقطع عليها مش قادره استغني عنها وحشاني
نايا بهدوء: لو سمحتي سبيها شويه البنت نفسيتها تعبانه، ترتاح و ابقى اجبهالك لحد عندك
جهاد بعصبيه: انتي شكلك مش بتفهمي
نايا بحده: سبق و قولتلك تتكلمي عدل و انا فعلا مش بفهم و ريني هتعملي ايه و قفلت الفون.
ديرو كانت بتتصنت ع نايا و سمعت كل حاجه اول ما سمعت خطوات رجلها طلعت جريت و قعدت ع الكنبه
نايا فتحت باب اوضتها و ندت ع توتا
توتا كانت مشغوله باللعب طلعتلها و رمت الفون ع التربيزه
نايا: توتة تعالي عيزاكي في الاوضه
توتا: عايزه العب
نايا: هنكمل لعب بعد ما اكلمك
توتا: حاضر و قامت دخلت معاها الاوضه
ديرو اول ما دخلو الاوضه لقت فون نايا لسه مفتوح اخدت رقم جهاد و بعتت مسدج.
بنتك في العنوان ده ، فاعل خير و ضحكت ضحكة نصر
توتا تحط ايدها ع خد نايا: ماما انتي بتعيطي ليه
نايا بدموع: انا بحبك اووي
توتا حضنتها: هو انا زعلتك في حاجه
نايا حضنتها جامد: ابدا بس مامتك هتيجي تاخدك
توتا حضنتها بخوف: مامتي مين انا بحبك انتي، انتي مامتي
نايا فضلت تعيط في حضنها: ياريت كان ينفع اقولها لا
توتا: مث تثبيني لحد انا بحبك انتي بث.
عند فادي
اتغدو كلهم في جو كله هزار و سوسن و فريده روحو
فادي: اخيرا بقينا لوحدنا وحشتيني
دانيه: و انت كمان وحشتني
فادي بيقرب منها: طيب ايه
دانيه: ولا ايه ولا اه انا تعبانه و مش قادره حتى اقوم من مكاني
فادي: اشيلك يا برنسيسه لحد السرير
دانيه: اه ياريت
شالها دخلها و بيقرب من شفايفها
دانيه ترجع ل ورا: فادي انت بجد خونتني
فادي قام و راح ناحية التويليت: اه بطني انا لازم ادخل الحمام.
دانيه بغيظ: فجأه كده بطنك وجعتك ماشي يا فادي
فادي طلع راسه من باب التويليت: هو وجع البطن بياخد اذن يا عيوني بالأذن بقى ادخل اريح
دانيه تكلم نفسها بغيظ: ماشي يا فادي وريني ازاي هتلمسني غير لما اعرف الحقيقه و لو فعلا حصل ايامك هتبقي سوده معايا.
جهاد توصل عند نايا تخبط ع الباب
ديرو تقوم تفتح
جهاد: مساء الخير
ديرو برقه: مساء النور
جهاد: عايزه نايا
ديرو تكلم نفسها هشتغلها خدامه كمان بس مش اشكال مادام حاجه تحرق دمها اشتغل: ثواني و دخلت قعدت ع الكنبه و ندت عليها انتي يا طنط المهمه واحده عيزاكي
نايا قلبها دق بسرعه و تكلم نفسها: مين يعرف اني هنا و تقوم و تبعد توتا شويه من حضنها لقتها نامت حطتها ع السرير و تمسح وشها و تطلع.
نايا: اهلا بيكي اتفضلي
جهاد بقرف: انا مش جايه اضايف هاتي البت
نايا بهدوء: انتي عرفتي العنوان ازاي
جهاد: هو عنوانك سر ولا ايه يا عنيه
نايا بحزن: مش اقصد بس توتة نايمه دلوقتي ممكن حضرتك تدخلي عقبال ما تصحي
جهاد: هاتيها نايمه
ديرو تدخل في الكلام تبص ل نايا و بشماته مع انها عارفه انها مش بنتهم بجد: بنت مين اللي عايزاها
جهاد: بنتي ياختي اللي جوه عندكم
ديرو بتمثيل الاستغراب: ايه ده هي مش بنتك.
نايا بعصبيه: ملكيش دعوه انتي و بصت ل جهاد قولتلك لما تصحى، توتة بتتخض لما حد يصحيها او يحركها يقلقها من نومها
جهاد بصوت عالي: و انتي هيبقى قلبك احن عليها مني اخلصي ياختي هاتي البت
ديرو بشماته و دلع: اخلصي يا نايا اديها البنت
نايا دمعه خانتها و نزلت مسحتها بسرعه و بصوت مبحوح: ثواني هجيبهالك
نايا دخلت الاوضة شالت توتا حضنتها جامد و فضلت تعيط و تبوسها في ايدها.
و تكلم نفسها خلاص كده مش هشوفك تاني ليه سابتك و خلت قلبي يتعلق بيكي ليه توجع قلبي ع فراقك يا رب صبرني ع فراقها
مهيمن وصل البيت شاف جهاد اللي طبعا اول ما شافته ارتبكت و اتوترت و بترجع ل ورا
مهيمن بحده: رايحه فين خدي هنا
جهاد بخوف: اااااا
مهيمن بهدوء لكن نبرت صوتة تشيب جبل: انتي ايه اللي جابك هنا
جهاد بصوت مرتعش: ج جايه اخد بنتي.
مهيمن بصلها و هز دماغه ناحية الشمال: مش لما تبقى بنتك و بص ل ديرو اللي واقفه اتفضلي ع اوضتك، و انتي اتفضلي ادخلي
جهاد بتوتر: شكرا هاتو البت عشان امشي
مهيمن شدها من هدومها جامد و دخلها ديرو خافت طلعت تجري ع الاوضه
مهيمن قاعدها ع كنبه جامد: اوعي تتحركي من هنا ثواني و هكون عندك دخل اوضة نايا لقاها بتعيط جامد طبطب عليها و مسح دموعها و شاورلها تسيب توتا ع السرير و تطلع وراه
نايا: امها عايزها.
مهيمن بحنيه: انتي امها يا قلبي انشفي كده و تعالي ورايا
نايا تمسك ايده: استنى فهمني؟!
مهيمن: اطلعي و هتفهمي كل حاجه
طلع مهيمن و ربع ايده و بصلها: ها هتتكلمي انتي ولا اتكلم انا
(و اصلا مهيمن مايعرفش حاجه في اي حاجه بس مجرد تهديد عشان تخاف و تقول هي الحقيقه)
نايا طلعت فضلت تبصلهم هما الاتنين
جهاد تحاول تسيطر ع اعصابها: انا مش عارفه انت مالك بيا طمعان في البت خدها.
مهيمن مسكها من ايدها جامد: ما انا هاخدها هاخدها مافيش نقاش اصلا في الموضوع
جهاد بخوف: هو عشان انت ظابط هتتبلطج ع خلق الله
مهيمن مسكها من شعرها جامد: اه يا روح امك هاتي بقى من الاخر وقوليلي حكاية البت دي ايه ل هضربك طلقه فنافوخك حالا
جهاد بتتوجع و تعيط: حرام عليك سيبني
نايا ادخلت: مهيمن بشويش عليها و فيه ايه ل ده كله اهدى شويه
مهيمن مسكها من دقنها جامد: انطقي حكايتها ايه.
جهاد جابت دم من بقها ده غير اللى قورتها بقت مشدوده اووي من قوة شد شعرها: حرام عليك سيبني
نايا اتخضت من منظر مهيمن لانها اول مره تشوفه عصبي كده و بيتعامل مع ست بعنف فضلت تصوت: سيبها سيبها بقى حرام عليك و حاولت تبعده عنها لحد ما بعدته و حضنته جامد: عشان خاطري سبها تنزل
جهاد اعصابها باظت خالص و مش قادره تتكلم بتعيط بس
نايا بصتلها: قومي امشي ايه اللي مقعدك.
جهاد قامت تجري فتحت الباب و نزلت جري وقعت ع السلم
نايا سابت مهيمن و طلعت تجري تشوف اللي حصل اول ما شافتها فضلت تصوت: الحق يا مهيمن
مهيمن جرى عليها و لقاها سايحه في دمها شالها و بص ل نايا اوعي تسيبي توتا لوحدها خليكي معاها
نايا بقلق: طيب روح ع المستشفى دي .
مهيمن هز راسه و نزل بيها.
اول ما شافهم شريف استخبى
مهيمن ركب العربيه و طلع بيها ع مستشفي اللي شغال فيها شادي
نايا كلمت فريده: فريدة شادي جنبك؟
فريده بزعل: للاسف لأ في المستشفى
نايا: طيب كويس اديني رقمه
فريده: فيه ايه؟
نايا: موضوع كبير هقولك بعدين
فريده: ماشي اكتبي عندك
نايا اخدت الرقم اتصلت بيه عشان هو يكشف عليها و سابت توتا و نزلت
واول ما وصلو شادي كان جاهز و نزلوها من العربيه و طلعها اوضه
نايا راحت المستشفى
نايا بقلق: ليه عملت فيها كده واحده و بتطالب ببنتها تعمل فيها كل ده ليه
مهيمن بحده: البنت دي انا حاسس وراها حاجه و احساسي عمره ما كدب عليا.
نايا: و انت علمتنا مانمشيش ورا احاسيسنا و لازم نجمع الخيوط كلها جنب بعض و بعد كده نتهم يا كابتن
مهيمن بحزن: بس المره دي غير اي مره المره دي انا حبيتها مش هقدر اسلمها لحد يإذيها او يعمل فيها حاجه، نايا توتا دي بنتي و بنتك استحاله نستغنى عنها
تقدري تحللي ليه البنت لما وقعت كانت خايفه جدا و تقول ماتضربنيش ما تحرقنيش مش هقول ل بابا حاجه و نفس الكلام لما تصحى مخضوضه
نايا: ممكن تكون امها شديده معاها.
مهيمن: سبب انها تمشي و تسيب بنتها اللي كانت مخطوفه و تنزل بكل برود كل ده يقول فيه سر كبير و انا مكنتش فاضيلها بس هفضلها و هدور و اعرف السر
نايا: ممكن يكون السبب انها خاينه مش اكتر يعني كده كده دي بنتها و لو هي ماخدتهاش ابوها هيطلبها و ياخدها
مهيمن: الانسان اللي شفته يوم رجوع توتا وشه خالي من اي مشاعر
شادي طلع نايا راحتله: طمني يا شادي.
شادي بعمليه: المريضه وقعت جامد و اتخبطت في مكان في المخ سببلها تربنه و هتفضل في غيبوبه لفترة
نايا: لا حول ولا قوه الا بالله يارب سلم
مهيمن: اول ما تفوق كلمني
شادي: اي جديد هبلغك ع طول
مهيمن مد ايده يسلم عليه: كان نفسي اقابلك في ظروف احسن من كده
شادي: اكيد هنتقابل تاني
مهيمن: بعد اذنكو بص ل نايا هي توتا فين
نايا: يالهوي يالا بسرعه لتكون صحيت اتخضت
مهيمن بعصبيه: انتي بتستهبلي قولتلك متسبهاش لوحدها.
نايا: ما الزفته معاها
مهيمن يكتم غيظه و يتحرك بسرعه
و اول ما وصل البيت لقه ديرو شايلها و البنت بتعيط جامد مهيمن اخدها بسرعه منها و فضل يطبطب عليها: اهدى يا حبيبت بابا
نايا قربت عليها: حياتي مالك؟
توتا اترمت في حضنها
مهيمن بص ل نايا: خديها انا لازم اخد دش و انزل
نايا: هتروح فين دلوقتي؟
مهيمن: لما ارجع هقولك و اوعي تسبيها تاني لوحدها تمام
نايا هزت راسها.
نايا اخدت توتا و دخلت بيها الاوضه و فضلت تلاعبها لحد ما البنت هديت و بقت تلعب معاها
مهيمن نزل و راح ل حسام في فيلته
حسام: خير يا سيادة المقدم
مهيمن: كنت عايز اتكلم معاك و مش هاخد من وقتك كتير
حسام قعد: اتفضل اقعد مش هنتكلم و احنا واقفين
مهيمن قعد: اولا مراتك جت تاخد توتا من عندي حصل مشاده و هي نازله وقعت ع السلم
حسام ببرود: ان شالله تموت هو ده الموضوع اللي جاي عشانه.
مهيمن بهدوء: ممكن اعرف توتا اتولدت فين و ازاي
حسام: معرفش
مهيمن: ازاي ماتعرفش و انت ابوها
حسام بالامبالاه: انا كنت مسافر في الوقت اللي جهاد ولدت فيه و كنت مطلقها
مهيمن: ازاي افهم اكتر
حسام: يعني كانت حامل و انا معرفش و طلقتها و سافرت و لما ولدت ردتها تاني
مهيمن كلم نفسه: انا كده صح و شكي بيزيد
(قام ) معلش اني عطلت حضرتك و بنتك معايا في الحفظ و الصون
حسام ببرود: ان شالله تموت و ارتاح منهم هما الاتنين.
مهيمن بصله: غريبه ان واحد يدعي ع بنته
حسام: انا مش بحب خلفت البنات و غير كده مش بطيق امها
مهيمن: حتى لو بنتك حاجه تاني خالص
حسام: لو مش عايز البنت ابعتها ليا و انا ارميها في اي ملجأ
مهيمن بوجع: لا طبعا عايزها و بيختبر ابوته ل اخر مره ممكن حضرتك تكتبلي تنازل عنها
حسام من غير اي مشاعر: طبعا و كتبله فعلا تنازل.
مهيمن بص للورقه و بصله باستحقار و اخد الورقه و قاله ياترى لو قلتلك اكتبلي تنازل كمان ع الفيلا دي هتكتبه
حسام: انت عايز ايه؟
مهيمن بصله: بعد اذنك و مشى و هو في العربيه بيفكر ازاي ده يكون اب؟ مستحيل اب يعمل كده في بنته مهما كان بيكره امها او مش بيحب البنات
وصل البيت اول ما دخل توتا حضنته و فضلت تتكلم و تلعب معاه
ديرو بدلع: يالا حبيبي ننام.
نايا: وانتي ياللي مش عندك دم مش شايفه البنت خايفه و قاعده في حضن ابوها ازاي
ديرو بدلع: انتي و هو واحد قعديها في حضنك
نايا بخبث: توتا حياتي انتي عايزه بابا ينام معاكي النهارده
توتا بفرحه: اه
نايا: يالا يا انثه الحيزبون ع اوضتك البنت عايزه باباها و استري يا قلبي نفسك هتاخدي برد
ديرو بصت ل مهيمن
مهيمن: معلش هنام مع توتا النهارده
نايا بصتلها بصة نصر و باستها في الهوا.
ديرو قامت بغيظ و دخلت اوضتها قفلت الباب جامد
نايا تكلم نفسها بغيظ اللهي تنشلي آل ينام معاكي آل.