رواية معشوقتي المجنونة الجزء الأول للكاتبة ابتسام محمود الصيري الفصل السادس
فادى بصلها و حط ايده ع دقنه: ها قولى
نايا تشاورله: هات ودنك...
فادي بصلها بعد ما خلصت كلامها بانبهار: ده انتى جباره و الله
قام راح ناحية تواليت الرجالى و طلع مائة جنيه ل اللى واقف عند التواليت: حبيبي معلش هتعبك ممكن تجبلي علبة سجاير
اللى واقف شافه لابس لبس ظباط وافق ع طول، جريت نايا دخلت غيرت هدومها بسرعه و و غسلت و شها و لمت شعرها و طلعت وقفت ثابت تمثل الجديه: تمام يا فندم انا جاهزه.
فادي بضحك: يخرب عقلك يالا
المسئول: اتفضل يا باشا السجاير
فادي: تسلم يا غالى بس افتكرت انى مش بشرب سجاير خليها عشانك بص نايا و مشيو
نايا وهما في الطريق تقول بجديه: فادي عيزاك تكلمنى عن القوات الخاصه اكتر
فادي يميل راسه عليها و ياخد نفس عميق من مناخيره جنب رقبتها: اكلمك ايه بس ب البرفيوم بتاعك؟! ريحته طالعه
نايا تعض شفتها اللى تحت: احيه باين اووى.
فادي بصلها بشماته: اووى بس! احسن عشان بعد كده تبطلو فسق و تبطلو تحطو برفيوم في الشارع
نايا بتوتر تضربه ع كتفه: انا عرفاك تموووت و تقلش، ده انت رخم
فادي طلع البرفيوم بتاعه بمسكنه: انا! طب عشان اثبتلك حسن نيتيه، اتفضلى حطى من ده
نايا اخدته تشمه بقرف و نزلت بسرعه بعيد عن مناخرها وتقول بمشاكسه: كاتك الارف ريحته تقرف.
فادي بصلها بذعول برغم المشكله اللى فيها ليها نفس تهزر و تتنك مد ايده اخد البرفيوم: تصدقى انا غلطان و استاهل ضرب الجزم
نايا بهزار: لا لا متقولش ع نفسك كده ده انتى سكر، و من كتر سكرك هتجبلى السكر كاتك الارف
فادي يزقها و يسبها و ينشى و يقول بغيظ: لا ده انتى فظيعه فكرتينى ب اخت دانيه
نايا تجري تلحقه و تقف قدامه: اقفش حاله، والا انت بتكلم البت من ورايا، لا وكمان وصلت ل فيفي.
فادي: دي قنبله مفخخه ممكن تنفجر في وشك في اي لحظه
نايا وهي تمشى بضهرها و تبصله: سيبك من فيفي و خلينا في دانيه ها قولتلها ايه و قالتلك ايه، ها ها و بتمسك وشه ها ها
فادي: ارحمى وشى و انا هتكلم ده انتى يا ساتر (اسكتى ثواني و غمزلها ) دلوقتى وصلنا
نايا بصت وراها لقت مهيمن داخل المركز قلبها اتقبض بصت ل فادي: هات البرفيوم بسرعه و فضلت ترش كتير
فادي باستغراب: امال لو عجبك كنتى اكلتى الازازه.
نايا تحدف البوفيوم فاد يلقطها: صدقنى رحته تقرف و اسكت بقى شويه و بطل لك اكلت ودن اهلى طول الطريق.
فادي بعصبيه: ده اللى هوااااا و بيشاور ع نفسه
نايا هزت راسها ب اه و شاورت عليه
دخلو المركز و اتجمعو كلهم
مهيمن باين عليه انه متعصب و متضايق من كتر الجز ع ضروسه و ترجيع شعره ل وه
نايا بقلق: صاحبك ماله
فادي: هشششش
نايا بهزار: لا بجد ده مش طبيعى بص بيمسح وشه ازاي زي ما يكون عايز يعمل ديكور جديد في خلقته، اهو بص بص بيشد شعره انا مش مسئول لو اتقرع
فادي زغدها في كتفها عشان تسكت.
مهيمن بعصبىه رفع حاجبه اليمين و بص عليها بحده: ها خلصت كلام و لا لسه عندك كماله
نايا رفعت صباعها الابهام و بعتت ليه بوسه في الهوا
مهيمن بحزم: طيب تمام ياريت الكل يجمع
اللواء يحيي طلع من مكابه بهيبه و جسم مشدود برغم كبر سنه، كلهم وقفو انتباه و عملو تعظيم سلام
مهيمن باحترام و ذوق يضرب تعظيم سلام: اتفضل سيادتك الطياره وصلت
( بص للفرقه بحده اتفضلو ولا عايزين عزومه ).
نايا: ده فعلا مش طبيعى خالص حتى بص ده شويه و يولع فينا
مهيمن بص ليهم بحده
فادي بجديه: و النعمه ما انا
نايا بهزار: تبقى اكيد اخته منى
كل الفرقه ضحكت حتى اللوا بص عليها
مهيمن قفل ايده جامد و جز ع سنانه: اقسم بالله ههدك انهارده شكلك فايق من الاجازه
نايا بلعت ريقها بخوف و تنحت
كلهم ركبو الطياره
نايا قربت من فادي: طااه انا عايز اسأل سؤال
فادي غمض عينه بضيق: اخرس خالص.
نايا بلا مباله لكلامه: حبيبي، هو ليه بقى اللواء يحيي بنفسه جاي معانا
فادي بحده: مش قلت اخرس يا خالتى كل شويه لاب لاب لاب
نايا بصحكة تفاخر: حبيب قلبي دايما رافع من روحى الممباريه
فادي باستغراب: ايه قلت ايه
نايا بهزار: اقولك، الممباريه دي تبقى العصبانيه
فادي يضم حواجبه ع بعض باستغراب: ايوه ده اللى هي معدة العجل، ايه بقى اللى جابها للى قولته
نايا بمشاكسه: لا اله الا الله بقيت لكاك بشكل رهيب.
فادي بعصبيه: هشششش، خلاص، بس، مش عايز اعرف حاجه اسكت
نايا تمثل الجديه: ماتحلفش كتير و الله لو مكنتش تحلف هقولك يا سيدي، العصبانيه صح زي ما انت قلت تبقى
فادي يميل جسمه ل قدام و يشاور لها بايده: هش هش هش
نايا تمثل الضيق: يوووه ع لك اهلك لازم تعرف كل حاجه، يعنى لازم تحلف عشان اكمل، دي تبقى بقى المعنويه.
فادي رجع ضهره قعد عدل و بصلها: انت تقصد ان المعنويه دي هي الممباريه او العصبانيه، اللى هي المعده، ايه بقى جاب الممباريه للمعنويه
نايا: افهمك انا
فادي ضربها ع دماغها: بس حرام عليك شلتنى و توهتنى و لخبطنى عايز تعمل فيا ايه اكتر من كده، انا همشى من جنبك خالص اوووف عليك
نايا بضحك: وراك و راك
فادي راح قعد جنب مهيمن و اللواغمز ليها تيجى
نايا هرشة في دقنها و بصتله من تحت و بثقت عليه
مهيمن بصلها جامد و تنح.
فادى اخد باله قام بسرعه وقف قدمها و بجديه: ياخربيت منظرك شيلى العدسات بسرعه
نايا بسرعه شالت العدسات و رمتها وراها
مهيمن بص للوا وبهدوء: بعد اذن سيادتك (قام و زق فادي و يبص في عين نايا عينها سحرته)
نايا كانت هتبربش لكن اتمسكت و قالت بجديه: كابتن تأمر بحاجه
مهيمن بصلها بقرف: لا مافيش و رجع مكانه (كلم نفسه).
هي اكلت دماغك اووى كده عشان تفتكرها هي هنا معانا مسح وشه بعصبيه و افتكر عيون نضال زعل من نفسه لان عيون نايا اللى بالنسبه ليه راجل سحرته استغفر ربه.
و اول ما وصلو
مهيمن بجديه: شباب كلكم روحو اغسلو وشكم و اتغدو و اجمعو هنا سيادة اللوا عايزكم كلكم
الكل: تمام يا فندم و مشيو
نايا برعب: تفتكر كابتن مهيمن اخد باله منى
فادي يعوج شفاته اللى تحت: الله اعلم بس لو كان عرفك كان قال، ده مابيتكسفش بجح
نايا ضربته ع ضهره: متقولش عليه كده و سرحت ده عسل و تحسه كده برغم شراسته حنين اووى، و برغم عينه اللى زي الصقر بس كفايه ابص فيها اغرق.
فادي بضحك: الله الله الله ايه ده كله بت انتى وقعتى
نايا ركزت وتقول باحراج: بس اسكت ع فاكرن انا كنت بهزر
فادي ضحك بصوت عالى لدرجة صده صوت ضحكته رجعتلهم: اسكت و ع فاكرن
نايا اتكسفت غيرت الموضوع: ها قولى انت بقى عملت ايه مع دانيه
فادي يبتسم و يسرح فيها: قابلتها و قولتلها بحب.
شخص يجى من وراهم و يحط ايده ع كتفه و يقاطعه: اهلا ب الوحوش.
نايا اتخضت و تبص بطرف عنيها: تصدق انك اغلس واحد ع مجرة درب التبانه، انت راجل لا يطاق انا نفسى اعرف انت مستحمل نفسك ازاي يا جدع
عمرو بغيظ: ليك حق ما انت جاي من اجازه وليك نفس تضحك
نايا تربع ايدها ببرود: و ما مضحكش ليه ما انت لو راجل ظابط كنت نزلت
عمرو بعصبيه: امال انا ايه يا روح
نايا قاطعته بحده: بقولك ايه تيجى لحد عندى يا تهدى يا تعدى و متبصليش احسن اعمل معاك الدنيئه.
فادي بهدوء: عمرو اسكت بقى انت جاي تتخانق، اللوا يحيي هنا ف ياريت تلم الدور
عمرو باستغراب: اللوا يحيي! ج بنفسه هنا اكيد في مصيبه
نايا تبصله بقرف: اقسم بالله بومه ماتعرفش تتفائل ابدا
عمرو يزقها: طيب احترم نفسك ل اعملها معاك
نايا بعصبيه: تعمل ايه يا اهبل، انت ما بتحرمش ابدا، انت عبيط و لا بتستع.
عمرو قاطعها بضربه براسه ع راسهاصدق: انا هعرفك الهبل ع اصوله.
فادي بعدم تفكير ضرب عمرو بالبكاس في وشه ( نايا داخت ميلت نفسها ستدت ع ركبها من الوجع فادي بعد ما ضرب عمرو زقه و بصلها و لسه هيتكلم، مهيمن طلع ع الصوتهم زي العاده
اللوا يحيي بحزم: في ايه يا مهيمن، مال التلاته دول
مهيمن يمسح وشه بغيظ منهم: دول اتنين من ساعة ما جم هنا و مش راحمين نفسهم، زي ما يكون نائر و نئير
اللوا يحيي بجديه: شكلك مش قادر تسيطر ع فرقتك يا كابتن و دخل الخيمه.
مهيمن مسح شعره ب غيظ ويقول بحده: انت يا افندى انت و هو
فادي يبص ل عمرو: عاجبكم كده
مهيمن: هو انتو الاتنين في ايه ما بينكم
عمرو ببرود: اسأله ماله بيا
نايا تبص ليه من فوق ل تحت: و انا بقى مالى بيك يا شحط محط انت
فادي حط ايده ع وشه من كلام نايا
مهيمن بخزم و صوت عالى: اقف ثابت انت و هو ليكم معايا حساب عسير
اللوا طلع بضيق: ع ما اظن يا مهيمن كفايه اووى كده و الفرقه كلها تجمع
مهيمن وقف انتباه: تمام سيادتك.
و مسك مايك و نده ع الفرقه تجمع
بعد دقايق الفريق كله جمع
اللوا يقف بهيبه و وقار: اهلا بيكم
الكل: اهلا ب سيادتك
اللوا: انا جاي النهارده اقولكم، عشان توصلو هنا قلبكم كان ميت في كل حاجه و اخترناكم بحرص شديد عشان تدافعو عن مصر بس المره دي غير كل مره، المره دي عدوكم اكبر بكتير من مهرب مخدرات او سلاح او اي شي
الكل بص ع بعض.
اللوا يكمل كلامه: مستغربين ليه! في اكبر من كده يا ابنائى و طبعا يشرفنى ان كلكم تكونو عيالى
الكل: الشرف لينا يا فندم.
اللوا: حبايبي. بصو بقى عدوك دلوقتى هو خارج بلدك ماتعرفش عنه اي شي و لا اي تفاصيل و لا معاك اي معلومه ليه بس لازم تقوم بمهمتك بمهاره عاليه و ده يعتمد ع ذكائكم، بكره ان شاء الله كل اتنين هيقومو بمهمه مع بعض، و طبعا لو اي حد اتمسك مهما حصل اوعو تقولو انت من جهة ايه او مين بعتك او انت رايح هناك ليه اصمت حتى لو هتموت، معلومه اخيره لازم تعرفوها انت لو في مصر احنا ممكن نتحرك و نخلصك من المافيا بس لو.
نايا قاطعته باستغراب: ممكن! يانهار مش فايت
اللوا: لا اطمن ما انت لو خارج مصر انسى اصلا ان حد يسأل عليك
نايا بجديه: ليه كلب و راح
اللوا: الموضوع مش كلب يا فدائى الموضوع احنا المفروض في بلد منعديش حدودنا معاهم و في اتفاقيات سلام ف ما ينفعش تبان مصر انها بتبعت رجاله او بيعملو عمليات تفجير عندهم فهمت بقى يا فدائى.
نايا تبلع ريقها ب صعوبه: روح الله يطمنك يا شيخ، الله ما يوقف مافيا في طريقك ابدا الهي كده و وطت صوتها غوريلا تطلع تقفش فيك و تريحنا
اللوا ماسمعش اخر حاجه بس استغرب جدا من كلامها، اما مهيمن بصلها بحده وكتم ضحكته، فادي كان خلاص شويه و يبوس ايدها تسكت
اللوا بجديه: انت و انت مع بعض
نايا و عمرو يبصو ل بعض و بصوت عالى: نعم.
اللوا بتريقه: مع بعض انا من ساعة ما وصلت هنا حسيت بينكم كيميا تحفه، تعاونكم مع بعض ممكن يساعدكم كتير عشان تقومو بمهمة ناجحه
مهيمن هو كمان تنح و رفع حاجبه باعتراض
نايا تبص ل عمرو بقرف: كيميا ايه و فيزيا ايه اللى بتقول عليها ده اخر واحد اقبل ابص في وشه
عمرو بعصبيه: لا انا اللى قابلك ب خلقتك اللى تقرف دي
مهيمن كان هيدخل مسكه اللوا.
اللوا ببرود: سيبهم ع راحتهم، خليكم كده شبه الديوك قصاد بعض، و هتطلعو مع بعض المهمه و تعالو ع المكتب عشان اقولكم هي ايه المهمه بتاعتكم
نايا خافت لحظه لكن جمدت قلبها و دخلت هي و عمرو
عمرو بهدوء بعكس اللى جوا: يا سيادة اللوا انا ممكن اطلع الطلعه دي لوحدى اما اطلع مع ده لا مستحيل.
نايا بتريقه: انت تقدر تقوم بعملية شلل، فقع مراره تزهق حد تقرف اي حد و ممكن تخليه يقلب معاق ذهني او شفط نحت استأصال، اما عمليه و ضرب نار و الحود ده، روح العب بعيد يا شاطرعشان هنرش مايه
عمرو يمسك اعصابه و يقول من تحت الضرس: اللهم طولك يا روح
نايا بغيظ: لا عاقل، مش أريت فيها يا بومه، و جاي تقولى اللى جاي من الاجازه و فايق قابل بقى يا معلم.
اللوا كان بيبص لكل واخد شويه لحد ما زهق منهم قال بحده: بس في ايه!
مهيمن كان بيحب ذكائها و شجعتها في الكلام و هي او هو البنى ادم الوحيد اللى قدر يضحكه، ( طبعا هو عارف انها نضال)
نايا بخوف: مافيش يا باشا هيكون فيه ايه! (وبصوت واطى ) هيكون فيه معجنه بس (و تكمل كلامها معاه) اتفضل يا باشا قول ع المهمه
مهيمن قرب من اللوا: سيادتك دول ماينفعوش مع بعض خالص.
اللوا بصله و بص ليهم: المهمة سفير مصرى راح اسرائيل و اعتقلوه و مهما نسأل عليه يقوله هو مدخلش اسرائيل ف المطلوب ان سيادتكم تروحو بزوديك اسرائل
نايا: هي فيها تروحو، يااااحستى و بزوديك كمان
اللوا باستغراب: خير هو فيه حاجه؟!
عمرو بجديه: يا باشا ده رايحه منه خالص و هيلبسنا في حيطه اقسم بالله
نايا: حيطه! نهارك اسوح انت مابتفهمش، بيقولك بزوديك انت بتفهم صينى
عمرو: هو يا باشا من الاول للاخر بزوديك.
مهيمن مقدرش يكتم ضحكته اكتر ضحك بصوت عللى سحر ودن نايا بصت عليه بطرف عينها، قال بضحك: نضال اهدا شويه في ايه؟
نايا تمثل العياط: انا راضى ذمتك انت دربتنا ننزل البحر و بزوديك
مهيمن ضحك و غمزاته بانت
نايا حولت تخفى اعجابها بيه قالت بهزار: ما انت بتعرف تضحك اهو، امال ليه قالبها بلاك معانا دايما
اللوا بحديه: ثابت يا فدائى.
نايا بمشاكسه: بص قول براحتك فدائى انا دلوقتى عارف انتو دايما بتقولو فدائى ليه وقربت ليه احب اعرفك ع نفسى فدائى جندى مجند شهيد نضال احمد
اللوا حط ايده ع كتفها و تبطب عليها: ليه بس كده يا بطل هترجع بالسلامه
نايا تمثل العياط: قصدك تقول هروح بالسلامه او فطيس
اللوا بص لنايا كتم ضحكته و رجع بص لعمرو: طيب في اي استفسار بخصوص المهمه.
عمرو بجديه: اه احنا هنعرف ازاي ان احنا وصلنا المكان المحدد و تقريبا هناخد اد ايه
نايا ترفع حاجبها اليمين و شفتها اللى فوق اليمين: نوصل! قابلنى لو وصلنا لنص الممر ده
اللوا بلامباله: اتفضل خريطه و هيكون معاكم GPS هتمشو بيه، في اي استفسار تانى
هما الاتنين عملو تعظيم سلام: تمام سيادتك
نايا و هي طالعه رجعت بصت ليه تانى: باشا هو انا ينفع احول ل فرقة عزف اهو حاجه تطرى ع روح الواحد اللى هتطلع بكره.
اللوا بحزم: اتفضل امشى ل اخليك متحصلش فرقة مطافى حتى
نايا تمثل الخوف: و ع ايه، ده كده تمام اوى يا فندم و طلعت تجري
اللوا ابتسم: شكله مشكله
مهيمن ابتسم: ده نصيبه اتحدفت علينا
اللوا: قول للعسكرى يدخل الباقى
مهيمن قام قال للعسكرى و دخل الخيمه
عند اللوا فضل اتنين اتنين يدخلو للوا و يقولهم ع المهمه لحد ما جه الليل
فادي بتوتر يدخل ل مهيمن: كابتن بعد اذنك ممكن اتكلم مع حضرتك
مهيمن يقعد: اتفضل.
فادي بهدوء: ممكن اطلع الطلعه مع نضال، انا و هو بنفهم بعض و اكيد هتنجح العمليه احسن ما عمرو يكون مع نضال، دول ممكن يسيبو المهمه و يتخانقو
مهيمن بفهم: ساعه و ارد عليك
فادي: متشكر لحضرتك، بعد اذنك
مهيمن: اتفضل قام راح للوا: معلش انا ممكن افهم اشمعنا اخترت نضال و عمرو بس مع ان باقى الفريق اختارو براحته
اللوا: مع انك قائد ممتاز بس لسه بتعدى عليك ثغرات و ممكن الثغرات دي تقصر ع فريقك كله.
مهيمن بهدوء: انا تلميذك و بتعلم من سيادتك
اللوا بضحك: اتعلم بقى.
عند نايا
نايا تمثل العياط: يا درتحتك في الوحل يا ورده منوره و كنتى في البستان
فادي: بس بقى، انا حاولت تبقى معايا و اللوا رفض هعملك ايه تانى، نايا انا لازم اروح احط خطه و ادرس المهمه بتاعتي كويس
نايا: انت مهمتك ايه
فادي بجديه: ماينفعش اقولك، و روح اتفضل شوف مهمتك
نايا راحت ل عمرو لقته بيشرب قهوه و بيحفظ الخريطه و بيعمل خطه مع نفسه
نايا بقرف: انت يا يا...
عمرو بصلها بحزم: بص انا مش عايز وجع دماغ دلوقتى، اسكت كده و اقعد ع جنب عشان احفظ ام الخريطه دي
نايا قامت بصت في الخريطه: انت عايز تحفظ الخريطه دي ليه
عمرو: هشششش
نايا اخدت الخريطه: لما اكلمك ترد عليا انا شريك و معاك في ام القرف ده
عمرو اخد نفس و بغيظ: بقولك ايه ما تقعد ترتاح انت، و كده كده هتبقى معايا منظر او صوره
نايا تقعد بزهق: بص انا ماليش نفس اتخانق ف لخص كده و جيب من الاخر احنا هنهبب ايه.
عمرو بنفذ صبر: هقولك و امرى الى الله مع انى عارف اخرتها هتعمل ايه
نايا: لخص
عمرو: الخريطه دي لازم نحفظها
نايا ببرود: ليه بقى
عمرو يعض شفته اللى تحت بغيظ و يقول بعصبيه: عشان ام الخريطه دي مش هتكون معانا في العمليه
نايا مسكت الخريطه بصت فيها دقيقه بالظبط و ادتهالو و جابت ورقه و قلم رسمت الخريطه
عمرو بأعجاب: اووووبا يا ابن الذين حفظتها ازي، ده انا بقالى ساعه بحفظ فيها.
نايا تحط رجل ع رجل: عشان تعرف انك غبى. هنعمل ايه تانى
عمرو بحده: بقولك ايه احترم نفسك
نايا بجديه: اهو هنسيب المهم و هيتخانق انجز
عمرو: اه صحيح، لازم نحط خطه
نايا: انت بتعرف تمشى ع البصله
عمرو: اه طبعا اي حد بيعرف
نايا تمثل انها عارفه: اه طبعا و انا كمان اعرف بس بفضل النجوم، فضلو يحطو في خطه و يتناقشه وطبعا المناقشه مبتخلاش من الخناق
نايا: هو مخطوف ع باخره
عمرو بتركيز: اه
نايا بخوف: ربنا يستر.
مهيمن دخل عليهم: خلى بالكو انى منستش اهدكم النهارده، بس هعديها عشان اللوا يحيي بره و عندكم عمليه، و ع العموم هتتعوض هتروحو منى فين
نايا بأبتسامة غيظ: حبيبي يا باشا
مهيمن بعدوء: عايزين اي مساعده
عمرو: تسلم يا كابتن
مهمين: تمام، معادكم الساعه اربعه الفجر تتحركو و سابهم
عمرو نام ع الارض وبيفكر
نايا راحت ل فادي: فادي خلصت الخطه
فادي بضيق: نايا انا مش...
نايا قاطعته بحده: فادي انا هنا نضال اووك.
فادي بحده: لا مش اووك انا خايف عليكى و مش هقدر اركز في العمليه بتاعتى بسببك، لو سمحتى تعالى نقول ل مهيمن و اعملى حسابك لو رفضتى هروح لوحدى اقوله
نايا بعصبيه: انت بتستهبل، لا طبعا، فادي لو سمحت ماتشغلش بالك بيا خالص و من دلوقتى ملكش دعوه بيا اتفقنا
فادي بهدوء و خوف عليها: نايا افهمى
نايا بصوت عالى: اسمى نضال انت فاهم، و ياريت بعد كده ملكش دعوه بيا ومشيت
فادي فضل واقف محتار يعمل ايه.
عند مهيمن كان قلقان ع الفرقه بتاعته كلها
اللوا يحيي: مالك يا مهيمن
مهيمن: سيادتك ان مش عارف ليه حضرتك مصمم انهم يروحو، دول فرقتى انا و انا المفروض اللى اقرر يعملو ايه
اللوا يحيي: اهدى يا مهيمن لازم يروحو
مهيمن باستغراب: اهدا بسهوله كده! (حس انه هيتعصب قام بهدوء )بعد اذنك هروح اقعد معاهم شويه اشوفهم
اللوا: اتفضل
مهيمن طلع لقى الفرقه كلها غير العاده حتى اكتر اتنين بيكونو مع بعض مش قاعدين مع بعض.
عمرو نايم ع الارض فادي قاعد بعيد سرحان نايا قاعده فوق جبل و كل واحد من باقى الفرقه لوحده
مهيمن بصوت عالى: شباب، ايه مش ناوين تنامو شويه عشان تكونو فايقين
الكل: تمام يا فندم
نايا قربت من الفرقه
فادي: كابتن مهيمن عايز اتكلم معاك
نايا بصت ليه بصت رجاء
مهيمن: اول مره اشوفكم مبتكلموش بعض انتو اتخانقتم مع بعض
فادي بص ل نايا و رجع بص ل مهيمن: بعد اذنك يا كابتن ممكن اتكلم معاك
مهيمن: اه طبعا اتفضل واتحركو.
نايا بتكلم نفسها بغيظ: يا ابن الذين هتقوله بردو و فضلت تتحرك بتوتر تفكر تعمل ايه. ( بس ع مين دي نايا)
مهيمن بهدوء: فادي لو حاسس انك مش مستعد للعمليه ممكن تقدم طلب اعتذار
فادي بفرحه: هو ينفع
مهيمن: اه
فادي: طيب ممكن نضال مايرحش
مهيمن: لازم كل واحد يتكلم ع نفسه
و رساله جت ل مهيمن ع الماسنجر فتح الرساله مكتوب فيها: هاي
كابتن مهيمن صح.
بعتذر ل حضرتك ع اللى حصل النهارده، و بشكرك ع انقاذك ليا، انا نايا اخت دكتور كرم
مهيمن شاف الرساله اتوتر و مش عارف يرد ازاي
نايا: يظهر انك مشغول عشان شوفت المسدج و مردتش عليا سورى ع الازعاج
فادي: كابتن مهيمن معايا حضرتك
مهيمن بانجاز: فادي، نضال ماينفعش مايرحش عشان اللواء يحيي بنفسه عامله زي عقاب ليهم ع اللى حصل في وجوده
فادي: اصل نضال مش ن...
مهيمن قاطعه عشان كان نفسه يرد ع نايا و وجود فادي مضايقه: لو سمحت يا فادي اتفضل دلوقتى و الكلام في موضوع نضال منتهي
فادي بضيق قام: بعد اذنك
مهيمن رد ع نايا: مساء الخير
اهلا بيكى يا انسه نايا
اسمك حلو اوووى
معلش كنت قاعد مع ناس معرفتش ارد عليكى ع طول
هو حصل ايه للاعتذار
و مافيش شكر عشان انقذتك اي حد مكانى كان هيعمل كده
نايا فرحت جدا: اصل دخلت عليكم المكتب من غير اذن.
و لا طبعا مش اي حد دلوقتى بيعرض نفسه للخطر عشان حد
مهيمن: اولا ده مكتب اخوكى براحتك خالص و مافيش داعى للاعتذار
و ثانيا لا فيه و كمان كتير
بس انتى ازاي عرفتى الموقع بتاعى
نايا بتوتر: اصل حضرتك من اصدقاء فادي و فادي كان قالى ع اسم حضرتك
مهيمن: تمام
نايا: تصبح ع خير
مهيمن: ممكن ابقى اطمن عليكى
نايا بفرحه: اه طبعا
مهيمن: تمام و انتى من اهله.
مهيمن دخل برفيلها يقلب فيه ع صورها، استغرب وقال: نضال اخو نايا انا ماينفعش اكلمها تانى اهو من كل ناحيه بتتقفل اهدى بقى و نام.
(اه اصل ماقولتلقمش ان نايا لما طلعت فوق الجبل و فكرت في كلام فادي انه ممكن يروح يقول حاجه ل مهيمن، جه في دمغها ان تدمج صور ليها وهي نضال مع نايا عشان لما تكلم مهيمن ما يشكش في الشبه و يتأكد انهم شخصين مش شخص واحد و حطت صورتها مع نايا و مع كرم، طبعا كانت بتشيل حد من الصوره و تحط نضال )
فادي اول ما دخل نايا بصت بقرف ليه و مشيت.
فادي بيكلم نفسه: انا مش عارف ايه اخرت دماغك الناشفه دي، طلع و كلم دانيه: عامل ايه
دانيه بكسوف: ، الحمدلله
فادي بهزار: يا لهوووى ع اللى بتكسف، وحشتينى
دانيه من كسوفها غيرت الموضوع: هي نايا ليه حطت صورها هي و نضال مع صورها ع الفيس
فادي باستغراب: بتقولى ايه؟ طيب ليه!
دانيه: معرفش، هي معايا و لا معاك
فادي بجديه: دانيه. نايا بنت دماغها ناشفه اووى و عنيده و مش عارف هي عايزه توصل لايه.
دانيه بتبرير: هي بس خايفه تتسجن
فادي: دي بتورط نفسها كل شوية
دانيه: معلش استحملها شويه، هي مجنونه اه، بس دي كيوت خالص، هي فين وحشتنى
فادي: هي بس اللى وحشاكى
دانيه بتوتر: هي فين صحيح مش سامعه صوتها
فادي: مقموصه منى
دانيه: ليه بس؟!
فادي: عشان قررت اقول ل مهيمن كل حاجه
دانيه بتفهم تحط ايدها ع شفايفها: عشان كده
فادي باستغراب: مش فاهم.
دانيه بضحك: نايا دي مصيبه، دي لما حست انك هتقول ل مهيمن راحت حطت صورتها مع نايا عشان تثبت انهم شخصين مش شخص واحد، لا وكمان مش مخليه حد يعرف يعملها كومنت قافله الكومنتات خالص يابنت العيبه
فادي بجديه: دي مش مصيبه دي داهيه و هتودى نفسها في داهيه
دانيه: خاف ع نفسك بس و متخافش عليها دي صبحتى و انا عارفها كويس
فادي: اه صحيح ادعيلى بالله عليكى عندى طالعه بكره
دانيه بخضه: بالله عليك خلى بالك من نفسك.
فادي: دانيه ادعيلى
دانيه رديت بسرعه: و الله بدعيلك ع طول
فادي بخبث: ممكن اعرف ليه بتدعيلى
دانيه بتلقئيه: عشان حبيبي
فادي بفرحه: لولولولولي اخيرا سمعتها يا فرحتك ياما
دانيه بزعل: تصدق انك غلس و رزل كمان
فادي بضحك: و حبيبك كمان
دانيه اتكسفت: فادي ماما بتنادي سلام.
فادي: سلام يا ضي عيونى، دخل الخيمه لقاهم كلهم نامو فضل يفكر في دانيه، جيت نايا ع باله بدماغها الناشفه لحد ما غطس في النوم، الساعه اربعه الكل كان محضر نفسه
نايا طلعت مع عمرو من غير ما تكلم فادي،
فادي راح وراها: للدرجه دي عشان خايف عليكى تتعاملى معايا كده
نايا بعصبيه: فادي لو سمحت مالكش دعوه بيا مادم خايف ع نفسك او حد يعرف انك كنت تعرف انى بنت.
فادي بعصبيه: انتى غبيه ليه، ليه مش قادره تعرفى انى خايف عليكى مش عليا
نايا شوحت ايدها في وشه بعصبيه: هشششش ماتشغلش بالك بيا و مشيت
فادي مسح وشه بضيق و كلم نفسه: يارب الصبر من عندك ع البنى ادمه دي و طلع بره
مهيمن بخوف عليهم: صباح الخير مستعدين
الكل: تمام يا فندم
مهيمن: اتفضلو كل فريق هيركب عربيه توصلهم عند اول الطريق بتاعهم
كل الفرقه اتحركو ركبو و كل واحد نزل عند اقرب مكان ليه.
نايا الخوف سيطر عليها حتى دقات قلبها زاديت و عمرو كان بيقرا قرآن لحد نا وصل
قال بهدوء وهو يخط ايده في وسطه: هننفخ الزوديك ده و ننزل بيه
نايا باستغراب: و ازي هننفخه
عمرو بنرفزه: تعرف النفخ
نايا بهزار تقول اه ( و تهف ب بقها هف هف)
عمرو بعصبيه يميل ع الزديك: طب انفخ قصادي ل انفخك
نايا بصت حوليها خافت من كتر شدة الضلمه فضلت متتكلمش و تقعد تنفخ، بعد عشر دقايق: لا لا لا انا تعبت
عمرو بحده: انفخ و انجز.
نايا تبص عنده تلاقى نفخ اكتر منها و تقول ب لئم: بقولك ايه تعالى انفخ هنا و انا اروح انفخ مكانك
عمرو يبصلها بحده: اخلص
نايا تكلم نفسها بغيظ: روح يا بعيد يارب اشوفك منفوخ شبه البلونه
و فضلو ينفخو.
عند فادي
نزلو في بلاعات صرف صحى ومشيو فيها و الريحه كانت صعبه جدا
وفادي كان بيحاول يمسك نفسه مايرجعش
عند نايا: ع فكره شكل الزوديك ده مخروم
عمرو: اضغط انت بس و انفخ
نايا بتعب: ده انا جالي الضغط منك لله، بقولك مخروم
عمرو: ازاي عرفت يا فقر
نايا: انا كل ما انفخ مش لقي انه بيزيد هاتو كده في المايه و فعلا لقو فاققيع مايه كتير من عند كل خرم.
عمرو بضيق: لا حول و لا قوه الا بالله، انا عارف ان وش اهلك فقر غور من وشى
نايا تعض شفتها اللى تحت و تمسك نفسها عشان مترديش عليه ليتهور عليها وتقول بهدوء: هي المسافه تقريبا قد ايه
عمرو: مش عارف ب الظبط تقريبا ساعتين بالزوديك
نايا بحديه: احنا هننزل نعوم
عمرو: ده سؤال ولا اقتراح
نايا بجديه: ولا ده ولا ده ( وتمثل الغياط ) احنا لازم ننزل نعوم و نتمختر
عمرو: انت متاكد من كلامك
نايا: انت شايف ان ده وقت هزار.
عمرو يحط ايده في البحر: المايه متلجه
نايا تبص لزديك و تبصله: عندى فكره
عمرو: اتحفنا
نايا بذكاء: ممكن نقطع الزوديك ده وناخد الجلد بتاعه نلفه ع جسمنا و بكده المايه مش هتوصل ل جسمنا
عمرو حضنها بفرحه: يسلم لسانك
وفعلا فضلو يقطعو في الزوديك و نايا لفته حاولين جسم عمرو و كان معاهم لازق بيلزق جامد (عمرو بصلها بصت احترم لذكائها و قرر مايضيقهوش تانى)وقال: تسلم افكارك، تعالى الفلك الجلد ع جسمك.
نايا بخوف: لا انا متعود ع المايه الساقعه عادي يالا ننزل
عمرو: بس دي متلجه مش ساقعه بس
نايا: لا مش اشكال يالا
و بالفعل نزلو و نايا كانت هتموت من الساقعه، بعد عوم فتره الساقعه قصرة ع دماغها فضلت تغنى: عوم و اتمختر عوم و اتمختر عوم عوم عوم
عمرو: صوتك وحش
نايا من وراه كان نفسها تضربه و رجعت في كلامه عامة في صمت لكن صوت الامواج عاليا، فضلو يعومو حوالى ساعه
كان معاهم ارسال متصل ب مهيمن
مهيمن بتوتر: عمرو. نضال.
عمرو: ايوه مع سيادتك اتفضل
مهيمن يحط ايده ع وشه و يقول بقلق: نقلو السفير في مكان تانى
نايا بحده: ازاي يعنى
مهيمن: اطلعو ع اقرب شط هتلاقو عربيه هناك تركبوها و تمشو ع الجي بى اس
عمرو: تمام يا فندم
طلعو ع اقرب شط
عند فادي
المهمه كانت انهم ياخدو ورق مهم من مافيا كبيره، دخل هو واللى معاه المكان ودخلو المكتب و فضلو يقلبو في كل الاورق.
عند نايا
وصلو الشاطى لقه العربيه ركبوها بسرعه و نايا شغلت التكيف ع السخن بصت ورها لقت هدوم في العربيه رجعت ورا غيرت هدومها بسرعه و طلعت قدام اتحركو ع المكان اول ما دخلو لقو تالته بودى جارد
عمرو بهدوء: هنزل انا هحاول ادخل من غير ماحد يحس
نايا بخوف: و انا هعمل ايه
عمرو بحزم: اتنيل هنا اقصد خليك هنا اول ما انزل و معايا السفير تجيلى بالعربيه و تطلع ع طول
نايا: تمام و شغلت اغنية كيكى.
البودي جارد اخدو بالهم من عمرو قربو عليه مسكو: انت بتعمل ايه هنا
عمرو: يعنى جي في عز النهار و بتلفت هكون بعمل...
البودي جرد قاطعو بضربه قويه ع وشه
عمرو لسه هيضربهم، البودي جرد مسكو و فضلو يضربو
عند نايا
كانت بترقص كيكي و اول ما شافت البودى جارد طحنو عمرو: احيه دول طحنوه اعمل ايه اعمل ايه يالهوووي
عمرو بيبصلها عشان تنزل و هي و لا كأنها شايفه حاجه و رقصت كيكي تانى.
عمرو بعصبيه: الحقنى يا حيوان اقسم بالله لو في عمري بقيي ل اخلص عليك (و واحد ادالو لكميه في وشه )ااااه
نايا لقت واحد جاي بشومة يضرب الازاز فتحت باب العربية بسرعة جه فيه طيرته
نزلت ضربته ب المسدس و جريت و مل ما تشوف حد تضرب ب المسدس عليهم و فجأه البودي جرد جريو بعيد و مسكو مسدسات
واحد منهم: سيب السلاح اللى في ايدك و ارفع ايدك انت و هو
عمرو غمض عينه: اشهد انا لا اله الا الله
عند فادي.
دخلو عليهم المافيا ماسكهم، و كل واحد فيهم اخدو في مكان و علقو فادي في حبل ع مسافة بعيدة و تحت منه نار
واحد من المافيا: من انت
فادي: المافيا: الانكار لن يفيدك
فادي: المافيا: من الذي بعثك
فادي: المافيا: اذا لم تتحدث سنقتل صديقك
فادي: المافيا: احضرو صديقه، و كانو ربطين ايده و حطين ع راسه كيس اسود
المافيا: ستقول و الا نقتل صديقك
فادي غمض عينه و فتح عينه ع صوت رصاص و صاحبه راسه منفجره
فادي برق و اتصدم.
المافيا: ستقول والا ستلحق به سأعطيك دقيقه لتفكر
عند نايا
بصت وراها اتصدمت
نايا بعصبيه: عمرو قوم اقف
عمرو باستسلام: خلاص يا نضال متحولش احنا هنمووت
نايا بعصبيه: بقولك اقف
عمرو وقف نايا مسكت ايد عمرو و فضلت تمشى ناحيتهم
عمرو باستغراب: نضال انت مجنون اقف
نايا شدته و مرضتش تقف
عند فادي
المافيا: ستتحدث
فادي غمض عينه و اتشاهد
المافيا: انزلو الحبل
فكو الحبل و نزل بسرعة و كان في الاخر نار.
عند نايا البودي جرد فضلو يضربه نار عليهم
عمرو بص ل نايا و تنح.