رواية معشوقتي المجنونة الجزء الأول للكاتبة ابتسام محمود الصيري الفصل السابع
عند فادي قبل ما يوصل للنار الحبل وقف و فتح عينه لقى كل اللى واقف بيصقف و يصفر
عند نايا
عمرو يبص ل نايا: يا ابن الذين عرفت ازاي انهم فبركه
نايا من الصدمه ضحكت لكن قلب بعد كده ع عياط
عمرو بخوف عليها: اهدي يا نضال احنا كويسين الحمد لله
نايا بضيق: احنا بيتلعب بينا عادى كده هو احنا لعبه في ايدهم
عمرو بهدوء: اهدى يا نضال ما احنا كلنا زيك
نايا قعدت ع الارض فضلت تعيط و تلعن اليوم اللى خلاها تدخل المكان ده.
واحد منهم: يالا عشان اوصلكم و بيحط ايده ع عمرو
عمرو زق ايده جامد
عند فادي
فادي كان منهار من كل اللى شافه و اكتر حاجه لما شاف دماغ صاحبه انفجرت قدامه، اتحرك معاهم في صمت و كأن دماغه اتشلت.
عند مهيمن يقول بضيق: سيادتك عجبك كده
اللوا يحيى: مهيمن اهدى شويه اللى عملته ده كان لازم يحصل يعنى ما شفتش تامر عمل ايه
مهيمن: بس و الله الموقف صعب
اللوا: يعنى اسيب حد في فرقتك خاين و من اول قلم يعترف ب كل حاجه ده كان ناقص يقولهم روحو اقتلو القاده
مهيمن بنرفزه: ابن الكلب ده انا مش هرحمه
اللوا: لازم كنت تعمل فلتره ل فريقك عشان الطلعه اللى بجد ماتلقيش حد خاين
اول ما الفرقه وصلت.
مهيمن سكت لان مش عارف يقول ايه
فادي دخل ع اوضته و مش بينطق
نايا بعصبيه ل مهيمن: انت ايه ها انت اشترتنا. ليه، ليه كل ده حرام عليك
عمرو بهدوء: كابتن مهيمن معلش هو بس اتصدم اعذره
مهيمن بستغراب: مين اللى بيقول اعذره عمرو
عمرو: انا مانكرش انى كنت بكره نضال، بس هو اثبتلى النهارده انه اجدع حد ممكن تعتمد عليه.
مهيمن بص للوا و ابتسم و رجع بص ل عمرو: طيب كويس انكم اتفقتو عشان ترحمو اهلى من مشاكلكم و الخناقات اللى كل شويه، يالا روح ارتاح دلوقتى و نكمل كلامنا لما الفرقه كلها تهدى
عمرو: تمام، بعد اذنك
في الاوضه
كل الفرقه مفرهده و مصدومه و في كام واحد بيضحكو و الموضوع كان عادي معاهم
نايا نامت و كانت بتعيط حطة ايدها ع وشها تخبي عينها
اما فادي كان من كتر الصدمه مذهول و مش بيتكلم مع حد خالص.
عمرو راح ل فادي وقال بهدوء: فادي انت عامل كده ليه
فادي مبصش ولا رد عليه
عمرو بقلق: فادي انت كويس
فادي غمض عينه و وقع ع السرير
عمرو مسكو: فادي، فادي رد عليا
نايا قامت بسرعه مسحت دموعه و قربت ليهم: هو ماله
عمرو: معرفش خليك جنبه هروح انادي الدكتور
نايا بتبص عليه بقلق و تهزو: فادي يا فادي
عمرو راح ل مهيمن: كابتن مهيمن عايزين دكتور بسرعه
مهيمن بقلق: حصل ايه
عمرو: فادي اغمى عليه.
مهيمن اتصل ب الدكتور و راحو ع الاوضه
الدكتور بعد ما كشف عليه و فوقه كان بنفس الحاله مبيتكلمش
نايا: ماله يا دكتور
الدكتور: عنده انهيار عصبي
مهيمن: لا حول ولا قوه الا بالله
الدكتور: هديله حقنه تهديه شويه
فادي رفع ايده اعتراض
نايا: بس انت لازم تاخد الحقنه.
فادي بعصبيه: بس بقى مش عايز حاجه انا كويس (بص ل مهيمن ) عندك مهمه فيك تانى نقوم بيها و تدمر بيها اعصابنا، انا لو كنت في مهمة بجد ما كنش حصلى كل ده، ليه بس ليه بتعملو فينا كده، لو كنت مت و الله كان ارحم
مهيمن بحزم: انا مش هرد عليك دلوقتى كلامنا لما تفوق
فادي قام بعصبيه: لا انا فايق و فايق اووى و مد ايده ع مهيمن، لكن مهيمن مسك ايده بسرعه و بصله بحده
عمرو: فادي اهدى ما ينفعش كده.
فادي شد ايده من ايد مهيمن: يعنى اللى حصل النهارده هو اللى ينفع
نايا طلبت من الدكتور يديله الحقنه و مسكت ايده و ادهاله
فادي فضل يزعق لحد ما نام
مهيمن بهدوء: الفكره دي مش فكرتى و انا كنت رافضها من البدايه
عمرو: كابتن روح ارتاح و الكل يكون ارتاح كمان
مهيمن بصله وطلع مضايق جدا ع حال فريقو.
عند ويزو
ويزو كانت في اوضتها و الفون رن رديت بفرح
نضال: بهزار و الله انا زعلان
ويزو: لا انا مقدرش ع زعلك
نضال بهزار. سيبانى كل ده و لا حتى تعبرينى ب رنه اه يا قادره
ويزو بضحك: ايه يا عبودى مالك ما انا لسه كنت معاك امبارح
نضال: بس وحشتينى يا مهجة قلبى
ويزو بضحكة كسوف: و انت كمان
نضال يمثل الوجع: قلبي اه اه اه
ويزو بخضه: مالك! فيه ايه؟
نضال بضحك: لا ابدا بس الكلام دخل بسرعه ع قلبي زي الرصاصه.
ويزو: حرام عليك خضتنى. انت ايه
نضال: كائن اعيش و اتعايش و اليف و ربنا
ويزو بضحك: ده انت
نضال: انا ايه
ويزو: حبيبي
نضال يقلدها: ده انتى
ويزو: ايه
نصال: حياتى، (و يقول بجديه ) بقولك هنزل بكره ادور ع شغل
ويزو: اخس عليك تدور ع شغل و احنا عندنا شركه
نضال: لا معلش هشتغل بره سبيني ع راحتي
ويزو: خلاص برحتك هبقى اعدي عليك ننزل مع بعض
نضال: يخليكي ليا
اما تحت في الرسيبشن
مدحت بحده: يا انكل انا بحب رنا و مقدرش ابعد عنها.
فوزى بجديه: و انا قلت مش موافق
مدحت يتكلم بهدوء عكس اللى جواه: يا انكل لو بتحب رنا وافق
فوزى يقوم و يقول بحزم: و ده اخر كلام عندى لا يعنى لا
رنا بعصبيه: بابي انت لازم توافق
فوزى طالع ع السلم: المقبله انتهت يا مدحت
رنا بحده: بابي ده اخر كلام عندك
فوزى من غير ما يبص: كلامى قلته خلاص
رنا بعند: اووك و انا هتجوز مدحت بردو
فوزى لف: انتى بتتحدينى
رنا تربع ايدها و تديلو ضهرها: انت اللى اضرتنى ل كده.
فوزى بتهديد: طيب عشان يكون في علمك لو اتجوزتيه مش هتدخلى البيت ده تانى
رنا بعند اكبر تبصله: اووكى يا بابي و انا همشى و مش هوريك وشى تانى
رانيا بوجع و خوف عليها: انتى بتقولى ايه!؟
رنا بتوسل: مامى انا بحب مدحت خلى بابي يوافق عشان كده كده هتجوزه
فوزى بعصبيه و صوت عالى ل اول مره: اطلع بره يا مدحت
رنا بحده: مدحت استنى انا هطلع معاك
مدحت: رنا اللى بتقوليه ده ماينفعش
رنا: انت بتحبنى و لا لا.
مدحت: بحبك بس ده انا بموت فيكى. انكل بليز وافق انا مش حابب اعمل اللى رنا بتقول عليه
فوزى بصدمه نزل من ع السلم و راحلها: انتى بتتحدينى يا رنا
رنا: زي ما تعتبر ده اخر كلام عندى
فوزى شدها من ايده: اتفضلى اطلعى فوق
رنا بعصبيه: لا
ويزو نزلت ع صوتهم: بابا فيه ايه؟
فوزى: اسألى الهانم
مدحت: طيب هاسيبكم و لما تهدو نتكلم
فوزى بصوت عالى: والا انت انا معنديش كلام تانى معاك.
مدحت ماشى و سابهم، رنا جريت وراه مسكت ايده و طلعت معاه
فوزى شدها بقوه وقعها ع الارض: بقولك اطلعى فوق
رنا بدموع و عصبيه: لا، و اللى هيقربلى هموت نفسى
مدحت وقف قدمهم قومها: بعد اللى حصل انا اللى مش هسبها دقيقه واحده هنا
فوزى اتصدم من كلامهم و وقف تنح
رنا طلعت مع مدحت بره البيت
رانيا جريت وراها بوجع قلب: رنا رنا
فوزى بعصبيه: رانيا خطوه كمان هتحصليها
رانيا بدموع: انت بتقول ايه بنتك هتسيبها.
ويزو نزلت تجرى ورا اختها
فوزى بكسره وحزن: رانيا بنتك اختارت و ماتقلقيش بكره هترجع ان شاء الله
رانيا بدموع: هترجع! ده بعد ايه
ويزو حصلت اختها وقفت قدام عربيتها: رنا انزلى
رنا كأن الشيطان اتملك منها: ويزو بليز ابعدى انا مش هسيب مدحت
ويزو بترجي: مدحت بالله عليك خليها تنزل و ترجع معايا
مدحت: ويزو باباكى صعبها اووى علينا انا مقدرش اعيش من غير رنا
ويزو تمسك دموعها: بس انت لو بتحبها مش هتخليها تخسر اهلها.
مدحت ببرود: رنا قدامك اهى خديها
رنا بحده: انت ازي تقول كده انا لو مرحتش معاك هموت نفسى
مدحت: قلبي روحى معاها و اكيد باباكى هيوافق بعد كده
رنا: اه هي بقت كده انا هموت نفسى واريحكم كلكم
ويزو: اهدى يا رنا بطلى جنان
مدحت: ويزو انا مش هقدر اعملكم حاجه اكتر من كده انا بحب رنا و مش هتخلى عنها و هي مش راضيه تمشى معاكم حرك العربيه و مشى
رانيا كانت بتجري تلحق رنا قابلت ويزو في وشها: اختك فين، عملتى معاها ايه.
ويزو بدموع: حاولت معاها بس مصممه يا تروح معاه يا تموت نفسها
فوزى بحزن: يارب الصبر من عندك البنت دي اتجننت خلاص دخلو البيت و فوزي طلع اوضته و باين عليه التعب
ويزو راحت وراه: انت تعبان يا بابا
فوزى بصوت واطى: اختك كسرتنى و هتخلينى اطاتى راسى
ويزو تمسح دموعها و تطبطب عليه: بابا تحب تروح المستشفى
فوزى شاور ب النفي
رانيا كانت منهاره بس طلعت ورا جوزها
ويزو راحت اوضتها و فضلت تعيط.
عند دانيه
قلقانه ع فادي و نايا و كانت قايللهم اول ما يرجعو يكلموها اتصلت بيهم كتير الفون مقفول، لحد ما وصل ليها مسدج بفون نايا اتفتح اتصلت عليها
نايا رديت بصوت مضايق: الو
دانيه بلهفه: حبيبتى عامله ايه قلقتونى عليكم
نايا بصوت نضال و بجديه: معلش بس رجعت تعبان و مش شايف قدامى
دانيه: هو في حد جنبك
نايا: اها
دانيه بقلق: طب فادي فين انا قلقانه عليه
نايا: اعصابه تعبانه شويه و نايم.
دانيه بخضه: نايا هو فادي ماله
نايا: قلتلك كويس ماتقلقيش هبقى اكلمك بكره انا تعبان و عايز انام سلام.
عند مهيمن اتصل ب اخته
مريم: ابيه عامل ايه وحشتنى اووى
مهيمن: الحمدلله يا مريوم انتى عامله ايه
مريم بدموع: ابيه انا مش عايزه اروح الامتحان
مهيمن ياخد نفس طويل و يطلعه بهدوء: ليه بس كده يا مريوم مش احنا اتفقنا محدش هيقدر يقربلك تانى
مريم بدموع: ابيه لا مش هقدر و انا اصلا مش مذاكره و النبى يا ابيه اقنع ماما عشان توافق
مهيمن بضيق ع حال اخته: حبيبتى اهدى و انا هكلم ماما
مريم: كلمها دلوقتى، اهي معاك.
حنان تاخد الفون: ازيك يا حبيبي
مهيمن: امى عايزك تهدى مع مريم شويه كفايه اللى هي فيه
حتان بعصبيه: دي اتهبلت خالص حتى الامتحان يا مهيمن
مهيمن بهدوء: امى خدى العنوان ده و وديها للدكتور و هو هيتكلم معاها و بلاش تدخلى معاها سيبيها تقول كل حاجه و لو ماوفقتش سيبيها برحتها و انا هحاول انزل اجازه اوديها
حنان بدموع توجع قلب مهيمن: مهيمن الامتحان بعد بكره انا تعبت خلاص و الله تعبت، لازم البنت دي تفوق لنفسها.
مهيمن: امي اهدى و هي هتكون كويسه و يولع الامتحان تدخل السنه الجايه المهم صحتك و صحتها
حنان: ماشى يا مهيمن انا هحاول معاها دلوقتى و ربنا يهديها و توافق تنزل
مهيمن يمسح وشه و هو مضايق: امى بلاش تتكلمى معاها و خليها تهدا و انزلو للدكتور
حنان بقلت حيله: ماشى يابني
يقفل معاها و يتصل ب كرم
مهيمن: دكتور كرم معلش انى بتصل بيك متأخر
كرم: متأخر ايه بس الساعه لسه تمانيه
مهيمن: حضرتك لسه في العياده.
كرم: اه موجود و لو مش موجود افتحلك مخصوص
مهيمن: حبيبي تسلم اختى و والدتى هيجولك دلوقتى
كرم: ينورو في اي وقت
مهيمن: تسلم.
حنان: مريم يالا عشان ننزل
مريم بخوف وبصوت متقطع: ننزل! ننزل ايه؟ و نزل فين!؟ لا انا مش عايزه انزل
حنان بتعب: يا بنتى بقى اسمعى الكلام و ريحى قلبي
مريم بدموع و صوت مبحوح: ماما لا سيبينى و النبى انا مش عايزه اخرج خالص
حنان بعصبيه: يا بنتى بقى ارحمى نفسك و ارحمينى انا مش قادره
مريم انهارت و فضلت تصوت: ماما بس بس انا مش هنزل
فون حنان رن رديت بعصبيه: ايوه يا مهيمن تعالى حالا شوف اختك خلاص هتموتنى.
مهيمن قلبه دق جامد بوجع: اهدي يا امى لو سمحتى، هي فين مريم
مريم بصويت: انا، انا يا ماما هموتك و الله هموتلكم نفسى و اريحكم منى خالص
حنان سابت الفون وبصوت مرتعشه: مريم حبيبتي معلش اهدي يا مريم
مهيمن بعصبيه: الو الو ( كان هيتجن ) امى ردي عليا فيه ايه، حصل ايه امي (قفل الفون و كان زي المجنون رايح جي في الاوضه) اتصل ب كرم: كرم روح العنوان ده بسرعه اختى منهاره، بسرعه يا كرم و انا ساعتين و اكون عندك.
كرم بهدوء قام: حاضر هروح، بس يا كابتن مهيمن شكل الموضوع كبير اووى ممكن اعرف منك في ايه عشان ابقى عارف هتصرف معاها ازاي
مهيمن: هغير هدومى و هنزل اكلمك
كرم: بس ياريت قبل ما اوصل وقفلو
كرم نزل و مهيمن غير و طلع بسرعه و لقه اللوا
مهيمن بحزن: سيادتك ممكن انزل اجازه اربع خمس ساعات
اللوا: ازاي يعنى
مهيمن: بعد اذن سيادتك لازم انزل قبل ما يجى الصبح هكون هنا
اللوا: انت مالك يابنى في ايه؟
مهيمن: هفهم سيادتك بعدين مافيش وقت
اللوا: اتفضل
مهيمن طلع يجرى و نايا شافته
نايا: كابتن مالك؟!
مهيمن كمل جري مردش عليها و اول ما ركب العربيه اتصل ب كرم
مهيمن كان بياخد نفسه بصعوبه
كرم: كابتن مهيمن انت فين مش بترد ليه انا معاك
مهيمن دموعه نزلت و مش قادر يسيطر ع نفسه
كرم: كابتن مهيمن انت كويس لو سمحت رد عليا
مهيمن يمسح وشه و بصوت كله وجع و حزن: معاك يا دكتور كرم
كرم بهدوء: لو تعبان خلاص بلاش تتكلم.
مهيمن يتملك اعصابه و يمسح دموعه: انا كان في فتره كنت متهدد جامد.
و ولاد الكلب ما اكتفوش بيا انا بس راحو كمان (سكت ثوانى يمسك دموعه ) ل اختى خطفوها من قدام باب المدرسه ساعتها افتكرت انه ابتزاز مش اكتر عشان اعمل اللى عايزينه اني ادخل سلاح مصر و انا اتفقت مع القاده اني هوافق و اول ما اخد اختى نقبض عليهم و نحرز السلاح، لكن للاسف هما كان عندهم جاسوس وصلهم كل الاتفاق بدل ما اوصلهم السلاح وصلولي هما فيديو (سكت ثوانى ومسح دموعه و قال بصوت كله حزن ) ب اغتصاب اختى و انهار مهيمن و فضل يبكى و لاد الكلب قالولى احنا هنبعتهالك حيه عشان نزلك طول عمرك.
كرم اتأثر: اهدى يا مهيمن فعلا الشغل بتاعكم صعب ربنا يقويكم، انا وصلت (قفل و طلع ) اول ما وقف قدام الباب حس ان الموضوع صعب و صوتهم جوه قلقه اكتر، جمد قلبه و رن الجرس
حنان فتحت و هي منهاره و هدومها فيها دم ومتبهدله
كرم باحراج: انا كرم صاحب كابتن مهيمن هو قالى اجيلكم
حنان بصويت: الحقنى مريم واقفه ع سور البلكونه
كرم دخل يجرى
مريم بعصبيه: اللى هيقرب ليا هرمى نفسى.
كرم اول ما شافها انبهر ب جمالها و قال و هو سرحان فيه جمالها و بصوت ولهان: والنبى لو عملتيها ده انا هنزل وراكى يرضيكى اتعور
مريم تنحت
كرم قرب عليها: بس ع فكره انا لو اتعورت هزعل اووى و احتمال انا بقول احتمال اعيط، يرضيكى
مريم تنحت ليه اكترو مستغربه كلامه
كرم راح لحد عندها شالها و نزلها و هو بينزلها بيبص في عنيها: طب كنت انا هعمل ايه لو حصلك حاجه و ربنا كنت اموت نفسى.
مريم كل مدى بتنح اكتر، كرم لسه ماسبش مريم وفي حضنه
حنان مستغربه جدا عشان مريم مش بتطيق اي راجل و كمان ده قريب اووى منها( يقطع الحب )
حنان بتحمحم: بقول تتفضل بره احسن
كرم سابها بس ماسك ايدها: اه اتفضلى
اول ما طلعو قال بهدوء: معلش هتعبك كوباية لمون للقمر الدبلان ده
حنان باستغراب: انت مين؟!
كرم باحراج: انا الدكتور كرم صاحب كابتن مهيمن و غمزلها
حنان فهمت انه الدكتور النفسى: هروح اعملكم لمون.
كرم: اتفضلى و بص ل مريم ماسك ايدها و ميل اخد منديل من ع الترابيزه و فضل يمسح الدم اللى في ايدها: ايه هنفضل متنحين كتير ممكن تتكلمى
مريم رمشت بعينها مرتين ورا بعض و بلعت ريقها: انا فين؟!
كرم فضل يبص حواليه: تقريبا كده و الله اعلم في الشقه بتاعتكم
مريم بكسوف و برقه: انت مين؟!
كرم بتحمحم: انتى هتشتغلى وكيلة نيابه صح
مريم بتلقائيه: نفسى بس خايفه
كرم بمشاكسه: و القمر يخاف ليه
مريم دمعت.
كرم مسح دموعها بايده بسرعه قبل ما تنزل دموعها ع خدها: ممكن ما اشوفش دموعك تانى لا انها بتوجعلي قلبي
مريم فتحت عينها و شفيفها بعدم فهم
كرم: ممكن
مريم بتلقائيه هزت راسها
كرم: هتقدرى تقولى ليه خايفه و لا نخليها بكره تقابلينى في مطعم و نفطر سوا
مريم هزت راسها ب الموافقه
كرم ابتسم
حنان واقفه متنحه ازاي وافقت انها تنزل (لا و مع راجل )
مهيمن دخل في الوقت ده جرى ع اخته حضنها: مريم انا اسف انا اللى دمرتك سامحينى.
كرم: كابتن مهيمن خف شويه مريم زي الفل
مهيمن بصلها: صح يا مريوم انتى كويسه
مريم كانت تحت تقصير مخدر عيون كرم ابتسمت و عنيها ع كرم
مهيمن اخد باله تحمحم باحراج: طب ايه!
حنان سابت اللمون ع الترابيزه بعصبيه و كان نفسها تضرب مريم بسبب حركتها و تسبلها ل كرم كتمت غيظها و سلمت ع مهيمن: معلش حبيبي تاعبينك معانا.
مهيمن: اوعى تقولى كده تانى وبص ل مريم لقاها لسه مبتسمه ل كرم ( فرح من جوه ان اخته تقدر تكمل حياتها و مش هتقف عند اللى اغتصبها و فرح اكتر ان كرم دكتور نفسى هيقدر يفهم الوضع حتى لو محبهاش مش هيصدمها هيعرف يتعامل مع حالتها )
حنان خبطتها ع كتفها: خدي اشربى اللمون
مهيمن بهزار: لا دي مش محتاجه لمون دي ع رأي واحد معايا، بت بصيلى و انا بكلمك
كرم قام باحراج: طيب استأذن انا
مريم قامت بسرعه: متخليك معانا شويه.
مهيمن باستغراب: ايه! قولتى ايه؟!
(مريم ولا سامعه و لا شايفه و لا حاسه اصلا ب الدنيا)
مهيمن قعد اهد كوباية لمون: شكلى انا اللى محتاج اللمون
كرم: معلش هشوفك بكره بعد اذنك
مهيمن قام حط ايده قدام عنيها رفعت نفسها و بصت ع كرم و بتعمله باااي
مهيمن مستغرب جدا و بص ل امه: انتى متأكده كانت هتعمل فيه نفسها حاجه من ساعتين
حنان: هي مين دي اصلا!
مهيمن سابهم: دكتور كرم استنى هنزل معاك.
مريم قعدت ع الكنبه اخدت مخده حضنتها و غمضة عينها
حنان بقلق: مريم انتى كويسه
مريم من غير ماتفتح عينها: هو ده يا ماما اللى دايما بقولك عليه هو ده اللى بشوفه في حلمى اللى بينقذنى دايما من الناس الوحشه
حنان: انتى متأكده
مريم هزت راسها: امممم هوااا
حنان طيب هاتى ايدك اشوف الجرح اللى فيها و فضلت تنضف في الجرح اللى في ايدها و مستغربه انها حتى مش خايفه من الدم مع ان عندها فوبيا من الدم
مهيمن: دكتور مريم مالها.
كرم: كل اللى اقدر اقوله هتشوف بعد كده مريم تانية خالص
مهيمن: ازاي يعنى
كرم: كل اللى عدى حماده و اللى جاي حماده تانى خالص
مهيمن: هي شكل العيله بتاعتكم كلها كده
كرم باستغراب: عيلة مين!؟
مهيمن: عيلتك
كرم: تقصد نايا يعنى
مهيمن: لا اقصد نضال
كرم باستغراب: نضال و سرح لما اخته قالتله( كرم لو يوم مهيمن قالك اسم نضال هودو، و انا اول ما انزل اجازه هفهمك كل حاجه).
كرم بخبث و عايز يعرف كل حاجه: ماله بقى نضال تعرفه من فين
مهيمن: ما هو معايا في الفرقه انا الكابتن بتاعه
كرم: بجد طيب تمام، بس لو فيها رزاله لو معاك صوره ليه و هو بيتدرب
مهيمن: اه معايا و وراله صوره
كرم اتاكد من شاكة: اه تمام هو بعد اذنك
مهيمن: طيب طمنى ع مريم
كرم: اطمن ع مريم هي كانت محتاجه تحس ب الامان شويه او ب الحب ب المعنى الاصح
مهيمن: ما احنا بنحبها كلنا.
كرم: كابتن مهيمن اطمن ع مريم و اعتبرنى بطلب ايديها منك
مهيمن ضم حواجبه ع بعض: انت متأكد من كلامك
كرم: انا عارف لا المكان و لا الوقت مناسب بس انا عايزك تطمن ع مريم معايا و انا هنسيها كل اللى حصل
مهيمن: بس مريم مش بنت بن...
كرم قاطعه: اكيد فهمت من كلامك كل حاجه و هي مش ذنبها ان في حيوانات ع هيأة بشر سلام
مهيمن طلع و هو حساس بارتياح من نحيتها و قال بهدوء: حبيبة اخوها عامله ايه.
مريم ب انشكاح: انا كويسه اووى يا ابيه مهيمن
مهيمن حضنها: ده انتى طلعتى مشكله صغيره يا شقيه نشفتى دمي
مريم ابتسمت
مهيمن: طب بما انك زي الفل انزل انا اروح شغلى
مريم هزت راسها بالموافقه
مهيمن رفع حاجبه اليمين: لا والله كده عادى فين...
حنان غمزتله انه ميفكرهاش
مهيمن غمز ل مامته بتفهم و قال بحبً: مريوم مافيش حضن و لا بوسه ولا خلى بالك من نفسك
مريم بابتسامه رقيقه حضنته و باسته: خلى بالك من نفسك.
مهيمن: و انا بقى مش محتاج اقولك خلى بالك من مذاكرتك، و انتي انا عرفت مين هيخلى باله منك ( باسها وراح ل امه حضنها اووى و بصوت واطى) امى كرم خطب مريم منى و انا وافقت
حنان فرحت اووى لكن الفرحه راحت بسرعه: طيب هو يعرف انها...
مهيمن يقاطعها: يعرف كل حاجه
حنان ابتسمت.
عند رنا و مدحت
مدحت: ايه مزهقتيش من اللف يالا نروح
رنا: مدحت اللى عملته ده غلط، انا مش عارفه سيبت بيت اهلى و اتكلمت معاهم كدا ازاي؟
مدحت: حبيبتى هما اللى خلونا نعمل كده و انا مقدرش ابعد عنك و لا انتى تقدرى
رنا حضنته: حبيبي انا مقدرش ابعد عنك ثانيه و بابى قلبه طيب هينسى بكره و هيتقبل الوضع
مدحت: طيب يالا نروح
رنا: اووك انت ساكن فين.
مدحت: اختى قاعده في البيت ما انتى عارفه ماينفعش نروح ع بيتى مش انتو عندكو عماره و معاكى المفاتيح
رنا: اه بس في واحد هناك تعالى ننزل في فندق احسن
مدحت: حبيبتى اللى يريحك
رنا: اه صح تعالى نتجوز الاول
مدحت: هو في مأذون دلوقتى يا حبيبتى تعالى بس نروح ع العماره بتاعتكم
رنا: اووك.
عند كرم يكلم نفسه بضيق: ماشي يا نايا بتروحي قوات خاصه ده انتي ايامك سوده معايا و بعد دقيقه يسرح في مريم
هو فيه رقه وجمال كده دي و هي زعلانه و بتعيط و متبهدله قمر كده امال لو متظبطه يا خربيت جمالك.
عند رنا
اول ما وصلو البيت مدحت قفل الباب بسرعه وحضنه و فضل يبوس فيها
رنا: انت بتعمل ايه يا مدحت احنا لسه متجوزناش
مدحت يوزع قبلات متفرقه ع وشها: ما احنا هنتجوز بكره
رنا تزقه: لا مش هينفع اللى بتعمله ده، اوعى يا مدحت اووعى
مدحت: وطى صوتك، طيب بصى هما الناس كانت بتتجوز ازاي مش عرض و رضى و قبول
رنا: اه و كمان اشهار.
مدحت: حلو اووى، انا هعرض عليكى دلوقتى و انتى وافقى و نعمل الاشهار بكره بقى، مش قادر اشوفك معايا في مكان واحد و ابقى عاقل، هل تقبلينى زوجاً لكى
رنا بفرحه: طبعا اقبل وحضنته.
عند كرم
يرجع يفتكر نايا اتصل بيها: نايا من غير كلام كتير افهم كل حاجه حالا
نايا بصوت واطى: انا مش هقدر اتكلم دلوقتى
كرم بعصبيه: انتى اتهبلتى! انتى في القوات الخاصه بتنيلى ايه؟!
نايا بصدمه وتوتر: انت عرفت؟