رواية مجنونة في عالمي للكاتبة سلسبيل كوبك الفصل السادس

رواية مجنونة في عالمي للكاتبة سلسبيل كوبك الفصل السادس

-الصباح الباكر...
نور: بت يا وعد يا وعد...
وعد: اممممممممم...
نور: انجزي قومي هنتأخر على الشغل...
وعد: اوف ماشي...
وعد قامت خدت دوش و لبست بنطلون و تي شيرت ابيض...
وعد: ايه ده احنا متفقين...
نور: مش ولاد عم اكيد لبسنا هيبقي متشابه...
وعد: اخوات يا حمارة...
نور: قلبي انتي يا كلب البحر...
حمزة(بصوت عالي): وعوووووودة تعالي...
وعد(بعصبية): انتي عايزة اخوكي ده تاني؟
نور: براحتك يا كبير...
وعد خرجت بعصبية...

وعد: ايه يا جحش انت مش قولتلك متقوليش يا وعودة دي تاني...
ريان: يا وعودة يا وعودة يا وعودة...
وعد: عااااااااااااااااااااااااااا...
حمزة: وعودة وعودة، هههههههههههههه..
نور: اسكت ياض منك ليه سيبوا اختي...
ريان: اسكتي انتي يا ضلمة...
الباب خبط...
سعاد: حاضر جاية اهو...
سعاد فتحت الباب...
سعاد(بهمس): استر يا رب، خير يا وليد...
وليد: ازيك يا طنط ريان هنا صح؟
سعاد: اه...

وليد دخل و لقي ريان و نور و حمزة و وعد بيتكلموا..
وليد: اهلا...
الكل رد ما عدا وعد: ازيك...
وليد: ايه يا وعد موحشتكيش؟
ريان: نعم و توحشها ليه؟
وليد: بحكم القرابة...
نور: طب ما انت موحشتنيش عادي يعني...
وليد: طول عمرك لمضة يا نور...
وعد: يلا يا ريان علشان الشغل...
وليد: ممكن اوصلك انا...
حمزة: ليه معندهاش اخوات مثلا؟
وليد: في ايه يا جماعة؟خد يا بني مفتاح عربيتك اهو...
ريان: اخيرا شكرا، يلا يا جماعة...

وعد: انزلوا و انا هجيب الشنطة...
الكل نزل و وعد راحت تجيب الشنطة و لسة هتنزل..
وليد: وعد...
وعد: اوف يا رب، خير يا وليد انجز متأخرة...
وليد: هو انا مزعلك في حاجة؟
وعد: خالص يا وليد احنا مجرد ولاد عم تمام، و كمان انت مش في دماغي علشان افكر فيك تمام انا ورايا شغل باي...
وليد: استني هنا انتي اتجننتي...
وعد: تمام، يلا بقي باي...
وعد سابته و مشيت، و وليد اضايق جدا...
وعد نزلت لتحت...
ريان: ايه اللي اخرك؟

وعد(بضيق): مفيش، يلا..
حمزة: اللي اسمه وليد ده عملك حاجة؟
نور: هو يقدر اساسا...
وعد(بضيق): خلاص يا جماعة يلا على شغلنا في حاجات اهم من اللي اسمه وليد ده...
ريان وصل البنات على شغلهم، و حمزة على جامعته، و وصل لشركته...
ريان و هو داخل للشركة لقي مايا قاعدة لوحدها في ترابيزة، راح قعد جمبها...
ريان: الجميل ماله؟
مايا: ها لا مفيش، انت بس اتأخرت قولت استناك علشان نشتغل بس مش اكتر، يلا بينا...

ريان: مش قايم غير لما تقولي في ايه...
مايا(بعصبية): انت مالك انت اقولك مالي و لا مليش انت بتدخل في حياتي بصفتك ايه انت مجرد زميل هنا في الشغل...
ريان(بحزن): انا اسف يا انسة مايا انا كنت اقصد اخفف عن حضرتك، بس واضح اني مش قد المقام، عن اذن حضرتك، و لما تفضي تعالي علشان الشغل، عن اذنك...
ريان سابها و مشي...
مايا(في نفسها): يا رب انا مش ناقصة...

و بعدين دخلت و اشتغلت مع ريان، بس ريان كان بيعاملها بكل رسمية...
-في مكان تاني...
في جامعة حمزة...
حمزة دخل و حضر اول كام محاضرة...
يوسف: من امتي بنحضر محاضرات غير محاضرات ابوك؟
امير: مترد يا بيه...
حمزة: في ايه قررت اشد حيلي من اول الترم عادي يعني...
أمير: علينا احنا يا حمزة...
يوسف: وقعت في حب البنت دي صح...
حمزة بصله و بعدين لسة هيتكلم...

لقي مرام واقفة و حواليها خمس شبان بيضايقوها و الجامعة بتتفرج عليهم...
حمزة جري لعندها...
حمزة: في حاجة يا اخ منك ليه؟
شخص1: انت مالك وسع من هنا؟
حمزة: طب امشي يا عم الظريف منك ليه علشان مزعلش...
شخص2: هي الحتة تبعك و لا ايه؟
مرام: لا هو بس...
حمزة: انت مالك تبعي و لا مش تبعي؟
شخص3: طب امشي من هنا، و زقه..
حمزة: انت شكلك عايزني اتعصب عليك...
شخص4: حمزة وسع، يا جماعة خافوا اصله لو اتعصب هيجبلنا بابا...

شخص5: يا روح بابا، هههههههههه...
حمزة: هوريك بقي انا روح ابوك يا روح اهلك...
و حمزة نزل فيهم ضرب و يوسف و امير ضربوا معاه..
الامن جم و فضوا الاشتباك...
في مكتب المدير...
المدير: ده تسيب و اهمال...
شخص5: هو اللي بدأ حضرتك...
المدير: و انت يا حمزة ايه دي اخرتها...
حمزة: يا فندم هما ناس قليلة الادب...
يوسف: دول كانوا بيضايقوا الانسة اللي هناك دي...
المدير: الكلام ده صحيح يا مرام...

مرام: ايوه يا فندم الشباب دول كانوا بيضايقوني و تدخل زميلي حمزة و هما قلوا ادبهم عليه، و هو كأي شاب مصري ضربهم، بس...
حمزة كان جمبها فقال...
حمزة(بهمس): و حياة امك...
مرام(بنفس الهمس): افندم!
المدير: خلاص دي اول و اخر مرة يا افندي منك ليه...
الكل خرج...
حمزة خرج هو و يوسف و امير و مرام...
و الشباب التانية خرجوا...
محمود: دي اخرتها يا حمزة بتعمل مشاكل في الجامعة..
حمزة: يا بابا...

محمود: بابا ايه بقي انت خليت فيها بابا...
شخص5: مش قولتلكوا روح قلب بابا هههههههه...
الشباب ضحكوا...
يوسف: ما تحترم نفسك ياض منك ليه...
امير: انتوا شكلكوا متربتوش...
محمود: خلاص انا ليا تصرف تاني..
مرام: انا اسفة يا عمو انا السبب..
محمود لاحظ نظرة حمزة لمرام و هي بتتكلم...
محمود: خلاص يا بنتي مفيش حاجة...
محمود: يلا وراكوا محاضرة...
محمود و الشباب مشيوا...
مرام: شكرا تعبت حضرتك...
حمزة: بعد ما اتخرشمت...

يوسف: لازم تعزمينا على قهوة بقي...
امير: قهوة ايه وجبة غداء ترم عضمنا اللي اتكسر...
مرام: هههههههه، تمام، نحضر بس المحاضرة لانها بتاعت والدك صح يا حمزة...
حمزة: اه...
و راحوا حضروا المحاضرة...
-في مكان تاني...
-في قصر الشيطان...
تميم: انت سبتوهم ليه امبارح؟
ادم: معرفوش حاجة يبقي خلاص..
عز: عين العقل...
تميم: البت دي فضولية اوي...
عز: هههههه كل البنات كدة...

تميم: تمام يلا بينا على المستشفي، هنتفق على عدد المرضي...
ادم: لا جيبوا مهاب و محسن هنا...
عز: ليه؟
ادم: البت فضولية اوي و ممكن تسمع...
تميم: تمام، هتصل بيه...
ادم: لا خلاص هنروح المستشفي و بالمرة نشوف الحالات اللي هناك...
عز(بإستغراب): من امتي و انت متردد في قرار يا شيطان؟
ادم: لا مفيش، يلا بينا..
راحوا ركبوا عربيتهم و راحوا ناحية المستشفي...
-في المستشفي...
وعد و نور بيشتغلوا...

مهاب: كدة تمام اوي، طلعتوا ناس موهوبة بجد...
وعد(بغرور): دي اقل حاجة يا ابني...
نور(بغرور): ده كدة حاجة بسيطة...
مهاب: ماشي يا مغرورين، هههههه..
محسن: ها ايه الاخبار يا شباب؟
وعد: تمام يا عمو...
نور: تمام يا افندم، (قدمتها بطريقة عسكرية)...
كانوا في اللحظة دي عصابة الشيطان وصلت و شافت المنظر ده...
تميم: ايه المسخرة دي؟
محسن(بخوف): تميم باشا...
مهاب(بخوف): مفيش حاجة...
وعد(بهمس): مش عايزة اتواجه مع حد...

نور(بهمس): و انا كمان...
و بعدين جايين يمشوا...
ممرضة(بسرعة): دكتورة وعد دكتورة وعد...
وعد: ايه؟
ممرضة: في في حالة هنا جات و شبه متوفية، و اسم المريض مصطفي النجار...
نور(بخضة): ازاي؟!
وعد فضلت ساكتة مصدومة خايفة قلقانة، ايديها بترتعش...
نور: وعد وعد حبيبتي اهدي عمو هيبقي بخير متقلقيش...
وعد بصت ليها، و عيطت...
وعد(بعياط): بابا بابا يا نور، بابا...
نور: اهدي هروح اتصرف...
نور سابت وعد مصدومة بتعيط...

-ده كله تحت انظار عز و ادم و تميم...
ادم: مهاب جهزلي اوضة العمليات فورا...
عز: ادم انت...
ادم: انجز يا مهاب...
مهاب راح جهز اوضة العمليات...
ادم: تميم دخلي المريض ده اوضة العمليات انجز...
تميم: متأكد؟
ادم: اه...
وعد بتعيط بصمت و بتأخد نفسها بصعوبة، كانت قاعدة على كرسي المستشفى...
ادم قرب منها و وطي بحيث يكون في نفس مستواها...
-ده كله تحت انظار عز المستغربة، محسن كان مشي علشان يشوف صديق صاحبه...

ادم قرب من وعد...
ادم: متخافيش هيبقي بخير...
وعد بصت في عيونه...
وعد(بدموع): توعدني...
ادم: اوعدك...
تميم: اوضة العمليات جهزت...
ادم قام بسرعة و دخل اوضة العمليات، بعد ما لبس الهدوم المخصصة لاوضة العمليات...
نور: هو مين اللي هيعمل العملية؟
كان عز و تميم و وعد و نور عند اوضة العمليات...
عز: ادم...
نور: نعمممممم!
تميم: بدل ما انتي مصدومة كدة روحي واسي صاحبتك و بنت عمك يلا...
نور: انت بتؤمرني و لا ايه؟

وعد(بدموع): نور خلاص ارجوكي...
نور: خلاص خلاص، و راحت حضنتها...
نور طلبت من ممرضة انها تتصل بريان...
-عند ريان، تليفونه بيرن...
الخط اتفتح...
ريان: الو مين؟
الممرضة: حضرتك انا ممرضة في مستشفي اختك وعد...
ريان: وعد حصلها حاجة؟
الممرضة: لا والد حضرتك في العمليات...
ريان: ايه؟ و قفل السكة في وشها...
مايا: في ايه؟
ريان سابها و جري على عربيته، مايا جريت وراه...
ريان ركب عربيته و مش راضية تشتغل...
ريان: يا رب...

مايا: عربيتي شغالة تعالي...
ريان بصلها...
مايا: لسة هتبصلي...
ريان ركب مع مايا العربية و مايا خلته يسوق...
و ريان وصل و نزل هو و مايا...
ريان راح مكان وعد بعد ما سأل موظفة الاستقبال..
ريان: وعد حصل ايه؟
وعد قامت و حضنته...
ريان: خلاص خلاص اهدي...
ريان شاور لنور بإنها تيجي جمبه، و حضنها...
-ده كله تحت انظار تميم اللي كانت مضايق و مش عارف السبب...
و بعدين قعدوا كلهم منتظرين خروج ادم...

-ادم خرج بعد ساعتين من وقت دخوله...
اول ما ادم خرج، وعد جريت عليه علطول...
ادم: تمام...
وعد حضنته جامد...
-(وليد: يبقي ابن عم وعد و نور و والده رحيم الجشع ده، هو مسافرش معاهم امريكا هو بينتقل من مكان لتاني براحته واد صايع من الاخر)...