رواية مجنونة في عالمي للكاتبة سلسبيل كوبك الفصل السادس والعشرون

رواية مجنونة في عالمي للكاتبة سلسبيل كوبك الفصل السادس والعشرون

ادم مسك الرشاش بتاع محمد، و ضرب بيه...
وعد(بفزع): ادم، و طلعت جري على بره...
وعد: ادم ايه ده؟.
ادم بصلها جامد و بص حواليه، و قرب منها جامد، و ضربها قلم...
وعد(بصدمة): ادم...
ادم مسك ايديها و دخل على اوضته اللي في الجبل..
زينة: هو عمل كدة ليه؟
عزت: ادم من النوع الرجولي اوي و بيغير على مراته و انتي شوفتي هي طالعة لابسة ايه؟
محمد: هي خرجت بعفوية مكنش قصدها...

ادم: انتي اتجننتي طالعة كدة قدام كل رجالة الجبل..
وعد(بدموع): انا سمعت صوت ضرب نار و كنت خايفة ف قمت بسرعة، من غير ما اخد بالي...
ادم: وعد انتي لازم تحافظي على شكلي قدام كل اللي موجودين هنا في الجبل او بره الجبل، انتي شايلة اسمي، و لو مكنتش عملت كدة كانوا هيقولوا عليا لفظ انا كراجل مش هقبله...
وعد: بكرهك يا ادم بس...
و سابته و كملت نوم...
ادم اتنهد و خرج ليهم...
زينة: فينها؟
ادم: نامت...

عزت: تعالي يا ابني الاكل...
ادم: هستناها لما تصحي...
محمد: هنستناها معاك...
عزت: دي مراتك و لازم تاكل معانا..
ادم: شكرا كلوا انتوا انا مش جعان...
عزت: ماشي يا ابني...
-في مكان ثاني...
في بيت عائلة النجار...
ريان: خلاص يا مايا هعدي عليكي اهدي ماشي...
مايا: تمام مستنياك اهو...
و قفل التليفون...
ريان: ماما انا نازل عايزة حاجة؟
منال: عايزة اشوف اختك وعد...
ريان: قبل ما تروحوا استأذنوا الاول...

مصطفي: ابنك عنده حق، و كمان اهي فضت لينا مكان و ريان كمان في الشغل...
ريان: هو انت بتاع الفرص؟!
مصطفي: انا لسة في عز شبابي ياض...
ريان: انا ماشي، و نور معرفش دي راحت فين تاني؟
منال: هترجع ان شاء الله...
ريان نزل ركب عربيته و راح لمايا..
سعاد: بنتي اه بنتي رجعولي بنتي...
محمود: اهدي يا سعاد هي جاية قريب...
حمزة: يا حاجة اصبري ممكن تكون راحت عند حد من صحابها...
سلوي: هروح ازور سيرين النهاردة...

سيلين: خديني معاكي...
رحيم: امي البنت دي من هنا و رايح مسئولة من عمامها كل اللي عليا فلوس بس، يلا يا هدي..
فرح: و انا كمان جاية معاكوا...
ناصر: راحة فين يا فرح..
فرح: انا و انت هنسافر بعيد عن هنا...
ناصر: انا مش هسافر..
فرح: لا هتسافر فاهم..
ناصر: لا الزوجة هي اللي تسمع كلام جوزها، فاهمة...
فرح: انا هسافر معاهم..
ناصر: لو سافرتي تبقي طالق بالتلاتة...
فرح بصتله و خدت شنتطتها و مشيت...

نانسي(بهمس): انا زهقت انا ماشية يا بدر...
بدر بص لنانسي بآسي فهي علطول كدة متبينش زعلها...
بدر: يلا يا تيتة يلا يا سيلين يلا يا نانسي هوصلكوا...
سلوي: احنا جاهزين...
ناصر: امي...
سلوي: اللي عملته صح انت راجل يا ناصر..
و بدر خد سيرين و سلوي و نانسي...
نانسي: انا مبحبش اقعد قدام...
سلوي: و لا انا اركبي يا سيلين..
سيلين: مينفعش يا تيتة..
بدر: خلاص اركبي بقي...
و ركبوا...
بدر وصل نانسي المستشفي...

بدر: خلي بالك من نفسك...
و بعدين راحوا على المستشفي...
-في المستشفي...
اياد: يا بنتي انا خلصت كل الحالات الا حالتك، هتشل..
اياد: طب هزي راسك بانك بتعرفي تتكلمي...
اياد: طب عندك رغبة في الكلام؟طب حصل ايه؟
اياد: طب تنامي و لا ايه نظامك، زهقت، انا علفكرة مش صبور...
اياد: شغلانتي محتاجة صبر لكن انا مش صبور، تمام..
اياد: طب قولي اسمك ايه؟طب موتي طاه، اعملي اي ريأكشن، هموت منك...
الباب خبط...
اياد: ادخل..

سيلين: سيرين...
و راحت حضنتها جامد، و سيرين قعدت تعيط...
سلوي: خلاص يا حبيبتي..
سلوي: ايه الاخبار يا دكتور؟
اياد: مبتتكلمش انا لازم اعرف حصل ليها ايه؟
سيلين قعدت تحضن سيرين وتتكلم معاها...
سلوي: طب ممكن بره؟.
اياد: اتفضلي...
اياد: ها بقي ايه اللي حصل؟
سلوي حكت ليه الموضوع كله و انفعالها و تصرفاتها...
اياد: هي كدة حاسة بالذنب و خايفة تواجه المجتمع تاني، ان شاء الله الموضوع بسيط...
بدر: تيتة هي فين سيرين؟

سلوي: في الاوضة...
بدر: تمام...
بدر دخل الاوضة...
بدر: اجمل ورود لاجمل وردتين هنا...
بدر: اتفضلي يا ست البنات، و خدي...
سيلين: ايه خدي دي؟
بدر: هو انتي مثلا ست البنات، مفيش غير سيرين بس ست البنات...
بدر: صح يا سيرين..
بدر: اوعي تكوني مخصماني، انا اروح انط من الدور الارضي انا بقولك اهو...
سيلين: بتنقط سكر...
بدر: و قمور و كل البنات بتحبني...
سيلين: اكيد بنات عامية...
بدر: ممكن..
اياد: طب كدة كفاية بقي..

بدر(بهمس): مين الدكتور الرخم ده؟
سيرين ابتسمت غصب عنها...
اياد: هو الريأكسن مبيطلعش الا مع استاذ بدر...
بدر: مش اختي الله...
سلوي: احنا معاكي يا روحي...
و بعدين مشيوا...
اياد: شكله استاذ بدر لطيف يا سيرين...
سيرين بصتله بعدم فهم...
-في مكان تاني...
عند تميم و نور...
تميم: يا بت اخرسي انتي عندك انفصام...
نور: رجعني لاهلي انت غبي بقولك رجعني لاهلي...
تميم: هو مش انتي كنتي هتأجري بلطجية علشان يخطفوكي...

نور: لا خلاص عايزة اروح...
تميم مسكها من ايديها و فتح الباب و خرجها و قفل الباب تاني...
نور: تميم دخلني يا تميم، تميم مش عايزة اروح تميم..
تميم: الصبر من عندك يا رب...
تميم فتح الباب...
تميم: و ربي اسمع نفسك بس هقتلك فاهمة...
نور: حاضر...
تميم: خشي..
نور دخلت..
نور: احم جعانة..
تميم: الاكل عندك خشي اعملي اللي انتي عاوزاه...
نور: احم اعمل اكل ايه؟
تميم: اوعي تقولي انك مبتعرفيش؟
نور: مبعرفش، الصراحة يعني..

تميم: اومال لما تتجوزي؟
نور: يطبخ هو بقي...
تميم: تعالي ياللي هتجبيلي جلطة...
تميم و نور دخلوا و عملوا اكل و كلوا...
-عند نانسي...
عز: نانسي..
نانسي: نعم...
عز: اخبارك...
نانسي: الحمد لله..
عز: اتفضلي..
نانسي: ايه ده؟
عز: هدية بسيطة..
نانسي: بعتذر مش هقدر اقبلها..
عز مسك ايديها و وداها الهدية...
عز: لما جوزك المستقبلي يوديكي هدية مترفضيش تمام...
عز سابها و مشي، و نانسي انبسطت من الهدية...

-الهدية كانت عبارة عن انسيال رقيق عليه حرف الN، A...
-عند ريان و مايا...
ريان: بت يلا اشتغلي مظبوط...
مايا: ريان انت فعلا بتحبني...
ريان: و ربنا بموت فيكي. بحب جرائتك و شخصيتك القوية و بحبك كلك على بعضك...
مايا: شكرا...
ريان: يلا بقي و استاذ قصي لو قال حرف سيبيلي الطلعة دي بقي...
مايا: حاضر...
ريان: ابوكي اتصل اطمن عليكي و على الشركة...
مايا: اتصل بيا برضو..
ريان: طب يلا على الشغل...
-في الجبل...

ادم: قولتلكوا الهانم مش عايزة تصحي و لو صحيت مش هتأكل...
عزت: شخصيتها صعبة..
زينة: هصحيها سيبوني بس...
ادم: قابليني...
وعد: حضرة الشيطان...
ادم بص ليها لقاها مخبية جسمها بالستارة اللي عند الجبل..
ادم: عن اذنكوا...
ادم راح ليها..
ادم: نعم..
وعد: المفروض البس ايه اتفضل قول يا حضرة الشيطان...
ادم: حضرة الشيطان!
وعد: مش ده اسمك...
ادم(بغيظ): اه اسمي...
ادم: بيبقي في زي عباية ما العباية البيتي دي...
وعد: معرفهاش...

زينة: ينفع ادخل؟
ادم: خشي يا زينة...
زينة: انا اسفة نسيت اجبلك اللي بيتلبس فوق العباية البيتي اتفضلي...
وعد: و لا يهمك...
زينة خرجت...
وعد: اخرج...
ادم خرج، و وعد لبست عباية سوداء طويلة و قفلتها...
ادم: تعالي كلي يا وعد...
وعد: شكرا مش عايزة...
زينة: بس ادم...
ادم: زينة خلاص...
ادم: يلا يا محمد نجرب الرشاشات قبل كتب الكتاب...
ادم و محمد مشيوا..
عزت: علفكرة جوزك مكلش و كان مستنيكي...
وعد حست بالندم...

عزت: انا ماشي، باي...
عزت مشي...
زينة: ادم بيحبك علفكرة...
وعد بصت ليها بسخرية...
وعد: واضح، (وعد حاسة بإنه بيعاملها كدة بس علشان قدامهم)...
وعد: هو فين دلوقتي؟
زينة: مش هتعرفي تروحي انتي متعرفيش الجبل، و مش هتعرفي تطلعي ليهم..
وعد: تعالي معاايا..
زينة: لو انا طلعت انتي مش هتعرفي...
وعد: متخافيش...
زينة و وعد مشيت، وعد مكنتش عارفة تمشي...
و في لحظة وقعت و مسكت في حتة صخرة...
وعد(بصريخ): ادم...

زينة جريت لادم و محمد...
زينة(بصوت عالي): ادم وعد راح توقع...
ادم مشي بسرعة ناحية زينة..
ادم: فين؟
زينة خدته بسرعة و راحت مكان وعد...
و وعد بتقاوم و هي ماسكة في الصخر...
ادم: وعد هاتي ايدك...
وعد: مش عارفة...
محمد: في حبال بتبقي موجودة في الصخور...
ادم: وعد استحملي...
زينة: اهو في حبل جمب وعد...
ادم: وعد بتثقي فيا...
وعد: ده مش وقته الله..
ادم: واثقة في قدراتك...

وعد: و الله هرد عليك بس متعاقبنيش دلوقتي يا ادم، انا خايفة...
ادم: الحبل قريب منك يا وعد حاول امسكي فيه..
وعد حاولت تمسك الحبل مش عارفة...
ادم: وعد انتي قوية يلا...
وعد حاولت لغاية ما مسكت في الحبل و فلتت...
ادم(بصريخ): وعد...
و في اقل من لحظة مسك في الحبل و مسك ايدها...
و محمد و بعض من الرجالة ماسكين الحبل من فوق...
وعد(بدموع): ادم انا خايفة...

ادم قعد يشدها ناحيته و الجرح اللي في جمبه اتفتح و نزل دم كتير، و مسك وعد...
ادم: هش اهدي...
و محمد و الرجالة قعدوا يشدوا لغاية ما طلعوا...
ادم: كويسة؟
وعد: اه...
وعد: الجرح اتفتح...
ادم: متخافيش...
ادم(بعصبية): انتي ايه اللي جابك هنا اساسا؟
وعد: هو انت متخلف يا ادم، هو انت بتقلب بسرعة اوي كدة ليه و ازاي؟
زينة: دي كانت جاية علشان تعتذر...
وعد: قوم اغيرلك على الجرح...
ادم(بجمود): شكرا و خشي الاوضة...

وعد: تمام، انا هروح انط بقي من الجبل...
ادم: تعالي يا هبلة...
محمد: صاحبي انت كدة بتنزف روح اتعالج، يلا..
وعد خدت ادم و غيرت ليه على الجرح...
ادم: قومي غيري علشان كتب الكتاب...
وعد: تمام...
وعد قامت لبست عباية باللون الابيض و فيها خرز كتير و شكلها بدوي اوي و حلوة و طويلة بكم و في حاجة زي طرحة بس شفافة، و لبست غوايش دهب كتير في ايديها و حلقين كبار..
ادم دخل ليها، و انبهر بجمالها و شاف فرحتها في عنيها..

وعد(بفرحة): شكلي حلو صح...
ادم(بشرود): اوي...
وعد: شكرا...
وعد: تعرف كان نفسي البس كدة من زمان...
ادم: اديكي لبستي...
وعد: شكلك حلو علفكرة...
ادم: شكرا، يلا بينا هنتأخر...
وعد خرجت هي و ادم...
زينة: و ربي يا بنتي انتي هتبقي احلي من اللي موجودين في الفرح..
وعد: شكرا، انتي احلي...
محمد: يلا...
و بدون مقدمات ادم شال وعد..
وعد: ادم...
ادم: اسكتي..
وعد: هو انت ليه مبتحبش صوتي الله؟
ادم: كدة عندك مانع...

وعد: طب نزلني...
ادم: و اقعي تاني بقي، يلا..
ادم نزل و هو شايل وعد و الشيخ عزت و محمد و زينة نزلوا...
نزلوا و ركبوا عربية ادم، و وعد ركبت جمبه و الباقي ورا...
ادم: انزلي يا وعد مع زينة هتروحي مكان الستات...
وعد: تمام...
وعد نزلت هي و زينة...
وعد: بجد يلا انا مبسوطة...
وعد راحت مع زينة مكان الستات...
واحدة: مين دي يا زينة؟
زينة: دي مرات الشيطان...
بنت: دي!
زينة: مالها دي؟
بنت: دي مصراوية...

زينة: الشيطان براحته...
وعد: هو في ايه؟
زينة: تعالي نقعد في جمب لوحدنا...
زينة خدت وعد و قعدوا في مكان لوحدهم، و كل الستات بتبص على وعد و في بنات بتحسدها على جمالها، و في بنات بتحسدها على ادم...

-اما عند الرجالة...
ادم دخل هو و الشيخ عزت و محمد...
واحد: ده الشيطان...
واحد: شكله جاي للموت بإيديه...
و كتبوا كتاب العروسة و العريس...
ادم: مش هتتحرك و حد تاني يتجوزها...
محمد: شيخ عزت اكتب كتابي...
عزت: على مين؟
محمد: زينة...
عبده: طب موافقتها...
ادم: موافقة...
عزت: تمام...
زينة: بيكتبوا كتاب مين تاني؟
و بعد ما خلصوا كتب الكتاب...
-شخص(بالمكرفون): تم كتب كتاب محمد على زينة بنت عم عبده...

وعد(بصدمة): انتي؟
زينة الصدمة شلتها...
زينة: لا لا، ايه ده؟
وعد: مبتحبهوش..
زينة: بعشقه..
وعد: خلاص مبروك يا عروسة...
زينة: انا فرحانة اوي...
و بدأ ضرب نار يشتغل...
و فجأة رصاصة اخترقت جسم شخص...
-شخص(بالميكرفون): الشيطان اتصاب...