رواية مجنونة في عالمي للكاتبة سلسبيل كوبك الفصل الخامس

رواية مجنونة في عالمي للكاتبة سلسبيل كوبك الفصل الخامس

اخر حاجة وقفنا عندها:
ان وعد لفت علشان تخرج من المخزن لقت الباب اتقفل و نور المخزن كله اشتغل...
ادم: وووعد...
وعد(بهمس لنفسها): يا نهار اسود، انا اكتشفت...
ادم: انجزي بصي ليا...
وعد: ها، و لفت لقته قاعد على كرسي في نص المخزن...
وعد: انا كنت بس جاية...
ادم(بزعيق): مش انا قولتلك اياكي تيجي هنا تاني صح و لا لا...
وعد: بس...

ادم(بنفس الزعيق و الصوت العالي): انتي غبية ردي غبية، انتي مجنونة و لا هبلة، بلاش فضول يا شيخة...
وعد: بس انا حسيتك هتعمل حاجة وحشة لحد بس..
ادم: و لو هعمل حاجة وحشة انتي مالك فهميني انتي مالك ردي...
وعد: اني هنقذ الشخص اللي انت عايز تأذيه مثلا...
ادم كان بيقرب منها ببطء، و وعد كانت بتموت من الخوف في مكانها، لغاية ما ادم وصل ليها و كان بيفصل بينهم خطوة واحدة...

ادم(بهمس يخليك تموت و انت واقف): انتي مش هتقدري تقفي قدام الشيطان، فاهمة...
وعد بصت في عيونه...
وعد: بس انت مش شيطان، انت انسان ربنا خلقك انسان علشان تعيش في الارض و تثمر فيها و علشان تعمل لآخرتك، ربنا خلقنا للعمل و العبادة، مفيش شخص اتولد منا شيطان، لكن في شخص سمح لنفسه انه يتميز بنفس صفات الشيطان يا ادم...

-ادم كان ساكت خالص و كل الكلام ده دخل دماغه و عمال يتكرر، و كإنه بقي صنم لما هي نطقت اسمه فعلطول الكل بيقول ليه الشيطان...
ادم(لنفسه): ادم مش بنت هي اللي تخليك كدة فاهم..
ادم(لنفسه): انت الشيطان، فاهم...
ادم(بسخرية): انتي متعرفيش حاجة يبقي متتكلميش...
ادم(بزعيق): و احسنلك احسنلك يا وعد تبعدي عني انتي مش قد الشيطان، فااااااااهمة...
وعد: فاهمة...
ادم(بحدة): و الكلمة اللي اقولها بعد كدة تتسمع...

وعد ربعت ايديها، و بصتله...
وعد: ليه حضرتك مثلا جوزي و لا ابويا و لا اخويا و لا مين بالظبط علشان اسمع كلامك..
ادم: صاحب المستشفي، و متنسيش اني قولتلك ممنوع انك تيجي هنا صح و لا لا..
وعد سكتت لانها عارفة انه فعلا قال كدة...
وعد: عموما خلي رجالتك تفتح الباب عايزة اخرج...
ادم: استني شوية...
وعد: ايه؟
و بعدين لقت تميم داخل من باب خلفي للمخزن و شايل نور بين إيديه...
وعد(بخضة): نور...

وعد(بحدة): انت مجنون عملت فيها إيه...
تميم: اخرسي...
وعد كانت لسة هتروح على نور، ادم وقف قصادها...
وعد(بزعيق): وسع من وشي حالا يلا وسع...
ادم: هي هتفوق فاصبري...
وعد: و انا هعرف منين انكم معملتوش ليها حاجة، و بالذات الشخص الزبالة اللي وراك ده(قصدها تميم) اللي مش طايق ليها كلمة...
تميم(ببرود): مش نوعي المفضل متخافيش...
وعد: انتوا ايه، وسعوا بقي من وشي...

و بعدين وعد لقت تميم سحب حقنه و جاي يحطها في رقبة نور...
وعد: انت بتعمل ايه وسع؟
تميم مسمعش كلامها و حط لنور الحقنه في رقبتها، و بعد عنها...
ادم(بحدة): بعد كدة تتخلي عن فضولك علشان المرة الجاية معرفش هعمل ايه، فاهمة...
نور هي لسة بتفوق و مش مركزة لقت قدامها تميم و ادم و وعد...
نور: منك لله يا وعد آه يا جسمي، ربنا يسامحك، انا قولتلك نمشي احسن، ده رفاعي هيبقي احسن منك...

وعد(بضيف شوية مرح علشان تخليها تفوق): لا و كمان تخيلي بقي ان احنا إتأخرنا و رفاعي مشي يبقي طفشنا العريس...
نور: اه عندك حق...
و بعدها نور فاقت خالص، و ادركت الموقف، و قامت مفزوعة، حتى تميم استغرب...
نور: ايه ده حصل ايه انتي حصلك حاجة؟
وعد: لا انا بخير...
نور: ربنا يأخده...
وعد(بتعجب): مين!
نور: اللي شالني و حط ايده على بوقي، ربنا يأخده كمان وداني حقنه في رقبتي، اه مش مسمحاه...
وعد: طب يلا يا اختي...

وعد: نقدر نروح يا ادم بيه...
ادم: اه بس المرة الجاية معرفش اذا كنتوا هتروحوا و لا لا...
وعد(بابتسامة صفراء): ان شاء الله...
و هي لسة هتخرج هي و نور...
ادم: وعد انا حذرتك المرة الجاية انتي اللي هتندمي...
وعد و نور خرجوا...
نور: حصل ايه احكي...
وعد: هحكيلك و احنا بنركب المواصلات، يلا...
وعد حكت كل حاجة حصلت لغاية ما وصلوا لباب العمارة...

نور: ده كله يا الله، ده شخص سئيل، بس و ربي حسابك معايا، انا اتخدر بسببك، بس متعرفيش مين اللي عمل كدة؟
وعد: ها لا بلاش معرفش اسااسا...
نور زقت وعد على الحيطة...
نور: قسما بربي يا وعد لتقولي مين اللي عمل كدة لمتعرفيش هيحصل ايه...
وعد(بسرعة): تميم، و طلعت تجري على شقتها...
نور: ينهارك اسود تعالي يا بت هنا، و جريت وراها على السلم...
وعد صلت عند شقة نور و خبطت بسرعة...
حمزة: ايه في ايه؟

فتح الباب، لقي وعد بتدخل و تقفل الباب وراها...
حمزة: في ايه و فين نور؟
وعد: ها لا معرفش...
و جريت قعدت جمب ابوها و عمها...
وعد: انا في ملك الحكومة...
الباب خبط جامد...
ريان: ايه ايه هتكسروا الباب...
حمزة فتح، لقي نور...
نور: و ربي لوريكي يا كلب البحر...
وعد: استهدي بالله يا ابو روجتي..
سعاد: ده انا هطلع عينيكوا انتوا الاتنين...

نور: ماما احنا جينا قبل ما عريس الغفلة يجي اهو، و في كلتا الحالات انا هرفض تمام...
محمود: خلاص خشي اجهزي يا نور...
نور: ماله لبسي انا تمام اهو...
سعاد: يا بت هقلع الشبشب و انزل عليكي بيه...
وعد: خلاص يا نور يلا نخش نلبس...
نور: انتي متتكلميش خالص، و الله هربيكي يا وعد...
ريان: طب في ايه؟ممكن اربيها معاكي...
حمزة: انا بحب التربية ربووووووني...
مصطفي: على اساس انا مربتش يا و لاد ال...

ريان: ايه ده يا حاج مصطفي اوعي تقول على نفسك كدة...
محمود: اه يا قلبي هتجبولي سكتة قلبية...
وعد: ده انت لسة يا حودة قلبك شباب...
منال: بنت اسمه عمو محمود...
وعد: يا ستي انا بدلع حبيبي، بتدخلي ليه الله؟
سعاد: وعد اخرسي علشان مربكيش...
نور: بتغيري يا بيضة، هههههههه
حمزة: طب يلا علشان عريس الغفلة...
نور: فكرتني ليه منك لله...
وعد: يلا يا نوري بس ده احنا لازم نتظبط اخر تظبيط..
ريان: مش مطمن...

وعد: اتوكلنا على الله...
-وعد و نور دخلوا لبسوا، و الضيوف جم و قعدوا و جه ميعاد انهم يجيبوا العروسة...
محمود: قوم يا ريان انت و حمزة جيبوا اخواتكم...
ريان: تمام...
حمزة خبط على اوضة نور...
وعد: مين؟
ريان: احنا...
وعد: ادخلوا ادخلوا...
اول ما ريان و حمزة دخلوا...
ريان و حمزة: يا ماما...
حمزة: دي عروسة و لا زومبي؟
نور: ياض و الله اهزأك، متنساش انا اكبر منك...
ريان: اكبر ايه؟دي البلاعة انضف منك...

وعد: ايه رأيكوا مبحبش اتكلم كتير عن نفسي...
-نور كانت لابسة فستان لونه اسود مقطع باين انه بتاع شحاتين، و لابسة بروكة كان الشعر باللون الاحمر و الشعر باايظ، و لابسة جذمة فردة و فردة، و حاطة روج اسود، و مبوظة وشها بالمكياج...
وعد: اختكوا طالعة من تحت ايدي فلة اهي...
حمزة: ابقوا قابلوني لو متهزأتوش...
نور: المهم نطفشه، يلا...

ريان و حمزة كاوا ماشين جمب بعض و مخبين اللي وراهم(اللي هما نور و وعد) رواحوا وقفوا قدام الناس...
سعاد: فين نور يا حبايبي؟
حمزة: ها...
محمود: نور فين و فين وعد؟
ريان: ورانا...
مصطفي: طب ما توسعوا...
حمزة: متأكد...
منال: في ايه يا ولد وسع؟
ريان: هما اللي اختاروا...
ريان و حمزة وسعوا...
ام العريس اول لما شافت نور، شهقت...
مصطفي و محمود كانوا متأكدين انهم هيعملوا حاجة مجنونة لكن مش للدرجة دي...

رفاعي: ايه ده يا جماعة؟دي قلة ذوق...
سعاد(بكسوف): و الله يا بني يعني هما بيحبوا الهزار..
منال: اه اصلهم بيحبوا يهزروا علطول فقالوا نهزر مع العريس...

وعد: لا يا ماما، احنا قاصدين لغرض واحد هو انه هو جاي لانها الدكتورة نور و جمال و رقي و مجتمع راقي، فلما شافها كدة غير وجهة نظره اللي عايز حد بيتمسك فيه و مش لما غيرت شكلها يبقي وحشة مش عايزين، عموما حضرتك يا استاذ رفاعي شخص جدع و شهم، و لو تبت ده يبقي شئ يرجع ليك و هيعمل منك قيمة بين الناس، لكن احنا رافضين حضرتك، عن اذنكوا..
نور و وعد رجعوا الاوضة...

نور: اوف كويس انك اتكلمتي، علشان لو كنت اتكلمت كنت هزأته...
وعد: لو تشوفي وش امك و امي بيدل على حاجة هتحصل النهاردة مش تمام...
نور: ربنا يستر...
وعد و نور سمعوا باب الشقة اتقفل...
وعد: هنعمل ايه؟
نور: سوري يا زميلي انا راحة استحمي...
و نور جريت على الحمام...
وعد: يا واطية...
وعد راحت عند الباب و وقفت وراه...
سعاد(بزعيق): جبوهم، ده انا هربيهم...
ريان: يا طنط...
سعاد: اسكت انت..
حمزة: ماما يعني بلاش...

سعاد: اخرس...
منال: يا سعاد بس اهدي...
سعاد: انا يبقي شكلي قدام امه وحش و ربي لاربيكي يا وعد انتي و نور...
وعد(من ورا الباب): يا طنط افهمي وجهة نظرنا بس..
سعاد: و النبي افهم ايه انتي مش شايفة البت كانت عاملة ازاي؟
وعد: انا بس ممكن اسألك سؤال و هخرج...
سعاد: قولي...
مصطفي و محمود كانوا بيضحكوا...
وعد: هي بنتك طالعة واطية لمين؟
الكل استغرب من وعد...
ريان: ايه لازمة السؤال ده؟
وعد فتحت الباب طلعت ليهم...

وعد: اصل بنتك الوطية سابتني و جريت علشان تستحمي شوفتي حد واطي كدة...
منال: لا هي فعلا واطية عندك حق...
الكل ضحك..
وعد: خلاص بقي يا سوسو، يعني كنتوا تحترموا رغبة نور من الاول مش كنا نطفشه كدة، بس خلاص الموضوع كان حلو...
نور وهي واقفة على حافة الباب...
نور: و كمان يعني يا سكر انت اهو طفش بقي...
سعاد: يا جماعة انا عايزة افرح بيكوا كلكوا...
وعد: عارفين يا سوسو، قريب..

منال: و النبي ما انا بتحايل عليكي و انتي بترفضي...
ريان: لقد وقع الاسد في الفخ...
حمزة: بوووم...
نور: مش ظراف خالص يعني...
و بعدين تليفون مصطفي رن...
الخط اتفتح...
مصطفي: الو مين؟
الشخص:
مصطفي: اه اه اهلا...
مصطفي: تيجوا براحتكوا...
الشخص:
مصطفي: اه تمام، باي باي...
الخط اتقفل...
وعد: في ايه يا بابا؟
مصطفي(بصدمة): جدتك و اعمامك جايين كمان يومين...
الكل اتصدم...
محمود: طب و العمل لا مستحيل اعرف اعيش...

ريان: و لا انا ده انا تيتة دي بتتكلم في هدومي الداخلية يا بابا...
وعد و نور ضحكوا...
حمزة: مش بنهزر و انتوا اكتر ناس عارفة...
وعد: الصراحة عندك حق، ده انا كان عندي 7 سنين و تقول ايه معنديش حد يلبس قصير و ينزل الماية...
نور: و الا انا في الراحة و الجاية خسي يا طخينة خسي يا طخينة...
حمزة: و انا كنت كل ما اجي اخرج العب و انا عندي 6 سنين، رايح فين رايح العب مفيش لعب انت راجل..

منال: انا لو قدت ليها صوابعي شمع و الله ما هيعجبها...
سعاد: دي مبتأكلش اي حاجة كدة و السلام، و مهما بعمل ميعجبهاش...
مصطفي: بقي امر واقع و اعمامكوا جايين...
وعد: لا يا بابا البت اللي اسمها سيرين دي مبطقاش..
نور: قصدك سردين...
ريان: بس اختها بنت هادية و مؤدبة...
وعد: انا بحب سيلين، لكن سيرين بكرهااا
سعاد: و انا بكره كره العمي الست اللي اسمها هدي دي...
منال: دي شايفة نفسها...

مصطفي: و كمان اخويا للاسف الطمع عاميه ممكن يطالب بحقه في البيت و يكون عايز يبيعه...
محمود: لا مش هقبل بكدة...
حمزة: طب هما ايه اللي رجعهم من امريكا يعني مش فاهم؟
ريان: هنفهم هنفهم...
وعد: اومال مين كان عمو الرابع يا بابا؟
مصطفي: عمك ناصر...
نور: الصراحة عمو ناصر ده غلبان و بيحب الكل...
منال: بس مراته عقربة...
سعاد: بس عيالهم هاديين خالص و طيبين اوي معرفش كدة ازاي؟
ريان: اه كانوا نانسي و بدر...

وعد: الموضوع تعبني نفسيا انا هنام...
مصطفي: هتعقدي فين؟
نور: خليها جمبي يا عمو...
مصطفي: ماشي...
وعد: تمام...
وعد: لا مش تمام مش عايزة انام انا معاها، هي مستحلفة ليا...
نور: هو احنا في ايه و لا في ايه؟
حمزة: و انا هبات مع ريان...
ريان: تمام يلا...
مصطفي و منال و ريان طلعوا...
و نور و وعد دخلوا اوضة نور..
وعد: انا مش عارفة هستحمل تيتة دي ازاي...
نور: ممكن بعد ما عاشت بره اكيد يعني اتغيرت...
وعد: عندك حق...

وعد: بس البت سيرين دي عيلة مبطقهاش خالص، و لا امها...
نور: معلش بقي...
وعد: طيب هنام بقي علشان ام شغل بكرة ده، بقيت بكرهه كره العمي...
نور: و مين سمعك...
(عائلة النجار...
-الجدة: اسمها سلوي كبيرة في السن بس مش لدرجة العجز، شخصية حادة و مسيطرة...
-رحيم: عم وعد و نور الثالث الجشع يعميه منذ الصغر، و الغيرة، و متزوج من زوجته كما تسميها منال عقربة، و عنده بنتين سيرين و سيلين...

-هدي: زوجة رحيم و بتكره الطبقات الوسطي و الفقيرة تحب المظاهر...
-سيرين: بنت مغرورة و زي مامتها و والدها و جشعة...
-سيلين: بنت عكس اسرتها خالص، و بتحب الخير لكل الناس...
-ناصر: عم وعد و نور الرابع و طيب و غلبان لكن مراته هي اللي بتمشيه...
-فرح: زوجته بتحب الحاجة اللي في ايد غيرها و لما بتاخدها مبتبقاش عايزاها، و بتخرب البيوت حلو اوي...
-بدر: شاب لطيف جميل حبوب هنتعرف عليه بتوسع على مدار الرواية...

-نانسي: بنت جميلة طالعة لاخوها و تربيته، تعتبر بنت بدر، اسااسا مامتها كانت بتسيبها علطول و تروح النوادي و المظاهر و الكلام الفاضي ده، )...

- في مكان تاني...
في قصر الشيطان...
تميم: هتروح؟.
ادم: اه، يلا يا عز...
عز: انتوا عارفين مليش في الدم...
تميم: يلا يا عز...
عز: لا روحوا انتوا، باي..
ادم: يلا يا تميم...
ادم وتميم خدوا الرجالة...
رواحوا مكان زي مصنع مهجور(كل شغل المافيا في الاماكن المهجورة معرفش ليه؟)...
شخص: الشيطان بنفسه شرفنا...
ادم: ليك وحشة يا جوكر...
الجوكر: اتفضل اتفضل...
ادم: الشيطان مش جاي علشان يقعد..
الجوكر: و يا تري جاي ليه؟.

ادم: الشيطان جاي علشان يقتل...
ادم ضرب اللي اسمه الجوكر ده برجله، و حصل ضرب نار من كلا الطرفين...
تميم: ادم خلي بالك عددنا بيقل...
ادم: ازاي الكلام ده؟
تميم: كان في كمين مخطط لينا...
و بعدين لقوا رجالة كتير دخلت المكان و خلصت على كل رجالة الجوكر...
-الجوكر قدر يهرب مع كام واحد من رجالته...
عز: حد نادي عليا...
ادم راح حضنه...
عز: متنساش انت اخويا قبل كل شئ..
ادم: و انت قد الاخوة دي يا عز...

تميم: ما يلا منك ليه...
عز: يا شيخ ما صدقت الشيطان يمدح فيا الله يخربيتك قطعت اللحظة...
تميم: طب يلا ياض قدامي...
عز: يلا يلا، الشيطان number1 الشيطان number 2...
تميم: مفيش غير شيطان واحد بس هو ادم...
عز: يا بكاش...
ادم: طب ايه مش هنحتفل؟
تميم: انت مستدرك ان الجوكر هرب و لا لسة...
ادم: انا عارف بعمل ايه كويس...
عز: قصف جبهة...
ادم: يلا...

ادم و تميم و عز راحوا ملهي ليلي و كل واحد خد بنت و افتعلوا ما حرمه الله...
- في مكان تاني...
شخص1: راجعة امتي؟
شخص2: كمان يومين...
شخص1: متخافش هننهي قريب، قريب اوي...
شخص2: و انا واثق فيك...