قصص و روايات - قصص رومانسية :

رواية مجنونة في عالمي للكاتبة سلسبيل كوبك الفصل الخامس عشر

رواية مجنونة في عالمي للكاتبة سلسبيل كوبك الفصل الخامس عشر

رواية مجنونة في عالمي للكاتبة سلسبيل كوبك الفصل الخامس عشر

ان وعد سمعت ضرب نار و نزلت من العربية و راحت لادم و نادت عليه...
ادم انتبه ليها و كان رايح ليها، و في اقل من لحظة ادم خد رصاصة في كتفه...
وعد(بصوت عالي): اددددم...
عز و تميم لاحظوا ان ادم اضرب بالنار...
ادم جري على وعد...
وعد(بدموع): انت انت اضربت بالنار...
ادم: وعد مفيش وقت للكلام تعالي...
ادم مسك ايد وعد و خرج من المكان و راح على العربية، و بعدين خرجوا وراهم تميم و عز، و ركبوا العربية...

و بعدين حصل انفجار كامل في المكان...
تميم طلع بالعربية بسرعة...
وعد(بدموع): ادم، ادم سامعني..
ادم فتح عينه بتعب و غمضهم تاني...
وعد: انجزوا روحوا على المستشفي...
تميم(بزعيق): انتي تخرسي خالص و لا كلمة فاهمة...
ادم مسك ايد وعد و حط رأسه على كتفها...
وعد بتعيط و بتملس على شعره...
وعد(بدموع): رايحين فين؟
عز: اهدي يا وعد مفيش حاجة...

تميم(بزعيق): كل اللي همك رايحين فين، يا شيخة كفاية انه علشان ينقذك خد رصاصة في كتفه اخرسي بقي...
وعد(بدموع): انا معملتش حاجة، و مكنش قصدي...
عز: خلاص، ركز في السواقة يا تميم، وعد اسكتي بعد اذنك...
ادم بيفتح عيونه كل شوية بتعب و يغمضهم تاني...
تميم وقف بالعربية...
عز: انزلي يا وعد...
تميم و عز مسكوا ادم و ادم ماسك في ايد وعد...
تميم و عز ركبوه الطيارة، و وعد طلعت معاهم...
تميم: انجزوا فين الدكتور؟

الدكتور: انا اهو...
الدكتور طلع الرصاصة من كتف ادم و عمل اللازم...
الدكتور: الشيطان بخير، الرصاصة في الكتف اليمين مش الشمال، و كويس انها مش شظية انتوا عارفين الرصاصة بالنسبة للشظية نعمة...
وعد كانت بتعيط و متوترة و خايفة...
وعد(بدموع): عز انا اسفة مكنش قصدي...
عز(بحنان اخوي): خلاص محصلش حاجة ادم بخير..
وعد(بدموع): اسفة يا تميم...
تميم بص عليها و سابها و راح قعد مكانه...

عز قعد جمب وعد، ادم في الاوضة اللي في الطيارة..
-بعد مرور بعض الوقت...
المضيفة: خمس دقايق و هننزل..
تميم: تمام، جهزوا الشيطان..
عز: خلاص بقي بطلي عياط..
وعد: انا بس خوفت عليكوا لما سمعت ضرب النار...
عز: خلاص...
الطيارة نزلت في نفس المكان اللي ادم و وعد نزلوا فيه قبل كدة، و كان برضو انس في انتظارهم...
وعد حست بخوف لان هنا كان في جاك...
نزلوا ادم و ركبوه عربية الاسعاف...
عز ركب مع ادم...
تميم لاحظ خوف وعد..

تميم: متخافيش مش هيقدر يعملك حاجة...
وعد(باستغراب): انت عرفت؟!
تميم: طبعا، و انتي تحت حماية الشيطان متخافيش..
وعد: شكرا...
تميم ركبها العربية و راحوا ورا عربية الاسعاف...
و وصلوا لقصر ال Boss...
الكل نزلو دخلوا ادم اوضة...
Boss: ايه اللي حصل؟
عز: رصاصة من الجوكر...
تميم: الكل مات ما عدا يونس و جاسر، و جاسيكا قدرت تهرب...
ال Boss بص لوعد و لاحظ خوفها..
Boss: متإكدين انه مش بنت هي السبب؟
عز: لا مش بنت...

تميم: وعد روحي مع عز علشان تروحي اوضتك...
وعد: تمام...
عز خد وعد و وداها اوضة ادم...
عز: متخافيش، في هدوم هنا ليكي و هدوم لادم و لو عوزتي اي حاجة احنا موجودين، و انتي هتبقي مسئولة عن حالة ادم، و في ممرضة هتيجي هنا هتبقي مساعدة ليكي، تمام؟
وعد: تمام، شكرا..
وعد دخلت لقت ادم ايده مربوطة و نايم، دخلت غيرت هدومها لبنطلون و تي شيرت بيتي، و نامت على الارض...
عز و تميم كل واحد راح على اوضة ليه في القصر..

-في الصباح الباكر...
ريان: بابا الدكتور كلمني و قال ان تيتة فاقت...
مصطفي: بجد يا حبيبي، طب يلا نجيبها...
ريان: للاسف مش هعرف عندي اجتماع و انت عارف صاحب الشغل كلفني بكل حاجة..
مصطفي: و لا يهمك هروح انا و عمك...
ريان: ماشي...
ريان نزل على بيت عمه محمود...
الباب خبط...
سعاد: مين؟
ريان: انا يا ست الكل...
سعاد: ازيك يا حبيبي، اخبار ماما ايه؟
ريان: تمام، اه تيتة فاقت تمام...
سعاد: يا رب تكون اتعلمت...

ريان: يلا يا نور يلا يا حمزة..
نور: ماشي...
محمود: اتفضل يا ابني..
ريان: تسلم يا حودة..
نور خرجت ليهم...
سعاد: مالك شكلك معيطة ليه؟
نور: مفيش يلا...
حمزة: انا جاهز يلا..
نور و حمزة و ريان نازلين...
ريان: مين مزعل اختي؟
نور: مفيش...
حمزة: كدة برضو علينا..
نور قعدت تعيط و حمزة و ريان حضنوها..
نور(بعياط): وحشتني وعد اوي...
ريان(و عنيه اتملت بالدموع): انا اكتر يا نور...
حمزة(بدموع): هترجع اكيد هترجع و سليمة...

بدر: اكيد متخافوش...
بدر: هي قوية و هترجع بخير...
حمزة: يا رب...
ريان: احنا كدة قلبنا مسلسل دراما...
نور: اسفة يلا بينا...
حمزة: يلا...
ريان: رايح الشغل يا بدر؟
بدر: اه، بس هروح مشوار صغير و اروح على الشغل...
حمزة: تمام...
وليد: اهلا بولاد عمي، ايه الانسة وعد لسة مرجعتش، لا لا اسف احنا لسة مش متأكدين اذا كانت لسة انسة و لا...
ريان ضربه بوكس في وشه...
حمزة(بعصبية): انت غبي يالا...

ريان: و ربي لاخليك تندم يا وليد...
بدر: وليد امشي امشي دلوقتي...
نور: ريان يلا على شغلك...
بدر: نانسي مش هتقدر تيجي..
نور: اه هي كلمتني...
بدر: تمام يلا...
ريان وصل حمزة و نور، و راح على شغله...
-عند ريان...
ريان(بسرعة): مايا بسرعة هاتيلي ملف صفقة النهاردة علشان الحق اراجعه..
مايا: اهو في ايدي...
ريان خده منها و مايا دخلت وراه...
مايا: اهدي ده فاضل نص ساعة و يجيوا...
ريان: تمام...
مايا: هعمل قهوة و اجي..

ريان: تمام...
مايا: اعملك معايا؟
ريان: تمام...
مايا: هو كله تمام تمام...
ريان: مش تمام..
مايا: اوف على الرزالة...
ريان: طب روحي يلا، علشان الحق اراجعه...
مايا عملت قهوة و جت و ريان راجع الملف...
مايا: الناس جت..
ريان: تمام انا جاهز..
مايا و ريان دخلوا اوضة الاجتماعات...
ريان: اهلا و سهلا...
عدنان: اهلا، اومال فين مؤمن بيه؟
مايا: استاذ ريان مكان استاذ مؤمن..
عدنان: تمام، انا بحب ادخل في الشغل علطول...

ريان: تمام...
ريان و مايا اشتغلوا بس ريان لاحظ ان في شخص كل شوية بيبص على مايا و ده شئ عصبه...
ريان: مين حضرتك؟
عدنان: ده ابني قصي...
ريان: اه تمام...
كملوا شغل...
عدنان: بجد مبسوط اني اتعاملت معاكوا...
عدنان: عن اذنكوا، خلصوا مع قصي ورايا مشوار مهم..
قصي: نكمل شغل...
مايا: تمام...
بعد ما خلصوا...
قصي: انسة مايا ممكن كلمة على انفراد؟
ريان: لا مش ممكن، و اتفضل اعتقد خلصنا شغلنا..
مايا(بهمس): في ايه يا ريان؟

ريان: و لو عايز تقول حاجة اتفضل قول قدامي..
قصي: احم كنت عايز رقم والد حضرتك...
مايا لسة هتتكلم..
ريان: الانسة مخطوبة، عندك. مانع؟
قصي: احم مين خطيبها؟
ريان: انا...
قصي: تمام عن اذنكوا...
مايا: انت انت ايه اللي عملته ده؟، رد..
ريان: عملت الصح...
مايا: مين اداك الاذن، انت مين اساسا علشان تقول كدة، انا مين بالنسبة ليك، رد الله..

ريان(بصوت عالي): انتي بالنسبة ليا حياتي، فاهمة و مش هقبل حد يقرب منك طول ما انا موجود يا مايا فهمتي...
ريان سابها و مشي، و مايا فضلت مصدومة لفترة، و كملوا شغل بكل رسمية...
-في مكان تاني...
في ميتم..
بدر دخل و لقي كل الاطفال متجمعين عند حد كدة مش باين...
بدر: يا ولاد...
الكل بصوله، و بالذات البنت اللي عرفت صوته فورا.
بدر(بصدمة): سيلين!
سيلين: بدر، احم انا يعني..

بدر: انتي بتعملي ايه هنا و مش في البيت ليه و مقولتيش لحد ليه؟
سيلين: انا خرجت علشان اجي هنا...
بدر(بصوت عالي نسبيا): استأذنتي من مين؟
سيلين(بدموع): مستأذنتش..
بدر(بزعيق): و النبي، اومال خرجتي ازاي؟غبية انتي...
سيلين(بدموع): انا معملتش حاجة غلط...
ولد(بغضب): انت متكلمش سيلين كدة فاهم...
بدر(ببعضا من الهدوء): مقصدش..
سيلين: انا هروح باي، باي يا حبايبي، هاجي تاني...
بنت: هتوحشينا..
سيلين: و انتوا اكتر...

سيلين بصت لبدر و مشيت...
بدر طلع وراها..
بدر: سيلين..
سيلين مدت...
بدر: انتي يا بت..
بدر جري وراها و مسك ايديها..
بدر(بياخد نفسه): ايه يا بنتي انتي في الجيش؟
سيلين: حضرتك عايز ايه؟
بدر: اسف..
سيلين: ماشي، عن اذنك...
بدر: تعالي اوصلك...
سيلين: لا متشكرين...
بدر: طب تعالي اقعدي معايا شوية في الشغل..
سيلين: لا..
بدر(بشئ من الحدة): قدامك حلين لوصلك للبيت، لاخدك معايا الشركة، اختاري...
سيلين سكت..

بدر: انا اخدت القرار..
و مسك ايديها و ركبها العربية و طلع على شركته..
سيلين: جينا هنا ليه؟
بدر: انتي مرضتيش تردي، انا خدت القرار، انزلي..
سيلين: يا رب...
بدر و سيلين نزلوا...
بدر طلع لمكتبه...
بدر: خشي...
سيلين دخلت مكتبه...
بدر: هشتغل انا، و انتي معاكي الفون و لما تزهقي ابقي قوليلي...
سيلين: تمام...
-في مكان تاني...
عند حمزة...
حمزة: احلي ورود لاحلي وردة..
مرام: شكرا...
حمزة: اموت فيك انا...
مرام: و انا..

حمزة: بابا عرف بموضوعنا و وافق...
مرام(بفرحة): بجد..
حمزة: اه يا ست الكل...
مرام: انا مبسوطة..
حمزة: و انا اكتر يا روحي...
يوسف: نفضت لصحابك انت صح...
حمزة: احم في ايه؟
امير: و لا اي حاجة الست مرام بقت صاحبتك و حبيبتك و كل حاجة...
مرام: احم لا هو بيحبكوا و كدة بس يعني..
يوسف: بس بس هتتشلوا انتوا...
امير: يلا بينا نحب في بعض..
يوسف: عندي فكرة نحب بعض في المحاضرة احسن...
امير: قدامنا يا عصافير...

حمزة: اخرس ياض منك ليه..
مرام: يلا علشان منتأخرش...
-في مكان تاني...
في مستشفي اللي فيها سلوي...
منال: حمد الله على السلامة...
سلوي(بابتسامة): الله يسلمك..
سعاد(بهمس): مش مصدقة هي بتعرف تضحك..
سعاد: حمد الله على السلامة يا حماتي...
سلوي: الله يسلمك يا حبيبتي، بس من هنا ورايح قوليلي يا ماما..
منال(بهمس): الغيبوبة اثرت الحمد لله..
مصطفي: طب يلا يا حبيبتي نروح...
سلوي: ماشي يا ابني..

محمود: يلا بينا، انا دفعت المصاريف يلا...
سلوي: تسلم...
سعاد: دي نور رجعت يا ماما...
سلوي: الحمد لله، و وعد؟
منال: قريب ان شاء الله...
سلوي: وعد قوية و هترجع...
مصطفي: ان شاء الله...
روحوا البيت كلهم...
سلوي: عاملين اكل ايه؟
منال: شوفي حضرتك عايزة تاكلي ايه...
سلوي: اللي انتوا عاملينه...
محمود: جهزوا الغداء طيب يلا...
سعاد: ثانية و الاكل يتحط، يلا يا منال...

جهزوا الغداء و اتغدوا و قعدوا اتكلموا، و لاحظوا تغير سلوي...
-نور اشتغلت في المستشفي و مكنتش طايقة تتكلم مع مهاب و محسن...
-في مكان تاني...
في اميركا...
عند ادم و وعد...
ادم صحي قبل وعد...
ادم قام و قعد على السرير و لقي وعد نايمة على الارض...
ادم نزل لمستواها...
ادم(بخفوت): وعد، وعد..
وعد قامت بسرعة...
وعد: انت انت كويس؟حصل حاجة؟حاسس بآلم...
ادم(بتعب): هش اسكتي انا بخير...
وعد: الحمد لله..

وعد(بدموع): انا اسفة مكنش قصدي..
ادم(بتعب): اصبري لما اخف يا وعد...
ادم لاحظ ان عنيها محمرة و هي بتغمضهم و تفتحهم...
ادم: مالك؟
وعد: ها لا مفيش انا تمام، قوم انت استحمي...
ادم: تمام...
ادم بيحاول يقوم نفسه، لقي وعد ساعدته و قومته..
وعد: هطلع ليك هدوم...
ادم: ماشي...
ادم دخل استحمي و خرج ببشكير...
وعد: هدومك جاهزة...
ادم: تمام، خشي انتي كمان خدي دوش سريع...
وعد: تمام ماشي...
وعد: لا هستناك لما تخرج...

ادم: وعد مش حمل كلام كتير...
وعد: ما هو، طب بص هاخد ليا هدوم الحمام...
ادم: ماشي خدي...
وعد خدت هدوم و راحت على الحمام و استحمت و لبست بنطلون جينز و تي شيرت...
و ادم لبس بنطلون و تي شيرت زي ما وعد طلعت ليه، و خرج...
ادم: جهزتي؟
وعد: اه هلبس الكوتشي...
ادم: تمام...
وعد لبست كوتشي و رجعت لقته بيحاول يربط الكوتشي بتاعه...
وعد: خليك..
ادم: لا و اخرسي...
وعد: يا ابني هعمله ليك انت تعبان...

ادم مسك التليفون اللي في الاوضة...
ادم: ابعتلي خدامة...
تميم: انت فوقت اطلعلك...
ادم: انا نازل، ابعتلي بس خدامة...
تميم: ماشي...
الباب خبط...
ادم: ادخل...
الخدامة:؟How can I help you(كيف يمكنني مساعدتك؟)
ادم: Attach the kochi(اربطي الكوتشي)...
الخدامة: ، ok
الخدامة ربطت ليه الكوتشي و نزلت...
وعد: احم ادم...
ادم: ايه؟
وعد: يعني احم احنا هنا في امريكا و...
ادم: متخافيش مفيش اي حاجة ممكن تحصل...
وعد: تمام...

ادم: يلا...
وعد: طب طب ايدك وجعاك او كدة...
ادم: شكلك لسة معرفتيش الشيطان...
وعد(رفعت حواجبها)...
ادم: مبتعرفيش...
وعد: يا رب، طب استني تأخد الدواء...
ادم: في خدامين هنا علفكرة...
وعد: عز قالي كدة، و تميم و عز كانوا خايفين عليك اوي...
ادم: و انتي...
وعد: ها...
ادم: يلا بينا...
ادم و وعد نزلوا، و هما على السلالم لقت ال boss و تميم و عز و انس و جاك...
وعد مسكت في ادم اوي...

ادم(بهمس): وعد محصلش حاجة، كإن محصلش اي حاجة، فاهمة، اتعاملي عادي
وعد: تمام...
ادم و وعد نزلوا...
تميم راح حضنه...
تميم: حمد لله بالسلامة يا صاحبي...
ادم: الله يسلمك..
عز عمل زي تميم..
عز: قلقتنا عليك...
ادم: متخافش انا الشيطان...
Boss: حصل ايه يا ادم؟
ادم: رصاصة دخلت الكتف و احنا بنصفي...
جاك(بخبث): يعني مش وعد السبب؟
ادم بص لوعد بنظرة مطمئنة...
ادم(بكل ثقة): لا...
جاك(بنفس الخبث): اومال انس قال كدة ليه؟

تميم: انا كنت مع انس طول الوقت مسمعتوش قالها، و كمان ادم ادري و اكتر واحد عارف مين السبب...
Boss: تمام يا ادم...
انس: الاكل جاهز يا Boss...
Boss: يلا...
الكل راح للسفرة...
و لسة هيبدأوا اكل، لقوا بنت داخلة عليهم بمايوه و كانت لسة خارجة من البسين...
وعد(بهمس): هي معندهاش حياء...
ادم(بهمس): اسكتي حبة...
عز(بهمس): دي مزة المزز...
وعد(بهمس): انا طبعا احلي...
عز(بهمس): ماشي يا عم الواثق...
البنت: الشيطان...

و جريت عليه حضنته و باسته...
وعد شهقت...
البنت مهتمتش ليها خالص...
البنت: لما قالوا ليا انك اتصبت مصدقتش خالص، الشيطان و يتصاب...
وعد(بهمس): دي سافلة اوي...
Boss: في حاجة يا وعد؟
وعد: ها لا...
البنت: بابي مين دي؟
تميم: اخبارك يا نادين...
نادين: تمام، هطلع اغير و اجي...
نادين قبل ما تمشي باست ادم و ادم بادلها عادي...
انس: كملوا الاكل، عقبال ما الانسة نادين تنزل...
وعد(بهمس و سخرية): و ربي ما اصدق انها انسة...

وعد(بهمس): مش مصدقة انك واحد سافل اوي كدة..
ادم(بهمس): صدقي، و كمان ده شئ عادي...
وعد(بهمس)لا طبعا مش عادي، ده عادي في عالمكوا انتوا بس، اما في عالمنا ده شئ محرم...
جاك: عاملة ايه يا وعد؟
ادم: بخير...
جاك: في ايه ياادم هو انت وعد؟
ادم: اعتقد شي ميخصكش..
نادين نزلت...
نادين: واحشني اوي اوي يا شيطان...
ادم: و انتي طبعا...
Boss: الجرح مش هيأثر يا ادم صح؟
ادم(بخبث): طبعا...
وعد حست انها فهمت...

وعد(بهمس): هما قصدهم ايه يا عز؟
عز(بهمس): لما تكبري يا وعد...
نادين: طب ايه مش يلا...
جاك(بخبث): روح يا شيطان انبسط...
ادم خد نادين و طلع على فوق، ده كله تحت انظار وعد...
وعد: انا طالعة اوضتي، بعد اذنكوا حد يوريهالي علشان نسيتها...
انس: تمام...
Boss: عز تميم ورايا...
عز و تميم و ال boss مشيوا...
جاك: خليك يا انس هوديها انا..
وعد(بخوف): لا شكرا...
جاك(بخبث): ليه هو في حاجة؟

وعد افتكرت كلام ادم بإنها تتعامل عادي..
وعد: لا، غيرت رأيي هتمشي شوية في الجنينة عادي صح يا انس...
انس: طبعا...
وعد خرجت للجنينة و قعدت تتمشي و لقت حراس كتير و انواع ورد حلوة و جميلة، و قعدت في حدود ساعة...
و بعدها قامت دخلت القصر...
و قعدت تدور نسيت الطريق...
جاك: في حاجة؟
وعد اتخضت...
وعد(بهمس): يا رب خلصني منه...
جاك: اتخضيتي؟
وعد: لا، عن اذنك...
جاك مسكها و قربها منه اوي...
وعد كانت خايفة و مصدومة...

جاك(بهمس): هو مش الشيطان قالك تتعاملي عادي...
ادم في اللحظة دي كان لبس بنطلونه و رايح على اوضته و ملقاش وعد فنزل يشوفها، (عاري الصدر)...
ادم نزل لقي وعد قريبة من جاك اوي...
ادم(بصوت عالي): وعد...
وعد اتخضت اكتر و ارتبكت...
وعد بصت لادم و بعدين بصت لجاك...
وعد لسة هتتكلم...
جاك: سلام بقي يا وعودة، زي ما اتفقنا...
و غمز ليها و بصلها بخبث
و وعد مصدومة و خايفة و متوترة...

ادم قرب منها ببطء شديد و كان باين عليه الغضب...
ادم: شكلك مبسوطة معاه...
وعد(بخوف و توتر و صدمة): ادم...
و بعدين لقت قلم على وشها لدرجة انها وقعت على الارض و شفايفها نزلت دم...

الفصل التالي
جميع الفصول
روايات الكاتب
روايات مشابهة