رواية مجنونة في عالمي للكاتبة سلسبيل كوبك الفصل الثلاثون

رواية مجنونة في عالمي للكاتبة سلسبيل كوبك الفصل الثلاثون

وعد لقت المدير الجديد مسك ورق و مضي عليه و رماهم في وشها..
وعد: غليظ..
وعد وطت خدت الورق، و بتبص فيها...
وعد: يا حيوان!
شخص: احترمي نفسك...
وعد(بزعيق): لا طبعا انت وافقت على استقالتهم و انا لا...
شخص(ببرود): اللي اعرفه انك شاطرة في شغلك و مش هخسر واحدة زيك علشان خاطر عدم الراحة..
وعد: غليظ و رزل و حيوان و حقير و زبالة و مقرف و عايز ضرب الجذم...

و في لحظة الشخص ده قرب منها و كل ما يقرب هي تبعد، لغاية ما حاصرها بينه و بين الحيطة...
وعد: ابعد وسع...
شخص فضل باصص كتير ليها و وعد بصت في عيونه...
وعد(بهمس و بلا وعي): ادم...
الشخص اللي قدامها قدر يشوف حركة شفايفها...
شخص: اتفضلي على شغلك...
وعد: هغيب كل يوم و بالتالي هترفضني...
شخص: انتي لو غبتي كل يوم ساعتها انتي اللي هتندمي...
وعد: انت مين؟
شخص: المدير الجديد...
وعد: لا اقصد اسمك ايه؟

شخص: المجهول و بيدلعوني و بيقولوا ليا يا مجهول..
وعد: بتنقط سكر...
مجهول: سمعتي كلمتي و لا لا؟
وعد: رزل...
و سابته و مشيت، و المجهول راح كمل شغل...
وعد خبطت في شخص و هي ماشية...
وعد: آسفة...
وعد: تميم!
تميم: اهلا يا وعد...
وعد: تميم هو مين ده اللي جوا؟
تميم: المدير الجديد...
وعد: بس ازاي يعني؟
تميم: كدة و خلاص يا وعد، متفكريش كتير..
و بعدين تميم راح ناحية مكتب المجهول ده و دخل...
تميم: اهلا..
مجهول: ازيك...

تميم: ايه الاخبار؟
مجهول: تمام...
و الشخص ده قام من مكانه و بلا مقدمات فتح الباب، و وعد وقعت في الارض...
وعد: آآآه انت غبي...
و بعدها اتصدمت انه عرف انها كانت بتتصنت...
وعد(بهمس): انا غبية غبية يا رب اعمل ايه دلوقتي..
مجهول: اعتقد عيب على دكتورة محترمة زيك تعمل كدة، اتفضلي على شغلك...
وعد قامت جريت على بره...
تميم: فضولية...
الشخص هز برأسه بمعني اه و مفيش فايدة...
نور: ها يلا نمشي...

وعد: للاسف هو قبل اتنين بس...
نور: ليه؟
نانسي: و مين؟
وعد: السبب لانه رزل بس، اما مين فقبل استقالتكوا انتوا انا لا...
نور: هو فاكر نفسه مين؟انا هتكلم معاه...
و نور راحت ناحية اوضة المدير...
وعد: يا بنتي اهدي...
نور فتحت الباب بسرعة و كانت هتقع بس تميم مسكها...
نانسي(بهمس): اخرة اللي يعمل نفسه شبح..
وعد(بهمس): عندك حق...
تميم: انتي داخلة بيتكوا؟!

نور: انا اساسا مش جاية ليك، جاية للبيه اللي موافقش على استقالة وعد..
مجهول: اعتقد ده شي يخصني..
نانسي: بس حضرتك...
عز: حضرتك ايه بقي؟
نانسي: ها؟!
وعد: و حياة امك...
نانسي: احم لكن ده ظلم احنا كلنا مرتبطين ببعض..
عز: ليكوا بيت و شقة تقعدوا فيها تمام...
نور: انتوا جايبين الرزالة دي منين؟!
تميم: هبقي اجبلك منهم شوية المرة الجاية و يلا بره..

وعد: تمام اسمعوا الكلام بقي، وجودي هنا خطر عليكوا و مش معني اني هبقي لوحدي يبقي مش هعرف اتصرف تمام، و انتوا يا تميم انت و عز عارفين انا فضولية ازاي يعني مش هسيب الموضوع يعدي كدة بسهولة، عن اذنكوا بقي، يلا يابنات...
مجهول: ورينا قدراتك...
وعد: و انا مش مصدقاك احذر بقي مني...
وعد و نور و نانسي خرجوا...
و عز بص لتميم و تميم بص للمجهول...
مجهول: مش هتعمل حاجة...
تميم: همشي...
عز: و انا...
تميم و عز مشيوا...

وعد: للاسف هفضل انا..
نور: متخافيش هنبقي على تواصل...
تميم: نصيحة متحاوليش يا قطة يبقي عندك ضوافر...
نور: و انا لما اخد النصيحة هاخدها من السفهاء...
نانسي(بهمس): هما مش بيخلصوا..
وعد: تميم في حاجة مخبيانها بخصوص ادم صح...
عز: الشيطان، الشيطان مات يا وعد...
و تميم و عز مشيوا و نانسي و نور...
وعد راحت شافت شغلها...
-في مكان ثاني...
عند ريان...
ريان: مايا مالك؟
مايا: علشان ادم...
ريان: ادعيله بالرحمة يا روحي...

مايا: انا ملحقتش استمتع معاه...
ريان: متخافيش يا روحي، انا معاكي اهو...
مايا: مش هتسبني زي ادم...
ريان: ان شاء الله لا، انتي روحي...
مايا(بابتسامة): شكرا...
ريان: اجهزي بقي يا عروسة جاي بكرة، و غمز ليها و مشي...
مؤمن: اخبارك يا مايا...
مايا: تمام عن اذن حضرتك...
مؤمن(لنفسه): اسف يا بنتي...
-في مكان تاني...
في بيت محمود...
محمود: انتوا هتفضلوا تبصوا لبعض كتير الله؟!

مرام(باحراج): هو يا دكتور اللي بيشتت انتباهي...
حمزة: و النبي!
مرام: انا معملتش حاجة..
محمود: مفيش فايدة، ركزوا بقي معايا...
مرام: اهو يا دكتور يا عسل انت...
حمزة: ما تحترمي نفسك يا بت..
مرام: انا بكلم الدكتور بتاعي العسل انت مالك؟!
حمزة: بابا خليها تسكت علشان مجبهاش من شعرها...
مرام: ظريف عمو مش هيسبني ليك، صح يا عمو؟
محمود: مجانين...
و قام يمشي، مرام و حمزة مسكوه...
حمزة: رايح فين؟

محمود: سيبوني رايح لمراتي...
و بعدها الباب فتح...
محمود: حمدالله بالسلامة يا روحي...
نور: الله يسلمك..
نور: اهلا يا مرام..
مرام: اهلا يا روحي...
و حضنوا بعض، و قعدوا..
محمود راح لمراته سعاد...
محمود: القمر بيعمل ايه؟
سعاد: بعمل غداء...
محمود: بحبك..
سعاد: وانا بموت فيك يا جوزي و ابو عيالي و سندي و ضهري...
محمود: بجد انتي اللي مهونة عليا العيشة...
نور: امممممممممممممم..
حمزة: ااااااااااااااااااه...

سعاد: احم في ايه؟
مرام: في ايه يا طنطي ايه الجمال ده...
نور: بس سؤال انا طالعة دبش لمين بس؟
حمزة: يا بنتي احنا لاقينك عند باب جامع...
نور: ظريف قول الكلام ده لو انت اكبر مني...
مرام: متغلسش على اختي الله..
حمزة: اشبعوا ببعض...
-عند نانسي...
نانسي دخلت شقتها...
بدر: اهلين...
نانسي: اهلا عامل ايه؟
بدر: بقيت شايف الحزن في عنيكي فبالتالي مش مبسوط...
نانسي: انا بخير يا روحي، متشغلش بالك...

ناصر: اهلا يا حبايبي، انا عايز اتأسف انا اسف...
نانسي و بدر: و لا يهمك يا بابا...
و حضنوا بعض...
ناصر: يلا انا عامل اكل حلو...
نانسي: اوبا بقي...
ناصر: هنخطب ليك يا بدر...
بدر: تمام يا حاج...
ناصر: و انتي مش ناوية تخلعي بقي؟
نانسي: انا في كتير يتمنوني بس انا اللي برفض...
بدر(بسخرية): و النبي، اه يا حاج انا لسة شايف 100 شخص كلن بيتقدموا ليها و هي بترفضهم..
نانسي: رزل...
-في المستشفي...
سيرين: بجد بجد بشكرك...

اياد: على ايه بس؟المهم تتعلمي...
سيرين: ميرسي جدا..
اياد: يا هبلة انتي اختي...
سيرين: طبعا...
اياد: طب بقي ما تيجي اخطبيلي؟
سيرين(بغضب): نعم!
اياد: في ايه؟انتي اختي و هخدك معايا و هخطب..
سيرين(لنفسها): هنفخك يا اياد...
اياد: ها؟
سيرين(لنفسها و بحزن): هو مش هيحبني و مستحيل يبصلي خلاص انتهت، ربنا يسعده..
سيرين: تمام اكيد، قولي الميعاد بس...
اياد: تمام يلا هوصلك...
اياد ركب سيرين عربيته، و وصل للبيت...

سيلين: سيرين جت...
و نزلت جري من بلوكنتها للشارع و قعدت تحضنها، و الكل نزل و رحبوا بيها، و دخلوا اياد...
محمود: حمد الله بالسلامة و شكرا لمجهودك يا دكتور اياد...
اياد: على ايه ده واجبي...
ناصر: راجل شهم...
حمزة: اخبارك ايه؟
سيرين: تمام الحمد لله...
منال: بس لازم غداء بقي...
اياد: غداء إيه لا عن اذنكوا..
مصطفي: هتكسفنا...
منال: خلاص بقي..
سيرين: اعتبره شكر...
اياد: مش هكسفكوا...

سيرين: فين تيتة؟فين بابا و ماما؟
سيلين: تيتة نايمة شوية، و بابا و ماما سافروا...
سيرين(بحزن): تمام...
و عملوا الغداء و قعدوا يأكلوا...
-في مكان تاني...
عند وعد...
وعد: ميرنا، ميرنا...
ميرنا: نعم يا دكتورة...
وعد: ممكن اطلب منك خدمة...
ميرنا: عيوني يا دكتورة..
وعد: احم بصي، عايزاكي تروحي للمدير الجديد و تقوليله في حالة مستعجلة، و بعدين امشي...
ميرنا: بس بيقولوا ده صعب اوي...

وعد: انتي هتقولي جملتين وتمشي، بليز..
ميرنا: بس..
وعد: مسألة حياة او موت، و كمان ده اول طلب ليا.
ميرنا: حاضر يا دكتورة...
وعد(بفرحة): شكرا شكرا...
ميرنا مشيت...
وعد(لنفسها): جيت لقدرك يا مجهول...
ميرنا دخلت مكتب المدير...
المدير(بعصبية): ازاي تعملي كدة؟
ميرنا(بخوف و ارتباك): ها في في...
المدير كان في قمة عصبيته ونظرة عيونه لوحدها تقتل...
ميرنا: دي دكتورة وعد قالت اعمل كدة...
وعد(بهمس): يا واطية...

و طلعت تجري...
المدير: قالت ايه؟
ميرنا: قالتلي اجي و اشتت انتباهك علشان تخرج من الاوضة...
المدير: تمام امشي و ابعتيها...
ميرنا: مش هترفضني؟
المدير: لا...
ميرنا: شوفتي الدكتورة وعد...
ممرضة: لا...
ميرنا دورت على وعد كتير ملقتهاش...
ميرنا: مش موجودة يا فندم...
المدير: خلاص روحي...
و قام من مكانه و خرج بره الاوضة...

اما وعد فخدتها جري لغاية ما وصلت لورا المستشفي، و شافت المخزن و افتكرت كل اللي حصل فيه و نزلت منها دمعة غصب عنها...
شخص: مش عيب تهربي و انتي كبيرة؟!
وعد مسحت دمعتها بسرعة...
وعد(بلا مبالاة): مش فاهمة...
شخص: عايزة تعرفي ايه؟
وعد: وراك حاجة و حاجة كبيرة صح؟.
الشخص ده بصلها جامد و قرب منها و حاصرها...
شخص: عايزة تشوفي وشي...
وعد: اه...
شخص: في مقابل..
وعد: اي حاجة...
الشخص قرب منها اوي...

وعد(بغضب): انت سافل..
وعد زقته و ضربته قلم و سابته و مشيت...
وعد: سافل منحط قليل الادب ناقص تربية و عقل...
المدير: هتتعاقبي يا قطة بس مش دلوقتي...
وعد: لا و النبي عاقبني دلوقتي، انت مين اسااسا؟انت مجرد شخص مجهول الهوية، انت شخص نكرة، و خايف تواجه المجتمع بوشك، انت جبان...
المدير: هتندمي يا وعد، هتندمي..
وعد: انت ادم؟
المدير: ادم مات، انا كنت صاحبه...
وعد: بس انا مش مصدقة...

المدير: براحتك صدقي او لا ميهمنيش...
وعد: يعني انا مش فارقة معاك صح؟
المدير(بسخرية): طبعا، دي مش محتاجة سؤال...
وعد: جيت لقدرك يا ادم...
المدير: انا مش ادم انتي غبية...
و بعدين حصل ضرب نار، الشخص ده مسك وعد من وسطها و خباها في حضنه ورا الحيطة...
المدير: متخافيش...
وعد: مش خايفة...
و بعدها ضرب النار وقف في ثواني...

وعد: لو انت فعلا ادم قول و انا مش هعترض طريقك تاني، بوعدك كلامك كان كفيل بانه يدمرني، ادم بجد الموضوع يفرق معايا جدا..
المدير: و انا قولتلك ادم مات و خدنا عزاه و دفناه و انا كنت صاحبه و مخبي وشي لان دي حريتي، فاهمة..
وعد: فهمت...
وعد سابته و مشيت، و هو راح يكمل شغله...
-في مكان تاني...
في امريكا...
جاك: بما ان الشيطان مات اعتقد من حقي اكون الضلع التاني مش الثالث..
نادين: لا في حد خد مكانه...

جاك(بعصبية): مين ده؟
نادين: هتتعرف عليه في مصر...
جاسيكا: وده ازاي بقي؟
نادين: الحفلة هتبقي في مصر و ال boss مش هينزل...
يونس: تمام، يلا يا جاك...
وليد: طب و انا نظامي ايه؟
نادين: اسأل الباشا بتاعك...
وليد: ها؟!
جاك: انت دراعي اليمين فاهم...
يونس: الحفلة النهاردة بليل...
نادين: اه نلحق نوصل مصر...
و ركبوا الطيارات بتاعتهم، و راحوا على مصر...
-في مكان تاني...
عند ريان...
ريان: بت بت بت...
مايا: خير...

ريان: مش ملاحظة ان معتز اختفي...
مايا: صح فعلا...
ريان: احسن اهو غار في داهية...
بنت جت ليهم و لابسة مش لابسة...
بنت: لو سمحت عايزة اشوف المدير...
ريان: انا المدير اما صاحب المستشفي مش هنا...
بنت: حضرتك استاذ ريان...
ريان: اه...
بنت: سمعت عن تطوراتك في الفترة الاخيرة بجد واو خيال...
مايا: و يا تري سمعتي انه خاطب...
بنت: و ده ايه علاقته...
مايا: طب بره بقي علشان مجبكيش في الارض، و افرمك تحت ايدي...

ريان: مايا مايا خلاص، حضرتك تقدري تدخل المكتب...
مايا: و ربي دي لو مخرجتش دلوقتي هتشوف مني حاجة مش هتعجبك...
ريان: مايا خلاص الله...
بنت: هي مالها دي...
مايا قامت على البت ضربتها و ريان بيحاول يخلي مايا تسيبها...
مايا: ها ايه رأيك عرفتي مالها دي؟
مايا: سيبني يا ريان هنفخها بإيدي...
ريان: انتي لسة هتنفخيها اومال عملتي ايه ده كله..
مايا: ده تسخين بس..
بنت(بعياط): انتي حيوانة...

مايا: لا اشتمي اكتر علشان اخليكي منظرة...
البنت خرجت بسرعة...
مايا: و ربي اشوفك بتعمل حاجة متعجبنيش، قول على نفسك يا رحمن يا رحيم، بس، قد اعذر من انذر...
مايا سابته و مشيت...
ريان(بضحك): مجنونة...
-في مكان تاني...
في المستشفي...
ممرضة: المدير عايز كل الدكاترة اللي هنا...
دكتورة: بجد عايز ايه الله ده واد طول بعرض..
دكتورة2: و عليه حتة بصة تخليكي تموتي في مكانك...
دكتورة3: انا بس اسمع خطوته بيغمي عليا...

دكتورة2: ده بيمشي بثقة كبيرة اوي...
دكتورة: واثق في نفسه و gentle كدة الله، واو..
وعد: متخدعكوش المظاهر...
دكتورة3: يا ستي ان شالله يمسيني بعلقه و يصحيني بعلقه، المهم هصحي على ايده...
دكتور2: نفسي اشوف شكله كله بس مش مشكلة كفاية بس ضهره لما بشوفه بموت، اومال وشه بقي ده هيدخلني العناية...
وعد: مش هتتغيروا...
دكتورة: عمرك ما حبيتي يا وعد؟!
وعد(بجمود): لا، لا و مش هحب و مش عايزة...

وعد: و يلا علشان المدير...
الاربع بنات خرجوا لقوا كل الدكاترة متجمعة في دايرة...
المدير: دلوقتي في دكاترة هتتنقل فرع جديد...
المدير: عايز اختار احسن و افضل الدكاترة، تمام...
وعد: مبدأيا انا مش هروح تمام، عن اذنكوا...
المدير: القائمة اتكتبت...
وعد: و انا مالي...
المدير مشي و وعد قاعدة على اعصابها و ملقتش اسمها مكتوب...
وعد: اووف الحمد لله...
المدير: قومي معايا...
وعد: عايز ايه؟
المدير: هاتي شنتطتك و يلا...

وعد: يلا ايه انت مجنون؟!
المدير مسك ايديها و خذها للاوضة بتاعتها و خد شنتطتها و مشي...
دكتورة: شوفتوا و تقول متتخدعوش بالمظاهر...
دكتورة2: بتكره الخير لينا دايما...
دكتورة3: و انا اللي كنت فاكرة انها طيبة و غلبانة...
دكتورة2: عايزة تكوش على كل حاجة...
دكتورة: بس برضو المدير ده هيبقي ليا...
وعد: سيب ايدي انت اتجننت...
المدير: و لا كلمة...
المدير ركبها عربيته و طلع بسرعة...

وعد: غبي ياض نزلني انت مجنون، ابعد...
المدير: عشر دقايق و نوصل...
وعد: لا مش بثق فيك...
الشخص بصلها بعيونه و بانت الضحكة في عيونه...
وعد: بتضحك على ايه؟
الشخص: مفيش...
-في مكان تاني...
في بيت عائلة النجار...
تليفون مرام رن...
مرام: ثانية هرد...
مرام قامت ردت...
الخط اتفتح...
مرام(بهمس): عايز ايه؟
شخص(بهمس): لازم تيجي فاهمة و الله اطخك عيارين...
مرام(بهمس): انا متجوزة ابعد بقي ابعد عني حرام عليك...

شخص: لا و هجيبك انتي و امك...
مرام(بهمس): بكرهك، انت مش اب انت...
الخط اتقفل، و مرام عيطت...
و بعدين الباب اتفتح...
حمزة: هششش اهدي كله هيبقي تمام...
مرام: عايز يرجعني بالعافية..
حمزة: هنتجوز في اقرب وقت، متخافيش...
مرام: شكرا شكرا بجد يا حمزة، انا بحبك اوي...
حمزة: انا بموت فيكي يا قلب حمزة...
نور: تحبوا اجيب شمبانيا...
مرام: احم..
بدر: خمرة احلي...
سيلين: ما الشمبانيا هي الخمرة...
ريان: طب اسكتي منك ليها...

نور: انتوا هتبصوا لبعض قوموا..
ريان: بابا...
مصطفي: نعم يا حبيبي...
ريان: انا مبقاش عاجبني شغل وعد، مرة تتخطف و مرة تتاخر كدة عيب يا بابا...
محمود: احنا واثقين في وعد..
ريان: بس هي في الاول و الاخر بنت...
سلوي: وعد بعتت ليا رسالة من شوية انها هتطبق في المستشفي...
مصطفي: بس كدة هي اللي هتتعب...
نور: مقالتش ليا حاجة...
محمود: هي مش لازم تقولك كل حاجة...
سيرين: فين وعد عايزاها؟
بدر: وعد في المستشفي مطبقة...

ريان: لما وعد تيجي ليا كلام معاها..
اياد: طب استأذن انا، سيرين زي ما اتفقنا...
سيرين: تمام...
ناصر: انت منورنا يا ابني...
اياد: مرة تانية يا عمي، باي..
اياد مشي و بعدها بشوية حمزة وصل مرام بيتها...
نور راحت لنانسي، و فتحت الباب..
نور(بخضة): نانسي مالك بتعيطي ليه؟
نانسي(بعياط): حبيت حبيت يا نور..
نور: مين؟
نانسي: عز يا نور..
نور: هشششش اهدي، كله هيتحل متخافيش..
نانسي: طلع مش قد كلمته يا نور..

نور: هتلاقي موت صاحب عمره ده اثر فيه، متخافيش..
-في مكان تاني...
عند وعد...
وعد: احنا فين؟
المدير: مش مهم يا وعد...
وعد: مش بثق فيك...
المدير: تمام، حقك...
وعد: انا عايزة امشي، الوقت بقي غروب، الليل هيجي و احنا في مكان مقطوع و لوحدنا...
المدير: بس مبنعملش حاجة عيب...
وعد: لكن حرام...
المدير: مش شايف حرمانية...
وعد: ازاي بقي؟
المدير قرب منها مبيفصلش بينهم غير خطوة واحدة..

و بعدين بدأ يشيل القناع ببطء و عيونه مركزة على وعد...
وعد شهقت...
وعد(بشرود): مستحيل!ازاي؟
و في اقل من لحظة كان قربها منه و (لخيالكوا)...
وعد(و هي بتأخد نفسها): انت سافل و قليل الادب، متنساش اننا اطلقنا يا ادم...
ادم: لا منستش، بس انتي اللي غبية...
ادم: بتثقي في الناس بسرعة...
وعد: مش فاهمة..
ادم: لا و غبية كمان ما شاء الله...
وعد: احترم نفسك...
ادم: بكل بساطة الورق اللي مضيتي عليه كان ورق نقل ملكية...

وعد: مش فاهمة...
ادم: انك لسة مراتي و اني لسة عايش كدة فهمتي، و انك مكنتيش بتحلمي...
وعد: طب ليه ده كله؟.
ادم: علشان تعبت...
وعد: تعبت من ايه؟
ادم: من العالم بتاعي...
وعد: اخرج منه..
ادم: للاسف اللي بيدخل منه مبيخرجش الا و هو ميت...
وعد: مش بالضرورة القاعدة دي تتنفذ...
ادم وقع على الارض و قعد على ركبه..
وعد نزلت لمستواه و حطت وشه بين ايديها...
وعد: كون بس عندك الرغبة، و هتنفذها صدقني..

وعد: انت في ناس كتير بتحبك، في مايا في تميم في عز في محمد الشيخ عزت، وفي زينة بتعتبرك اخوها، في كتير بيحبوك...
ادم: طب و انتي؟
وعد بصت في عيونه و دمعت...
وعد: انا مش بحبك...
ادم: بس عيونك بتقول العكس، و العيون دايما بتبقي اصدق من اللسان...
وعد: بس انا فعلا مش بحبك، انت كنت فترة في حياتي و مشيت...
وعد: ادم ارجع عن اللي انت فيه، اتجه للطريق السليم، و انا هرجع لعائلتي و لناسي...
ادم: بس انا حبيت يا وعد...

وعد بصتله بصدمة و ذهول سيطر عليها...
ادم: الشيطان وقع في حبك يا وعد...
ادم: الوحيدة اللي قدرت تسيطر على الشيطان الوحيدة اللي قدرت تحرك الحجر اللي هو قلب الشيطان، الوحيدة اللي ورتني طريق النور...
وعد: ادم انت واعي لكلامك؟
ادم: اه...
وعد بصتله و هو بصلها، و (لخيالكوا)...
و بعدين ادم حضنها و قعدوا اتكلموا شوية بعيدا عن اي حاجة تخص التاني في مواضيع عامة...
ادم: يلا علشان اوصلك و اروح الحفلة...

وعد: حفلة ايه؟.
ادم: حفلة عادي...
وعد(بشك): متأكد؟
ادم: اه...
وعد: تمام خدني معاك...
ادم: مش هينفع، وعد انا بالنسبة للكل ميت حتى انتي فاهمة...
وعد: فاهمة، و انت دلوقتي المجهول خدني على ااساس السكرتيرة بليز بليز يا ادم...
ادم: لا و كمان جاك و كل اعضاء المافيا جايين...
ادم: و الحفلة تنكرية فامشي بقي من سكتي..
وعد: تصدق انك بوق بس، انت فعلا مش بتحبني...
ادم: و حياة امك...
وعد: اه..

ادم: كان يوم اسود يوم ما شوفتك...
وعد: لا على ما اعتقد كان يوم ثلاثاء..
ادم: اركبي علشان مهزأكيش..
وعد: اومال فين بوكيه الورد و انت معبرتنيش بفردة شبشب و فستان شيك كدة بدل التي شيرت و البنطلون و الكوتشي و خاتم شيك حلو كدة، انت بخيل اوي...
ادم طلع محفظته...
ادم: خدي اهي ال cridet card...
وعد: اعمل ايه بيها؟
ادم: انزلي اشتري هدوم بقي للجواز و خروجات و كدة يعني و اللذي منه، و غمز ليها في الاخر...

وعد: انت سافل و منحط و قليل الادب و روحني..
ادم: روحني دي شتيمة؟
وعد: رزل اطلع...
ادم طلع بالعربية و وصل لعمارة بعيدة عن عامة الشعب، و تعتبر خالية..
وعد: ايه ده؟
ادم: بيتي، و كمان بعت ماسدج من تليفونك انك هتباتي في المستشفي...
وعد: ازاي و تليفوني معايا؟
ادم: هكر، انزلي..
وعد: اه يا زبالة يا واطي...
ادم: اه و امسحي الصورة اللي فيها كنت ماسك مجلة، الصورة وحشة...
وعد: صورة ايه؟

ادم: هو مش انتي خدتي صور ليا من عند عز و نزلتيهم على تليفونك و كنتي بتشوفيهم كل شوية..
وعد: يا حيوان...
ادم: يلا اطلعي...
وعد: هو في الدور الكام؟
ادم: الاخير...
وعد: 12 دور ليه يعني هو جنان...
ادم: في اسانسير...
وعد: تمام...
ادم و وعد راحوا للاسانسير...
وعد: هنطلع ازاي بقي الزفت متعطل...
و فجأة ادم شالها و طلع بيها...
وعد: كدة هتتعب نزلني...
ادم: قولتلك قبل كدة صوتك مزعج...

وعد: علفكرة اللي بيحب حد بيحب عيوبه قبل مميزاته تمام...
ادم: تمام...
ادم وصل للدور ال 12، و فتح باب شقته و دخلها..
وعد: واو ذوقك حلو و شيك...
ادم(و هو بيقلع جاكت البدلة): يلا روحي اقلعي...
وعد(بصوت عالي): نعم يا روح اهلك...
ادم: بس بس، و انا اللي سافل و منحط، خشي يا بت غيري هدومك، علشان اخدك الحفلة...
وعد(بفرحة): بجد!
ادم: اه يلا...
وعد: هلبس ايه؟
ادم: اختاري اي حاجة من الاوضة دي...

وعد دخلت بسرعة و خدت دوش و خرجت بالروب بتاع الحمام، و قعدت تدور في الفساتين..
ادم راح خد دوش و خرج بفوطته و لبس بدلته، و بيلبس الجذمة...
-(دايما الشباب اسرع مننا في اللبس و كل حاجة معرفش ليه؟)...
وعد اختارت فستان احمر ب 3/4 كم و قصير عند الركبة و بحزام اسود في النص و فيه فصوص بتلمع، و صندل باللون الاسود و سيبت شعرها و لبست سلسلة شيك في رقبتها و انسيال...
و خرجت لادم...
ادم: سنتين؟!

وعد: في الاخر طلعت يعني...
ادم: ايه الجمال ده؟
وعد: بجد...
ام: طبعا...
و بعدها حط ليها ماسك على وشها...
ادم: اياكي تقلعيه حتى لو انا اللي طلبت منك ده
وعد: حاضر...
و ادم لبس ماسكه..
ادم: انا المجهول يا وعد اياكي تتلغبطي و تقولي الشيطان او ادم...
وعد: تمام...
ادم: و اياكي تغيري فاهمة..
وعد: موعدكش...
ادم: يبقي كنت استني سنة علشان اقولك اني عايش...
وعد: خلاص ماشي...
ادم: اسمك صوفيا...
وعد: ايه الاسم المايع ده؟!

ادم: هو كدة يلا...
ادم و وعد خرجوا من الشقة...
وعد: هننزل ده تاني...
ادم: اطلعي...
وعد: السطوح و يا تري هننزل ازاي؟
ادم: طب ما تطلعي الاول...
ادم: صنف حواء ملهمش حل...
وعد: و على اساس بقي انتوا العاقلين الراكزين، يا حرام ظالمينكوا..
ادم: طب اخرسي...
وعد و ادم طلعوا لقوا طيارة في انتظارهم...
ادم: اطلعي...
وعد طلعت و ادم و ركبوا جمب بعض...
ادم: اول مرة نبقي في نفس الطيارة و جمب بعض...

وعد بصت ليه و نامت على كتفه...
وعد: انت بتحبني بجد؟
ادم: انتي شايفة ايه؟
وعد: اصل في روايات كتيرة بتبقي البطل بيعمل نفسه بيحب البطل علشان ينتقم منها...
ادم: انتي بتقرأي روايات شواذ، البطل بيحب البطل...
وعد: عادي اتلغبطت الله البطلة...
ادم: و لا كلمة يا صوفيا...
الطيارة نزلت...
وعد: هننزل...
ادم: لسة...
بعدين باب الطيارة اتفتح و دخلت نادين و جاسيكا و جاك و وليد و يونس و انس...
نادين: اهلا بالمجهول..

ادم: اهلا بيكوا جميعا...
يونس: مين دي؟
ادم: رفيقتي...
جاك: مش هتقلع الماسك؟!
ادم: لو قلعته يبقي مش هبقي المجهول...
وليد: احنا اتقابلنا قبل كدة؟!
ادم: لو دي طريقة للتعارف على رفقيتي يبقي انسي..
وليد: انا حاسس انها شبه بنت عرفتها...
جاك: خلاص...
ادم(بهمس): وعد قومي جوا دقيقتين...
وعد: تمام...
وعد قامت و دخلت جوا...
وليد: دي وعد...
الكل بصوله بصدمة، و ادم بصله بثقة...