رواية مجنونة في عالمي للكاتبة سلسبيل كوبك الفصل الثاني والعشرون

رواية مجنونة في عالمي للكاتبة سلسبيل كوبك الفصل الثاني والعشرون

وعد راحت على المكتب بتاع ادم و لقت على سطح المكتب ورق، و اول ما مسكته و قرأته كانت مصدومة و بعدين انهارت جدا، و قعدت تعيط...
-اما عند الباقي...
ادم لاحظ تأخر وعد و عارف جنونها و فضولها...
ادم: عن اذنكوا ثانية...
ادم دخل اوضة المكتب لقي وعد في حالة انهيار...
ادم قرب منها...
ادم: وعد...
وعد بصتله و عنيها مليان دموع و منهارة...
وعد: انت خدعتني!

ادم بص على الورق اللي في إيديها و مسكه منها و حطه على المكتبة...
ادم: وعد اهدي و انا هفهمك...
وعد(بصوت عالي نسبيا): مش عايزة افهم، انت خدعتني انت حيوان انت شخص مش محترم، استغليتني علشان تنفذ اللي في دماغك، انا بكرهك بكرهك اوي...
ادم(و هو بيحاول يهدي نفسه علشان مينفعلش): وعد اهدي انا عملت كدة علشان احميكي...
وعد ضربته على صدره جامد...

وعد: تحميني من مين؟ها رد تحميني من مين؟من الشخص الزبالة اللي انت بتشتغل عنده؟و لا الشخص الزبالة التاني جاك و لا هتحميني من نظرات انس؟و لا ممكن هتحميني من البنت اللي ظهرت ليا؟لا لا ممكن برضو تحميني من وليد؟هتحميني من مين و لا من مين؟رد، عايز تحميني من مين؟انا بكرهك بكرهك اوي يا ادم فاهم...
ادم: وعد اهدي شوية بلاش انفعال...
وعد مسكت ادم من جاكت البدلة بتاعته...

وعد: بص بقي يا ادم هطلقني غصب عنك او بإرادتك فاهم، و اساسا يعتبر ده مش جواز، فاهم...
ادم(بحدة): مش معني اني اتساهلت معاكي يبقي تكلمي كدة فاهمة، و طلاق مش هطلق على مزاجك انتي لو هطلق يبقي بمزاجي، فاهمة و احمدي ربك اني مجبرتكيش تعيشي معايا هنا...
وعد: انت غبي رد غبي، انا بكرهك و مش موافقة على الجواز ده انت خدعتني...
الباب خبط...
تميم: ادم...
ادم: ادخل...
تميم: الكل استغرب من تأخر وعد، في ايه؟

وعد: و طبعا البيه تميم كان عارف صح، و شاركك الجريمة...
تميم: في ايه؟..
وعد: لا يا حرام اوعي تكون فاكر اني هبقي غبية تمام، انت شهدت على عقد الجواز صح...
ادم: وعد اسمعي و افهمي...
وعد: مش عايزة اسمع و لا كلمة...
وعد سابتهم و مشيت دخلت الحمام و غسلت وشها و رتبت افكارها و هدأت نفسها...
و بعدين خرجت...
ادم: اسف كان في تليفون مهم لازم اعمله...
مصطفي: و لا يهمك...

ريان: هو الحمام بتاعكوا فسحة و لا ايه؟وعد اتأخرت اوي..
وعد: اسفة على التأخير كنت تعبانة شوية...
نور: و لا يهمك...
عز: يلا العشاء جاهز...
سلوي: ملهوش لزوم احنا هنمشي علطول و واجبكوا وصل...
وعد: تمام يلا بقي...
نانسي(بهمس): دي عزومة مركبية هما هيمسكوا فينا نقعد فاهمة...
وليد: مالك يا وعد وشك اصفر كدة ليه؟
وعد: انا بخير يا وليد متتعبش نفسك تمام...
ادم: ابدا زي ما كلنا عندكوا لازم تاكلوا برضو...

محمود: خلاص ماشي...
منال: هو فين والدك او والدتك؟..
ادم: متوفيين...
سعاد: انت مش متجوز؟.
ادم بص لوعد...
ادم: لا مش متجوز...
عز: طب يلا...
الكل راح على السفرة...
الكل كان بيتكلم الا ادم و وعد، و وعد كانت بتلعب بالاكل...
وعد: تمام يا جماعة، انا تعبانة و عايزة اروح عن اذنكوا...
عز: ليه يا وعد كملي اكلك انتي مكلتيش؟
وعد(بصتله بخذلان): لا شكرا...
وعد مشيت و خرجت علطول و راحت على ال؟يلا...

و الباقي قعدوا يتكلموا و ادم مشغول بوعد، و تميم زعلان على حالها...
عز(بهمس): هي وعد بصتلي بمعني خذلان كدة ليه؟
تميم(بهمس): عرفت حقيقة جواز ادم بيها...
عز: اوف...
اما وعد فطلعت على اوضتها و قعدت تعيط...
وليد: انا ورايا مشوار مهم عن اذنكوا...
وليد خرج و راح على ال؟يلا...
الباب خبط...
بسمة: اتفضل يا فندم...
وليد: بسمة روحي النهاردة اجازة...
بسمة: بجد يا فندم بس ده اول يوم...
وليد: متقلقيش...

بسمة لمت حاجتها و لبست و جهزت و مشيت...
اما وليد طلع لوعد...
الباب خبط..
وعد(بصوت بكاء): بغير..
و بعدين لقت الباب اتفتح...
وعد: ايه ده؟وليد! انت عايز ايه؟
وليد(بمكر): عايز اللي ادم خده منك بس بإرادتك...
وعد: ادم خد ايه مني؟..
وليد: هو مش خد شرفك...
وعد: انت سافل انا لسة زي ما انا، و كمان اخرج و بره و المرة دي مش هسكت على افعالك..

وليد: بصي انا هاخد اللي انا عايزه برضاكي غصب عنك و كمان انا شايف انهم هيتأخروا، هو انا مش قولتلك...
وعد كانت بتبصله برعب...
و كانت بتبعد عنه...
وليد: انا قررت اشتغل في المافيا زي ادم..
وعد فتحت عنيها على آخرهما، بإنه عرف ان ادم بيشتغل في المافيا..
وعد: ايه الكلام ده؟انت كداب...
وليد: قولي الكلام ده لحد غيري انا عضو في المافيا و مش هيقدر يقرب ليا طول ما انا معدتش الخطوط...

وليد(بمكر): احنا هنقضيها كلام و لا ايه؟
وعد: وليد بعد اذنك امشي يا وليد...
وليد قرب منها و هي بتبعد و بعدين هي جريت على السرير و نزلت على السلالم، لكن وليد لحقها و خبط رأسها في السلالم...
وعد: ابعد انت مريض...
وليد زقها و هي نزلت كام سلمة و فتحت تليفونها بسرعة، وجابت اخر رقم اتصلت به...
وليد: و ربي لاوريكي، انا مريض
و يضربها بالقلم...
وعد: انت سافل ابعد...

ده كل اللي سمعه ادم، مع انه استغرب بان وعد بتتصل بيه...
و في لحظة ادم خرج جري تحت انظار اللي قاعدين..
ادم راح على ال؟يلا، و كسر الباب...
ودخل لقي منظر، مقدرش يتحمله..
-وعد كانت مرمية على الارض و ايديها متكتفة بايد وليد و وليد بيحاول انه يلمسها، و جزء من ملابسها مقطوع...
ادم جري على وليد بسرعة و قعد يضرب فيه..
و كل العائلة جت و شافت المنظر...
و كل الستات راحوا لوعد يحضنوها...

مصطفي: الكلب ده يروح لسجن حالا...
ادم: تميم خده على المكان بتاعنا...
سلوي: هتوديه فين؟.
ادم(بغضب): هربيه بطريقتي، اللي يفكر بس مجرد تفكير انه يقرب من زوجة الشيطان يبقي لعب في عداد عمره...
الكلام ده نزل على كل اللي موجود بصدمة، و ادم منتبهش ليهم و قلع جاكت بدلته و لبسه لوعد، و شالها و اول ما شالها خبت وشها في رقبته و مسكت فيه اوي...
ريان: انت مجنون انت بتعمل ايه؟
ادم مردش عليه...
عز: انا هفهمكوا...

ادم خد وعد و راح على قصره و طلع بوعد لاوضته..
وعد كانت بتعيط بصمت، و لسة بيحطها على السرير، لاقاها رافضة انها تسيبه...
ادم: هششش اهدي انا معاكي اهو..
وعد(بعياط): انا ليه بيحصل ده كله معايا؟
ادم: اهدي مفيش حاجة هتحصل تاني...
وعد: انا خايفة اوي...
-ده كله و ادم شايلها...
و بعدين حطها على السرير، و لاحظ رافضها...
ادم: خلاص اهدي هنام جمبك...

و نام جمبها و جاب رأسها على صدره و قعد يلعب في شعرها لغاية ما نامت...
-اما عند باقي العائلة...
بدر: ما تفهمنا يا عز في ايه؟
عز: لما وعد كانت مخطوفة وادم انقذها قعدها في شقته الخاصة بيه، و كان رايح الشغل، و لقي ان في ناس حاولوا يخطفوها تاني و هو انقذها، و كان الحل الامثل ان ادم يتجوزها، لان ادم ليه اسمه ومركزه و كل الناس بتخاف من الشيطان، و هو الوحيد اللي هيقدر يحميها...

الكل كان في حالة صدمة و مش عارف يفكر...
محمود: هي دي الحاجة اللي وعد كانت مخبياها...
مصطفي: و الناس اللي خطفوها دي عايزين ايه و لا هما مين؟
عز: لسة منعرفش..
ريان: كلامك مش داخل دماغي...
تميم: هي دي الحقيقة...
نور: وعد ازاي خبت عليا حاجة زي كدة؟.
منال: طب يعني هي دلوقتي اتجوزت و كدة يعني و لا...
تميم: لا لسة...
سعاد: طيب، دلوقتي هنعمل ايه؟
حمزة: وعد تطلق و خلاص...

تميم: مش هينفع، وعد في خطر كبير محيط بيها و وجود ادم حواليها بينفي الخطر ده، و انتوا كعائلة اكيد مش هترضوا بكدة...
سيلين: انا شايفة كلام تميم صح...
بدر(بهمس): متتكلميش خالص على اي حد...
سيلين(بهمس): انا عملت ايه الله؟
سلوي: وليد فين؟
عز: لا ده اللي يرحمه بقي نقرأ عليه الفاتحة...
سيرين: انت اتجننت..
تميم: طبعا انتي اكتر واحدة مضررة ليه بقي لانك شخصية زبالة و حقيرة، كان هو اللي بيدلعك صح...

سيلين: ايه اللي انت بتقوله ده؟.
عز: سيرين كانت بتبقي مع وليد المفروض تكونوا فهمتوا...
بدر: الكلام ده صح...
سيرين: متصدقهومش...
بدر ضرب سيرين و قعد يهزأها و الكل جاب اللوم عليها...
سيلين: خلاص يا جماعة...
سلوي: استحليتي انه مش اخوكي حقيقي و انه بالتبني يا سيرين، دي اخرة تربيتي فيكي...
مصطفي: انا مش هقعد هنا ابدا، انا هرجع شقتي، يلا يا منال...
ريان: تمام يا بابا، يلا يا مايا..

عز: لا مايا هتروح بيت اخوها...
مايا(بصدمة): اخويا مين؟
تميم: ادم...
ريان: نعم منك ليه!
عز: هي اسمها مايا مؤمن الشرقاوي، و ادم اسمه ادم مؤمن الشرقاوي، يبقوا اخوات...
مايا: بس انا بابا قالي ان ادم مات...
تميم: دي حرية ادم يقولك ايه السبب و لا لا...
مايا(بفرحة): يعني انا اخويا ادم عايش...
ريان: انتي هتصدقي؟
مايا: طبعا...
مايا: هتوحشوني...
مايا حضنت الكل و سلمت على ريان..
مايا: هبقي اكلمك..

تميم خد مايا و راح على القصر...
عز: ريان اياك ثم اياك تقول لوالد مايا فاهم...
حمزة: من حقنا نفهم، هو يوم المفاجآت...
عز: الشيطان هيقعد معاكوا كلكوا و هيفهمكوا كل حاجة...
عز مشي...
و الكل خد هدومه و رجعوا على عمارتهم تاني...
-في قصر الشيطان...
مايا(بفرحة): فين ادم؟
تميم: مع وعد، علشان اللي حصل...
مايا: تمام...
عز: تعالي هوريكي اوضتك...
مايا راحت مع عز اوضتها..
عز: في هدوم هنا ليكي تمام..

مايا: شكرا معلش تعبتك...
عز: انتي اخت الشيطان يعني اختي، باي..
عز: تفتكر هيحصل ايه؟
تميم(ببرود): معرفش..
عز(بحزن): مقتلتهاش يا تميم و الله...
تميم(بحزن): هاتلي دليل واحد يا عز..
عز(بإصرار): هدور و هعرف يا تميم، اوعدك هعرف..
تميم: و انا منتظرك يا صاحبي...
كل واحد راح على اوضته...
-في الصباح الباكر...
وعد صحيت قبل ادم، و بعدين افتكرت كل حاجة..
وعد: اهدي يا وعد اهدي، كوني قوية..

وعد قامت من جمب ادم، و دخلت الحمام خدت دوش دافئ هديت خالص، و بعدين افتكرت انها مجابتش هدوم...
وعد(لنفسها): نايم صح هو لسة نايم...
و لفت نفسها ببشكير و خرجت بسرعة، لقته قدامها...
وعد بصت في الارض بسرعة و بتفرك بإيديها و محروجة، و ادم مركز عليها هي و بس...
وعد(بهمس): ما تعدي بقي اوف...
ادم حط ايده على دقنها و رفع وشها...
ادم: طول ما انتي هنا و جمبي متتكسفيش، تمام انتي مراتي يا وعد فاهمة...

وعد بصت لعيونه و بعدين زقته و جريت على اوضة الملابس...
ادم دخل الحمام و وعد دخلت اوضة الملابس و لقت كل هدومها هنا...
وعد(بإستغراب): ايه ده؟
وعد: ده ازاي جاب الهدوم كدة و امتي و فين و ازاي؟..
وعد: هسأله...
و بعدين اختارت سلوبيتة جينز قصير و لبست تي شيرت ابيض بنص و لبست كوتشي، و لمت شعرها كحكة و خرجت...
وعد(غمضت عيونها): ادم لاحظ اني موجودة...
وعد ملقتش اي رد، فتحت عنيها لقته قدامها..

وعد(بإرتباك): ابعد...
ادم حاوط خصرها و قربها منه...
ادم: ليه؟
وعد: احم ادم ابعد يا ادم، مينفعش كدة..
ادم قرب منها و من ودنها...
ادم(بهمس): هو ايه اللي مينفعش احنا بنعمل حاجة حرام؟.
وعد: طب ابعد بقي...
ادم: لا...
وعد ضربته على جسمه...
وعد: ابعد يا قليل الادب...
ادم ضحك جامد...
وعد: ظريف...
ادم: لا انتي غبية و مجنونة اوي...
وعد: شكرا...
وعد(بصريخ): عااااااا...
ادم: في ايه؟

وعد: بابا و ماما و انا نمت هنا و انت قولت ليهم اني مراتك هما عملوا ايه حصل ايه هيحصل ايه؟
ادم: مبدأيا انتي فهمتيني غلط انا اتجوزتك بس علشان احميكي بحد صدقيني، ثانيا وجودك بعيد عني خطر عليكي، و ده اللي اتقال لعائلتك، و هما صدقوا لانها فعلا الحقيقة...
وعد: بس برضو انت خدعتني...
ادم: وعد...
وعد(بدموع): بعد اذنك يا ادم يا ريت نطلق في اقرب وقت..
ادم: متخافيش ان شاء الله...
وعد: شكرا...

ادم: متستغربيش ان الهدوم جت انا طلبت منهم ينقلوها من غير صوت و انتي نايمة...
وعد: تمام، هنزل انا...
ادم: تمام...
وعد فتحت الباب بالبصمة و نزلت...
وعد نزلت لقت مايا...
وعد: مايا...
مايا حضنتها...
وعد: انتي عاملة ايه؟.
مايا: انا بخير، و انتي؟
وعد: اهو تمام...
و قعدوا يتكلموا...
عز: اهلا بأخواتي...
وعد بصتله بعتاب...
عز(بندم): وعد و الله ده كان لحمايتك...
وعد: بعد اذنك يا عز مش عايزة اتكلم...

عز: انا جايب شيكولاتة كتير و حاجات حلوة...
وعد: احم ابدا...
عز: وعد وعودة...
وعد: هات الحاجة...
و قعدوا يهزروا هي و مايا و عز...
ادم(بحدة): شكلك واخد على الجو يا عز...
عز: احم في ايه؟
ادم: مايا...
مايا: ادم..
و راحوا حضنوا بعض...
وعد(بهمس): i can t understand any thing، (انا لا استطيع ان افهم اي شئ)...
عز(بهمس): هتفهمي...
مايا: طب ازاي؟
ادم: حكيلك كل حاجة متخافيش في الوقت المناسب..

وعد: الوقت المناسب بالنسبة للشيطان هو وقت ان تعرفي الاحداث فجأة...
ادم: لو مكنتيش فضولية مكنتيش عرفتي و كنت انا اللي قولتلك...
وعد(بصوت عالي): و يا تري كنت هتقولي ازاي بقي انك خدعتني و انك متجوزني من غير ما اعرف؟
ادم: كدة...
و شدها ليه و مسكها جامد و (لخيالكوا)...
مايا: احم نحن هنا...
عز: اخوكي ده عيل زبالة..
وعد ضربت ادم كتير على صدره...
ادم: عرفتي ازاي؟
وعد سابته و طلعت تجري...
عز: مكنش ضروري قدامنا...

ادم: علشان تفكر تعلي صوتها تاني...
مايا: احرجتها...
ادم: احسن..
مي: الفطار جاهز...
ادم: نادي وعد هانم...
مي: حاضر...
مي طلعت و رنت على جرس كدة جمب الباب الزجاجي...
وعد فتحت الباب...
مي: حضرة الشيطان بيقولك اتفضلي انزلي علشان الفطار...
وعد: قوليله اني مش نازلة تمام...
مي: بس انتي كدة بتعترضي على اوامره..
وعد(بعصبية): سمعتي انا قولت ايه، بس...
مي نزلت و بلغت ادم الكلام اللي وعد قالته...

ادم: قوليلها تنزل بالذوق بدل ما اطلع اجيبها بالعافية...
مايا(بخبث): ما تطلع تجبها انت..
ادم: خلاص روحي يا مي...
ادم(بخبث و مكر): مي جهزي صنية عليها غداء جميل كدة، و طلعيه على فوق تمام، بس بعد ما اقولك تمام...
مي: حاضر...
ادم راح مكتبه يشتغل شوية...
و وعد حاولت تخرج لقت الباب مش عايز يفتح...
وعد: اه الزبالة الحقير...
و قعدت محبوسة في الاوضة...
-في مكان تاني...
في بيت عائلة النجار...

رحيم و هدي و ناصر و فرح رجعوا...
رحيم ضرب سيرين...
سيلين حاولت تدافع عنها لكن والدها زقها...
سيلين(بدموع): تيتة خلاص كفاية هتموت...
مصطفي: خلاص يا رحيم...
محمود: البنت هتموت تحت ايدك...
سلوي: كفاية...
سيلين راحت على سيرين و خدتها معاها و نانسي و نور دخلوا معاها...
نور: خلاص اهدي...
نانسي: اهدي خلاص مش هيحصل حاجة...
الباب خبط و سيرين اتخضت...
منال: هش اهدي، اطلعوا بره يا بنات...
نور: تمام...

سعاد: اهدي خلاص مفيش حاجة...
و سيرين بتعيط...
منال حضنتها...
منال: انا عارفة ان مش كل العيب عليكي العيب على والدتك معرفتش تعلم، بس بعد اللي حصل لازم تغيري من نفسك يا سيرين، لازم تبدأي من جديد..
سعاد: غلطتي بس لازم تطلعي من الماضي بدرس لازم تصححي غلطك، مفيش اغلي من شرف البنت في حياتها يا سيرين...
منال: لازم تواجههي الحياة بقوة و امل جديد...
سعاد: متستسلميش...
و بعدين الباب اتفتح فجأة...

هدي: بتشمتوا في بنتي...
هدي: انتوا ستات ناقصة...

سيرين(بصريخ و زعيق): بس بقي بس بقي، هما بيعملوا اللي انتي المفروض تعمليه، هما بيقولوا اللي المفروض انتي تقوليه، هما الصح هما اللي ربوا صح مش انتي، انتي شخصية استغلالية و حقيرة، انتي انسانة مبتحبيش غير المظاهر و كل حاجة فلوس لبس خروجات فسح، فكرتي في بنتك و لو مرة، كل همك البسي كويس و حطي مكياج علشان تعرفي توقعي واحد غني صح، كل همك كان الفلوس، و بابا كان كل همه انه ياخد رشاوي و يعمل اعمال غير قانونية ده كله علشان ايه مستقبلنا بني مستقبلنا بفلوس حرام، و لا وليد اللي هو جابه اخ لينا بس وليد من و هو صغير و هو خبيث و هو بيلمح بكل حاجة و هو مش شايفني اخته، شايفني عاهرة، انا بجد بكرهكوا، انا ليه مكنتش زي سيلين دايما هي كانت الصح، كانت بتمسك بإيدي علشان تنقذني منكوا بس انا اللي كنت برفض، انا اللي رفضت انا اللي رفضت، انا بكرهكوا، بكرهكوا سيبوني بقي سيبوني، عايز اموت موتوني و ارتاح...

الكل كان مصدوم و في منهم اللي كان بيعيط...
نور(بهمس): تيتة لازم تتحول لمستشفي الامراض العقلية، ممكن تفقد النطق لازم نلحق الموقف...
سلوي: روحي جيبي حقنة تخدير..
نور راحت جابت حقنة تخدير و كانت هتقرب من سيرين..
سيرين: هتموتيني صح هتخلصيني من الدنيا يلا انا جاهزة اهو، (و مدت دراعها)...
نور ودتها الحقنة و بعدين سيرين راحت في عالم تاني...
و طلبوا الاسعاف و تم نقلها لمستشفي الامراض العقليه...

الدكتور: هي المريضة عندها ايه؟
نور: انهيار عصبي...
الدكتور: متأكدين؟
نور: اه، ليه؟
الدكتور: المريضة فقدت النطق منعرفش اذا كان من تأثير الصدمة اللي ممكن تكون اتعرضت ليها، و لا انها مجرد لفترة...
سلوي: طب اتصرف يا دكتور...
الدكتور: هحاول ان شاء الله..
الدكتور: سبب الصدمة او الانهيار...
رحيم: ملكش فيه..
الدكتور: ده ازاي؟
ناصر: يا ابني اسمع الكلام بس..
الدكتور: هحاول...
الدكتور مشي، و عائلة النجار مشيت...

-في قصر الشيطان...
ادم خلص شغله و قعد في حدود ساعتين...
ادم: مي عشر دقايق و طلعي الاكل...
تميم: ناوي على ايه؟
ادم(بمكر): مش انا عريس لازم اتغذي، عن اذنكوا بقي..
ادم طلع لوعد فوق و فتح الباب...
وعد(بزهق): اوف وسع بقي زهقت زهقت و طهقت...
وعد لسة هتخرج لقت ادم شالها من وسطها...
وعد: في ايه؟ نزلني انت غبي، ادم نزلني..
ادم و هو بيبعد شعر وعد عنها، (وعد كان ضهرها في ضهر ادم)...
ادم: في ايه يا وعد؟كدة نسياني...

وعد: مش فاهمة...
ادم: انتي اللي اختارتي تقعدي في الاوضة، استحملي بقي...
وعد: طب نزلني و نتفاهم...
ادم: لا، مش واثق فيكي...
وعد: بوعدك هنتفاهم...
ادم نزل وعد و لفها ليه، و مسك وشها في ايديه..
ادم: نتفاهم بقي..
وعد: عايز ايه؟..
ادم(بخبث): عايز اخد حقي كزوج...
وعد الصدمة اثرت عليها كليا...
وعد(بصدمة): بمعني؟!
ادم(بهمس): اللي انتي فكرتي فيه...
و بعدين الباب خبط، و ادم فتح الباب..

و مي دخلت بصنية متغطية، و خرجت...
وعد: ايه ده؟.
ادم: ده بقي بيسموه عشاء العريس...
وعد: ادم طب روح في حتة تانية بقي...
ادم: طب يعني منامش في حضن مراتي و حبيبتي و اروح انام عند حد تاني، يرضيكي...
وعد: لو انت معتبرني مراتك، يبقي اه يرضيني تروح تنام عند حد غيري، و يلا بقي بره...
ادم لسة بيقرب من وعد...
و بعدين ضرب نار اشتغل في القصر كله، ادم نط على وعد يحميها بجسمه...

و ادم بيخبي وعد في حضنه سمع صوت صريخ اخته مايا، ساب وعد و جري، و نزل ليها...