رواية مجنونة في عالمي للكاتبة سلسبيل كوبك الفصل الثامن

رواية مجنونة في عالمي للكاتبة سلسبيل كوبك الفصل الثامن

وعد شغلت الاب توب و حطت الفلاشة و شغلت اول فيديو...
وعد و نور(بصدمة): يا نهار اسوووووووود...
وعد: ايه ده؟
نور: دول ناويين يموتوا الوزير السابق...
وعد: هنعمل ايه؟
-الفيديو كان عبارة عن شخص لابس قناع و بيذكر اسماء و صور لاشخاص مطلوب منهم انهم يموتوهم...
نور: انا انا معرفش، وعد لبستينا في الحيطة...
وعد: انا خايفة اوي...
نور: طب مين تاني ناويين يقتلوه؟
وعد: رجل الاعمال المشهور ثروت...

نور: طب السبب ايه انا خايفة...
وعد خرجت من الفيديو و لقت صور، دخلت على صورة منهم...
نور: مش ده؟
وعد: المريض اللي عنده القلب...
نور: مكتوب ايه كبري الصورة...
وعد: مطلوب عنيه و كليته...
نور: لا لا اقفلي يا وعد...
وعد قفلت الاب توب...
وعد: مبدأيا لازم نعمل نسخة تانية تبقي واحدة معاكي و واحدة معايا...
نور: و بعدين؟
وعد: نصبر نصبر لحد ما نشوف هيحصل ايه؟
نور: مش انتي قولتي ان هما قالوا انه مكتوب ميعاد العملية...

وعد: اه صح، و نبلغ عنهم و انا حاسة انهم بيعملوا العمليات الرخيصة دي في المخزن اللي قالي متخشهوش تاني...
نور: وعد نرمي الفلاشة و ننسي كل حاجة، بلاش الفضول يدينا في داهية ارجوكي يا وعد...
وعد: بس بس اكيد يعني احنا بنعمل خير و احنا مع الحق يا نور...
نور: طيب...
وعد: النسخة دي هتبقي معاكي و لا معايا...
نور: معاكي، انا خايفة، و اقولك متعمليش نسخة تانية...
وعد: النهار طلع يا نور، اجهزي علينا شغل...

نور(بدموع): وعد ابوس ايدك خلينا نبعد كفاية...
وعد قامت حضنتها...
وعد: هشششششششش، اهدي متخافيش طول ما احنا مع بعض مفيش حاجة هتقدر علينا متخافيش، خليكي قوية يا نوري، اياكي تضعفي انتي نوري، انتي النور اللي بينورلي طريقي، متيأسيش انا معاكي...
نور: و انا بحبك اوي يا احلي اخت في الدنيا...
وعد: خلاص بقي يلا نخش نستحمي و نلبس...
وعد و نور دخلوا استحموا و لبسوا...
نور: فاضل ساعتين على الشغل، هنعمل ايه؟

وعد: هنروح للي بينسخ فلاشات...
نور: هتلاقيه فاتح دلوقتي؟
وعد: اخليه يفتح...
الباب خبط...
وعد: حاضر...
ريان: اهلا يا بنانيت...
نور: خير ياض...
ريان: في بنت محترمة تقول لاخوها ياض...
وعد: عايز ايه يا ريان؟
ريان: اختي بموت فيكوا، جاي اقعد معاكوا شوية، و كمان جايب ليكوا شيكولاتات و بيبسي...
نور خدت منه الحاجة...
وعد: سر الزيارة؟
ريان: ايه رأيكوا في مايا؟
نور: بقي الموضوع مايا...

ريان: لا اصل واحد صاحبي كان عايز يطلب ايديها بس..
وعد دخلت المطبخ و قربت منه و كان معاها سكينة..
ريان: يا بنت المجنونة، عايزة ايه؟
وعد: صاحبك برضو اللي عاوز يتقدم ليها يا ريان..
نور: اعترف علشان الانكار مش هيفيدك...
الباب خبط...
حمزة دخل...
حمزة: ايه ده يا وعد انتي اتجننتي...
وعد: البيه ريان قال ايه بيقول لينا ايه رأيك في مايا...
نور: بيسأل على بنت و احنا بنات. احنا مش مليانين العين و لا ايه؟

وعد: معرفش...
حمزة(بهمس): الحمد لله مقولتش على مرام...
نور: مين مرام يا حمزة؟
حمزة: انا قولت مرام..
وعد: انجزوا انتوا الاتنين انطقوا...
ريان حكي على مايا، و حمزة حكي على مرام...
وعد: ماشي، عن اذنكوا بقي عندنا شغل...
ريان: نعم يا اختي بعد ما تعرفي القصة كلها...
نور: هنبقي نفكر و نرد عليكوا...
حمزة: مش مسامحكوا..
وعد: تشكرات...
وعد و نور نزلوا..
وليد: ووووعد...
وعد(بهمس): يا رب خلصني...
نور: خير يا وليد؟

وليد: انتوا ناويين تشتغلوا و تيتة جاية؟
وعد بصت لنور...
وعد: ايه اللي فيها؟
وليد: على فوق منك ليها...
نور: انت شارب حاجة ياض...
وليد: كلمة واحدة اطلعوا فوق...
وعد و نور سابوه و مشيوا...
وليد: ووووووووووووعد...
وعد: اجري يا نور...
وعد و نور جريوا...
نور: سئيل...
وعد لقت رفاعي واقف...
وعد: استاذ رفاعي...
رفاعي: اهلا يا انسة وعد...
نور(بهمس): بتعملي ايه يخربيتك؟
وعد: حضرتك متعرفش حد بينسخ فلاشات هنا...

رفاعي: في بس بعيد...
وعد: مش مشكلة ممكن تورهولنا...
رفاعي: تمام اتفضلوا...
رفاعي وصلهم...
نور: ده مقفول...
رفاعي نادي على شخص...
رفاعي: عبقرينوووووووووو...
عبقرينو: مين بينادي؟
رفاعي: انزل في زباين...
عبقرينو نزل...
وعد: هو اسمه عبقرينو؟
رفاعي: لا ده علشان بيفهم في الكمبيوتر و الحاجات دي...
نور: اه...
نور: انا اول مرة اشوف الاماكن دي...
رفاعي: علشان انتوا من الهوانم متعرفوش الحتت دي.

وعد: شكرا يا رفاعي معلش تعبتك...
رفاعي: و لا يهمك...
عبقرينو: خير...
وعد بصت لنور و بعدين قالت...
وعد: عايزين ننسخ الفلاشة دي، بس من غير ما حضرتك تحتفظ باي حاجة موجودة فيها...
عبقرينو: تمام...
عبقرينو خلص و نسخ الفلاشة في فلاشة تانية...
عبقرينو: اتفضلوا...
نور: الحساب...
رفاعي: لا خلاص عندي...
وعد: لا شكرا تعبنا حضرتك، مينفعش اكتر من كدة..
وعد دفعت الفلوس، و مشيت هي و نور و رفاعي...
و هي ماشية التليفون رن...

الخط اتفتح...
وعد: الو مين معايا؟
الشخص: قدامك 15 دقيقة وتكوني قدامي يا وعد...
وعد شكت في الصوت...
وعد: و انت مين علشان اسمع كلامك؟
الشخص: اللي انتي شكيتي فيه...
وعد لسة هتتكلم التليفون قفل...
وعد: الحيوان...
نور: في ايه؟
وعد: في 15 دقيقة و لازم نكون قدامه...
نور: طب مدي...
و ركبوا المواصلات...
وعد: انا يقفل التليفون في وشي...
نور: اهدي بقي...
وعد: مش هسجل الرقم...
نور: تمام...
وعد: و لا اقولك هسميه السلعوة...

نور قعدت تضحك...
وعد: و لا الطاووس...
وعد: لا البغل...
وعد: لا لا العجل...
نور: حرام عليكي الواد وسيم...
وعد: وسيم على نفسه و كمان ده شغال في المافيا...
كل اللي راكبين بصولها...
نور: احم لا في فيلم جديد هو هيصور فيه...
وعد: متركزوش مع الناس الله...
وعد و نور نزلوا...
نور: يا رب استر...
وعد: مش عارفة هتعامل ازاي معاه؟
نور: نهدي بقي...
اول ما دخلوا المستشفي...
ممرضة: ادم بيه عايزكوا...
وعد: الله يطمنك...

وعد و نور راحوا على المكتب...
الباب خبط...
ادم: ادخل..
وعد و نور دخلوا...
وعد: خير...
نور: عايز ايه؟
تميم: احترموا نفسكوا...
ادم: سبب التأخير؟
نور: كنا بننسخ...
وعد: مفيش حاجة مواصلات...
عز(بهمس): اغبية الشيطان لاحظ..
ادم: و يا تري شايفين اي العقاب المفروض اطبقه؟
الباب اتفتح بسرعة...
مهاب(بيأخد نفسه): ادم بيه الفلاشة اتسرقت...
وعد و نور كانوا هيغموا عليهم...
تميم: الكلام ده ازاي؟
عز: انت متأكد؟

مهاب: محسن بيه لف الدنيا عليها و ملقهاش...
وعد(بصوت مهزوز): هنمشي احنا..
نور(بخوف و ارتباك): ع ن اذن كوا(عن اذنكوا)...
وعد و نور خرجوا...
وعد: بصي اشتغلي و انسي اي حاجة، متخافيش...
نور: تمام..
وعد و نور اشتغلوا...
ادم و عز و تميم و مهاب راحوا على؟يلا محسن...
محسن: و الله يا ادم بيه معرفش ده حصل ازاي...
ادم ضربه رصاصة في كتفه...
ادم: الشيطان ميتقالوش الكلام ده...
عز: اهدي يا ادم...

تميم: فين الكاميرات اللي عندك؟
محسن: في المكتب...
كلهم راحوا على المكتب...
ادم قعد على الكرسي...
شغلوا الفيديو...
لقوا شخصين لابسين كمامات و لابسين اسود في اسود...
مهاب: دول بنات!
عز: عرفت منين؟
مهاب: اهو شعرهم...
ادم ركز لقي فعلا انهم بنات، و بعدين ركز لقي عيون حد بيبص يمين و شمال، ركز فيهم و فكر انها ممكن تكون وعد، بس نفي الفكرة...
و بعدين بص يمينه لقي انسيال، مسكه و خده...
تميم: برضو مين هيعمل كدة؟

عز: عصابة الجوكر...
ادم: اللي عمل كدة غبي غبي اوي...
-(فاكرين لما وعد استخبت ورا الستارة و بعدين نور جت ليها و هي بتكلمها، الانسيال شبك في الستارة، )...
ادم: فين كاميرات المستشفي يا عز؟
عز: دقيقة و هتكون عندك...
ادم: حسابك بعدين يا محسن..
ادم مشي هو و تميم و عز...
عز: اهي الكاميرات...
ادم: هتفرج عليها لوحدي...
-ادم شاف لما كانت وعد جاية ليه اوضة الاجتماعات و عرف انها سمعتهم...

ادم(في نفسه): شكلك مش بتتعلمي يا وعد...
ادم(في نفسه): بس انا هعلمك...
ادم(في نفسه): فتحتي بابك للشيطان...
-في مكان تاني...
في بيت عائلة النجار...
يجلس العديد من الاشخاص...
سلوي(بصوت حاد): فين وعد و نور؟
وليد: في الشغل...
سلوي(بصوت حاد): هما مش عارفين ان انا جاية...
مصطفي: معرفوش يأخدوا اجازة يا ماما...
رحيم: ازاي يعني؟
فرح: معرفش هما متربوش و لا ايه، It s not cool
منال: هي شتمت عيالي يا حمزة؟

حمزة: بتقول يعني انه تصرف مش كويس...
سعاد: حرباية...
ريان: احنا لسة بدأنا...
محمود: كبرتي يا سيلين، و انتي يا نانسي و بدر، وحشتوني...
سيرين: و انا موحشتكش يا uncle...
محمود: لا طبعا وحشتينا...
نانسي: شكرا يا عمو...
بدر: و انت اكتر و الله...
سيلين: عامل ايه حضرتك؟
محمود: نشكر ربنا...
سيلين: الحمد لله...
بدر: و انت يا ريان عامل ايه؟و انت يا حمزة؟
ريان: بخير الحمد لله...
حمزة: اهي ماشية يا كبير...

سلوي(بعصبية): ووولد، فين الاحترام فين الرقي؟
سلوي: شكلك معرفتيش تربي يا سعاد...
سعاد: انا الحمد لله حمزة متربي كويس يا ماما...
سلوي(بقرف): ماما، في حماتي في سيدتي، مصر دي علمتكوا حاجات كتير وحشة...
منال(بهمس): يا رب الصبر...
مصطفي: عامل ايه يا ناصر؟
ناصر: بخير يا حبيبي الحمد لله...
فرح: انتوا بقي بتشتغلوا ايه؟
منال: ربة منزل...
هدي: يععععع سوفاج...
سعاد(بهمس): الصبر علشان مخلصش عليها...

سعاد: بنراعي جوزنا و عيالنا و بيتنا، دي اجمل شغلانة، صح يا محمود؟
محمود: طبعا يا حبيبتي...
فرح: بيئة اوي، عندك انا عضو في نادي كبير في امريكا...
هدي: و انا صاحبة افخم ماركات في العالم...
سلوي: بتشتغل ايه يا ريان؟
ريان: مهندس في شركة استيراد و تصدير...
سلوي: مش بطال...
فرح: انا بدر ابني صاحب افخم شركات برمجة على مستوي العالم...
بدر: مش للدرجة دي يا ماما...
ناصر: خلاص يا فرح...

هدي(بهمس): شايف يا رحيم قاعدة عمالة تتفاخر بابنها ازاي؟
محمود: طب ارتاحوا بقي علشان جايين من سفر...
سلوي: انا اللي اقول ناموا امتي و اصحوا امتي...
مصطفي: حاضر يا ماما...
سعاد(بهمس): يا رب مش هنخلص...
ممال(بهمس): يا رب ربنا يسترها علشان ممكن ارتكب جناية...
وعد و نور كانوا جم...
وعد: اهلاااااااا يا كبير...
نور: ليكوا واحشة و ربي...
ريان عمال يغمز ليهم لكنهم مهتموش...

نور: مالك يا ريان بتغمز كدة ليه عينك وجعاك؟
وعد: في ايه يا حمزة منك ليه؟
نور: سيبك منهم...
وعد: ست الكل وحشاني...
نور: قولي انهم لسة مجوش...
وعد: اكيد لسة مجوش مش شايفة في هدوء ازاي دي تيتة دي عليها صوت يهز الجبل و ربي...
سلوي(بغضب و عصبية و حدة): وووووووووعد...
وعد اتصدمت هي و نور...
نور(بهمس): بقول نجري...
وعد(بهمس): وحياتك دي تجبنا بصباع رجلها و ربي..

وعد(بابتسامة باهتة): عاملة ايه يا تيتة وحشااني و الله...
نور(بابتسامة باهتة): ايه مالك يا حبيبتي فيكي حاجة؟
فرح(بقرف): انتوا بقي وعد و نور؟
منال(بهمس): هي بتقولها بقرف كدة ليه؟
سعاد(بهمس): تتكلم بس كلمة واحدة و انا اقطع ليها لسانها...
وعد(بهمس): انا حاسة انها هترجع زبالة من بوقها...
نور قعدت تضحك جامد هي و وعد...
سلوي(بحدة): اسكتوا، بنات قللات الادب...

وعد: في ايه يا حاجة؟انتي طالعة من مسلسل الخديوي توفيق...
هدي: يعععع، بلدي...
نور(بغناء): انا بعشق امك...
وعد(بغناء): بلدي، هههههههههههههههه...
مصطفي: بنات خلاص...
سيرين: انتوا طايقن نفسكوا لازم دش علطول يععع يا مامي سوفاج...
وعد: انتي سيرين؟
نور: باين طبعا...
تليفون وعد رن...
وعد شافت الاسم كان هيغمي عليها...
نور لاحظت صمت وعد و الفون بيرن في ايديها...
نور: وعد مين؟
وعد(بهمس): الشيطان...

نور(و هي خلاص هتعيط): اتقفشنا...
وعد قفلت التليفون خالص...
-عند ادم...
ادم: و ربي لاندمك على اليوم اللي اتولدتي فيه يا وعد...
عز: في ايه؟
تميم: الانسة و بنت عمها هما اللي سرقوا الفلاشة و اللي اسمها وعد سمعتنا و احنا بنتكلم...
عز: ادم لو خدت الفلاشة و هما مكانوش شافوا حاجة سيبهم، دول بنات طيبة و غلبانين...

ادم: و لو طلعوا شافوا اللي فيها، فضولها هيوديها ورا الشمس، و انا هربيها هخليها تتمني لو مكنتش حتى اشتغلت في المستشفي...
تميم: ينعل ابو الفضول، بس البت بنت عمها دي تستاهل...
عز: اه علشان صدتك و هزأتك، و علشان وعد رفضت ان ادم يمسك ايديها برضو حطها في دماغها...
تميم: عز تخرس خالص...
ادم: هي متستاهلش حتى اني افكر فيها...
عز: يبقي تاخدوا الفلاشة و تسبوهم في حالهم...
تميم: ال Boss هيأمر بقتلهم...

عز: ادم متسمحلوش...
تميم: هما من بقية عائلتك!
عز: لا بس هما بنات ملهمش في الشر مش زي جاسيكا و امثالها، انا قولت اللي عندي، سلام...
عز قام طلع اوضته...
تميم: سيبك منه...
ادم: مش ناوي تصدقه يا تميم؟
تميم: خليه يجبلي دليل يا ادم و انا هصدقه...
ادم: ماشي يا صاحبي...
تميم: انا طالع، عايز حاجة؟
ادم: لا...
و تمم طلع اوضته...

-ادم مسك انسيال وعد و قعد يبص فيه و افتكر وعد افتكر اول يوم شافها فيه، افتكر لما خدودها احمرت وانفها، افتكر لما هي نطقت اسمه من غير القاب لما قالتله انت مش شيطان يا ادم، افتكر لما كانت خايفة على صاحبتها، افتكر لما كانت بترتعش بين ايديه، افتكر دموعها لما عرفت انه والدها شبه ميت، افتكر لما خلته يوعدها، و اخيرا افتكر لما حضنته جامد، وقف عند النقطة دي، وقف عند شعوره بكمية الامان اللي حسها، و هي في حضنه...

ادم وقف بسرعة...
ادم: مستحيل مستحيل اسيبها تسيطر عليا، انسي يا ادم، هي بنت زي اي بنت فاهم، هي بس مختلفة شوية، لكن كلهم صنف واحد، كلهم نفس الطبيعة و الغريزة، بس فوق فوق يا ادم، انت الشيطان...
ادم طلع نام...
-عند عائلة النجار...
وعد: انا بجد حبيتك يا نانسي انتي و سيلين...
نانسي: و انا حبيتك اكتر و الله، انتي و نور...
نور: يا بنتي انا جميلة الجميلات...
سيلين: ههههههههه، قمر يا اختي...

ريان: بجد اتشرفت بيك يا بدر، انت عبقري...
بدر: على ايه بس؟انا اكتر و الله..
حمزة: انت غير وليد خالص، الحمد لله...
كلهم ضحكوا...
وليد: و انتي يا سيرين بقي ايه نظامك...
سيرين: اي حاجة...
وليد: اي حاجة اي حاجة، و غمز ليها...
سيرين ضحكت ضحكة مايصة و صايعة اوي، زيها بالظبط..
منال: طب يلا بقي ننام...
سلوي: انا امرتك تنامي...
مصطفي: ماما...
سلوي: اخرس انت...
ريان(بعصبية): اعتقد والدتي مغلطتش...

فرح: انت هتقل ادبك يا ولد...
هدي: دي تربية زبالة بجد...
وعد: تيتة ماما مغلطتش، و كمان حضرتك مش امي و لا صاحبة البيت ده علشان تتكلمي وتأمري...
وعد لقت قلم على وشها من جدتها...
نور: ايه ده؟
وعد طلعت جريت على شقة والدها...
ريان طلع وراها و نور و حمزة...
ريان: خلاص يا وعد متزعليش يا روحي...
وعد(بدموع): شكلي بقي ايه قدام ولاد اعمامي دلوقتي ها، ردوا...
بدر: انك محترمة...

سيلين: انتي مقلتيش ادبك و اتكلمتي بكل احترام، بس مفيش كدة في قانون سلوي هانم...
نانسي: شخصية مستبدة و ظالمة...
نور: بس ده مينفعش...
حمزة: لازم نقف ليها، هي مش الامر الناهي...
ريان: خلاص بقي يا وعودة...
وعد(بعصبية): رياااااااااااااااان، بكره كلمة وعودة دي...
حمزة: وعودة وعودة هههههه...
نور: وعودة راحت اه وعودة جت اممممممم...
وعد: هوريكوا انا بقي وعووووودة...

وعد قعدت جريت وراهم تحت دهشة سيلين و نانسي و بدر...
بدر: انتوا لو عملتوا كدة قدام تيتة سلوي تنفخنا كلنا...
ريان: هنا لا للاستبداد...
نور: نعم للضحك، هههههههه
و قعدوا يضحكوا...
حمزة: تعالو شاركوا...
و قعدوا يهزروا و يلعبوا...
الباب خبط...
نور: حاضر...
وليد: تيتة عايزاكوا...
بدر: نازلين...
كله نزل...
سلوي: انا قررت كام قرار...
سعاد: خير يا حماتي...
سلوي: وعد هتبقي لوليد، و نور هتبقي لريان...

وعد و نور و ريان: نعممممممممممممممممممم!
سلوي: لسة مخلصتش، نانسي هتبقي لحمزة، و سيلين هتبقي لبدر...
حمزة و نانسي و سيلين و بدر: ايه ده ايه ده؟مستحيل...
سلوي: لكدة لاما اهاليكوا هيبقوا على الحديدة...
وعد: انتي بتستخدمي سلطاتك علينا غلط علفكرة..
ريان: نور دي اختي...
نور: و ريان اخويا بسسسسس...
بدر: سيلين و انا مش زي بعض...
حمزة: انا مليش في الجواز...
نانسي: يا تيتة انا مش موافقة...
وليد: تيتة انا موافق...

مصطفي: يا ماما بلاش هما ليهم حريتهم...
محمود: هما لازم يختاروا شريك حياتهم...
منال: بنتي مش هتتجوز وليد...
فرح: انا اناسب ابن سعاد...
سعاد: ماله ابن سعاد؟زي البدر...
فرح: و اناسب بنت رحيم...
ناصر: يا ماما اتراجعي في قرارك...
هدي: يا طنط راحتك اهم...
رحيم: طبعا يا امي...
سيلين: بابا انت موافق؟!
سلوي: ده اخر كلام عندي...
سلوي: لتوافقوا لإما تنسوا وجودي في حياتكوا و تنسوا الفلوس...
محمود: بس...

سلوى: خلص الكلام...
الكل راح ينام...
-مصطفي و منال و ريان و وعد في شقتهم...
-محمود و منال و حمزة و نور في شقتهم...
-رحيم و هدي و سيلين و سيرين في شقتهم...
-ناصر و فرح و بدر و نانسي و سلوي في شقتهم...