رواية ماسة الرعد الجزء الثاني للكاتبة أماني فهمي الفصل الثاني عشر
مر الليل وجاء الصباح وما خفيا لهم من أحداث تجمعت الأسرة في غرفة لؤلؤة وها هي بعد عذاب تفيق اميرتنا الجميلة على ألم ويصدر منها كلمه ااه انتفض على إثرها ظافر ولمس على شعرها بحنان اب وأخ وحبيب.
ظافر: لؤلؤة فتحي عيونك متخفيش
كأنه نداء مدرس وهي طالبه تنفذ و تلبي النداء
او كحبيب متلهف لرويه معشوقته
ابتدت لؤلؤة في فتح عيونها الزرقاء ولاكن بهالة غريبة وممتعة فنظرت له وللباقي بتعجب واستغراب.
لؤلؤة بهمس: انا فين
رعد بحنية: حمدلله على السلامة يا روحي
لؤلؤة باستغراب: حضرتك منين
ماسة: تعرفي اسمك ايه
لؤلؤة بدموع: مش عارفة أنا مين
هنا تأكد للجميع صحه كلام الأطباء بأنها فقدت الذاكرة منهم السعيد ومنهم من كسر قلبه لملايين القطع.
ظافر بحنية: يعنى انتى مش فاكرة اي حد هنا من الموجودين
لؤلؤة: لا مش فاكرة حد بس
ماسة: بس ايه يا روحى
لؤلؤة: هو انا فين واسمي ايه وانتم مين
رعد بسرعة: انتى اسمك لؤلؤة وانا ابوكى وديه مامتك وشاور على باقي العيلة وقال دول اهلك
لؤلؤة: وده وشاورت على ظافر
ظافر: انا
رعد بسرعة: الدكتور المعالج وبس
لؤلؤة عوزة انام ممكن
ماسة: نامي لي لي وخرجت الجميع
صدم الجميع من كلام رعد وهنا تاكدد ماسة بان رعد خسر بنته للابد.
إلياس: انت اذاي تقول كده
رعد: لؤلؤة مش هيبقي ليها علاقة تانى بظافر
ظافر بتحطم: يعني ايه
رعد بحده: يعنى ملكش دعوة بنتي للابد
ظافر بالم وصوت مخنوق بالدموع: يعنى بتبعدنى عن روحى وانت اكتر شخص عارف انها بالنسبة ليا كل حاجة من صغرها
رعد بسخرية: ومين السبب في نومتها ديه
ظافر: بس انا مليش دعوة والله
رعد بغضب: وإلى اسمها شاهى عملت كده علشان خاطرك انت.
ظافر بغضب: وانا ذنبي ايه واحده عوزه من اعشرها وانا رفضت كل ذنبي انىتحافظ على جسمي وطهارته ونقائة علشان خاطر لؤلؤة تبقى هي اول وآخر ست تلمسه
رعد بلا مبالاه: ميهمنيش كل الكلام ده انتهى كل شي
ظافر بالم: تنهي حب 16 سنة في لحظة، تنهي اهتمام 16 سنة، تنهي صحوبية 16 سنة لغبطة، انت كده بتحكم علينا بالموت
رعد بحده: انا هعرف احمى بنتى من اي حد
ظافر: طيب وانا مش مهم عندك
رعد: بكرة تنسي وتحب تانى غيرها.
ظافر بالم: يحرم عليا كل الستات وهعيش على امل رجوع لؤلؤتي لحضنى من تانى
رعد بسخرية: يبقي هتعيش العمر كله
ظافر بالم: لو ربنا ليه حكمه يجمعنا ولو لحظة يرتبط اسمي باسمها هستنا اللحظة ديه
رعد: وانا هحرص انكم متتجمعوش للأبد
ظافر: وانت هتستحمل نظرتها ليك لما تفتكر كل حاجة يبقي هتخسرها
رعد بسخرية: فاكر زمان كنت بتقولى ايه لو لؤلؤة اختارت هتختارك انت صح
ظافر بتاكيد: ولاخر يوم في عمرها هتختارني انا وهتشوف.
رعد بعصبية: ماسة لؤلؤة لازم تسافر مصر حالا وفي هناك دكاترا كتير
ماسة: بس هي لسه تعبانة وغلط نحركها
رعد بحده: اتسرفي ولو مش عارفة انا هتسرف
ماسة: بس ظافر
رعد بغضب: لأول مرة من 16 سنة هخيرك بين بنتك وبنك وانا وبين ظافر
يوسف بعصبية: انت اتجننت يا رعد بتخير ماسة بينكم
رعد: انا قولت الى عندي لو هي بقيه علي حياتنا هتنفذ ولو
ظافر بهدوء: ماس روحى معاهم هنا أولى بيكى وحفظي على لؤلؤتي لغاية يوم مهخدها من وسطيكم.
رعد: يبقي هقتلك يوم متفكر تخدها
ظافر: هنشوف يا رعد بس انا مش بالساهل اتنسي من حياتها لو عقلها نسينى قلبها وجسمها عمره مهينسانى سلام موقت حمايا العزيز حافظ على زوجتى الجميلة لغاية يوم متسلمهالى وغادر.
نفذت ماسة أوامر رعد ونقلت لؤلؤة الى مصر بمساعدة چوزف بطائرته الطبيه المجهزه
استطاع ظافر إقناع يوسف ومازن بإرسال مايكل معهم لحماية لؤلؤة وهما قامة بدورهم بأن مايكل صديق لهم في الشرطة الفرنسية ولكن ترك الخدمة فوافق رعد على ذلك وساعدهم أيضا بأن رعد لم يشاهد مايكل ولا مرة مع ظافر ولا حتى عندما ذهب للبيت لهم لان مايكل كان في المستشفي يتلقي العلاج أثر اختطاف لؤلؤة منه.
في مصر.
وصلت الطائرة الحاملة لؤلؤة وعائلتها الى سماء أرض الكنانة وهناك كانت الإسعاف في انتظارهم حتى تتوجه لؤلؤة الى المستشفي.
مرت الأيام يليها الأسابيع يليها الشهور
قد تحسنت لؤلؤة كثيرا وفكت الجبس من على زراعها وضلوعها وها هي الان تغادر المستفشي بعد أن قضت فيها شهرين كاملين.
عادت لؤلؤة الى القصر وصعدت غرفتها ولكن شعرت بالسقعة والبرود فيها ولكن لم تبين لأحد ونامت على السرير وتركها الجميع من تستريح.
نظرت لؤلؤة في أركان الغرفة والتر تدل على حدثيتها لان مازال رائحة دهان الحوائط ظاهرة وتوجهت الى خزينة الملابس ووجدت ملابسهها مرصوصة بطريقة عملية وليس لطريقة فتاة في عمرها ووجدت مجلد فامسكت بيه وتوجهت إلى السرير الذي تشعر بيه كانه جمر من النار وابتدت تفتح المجلد وجدت فيه صور عديدة لها منذو الطفولة حتى الكبر ولكن شعرت بشي ناقص ووجدت صورة تحمل بها نمر و صورة تركب على فرسة وصورة أخري تقف بجوار مهرة وصورة أخري تقف بجوار كلب كبير وصورة وهي تحمل أسد ولكن الغريب بأنها لم تشعر بالخوف منهم ولكن شعرت بالاستغراب كيف لطفلة وهي في عمر 9 او 10 تفرح بنمر.
قطع حبل أفكارها صوت خبط على الباب فسمحت للطارق بالدخول
لؤلؤة: ادخل
مالك: لسه صاحيه
لؤلؤة: ايوه تعالى
مالك: فيكي ايه
لؤلؤة: هو احنا كنا قريبين من بعض
مالك: ايوه تعرفي انك الى سمتيني مالك بعد خناقة مع بابي
لؤلؤة: ليه هو كان عاوز يسميك ايه
مالك: كان عاوز يسميني فهد بس انتى مردتيش وتفقتي مع خالو مازن ورحتو السجل وغيرتى اسمي من فهد لمالك
لؤلؤة: وانت عجبك اسمك مالك ولا اسم فهد.
مالك بتاكيد: لا طبعا اسم مالك حلو كفاية انك الى مختاره
لؤلؤة: مين فهد
مالك: جدو فهد ده جدو بابي بس انتى كنتى بتحبيه اوى وعلشان كده رفضتي اي حد يسمي اسمه والكل وافق
لؤلؤة: هو انا عندى نمر واسد وفرسة وكلب
مالك: وكمان ذئب روسي جميل اوى
لؤلؤة: عوزة اشوفهم ينفع
مالك: خليكي يومين تستريحي وبعد كده نروح نشوفهم ماشي
لؤلؤة: ماشي
مالك: انا هروح انام تصبحي على خير
لؤلؤة بحنية: وانت من اهل الجنة.
غادر مالك وترك لؤلؤة لوحدتها مرت أكثر من 3 ساعات ولم يجافيها النوم فلبست حذاء ونزلت الى الاسفل وفضلت تتمشي في الجنينة الى أن وصلت إلى مكان الفرس وعند دخولها سمعت صوت الفرس فتوجهت إليه بسرعة وفوجئت بفرسة تضع رأسها عليها وتتمسح بها علمت بأنها فرستها فضلت لؤلؤة معها بضع الوقت وتركتها وذهبت وعند خروجها من الاسطبل شاهدت بيت حيوانات فتوجهت إليه ووجدت وعندما دخلت لم تشعر بشئ غير سقوطها هل الارض وكلب و نمر يحضونوها بشدة ويلعقونها فضحكت وضمتهم الى صدرها ولم تعلم بأنها شعرت بالأمان الذي فقدته منذو شهرين وسط تلك العائلة هي تعلم بأنها ابنتهم لانها تشبه امها وخلانها نظرت لؤلؤة وجدت اسد صغير ينظر اليها بخوف ففتحت زراعها له فتوجه إليها بسرعة واستقر بين أحضانها وفضلت تبوس فيه بحثت لؤلؤة عن الذئب ولم تجده وضعت الأسد في الأرض وحررت الكلب و النمر وعند خروجها شاهدت عيون غريبة تنظر إليها فتوجهت إليها ووجدت الذئب ينظر اليها لم تعرف اهيا نظره خوف ام حنين ام فرحة ولكن سلمت أمرها وتوجهت إليه وحملته وضمته لصدرها وخرجت بهم الى القصر وصعدت غرفتها فنام النمر والكلب على الارض مكانهم ونام الأسد والذئب بجوارها على السرير فشعرت بالأمان يغزو قلبها واستسلمت لسلطان النوم.
في الاسفل
لم تكن تشعر لؤلؤة بذلك الشخص الذي كان يتبعها منذو خروجها من الباب حتى عودتها بحيوانتها الى الداخل وكان يلتقط لها الصور والفديوهات وبعد تاكده بانها صعدت الى الاعلى ذهب إلى غرفته وأرسل جميع الصور والفديوهات الى رب عمله ولم يكن غير ظافر.
في روسيا.
اصبح ظافر يسير جسد بلا روح أصبحت قعدته المفضلة في جناح صغيرته ومدللته طوال الشهرين السابقين كان كثير التردد على المستشفيات لقله اكله وما كان يصبره على الحياة صور معشوقته التي يرسلها له مايكل.
فاق ظافر من زكرياته على رنين هاتفة برسائل وعندما فتحها وجدت صور كثيرة لمعشوقته وهي تحتضن الفرسة وهي مع الكلب و النمر والأسد والذئب وعند صعودها بهم إلى غرفتها ووجد أيضا فيديو وهي تتحدث مع حيواناتها.
فرح كثيرا لأنها فكت الجبس واستطاعت التحرك ولكن ما احزنه عندما وجد صور لغرفة نومها التي تغيرت تغير جذري لأنه هو من قام بدهن الغرفة بنفسه بلونها المفضل الروز الهادي ولكن الآن أصبحت الغرفة باللون الاصفر الكناري حتى سريرها تم تبديله أصبحت الغرفة بلا روح.
ظافر بغضب: بتلعب في عداد عمرك يا رعد والله في سماه مبقاش ظافر الأندلسي الى لما اخدها منك يوم متفتكر كل حاجه ومش هخليك تشوفها حتى ضلها هيتمنع عنك.
مرت الايام واصبحت لؤلؤة حبيسة غرفتها لا تتكلم مع احد لا تاكل معهم وأخيرا سمحت لؤلؤة لنفسها ونزلت الجنينة.
استمرت لؤلؤة في السير الى أن توقفت امام شجرة كبيرة ووجدت اسمها واسم ظافر محفورين عليها فستغربت بشدة لان لم يكن اسم احد من عائلتها وجلست تحتها وأخذت تفكر في هذا الشخص المدعو ظافر.
جلس مايكل بجوارها وبص عليها وضحك
مايكل: اخيرا القمر قرر ينور المكان ويظهر
لؤلؤة: ياترا مين القمر
مايكل: انتى طبعا يا قمر فيكى ايه
لؤلؤة: حاسه انى تايه حاسه بحاجة كبيرة ضائعة مني وقلبي واجعني اوى
مايكل: ليه كل ده
لؤلؤة: مش عارفة بس حاسه بنفس شخص قريب منى بيتالم اوى تعرف واحد باسم ظافر
مايكل: ظافر لا عرفتى الاسم ده منين
لؤلؤة: مكتوب اسمه على الشجرة ديه
مايكل: اسالى رعد بيه او ماسة هانم
لؤلؤة: ماشي.
مايكل: الهانم مش ناوية تروح المدرسة تانى ولا ايه دانتى في ثانوية عامة
لؤلؤة: مليش نفس اروح ولا اشوف حد
سكت مايكل وقامت لؤلؤة بسند دماغها على الشجرة وغمضت عيونها.
في شركة الحديدي.
ذهبت أنجي الكاشف الى شركة الحديدي ودخلت لرعد
رعد: اهلا انجي
أنجي: الحمد لله
رعد: خير لو جايه علشان صاحبك بلاش كلام افيد
انجي: صحبي ايوه انا جايه علشان صاحبي بلاش رعد تبعدهم عن بعض ظافر تعبان اوي وبتهيقلي مش هي ديه لؤلؤة المجنونة الروشة بس دلوقتي شبه الأموات بلاش تحكم عليهم بالموت والخسارة
رعد: بلاش تدخلى انتى انجي.
انجي بسخرية: جرا ايه يا رعد يا حديدي بقي يوم متفكر تهدد تهدد انجي الكاشف الامبراطورة فوق يا رعد انا نهيت مافيا ومحدش قدر يقف ادامي
رعد بهدوء: متزعليش منى يا انجي انتى عارفة يعنى ايه بنت وانتى مرحمتيش حد لمس اخوكي ابعدي عن الموضوع ده نهائي
انجي: تمام رعد سلام ااااه شغلنا ملهوش دعوة الموضوع ده تمام سلام
رعد: تمام نورتى يا امبراطورة.
غادرت انجي وذهب رعد الى المنزل وتجمع أفراد العائلة على الغداء ولأول مرة تنزل لؤلؤة وتجلس على المائدة بجوار أخوها مالك وفي منتصف الاكل.
لؤلؤة: بابي هو مين ظافر ده
ومع سماع الجميع الاسم تسمرت الوجوه ووقفت المعالق وتوقف الطعام في الحلق.