رواية ماسة الرعد الجزء الثاني للكاتبة أماني فهمي الفصل الثالث عشر
توقفنا في الفصل الماضي على سؤال لؤلؤة لرعد عن ظافر
رعد: انتى افتكرتيه
لؤلؤة: لا بابي بس هو مين
ماسة: ظافر بيكون
رعد بسرعة: انتى عرفتي الاسم ده منين
لؤلؤة: اسمه مكتوب على الشجرة مع إسمي هو مين
رعد بتوتر: ده بيكون ابن عمك عمار الله يرحمه
عمار بصدمة: ابني انا
رعد بحده: ايوه ابنك الله يرحمه
لؤلؤة بحزن: انا اسفة عمو انى فكرتك بيه
عمار: لا يا حبيبتي متعتزريش.
لؤلؤة: بعد اذنكم طلعه اوضتي بابي ممكن بكرا اروح المدرسة
رعد بحنية: طبعا يا لؤلؤتي الغاليه
لؤلؤة بهمس: لؤلؤتك الغالية
صعدت لؤلؤة الى الاعلى وجلست على السرير.
لؤلؤة: هو انا ليه محستش بحنان منه لما قالى لؤلؤتي الغاليه ليه حاسه انى كنت بسمعها من شخص تانى وليه شكلهم استغرب من اسم ظافر اااااااااااااااااااااه انا دماغى وجعتني يا رب ريحنى بقي بقالى 3 شهور على الحال ده خلاص يعني ابويا هيكدب ليه كفاية انى زعلت عمو عمار منى لما فكرته بابنه الله يرحمه صحيح فين لبس المدرسة اكيد في الدلاب.
توجهت لؤلؤة الى الدلاب وجهزت لبس المدرسة والحذاء والشنطة ووضعتهم على الرف وذهبت إلى السرير ولكن حست بالم شديد في رسها لم تستحمله فاطلقت صرخة مدوية وسمحت لدموعها بالنزول.
في الأسفل
عمار بغضب: انت خلاص اتجننت رسمى
رعد بحده: صوتك ميعلاش
ماسة: يعنى تنسب ظافر لعمار وعوزنا نسكت
ميار: على فكرة يا رعد انت هتخسر لؤلؤة للابد
مالك ببرود: لو انت فاكر انها هتنسي يبقي بتحلم وانا مش هسيب اختى الوحيدة تتعذب علشان خاطر أفكار ملهاش لزمة في دماغك
رعد بحده: انت اذاي تتكلم معايا كده
ماسة: اهدي رعد و.
سمع الكل صوت صراخ لؤلؤة فصعدو بسرعة كانت لؤلؤة تبكى بشدة من وجع دماغها توجهت إليها ماسة بسرعة وأعطت لها حقنة مسكنة وبعد شوية هديت.
ماسة: بقيتي كويسة حبيبتي
لؤلؤة: ايوة مامي اسفة نسيت العلاج
رعد بحب: ولا يهمك يا عمري
مالك: لي لي انتي جهزتي هدوم المدرسة
لؤلؤة: ايوه علشان هروح بكرا فاضل شهرين على الأمتحانات وانا في ثانوية عامة وعوزة أنجح
رعد: من الصبح العربية هتبقي جاهزة
ماسة: نامى حبيبتى الوقت اتأخر
لؤلؤة: تصبحي على خير مامي، تصبح على خير بابي
مالك: عوزة حاجة يا عمري
لؤلؤة: اه ممكن تجيب فهد و نور ليا ممكن
رعد: وليه بس.
لؤلؤة: لانى عوزة انام
رعد بغمزة: انام معاكى انا يا قلبي
لؤلؤة: هاااا لا روح استريح حضرتك وهما هينامو معايا
رعد: ماشي جود نايت قلبي
غادر الجميع وأتى مالك بفهد ونور ( الأسد و الذئب ) وتركهم معها وذهب الى غرفته.
في روسيا.
إلياس: فين ظافر كاث
كاث بحزن: في جناح لؤلؤة مش بيخرج منه خالص
لورا: بابي انا خايفة عليه اوى هو ليه عمو رعد بعد لي لي عن ظافر
إلياس: معلش لورا انا هطلع اتكلم معاه
كاث: إلياس براحة عليه
إلياس بحب: حاضر يا قلبي
صعد إلياس الى غرفة لؤلؤة و دخل وجد ظافر ينام على السرير وعيونه مفتوحة وينظر الى السقف.
إلياس: هتفضل كده كتير
ظافر: خلاص لؤلؤتي راحت مني
إلياس: بس ربنا كبير ممكن ترجع ليها الذاكرة في يوم وليلة ومينفعش ظافر الأندلسي يبقي بالضعف ده
ظافر بدموع: وحشتني اوى بابا نفسي اشوفها وحضنها ديه حب الطفولة وحب المراهقة وحب الشباب عارف لو تجمع جنس حوا كله في كفه ولؤلؤة في كفة هي الى هتربح انا بحبها اوى
إلياس: يبقي لازم تلف راجل وتستاهل انها ترجع تحبك تانى بلاش تلقيك ضعيف وهش
ظافر: يعنى اعمل ايه.
إلياس: تقوم تاخد دش وتلبس وترجع تنزل الشركه وتكبرها وتبقي ظافر الأندلسي الى لؤلؤة تستهله
ظافر: عندك حق لازم أقوي بحبها مش أضعف انا مالك قلبها وعمر مراجل يعرف يحصل عليه
إلياس: تمام انا هستناك تحت نفطر وتروح الشركة وانا اطلع اقول كلمة سر لامك بقالي فوق الشهرين مش بقولها أي كلام
ظافر بضحك: يا راجل ارحم الست شوية
إلياس: ملكش دعوة انت يالا حبيبي
ظافر: شكرا ايسو
إلياس: بس يا حيوان ايسو ديه بتاعت كاثي وبس.
نزل إلياس وبعد قليل نزل ظافر وتوجه إليهم
ظافر: صباح الورد كاثي وباسها
كاث: صباح النور حبيبي
ظافر: صباح الياسمين لورا
لورا بفرحة: صباح الورد ابيه ظافر
جلس الكل على المائدة وتناولو الفطار وتوجه ظافر والياس الى الشركة وتوجهت لورا الى المدرسة وصعدت كاث الى غرفتها.
في مصر.
استيقظ الجميع وفطرو وتوجهت لؤلؤة و مالك الى السيارة ووجدو مايكل يجلس بجوار السائق وخلفهم سيارة حرس.
لؤلؤة: هو انا كنت بروح المدرسة بحرس
مايكل: ديه أوامر رعد بيه
مالك: عمو مايكل انت بتعرف تتكلم عربي اذاي
مايكل: بسبب طبيعه شغلى بتكلم اكتر من لغه
استمر الكلام بين مايكل ومالك اكتفت لؤلؤة بابتسامة فقط
على مشارف دخول المدرسة شعرت لؤلؤة بقبضة في صدرها
مالك: فيكى ايه لؤلؤة
لؤلؤة: مش عارفة حاسة بحاجة ناقصة منى بس معرفش ايه هي بس هي حاجة كبيرة لو لقتها هستريح
مايكل: حاولى تفتكري ايه هي.
لؤلؤة بدموع: مش فاكرة مايكل مش فاكرة
مايكل: اهدي لؤلؤة أهدى شوية
لؤلؤة: مايكل انا ناسية ايه
مايكل: معرفش
السائق: وصلنا يا هانم.
نزلت لؤلؤة و مالك الى المدرسة تحت انظار الجميع ولما لا وقد حضرت الى المدرسة ملكة جمال العالم بشعرها الاصفر بلون الذهب وعيونها الزرقاء وبشرتها الخالية من اي مواد تجميل وهذا الوسيم الصغير الطاغي رجولة وجاذبية أعتقد الجميع بأنهم أجانب لان مثل هذا الجمال يستحيل يبقي مصري توجه مالك الى المبني الخاص بيه ومعه حارس وتوجهت لؤلؤة الى المبني الخاص بها ومعها مايكل.
في فصل لؤلؤة.
دخلت لؤلؤة الفصل بعد دخول المدرس
المدرس: انتى مين
لؤلؤة: انا لؤلؤة الحديدي
المدرس: انتى طالبة جديدة
مايكل: ايوه ولا
المدرس: وانت مين
مايكل: مايكل اراب الحارس الخاص لؤلؤة الحديدي
المدرس: والهانم كانت فين طول السنة
لؤلؤة بسخرية: في الساحل اصلي مش بحب الحر
المدرس: انتى هبلة
لؤلؤة بحده: اوعي تفكر تانى تعلى صوتك على لؤلؤة الحديدي لانى مش برحم وانا داخله المدرسة بفلوس اهلى واجى بمزاجي وبراحتى مفهوم.
المدرس برعب منها: مفهوم اتفضلي
لؤلؤة: عارف مليش مزاج احضر الحصة سلام
نزلت لؤلؤة ومايكل الى الجنينة وجلسو
لؤلؤة: ممكن تضحك دلوقتي
مايكل بضحك: يخربيت فقرك ده المدرس كان هيموت من الرعب
لؤلؤة بفخر: يابنى انا لؤلؤة الحديدي ومن كلام مالك عني كنت قوية ومفترية وباردة
مايكل: لا مهو باين القوة صح
لؤلؤة: ميكو انا جعانة
مايكل بصدمة: مين ميكو ده يا ختي
لؤلؤة ببراءة: انت ميكو من دلوقتى ويالا هاتلى اكل بدل ماكلك.
مايكل: مفجوعة تمام.
مرت الايام وانهت لؤلؤة امتحانات الثانوية وجلست في المنزل لا تفعل شئ
نزلت لؤلؤة وسألت عن ابوها علمت بأنه في الشركة فصعدت مرة أخري إلى غرفتها وارتدت ملابس كلاسكية بدي ابيض وجاكت من نفس لون البدي وجيب أزرق وحذاء بيج وشنطه بيج ونزلت إلى الأسفل وتوجهت الى مايكل.
مايكل: صباح العسل يا لي لي
لؤلؤة: صباح النور ميكو
مايكل: راحه فين كده وسرقة هدوم الدكتورة ماسة
لؤلؤة: أولا راحة فين راحة لبابي الشركة وثانيا ديه هدومي مش هدوم مامي وثالثا يالا بقي مش معقولة رئيسه مجلس إدارة شركات الحديدى تروح متأخرة كل ده
مايكل بسخرية: رئيسة مجلس ادارة مرة واحدة امشي ياختى بلا نيله
لؤلؤة: بكرة تندم ميكو.
بعد وقت وصلت لؤلؤة الى الشركة وخلفها سيارة الحرس ودخلت كل من يراها يعتقد بأنها سيدة أعمال من التراث الأول.
صعدت لؤلؤة وبجوارها مايكل الى مكتب رعد وأمرت السكرتيرة بدخولها
دخلت لؤلؤة الى المكتب ووجدت رعد وعمها عمار واشخاص آخرين يجلسون ويتناقشون في مشروع.
لؤلؤة: صباح الخير
الكل: صباح النور
رعد: لي لي بتعملي ايه هنا
لؤلؤة بفخر: يعنى رئيس مجلس ادارة الشركة هيكون بيعمل ايه
شخص: واااااااو مكنتش اعرف ان رئيس مجلس ادارة الشركة حلو اوى كده
لؤلؤة: اه ده انا بتعاكس بقي
الشخص: اكيد لازم اعاكس حد يلاقي القمر ده ميعكس يبقي حرام عليه
لؤلؤة: وحضرتك مين
الشخص: بدر العسافي رجل اعمال
لؤلؤة: بدر العسافي صاحب مجموعة قري العسافي في الإمارات و لبنان
بدر بانبهار: صح جدا.
لؤلؤة بغموض: خير مسيو بدر
رعد: بدر بيه عاوز يعمل قريه سياحية هنا في مصر وحنا هندخل شركا معاه
لؤلؤة: تمام حابه اشوف تصاميم المشروع
عمار: اتفضلي لؤلؤة
مسكت لؤلؤة الرسومات ولم تفهم أي شي وجاء مايكل ووراها حاجة على التليفون و بعد فترة تحدثت.
لؤلؤة: اكيد مسيو بدر مش عاوزها تقليدية لازم اختلاف
بدر: اكيد طبعا
لؤلؤة: يبقي نتقابل مرة تانية بعد أسبوع ذي النهاردة
بدر: تمام لي لي
لؤلؤة ببرود: اسمي الآنسة لؤلؤة الحديدي مسيو بدر
بدر: اكيد انسة لؤلؤة استاذن انا ونتقابل ذي النهاردة
وصل بدر الى الباب وعندما كان سيفتحة تكلمت لؤلؤة
لؤلؤة: مسيو بدر أخبار مسيو عدنان ايه
بدر: عدنان مين
لؤلؤة: متخدش في بالك مسيو بدر مع السلامة.
غادر بدر وفضل رعد وعمار ومهندس المشروع و مايكل
لؤلؤة: مايكل نفذ
مايكل: امرك بعد اذنك
رعد: في ايه ومايكل رايح فين
لؤلؤة: ميكو رايح و سكتت باشمهندس تقدر تروح على مكتبك
غادر المهندس وهو مرعوب من نظرة لؤلؤة
رعد: في ايه بقي
لؤلؤة: مين جاب العميل ده هنا
رعد: باشمهندس محمد الى كان هنا
لؤلؤة: مش عيب تكونو اكبر رجال أعمال في مصر ويندحك عليكم من شوية عيال ولاد امبارح بجد يخسارة على الرجالة.
عمار بغضب: لؤلؤة اتعدلى وتكلمى بادب
لؤلؤة: اتادب وتكلم عدل مكنش اتعذر لان الراجل الى كان هنا نصاب والمهندس كمان حرامى وانا لما سألته عن عدنان اكيد مفيش واحد ميعرفش اسم ابوة وانا خليت مايكل يجيب صورته من على النت وكان مختلف عن الصورة عرفته يا بهوات
رعد: وانتي عرفتي منين كل الكلام ده
لؤلؤة: في حد قالى قبل كده لو عوزة تبقي ناجحة لازم تجمعي كل المعلومات عن الشخص علشان تبقي ناجحة.
رعد: وانتى عرفتى الكلام ده منين
لؤلؤة بشرود: مش عارفة بس الكلام ده شخص قلهولى ومعرفش مين
رعد: اكيد جدك فهد
لؤلؤة: عوزة مكتب ليا هنا
عمار بتاكيد: صح دانتى في لحظة انقذتي الشركة من الدمار والفضيحة
لؤلؤة بضحكة: يبقي مكتب جدو فودي ملكي صح
رعد: نعم لا طبعا انتى هتخدي مكتبي وانا هاخد مكتب جدي
لؤلؤة ببرود: اصلا المكتب بيتوضب دلوقتي على مزاجي سلام رودي سلام عموره
غادرت لؤلؤة بعد ان كسبت ثقة ابوها وعمها بجداره.