رواية ماسة الرعد الجزء الثاني للكاتبة أماني فهمي الفصل الثامن عشر
مر أسبوع وانتظمت لؤلؤة على العلاج ولكن في اخر يومين كانت تشوف نفس الولد واخذت تتذكر مواقف كثيره بنهم ولكن لم تتذكرة.
جاء موعد الدكتور غادرت لؤلؤة الشركة واستطاعت الهروب من الحرس وتوجهت الى الدكتور ودخلت العيادة وجلست.
الممرضة: انسة لؤلؤة دورك اتفضلي
لؤلؤة: شكرا
توجهت لؤلؤة الى غرفة الدكتور
الدكتور: اهلا وسهلا انسه لؤلؤة
لؤلؤة: اهلا بيك دكتور
الدكتور: اخبارك ايه
لؤلؤة: حلمت بنفس الشخص تانى من اول امبارح بس الغريب انا مخفتش وفرحت اوى شوفته وهو بيلعب معايا وبياكلنى وبيشربني وبيعمل معايا كل حاجة و سكتت
الدكتور: سكتى ليه كملى
لؤلؤة: بصراحة انا في وشم على جسمى شوفته من 5 سنين بس مش عارفة معناه
الدكتور: ليه اي لغة.
لؤلؤة بحيرة: معرفش حاولت ادور معرفتش
الدكتور: ليه مروحتيش لحد متخصص
لؤلؤة بخنقة: اكيد عملت كده بس معرفوش قلولى ده علامه مميزة وهي بس نص كلمه
الدكتور: المهم حاولتى تفتكري اي حاجه
لؤلؤة بفرحة: ايوة افتكرت الولد ده وهو بيركبنى فرسة حلوة اوى
الدكتور: وهي فرستك
لؤلؤة: لا الفرسة الى معايا دلوقتى بنتها وهما قلولى انى بعت الفرسة الكبيرة علشان كانت تعبانة
الدكتور: هو انتى ليكى قناة على اليوتيوب.
لؤلؤة: ناس قلولى كده بردو بس لما دورت عليها ملقتش حاجة
الدكتور: هي اسمها ايه
لؤلؤة: اكيد لؤلؤة الحديدي
الدكتور: وليه مدوريش على اسم لؤلؤة الظافر
لؤلؤة بتعجب: لؤلؤة الظافر اذاي يعنى
الدكتور: بصي لؤلؤة انتى هدوري على اسم القناة ديه ولو ملقتهاش ممكن تستعينى بفرع شركة اليوتيوب في مصر وأكيد هتعرفي توصلي او ممكن تستعينى بحد والعلاج هتستمري عليه
لؤلؤة: انت عاوز توصلني لايه
الدكتور: هتعرفي مع الوقت.
لؤلؤة: انت وصلت لحاجة وعوزني انا كمان توصل ليها
الدكتور: بصراحة ايوه بس عوزك انتى إلى توصلي وعلى فكرة انتى مش مريضة انتى عوزة مساعدة علشان توصلي وانا موجود معاكى
لؤلؤة: شكرا دكتور
الدكتور: العفو وانا في الخدمة في اي وقت
غادرت لؤلؤة وحاولت تدور على الاسم معرفتش توصل حاولت توصل لمدير شركة اليوتيوب معرفتش.
اتصلت لؤلؤة على احدي الارقام
لؤلؤة: هاي انوش
انجي: هاي لي لي اخبارك
لؤلؤة بدموع: أنجي محتاجة مساعدة منك
انجي بلهفة: انا تحت امرك
لؤلؤة: انتى فين
انجي: انا دلوقتى في البيت تعالى يا حبيبتي
توجهت لؤلؤة الى قصر الكاشف وهو فعلا قصر بمعنى الكلمة ليليق بجلالة الامبراطورة أنجي الكاشف.
وصلت لؤلؤة وفتح ليها الحرس وتوجهت الى الداخل
لؤلؤة: مساء الخير
الخادمة: مساء النور لؤلؤة هانم انجي هانم نزله حالا
لؤلؤة: تمام
رجعت لؤلؤة رأسها الى الخلف وأغلقت عيونها وبعد فترة حست بحد أمامها ففتحت عيونها.
الشخص: انتى مين
لؤلؤة بسخرية: حراميه
الشخص: يا عسل بقي العيون الزرقه ديه حرامية
انجي: بس توماس سبها
توماس: أنجي انا بضحك معاها اصلها زعلانة اوي وفي آثار دموع على خدودها
لؤلؤة: أنجي مين ظافر
توماس بسرعة: تقصدي ظافر الأندلسي
لؤلؤة بذهول: ظافر الأندلسي مين ده
انجي: توماس بس
لؤلؤة بدموع: أنجي مين ظافر
انجي: اهدي لؤلؤة لو عاوزة تعرفي سافري روسيا وهناك هتعرفي كل حاجة
لؤلؤة: هعرف ايه بالظبط.
انجي: الى هيريح قلبك سافري لي لي وانقظي قلبك وقال غيرك
لؤلؤة: تمام انجي
غادرت لؤلؤة وتوجهت الى عيادة الدكتور ودخلت تحت اعتراض الممرضة
لؤلؤة: دكتور عوزاك تسافر معايا روسيا
الدكتور: ايه دخله المخابرات ديه
لؤلؤة: هتيجي معايا دكتور
الدكتور: ليه
لؤلؤة: علشان خايفة أسافر لوحدي شوف المبلغ الى انت عاوزة وانا تحت امرك
الدكتور: بس انا مش عاوز فلوس مش هينفع أسافر معاكي لوحدي هجيب اختي قولتي ايه.
لؤلؤة ببرود: جهز نفسك انت وهي هنسافر لبنان النهاردة بالليل
الدكتور: وبالنسبة للتذاكر
لؤلؤة: تذاكر احنا هنسافر بالطيارة الخاصة لعيلتي هقابلك الساعة 10 بالليل في المطار
الدكتور: وليه منسفرش روسيا على طول
لؤلؤة: مش عاوزة حد يعرف سلام
غادرت لؤلؤة وتوجهت الى الفيلا وجهزت شنطة ملابسها وجلست على السرير واتصلت بچوزف.
لؤلؤة: چوزف عاوزة الطيارة بتاعتك تكون في لبنان النهاردة علشان عوزة أسافر روسيا
چوزف بخضة: روسيا انتى افتكرتي حاجة
لؤلؤة: اه تقصد ظافر الأندلسي
چوزف: لي لي الطيارة هتكون هناك مع السلامه
مر الوقت واصبحت الساعة الثامنة مساءا نزلت لؤلؤة وأرسلت احدي الخدم الى غرفتها حتى تاتى الشنطة.
ماسة: حبيبتي انتى رايحة فين
لؤلؤة: مسافرة لبنان كام يوم مخنوقة اوى
رعد: من ايه يا قلبي
لؤلؤة: الفترة الى فاتت الشغل و الحادثة فاعصابي تعبانة فهسافر فترة اريح أعصابي
ماسة: سافري حبيبتي وريحي اعصابك
لؤلؤة: تمام مامي يالا سلام
غادرت لؤلؤة وبجوارها مايكل وتوجهو الى المطار وهناك قابلو الدكتور محمد وأخته وصعدو الطائرة.
وصلت الطائرة الى لبنان و اخذو الجميع ختم دخول لبنان وتوجهت لؤلؤة الى صالة أخري مغلقة ووجدت بعض الرجال الذين اخذو الحقائب منهم وذهبو.
مايكل: لؤلؤة في ايه
لؤلؤة: هتعرف دلوقتي يالا
توجهو وراء الحرس وصعدو الطائرة ووجدو چوزف في انتظارهم
دخلت لؤلؤة وجلست على الكرسي ونامت
الدكتور: اه البت ديه
مروة: هي ديه لؤلؤة الحديدي
چوزف: انتم مين
الدكتور: انا الدكتور محمد الالفي
مروة: وانا مروة بس مش دكتورة قاعدة في البيت باكل واشرب وبس
چوزف: انا چوزف رجل اعمال
محمد: تمام تعالى اقعدي جامبي ميرو
چوزف: لا انت هتقعد هنا مع الرجالة وهي هتقعد معايا قدام.
محمد: نعم
چوزف بحده: في حاجة
محمد: لا انا بقول عاوز انام تصبحو على خير
مروة: انت بتكلمه كده ليه
چوزف: اتفضلي اقعدي علشان نخلص
مروة: بقولك ايه انا مش بخاف فبلاش تعمل عليا شجيع السيما
چوزف: اقعد بقي
مروة: متعليش صوتك عليا مفهوم
چوزف: حاضر اتفضلي اقعدي يا قمر
جلست مروة بجوار چوزف وجلس محمد بجوار مايكل.
مر الوقت ووصلت الطائرة الى روسيا أصبح قلب لؤلؤة ينبض بسرعة رهيبه من الخوف والرهبة والحنين وأشياء أخري لا تعرفها.
نزل الجميع وتوجهو الى قصر چوزف وصعدت لؤلؤة الى غرفة والباقي ذهبو الى غرفهم
ولكن أثر چوزف على جلوس مروة في الدور الخاص بيه وب لؤلؤة والباقي في دور آخر.
في روسيا.
شعر ظافر بحالة من الرخاء والسعادة ولم يعرف مصدرها
كاث: مالك حبيبي
ظافر: لأول مرة من 5 سنين حاسس بسعادة وامل
إلياس: ربنا يسعدك يا بنى
كاث: ظافر هو انت مش ناوى تتجوز
ظافر بغضب: مفيش ست هتتكتب على إسمي غير لؤلؤة انتم فهمين انتى ليه محسسانى انى عجزت انا عندي 26 سنة بس
إلياس بصوت عالى: ظافر انت اتجننت اذاي تعلى صوتك على امك
ظافر: هي كل متشوف وشي تقولى أتجوز
لورا: خلاص أبية مامي مش تقصد ونبي متزعل.
ظافر بحنان: خلاص حبيبتي متزعليش
كاث: حبيبي انا مقصدش واحدة غير لؤلؤة انت عارف ان لؤلؤة بنتى انا عوزاك تخطفها وتتجوزها وتجبها هنا
ظافر: حبيبتي انتى احلى ام في الدنيا
إلياس: ورعد هنعمل معاه ايه لكن ماس اهم حاجه عندها سعادة بنتها وانت والذاكرة يا حبي
كاث: بحنية وحب حنان ظافر عليها هتحبه من جديد وهتفتكر حتى لو مفتكرتش يبنو ذكريات حلوة مع بعضهم
لورا: ايوه بقي انا عوزة افرح
ظافر: طيب خطتو كويس وانا هطلع انام.
مر الليل بحلوة وبمرة على الجميع هل تشرق شمس.
في صباح اليوم التالى.
استيقظ الجميع على امل وسعادة وخوف من الحقيقة
لبست لؤلؤة بنطلون ابيض وبضي ابيض وجاكت احمر وبوط وشنطه باللون الأحمر ونزلت إلى الأسفل.
دخلت لؤلؤة غرفة السفرة وجدت الجميع يجلس ويتناول الافطار
بيتر: هاي لي لي
لؤلؤة: هاي بيتر
چوزف: انتى رايحة فين
لؤلؤة ببرود: ملكش دعوة خلصت فطار دكتور محمد
محمد: بلاش رسمية قوليلى محمد بس وايوة خلصت فطار
لؤلؤة: تمام يالا بينا
مايكل بغضب: انتى اتجننتي هتخرجي لوحدك من غير حراسة
لؤلؤة: ملكش دعوة يالا محمد
غادرت لؤلؤة و محمد وركبو السيارة وانطلقو وخلفهم عدد من الحرس.
امين لؤلؤة السائق بالتوجه إلى شركات الأندلسي فنصاق السائق للامر وتوجه الى هناك.
بعد مرور ساعة وصلت السيارات الى مبني ضخم على التراث الحديث يحمل طابع الفخامة والعظمة.
نزلت لؤلؤة ودخلت المبنى وبمجرد دخولها ابتدت تشعر بإحساس غريب والأغرب بأن جميع الموظفين يرحبون بيها بشده وكأنها تعمل هنا منذو زمن.
توجه احدي الموظفين إليها واصطحبها الى الأسانسير وضغط على رقم 20 وترك الأسانسير يصعد بها وبمحمد.
محمد: هو في ايه شكلك معروفة هنا
لؤلؤة: مش بس معروفة من شكل الموظفين انى كنت على علاقة حلوة بيهم
محمد: احنا شكلنا طلعين عند ظافر ربنا يستر
لؤلؤة بتوهان: فعلا ربنا يستر
وصل الأسانسير الى الطابق 20 وكان يضم بابين فتوجهت الى إحدى البيبان ووجوده غرفة الاجتماعات فتوجهو للباب الآخر بمجرد دخولها وقف شاب في منتصف الثلاثين ورحب بلؤلؤة بشدة وفتح لها الباب الموجود امام مكتبة.
دخلت لؤلؤة المكتب وخلفها محمد وجدت شاب ينام على الكنبة ومغمض العيون فتوجهت إليه ونظرت له برعب ولكن يد محمد طمنتها وتركها وخرج.
جلست لؤلؤة على الارض امام وجه الشاب ووضعت ايديها على وشه.
لؤلؤة بدموع: انت مين وليه حلمت بيك امبارح وحلمت بيك وانا في المستشفي وريحة البرفان بتاعك شمتها قبل كده وانا في المستشفي وفي بيت چوزف وفي أوقات كتير كنت اسمها وخصوصا اول يوم في الجامعة وليه الرعب الى حصل لعيلتى اول مسالت على اسمك وليه ابويا كدب وقال انك ابن عمي ومت انت مين بالنسبة ليا وليه اول مدخلت البلد حسيت بالأمان والدفا برغم بروده الجو هو نفس الأمان الى بحسه مع السلسلة ديه وحسيته وانا في المستشفي انا تعبت قولى انت مين.
فتح ظافر عيونه وجدها أمامه فضحك ومسك ايديها وباسها وغمض عيونه تانى.
ظافر: انا فرحان اوى محلمتش بيكي امبارح وكنت زعلان بس دلوقتي فرحان اوى لانى حلمت بيكى لو تعرفي بحبك قد ايه من يوم ولاتك وملكتيني وسحرتنى عيونك الزرقا بقيت أسير ليهم انتى بنتى واختى ومراتى وحبيبتي وعشقتي وامى وامانى انا عارف انى قولت الكلام ده قبل كده كتير بس هقوله تانى وتالت ورابع وعاشر ومليار بدعي ربنا ترجعلك الذاكرة علشان ترجعي لقلبي تانى تحيه بحبك وبطفلتك وبجنانك نفسي اضمك لحضنى اوى نفسي اناااااام اوى 5 سنين بنام على صورتك وبس نفسي في حضنك.
في لحظة واحدة كان باب المكتب ينفتح ويدخل إلياس الذي نظر إلى لؤلؤة التي تجلس على الارض بدهشة وسعادة وتوجه اليها.
إلياس: لؤلؤة بنتى حمدلله على السلامة
نظرت لؤلؤة له باستغراب وشعرت بيد ظافر تسحبها بشده لتستقر بين احضانة
ظافر بفرحة: انتى بجد هنا يعنى مش بحلم لؤلؤتي الغالية رجعت لحضنى تانى ردي عليا يا قلب ظافي
إلياس: لؤلؤة مالك
لؤلؤة: انتم مين انا حاسه انى شوفتكم قبل كده وانت مين وشاروت على ظافر وليه حضنتنى اوى وليه الامان الى في حضنك ده انا مش فاهمة حاجة
محمد: لؤلؤة اهدي
لؤلؤة بعصبية: متقوليش اهدي انا مش مجنونة.
ظافر بحنان: بعد الشر عليكى يا قلبي
لؤلؤة بغضب: انا مش قلب حد انتم مين وايه علاقتكم بيا
إلياس: وانتى جايه هنا علشان تعرفي احنا مين ليه مسالتيش رعد او ماس
لؤلؤة: انتم تعرفوهم منين
ظافر بحنان: تعالى اقعدى بس واحنا هنتكلم
لؤلؤة بصوت عالى: متلمسنيش
إلياس بغضب اعمي: لؤلؤة صوتك يوطي انتى فاهمة
لؤلؤة ببرود ومن داخلها مرعوبة: وانت فاكر انى خايفة.
ظافر بعد شعورة برعبها من ايديها ووجدت طبقة من الزجاج في عنيونها: خلاص إلياس انتى عاوزه ايه لؤلؤتي الغاليه
لؤلؤة: عوزة امشي من هنا
محمد وهو ينظر لظافر: يالا لؤلؤة نمشي
سحبت لؤلؤة ايديها من بين ايدى ظافر ببطي شديد وغادرت مع محمد
ظافر بفرحة: ياااااا أخيرا لؤلؤتي الغاليه جت
إلياس: بس هي لسه مفتكرتش
ظافر بغموض: هتفتكر كل حاجة
إلياس: تقصد ايه مش مطمن ليك.
ظافر بضحكة: اتصل بمراتك وقولها تجهز قوائم الفرح وتبعت ليا شنطة هدوم لقصر چوزف
إلياس بستغراب: ليه
ظافر بغمزة: علشان أفضل جمب مراتى المستقبلية
إلياس: انا ليه حاسس انك عارف انها جايه هنا النهاردة
ظافر بضحكة: وحياتك من اول مقررت السفر وراحت عند محمد
إلياس: مين محمد ده
ظافر: تعالى وانا احكيلك
فلاش باك
كان يجلس ظافر على السرير في حين وجد تليفونة يرن برقم مصري فأسرع ظافر في الرد
ظافر: الو مين معايا.
المتصل: أستاذ ظافر الأندلسي معايا
ظافر: ابو انا ظافر مين انت
المتصل: انا الدكتور محمد الالفي دكتور أمراض نفسية
ظافر: اهلا وسهلا بس انا معرفش حضرتك
محمد: عارف انك متعرفنيش بس اكيد تعرف لؤلؤة رعد الحديدي صح
ظافر بغضب: انت عاوز ايه منها.
محمد: انسة لؤلؤة جاتلى العيادة علشان نفسها تحكي بس مقلتش اسمها الحقيقي وبعد الجلسة اختى عرفتها وقالتلى كل حاجة عنكم انتم الاتنين وقد ايه بتحبو بعض من صغركم اختي كانت من متابعي لؤلؤة على اليوتيوب ومن 5 سنين القناة بتاعتها اتقفلت بس اختى كانت حافظة صور ليكم مع بعض وانا قدرت اوصل لرقم تليفونك لو عاوز تساعدها وانا عارف انك لسه بتحبها لازم تساعدنى
ظافر: إي حاجة لؤلؤتي انا تحت امرك.
محمد: تمام اوى كلها يومين و لؤلؤة هتيجي العيادة هتكلم ادامها على اسم القتل بتاعتها وهقولها انها ممكن توصلها او تخلى حد يساعدها وهي مش هتلاقى غير الامبراطورة أنجي الكاشف تساعدها بس هي هتقول اسمك ادامها وهتعرفها انك من روسيا وهي هتيجي تانى ليا وهتقولى اجي معاها وانا كده يحصل هكلمك
ظافر: وليه عاوز تساعدنا.
محمد: لما كانت في المستشفي انا شوفتها ودخلت ليها العناية المركزة واتكلمت معاها بعد مشفت حالتك وحالتها وبالصدفة سمعت اسم أنجي الكاشف فخد منها ميعاد وطلب منها المساعدة وهي رحبت اوى بالفكرة وخلاص على كده
ظافر بسعادة: طيب هي هتيجي امتي
محمد: الصبر أستاذ ظافر انا هقفل دلوقتي وهكلمك تانى
باك
ظافر: وبس كده واتصل بيا امبارح وعرفنى انهم هيجو روسيا والصبح بعت ليا رسالة وعرفنى اعمل ايه وانت عارف الباقي.
الياس: الدكتور ده دماغ
ظافر: امال لما تعرف مين الدكتورة المتابعة لاحدي رسايل الدكتوراه بتاعته هتقول ايه
إلياس: اوع تقول انها هي
ظافر بضحكة: ايوه ماسة المنصوري وهي الى رتبت كل حاجة وكمان هي الى حطت كرت الدكتور في حاجة لؤلؤة وهي في المستشفي
إلياس: وهتعمل ايه
ظافر بغمزة: هرجع روحي سلام قلقاس
إلياس بغيظ: لؤلؤة بس الى تقولى قلقاس
ظافر: وانا هادبها اذاي تقول لابو جوزها قلقاس
إلياس: ملكش دعوة يا رخم.
ظافر: سلام قلقاس ادعيلى
إلياس: دعيلك يابني ربنا يرجعها ليك بالسلامة.