رواية لهيب الانتقام للكاتبة فيروز شبانة الفصل العشرون
عاد هاشم ليدخل حجرته يبدل ملابسه
وينام بجوارها
جميله: انت ماكالتش عاد كيف تنام
هاشم: ماعاوزش
جميله: لاه اكده خطر انت ماكالتش حاجه واصل وتنام يجيلك هبوط ف القلب ولا حاجه لاقدر الله
هاشم: ويهمك جوي ع الاقل ترتاحي من خلقني اللي ارفاكي
جميله: واااه انت ولد عمي مهما حوصل
هاشم: طب نامي نامي اني مالياش نفس عاد هاكل غصب يعني
جميله: خلاص انت حر اني نصحتك عاد
ونامت واعطته ظهرها
فنام محتضنها ويضع يده على بطنها.
الواد ده عامل وياكي ايه انتي ف حشاكي اغلي حاجه عندى ف الدنيا دي كلياتها خدي بالك منيه واوعاكي تهمليه
جميله: ماتخافش هو ده اللي ليك عندي
ومايخصكش غيره
فادارها اليه
كيف مايخصنيش غيره انتي كلياتك على بعضك تخصيني انتي هبله اياك
انتي مرتي فاهمه ياعني ايه مرتي وام ولدي كومان
فبكت وادمعت عينيها
هاشم: واااه ياجميله ويضع يديه على وجنتيها
ليه البكا حالا ياجميله
جميله: مافيش وتعطي له ظهرها مره اخري.
نام نام بدل ماهنتخانق تاني
هاشم: هو ماينفعش نتحدتو الا لما تقلبيها
خميره عكننه اياك
جميله: ده اني اللي خميره عكننه
هاشم: لاااه امي عاد
قطع الحريم ع اللي يقول رايد صنف حريم تاني
وهنا جاءه اتصال من عمه
نوح: معلهش ياولدي جلجتك من منامك
هاشم: لا ولا يهمك ياعمي اني لساتني صاحي خير
نوح: عندنا مشكله مع الشركه اللي بنوردلها المحصول ف مصر وعاوزين يغيرو العقد والاسعار.
فرايدك تروح ويا يوسف انت تظبط العقد وهو الحسابات والاسعار ويتاكد من حسابات البنك
هاشم: خلاص ماشي ميتي
نوح: بكره الصبح اطلع من عندك بسيارتك ويوسف هياخد ياسر ونس طريق من اهنه ويسافرو وتتقابلو ف الشركه خلص انت العقد وعاود لمرتك ومبروك ع الحمل يوسف جالي
خليها تاخد بالها من نفسها
ويوسف احتمال يبيت عشان يشوف البنك تاني يوم الحساب اتورد ولا ايه.
هاشم: خلاص باكر باذن المولي هدلي مصر واما بخلص بعاود وخد بتك وصيها بنفسك حاكم دي مابتسمعش كلام حد واصل وحطيت صوابعي العشره ف الشق منيها
نوح: كيف ده هي صغيره دي ضاكتوره وفاهمه لافيهاني
وكلمها مبروك يابتي خدي بالك من نفسك كويس وتاكلي زين عاوزينه يطلع ولد زين وراجل اكده مش حته برص اكده مايملاش العين
جميله: ههههه الله يسامحك يابوي اني برديك اجيب برص
حاضر يابوي هعمل كل إلى تجول عليه خلي بالك من نفسك.
نوح: ف امان الله يابنيتي
واغلق الخط
جميله: انت هتسافر مصر
هاشم: عندك مانع
جميله: لااه بس مابحبش السفر بخاف منيه وخصوصا سفر مصر
وهتسوق لحالك
هاشم: واني عيل صغار ولا ايه
ماتقوليش انك خايفه عليا
جميله: لااه بس ماعاوزاش ابني يتيتم قبل مايشوف بوه
هاشم: الملافظ سعد
وانتي دبش بيطلع ف وشي
اني ماخابرش كانو بيرضعوكي ايه جواليص طين عاد
فتضربه بصدره
اني بيرضعوني جواليص طين عاد
طب نام نام وجفل لاني اللي هجتلك بيدي.
هاشم: وهو يقهقه فقد استطاع ان يستفزها
جميله تضرب فيه ابتضحك عاوز تجنني فيحتضنها خدي بالك من ولدي وبلاش تنطيط اليومين دول عاد ومرواح ومجي للمستشفي
اجزي هبابه على ما العيل يثبت
جميله: انا فعلا هكلمهم اخد اسبوع راحه حاسه بتعب
فاتخض هاشم مالك حاسه بايه نقوم نروح المستشفي هناك عنايه اكتر
جميله: لاه مايستدعيش اني دكتوره وخابره زين دي اعراض عاديه للحمل دوخه وهبوط واكده يعني.
هاشم: لو حوصل اي حاجه اتصلي بيا فورا لو ف نص السكه هعاود
جميله: لا ماتخافش اني زينه مافياش حاجه اني بس اللي عاوزه اريح هبابه على ما انظم نفسي
هاشم: طب يلا نامي بقي عشان هقوم من بدري اسافر
جميله: لااه لازمن تاكل قبل ماتنام انت هتقوم بدري تسافر وماهتاكولش وممكن يحصولك حاجه وانت سايق
هاشم: خلاص خليكي هسخن اي حاجه ماهخلصش منيكي
وفعلا اكل هاشم ونام ليستيقظ باكر ويذهب.
راويه: لازمن سفريه مصر دي عاد
يوسف: وااه واني رايح العب ولا ايه
ده شغل
راويه: طب اجي وياك
يوسف: تاجي فين ياسر جاي معايا ف عربيتي واخوكي هيقابلنا هناك
راويه: طب اوعاك تروح اهنه ولا اهنه ولازمن بيات ماتاجي كيف هاشم
يوسف: هاشم هيخلص العقود ويعاود عشان مرته لكن اني هنتفق ع الاسعار واشوفهم وردو الشيك ف الحساب ولا ايه
راويه: طب ماتشوفه ف فرع اسيوط لازمن ف القاهره
يوسف: وااه ولدي على حجري وادور عليه.
اني هناك عشان لو ماتوردش اروح لهم ولا لو اي مشاكل ف الحساب اظبطها
راويه: ماشي بس ماتتاخرش عليا
يوسف: هو اني بقدر ابعد عنيكي دانتي ملكتي الروح والقلب
راويه: وانت كمان يايوسف عارف اني بحبك اد ايه
يوسف: ماهو اكده ماهسافرش والواد ملطوع ف العربيه لما حمض وريحته طلعت لهنه
راويه: طب بالسلامه ياحبيبي تروح وترجع بالف سلامه.
ياسر: ايوه يابيري احنا جايين مصر اهو
بيري: طب زي ماتفقنا عاوزنها مفاجاه
ياسر: ماشي ياسيتي.
وفعلا ذهب ياسر مع يوسف حجز حجره جلس بها ياسر لحين انتهاء يوسف من عمله
وجاء هاشم انهي عمله وسجلو العقود بالشهر العقاري وسافر هاشم اما يوسف فاستمر معهم لمناقشه كيفيه الدفع والاقساط وما إلى ذلك وبعد الانتهاء عاد للفندق
يوسف: انا استويت وعاوز انام
ياسر: تنام ايه احنا ف مصر
بس ناملك شويه عشان تفوق بليل معانا
يوسف: والله ماقادر مستوي ع الاخر
ياسر: نام بس هبابه واني هصحيك في جماعه اصحابنا عزمينا
يوسف: مين.
ياسر: ناس اصحابنا من ايام الكليه
يوسف: لو قدرت افوق بقي ابقي اجي معاك
ياسر: لااه دا عاوزين يحتفلو بجوازك ياعريس
يوسف: ماتقول مين دول
ياسر: مفاجاه.