رواية لهيب الانتقام للكاتبة فيروز شبانة الفصل العاشر
نزلت جميله فوجدت ابيها وعمها ويوسف فنادي عليها ابيها ان تاتي المكتب فهو يريدها في شيء هام
وفعلا دخلو جميعا واغلق الباب عليهم ليتحدثو في سريه تامه ولكن هاشم كان ينزل السلم وسمع اصواتهم داخل المكتب
نوح: شوف يايوسف ياولدي
منعا ياولدي للمشاكل مع ولاد عمك لازمن تتزوج راويه بت عمك
يوسف: وااه بت الخدامه
اخرتها اتزوج بت خدامه ده عمي هرب عشان يتزوجها تاجي انت وتزوجني بتها اتجنيت عاد ولا ايه.
لاااه طبعا ماموافقش عليها
نوح: احترم نفسك ياولد ماتنساش ياولدي انها بنت عمك وكمان لها زي اختك ف كل شيء
مش بدل ماتتجوز حد غريب والارض تتفكك وتروح للغريب
يوسف: ملعون ابوالارض ع اللي رايدها
نوح: وانتي ياجميله هتتجوزي هاشم
جميله: واااه هاشم مين ده اللي عاوزني اتجوزه البهيم ده كيف التور الهايج مش شايف جتته داني كيف البرص جمبه.
وهاشم يرد في نفسه بقي اني بهيم يابهيمه والله لاربيكي على قله ادبك دي ثم يضحك على تشبيهها لنفسها كالبرص كويس انك عارفه نفسك
جميله: ده بيهددني امال لما ابقي مرته ده هينفخني نفخ وينفضني لاااه يابوي اني مابخالفش اوامرك يابوي بس ده بالذات لاااه والف لاه مارايدهوش مابحبوش
يوسف: مين ده اللي يستجري يمد يده عليكي ماحداكيش رجاله دااحنا نلبس طرح عاد والله لو هوب ناحيتك لاجتلهولك.
نوح: اني ماليزمنيش الكلام الفارغ ده حب ايه وكلام فارغ ايه ماهو واد زين وطول بعرض اهو ماله مافيش ف الناحيه زييه وطالع كيف بوه وهبه كان زينه الرجال
جميله: لااه يابوي احب على يدك اني انفذلك اي شيءالا اكده
فامسك نوح قلبه وبمسكنه انتو عاوزين تقضوا عليا عاوزين تموتوني فجرت جميله اليه
لا يابوي خلاص احنا موافقين ماتعملش اكده
يوسف: موافقين ايه اكلمي عن نفسك هو هيشتغلنا عشان ياثرعلينا.
جميله: بس يايوسف بوك. مريض قلب وممكن يجراله حاجه وعمل نوح نفسه مغمي عليه
جميله: واااه بوي فوق يابوي
هم ياعمي انت ويوسف احملوه يريح ف اوضته وخرجت وجدت هاشم هم معاهم شيل عمك لفوق فحمله هاشم ويوسف لان همام كبير ف السن ووضعوه على سريره وجميله تبكي
هجيب الشنطه حالا واكشف عليه
واحضرت شنطتها لتقيس الضغط وتطمان عليه واعتطه حبه تحت لسانه
وبدات في افاقته وبدا يستعيد وعيه.
خلاص يابوي كلنا موافقين واحتضنته وهي تبكي ونوح يغمز لهمام ان خطته الشيطانيه نفعت
نوح: خلاص نعمل فرحكو كلكو مع بعض كمان شهر
جميله ؛ واااه على طول اكده
نوح: هنستنو ايه عاد
هتكونو نفسكو خير ربنا كتير
والقصر كبير هتعيشو فيه
ويمسك قلبه
جميله: خلاص يابوي االي تشوفه وتنظر لهاشم بغضب وهو ينظر لها بشماته وبابتسامه ساخره وجاءت راويه تجري على عمها
خير ياعمي في ايه بيجولو تعبت خير حوصل ايه
نوح: خير يابنيتي بجيت زين.
مبرووك فرحكو كمان شهر
راويه: لااااه وتضع يدها على فمها وتنظر ليوسف بقهر
وليه السرعه دي ياعمي احنا لسه ماعملناش شيء
همام: اللي ريداه اشري عليه ويكون عندك غرفه يوسف وغرفه جميله هندهنهم ونغير العفش تشتروه على كيفكو وانتي هتبقي مع يوسف وجميله مع هاشم
وكادت البنتان تموتان قهرا
ويوسف متضايق اما هاشم فلا يعجبه ف الموضوع الا قهرتها ورضوخها للامر.
وبدات راويه وجميله يوطدان صداقتهما واخوتهما وينزلان يوميا لشراء لوازم الفرح وكل منهم غير سعيده بهذه الزيجه وكانت راويه تذهب يوم فقط ف الاسبوع لعملها فقد تحملها اصدقاءها لمعرفتهم بانتقالها من البلد وحاولت عدم الاحتكاك بزميلها تذهب لحصصها وتعود مسرعه وقبل الفرح اخذت اجازه ولم تفصح الا للقليل بهذه الزيجه وانها ستعود بعد الزواج لتعمل اجراءات نقلها.
وهكذا كان حال جميله تذهب للمشفي ف المدينه وايضا للوحده الصحيه واخذت اجازه لايام الفرح على امل العوده بعد الزواج.