رواية لهيب الانتقام للكاتبة فيروز شبانة الفصل السادس والعشرون
احمد يحدث نفسه والله ياعمي بعد اللي شوفته ده حلال فينا الطخ ويبقي جليل علينا
بت معجونه بميه عفاريت
مجنونه صح ومخها طاقق
اما همام فاخذ ابنته
والله يابنت الكلب لو هوبتي ناحيه اوضته تاني لهولع فيكي
احترمي نفسك عاد
مش عشان مدلعك هتسوقي فيها
سمرا: والله بابوي ماهو كيف ماانت فاهم فيه سؤ تفاهم
همام: سؤ تفاهم والله عال
راحاله بقميص النوم وتجولي سؤ تفاهم اكويس اني مادفنتكيش هناك.
سمرا: والله ماحوصل بناتنا حاجه يابوي
همام: واني هستني اما يوحصل
خشي اوضتك وهقفل عليكي بالمفتاح وهاخده ف جيبي لحد اما اكتب عليكو واياكي حد يعرف اللي حوصل هقطع خبرك
سمرا: حاضر يابوي
واجفل عليه هو كمان عشان تتاكد ليهرب
همام: عندك حق
وذهب ليقفل عليه
احمد: طب ليه اكده ياعمي
همام زياده استحراص عشان اعرف انام ماعرفش انام بسببكو
ودخل همام لزوجته
فهي كبيره ف السن ومريضه
ام سمرا: فيه ايه ياهمام
همام: نامي ياختي نامي.
نايمه على ودانك ف العسل ومادرياناش بحاجه واصل
بتك كتب كتابها بكره
ام سمرا: واااه على مين عاد اللي اتقدم ف انصاص الليالي اكده
همام: على ولد عمها احمد
ام سمرا: يانهار الهنا يازين مااختارت احمد شاب زين ومحترم
همام: ايوه ياختي محترم جوي جوي
نامي نامي بدل مااولع ف البيت كلياته انهارده
ام سمرا: اباي ماله الراجل ده
حد يضايق عشان هيجوز بته.
انا مالي اما نام اني مش جادره للهري ده ان شاء الله يولعوا كلياتهم بجاز وسخ هيتعبوا جلبي ليه بلا فلقه
ونامت مره اخري.
وف الصباح
احمد يخبط وسمرا تخبط
سمرا: افتح يابوي عندي درس
احمد: افتح ياعمي عندي محاضرات
همام: اهمدو انهارد اجازه
سمرا واحمد: بمناسبه ايه
همام: بمناسبه جوازكو
هبعت لهاشم عشان يحضر
وهقول ليوسف هتبقي قاعده رجال بس وماعاوزش حديت كتير لو حد سأل ليه اكده ولا السرعه دي ليه مفهوم
سمرا واحمد: حاضر
بس افتح وما هنعملش حاجه هننزلو نقعدو وياكو تحت بدل الحبسه اكده.
همام: لاااه هتقعدو ف اواضكو محبوسين اكده عشان تحترمو نفسيكو
سمرا واحمد: خلاص حرمنا والله
سمرا: عاوزه اخش الحمام يابوي حرام عليك
همام: اعمليها على روحك ماهفتحش
احمد: طب افتحلها تدخل وخليني محبوس واما تطلع ابقي افتحلي واحبسها
همام: ماشي وفعلا نفذ ماقال
وهي تتحايل عليه
يابوي ماينفعش اكده الله يرضي عليك
همام: اخرسي يابت عاوزه تجبيلي العار اياك
ماعاوزش حسك يطلع لحد مانجيب المأذون ونخلصوا من الشوره الهباب دي.
وفعلا اتصل بهاشم ياتي وكلم يوسف ونوح وحضر نوح وتم الزواج وجاءت جميله اما راويه فلم تات حتى لا تري يوسف وتحججت ان امها مريضه ولا تقوي على الحركه وستظل معها
وبعد كتب الكتاب
احمد: اني نفذت كل شيء طلبته
وسمرا بقت مرتي دلوقيت
وامي ماجاتش كتب الكتاب ولا اختي
اني هاخدها الليله عند امي ونعاود تاني
همام: ماشي بس ماتتاخروش
احمد: مسافه السكه ونعاود
وفعلا طلع احمد لعروسه
اجهزي عشان هنروح لامي تباركلنا.
سمرا: واااه دلوقيت
احمد: اه دلوقيت وقلت ل عمي كمان ووافق
وفعلا اعطاه يوسف سيارته حتى يذهب بها ويعود فهو لا يريد الذهاب والاحتكاك ب راويه حاليا حتى لا يعرف احد شيئا
اما هاشم فاخذ جميله بسيارته
وفعلا ذهب احمد وسمرا
ليبارك لهم الجميع ويهيصوا لهم
وجميله تميل عليها
وقعتي الواد ده كيف اكده بالسرعه دي
سمرا: والله ماعيملت حاجه هو اللي اكفي على بوزه لوحده
فتضحك جميله على كلامها
فيجذبها هاشم اليه.
فيه ايه اكده فشتك عايمه ليه
خفي ع البت وهمليها ف حالها
جميله: واااه واني هعملها ايه يعني دايما كابتني اكده
اااه
هاشم: فيه ايه حاسه بحاجه
جميله: لاااه بس ابنك طالع شقي كيف بوه ابوه يزقلني بطوب من خاشمه
وهو يزقني برجله معرفاش هلاحقها منين ولا منين
هاشم: اباي عليكي
انتي عارفه اني عاوز ايه حالا
جميله: ايه
هاشم: احملك واهبدك ع الفرشه دلوقيت
جميله: اكويس ان الناس جاعدين ويانا
هاشم: ماشي هتروحي مني فين مسيرهم يمشو.
وفعلا اخذ احمد سمرا مره اخري
ليعود بها للقصر
وف الطريق
يكون ف علمك إلى فات كوم واللي جاي كوم تاني
انتي دلوقيت مرتي
يعني تحترمي نفسك معاي
وماتكتريش ف الحكي
وتسمعي كلامي
اجول يمين تقولي امين
سمرا: واااه ليه ساحب بقره اياك
احمد: اهااا لساتنا بنجول بسم الله
وهنبتديها غباوه اهااا
سمرا: كيف يعني ماليش عازه ولا راي متجوز بهيمه
احمد: ايوه اكده عليكي نور عاوزك كيف البهيمه لا تصد ولا ترد
ومن هنا ورايح
ايكون ف علمك.
هوديكي الدرس واجيبك
سمرا: كيف يعني انت بتكون ف الكليه او الصيدليه
احمد: لو ف الكليه تتصلي تقولي راحه فين ولو كنت رجعت هعدي اخدك ماكنتش يبقي تتصلي اول اما تخرجي وتعرفيني رجعتي ميتي البيت وهسال اللي ف البيت
ولو ف الصيدليه هاجي اوصلك واعاود وارجعلك اما تخلصي
سمرا: واااه ليه الخنقه دي ابتعمل حصار عليا
ده كلياته عشان غلطه مابقتش واثق فيا.
مع الاسف كتير من الفتيات عندما تخطيء وتعترف بخطاها لمن تتزوجه يظل الشك يساوره في جميع افعالها وخطواتها مع انها احبت ان تبدا معه بدايه جديده وتدفن ماضيها سواء كان حب او خطوبه سابقه وكانت تحب خطيبها
ولكن للرجل طبيعه اخري
حتي للمراه نفس الطبيعه في هذا الموقف فلو اشار لها على واحده احبها قبل الزواج لصنعت لها تمثال واخذت ترجمه بالشباشب يوميا حتى لو ان زوجها لم يعد يحب هذه الفتاه ستظل عقدتها...